|
رد : زاد الجفا وتباعدت روحي عن روحه اكثر واكثر
الله يسعدك يا ام مريمي ريحتيني اسال الله ان يحفظ لك ذريتك من كل شر
امس خاطري تكدر وخاصا من قال الدكتور نعيد للتحليل بعد شهر خفت وعليه عنهم وقت يدخلون فيهم الابره ويبكون قلبي تقطع بالحضانه كان شبه يومي يصلحون لهم تحليل وكانو يطلعوني من الغرفه لاني ماتحمل والله اخاف عليهم من نسمه الهوا الطاير تخيلي ماشاء الله ولاقوة الا بالله بناتي يجذبون النظر رغم انهم مو متطابقات وكثير حريم يطالعون فيهم ومنهم لي تطلب انها تشيل احداهن او تبوسها والشي هذا يضايقني صرت ماطلعهم الا نادر الله يحفظ لنا عيالنا من كل شر وانا استودعتهم عند لي عينه ماتغفى ولاتنام |
رد : زاد الجفا وتباعدت روحي عن روحه اكثر واكثر
لمحي له انه بتتركين البيت وتتركين بناته عنده كثير يسوونها وتجيب نتيجه
توؤم يهتم فيهم مايقدر ويرجعك غصب عنه |
رد : زاد الجفا وتباعدت روحي عن روحه اكثر واكثر
شوفي حبيبتي هو الموضوع من يجي على موضوع خدج فطبيعي بيطلب اعاده فحص بعد شهر فقط للاطمئان ولو كان فعلا فيه خوف كان ما خلاك تروحين الا بعد الف مليون تحليل هههههه ، بنت اخوي كانت خديج ومن طبع عائلتنه قلة الدم وبعد والدها فيه نقص خميرة وبعض الثلاسيميا فيبين كانها تعاني من مشكلة بالدم ولكن ابوها طنشهم لان اسبووعيا فحص! واكي كبيرة صارت مرة ماشاء الله عليها بالغه وماعندها اي مشكلة بالدم كلش ولله الحمد ،، فتوكلي على رب العالمين واقري عليهم كل ليلة واستودعيهم وادعي لهم بصلاتك .... ربي يحفظهم ياارب وتشوفينهم عروسات حلوات ،،،
|
رد : زاد الجفا وتباعدت روحي عن روحه اكثر واكثر
امين يالغاليه ام مريمي الله يسعدك يارب
واسفه تعبتك معي جعله الله في ميزان حسناتك فاطمه ترى هو يستانس لو اجلس عند اهلي يعني مافرقت معه ولا اي تصرف يجيب نتيجة معه انا والله الحين تغير مودي اهم شي بناتي وصحتهم هو بالطقاق لي ينفعوني بناتي الله يحفظهم اما هو مب نافعني بشي امس اكلمه وطلعت كل لي بقلبي انفجرت قلت له ما اسامحك اذا ماتغير طبعك معي سوى وضع الموت وساكت الضرب فالميت حرام يا فاطمه ولا حياه لمن تنادي معه |
رد : زاد الجفا وتباعدت روحي عن روحه اكثر واكثر
اممم ،، لمسة هل جا ببالك تساليه هالسؤال (( هو شنو يبغي منك الان؟! )) ،، فقط جواب هالسؤال بتعرفي نهاية موضوعك معاه ... ايضا انصحك لا تبيعي بيتك خليه على الايجار تستفيدي منه انتي والبنات هذا لمستقبلكم والاسعار بعد كم سنة بتصير اضعاف ،، واشتري لك بيت يناسبك صغيرون لبناتك عبر البنك وتدفعي اقساطه من عملك او حتى ايجار البيت وكم سنة يكون لك مصدرين رزق ولكن ارد واقولك خليك ببيتك هو يصرف عليك هالشي من حقكم ...
|
رد : زاد الجفا وتباعدت روحي عن روحه اكثر واكثر
اقتباس:
انا معاها بكل كلمه قالتها وانتبهي تتركين بيتك خلي رجوعك له من اجل بناتك وبس لاتخلينهم يعيشون اليتم وابوهم لازال حي الله يصلح حالكم ويسخر زوجك لك ولبناتك يارب |
| الساعة الآن 01:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©