رد : زوجي طلقني لانني حملت برنامج في هاتفي دون إذنه
 

لاحول ولاقوة إلا بالله
السبب والعلم عند الله ماهو عشان حملتي البرنامج ممكن زوجك في خاطره شيء عليك او عليه ضغوط عمل ويوم حصل البرنامج قال بس فرصه وجات وخلاه سبب للطلاق
زوجك راح يرجعك لانه مو من المعقول يطلق لأجل برنامج و ما استخدمتيه .
خلي اخوانك يتفاهمون معه وان شاء الله ربك يحلها.

رد : زوجي طلقني لانني حملت برنامج في هاتفي دون إذنه
 

كم باقي على ولادتش

رد : زوجي طلقني لانني حملت برنامج في هاتفي دون إذنه
 

اخواني صغار انا اكبر وحده

باقي علي ولادتي اربع شهور

لا زوجي من النوع اللي براسه يسويه ماعليه من احد

اللي تقول انه عادي مو نهايه الحياه الطلاق حبيبتي مو نهايه الحياه لاكن لو بينا عيال غير مايصير بعد يتشتتون العيال بين امهم وابوهم

رد : زوجي طلقني لانني حملت برنامج في هاتفي دون إذنه
 

لا ياحتي الطلاق صعب
طلعي صدقه واكثري استغفار
ارسلي رسايل لزوجك

رد : زوجي طلقني لانني حملت برنامج في هاتفي دون إذنه
 

بما ان من الاهل ويما ان ابوج عرف بالسالفة


انتي طلعي نفسج


ادعي واستغفري وذكري الله وبس


اما هو انسيه الى اجل مسمى

امه وخواته وابوه كلهم مو متقبلين الطلاق وخصوصا على هالموضوع البايخ


خليه الله وياه

صدقيني اذا حقرتيه هو اللي بييج

رد : زوجي طلقني لانني حملت برنامج في هاتفي دون إذنه
 

لا مابي ادزله شي دزيتله مره وحده وبس طنش ابيه يسال عن ولده لان كسر خاطري يبجي بابا بابا وعقب المسج بيومين اخذ ولده
خلاص اللي علي سويته

رد : زوجي طلقني لانني حملت برنامج في هاتفي دون إذنه
 

ﻻحول وﻻقوة اﻻ بالله
ارى ان تكثري الدعاء في السجود
وان تكثري من اﻹستغفار والصلاة على النبي
وتتركي الموضوع لوالدك

رد : زوجي طلقني لانني حملت برنامج في هاتفي دون إذنه
 

طالما أن أن أخوانك صغار اﻷمر بيد والدك
لابد أن يتواصل معه بطريقه أو بأخرى وياحبذا أن يجتمع به في مكان معين ويصل معه إلى حل .
الطلاق ليس حل ولو كل من وجد برنامج أو نحوه في جوال زوجته طلق ﻷصبحن نصف نساء المجتمع مطلقات .
موضوعك ياأختي الكريمة مثل ماقلت سابقا أنه بيد والدك ويجب على والدك أن يوضح له أن الهدف من الاجتماع هو مصلحة الولد ومستقبله .

