|
رد: *. أرغب بكتابة مستجداتي .*
اهلا بعودتك عزيزتي روح
الحمد لله امورك الى خير وان شاء الله ربنا رايد لك العوض الآن الله يفك كربتك ،، ماعليه جاهدي نفسك بالرقية وسورة البقرة عشان حياتك وحياة اولادك ،، والله كررريم |
رد: *. أرغب بكتابة مستجداتي .*
أختي الكريمة روح الطير نصيحتي لك ربي يعافيك هو انك لا تفكري طويلا في أسباب ما تعانين منه ...فأمراض الروح متشابهة في الأعراض الحسد والمس والسحر.. حتى الرؤى ليست دليلا قاطعا فقد تكون من العارض وهذا يحدث كثيرا في أوقات العلاج الروحي ركزي فقط على العلاج و الالتزام بالصلاة في وقتها والتحصينات والدعاء .،،والعلاج ليس يوم ويومين بل استمرار على الرقية حتى تلمسي بنفسك العافية الجسدية والروحية ...اعتبري ما أصابك إنما فرصة لإصلاح ما بينك وبين الله فهو منحة وليس محنة بعون الله أنصحك بأن تقرأي الرقية و أن تشغلي البقرة في البيت كل يوم ربي يرفع عنك وعن كل مبتلى |
رد: *. أرغب بكتابة مستجداتي .*
http://fatwa.islamweb.net/fatwa/inde...waId&Id=178657
هذه فتوة للشيخ المنجد عن نثر الملح وانه من البدع أنتبهوا ياأخوان وياأخوات |
رد: *. أرغب بكتابة مستجداتي .*
.
. . الله يفرج عليك أختي روح داومي على الرقية وسورة البقرة فإن أخذها بركة وتركها حسرة و لا تستطيعها البطلة صحيح راح تمري بظروف صعبة خلي عزيمتك وإصرارك أقوى وكلما فترتي جديدي العزيمة ولا تستسلمي لأفكارك واحساسك تتعبي في العلاج فترة ولا تتمي طول عمرك أنتِ تعبانة ✨ مره قريت قصة واحد قصها وهو مسحور وأبناءه وزوجته مر بأقسى الظروف لين ما ربي فتحها عليه واعطى معلومات جدا جدا قيمة تنفعك وتنفع كل البشر لما تتغير مفاهيمك وأفكارك راح يسهل عليك العلاج بإذن الله |
رد: *. أرغب بكتابة مستجداتي .*
،
إذا تسمحي أحط مقتطفات من كلامه حافظتهم عندي ... |
رد: *. أرغب بكتابة مستجداتي .*
السلام عليكم ورحمة الله .. أهلا بعودتك أختي روح الطير الله يحفظك وزوجك وأطفالك من كل حاقد وحاسد وكل سوء وكل شيطان رجيم .. أن شاء الله دائما تبشرينا بالخير .. |
رد: *. أرغب بكتابة مستجداتي .*
حسبي الله على كل ساحر
حسبي الله ونعم الوكيل اقري سورة البقرة يوميا استمري على الرقية الله يشفيك من السحر وربما ماتشعري به من السحر وقولي للشبخ الرؤيا لانه بعد الرقيا تزيد الرؤيا |
رد: *. أرغب بكتابة مستجداتي .*
يارب تعافيك
لكن استمري واجبري نفسك على سورة البقره وزمزم ورشي بيتك بملح مقري فيه لان الشياطين تكره الملح عن تجربه |
رد: *. أرغب بكتابة مستجداتي .*
هلا روح .. اسأل الله أن يتم عليكم السعادة والاستقرار , أتمنى أن لا تضعي في بالك أن هذه المرأة هي التي فعلت لك السحر ( على فرض أن هناك سحرا ) حتى لايكون بذمتك شئ .. لأني في يوم ما اتهمت من قبل امرأة مقربة بأني سحرتها !!!! هل تصدقين؟ لماذا قالت ذلك؟ لأنها رأتني في المنام برؤية معينة وسألت مفسرا وقال أني أنا من سحرها !!!!! لا حول ولا قوة إلا بالله , ماهذا الإفتراء , وكيف هذا المفسر سهل عليه أن يتهم أعراض الناس . |
رد: *. أرغب بكتابة مستجداتي .*
روح انبسطت ع مستجداتك الحمدلله حتى يبلغ الحمد منتهاه..
