|
رد : أين أفرغ عاطفتي في ظل مشاكلي مع زوجي ؟
الحمد لله على كل حال
شكرا لكم اخوتي في الله اخوي اصيل كلامك اصيل مثل اسمك ادعي الله ان يهديني وينور بصيرتي ويعينني على ماطلبت شكرا لك |
رد : أين أفرغ عاطفتي في ظل مشاكلي مع زوجي ؟
اقتباس:
اسأل الله ان يهديك وأن يصرف نظرك وقلبك وبدنك عن الحرام ، اكثري من الاستغفار ، فما ندم من عاش بلسانه ، |
رد : أين أفرغ عاطفتي في ظل مشاكلي مع زوجي ؟
كم عمر زواجك منه؟؟؟
|
رد : أين أفرغ عاطفتي في ظل مشاكلي مع زوجي ؟
لا حول ولا قوة إلا بالله ماذا جرى يا أختي الكريمه ؟ أذكر في آخر موضوع لك كنت ترفضين اقتراب زوجك منك خشية الحمل وآلام الولاده ماذا حصل لك , وهل لا زال الحال كما هو ؟ حدثينا عن مستجداتك . |
رد : أين أفرغ عاطفتي في ظل مشاكلي مع زوجي ؟
8 سنوات وطفلين
|
رد : أين أفرغ عاطفتي في ظل مشاكلي مع زوجي ؟
مابه جديد اخوي ابو حكيم
بالنسبه لموضوعي ماامنعه ياخذ اللي يبيه هو مبسوط وانا ابكي من ضعفي وقلة حيلتي |
رد : أين أفرغ عاطفتي في ظل مشاكلي مع زوجي ؟
اقتباس:
تضحين بنفسك أم تضحين بأطفالك؟ أختي كل لحظة ألم في قلبك أو جسدك أو مشاعرك يقابلها أصناف من السعادة في الجنة،، أختي بعض اﻵلام تكون سبب ﻹيقاظنا من غفلة نعيشها،، الجئي لربك هو من سيجبر كسرك، القرآن يسلي وحدتك، أختي حالة الحزن التي تعيشينها هي من الشيطان،،لا شيء أحب للشيطان من أن يحزن اﻹنسان، الشيطان همه يحزن اﻹنسان ويعيش في ضيق وعدم رضا، تعوذي بالله من الهم والحزن، قيل ﻷحد السلف:ألم تصدك المحن عن الطريق؟ قال:والله لولا المحن لشككت في الطريق. أختي تجنبي التفكير في هذا الموضوع، وتجنبي المثيرات،والمقارنات، كرسي وقتك وجهدك لربك ثم لبيتك وأطفالك. إن عجزت نفذي ما اقترحته عليك حتى لاتقعي في الحرام. |
رد : أين أفرغ عاطفتي في ظل مشاكلي مع زوجي ؟
حبيبتي طولي بالك و خدي نفس عميق
ولو كان الوقت صبح .. كنت رح قلك اصرخي يا رب باعلا صوتك و ابكي حتى تنهكي من البكاء و توصلي لمرحلة الاسترخاء و بعدها تعالي و اكتبيلنا و فضفضي هون .. كلنا اخوة باذن الله و الكل بحب يساعد و يعطي مشورتو و آراءو خلينا نفهم شو القصة .. يمكن تلاقي الحل بآراء احدنا الله يكون معك و ينصرك و يخفف عنك |
رد : أين أفرغ عاطفتي في ظل مشاكلي مع زوجي ؟
اقتباس:
وما أدراك أختي الكريمه أنه سعيد ؟ ألا تظني أنه يشعر بنفورك منه وكرهك , وأنك تقبليه على مضض ؟ وقد يكون سلوكه تجاهك رد فعل لتعاملك معه . موضوعك هذا إمتداد لموضوعك السابق حيث قدمت لك الأخوات الكريمات الكثير من الحلول , ولا أدري هل طبقتي منها شيء ؟ إذا لم تحلي مشكلتك من جذورها , ستستمر معاناتك والله أعلم . |
رد : أين أفرغ عاطفتي في ظل مشاكلي مع زوجي ؟
اقتباس:
سبحان الله أتيت في بالي قبل فترة وخاصة في موضوعك السابق عندما قسونا عليك وبعدها ذهبت ، وأتفق مع الأستاذ الكريم أبو حكيم ، فموضوعك هذا امتداد للسابق ، أختي الكريمة صباح ماالذي تريديه من زوجك اكتبيه على نقاط وهل طريقته السابقة جعلتك تفقدين الأمان معه ؟! هل الخلل السابق وعدم رغبتك به وخوفك بمثل ماهو ؟! اسهبي في الحديث أرجوك |
رد : أين أفرغ عاطفتي في ظل مشاكلي مع زوجي ؟
صباح أختي الكريمة إذا لم تحلي أساس المشكلة ستهدمين حياتك كلها وستشتين أطفالك معك ، ربما تفعلين هذا ردة فعل لما كان يقدم عليه برغبته بك وأنت متعبة ومن هنا شعرت بعدم الأمان ...
