|
رد : ارهقتني تربية ابني ذو السبع سنوات
مرحبا أختي روح الطير...
هل فكرتي في تسجيله في نادي رياضي؟ سباحة، كراتيه، كرة قدم، فروسية... أرى أن الرياضة أنسب مكان لتفريغ طاقاته بشكل ايجابي، إضافة إلى أنها تخلق له جو اجتماعي مناسب و تجعل منه طفل طموح و محب للانجازات... |
رد : ارهقتني تربية ابني ذو السبع سنوات
باب الشارع ليش مفتوح؟؟
حتجيكي من وراه مصايب وقلة حيا مع الوقت ولدك مو حق لعب مع عيال الشارع ولدك ارقى من كذا وبتحاولي تربيه تربيه صالحه راقيه ايش تتوقعي حيجي من ورى قعدته مع عيال الشارع؟ كل شيء تزرعيه فيه هما رح يقلعوه منه والان فقط البدايه بكره رح يصير اكثر خذيها قاعده عامه ولدي ما يطلع يلعب بالشارع عنده طاقه سجليه في نادي محترم .. نجي لناحية الضرب احيانا الضرب ينفع بس خليه اخر الحلول وخليه (الحل المرعب) اللي اذا هددتيه انك حتضربي يعملك الف حساب الين مع الوقت رح يعرف عواقب التطنيش والتلفظ بتوصل لفين فكري بطريقه تقطعي عنه طلعة الشارع بتاتا اليوم انتي شويه مسيطره بكره لما يكبر شويه حيقعد يختفيلك مع عيال الجيران ومع عيال الشارع اللي مو عارفه ايش تربيتهم والله اعلم ايش يسوو خذيلك تحرش ولا ادمان ولا ولا ولا الله يحفظلك اياه من عيال الحرام.. |
رد : ارهقتني تربية ابني ذو السبع سنوات
روح جارتك صح ليه يبلعب مع ابناء الجيران كل الي تعلمه منهم سلبيات وديه تحفيظ قران بالويك اند يجتمع مع ابناء اختك اصلا حتى اعمارهم اكبر منه صراحه غلطانه انتي وولدك صغير وعنده اخ يقدروا يلعبو سوى
|
رد : ارهقتني تربية ابني ذو السبع سنوات
السلام عليكم
برد عليك رد طويل تحمليني لانه تخصصي الاطفال في هذا العمر و تحمست :d اول شئ طفلك صغير جداً بس لاحظتك تتعاملي معه على انه كبير و فاهم كل شي يمكن لأنك تقارنيه بأخوه الاصغر.. بذكر لك نقاط - اول شئ لازم تسوينه تمنعي طفلك من اولاد الجيران و لما يسألو عنه قولي لهم بأسلوب كويس انه مايقدر يلعب معاهم و ياليت ما يرنو الجرس مره ثانيه.. أكيد انتي واعيه و تسمعي بالمصايب اللي تصير من تحرش و الفاظ سيئه و سب و لعن و تدخين و مخدرات و حتى اغتصاب اي شئ بيصير لطفلك بيكون ذنبك لأنك خليتيه يلعب و ما وفرتي له بديل لازم تقفلي باب الشقه عشان تحمي طفلك و إذا انتي مو حابه تزعليه قولي انا اقفله عشان محد يدخل علينا و بس.. لا تحسسيه انه محروم - استخدمي اسلوب الثواب معاه بالالفاظ و الهدايا بدل مكافأته انه يطلع يلعب مع الاولاد يعني مثلا لما يسوي شي كويس قولي انت بطل انت ممتاز انت ذكي أو حتى صفقي له إذا حل المسألة صح صدقيني بيفرح.. التعامل مع الأطفال ابسط مما تتخيلي - سبب مشاكل طفلك ان يومه طويل جداً و مو منظم عنده وقت فراغ طول اليوم يلعب بالايباد يشحن طاقه سلبيه من ألعابه و اول مايقفله ينط على اخوه يفرغ الطاقة .. لازم تنظمي يومه يرجع من المدرسه يتغدا .. يتفرج شوي على التلفزيون.. يحل الواجب.. تلعبو ألعاب جماعيه مع بعض منها تطلعي طاقته و ينشغل عن أولاد الجيران و يتعب من اللعب يتعشى و ينام بدري عشان يقدر يصحى من غير خناق و صراخ .. واضح من كلامك عن طفلك انه ماينام كفايته .. المفروض يتعشا الساعه سبعه و ماتجي الساعه ثمانيه إلا هو في سريره عشان يقدر يصحى الصباح الألعاب الجماعية بسيطه جداً و يحبوها الأطفال في عمره أمثله ( حركه ستوب - تقسمي المكعبات عليه هو واخوه و اتحديهم من يبني أعلى برج أو أطول قطار- ارسمي في ورقه رسمات بسيطه سياره بيت شنطه ساعه و لازم