ارقي نفسك وحصني نفسك وعيلتك واستودعيهم الله والله خير حافظا.. |
رد: *. أرغب بكتابة مستجداتي .*
شيهانة
انا ماني مقتنعة بحكاية السحر .. اتوقع (عين) و الله اعلم ..!؟ و ما أضع بذمتي .. يارب سامحني لكن بغض النظر عن اي عمل .. هي ليه تخرب علاقتي مع اخواتي و مع قريباتي !؟ و ايش سبب اصرارها على دخول منزلي و من بعده تسافر و تدخل بيت قريباتي و تعمل بيننا مشاكل و قطيعة ! و فجاة تختفي من حياتنا بعد ما فركشت القروب !؟ و بنفسها قالت ( انا كنت أكرهك كذا .. كره شديد من غير سبب ) يعني ما كانت أحاسيسي السابقة ( كذب او توهمات ) . . و قريبتنا هذه .. من الدرجة الثانية .. يعني تقرب لامي الله يرحمها .. بس انهم نقلوا من المدينة الي فيها اهل امي و سكنوا عندنا بنفس المدينة .. و عشان كذا امي كانت تواصل أمها .. و انا ما كنت أشوفها غير بالنادر جدا .. المهم .. من افعال اهل ابو - قريبتنا - و متاكدة و كانت امي الله يرحمها تخفي عننا .. لانها ما تحب تتكلم عن أقاربها أبدا و حتى لو قدامنا نحن اولادها و بناتها .. جد قريبتي .. ابو ابوها .. كم مرة طلق زوجته .. و اولادها و هو .. يجيبوا - محلل - يدخلوه في فندق مع امهم .. و بعدين يطلقها المحلل .. و ترجع لزوجها .. ( يعني ما في شي اسمه حلال و حرام ) و هي أطلقت اول مرة لما تزوجت .. بسبب زوجها عرف انه لها علاقة مع واحد من اهل ابوها و انها - ليست بكر - .. و امي بس الي عرفت و كتمت الخبر .. و انا عرفت لوحدي من زمان و ما قلت لاحد .. بس سالت امي الله يرحمها .. و تغير وجهها و بعدين قالت ( كاني سمعت كذا .) و هي الى الان .. ما تعترف بشي اسمه حلال و حرام .. ايش الي يمنعها انها تعمل شي يسبب لي الضرر !؟ اذا قطعت مشوار سفر .. عشان تحرض الاقارب على بعض !؟ هي معروفة من زمان في عيلة امي بسلوكياتها بس ما عرفت غير بعدين لما دخلت في قروب اهل امي .. كانوا الكبار يقولولي ( طنشيها هي كذا ) لما يشوفوها تغلط علي و تسبني سبات و شتايم اخجل اقولها لكم .. ابسط شي ممكن أقوله من سباتها .. ( تفووووووا عليك ) .. بدون سبب .. !!!؟ اذا شافتني دخلت و رحبوا بي .. تقوم ترحب بهم .. و تقول لي ( انقلعي ) و تحط لي صورة ( البراز الله يعزك ) الي في الأيقونات .. و بين يوم و ليلة تقول صرت احبك !؟ و مصرة تدخل بيتي !؟ . . ما ابغى اتهمها بشي .. لاني ماني مستفيدة شي و علاقتي بها انقطعت نهائي و تماما .. تكفي علاقتي بأمها و بأختها و بالمناسبات .. و هي قريبتي هذه؛ مرات تقاطع أمها و اختها .. و لما جات زارتني .. جلست تسب في ابوها قدامي و قدام اختي و قدام بناتها .. و ما تركت شي ما قالته عنه .. و سبت أمها و اختها قدامي .. و سبات و دعاوي عليهم .. مو كلها دلائل .. !؟ و انا امي الله يرحمها كانت تحبّني و تهتم فيا .. و علاقاتي ممتازة الحمدلله .. من يوم دخلت بيتي .. و خرجت .. كل شي تلخبط في حياتي و علاقاتي كلها .. اي احد احبه أو اقرب منه .. تخرب العلاقة فجاة بدون سبب مني او منها .. حتى المصيبة الي اكتشفتها و صارت من زوجي .. قالوا أصحابه انه مشي بالطريق هذا بشكل واضح جدا من شهر ذو الحجة و لحد ما كشفته في شهر 6 هجري .. و هي دخلت بيتي في ذو القعدة .. و شغالتي تركتني بدون سبب في شهر 3 .. و قبل ما اسفرها بشهرين و ثلاثة و هي كل شوية تتضارب مع ولدي الصغير و خفت عليه منها .. و تغيرت علينا فجاة .. و تكرهني بدون سبب .. و لما سافرت ؛ تتصل علي بعد سفرها بأسبوع و تقوم ابغى ارجع عندك مدام .. !!! و لما أداوم في وظيفتي بعد اجازة الولادة بشهرين .. صحبتي و أعز زميلاتي و اقرب لي من اخواتي .. تقول لي متغيرة انت .. و فيك اكتئاب ما بعد الولادة او فيك شي مختلف مو انت روح الطير الي اعرفها .. و اخواتي و اخواني .. ما رحت لهم يمكن 4 أشهر اقل شي .. اختفيت عنهم و لا اسال و لا ادور عنهم .. ما ابغى اشوف احد .. . . و ليه اختفت كل الأعراض لما الشيخ أعطاني العلاجات !؟ و قال لي فيك فعلا شي .. و تاني شيخ أكد على كلامه .. و كلهم معروفين هنا مررررررة . . و ماحد غريب دخل في حياتي ( غيرها ) فجاة تدخل .. و فجاة تختفي .. و تختفي بعد ما تعمل مشاكل و تدخل بيتي بعد اصرار عجيب منها !؟ . . عالعموم .. انا مسامحتها دنيا و اخرة ان كانت هي .. عشان امي علمتني أكون كذا .. ^_^ و يكفي اننا ما نتقابل وخلاص .. و علاقتي بها انتهت .. مجرد - سلام - في المناسبات .. و حتى مافي كيف حالك .. :) ما يستاهل أضيع وقتي على ناس زي كذا .. ^_^ و الكلام هذا ما قلته لاحد .. و نصه فقط هو الي قلته لأختي .. لكن عن اهل ابوها و أسرارهم ماحد يعرفه غيري و قفلت عليه اصلا .. |
رد: *. أرغب بكتابة مستجداتي .*
#. تركيزي :
على أولادي .. بيتي .. نفسي .. مستقبلي .. دراستي .. وظيفتي ( ديني ) اهم شي .. و زوجي .. و امي و أبوي الله يرحمهم و اخواني و اخواتي .. |
رد: *. أرغب بكتابة مستجداتي .*
امس شفت ردك ياروح في موضوع اشغلتني دنياي
لما قلتي انك صلحتي كوزي لزوجك قبل شهر حاولت اشوف مشاركتك بتأكد انك رجعتي لزوجك والا لاني من زمان عن المنتدى فكانت المشاركات كثير ومالقيت مشاركتك اللي تبين انك رجعتي لزوجك كيف رجعتي له عن طريق المحكمة والا تصالحتوا انتم الله يسعدكم ويجمعكم على خير لاتنسي تقرأين سورة البقرة راح تحسين بتحسن كبير واذا في سحر راح تشفين منه بإذن الله والزيت المقري فيه والمويه المقري فيها كمان بتنفعك . |
رد: *. أرغب بكتابة مستجداتي .*
انا ودي افهم شغلة وحدة
هل انتي لازم تقتنعي انه سحر (بحيث ان قريبتك تجي وتحلف لكي انها عملت السحر وتجيب لكي الساحرة اللي عملت لها السحر واثنين شهود يشهدون ان هذه هي الساحرة اللي عملت السحر لها عشان ترشه في بيتك) عشان تكملي العلاج الروحي مع الشيخ؟ |
رد: *. أرغب بكتابة مستجداتي .*
8
انا اؤيد كلام عضو قديم ... وترا هالوسوسه بتخليك تهملين علاجك والمواظبة على الرقيه والاهتمام بها |
رد: *. أرغب بكتابة مستجداتي .*
أنا ما أحاول أشغل بالي بالتفكير في الموضوع هذا ..