ابدئي بحل الخلل الحقيقي ولا تكتبي رؤوس أقلام ، فاأنت تستحقي حياة جميلة ، هل سألت نفسك إلى متى سأظل أنا أسيرة هذه التراكمات ؟! تخلصي منها لتتحرري ولكي تنظرين لحياتك بعينها الحقيقي ، فاأنت اﻵن ترينها بعين انسانه بها ضغط شديد وهذا يحجبك عن رؤية الحقيقة . اليوم الذي يذهب لايعود ، فالحياة نعيشها مرة واحدة .. وفقك الله .. |
رد : أين أفرغ عاطفتي في ظل مشاكلي مع زوجي ؟
ياااااه
الدنيا مليانه وما عليها مرتاح طيب وين اهلك ما توسطينهم بينكم.. |
رد : أين أفرغ عاطفتي في ظل مشاكلي مع زوجي ؟
اختي الغالية صباح،،
اعلمي عزيزتي انك لست الوحيدة التي تعاني من الفراغ العاطفي فهناك كثير من النساء يعانين مثلك ولكن اذا تعذر عليهن ملاء هذا الفراغ بالطرق الصحيحة فليس امامهن سوى الصبر،، اخيتي اعتبري ماتشعرين به من احساس هو مرض مثل بقية الامراض العضوية وليس امامك خيار سوى الصبر عليه حتى يخلصك الله منه الجئي الى الله وتقربي اليه بالطاعات وتذكري بأن المؤمن مبتلى؛ لعل الله ابتلاك بذالك حتى يختبر ايمانك وصبرك وربما اراد ان يمحصك من الذنوب والخطايا حتى تستحقي جنته. غاليتي ،، لاتلتفتي لوساوس الشيطان ولا تسترسلي في التفكير اشغلي نفسك بالطاعات حتى لاتشغلك بالمعاصي حافظي على قراءة القرآن والاذكار حتى يحميك الله من كيد الشيطان،، أسأل الله ان يفرج همك ويرزقك السعادة في الدارين انه القادر على ذالك. |
رد : أين أفرغ عاطفتي في ظل مشاكلي مع زوجي ؟
ركبت مانع حمل وتركيبي له حل نص المشكله لاني ضمنت وتاكدت انه مافيه حمل مافي وجع وتعب والم
بعدها زوجي تركني. وماعاد قرب مني فرحت حييييل صرت اخاف عليه يروح للحرام قمت ماامنعه واحاول اجامل عشان ياخذ اللي يبيه هو فرح وصار مبسوط انا الحمد لله تغيرت كثير مشاكلي مثل الخيوط المتشابكه في بعض احل ايش ولا ايش طيب الحل ذا نقول انه تقريبا انحل لكن هو مايشبعني اصلا وانا ماتعجبني العلاقه معه و..و...الخ ماتنتهي ولو حلينا هالمشكله بتجينا طباعه المعفنه مثل انه اذا تزاعلنا مستحيل يقلي اسف لو تعدي شهور ماعنده مشكله عادي قلبه حجر ولو حلينا طباعه بيجيني بخلته انا غسلت يدي منه ماعاد ابي حل له ابي حل لحالي معه صبرت الين تعبت الله بس يفرج همي القران ريحني كثير اقرا في ركن وابكي الين اتعب اقفل وانام |
رد : أين أفرغ عاطفتي في ظل مشاكلي مع زوجي ؟
لما تركني وصار مايقرب مني حسيت مثل الجبل انزاح من صدري خلاص مافيه ضغط على نفسيتي ورتحت رااااحه مايعلمها غير الله جلسنا فتره على هالحال الين انا حسيت نفسي انه ممكن اتقبل الموضوع وان كل شي بارادتي مافيه شي بالقوه وهو ساعدني بالشي ذا والحمد لله تحسنت حالتي ومشي الحال هذا بالنسبه لموضوعي الاخير
|
رد : أين أفرغ عاطفتي في ظل مشاكلي مع زوجي ؟
ربي يعصمك عن الحرام ويرضك
وجعني قلبي على حالك اختي افرشي سجادتك وصلي وفضفضي همك لله ترا مشكلتك مو بهذا السوء الي الشيطان يصوره لك الله يعينك ويحميك |
