|
رد : زوجي لم يطلقني
هو شرط وانتي وافقتي
يعني بكرا اي شي بتطالبين فيه بيقولك كان شرطي وانتي وافقتي لكن لو مكانك بقول زواج زي الناس ولا اقلب وجهك<<يعني مو كذا بس مع الحماس:) كذا بيعرف انك عارفه حقوقك ومتمسكه فيها لو على حساب بناتك واتوقع كان بيغير رأيه ولا ما تعنى يجي لحدك |
رد : زوجي لم يطلقني
من خلال معرفتي لشخصيتش القويه والمندفعه
ما راح تستمرين على هالكذبه بنقول بتمشين شهر شهرين وفي الاخر بتنفجرييييين لانه وضع غير طبيعي ابدا واي انثى ما راح تقبله ممكن تخدع نفسها في البدايه وتتأمل فأفضل اختصري على نفسش التعب النفسي وخسارة الكرامه |
رد : زوجي لم يطلقني
مبتعثة والله في سماه ماصرت احبه
صدقيني هالمرة غير تخلى عني باصعب الظروف مطلق بعد ولادتي بخمس شهور كيف احبه وكيف باقي حتى اطالع بوجهه زي ماقلت مبثعته حبيبتي لازم يصلح لبناتي التأشيرات في حالة صار شي انط عند اهلي خالي باي لحظة اكلمه يجي يأخذنا عند اهلي بس افهموني ابعطيك اخر فرصة عشان بناتي وعشان اذا طلعت هالمرة من حياته بطلع بصك طلاق وكل شي ينتهي انا خاطري عافه ورب الكعبه ماني قادرة اجي حتى بمكان هو فيه اي حب راح احب واحد من يوم عرفته وهو يجرحني |
رد : زوجي لم يطلقني
ليش اعيش بدون حقوق عشان بناتي ؟؟؟
طيب لو يدمر نفسيتي من جديد مقدر اربي هالبنات والله انهم يحسوا فيني لاصرت سعيدة ولا مقهورة اربيهم وانا مطلقة وبالي مرتاح وش بيصير يعني بس عشان لايقول ملقوفه ع السفر برى المملكة وودها بس تهج |
رد : زوجي لم يطلقني
كوكي تحليلك صح
مارضاها ع نفسي ليش جايبني من الشارع عشان اعيش بدون حقوق واعرف نفسي ماراح اصبر وأتحمل بناتي اسلخ جلدي عشانهم واربيهم احسن تربيه بدونه انا لي حملت فيهم وتعذبت يوم جلسوا بالحضانه وذقت انواع للخوف والقلق وهذه هديه الرحمان وبرمضان ربي ماخيب رجاي وبفضل الله ثم دعائكم تعودت ع بعده وصرت اهتم بنفسي زي زمان وانا مرتاحة الحين وأصعب فترة مرت علي اكتئاب شديد وجاني وش باقي يجيني عقب هذا كله مادري وش تحمل لي الايام لكن اسال الله يجعل فيها ماتسرني وتاكدوا اني مستحيل اقبل هالوضع بناتي امي تعطيهم حنان الكون وهي تلعب دوره باكمل وجه خلاص اقتنعت في بعده راحة |
رد : زوجي لم يطلقني
^
كيف مستحيل اقبل هالوضع وانتي وافقتي ..؟! |
رد : زوجي لم يطلقني
فيلسوفه انا ماقبلت انا رايحة عشان التأشيرات والم اغراضي ومع نفسي اقول خلال هالفترة يمكن يراجع نفسه
بس قلت له بوجهه وإمام اهلي اني مو موافقة وقال اذا تبين تعيشين في بينك ويصرف ع بناته ويشوفهم كل يوم ويدفع الاجار بإمكاني اجلس او اللحق ع اهلي |
