|
رد : زوجتي لاتهتم فيني
اخوي ،، كل اللي بنصحك فيه حاليا هو عدم التفكير بزوجة ثانية ! شوف مواضيع بعص الاخوة هنا اللي تلخبطت حياته والللي واللي اشتاق واللي واللي .. فلا تندفع لهالفكرة ولا تتسرع فيها ،،، حاول مرة مرتين ثلاث وشوف مركز الخلل وين ...
اعرف اسباب النفور من زوجتك وعدم الاهتمام ،، هل الوظيفة لها دخل ودور ؟ البعض بمجرد ماتستقل بنفسها وتكون مكفية ماديا وتقوم باولادها تحس باستقلاليتها عن زوجها وتحس بانها زوجة عازبة ( تقوم بكل امورها وحدها ) بالتالي ماتحس بدور الرجل او وجوده وخلاص تتعود فاذا لمست منها هالشي حااول تتقرب منها وتدخل في عالمها و اجبرها واجبر نفسك تكوون لك مساحة فيه ... |
رد : زوجتي لاتهتم فيني
اقتباس:
ثانياً اختي انا ماطرحت الموضوع الا عشان استفيد من الجميع ويمكن يكون فيه حل اما عن قولتك علمها تدرين وين المشكله اختي انه مو هذا طبعها اساساً هي ماكانت كذا عشان اقول يمكن ماتعرف هي تغيرت وصارت بهذاالشكل من 4سنوات بس اما قولت تعبانه من العمل اختي المده طويله مو يوم والا يومين والا شهر 4سنين وانا اسم متزوج محصن وانا بالواقع لاني متزوج ولامحصن تعبت نفسيا انا اشوف زملائي بالعمل يطلعوا بوقت العمل وين يقول ابي اروح ارتاح شوي في البيت وارجع ماابالغ لو قلت لك اني صرت احسدهم لاني انا صرت ارتاح بالعمل اكثر من البيت على الاقل بالعمل احصل من اسولف واضحك معه لكن بالبيت مافيه الا انسان مكشره 24ساعه وساكته |
رد : زوجتي لاتهتم فيني
[QUOTE=ام مريمي;3110045 البعض بمجرد ماتستقل بنفسها وتكون مكفية ماديا وتقوم باولادها تحس باستقلاليتها عن زوجها وتحس بانها زوجة عازبة ( تقوم بكل امورها وحدها ) بالتالي ماتحس بدور الرجل او وجوده وخلاص تتعود فاذا لمست منها هالشي حااول تتقرب منها وتدخل في عالمها و اجبرها واجبر نفسك تكوون لك مساحة فيه ...[/QUOTE]
وهذا اللي حاصل فعلا لكن كيف ادخل عالمها؟ |
رد : زوجتي لاتهتم فيني
...............................................
يا اخي قلها بالصريح تعدلي ولا ترا بتزوج ولا مثل عليها انم بتتزوج وسوي نفسك كانك تكلم وتبي تخطب ولا بدت تشك فيك تكون انت تلعبها علي نار هاديه اكيد هي مارح ترضي بالضره فان شاء الله بتتعدل لكن المشكله تتعدل يوم وتخرب عقبه لان ابو طبيع ... الخ |
رد : زوجتي لاتهتم فيني
اقتباس:
طيب اذا ماكانت كذا وش الاسباب اللي غيرتها ؟؟ غير موضوع السفر ؟؟ واضح بينكم تراكمات كثيره ،، حلحلها عقده عقده ،، والجميع هنا سيساعدك باذن الله ، ولكن سؤال ؟؟ هل اسلوبك بالكلام معها جاف ؟؟ مدري ليش جا في بالي انها هي الي تحبك في البدايه وانت تتغلى بسبب انشغالك بالاعمار وكثر التغلي يطفش الطرف الآخر حتى لو لو الطرف الاول مو قاصد يتغلى لكنه مشغول اتذكر قريت قصه كذا كان الزوج مشغول ببناء بيت العمر والزوجه ملت وصارت تعامله بالمثل وتدعي الانشغال ،، والاحتمال الثاني ،، اتوقع ان اسلوبك بالكلام معها جاف واتوقع انك عصبي صحيح؟؟ |
رد : زوجتي لاتهتم فيني
اقتباس:
|
رد : زوجتي لاتهتم فيني
اقتباس:
الظاهر اختي انها فعلا مثل ماتفضلوا بعض الاخوان وقالوا انها حست بالاستقلاليه وانها قادره تستغني عني او تبي تحسسني بهالشي والمصيبه ان كل تصرفاتها الحين صارت تمسح حسناتها زمان يعني اللي مصبرني عليها هو العشره وذكريات حلوه بيننا صارت تصرفاتها السيئه وتجاهلها لي يمسح كل شي حلو لها بقلبي وراح تجي لحظه مايصير لها بقلبي اي شي وساعتها ياعالم ايش اللي راح يصير |
رد : زوجتي لاتهتم فيني
هل ساعدتك في بناء البيت
|
رد : زوجتي لاتهتم فيني
اقتباس:
لكن مساعده ابداً |
رد : زوجتي لاتهتم فيني
فيه حلقه مفقوده !! مو معقوله وحده تتغير على زوجها حبيبها وابو عيالها بدون سبب !!