رد : أين أفرغ عاطفتي في ظل مشاكلي مع زوجي ؟
اقتباس:
يعنى انتى مقتنعه ان كل مشكله بتقل حدتها بعد فتره من الزمن .. ايه المانع بقى انه يتغير للاصلح ويبفى زوج ناجح .. حقولك حاجه صباح .. انتى لو عرفتى راجل عشان تشبعى حاجاتك العاطفيه حاتخديه على الفرازه ولا اللى تقابليه تاخديه عميانى طب طلع كويس واشيع عاطفتك وحبيتيه الن تتوقى لما بعد ذلك وايضا هو .. قابلتيه وازداد تعلقك به الن تعطيه مايريد لانك تحبيه .. عطيتيه مايريد فهل تعلمى ان سطوة الجنس على المرأه من اشد انواع السطوه .. ستصبحى خليلته .. كويس ..؟ بعد فتره ستبداى بالغيره عليه وهو سيختنق منك وتنتهى العلاقه بالخيبه والخذلان وبعد ايام النشوه ستعيشى سنين الضياع وتانيب الضمير .. ايه اللى استفدناه بقى .. وطباع زوجك موجوده فى اغلب الرجال فلا مفر من التعامل معها .. جربى تغيرى من نفسك وتكونى اكثر جاذبيه وحاولى تتعايشى مع العيوب .. لن نقول لك الصبر على المكاره .. ان كان صعب عليكى فتفريق باحسان .. انما احنا صدقينى .. وقتك وهات من الآخر .. |
رد : أين أفرغ عاطفتي في ظل مشاكلي مع زوجي ؟
بداية وقبل ان تقرأي استعيذي بالرحمن من الشرور جميعها وقد جمعها الله في سورة الفلق
اكتب لك بحرص فأمعني النظر وافتحي عين عقلك حين تكون اهدافنا نحن فنحن دائما ساخطين انا اطالب انا اريد انا ارغب انا اقتني انا اود السبب: لاننا لانرى تكافؤا بين الظروف وتوقعاتنا الجميلة فنسخط حد الاحتراق وحين تجعلي هدفك الله بان تنذري وجودك لرضاه (تتوكلي عليه وتفرحي بما قسمه لك فيكفيك انه هو المعطي والمانع ) هذا كثير الحمد لله كيف اشكره اللهم احمنا هذ جميل سترين ماكنت تسخطين منه اصبح ككواكب درية من النعم تدور حولك والسبب: ارتفاع معنوياتك وقوتك الروحيه فتجدين ان هناك انسجام بين ظروفك و ماتحتاجين لإطمئنانك كمخلوقة لله يعني توقعاتك تتحول من الامور المادية الى الامور المعنوية ولا اقول امرا في غاية الاستحاله لالا جميعنا نسعى انت تستحقين هذه الطريقة من التعامل الراقي مع الحياة وهذا حقك وان اوهموك بغير ذلك وللتوفقي في هذا العمل عليك بالاتي: 1_التخلص من التراكمات النفسية التي اصبحت كمبادئ وقيم مزروعة لديك حتى العمق فتتحركين استنادا عليها 2_ حتما بعدها ستجدين انجذاب نحو تهذيب النفس بتعلم ما يفيدك في مسيرتك على هذه الدنيا وتطبيقه عمليا(نقطة مهمه تستحقينها) و حين تجدين ادب سلوكي وقلبي بداخلك وحركة مهذبة 3_فانت هنا في قرار اخلاص النية في اي عمل لله سبحانه وهنا منتهى اللذة وستجدين التوفيق والمباركة والجواب من الله بإذنه اقرأي ماكتبت عدة مرات |
رد : أين أفرغ عاطفتي في ظل مشاكلي مع زوجي ؟
ابكي في حضن زوجك بدون اي سبب لمده 3 دقائق
بإذن الله سوف تتغير كثيراً من الأشياء ودمتم في حفظ الرحمن |
رد : أين أفرغ عاطفتي في ظل مشاكلي مع زوجي ؟
حبيبتي افتحي سورة البقره كل يوم في بيتك اقرئي الرقيه الشرعيه على ماء واشربي منها انتي وزوجك واولادك
