|
رد : تحدي بعد تحديد عرسي
ياحبيبي أقبل، وبعد فحط بالسيكل داخل القاعة، لا وأبشرك نصف البنات يبي يعجبون فيك، ويمكن يخطبونك بعد :)، الزبدة توكل على الله واركب السيكل واتمشى، ولما توقف ابتسم وخذ الماكيرفون، وقل والله هذا تحدي من صديقي بيعطيني خمسين ألف ريال، وطلع لهم الخمسين، تبي تشوف الحريم كلها تصفق لك :)، المهم انتبه لايلعب عليك، خل يعطيها أحد ثقة ولا حدى الحريم أول ماتوقف السيكل على جنب خلها تسلمك اياه
والله تصدق تحمست ودي أحظر عرسك :) |
رد : تحدي بعد تحديد عرسي
ههههههه تخيلت شكلك والشماغ والبشت تتطاير وراك ..اذا سويتها وانت داخل شغل اغنيه هنديه (تيري ميري ميري تيري بريم كهاني هاي مشكل) وتوقف عند العروسه وتركب وراك ..الاااا حركة جميله ورومانسيه ...
اذا سويتها بليز اعزمني ...راح اضحك لمدة 10 سنين قدام jh jh jh |
رد : تحدي بعد تحديد عرسي
من شان 50 الف تخسر هيبتك
لكل مقام مقال التحديات و حركات طيش بين اصحابك مو بين الحريم و حجات بعمر امك وجدتك والله لتقلب مسخرة 100 سنه لقدام احفظ حالك خلي ليلة الزواج تكون راقية وخليك راقي مو معجوق ومهبول |
رد : تحدي بعد تحديد عرسي
اذا قرايبكم مو من النوع النقّاد والعروس ماعندها مشكلة ادعس بالسيكل لاتوقفك الا منصّة الرقص وحط الخمسين الف بجيبك .
|
رد : تحدي بعد تحديد عرسي
انت الان بداية شبابك ومتحمس تسوي اي شي لكن بعد كم سنة لما تعقل شوي وتتزن الامور بنظرك
صدقني بتندم .... حافظ على هيبتك |
رد : تحدي بعد تحديد عرسي
ههههههههههههههههههههه ذكرتني بها السالفة وهي قصه واقعية حصلت في ليلة الدخله..!! سأسردها لكم كما هي بالعامية
واحد مثلك شرواك ... .......... وش اللي صار ليلة الدخلة؟؟؟ بعد ما دخل صاحبنا شقته مع زوجته وإذا بجواله يدق ويقوم خوينا يرد على الجوال ويدور الحوار التالي: الزوج : ألووووو. المتصل : السلام عليكم ورحمة الله وبركاته . كيف حالك يا (فلان) و ألف ألف مبروك . الزوج : وعليكم السلام وينكم يا أنذال ما حضرتوا الحفل يا تعبانين. المتصل : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك رحت مع المدام.وذلحين حنا راجعين الديرة.((طبعاً الديرة تبعد حوالي 300كم )) الزوج : المهم تعشيتوا . المتصل : لا والله. الزوج : كم عددكم؟ المتصل : عشرة. الزوج : أقولك (حرام طلاق عشاكم الليلة عندي) قل تم. المتصل : يا ابن الحلال (غيير بدل). الزوج : يالله أنا أنتظركم مع السلامه. وقفل الخط. الزوجه المسكينه ميهي مصدقه اللي سواه زوجها ليلة الدخلة ثم قال يا فلانه أنا رايح السوق وراجع.===((على بالها بيجيب عشاء جاهز)) بعد ربع ساعه رجع الزوج ومعه أغراض العشاء . قالت الزوجه وش ذا . قال الله يسلمك قومي سوي العشاء لزملاي في العمل جايين من بعيد ولا تعشوا . في أثناء الحوار. وإن الباب يدق .. قال هم ذولا وصلوا يالله همه يامره. وراح عند ربعه يقهويهم. المهم المسكينه في المطبخ تقطع البصل و الطماط بفستان الزفاف وعيونها تدمع وتقول في نفسها ( بكره بأرجع عند أهلي من الفجر وأطلب الطلاق) المسكينه سوت العشاء وتعشوا وراحوا لديرتهم المسكينه متضايقه . و المفاجأة؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أن زوجها يدخل عليها ويرمي لها بــ(50000)خمسين ألف قال هذا حقك قالت وشوا حقه قال الرهان اللي بيني وبين زملاي العشرة على كل واحد (5000) بأنك تطبخين ليلة الدخلة وتمت ليلتهم على خير لذا توكل على الله 50 الف ريال ما تحلم فيها لكن على العروس حتى لا تتفاجأ |