لو كانت ماتحبك كانت تركتك من زمان خصوصا انها موظفه وقادره على الاستقلال ! زوجتك تحبك وتريدك لكنها تتصرف بهذا الشكل لسبب ما يمكن ترد لك بعض تصرفاتك لفتره انشغلت عنها ؟ ويمكن اسلوبك معها جاف ؟ يمكن تعصب عليها كثير وتفرض رايك ؟ يمكن فيه موقف يوجعها منك تذكر بداية تغيرها ؟ او ربما تكون تراكمات مواقف قديمه او حديثه تذكرها اخوي اكيد فيه سبب ؟؟ اخوي ماهي الحلقه المفقوده في الموضوع ؟؟ سؤال اخر ؟ في اجازه الصيف وش كان عذرها ؟ مافيه دوام يعني ماراح تكون مصدعه ولا تعبانه ؟؟ bfd |
رد : زوجتي لاتهتم فيني
الحل ،، حسسها باهميتك بحياتها فعلا وليس قولا ... المرأة ليش تتزوج ؟ اترك الاجابات للاخوات لهالسؤال وراح تعرف شلون تدخل نفسك غصب بجزئية الاستقلال والمساحة تبعها و يكون لك الوجود فيه ....
قراراتها حتى الصغيرة منها لازم تكون انت جزء فيها يعني مثلا قررت اليوم تلبس الفستان الفلاني وانت شفتها راح تغير ملابسها مثلا او طالعه من الاستحمام اسمح لي فانت تعال واختار لها لبس معين وقولها ابغيك اليوم تلبسين هالشي ( هي بتعصب وبتقولك ليس تتدخل والخ وما تتحكم ولكن اصر باسلوب الابتسامة وقولها ابغي اشوفك اليوم تمشي بالبيت وانت بهالفستان لانه يذكرني بشي حلو ) ،، من يوديها ويجيبها شغلها ؟ انت ؟ فاذا انت اذن بيوم اعمل نفيك تعبان وحتى من شغلك اطلب اجازة مرضية يوم وخبرها بمرضك وامك ماراح تقدر تروح الشغل طبعا من الليل وبالصباح لما تشوفها حايسة مثل لها انك مريض بس بعد ماراح تخليها بهالخال وبتوديها ،،اذا ما كنت انت اللي توصلها اذن ابدأ من اليوم بهالنظام انك انت اللي توديها وتجيبها اذا امكن واذا سالت عن هالتغير قولها انا زوجك وانا اوديك واجيبك ( هالشي يحسسها بوجودك المعنوي ) واكيد هي راح تحس بالراحة وشوي شوي راح تشوفها تتكلم عن دوامها ! فاذا تكلمت اسمعها ... النقطة الاخرى ،، التمشية او السفر ... حاول حت لو باجازة الايبوع تروحوا بالسيارة لاي دولة مجاورة لكم هالشي تكلفته اقل ومتعته اكبر خصوثا للاكفال ويعطيكم المجال عشان تكونوا بعيد عن جو البيت وجوو زميلات العمل ولا تنسى بالخطوط يكون استقبال الهواتف ردئ هههههههه يعني عصفورين بحجر ... اختك وابناءها ماراح يضيعوا هاليومين ومنها انت بعد تغير جوو ... اتذكر بالستبق والدي يعمل لنا نفس الشي بسبب ظروفه المعيشية وكنا قمة سعادة ووالدتي تتغير نفسيتها وبذيك الطلعه مافي عصبية او نقاشات كلها قرارات عن السفرة ،، ناقش زوجتك في عملها دام ان احد اهتماماتها واسمع رايها بموضوع يخص التدريس فمثلا اذكر لها حادثه قرءتها باحد الصحف عن ضرب طالب ، او حال المعلمات بالمدارس ، او تسلط المدراء على الموظفين واذكر حدث حصل لك وخلها هي بعد تفضفض ... حاليا هذا اللي استحضرني هههههه باخذ بندول وبعدها اكمل افراغ مخيخي ،،، |
رد : زوجتي لاتهتم فيني
ما اعتقد فيه حلقه مفقوده قد ماهو هذا طبعهاا ..