وان شاء الله راح يتحسن وضعك مع زوجك اتمنى ان تتبعي هذا النصيحه مافي بعد كلام الله الله يفرج همك يارب |
رد : أين أفرغ عاطفتي في ظل مشاكلي مع زوجي ؟
قبل فترة كنت مثلج اقول ابي افرغ عاطفتي وزوجي ما يشبعني وكلام اللهم يا كافي كله بيني وبين نفسي
يوم من الايام وانا طالعة الدوام قلت بافرغ عاطفتي بزوجي باعتبره عشيق راح يمر ويروح وافرغ كل عاطفتي فيه والله وبالله ان غير كثير من الامور اللي هو حاطها قوانين لا تغير صار متعلق فيني بشكل انا ما تصورته الغزل والكلام الحلو والهدايا ووووووو اشياء كان يسويها لشريكتي وحارمني منها بس قلت دام هو حلالي غصبن عليها يشبع عاطفتي وبالشكل اللي انا ابيه طبعا ما قلت له هالكلام بس حطيته في بالي انتي بعد سوي مثلي حبي زوجج على عيوبه وفرغي عاطفتج فيه. اعتبريه عشيق - طبعا كلامج مع العشيق اكيد بيكون ثلاث ارباعه كذب- انتي جذبي على زوجج وعيشي الحب معاه صدقيني والله العظيم الله بيبارك بالحلال موفقة حبيبتي |
رد : أين أفرغ عاطفتي في ظل مشاكلي مع زوجي ؟
بأقرأ الردود مره واثنين وعشره لقيت في بعضها اشياء مفيده لي
بس مدري اقدر اطبقها ولا لا ؟ في الاخير التوفيق من الله لكن فيني خيبة امل كبيره احس نفسي اصلا اني في حالة اكتئاب شديده وانغلاق وعزله وكره ومافيه ثقه مافيه امان مافيه راحه نفسيه ابد ....الخ... مره تعبااانه ..ودي ارتاح زي باقي الناس لان صبري نفذ ماعاد اقدر تعبت والله تعبت ماني عارفه وش اسوي بنفسي قدام اللي مسمي نفسه زوج ممثله باااارعه لكني محطمه نفسياجدا محطمه لابعد الحدود ليش انا كذا ؟؟؟؟؟؟؟؟؟؟؟؟؟؟؟؟؟؟؟؟؟؟ على فكره بدات اهلوس والله جد اكلم نفسي واعتبرها شخص ثاني اتناقش معاه تخيلواااا احيان اغني لنفسي واجلس ابكي لوحدي واواسي نفسي مدري شكله بداية جنون او هذا طبيعي الله اعلم تقولوا انتي مو لوحدك اللي تعانين طيب اللي صار له مثلي ليش انتوا مو متاثرين زيي صرت اشك في نفسي على العموم كل الشكر والاحترام احتاااج دعاء لاني ماعاد باصبر خلاص ماعاد اقدر اتحمل الله بس يفرج همي |
رد : أين أفرغ عاطفتي في ظل مشاكلي مع زوجي ؟
اساسا كان باين من عنوان موضوعك انك جد تعبانه ومو واعيه للي تكتبينه
وانتي شكلك انسانه طيبة وتنحب لوﻻ هالاكتئاب اللي فيك والا كان بانت لنا شخصية مميزة وهادية ورزينه طيب مدام انك تعبتي لهادرجه ليه ماتستشيري دكتور نفسي تفضفضين له او لها والله راح يساعدك كثير بعد الله قولي لزوجك اي حجة انك حابه مثﻻ تروحي للدكتور عشان تستشيريه في تربية اوﻻدك مثلا يعني لو خجﻻنه تقولي انك بحاجته او روحي اسبوع للحرم واعملي عمرة وفضفضي لربك لاتجلسين ساكته على وضعك اما تمرضي تو تنحرفي ﻻزم تساعدي نفسك ... الله يكون بعونك ويشفيك ويعافيك ويعصمك عن طريق الحرام ... ﻻحظي راح تتعبي كثير في البداية لحد ماترجعي لوضعك الطبيعي فرج الله همك |
رد : أين أفرغ عاطفتي في ظل مشاكلي مع زوجي ؟
السلام عليكم ورحمة الله وبركاته ..