رد : زوجي لم يطلقني
طيب ما دام يصرف على بناته ويدفع الايجار
بقي المبيت وحقك الشرعي يعني المفروض استفسرتي منه قصده ما فيه مبيت ولا تقسيم ايام بينكم ولا فيه حقك الشرعي ولا كيف كلام عام وبس ولا يبغى ياخذ حقه الشرعي بدون مبيت ولا يوم لك يعني المفروض جلستوا لوحدكم تفهمين منه بدون احراج يمكن استحى من اهلك |
رد : زوجي لم يطلقني
لا فيلسوفه سالته هل لي حق المبيت وحقي الشرعي قال لا
بس يسير ع بناته كل يوم ويشوف مقاضينا وخلاص وقال حتى لو تبين ورقة طلاقك هي لك واجلسي مع بناتك في بيتك انا قلت له رافضة هالشي يا تجلس معي كزوج يا تطلق وكلن بدربه بس يصلح التأشيرات للبنات واذا ماجاز لي الوضع لحقت ع اهلي هذه فكرتي |
رد : زوجي لم يطلقني
مساء النور لمسه
الله يسر أمورك لما فيه خير لك و لبناتك ، و يحنن قلبه على بناته اللي لسه ما فتحوا عيونهم و محرومين من حنان الأب لدي استفسارات ليه. ما بده يطلقك رسمي و يصلح تأشيرات البنات هل مابده تسافري معهم او... و كذلك هو أب فهل لاحظتي انه غير مهتم ببناته منك زي ابنائه من الاولى و هل هو كأب يعتبر حنون على أطفاله و يفصل مشاكله الشخصية عن حبه لأطفاله ام شخصية مهزوزة |
رد : زوجي لم يطلقني
هلا ندى حبيبتي
والله لو شفت منه زمان انه مرة يينهبل ع بناته كان ماسافرت لاهلي يلاعب بناته فترات واكثر وقته ع التلفزيون بالعكس عادي عنده لو اسافر مع اهلي برى المملكة مايرفض شي والان راح يرجع جدة لحاله بجوزات البنات وانا بجلس عند اهلي قلبي تهرب من الروحة معه لميت اغراضي وفالاخير قلت لا ما امشي انا استخرت وقلبي يتهرب من الرجوع معه بعد احتاج اجلس لحالي قبل لا اخذ اي قرار لانه مرتبط ببناتي والله يكتب مافيه الخير انه ع كل شي قدير اشكر تفاعلكم معي الله لايحرمني منكم |
رد : زوجي لم يطلقني
لاحول ولا قوة إلا بالله
ليش كذا ما عاد فيه رجال الله يعوضك باللي يثمنك ويعرف قدرك. |
رد : زوجي لم يطلقني
استخيري والله يكتب لك الخيره لموسه
الحمدلله ربي رزقك اجمل نعمه وجربي يمكن يصرف ويحن على بناته |
رد : زوجي لم يطلقني
صباح النور
الله يجبر بخاطرك و خاطر بناتك يا لمسة و يحنن قلب أبوهم عليهم حتى لو مش عايش معهم اهم شيء حق بناتك و نفقتهم و أوراقهم و فهميه انه هدفك من الزواج الستر و العفاف و ليس تربية البنات و بس و انه ممكن يزورهم في اي وقت الله يكتبك اللي فيه الخير |
رد : زوجي لم يطلقني
أكبد ندى حبيبي
|
رد : زوجي لم يطلقني
الله يفرجك همك حبيبتي ... واحمدي ربك ربي عوضك ببناتك يعوضونك عن الدنيا وما فيها ولا الرجال ماوراهم الا الهم الا من رحم ربي..