كثير حريم مستقلين بانفسهم وجافين نوعا ما ابسالك انت قد حبيت وحده قبلهاا ؟ لاتستهين بهالشيء اعرف وحده زوجها قمة الرومانسيه معها وهي ام الجفاف والسبب تقول اخاف للحين يحب الاولي فتحاول تجف معاه .. شوف انت من كل الجوانب |
رد : زوجتي لاتهتم فيني
معليش اخي
يقولون صديقك من صدقك انا حاسه ان فيه شي بخاطر زوجتك عليك وانك مقصر عليها ولو تحي تكتب بتكتب اشيا وممكن نتعاطف معاها اكثر ممكن تذكر وش الانتقادات الي قالتها لك بالضبط ووش انتي شايف سلبيات نفسك اخي غير بنفسك وبتشوف التغيير سفر سفرها ترى مصاريف السفر ارخص من الزواج الثاني |
رد : زوجتي لاتهتم فيني
فعلا فيه نساء مهملات من طبعهم
وفيه من تمر بذلك بسبب ظروف الأخ يستطيع تحديد هل هي مهملة بشكلها في بيتها و هذا طبعها من زمان او يتوقع ان هناك سبب مثل ضغط الأطفال ،،المزاجية،،الاكتئاب ،، السمنة،،،روتين الحياة في البيت و الملل |
رد : زوجتي لاتهتم فيني
اخي تجنبت كثيرا ماادخل موضوعك
ولكن حين رايت الكثير من التخطبات في التخمينات عن شخصية زوجتك اضطريت ادخل اخي انا اعلم ومتاكده ان هناك امر وقد كان هو القاضي على زوجتك اذا كانت تسولف وحياة طبيعيه وبعد فتره تغيرت واصبحت بس ترد عليك للضروره ومع صحباتها تعيش حياتها بالطول والعرض اخي ماهو الامر او حادثه حصلت منك اتجاه زوجتك جعلها تنتكس وترى انك ماتستاهلها اخي تصدق من خلال حوارك عرفت شخصيتك وعرفت شخصية زوجتك اكثر هل انت كثير تنتقدها ؟؟ هل سبق وخنتها بااي امر سواء مكالمات او خلافه ؟؟ هل حصل امر جعلها تسحب بساط الثقه من تحت قدميك ؟؟ اخي زوجتك وااااااضح فيها علامات الجفاء ومااصعب الجفاء اتمنى تجاوب كي نساعدك |
رد : زوجتي لاتهتم فيني
أنا ماقرأت جميع الردود ربما هناك من تطرق لهذا الجانب،،،أخي بما أنها موظفة هل هناك خلافات مادية أو اتكال جزئي أو كلي عليها؟
|
رد : زوجتي لاتهتم فيني
اخي الغالي الوحيد
اري التريث قبل الزواج واري انك تطرح المشكله علي والدتها وتخبرهم بان لم تتعدل فسوف يكون البيت الجديد من نصيب زوجتي الجديده وهي تبقي في الاجار انتبه تطلق انتبه تطلق مشكلتك ماتاصل للطلاق |
رد : زوجتي لاتهتم فيني
اقتباس:
اولا احب اذكرك انا رجل ولست امرأه hhf ثانيا , فيه شي انت ما افصحت عنه بيني وبينك الحرمه قالبه عليك ولو تزوجت بيضهر الخافي يعني تساعد معنا وعلمنا وش بينك وبين زوجتك علشان نشوف لك درب |
رد : زوجتي لاتهتم فيني
اقتباس:
قرأت جميع الردود وأتوقع انك بتدور وتدور على حاجة فاصلة حصلت حتى تغيرها وما تحصل .. أتوقع التغيير صار تدريجي نسبيا .. فتور يحصل عند كثير متزوجين .... ويحتاج لكسر الروتين اللي حصل أنه من 4 سنين صار عند زوجتك طفلين تعتني فيهم بما يعنيه هذا من سهر بالليل ودوام بالنهار ... وخلال النهار طبخ ومتابعة الأطفال ..يعني حتى بوجود الخادمة الأمر متعب . وأتوقع بأنك لما شفت مسؤولياتها بعدت شوي وتركت مساحتك للأطفال ... ظنك بأنه هذي هي الطريقة اللي ممكن تساعدها فيه . ومع الروتين اليومي صارت تشارك زميلاتها بهموم الأولاد ومشاكلهم وأضف لذلك أمور الدوام المشتركة بينهم من مشاكل ادراة وطلاب وغيره فصارت زوجتك أقرب لزميلاتها . اذا كان تحليلي صحيح فأفضل حل لكم هو الأمور اللي ذكرتها الأخت أم مريمي . ننتظر اجابتك للاسئلة .. الله يعينك علينا وعلى زوجتك jh |