أختي الكريمة صباح مالمانع من عدم تطبيقك للنصائح ، فلا أحد سيخرجك مما أنت فيه إلا إذا كانت إرادتك قوية ، هم سيقدمون لك فقط نصائح والباقي عليك ... لاتستهيني بأي شيء فلتتغيري وتحدي الحزن فا أنت أقوى مما تتصورين ... وفقك الله .. اقتباس:
|
رد : أين أفرغ عاطفتي في ظل مشاكلي مع زوجي ؟
افكر جديا بالطلاق
لكن فيه اشياء تمنعني او شاغله بالي اطفالي قبل كل شي كيف بتكون حياتهم لو تزوجت واحد غير مااضمن اخلاقه ودينه وتعامله وكرمه وهذا اكثر شي مخليني متردده من باب امسك قردك لايجيك اللي اقرد منه اهلي بيحزنون كثير وانا ودي اكون شي مفرح لهم مو ازيد همومهم لكن احس ان جلوسي مع ذا الرجل بيفتح علي ابواب اكبر من مصيبة الطلاق مثل الحرام والانتحار اليوم خنقت نفسي بطرحه بس فكيت في اخر لحظه وكنت باهرب في مكان مايعرفني فيه احد بس ماعرفت وين اروح قلت لو اروح لدار الرعايه او اي مكان احس فيهً اني انسانه جالسه افكر في حالي واقول شكلي سويت ذنب وربي يعاقبني عليه لكن جلست في حيره في امري مااذكر اني ظلمت احد عشان يدعي علي ولااذكر اني سويت ذنب يغضب رب العالمين جلست ابكي قلت يارب ان لم يكن بك سخط علي فلا ابالي يارب ارحمني برحمتك انا تعبانه |
رد : أين أفرغ عاطفتي في ظل مشاكلي مع زوجي ؟
اعانك الله اختي
انتي بجد بحاجة انك تبعدي اذا تقدري حطي اولادك عند اهلك واطلبي من زوجك يسمح لك تسافري لمكة مع اخوك او ابوك لايام ،، انتي محتاجة تبعدي عنه وعن المسؤليات والضغوظات وتناجي رب العالمين فرج الله همك |
رد : أين أفرغ عاطفتي في ظل مشاكلي مع زوجي ؟
السلام عليكم ورحمة الله وبركاته ..
أختي الكريمة صباح تتحدثين بغموض وهذا لن يفيدك ولن يساعدك أبدا ، ماالذي جعلك تقدمين على خطوة خنق رقبتك بتلك الصورة؟! من ماذا يحرمك، المشملة تذهبين لأسابيع وتعودين محملة بأكوام من الأفكار والمتاعب وهذا خطأ لن يفيدك بل سيجعلك أكثر تعبا ، فلا بد أن تقفين وقفة جادة لتبدئي بحل المشكلة ... فرج الله همك ... |
رد : أين أفرغ عاطفتي في ظل مشاكلي مع زوجي ؟
تخنقين نفسك ليه الله يهديكي ... هي مشكلتك مي واضحة لكن يظهر انها اكبر من حرمان عاطفي
|
رد : أين أفرغ عاطفتي في ظل مشاكلي مع زوجي ؟
داومي على الرقيه الشرعيه احس فيك مرض روحي مس او عين الله اعلم
|
رد : أين أفرغ عاطفتي في ظل مشاكلي مع زوجي ؟
بسم الله عليك يا أختي
تعوذي بالله من الشيطان الرجيم حفظك مولاك وحماكِ إلا تفكرين بزيارة طبيب نفسي تفرغين لديه كل الأفكار التي تعتريك..؟! لأني أرآكِ تعيشين الإكتئاب بأبشع صورة فلاتجعليه يتمكن منكِ.. متى بدأت معكِ هذه الحالة بالضبط وهذه المشاعر...؟!! هل من بداية زواجك..؟؟ لم تكوني تحبيه وتكرهينه..؟!! لأن هذه التراكمات التي أنفجرت لايمكن أن تكون وليدة يوم وليلة |
رد : أين أفرغ عاطفتي في ظل مشاكلي مع زوجي ؟
اقتباس:
هل هي نفس مشاعرك الان؟؟ اختي لا تهملي نفسك لازم تشوفي طبيب نفسي مع الرقية الشرعية |
رد : أين أفرغ عاطفتي في ظل مشاكلي مع زوجي ؟
اختي صباح العود ... امامك حلين لا ثالث لهما