|
رد : زوجي لم يطلقني
فديتك احبه حبيبي الله يرزقك من فضله
|
رد : زوجي لم يطلقني
لمسه وش قررتي
|
رد : زوجي لم يطلقني
كان بيروح لحاله ويأخذ بس جوازات البنات
شوي اخر روحته مدري وش أسبابه وباقي لي بس اليوم لانه بيسافر بكره في حيرة حتى بالسفر لبيتي اللم اغراضي احس بثقل كنها جبال فوق صدري كارهة ارجع لبيتي صارلي شهور عنه اكيد غبار وحالته حالة واكثر من احد الاسباب المهمة بيت اهلي ماشاء الله فيلا وبناتي ماخذين راحتهم بكل شبر ومرح وسيع ونظيف وماثت لشكل راقي وبيتي اقل منه بدرجات لو ارجع اسكن فيه يبغالي اغير كل الأثاث حتى ترتاح نفسيتي الله يوجهني للطريق الصح ضايعة اموري مشكورة حبيبتي مبثعته ع اهتمامك الله يخليكم لي ولايحرمنا بعض |
رد : زوجي لم يطلقني
كيفك لمسة ، في نقطة ما فهمتها هو بيرجعك على اي أساس ( انتي ما خلصت عدتك ام بعقد جديد ام انه لم يطلق أساسا ) زوجك يتهاون في طلاقك و مصيرك في هذه الأمور يا ابيض يا اسود ( يعني مطلقة و تشوفي حياتك او ما طلقك و تأخذي حقوقك )
|
رد : زوجي لم يطلقني
اذا كان طلق باقي ع العدة وتخلص 10 ايام اذا ماطلق هذا شي اخر
هو مثل ماقلت يبغى يرجعني ع قوله بس عشان البنات بس بدون حقوق يعني ماطالبه بشي والأمور راح تنحسم قريبا خلاص طفشت هو قررر يتحمل عواقب قراره اصلا ياندى وربي الكعبه عافه خاطري |
رد : زوجي لم يطلقني
لمسه فكري زين يالغلا
ترا رجعتك بدون اي حقوق مب سهله بتقدرين تتحملين !!!!!!! لا تقولين عافه الخاطر ومادري ايش عافه لو انك بعيده لكن انتي بتروحين له بتقدرين حياة معه بدون اي حقوق !!! |
رد : زوجي لم يطلقني
حبيبتي فكري عدل
رجعه بدون حقوق .. فيها ظلم لك و لبناتك طيب انتي بدون حقوق ... وهو !!??? يتنازل عن حقوقه منك و لا كيف فكري عدل و استخيري .... ترا الوضع يتغير يوم تكونوا تحت سقف واحد يوم يطلع منك و يروح لبيته الثاني ... ويتركك مع بناتك بروحكم ربي يكتب لك الخير نصيحة حبيبتي اذا بترجعي ... ارجعي زوجه لها كامل الحقوق و عليها واجباتها لا تضيعي حقك. حق بناتك |
رد : زوجي لم يطلقني
في سياق الكلام وبالصدفة اعترف لي انه مايرغبني جنسيا
وهو نفسه مدوي وش السبب المصيبة لو قحبية الوجه عادي بس انا جميلة ونظيفة لدرجة الوسوسه ولي حضوري ولي قبول مع الناس الشي هذا جرحني بس هو تكلم بصراحة ويقول يمكن عين او سحر تعبت نفسيتي بصراحة اعذاره أقبح من تصرفاته ولايمكن اعيش مع احد مايرغبني |
رد : زوجي لم يطلقني
^
قوليله مالك نيه تروح لشيخ يقرأ عليك..؟ ولا عاجبك الوضع..؟ |
رد : زوجي لم يطلقني
هذا يتلكك يالمسه
الله يعينك |
رد : زوجي لم يطلقني
يدور عذر
و يبيها تجي منك ي لمسة و حياة بدون حقوق ما تناسبك يالمسة |
رد : زوجي لم يطلقني
انا عارفة انه مايناسبني وخلاص كلها عشر ايام ان شاء الله اخذ ورقتي