عشان أخاف أوسوس كذا مع نفسي .. و الشيخ أعطاني شريط ( رقية علاج العين ) للشيخ عبد المحسن العبيكان .. مكتوب .. علاج العين .. و قالي اخر مرة رحت له .. إني اسمع الشريط بإنصات ،. فاحتمال و من ضمن توقعاتي - انه عين ، مو سحر - .. بس ان شاء الله مافي شي .. همس و ناسية أمس .. هو الشيخ أعطاني زيت مقري و موية زمزم و سدر .. . . |
رد: *. أرغب بكتابة مستجداتي .*
#...............................................#
بعد اللي صار اخر مرة ، أم زوجي و أنا ما صرنا نتواصل .. و هي غلطت علي .. و أنا خلاص بعدت حالي .. و ارتحت من كل شي .. و زوجي يبغانا بعيدين عن بعض ، و هو يعرف طبع اهله .. و انهم صعبييين مرة مرة .. و مع اني دقيت عليها عشان اعيد عليها بعيد الفطر ، بس قفلت بوجهي الخط و غصب دمعت عيوني لإني انهانت كرامتي .. و خلاص انقطعت علاقتي بهم .. مع العلم إنها عارفة اغلاط ولدها و تعرف الحمدلله اخلاقي و عدم تقصيري معاه .. بس أنا ما اسكت مثل سلفتي لما يغلطوا عليها ، ارد باحترام و اخد حقي و ما اخلي احد يغلط علي .. . . عالعموم .. كنت انصح زوجي بالبر بوالدينه .. لإنه كان - ما يزورهم غير بالنادر - و يغضبوا عليه .. و نصحته يعطي لأمه من راتبه كل شهر 500 ريال .. و الحمد لله من شهرين صار يعطيها .. و ما تعودوا أهله منه التعامل هذا .. و أولادي مرات ارسلهم مع أبوهم ، لكن بالنادر .. لإنهم ما يسالوا عن احفادهم و لا يهتموا فأنا انصحه عشان أولادي ، و عشانه ، و عشان ربنا طبعا .. و لإنه كان زمان ينصحني اني ابر في امي الله يرحمها .. . . المهم .. حماتي دقت علي ، اتصلت علي .. و هذا شي غريب و جديد .. منها .. ما رديت لإني ما عرفت الرقم و كنت نايمة ، دقت على زوجي و سالت عني حتى هو استغرب ، لإني ما اجيب سيرتهم و لا هما يجيبوا سيرتي .. و عرفوا طبعي و عرفت طبعهم .. و طبايعنا جدا مختلفة في كل شي .. و هما شديدين مرة .. ngt المهم .. أمس دقت و ما انتبهت و قالت لزوجي ، إنها اتصلت عشان .. تبغى تتصالح معايا .. عشان ( نصف شعبان ) .. و قالت أبغى اتصالح مع - روح الطير - إيش اعمل ؟ انصحوني .. fgfg:rolleyes: اتصل عليها اليوم ، و أكيد لازم ازورها هي و ابو زوجي .. اخد لهم شي معايا ؟ |
رد: *. أرغب بكتابة مستجداتي .*
اكيد تصالحي معاهم ,, واعرفش ما بتقصرين وبتستوين رسميه معاهم
عادي كوني رسميه وبراحتش .. لكن الصلح ما ينرد |
رد: *. أرغب بكتابة مستجداتي .*
أيه حبيبتي اتصالحي ..
أنا برايي ألحين بالتلفون بس كلميها.. وليلة رمضان زوريهم واخذي معاك شي .. ومش لازم ترجع العلاقات قوية .. لكن كمان ماتكون قطيعة نهائية .. والله يهديهم يارب.. حبيت هالمستجد .. أحسه فال خير إن شاء الله .. |
رد: *. أرغب بكتابة مستجداتي .*
فيه شيء مخفي من طلبها المفاجئ للصلح وبهذا الاصرار
على العموم الصلح خير اتصلي عليها ( بحكم انك اصغر منها بالسن ) وخلينا نشوف ايش عندها واكيد راح يتبين لك ولو خيط بسيط يدل على سبب التغير المفاجئ في سلوكها نحوك |
رد: *. أرغب بكتابة مستجداتي .*
مرة سلفتي زعلت
و ام زوجي خلت ولدها يضرب زوجته راحت بيت اَهلها و تركت الأولاد و رجعت لهم بالإهانة و الذل و اشترطوا عليها .. . . اتصالها غريب مثل ما قال الأخ عضو قديم و قلبي مو مرتاح .. بس راح أقوم بالأصول و الواجب و ارجع اتصل عشان ( ربنا ) .. مرة قلبي مو مرتاح أبدا و الله يستر . . زمان لما كانت تصير كويسة معايا و زي كذا أحسن نيتي اكتشف انه ورآها فيه شي او مصلحة او أوراق بنكية او قرض او كفالة او او .. و لو رفضت بذوق أني اورط حالي مع البنوك .. ترجع تقلب تعاملها معايا بجد كنت مرتاحة :( |
رد: *. أرغب بكتابة مستجداتي .*
انا حاطة احتمال انه زوجها قالها تتصل !