1-الطلاق وبالتالي انتظار بخت جديد الله يعلم واش راح يكون 2-الصبر لله وتبقي على راس اولادك اختاري حل من الاثنين .....عني انا فضلت ابقى من اجل اولادي وخليني احترق بيا بمشاعري حتى ياتي الفرج من عند الله سواء بالحياة او يالموت |
رد : أين أفرغ عاطفتي في ظل مشاكلي مع زوجي ؟
يا اختي اكتبي فضفضي هنا ردي علينا على اﻻقل ترتاحي من الضغط اللي انتي فيه
الله يشفيك ويعافيك ... ياريت تردي |
رد : أين أفرغ عاطفتي في ظل مشاكلي مع زوجي ؟
المشاعر عندما تفيض فانها تسلك الوادي نفسه لاتسلك آخر فيكون مجدولا وحلو المنظر واذا تغير مساره كان كالسيل الجارف يحطم ويخرب ويبقي لآثار الدمار والخراب عكس ماكان علية سابقا يخلف الربيع والزهور والمنظر الحلو
امثل كلامي السابق بعلاقتك بزوجك وهي انتي السيل ( الماء ) اسلكي طريقك المعتاد واسقيه لان الارض اذا كانت عطشانه تطلب الماء مزيد مزيدا حتي ترتوي الارض وما ان تنتظر حتى ترى الارض كاسية الاخضر والورد والعشب فترينها حلوً منظرها الماء هو انتي والارض هو زوجك اسقية بعناية لاتسقيه بغر حتي يخرج زوجك هو من كنتي تنتظرينه لاتسيء جداولك ووديانك ( هو اسلوب التعامل والتخاطب وطلب المعقول ) فربما ساء منك ماسائت به اخلاقك معه نحن كاعضاء ومشرفين وزوار لانملك الحاسه السادسة عن مشاعركما مع بعض داخل بيتكم واسلوب تعاملكم ولاكن انتي تعرفينه تماما وتعرفين كيف تنقي شوائبه هناك شي في الحياة اريد ان تقتنعي فيه هو لايوجد مشكله الا ولها حل باذن الله عندما تسلكين الطريق الذي ترمين الاشارة به فنحن لانستطيع منعك ولاكن نستطيع ان ننبهك ونخبرك بعواقب ذلك فابتالي عندما لم يقتنع عقلك وذلك فسوف ترتكبين حماقه لايسامحك احد واعلمي منهم نفسك زوجك اولادك اهلك قريباتك صديقاتك جيرانك مجتمعك + تثبتين الكلام الذي قيل عنك سابقا كل ماذكر اعلاه اضافه الي غضب ربك عليك مقابل لذه لعدة دقائق وفي الاخير عقلك يحدد مصيرك وما نحن الا بعد توفيق الله ننير لك الدرب اخوك ،،، وسط نجـد |
رد : أين أفرغ عاطفتي في ظل مشاكلي مع زوجي ؟
مااظنه يوديني طبيب نفسي اتوقع يوديني لشيخ لان كان فيني مرض روحي من قبل اصلا حتى لو رحت لطييب نفسي ماراح اتكلم ولاابغى اقول شي لأحد اتوقع راح اسكت واطالع فيه وابكي ابكي الين اتعب واكمل سكوتي
|
رد : أين أفرغ عاطفتي في ظل مشاكلي مع زوجي ؟
اقتباس:
إذا يهتم بك ولو طلبت يأخذك للعلاج فهذا يدل على حبه لك ، أرجوك تعالجي أنت لاتحترقين وحدك بل عائلتك الصفيرة كلها .. فلا تستسلمي ولا تدعي للشيطان طريق .. فرج الله همك أختي الكريمة . |
رد : أين أفرغ عاطفتي في ظل مشاكلي مع زوجي ؟
اقتباس:
لا تأجلين العلاج كلمي زوجك و خليه يعالجك عند شيخ و بتتحسن نفسيتك مع الرقية |
رد : أين أفرغ عاطفتي في ظل مشاكلي مع زوجي ؟