لي يسمع كلامه يقول هى سيدنا يوسف في جماله والله ياخواني ماتفشخر ولا احب اصلا اوصف نفسي بس الحمدلله انا ع من الجمال والخلق باعتراف من الناس وكذالك الوحدة مننا تعرف نفسها أهي جميلية ام عاديه ام مافيها جمال وكل هالاشياء مو عيب بس الادمي يولد له اي عذر انا بصراحة ماعاد ابيه بروح الم اغراضي وتصلح التأشيرات وكلن في طريقه |
رد : زوجي لم يطلقني
مساء النور
استخيري حتى اخر لحظة حبيبتي والله صعب حتى ابسط حقك في معرفة طلاقك من عدمه حارق دمك فيها و كمان البنات رح يتأثرو بنفسية أمهم و اجواء البيت ، قولي له البنات لو فعلا ترجعنى عشانهم خط رأسك بعقلك ترى الطفل ذكي جدا و يتأثر بمشاكل والديه و جزأ من شخصيته تتكون من البيت و جو البيت و كذالك الأطفال دقيقوا الملاحظة و رح يكتشفو انه فيه خلل في علاقتكم و رح يتأثرو فزواج كهذا فهميه انه ضدحق البنات قبل و لو فعلا ناوي الرجعة عشانهم يرجعك مكرمة لأنك ام بناته كمان خبريه لو بده بجد بناته ممكن يشوفهم صبح و عشية و يكلمهم كل يوم و يخلي وجوده في حياتهم مهم حتى لو افترقتوا ، و أعطيه انتي مهلة يفكر لا تتركي الكرة في ملعبك ناقشيه بكل ما ذكرت لك أعلاه و بكل ثقة لأنك صاحبة حق حتى تبرأي ذمتك قدام نفسك و بناتك و خلي القرار يجئ منه و بالنسبة انه لا يرغبك جنسيا ولا تتاثري حبيبتي المفروض يدور عن السبب و لازم تناقشيه عن الأسباب ( هل هو مشبع من زوجته الاولى ام البعد و الجفى ولد فقدان الرغبة ام انه من النوع لي ماله طاقة لزوجتين .......و كل سبب له علاج المهم انك قبل ما تطلعي من هذه الزيجة تكوني اخرجتي كل ما في خاطرك و حاصرتيه بالاسإلة و تكوني خرجتي بضمير مرتاح |
رد : زوجي لم يطلقني
هلا انتبهت لسيدنا يوسف هههههه
شوفي شو صار معي لما كنت بالمستشفى بابني البكر الغرفة بالمستشفى لشخصين فقط و لما دخلت وجدت سيدة ( اللهم لا اعتراض على خلقك) سوداء تميل للأزرق و شعر مجعد لدرجة كبيرة ..... المهم لا توجد لمحة جمال و لله الحمد و ابنها قمر!!!!!! اسمر عادي و شعر املس كالحرير و يميل للاصفرار الأنف كأمه عريض و العيون ممكن اخضر ( لانه كان عمره يومان) و بعدها دخل زوجها ماشاء الله من لغته اعتقد ألماني طول و جمال و شعر ..... و المفاجئة يعاملها كالملكة يساعدها في تحضير حقيبتها في النهوض يكلمها بكل حنان ...... و لا شايف نفسه عليها ولا شيء و غيرها كثيرة ما ارى أمامي هنا من رجال ما شاء الله و أنتو عارفين الأوربيون و ما يهتموا كثيراً للشكل و والله شفت بعيني يعني الواقع فحبيبتي اللي يحسب نفسه او يتكبر على بنات الناس وكلي أمرك لربك |
رد : زوجي لم يطلقني
لمسه
استخيري واجلسي معاه ومعك احد وتناقشي معاه اطلبي حقك الشرعي ونفقنك في حدود الدين وان رفض خلاص سويتي الي عليك ان طاعك وابدى استعداده افتحي صفحه جديده الله يوفقك |
رد : زوجي لم يطلقني
مبتعثة تعبت وانا اجلس معاه واناقش جاني غثيان ومرارة