رد : تحدي بعد تحديد عرسي
اقتباس:
من جد هاذا إللي فكرت فيه يوم قريت الموضوع والله من التميلح إللي بيصير بالقاعه طيب معروف إن العريس مايدخل لحاله أكيد أبوها وأخوانها وأعمامها وأخوالها معك وش بتسوي! تبي الجد الله يلعن الفلوس إللي تخلي الواحد مستعد يسوي أي شي عشانها لاتفكر بنفسك وبس فكر ببنت الناس بأهلك وبأهلها هاذا إذا ماأشتغلت الجوالات تصوير وبكره ماندري إلا إنت باليوتيوب وهاتك ياتعليقات وسب ومسخره مو أي تحدي تقبل فيه ولا هي رجوله على فكره ولا تدل على قوتك ولا غيره أجل بكره لين قالوا لك طلقها ونتحداك ولك مبلغ وقدره بتسويها؟؟؟ بس زين أن أمك ركدتك إنتبه لنفسك الحين إنت متزوج ماعاد إنك عزابي حياتك إللي قبل إنساها أي تصرف تسويه الحين يمس زوجتك كثر مايمسك وألف مبروك الله يتمم زواجك على خير |
رد : تحدي بعد تحديد عرسي
وينك يابو سيكل؟ :D
|
رد : تحدي بعد تحديد عرسي
و الله حرام عليكم
بالزور لين ما اقنعناه يشيل الفكرة من راسه، ترجعوا تزرعوها من جديد اتقوا الله في عيلته ترى رد فعل النسوان مو مثل رد فعل الرجال الله يكون في عون اهله ادا هو و اخوه موانسين على هذول المقالب |
رد : تحدي بعد تحديد عرسي
هالتصرفات ما تصدر من انسان عاقل
|
رد : تحدي بعد تحديد عرسي
|
رد : تحدي بعد تحديد عرسي
هههههههههههههههههههههههههه هو شكله يتكلم عن هالمقطع بس لأ مو هو المقطع قديم
بس أصبر له لو سواها بنشوفه باليوتوب بيفضحنا بين العربان هههههههههههههه |
رد : تحدي بعد تحديد عرسي
اقتباس:
|
رد : تحدي بعد تحديد عرسي
اقتباس:
|
رد : تحدي بعد تحديد عرسي
اقتباس:
ايه و الله وناسة |
رد : تحدي بعد تحديد عرسي
اقتباس:
|
رد : تحدي بعد تحديد عرسي
ههههههههههه الفيديو من 8 شهور وعريسنا لسه ما تزوج :) بس يمكن هذا هو الفيديو اللي كان يشوف فيه وقام أخوه تحداه يسوي مثله
عموما هو قال أنه والدته رفضت وما راح يسوي شي يزعلها .. الله يوفقه ويهنيه بزواجه |
رد : تحدي بعد تحديد عرسي
هههههه
علي فكره اذا قبلت التحدي من هالحين غير اسمك في البطاقه الي ابو سيكل لان اسمك بين الجماعه بيصير ابو سيكل khh |
رد : تحدي بعد تحديد عرسي
50 الف حقت احلى شهر عسل في اوروبا
|
رد : تحدي بعد تحديد عرسي
بالول شاور زوجتك اذا وافقت سويه عادي
لا تنفجع تشوفك راكب سيكل بالزفه خخخ |
رد : تحدي بعد تحديد عرسي
السلام عليكم