رد : زوجتي لاتهتم فيني
اقتباس:
ايه عطينا من هالافكار اللي يسلمك لاني بصراحه فاشل بالحيل والخططght |
رد : زوجتي لاتهتم فيني
اقتباس:
|
رد : زوجتي لاتهتم فيني
سبحان الله رجاجيل ما عندهم الا اعرس هذا ا حل عنددكم الحين
يا اخوي زوجتك ما تغيرت الا في سبب حل مشكلتك اول مع زوجتك شوف وش في خاطرها وش اللي مغيرها ضبط لك مكان في البيت وجيب عشاء من برا وقلها انا عازمك اليوم في البيت ابي اتكلم لك في موضوغ وماينفع برا تعشى انت وياها وبعدين افتح معها الموضوع بس بطريقة رومنسيه وقلها انتي غاليه علي واحبك بس تكلم بهدو الكلام مع الانثى بهدو ورومنسيه وتغزل ومدح وبطلع هي اللي في خاطرها كله ممكن بعد ماخذع خاطرها منك يوم تقول مااقدر اسافر عشان اختي ا |
رد : زوجتي لاتهتم فيني
اقتباس:
طيب اختي لو فرضنا اني انا مسوي شي او فيني عيب وهي ماتبي تقول ايش علاقة العيال في الموضوع مثلا من زمان ماشفت تاخذ العيال تروشهم مثلا الشغاله هي اللي قايمه فيهم مع ان عندنا بساس ماتخلي الشغاله تلمسهم هي بنفسها اللي تنظفهم وتعتني فيهم!! من زمان ماشفت تمسك كتب الولد وتذاكر له صايره تلعن عيالي على كل طالعه ونازله ونبهت عليها كثير اللعن ممنوع وبرضو تلعن ارجع واقول ان ممكن فيني عيوب لكن عيوبي المفروض تقولي عليها اما موضوع السفر اختي لاتظني اني بخيل لو تعرفي شخصيتي زين عرفتي ان هالصفه بالذات بعيده عني ولا احب اللي يحملها لكن نا اتكلم عن السفر بشكل عام انا سافرت معها كذا مره لكن اقصد بشكل عام ماكل وقت تبي تسافر اكون اقدر اقصد يكون فيه اولويات اهم من السفر وقتها فـ اجل موضوع السفر |
رد : زوجتي لاتهتم فيني
اقتباس:
المزاجيه هي مزاجيه بقوه يعني ممكن بدقيقه تقلب |
رد : زوجتي لاتهتم فيني
هههههاي. ضحكتني لما قلت تروش البساس والعيال الشغاله تروشهم بالله ذي أم بعدين تقولون ليه الشغالات يقتلون ليه يسحرون وهم كل شيء عليهم حتى العيال تروشهم والله شيء عجيب عشان كذا انا مابي اخذ موظفه ماتهتم في العيال ولا فيني ككل همها نفسها والوظيفة تأخذ وحده مي موظفه احلى شيء والله تهتم فيك وفي عيالك وانت تصرف عليها
|
رد : زوجتي لاتهتم فيني
اقتباس:
اختي انا سبق وطلقتها بس اسبوع ورجعتها ممكن يكون هذاالسبب؟ مدري بس كنت معذور وقتها او اعتقد اني معذور بس قبل اقولكم قصة طلاقها ابي اقولكم شي بشخصيتها غريب عجيب عندها تحليلات للمواضيع غريبه والمشكله انها تتعامل مع تحليلاتها على انها واقع وكانها شافته بعيونها وهو خطأ لكن لايمكن تشك ان توقعها خطأ حتى لدرجة انها تقسم بالله انه صح بعدين كل شي له معنى عندها حتى الحلم مثلا حلمت باي شي تحاول تفسره على كيفها وتمشي على هالاساس!! اقولكم قصة طلاقنا كان عندي دوره لمدة اسبوع وعشان اننا ساكنين بمدينه غير مدينتنا خليتها تتصل على اخوها ويجي عندها هالاسبوع المهم رحت لما رجعت رجعت دخلت البيت وسلمت سألتني