رد : زوجي طلقني لانني حملت برنامج في هاتفي دون إذنه
 

لا ابووووي مايبي يكلمه يقول خليه يمكن خيره

اذا كان خير بيرد لج واذا كان شر بيبعدج عنه ربي

رد : زوجي طلقني لانني حملت برنامج في هاتفي دون إذنه
 

استخيري وركزي بحملج والله كريم

رد : زوجي طلقني لانني حملت برنامج في هاتفي دون إذنه
 

والله التفكبر ذابحني واحس مو مهتمه لحملي هذا مدري ليش

رد : زوجي طلقني لانني حملت برنامج في هاتفي دون إذنه
 

لا اهتمي وان شاءالله بيرجعك
انا اقول اكسري الجليد وكلميه وبيطخ وبيطيح الي براسه

رد : زوجي طلقني لانني حملت برنامج في هاتفي دون إذنه
 

لا ان كلمته بيكبر راسه ويعاند اعررررفه

وهمن خايفه انه بيطلق بس ينطر اولد
مادري لان للحين ماجاب ورقه ولا شي

رد : زوجي طلقني لانني حملت برنامج في هاتفي دون إذنه
 

خلي منك يعند
علشان ماتتحسفين باجر وتكونين مسويه الي عليج
دقي عليه وتفاهمي معاه

رد : زوجي طلقني لانني حملت برنامج في هاتفي دون إذنه
 

بس اهلي مانعيني اني ادق او اكلمه وممكت لو كلمته ودقيت بيقول للكل اني دقيت عليه وكلمته وبيقعد اكيد طول عمره يذكرني اتي انا اللي دقيت واتا اللي كلمته وخليته يردنا ابيها تجي منه مو مني

رد : زوجي طلقني لانني حملت برنامج في هاتفي دون إذنه
 

دقي وخلي الولد يكلمه

رد : زوجي طلقني لانني حملت برنامج في هاتفي دون إذنه
 

لا تدقي ولاشي ولا تطلعي عن شور اهلك
زوجك لسى صغير ويمكن اختنق من الزواج حس انه يبغى حريه ماعاش حياته
اتركيه اذا يبغاكي يعرف بيتكم فين

رد : زوجي طلقني لانني حملت برنامج في هاتفي دون إذنه
 

فعلا لا تطلعين من شور اهلك .. واي شي تسوينه لازم بعلمهم .. دام لجأتي لهم بعد الله لا تكسرين كلمتهم

رد : زوجي طلقني لانني حملت برنامج في هاتفي دون إذنه
 

في مثل يقول ودي بأهلي وودي بالعريس
انطبق عليك انتي بهالموضوع
انتي بعد ماودك بعريس انتي ودك بزوجك ومعكم طفلين
اتبعي ابليسك وخليه لاتكلمينه عشان لايكبر راسه زي ماتقولين وشفي كيف بيكبر راسك انتي بس اذا طلقك
وقتها بس تعرفين من الي كبر راسه

رد : زوجي طلقني لانني حملت برنامج في هاتفي دون إذنه
 

اختي متفائله الولد عمره سنه مايتكلم شلون يكلمه

رد : زوجي طلقني لانني حملت برنامج في هاتفي دون إذنه
 

حبيبتي كلميه
وتفاهمي معاه بالعقل بدون نرفزه وباسلوب
ترى عيال هالوقت الطلاق عندهم ببيزه
واهلك بتشوفين ان ماتكاثروك مع عيالك
وبياكلك الندم حزتها وبتقولين ليتني بادرت
وكلن متوسد وسادته مع زوجته وعياله وانتم مطشرين
انصحك نصيحه اخت بادري لو برساله
لو كنتي بدون اطفال كان قلت طنشي مو من اولتها التزعل ويطلق
بس عشان هالاطفال الي مالهم ذنب
متخيله ولدك يهمله ابوه زي مااهمله الفتره الي فاتت
الله يهون عليك

رد : زوجي طلقني لانني حملت برنامج في هاتفي دون إذنه
 

احسنتي ونعم الرأي

رد : زوجي طلقني لانني حملت برنامج في هاتفي دون إذنه
 

ماقدر كلمته مره وطنش لازم بعب هة يتنازل لازم واحد يتنازل عشان عياله

رد : زوجي طلقني لانني حملت برنامج في هاتفي دون إذنه
 

طنش مرة
مابيطنش الثانيه
حاولي معاه زوجك زعلان منك وينتظرك تراضينه لاتسمعين لابليس واعوانه