لانه يمكن شافوا زوجي صاير كويس معاهم !؟ و اول مرة من نفسه يعطي فلوس لأبوه !؟ كذا جاء ببالي .. وًالله اعلم بس والله ماني فايقة و رايقة للمشاكل ! hg |
رد: *. أرغب بكتابة مستجداتي .*
معليش أقدمي حسن الظن على سوء الظن ..
اتصلي بس خلك حذرة .. وعلاقتك خليها سطحية ومحدودة .. لا ترجعي زي أول عشان ماتتجرأ وتطلب مال وغيره .. |
رد: *. أرغب بكتابة مستجداتي .*
الله يريح بالك حبيبتي روح ويسعدك دنيا وآخرة
ويبعد عنك عيون الحاسدين وكل شخص بردلك السوء وبالنسبة لحماتك ام زوجك اتصلي عليها واحكي باخلاقك وخليكي رسمية وحاطة حدود فرحت كتير بمستجداتك ويا رب دايما نسمع الاخبار الطيبة |
رد: *. أرغب بكتابة مستجداتي .*
ما شاء الله تبارك الرحمن ان زوجك تاب توبة نصوح وتغير كثير كثير للافضل ..ربي يهدي سركم ويسعدكم ويسعد اولادكم
وربي يبعد عنكم اولاد الحرام ..والله احس ان قريبة امك تكن لك كل الحقد والكراهية ارجوكي اخرجيها من حياتك ومن راسك وكلي الله سبحانه وتعالى عليها .. استمري في الرقية عزيزتي ان شاء الله ينفك السحر |
رد: *. أرغب بكتابة مستجداتي .*
روح بشري .. كلمتي ام زوجك ؟؟
|
رد: *. أرغب بكتابة مستجداتي .*
اقتباس:
و ما كأنه كان فيه شي .. بعدين قبل لا اقفل السماعة ، قالت لي ( راح نجتمع في الليل في بيت ولدي الكبير .. تجي ؟ ) ترددت الصراحة .. و تلخبطت ماعرفت ايش اقول عاد هي من قبل .. كانت تتضايق لما أقول ( أخد رايي زوجي ) بس أنا كذا تربيت في بيت أهلي ، و هي تشوف إنه ولدها ( ماله كلمة على زوجته ، و تحسب اني اصرفها ) لإنه زوجي ماله رايي عندهم .. . . قلت لها ( طيب اشوف فلان اذا فاضي اليوم ) قالت ( لا .. شوفي انت اذا فاضية اليوم و لا لا ؟ ) قلت لها ( آآآآآ ggg .. ايه ما افتكر عندي شي اليوم ، بس الخميس عندي دوام ، و اليوم فاضية ) قالت خلاص تعالي لو فاضية .. . . في العصر لما رجع زوجي من الدوام .. قلت له أبغى أروح ، لاني وعدت امك .. قالي ( لا .. مو لازم .. قوليلها زوجي رجع من الدوام تعبان و ما رضي يقوم ) ghh ^ ^ ما رضيت اسمع كلامه - مثل زمان - و بالأخير ما تصدقني و تحسبني أنا اللي ما أبغى أروح و زوجي يطلع نفسه بريئ من ورايا .. و انا اروح فيها .. gfn كنت زمان اسمع كلامه ، بس خلاص دحين اعمل الشي اللي اشوفه صح .. fgf . . صحيته بعد العشاء ، لإنه رجع من الدوام العصر .. و دوامه الساعة 12 الليل .. و قلت له نعدي على محل شوكولاتة ، و أخدت كيكة لبيت اخوه .. و اخدت لحماتي ( صحن شوكولاتة من محلات مثل باتشي ) مغلف و مزين بفصوص و ورود .. طبعا هو كان رافض اني اخد اي شي .. لكن اصريت اني .. ما أروح و يدي فاضية .. و قلت له ( لا يتدخل بليز ) .. ghh . . بس رحت و سلمت عليها ، و استقبلوني كويس .. هي و زوجات أخوان زوجي - سلفاتي - و بنات اخوان زوجي .. و أخت زوجي .. و بس .. . . أتوقع ، و الله أعلم .. إنه أبو زوجي هو اللي مسويي حاله دحين زعلان .. لإني قلت لزوجي بعد كم يوم ، أبغى أروح أسلم على أبوه .. و لما سأل أمه ، قالي ( مو لازم خلاص ) .. و صرفني .. و ما رجعت طلبت منه بعد كذا .. . . و أنا انسانة ما اعرف اعتذر .. وخاصة اني ماني غلطانة في شي ، عشان اعتذر .. ghh و ما أبغى اذل نفسي له .. هو من يوم المشاكل اللي صارت بسبب ولده ، عمل حاله زعلان .. و طبعا حماتي ما حكت له بالضبط تفاصيل المشكلة .. و فهمته الشي اللي يكون ضدي .. و حاليا هي - راضية - ، لكن ما راح تقدر تقول له إيش كانت الحكاية بالتفصيل .. عشان لا يقلب عليها و على ولدها .. عشان كذا .. واثقة من حالي إني ماني غلطانة بشي .. |
رد: *. أرغب بكتابة مستجداتي .*
ياحلوك ياروح
انتي من الناس الي احب اقرى لهم عندك شفافيه رهيبه |
رد: *. أرغب بكتابة مستجداتي .