سؤال غريب فتحت فمي دقيقه من السؤال وجراءة السؤال قالت لي هاه شبعت بنات!! قلت ايش عشان اتأكد ان اللي سمعته صحيح فـ عادة نفس الكلام علي المهم الكلمة هذي اوجعتني بصراحه هذي كلمه تنقال لزوجك اللي توه جاي من سفر بدال قولت الحمدلله على السلامه المهم مارديت ودخلت غيرت ملابسي وابي انام او بالاصح اتظاهر اني ابي انام وانا كلمتها تاكل وتشرب بصدري بس عشان مايتطور الموضوع حاولت اتظاهر اني تعبان وابي انام لاني حسيت ان اعصابي بدت تفلت لحقتني للغرفه ونفس الكلام تعيده فقلت لها وش تقولين انتي قالت اقسم بالله انك نمت مع بنت البارح قلت اعوذبالله وتقسمين بعد وتعيد القسم مره ثانيه قلت لها طيب ايش اللي خلاك متاكده لدرجة تحلفين قالت لاني طلعت السوق البارح وفيه واحد حاول يتحرش بي فـ عرفت انك جالس تزني !!!!!!!!!!! انا بهت بصراحه يعني كل وحده يجي حقير يقولها كلمه بالشارع يكون وقتها زوجها نايم مع وحده!! وانا اقسم بالله اني مظلوم المهم قلت لها تعوذي من ابليس وتغطيت وتسحب البطانيه تقول طلقني انا ماني مصدق يعني فيه كذا المهم كلمه مني وكلمه منها طلقتها وبعد اسبوع توسطوا اهلها ورجعتها ورجعت اخس من اول اما عن الانتقاد اذا كان الخطأ مو لازم يعدي انتقد نعم |
رد : زوجتي لاتهتم فيني
اقتباس:
كانت زمان تشارك ببعض الحاجات وبعدين قالت انت المسؤل عن كل شي انا ابي اجمع راتبي قلت اوك وخليتها ماتدفع ريال لا على العيال ولاالبيت لدرجة حتى فسحة الولد ساعات مايكون معي صرف تعطيه واصرف واعطيها |
رد : زوجتي لاتهتم فيني
اقتباس:
وانا لو ادري وش السبب كان ارتحت |
رد : زوجتي لاتهتم فيني
اقتباس:
ممكن اخوي لكن كثير من الزوجات عندهن 7 و8 عيال وتشتغل ماسوو مثلها عايشين ومبسوطين هل هذا مبرر |
رد : زوجتي لاتهتم فيني
اقتباس:
يمكن تكون زوجتك تغار من طبيعة عملك ووسوس لها الشيطان ... يعني مو موضوع أنه أحد تحرش فيها وبس .. يمكن في تراكمات بداخلها من هذي الناحية (الغيرة) |
رد : زوجتي لاتهتم فيني
مرحباً أخي الكريم
من وجهة نظري الحل : أن تصارحها بجميع مايضايقك بكل وضوح وصراحة تامة وتتكلموا في جميع المحاور فإن إستجابت فالحمدلله ... وإن لم تستجيب فأفتح الموضوع معها مرة ومرتين وثلاثة وأفتعل مشكلة بسبب هذا الأمر وحسسها أنك متضايق جداً وأنك رغبان فيها لولا هذا الأمر .... حتى تطلب منك الذهاب لبيت أهلها وهذا الهدف الثاني ... فأـتركها عند أهلها فترة وأحذر أن تطلق ... فالزوجة بحاجة بعض الأحيان لقرصة قوية تشعرها بخطر فقدان زوجها . والله أعلم |
رد : زوجتي لاتهتم فيني
غالبا المرأة من خلال معرفتي في الحريم وبما انني منهم 👸
ماتستخدم اسلوب الجفاء واللامبالاه مع الزوج الا اذا كانت مجروحة جرح كبيير فتحاول تتقوقع على نفسها وتبين انها مو محتاجة لوجود الزوج وتستمد المشاعر والاحساس بالحب والامان من المقربين لها اللي هم الصديقات والمقربات لها وهي في الحقيقه جالسه تزيد عالجرح ملح بإزدياد الفجوة بينها وبين الزوج اللي مايملاها الا هو فقط بالذات اذا الزوج ماحاول يعيد الامور لمجراها الطبيعي بكل الوسائل اللي تخلي الزوجة تحس