قلتله ابغاك تطلقني في المحكمه واروح لاهلي وورقه طلاقي في يدي قال لا روحي لاهلك وخلي الطلاق بعدين قلت ماابغى صلح ومصلحين اذا عندك صلح اصلح من ذحين قبل لااخرج لاني اذا خرجت ماعاد بتشوفني مره ثانيه فاذا عندك صلح قبل لاننشر غسيلنا على خلق الله حد اني عندك نصلح اذا فيه صلح قلتله مو مجلسني عندك غير عيالي قال انتي ماعرفتيني لين ذحين قلت انا ماعرفتك ولاراح اعرفك ولاترجي مني شي اكثر من اللي قدمته لك لان هذي طاقتي وهذا اللي ربي قدرني عليه قلتله كيف العيال كيف بتكون علاقتي معهم بعد الطلاق قال عيالي واتخارج معهم تركتيهم خلاص ماعاد لك فيهم شي قلت ليه انا امهم وابي اشوفهم واتطمن عليهم واجلس معاهم قال تجين تشوفيهم عند امي قلت مستحيل طبعا ادخل بيتكم قلت تجيبهم كل بعد فتره لي اشوفهم قال لا قلت يجون اخواني ياخذونهم من عندك قال لا قلت ليه وش جاك من اخواني قال ماجاني منهم الا كل خير قلت طيب وش فيك عليهم قال اجيبهم في مكان وتجلسين معهم فيه كل شهر مره سكت ودمعت عيني قلت طيب
قلتله مابيك تسبني عند احد ولاراح اقول شي فيك بقول ماجاني عنه الا كل خير بس مااتفقنا مع بعض قال كيف وش بغيتي الناس تقول عني ليش اجل مطلقها دام كل علومها خير بيقولون غبي ومامعه عقل قلت ماعليك في احد الناس مايعجبها العجب قل ماجا منها شي بس مااتفقنا وانا بقول نفس الكلام قال انا عندي واحد من اصحابي يشتغل في محكمه اطلب منه يرتب لنا يوم طبعا راح يرسلونا لاصلاح اسري بنقلهم مانبي ولا اصلاح وخلصونا بس قالي يعني انتي منتي قاعده عندي الا عشان العيال قلت ايوه قال انتي ظنك شين وماتعرفين شخصيتي مرت ايام ولاتكلمت بالموضوع وهو ماقال شي على اساس نروح المحكمه قلتله ابيك تعاملني مثل اختك بالضبط اي مشكله تصير بيني وبينك تتخيلني اختك فلانه قال ليش قلت عشان ترحمني وتسامحني وتجيبلي اعذار اني اكيد احبك واني لما اسوي شي غلط مااقصد فيه الا كل شي طيب لاني اتمنالك الخير مهما سويت وانا راح اعتبرك مثل اخوي فلان مهما غلط راح اسامحه لاني واثقه انه يحبني وماراح يتمنالي الا كل خير قال يعني اخوك اعز مني عندك لاتكملين تراني بطق محلي قلت انا اقول هالكلام عشان نقدر نعيش مع بعض اذا فيه مجال للعيش يمكن هذي الطريقه تجيب نتيجه قال طيب قلتله باروح مع اخوي لاهلي وبخلي العيال عندك ودهم لاهلك قال لا خليهم عندي عشان المدرسه مع الشغاله مابودي احد والشغاله تنتبه لهم لان اهله في مدينه ثانيه ولارحت مع اخوي ابغى اتاكد انه طلقني عشان لااقعد معلقه كذا لاني اخاف يخليني معلقه كذا عشان لااتزوج غيره يصير اروح وورقتي معي |
رد : أين أفرغ عاطفتي في ظل مشاكلي مع زوجي ؟
قالي انا ماأتهدد قلت له انا تعديت مرحلة التهديد الحين بلحق نفسي لايجيها شي معك حسيته ماتوقع كلامي وسكت
|
رد : أين أفرغ عاطفتي في ظل مشاكلي مع زوجي ؟
السلام عليكم ورحمة الله وبركاته...
لما ياأختي الكريمة تطليين الطلاق ؟!!! على ماذا؟!!! وهل هو سهل هكذا ؟!!! وأولادك ؟!!! أنت لديك تراكمات ياصباح وتذكري مواضعيك مع هذه التراكمات لن تستطيعي التعامل مع زوجك وكل تعاملاتك تحت ضغط . راجعي نفسك ولا تتسرعي ... موفقة . |
| الساعة الآن 11:11 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©