لي عودة للردود
يسعدك ربي ( مبتعثة ) و انا احس روحك قريبة من روحي مرة كثير .. حساسيتك تشبه حساسيتي جدا .. . . زرت اهل زوجي اول يوم و فطرنا هناك .. و ابو زوجي تعامله كويس معايا و يبتسم لي و يمزح معايا عادي .. . . انا كلامي قليل معاهم .. و ما اعرف اذا ذهابي للشيخ كان فيه تأثير علي !؟ . . كنت زمان احس بضيقة و كتمة و رغبة بالبكاء اذا جيت أروح عندهم .. دحين اختفى الإحساس هذا ! . . حتى فيه وحدة من العضوات هنا .. أفتكر كتبت انها ملاحظة علي اني متغيرة من 4 أشهر .. و هي الفترة الي اخدت فيها علاج الشيخ .. احس اني رجعت لطبيعتي من بعد زيارتي للشيخ .. . . كلمتني حماتي و تبغى تجيب ملابس داخلية لأولادي عشان العيد .. طبعا اول مرة الصراحة .. ما عمرها جابت لهم شي .. . . ابغى اجيب لهم هدية بسيطة للعيد .. ام زوجي و ابوه و اخته الصغيرة .. ايش ممكن اخد لهم !؟ ما أبغى شي مرة مكلف .. خلينا كذا كويسين و لا استعجل و ارجع افتح أبواب .. ابو زوجي يعطيني في العيد ( عيدية ) مثل بناته .. شي بسيط .. بس اسمه عيدية .. ^_^ . . اخته اذا جيت اجلس في سفرة الفطور .. تتوصل فيا و مع انها كانت ما تعاملني زمان كويس .. تقول هذا لروح الطير .. ايش سبب تغيرهم - ماشاءالله - للافضل !؟ . . أولادي ناكرين الجميل .. لما يشوفوا ابوهم .. ينسوني .. بس احسن هههه .. افتك منهم .. ^_^ . . ايوة ؛ كلامي قليل مرة مع اهل زوجي .. و احس كذا افضل .. عشان كذا كمان علاقتنا دحين احسها افضل و رسمية نوعا ما .. يعني الاحترام ما بيننا .. |
رد: *. أرغب بكتابة مستجداتي .*
الله يتم نعمته عليك ياروح ويسعد قلبك دوم يارب
ان شاء الله اهل زوجك ماوراهم نوايا خفية رمضان فرصة تتسامح القلوب وتتصافى علشانكم وعلشان اولادك |
رد: *. أرغب بكتابة مستجداتي .*
حبيبتي بفضل الله ثم فضل الرقيه
راح تشوفين اشياء كنتي متغيبه عنها انا بعد رقيتي حتى الالوان شفتها جمييله ولما نروح اي مكان كنا نروحه دايم اتفاجئ اني اشوفه جمييل كملي رقييه ولاتتهاونين الانتهاء من الرقيه والعلاج انتصار لك |
رد: *. أرغب بكتابة مستجداتي .*
سبحان الله يعني كلهم تغيروا كذه مره وفجأه !