صدقيني الاحساس بعدم رغبته لي من زمان احس هالشي ارجعي لمواضيعي السابقة تدرين يا مبتعثة وصلت لمرحلة طابت نفسي من كل شي صرت احس بالملل معه حتى لو نرجع حياتنا سامجة ان راح للابد خيرة بس ابي اكنسله من حياتي بشكل رسمي حتى اعرف اشوف حياتي المقبله الادمي محتار ولاهو عارف نفسه وش يبغى ويدعي اني مسحورة وفيني عين وهذا لي يخليه مايرغبني أؤمن بهالشي داك الله انزله في كتابه بس ماني مؤمنة بالخرابيط |
رد : زوجي لم يطلقني
كيفكم حبايبي شخباركم
رجعت بيتي بعد تردد كبير لدرجة وانا بالطيارة كان ودي انزل اهلي سافروا واحنا قدمنا ع التاشيرة جبت غرفة نوم لبناتي لاني ماتقبلت نومهم ع الارض بعد اي شي بالأرض يلقطونه هو يجيب مقاضي زي حليب كوش ولوازم البيت وجاب لي شغالة ويلعب مع البنات وهما بعد يفرحون لا شافونه حاليا انا ساكته وملتزمة الصمت هو مايبات عندي والمفروض العدة خلصت ومدري وش قصة سكوته لا بينا فراش ولا مبيت بس يجي عند بناته ويجيب مقاضي انا راح استمر بالصمت لوقت معين وراح افاتحه بسالفة الطلاق ان كان طلقني يعطيني ورقتي ومايدخل علي البيت وانا كاشفة وان ماطلق يعطيني حقوقي كزوجة لكن حاليا ابغى اخلي الوضع يستقر شوي دامه يلتزم بامور البيت وشؤون بناته |
رد : زوجي لم يطلقني
وشلون تكشفين عنده
لازم تتبيين هالمساله |
رد : زوجي لم يطلقني
ﻻ لازم تعرفين اذا طلقك وﻻﻻ هذي مافيها تاجيل الله يرضى عليك يعني كيف رحتي معه وانت ماتعرفين ان كان محرم لك وﻻﻻ كﻻمك غريب ي لمسة ... لو ماطلق خلاص اجلي مسالة المبيت لكن لاااازم تعرفين انتي تحلين له وﻻ ﻻ ... الله ييسر امورك لما فيه خير لك
|
رد : زوجي لم يطلقني
او قصدك طلقك ورجعك بعدها ؟ لانه لو طلقك ورجعتك ذي كانت بالعدة معناته انتي بذمته الحين لكن لو حصلت الرجعة بعد يعني ﻻ تعتبري محرمة عليه
|
رد : زوجي لم يطلقني
والله صادقه راني ران لازم تجلسي معه وتساليه ايش الوضع
بس حلو انه يلاعب البنات ويشوف طلباتك ،،خلك ثقلانه عليه اجل وحاولي تخلصي أوراق البنات بسرعه قبل لايقلب الله يسخره لك يارب ويحنن قلبه عليكم |
رد : زوجي لم يطلقني
هذا شرع ودين
اساليه |
رد : زوجي لم يطلقني
حتى لو طلقك وانتي بالعده ماازال يجوز تكشف له
اختي تزيني وبالغي بالتزيين والتغنج والدلع والتبرج اذا كنت بفترة العدة انتبهي ان يكون لبسك عادي كوني بكامل اناقتك عشان نفسك وعشان يفهم انك عايشه بدونه وربما يلين قلبه |
رد : زوجي لم يطلقني
اقتباس:
وهو طلق كثير أكثر من ثلاث مرات .. وكل مرة يجيب فتوى إن الطلقة ماوقعت .. والله يا لمسة ماتدرين إنتي على ذمته ألحين ولا خلاص طلقك بائن .. ماندري هل حلال تتكشفين أمامه ولا تحرمين عليه .. كثير مستهين بالطلاق وبالشرع .. وإنتي وايد ساكتة ومستهينة بالوضع .. لازم تكونين على بينه .. تروحوا مع بعض لشيخ وتسردون أمامه كل طلقة ويفتي هل وقعت أو لا .. |
| الساعة الآن 04:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©