بقيمتها عندة وحبه لها صدقني هي مو مرتاحة من الداخل وتتألم زيك بس كرامتها كإمرأه تفرض عليها هذا الاسلوب حاول اخوي تصلح مابينك وبين زوجتك اسمع لها حتى لو ترفع صوتها ،،، او تتلفظ عليك ،، او تبكي خلها تطلع المشاعر المترسبة في اعماقها وتتحرر منها وطول بالك ... ترى طلاق المرأة كسر لها نفسها مكسورة منك اخوي احتوي زوجتك وافهمها قبل لا تطالبها بحقوقك بينكم اطفال حرام تهدموا بيتكم بسبب مكابرة زوجتك انت ادرى باللي يجيب راسها ويرضيها |
رد : زوجتي لاتهتم فيني
اقتباس:
قصدي أنه طبيعة الحياة أبعدتكم عن بعض من ناحية اهتمامات وحياة يومية .. وكأن كل واحد فيكم عايش حياته لحاله وبالتالي ابتعدتم عن بعض عاطفيا ... لكن الظاهر أنه الأمر أكبر من هيك .. مو بس فتور ما دام فيها طلاق . انت عاتبتها على تقصيرها بحقوقك كزوج وأداءها لواجباتها فبررت تقصيرها بالشغل ووو . مبررات أنت ما اقتنعت فيها جرب تعابتها على المشاعر والحب مو واجبات وحقوق . يعني أحسك بعيدة عني يا ... ذكرها بأمور كانت بينكم زمان ... مشاعر أو مواقف تعبر عن الوضع اللي ترغب فيه يرجع ويكون وانت مفتقده . هي متضايقة وكاتمة ولما تسألها ما تجاوبك باللي بداخلها .. يمكن لو جيتها من ناحية عاطفية تكسر الحاجز وتقول اللي بقلبها . |
رد : زوجتي لاتهتم فيني
اقتباس:
|
رد : زوجتي لاتهتم فيني
اقتباس:
|
رد : زوجتي لاتهتم فيني
الله يعينك عليها
زوجتك للاسف موظفة و متعلمة لكن اعذرني جاهلة و ما عندها نضج قهرني ما قلته عن اهتمام الخادمة حتى بنظافة العيال -_- فمن أين تتوقع الحنية التي تدفعها للتجمل لك؟ ما أدري بصراحة شالحل لكن نقطة الوصول لتجملها تسبقها خطوااات كبيرة لتكون زوجة و أم جيدة |
رد : زوجتي لاتهتم فيني
اقتباس:
هل ممكن هو السبب ؟ |
رد : زوجتي لاتهتم فيني
بما انك قلت عملك في المطار
اتوقع زوجتك من النوع الغيور واحد ممكن قالها ان عملكم في مكان عام ومختلط والشيطان شاطر كبرها في راسها ما ابرر لها اتهامك بدون دليل بس طلاقك لها اكد لها شكوكها ورجعتها لك عشان الاطفال والبيت فقط يعني راجعه لك جسد بس بطلاق عاطفي |
رد : زوجتي لاتهتم فيني
السلام عليك اخي
اعتقد و الله اعلم انه التغيير حصل من بديت تعمر البيت او العمارة؟ |
رد : زوجتي لاتهتم فيني
اقتباس:
زوجتك ببالها حاجة ... في موضوع مأرقها .. أنت جرب مثل ما قلت لك وخلي هالمرة جلستك معاها مختصة بالأمور الرومانسية ... عتاب حبيب لحبيبته .. مو زوج ولا أب . يمكن تكونت عندها قناعة بأنك ما عدت تحبها . ورغبتك بممارسة علاقتكم الخاصة ترى مو دليل حب عند المرأة نهائيا ... عكس الرجل . فحاول خلال جلستك معها تقنعها بأنك تحبها وبأنك ما تشوف غيرها ... وخليك مستمع جيد ..انصت لها واعطيها مجال تتكلم حتى لو احتجت أنه يكون في لحظات صمت بانتظارها تتكلم ... بالبداية ممكن أنها تستنكر وتكذب مشاعرك لها ... لا تتضايق وتزعل منها ... استنكارها هذا دليل على حبها لك وعلى أنها محتاجة منك تأكد لها . جرب وارجع قول لنا النتيجة حتى نفهم أكثر |
| الساعة الآن 12:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©