رد : زوجي طلقني لانني حملت برنامج في هاتفي دون إذنه
 

بنتظر لي بعد العيد وبشوف

رد : زوجي طلقني لانني حملت برنامج في هاتفي دون إذنه
 

ليش تنتظرين
كل مابعدتي عنه كل ماقسى قلبه عليك

رد : زوجي طلقني لانني حملت برنامج في هاتفي دون إذنه
 

انطره اهوا يتصل اذا ماتصل شسوي عاد


االموضوع صار عند اهلي دام يدرون بالسالفه لو اتصلت بكون سويت شي من وراهم

خليه ان شالله هو يتصل
ادعوووووولي 🙌

رد : زوجي طلقني لانني حملت برنامج في هاتفي دون إذنه
 

ان شاء الله

الله يحنن قلبه عليكم

بس اذا اتصل لا تطلعي بالعالي

ان شاء الله خير

رد : زوجي طلقني لانني حملت برنامج في هاتفي دون إذنه
 

طيب ولدك الصغير مو لازم يتكلم بس خليه يرفع السماعه اقل شيء يمكن يحن قلبه عليه
والله مادري شقاعده اقولك :(
الله يهون عليك
خلي ابوك يكلم ابوه واذا كلش يصارحونه يقولون له وين الورقه طيب ومن هالكلام فيبين اذا جاد بيتحرك ويجيبها واذا بيقرصك بيضيع ويماطل بالموضوع
الله يكون معك ومعنا جميعاا ♡♡♡

رد : زوجي طلقني لانني حملت برنامج في هاتفي دون إذنه
 

الله يصلح احوالك ويسخر زوجك لك ولطفله


اكثري من الدعااااااااااااااااااااااااااااااء خاصه ادان المغرب ايام فضيله والدعوات مستجابه ا شالله


ربي يكون بعونك ويهدي زوجك

رد : زوجي طلقني لانني حملت برنامج في هاتفي دون إذنه
 

ان شالله جزاكم الله خيررر

بس مافهمت شلون اذا اتصل لا تطلعي بالعالي

رد : زوجي طلقني لانني حملت برنامج في هاتفي دون إذنه
 

حبيبتي دقي عليه بدل هالحيره
وشوفي رده وحنا معاك بنساعدك

رد : زوجي طلقني لانني حملت برنامج في هاتفي دون إذنه
 

حبيبتي
مادام دخل ابوك في الموضوع خلاص خليه هو يحل الموضوع
و لا تطلعين عن شور اهلك
انتي ما غلطتي عشان تعذرين او تتوسلين لزوجك
زوجك كبر الموضوع و طلقك على شيء تافهة
كيف بكره اذا جتكم مشاكل اكبر اش بيصلح

رد : زوجي طلقني لانني حملت برنامج في هاتفي دون إذنه
 

اذا كنتي تفكرين في زوجك وشايله هم
اكيد الحلم حديث نفس ما يحتاج تفسرين الحلم

رد : زوجي طلقني لانني حملت برنامج في هاتفي دون إذنه
 

مادري والله خصوصا الحلم يتكرررر اكثر من مره وقبله كم حلم فسرتهم والحمدالله ان شالله خيررر

لااا ماقدر اتصل الموضوع بايد اهلي انا مو معور قلبي غير ولدي صارله كم يوم بس بابا وبابا

رد : زوجي طلقني لانني حملت برنامج في هاتفي دون إذنه
 

سوسو حبيبتي..

ولدج ما كمل سنتين .. والطفل في هالعمر كل الرجال عنده بابا .. لكن فعلياً هو مب فاقد أبوه للدرجة اللي انتي متخيلتها ... لو كان أكبر شوي كان قلت لج صح.

مسألة الطلاق هي الأهم حالياً .. وبصراحة زوجج تصرف بطريقة ما فيها أي عقل أو حكمة أو تقدير بشكل صحيح .. وحتى لو هو شايف انج غلطانة فأكيد الموضوع ما يستحق يوصل للطلاق.

تصرفه دليل على تسرع وانفعال في غير موضعه وعدم وزن الأمور بميزانها الصحيح .. وهذا شي يخوف!!

وحتى تصرفه مع ابوج فيه صبيانية وعدم احترام!!

ففعلا لا تتصلين ولا ترسلين ولا تبادرين ابداً .. وخلي ابوج يتصرف معاه.

رد : زوجي طلقني لانني حملت برنامج في هاتفي دون إذنه
 

اي صح كلامج مهره