أنا كنت أقرأ مواضيع القسم وكنت أكتفي بالقراءة والاستفادة ،، والمنتدى رائع بكل ما فيه وهذه أول مشاركة لي، وصراحة سبب مشاركتي هي لفكرة أتتني لكسب التحدي ولكن بطريقة ذكية والأغلب أن لا تنتقص من مكانتك أمام عروستك، أو أهلك، أو باقي النساء.. إذا كان أخوك لم يحدد طريقة الدخول بالسيكل، مثلا لم يقل بأن تدخل وانت جالس عليه، ف ادخل القاعة من غير ما تجلس عليه ولكن قم باختيار سيكل جميل (مش شرط أبو العجلتين، في اللي بثلاث عجلات) وزيّنه بطريقة جميلة وراقية، بالورود مثلا http://www.vintageweddingbicycles.co...24/6063071.jpg وتكتب عليه "أحبك" (بالورد الأحمر مثلا) أو أي كلمة تجعلها تفرح وتختفر بها.. يعني شيء من هالقبيل.. ادخل بها القاعة واثقا ومفتخرا ومشّي السيكل إليها برزانة من غير ما تنظر حولك، فقط انظر إلى عروستك وممكن أن تحضر طفلين (بنت وولد) من العائلة، ومعهم سيكل صغير ومزيّن أيضا ,, ويمشون أمامك بنفس طريقتك (بالتجهيز المسبق معهم). فأنت هكذا فعلت التحدي، دخلت القاعة بالسيكل ولم تنتقص من مقامك أمام النساء سيرونها فكرة غريبة جديدة وجميلة هذا رأيي، يا ريت أعرف رأيك أو رأي الآخرين بها .. واذا أعجبتك اعرضها على عروستك وجهزوا لها وألف مبروك مقدما |
رد : تحدي بعد تحديد عرسي
اقتباس:
الله يسعدك الصورة حلوة بالفعل. ولكن ما أعتقد أن صاحبه بيقط خمسين ألف عشان المعرس يدخل القاعة وهو ساحب السيكل بيده ;) السيكل بحد ذاته ما يستاهل يندفع له هالمبلغ ولا يستاهل التحدي أصلاً ... لكن الركوبة هي المقصودة :cool: على كل حال .. أخونا عشقي جنون قال إن أمه رفضت .. وهو ما راح يسوي هالحركة إلا برضاها. ما يندرى عاد .. يمكن أقنعها bht |
رد : تحدي بعد تحديد عرسي
[align=center]
اقتباس:
كلامك صحيح،، أكيد السيكل نفسه ما يستاهل هالمبلغ الكبير وركوبه هو التحدي بس لو ما تحددت حرفيًا سقطت فعليًا < فلسفة من نفسي glh وأخوه عندما تحداه كانت تخيلاته على أنه أخوه العريس سيكون شكله راكب السيكل وداخل على القاعة مثل اللي بالفيديو وضحك عليه، (وهذا كان تخيل الجميع بما فيهم أنا) ، ولكن ان لم يكن حدد الطريقة فيمكن للأخ عشقي جنوني التحايل على هالتحدي ويجعل أخوه يندم على هكذا تحدي ngt ولو فرضًا صار (بعد رضى أمه)، ف فعله للتحدي بهالطريقة صحيح ويجب على أخوه دفع المبلغ (بعد حسرة وندم) fgf glh ومن استنتاجي لمّا قال له أخوه "بكيفك"، أنه ما عنده شروط.. بس المهم يدخل بسيكل اقتباس:
اقتباس:
صراحة تحمست أنا، يا ريت تقبل :')[/align] |
رد : تحدي بعد تحديد عرسي
لو سوا زوجي كذا خلعته وعطيته 50 الف وطلقته
قيمة الرجال برزانته واضح ان صاحبك يبيعك ويشتريك بفلوسه ويبي يطقطق عليك العمر كله تخلي نفسك اضحوكة المجالس طول العمر وراح يلاحقك هذا الفعل الين ماتموت عشان 50 الف لهالدرجة مرخص نفسك للفلوس ؟؟؟ ويمكن احد يصورك وتصير طقطقة المجالس في اليوتيوب وغيره اصلحك الله اذا ركدت وعقلت فكر بالعرس |
رد : تحدي بعد تحديد عرسي
الدخول على الحريم ما يجوز شرعا ، ابتعد عن هالامور
|
رد : تحدي بعد تحديد عرسي
المشكلة بيدخل بسيكل !! و تبي تزينه بورود ي حليلك ..!
وإلي يقول 50 ألف احلى شهر عسل في أوروبا مدري والله هذا لحقق يوصل الفندق و هي في ذمته، صدقني راح ترمي ال 50 الف في وجهك و اهلها يدورولها واحد عاقل، ي أخوي اعقل و ارسى |
| الساعة الآن 08:49 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©