روح كل انسان في له جانب سئ وجانب جيد .. والظاهر كنتي ما تسوين زوم غير للجانب السئ والسلبي ,, بديتي انتي تتغيرين مش هم , وتشوفينهم بعين ثانيه وتسامح اكثر .. مش يمكن مشاكلش مع زوجش خلتش ناقمه على الكل حتى على خواتش ,, وبعد ما تعدل زوجش وارتاحت نفسيتش بدت الامور تشوفينها بصدق ووضوح اكثر ومن غير تضخيم للامور .. اذا النفسيه استقرت .. بدت ترضى وتستريح مع الي حواليها |
رد: *. أرغب بكتابة مستجداتي .*
حبيبتي روح الله يديم عليكي نعمه ويسعدك اكتر واكتر
حبيبتي هيدا بفضل الله سبحانه وتعالى وما تتركي العلاج داومي عليه كلام الله عظيم الله يبعد عنك عيون الحاسدين ويرزقك راحة البال دنيا وآخرة احترامي |
رد: *. أرغب بكتابة مستجداتي .*
روح حياتي
في مثل عندنا يقول كثرة الحك تطلع الدم العلاقات رسميه فاراح تكون جميله لفتره اذا رجع الوضع سري مري بترجع المشاكل لذا قنني الزيارات وخلي الرسمية دايما بينكم الله يصلح الحال |
رد: *. أرغب بكتابة مستجداتي .*
كوكي
معليه مابغى تشكيك في كلامي .. انا عارفة ايش بأعمل .. اهل زوجي .. خلاص عرفوا انه مافي امل بمضايقاتهم السابقة و عارفين اني انا كذا خلاص .. باختصار ( عرفوا حدودهم ) هذا اولا .. و الدليل انهم دحين ( هما الي تغيروا ) .. بس انا اخدت بنصيحة الأخوات هنا و قالولي ( استمري و خليكي رسمية ) انا لو فتحت المجال .. راح ترجع مشاكلهم من جديد .. هذا اولا .. ثاني شي .. زوجي و بالرغم من اني كنت مقاطعتهم .. كنت اقول له يواصل أمه و ابوه و يعطيهم مصروف شهري .. و هما يعرفوا ولدهم اكثر مني .. و لاحظوا و شافوا التغيير في ولدهم .. و أكيد بيربطوا تغييره الإيجابي بزوجته .. زمان كان ( عاطل ) .. يعني من فين يعطيهم مصروف و أولاده و نفسه مو قادر يصرف عليهم ! . . اما اخواتي .. ما تغيروا يا كوكي .. مثل ما هما .. استغلاليين انا الي تعلمت .. و فهمت الناس .. و انا لو اطيح .. مافي واحدة منهم راح توقف معايا .. هذا شي و الشي التاني .. اخواني الاولاد بعد الي صار من محاكم و غيره .. عرفوا اني كنت متحملة كثير و ساكتة .. و صاروا واقفين معايا و يدافعوا عني .. لأنهم عرفوا الحقيقة .. زمان يحسبوا انه أختنا موظفة و زوجها يدلعها و هي مو عاجبها شي و كانوا شايفين انه هو الطيب المسكين .. و كانوا اخواتي يبالغوا و يقولوا لاخواني الاولاد زوجها يحبها و هي تشوف نفسها عليه لانها موظفة و معاها شهادة و ماعرف ايش .. . . الله يسعدك كوكي .. اقري كلامي من جديد .. انا ماقلت فجاة تغيروا كلهم .. . . و فيه شي ماقلته .. اخت زوجي دخلت الجامعة هذه السنة .. و كانت تقابلني كم مرة .. و أكون انا مع دكتورات او استاذات او إداريات و تروح تنقل لاهلها الشي هذا .. و كم مرة كانت تجي تسلم علي .. اذا كنت واقفة معاهم .. و شي اخير .. اخر مشكلة حصلت بسبب ولدهم .. هما عارفين العيب من ولدهم .. لكن انقطعنا بسبب خجلهم من فعايل و عيوب ولدهم .. وًلاني اكتشفت الأمور الي كانوا يخبوها عني .. و فضحته و وصلت الأمور للمحاكم ما حبيت اتفصل و اخرج عن الموضوع الأساسي .. و هو البحث عن كيفية التعامل معهم .. . . و ابو زوجي من زمان و انا اقول علاقتنا كويسة لكن ام زوجي تغار و هي تكذب عليه و خلاص ما ابغى أتكلم عنهم .. و ما ابغى احد يشكك بكلامي .. . . انا تغيرت كثير يا كوكي .. ما صار يهمني احد .. و قلبي ميت .. صرت انانية و عشان كذا .. صاروا يحسبوا حساب لي .. و أطنش كثير .. و مالي دخل في احد .. كانت اختي تستغل محبتي لأخواتي و تجي تشتكي من سوء معاملة زوجة اخوي لها و إهانتها لها و لما انقهر على اختي و اقول ليش كذا ! مايصير !؟ طيب صارحيها او خلاص عامليها رسمي .. يعني اعطي حلول لأختي .. تروح اختي و تاخد كلامي و تحط له بهارات و تقول لاخويا .. عشان تشحنه علي و اني انا اكره زوجته و اني أحرض اختي على زوجة اخوي .. و دحين لو تنحرق و تجي تشتكي من اي وحدة.. مالي دخل .. و أغير الموضوع .. فماحد صار يقدر يمسك علي شي .. . . و بعدين لما كنت اكتب هنا اي موضوع .. كنت باتعلم من نصائح الأخوات و الاخوان و اطبق في حياتي .. ما أجي افضفض و خلاص .. . . لكن حكاية اني انا الي كنت غلطانة و انا كنت اشوف الجانب السيء فيهم !؟ فالكلام هذا غلط .. انا الي كنت طيبة بزيادة مرررررة .. و بشهادة الكل .. |
رد: *. أرغب بكتابة مستجداتي .*
و مثل ما قالت ام سما و يوسف
بسبب انه العلاقات رسمية الان .. فصار الكل ملتزم حده .. و حتى اخواتي يقولوا لي ( مبعدة نفسك و ما نشوفك دائماً ) صرت مكتفية بذاتي عزيزتي كوكو .. و مكتفية بأولادي و نفسي .. زمان كنت لما اشوف نفسي سعيدة .. و مرتاحة .. أزعل على اخواتي او اخواني و أحب اني اعطيهم اي خير او فايدة عندي .. و كانت الي تحسبني أتمنن عليها و الي تفسر مساعدتي اني أذلها او الي يحس انه ناقص بسبب محبتي وقتها لبذل الخير لهم او الي تقول ( تسوي نفسها طيبة مرة ) .. بس دحين - انا انانية - و أفكر في نفسي .. الطالبات و الشغالات الحمد لله يحبوني مرررررة .. طيب ليه !؟ و هذولي احسهم كفاية .. ^_^ لانهم اقل مني و انا ما استغل قوتي في اني ادعس غيري .. . . اروح اجهز الافطار ^_^ |
رد: *. أرغب بكتابة مستجداتي .*
#. طبعا لا نستهين بالدعاء .. و فضله
قبل لا اروح بيت اهل زوجي .. أردد مع نفسي .. ( اللهم رد كيد اهل زوجي الى نحورهم ) ( اللهم اكفني شر اهل زوجي و شر اهلي ) و أردد دعاء الاستخارة .. في اي قول او فعل او قرار اتخذه مع ام زوجي و ابوه و اخوانه . . من شدة آبو زوجي .. اخوات زوجي يقولوا لو تطلقوا او أزواجهم بهدلوا فيهم و ضربوهم و تزوجوا عليهم .. مستعدين يهربوا و لا يرجعوا يعيشوا في بيت اهلهم .. و سلفتي تقول لي خليك كذا افضل .. يحترموك مو مثلي انا .. يستعبدوني و كل وقت استجابة دعاء .. أردد انه ربي يكفيني شرهم .. و الدعاء أقوى من السحر .. . . لكن أبدا .. و متاكدة .. انه السبب ما كان مني .. عاملتهم بالطيب .. و عشان كذا .. عرفوا مقداري لما قاطعتهم .. و عرفوا اني ما عمري غلطت عليهم أبدا .. و اخواتي .. صاروا لما يحتاجوا لأحد .. في الأخير ما يلاقوا احد غيري و الحمدلله .. في وقت الشدة .. كلهم يبعدوا عن بعض و يهربوا و يتحججوا .. و الحمدلله ما أتخلى عنهم و لا اتشمت فيهم .. و اطفالهم يحبوني مرة .. وًالاطفال يعرفوا الشخص الطيب من المنافق .. . . دحين تجي وحدة و تجلس تقول ( تمدح حالها ) . . ردي مجرد توضيح .. و ما كنت حابة اقول الأشياء هذه .. الزبدة / انا عارفة نفسي :) |
رد: *. أرغب بكتابة مستجداتي .*
( ممكن إغلاق الموضوع )
مابغى مسار الموضوع يتغير .. ^_^ شكرًا وًاستفدت من جميع النصائح |
رد: *. أرغب بكتابة مستجداتي .*
لو ماكنت طيبه ياروح ماكان سامحتي أهل زوجك وزرتيهم بنفس حلوه
الله يسعدك وتشوفي العوض بأولادك |
رد: *. أرغب بكتابة مستجداتي .*
يغلق ......
|
| الساعة الآن 03:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©