يخمنها بسرعه قبل تكمليها- تحدي بينه و اخوه من يقدر ينط عشر مرات بدون ما يطيح- جيبي لهم دفاتر تلوين او اطبعي من النت شخصيات يحبوها و خليهم يلونو) في أفكار كثيره و حاولي تشركي اخوه الصغير عشان يتعود يشاركه في العابه و حاولي تختاري الألعاب اللي تتعب عشان ينام اسرع - انتبهي أختي من ضرب طفلك و ان تجمعي وقت العقاب مع حل الواجب كذا تحسسيه ان الدراسة عقاب و هالاشي يرسخ عنده و انتبهي بعد لا يزيد وقت عقابه عن 7 دقائق لا تقولي قليله مناسبة لعمره - بالنسبه للبقاله.. ممنوعه في هذا العمر لوحدهم أو مع الخادمه لكن لا تقولي للطفل أنها ممنوعه لانه بيحتج.. نصيحه اشتري حلويات و عصيرات من اللي يحبها ولدك كمية تكفي شهر و حطيها في كرتون هدايا مثلا و قولي له إحنا ناس مره محظوظين صار عندنا بقاله في بيتنا يا بختنا و كل يوم العصر خليه يختار حاجتين بس و خبي الكرتون ( هالاشياء ممنوعه بالليل لانها تخليه يسهر) - جارتك اللي تمنع اطفالها من الشارع هذي قربي منها و قربي طفلك لاولادها صدقيني اولادها مو انطوائيين ولا محرومين هذا العمر صعب إذا اسستهم امهم صح بيجي يوم و بتفتح لهم الباب و تكون مرتاحه ارسلي طفلك لهم حتى لو يوم في الأسبوع كفايه و في الأيام الثانية قسميها يوم فوق على السطح يلعبو بالسكوتر (في وجودك) و يوم تطلعو مول أو مطعم مو لازم نهار كامل ممكن ساعه و يوم يعزم أصحابه اللي في المدرسة و يوم يتفرج على فيلم مناسب لعمره.. الهدف اشغلي وقته بأي شي خليه ينهد مايجي المغرب ولا العشاء إلا هو تعبان يتحمم و يتعشى و ينام - في ملاحظه انتبهي تقللي من قدر طفلك و تحقريه.. عمرك في حياتك كلها لا تناديه يا حمار أو ياحيوان صدقيني كلمه تجرح و كمان إذا استخدمتيها و ناديتيه فيها لا تزعلي لو جاء في يوم و قالك يا حماره -أعزك الله- لانها غلطتك و كما تزرعي تحصدي.. لا تخلي اذنه تتعود على هالكلمه و أنها ممكن تنقال عادي بالعكس عيب .. شخصية ولدك حلوه ماشاء الله حافظي عليها الله يحفظ لك عيالك و تشوفينهم في أعلى المراتب ان شاء الله |
رد : ارهقتني تربية ابني ذو السبع سنوات
الله يعينك روح
نصيحتي شدي عليه شوي مش ضروري تموتيه ضرب بس كوني حازمة ابني مر بفترة قرف وعناد و طلع روووووحي وكان لسة ماطبق 4 سنين المفعوص :( شديت عليه وبعدها انعدل نسبيا وبالنسبة للعب مع الاكبر منه مابنفع خاصة انو هما مش صحبة جيدة شو منتظرة تمنعيه حبيبتي تاثيرهم سيء علميه يختار صحبته من هلأ بكرة يكبر وببطل تقدري تسيطري على صداقاته فلو من هلأ علمتيه مقياس الصداقة بكون احسن شوفيله نادي ولا مكان حديقة كل يومين خديهم يفرغو طاقاتهم تعرفي على اسرة عندها اطفال ومحترمة و تصتحق الصداقة واطلعي مع اطفالهم هيك امور اما لاتتركيه في الشارع ابدا لانو الشارع بيضلو مجرد شارع شو بدو يعلم؟ |
رد : ارهقتني تربية ابني ذو السبع سنوات
ولدك في السابعة يعني طفل صغير
ورح يحاول يثبت نفسه عن طريق التصرفات اللي قاعد يشوفها من أولاد الجيران ويقلدها الله يسعدك ياروح بدووون ضرب ماأحب الضرب مهما كان شوفي طريقتك حلوة لما حرمتيه من الآيباد لكن لما تحرميه منها اجلسي وناقشيه سبب العقاب وليه واطلبي منه الأعتذار حاولي تكون أساليب العقاب بهالأشياء حرمان مصروف طلعة ملاهي مطعم وبصراحة انا ضد إنه يلعب مع شخص بهالعمر يعني ثانوي ؟؟؟ ليه يجلس مع طفل حتى لو هيأته ماتدل على هالشي وحتى لو مؤدب والله جد مو عشان شي لكن لو عندي أطفال مستحيل أخليهم يلعبون بالشارع ممكن يتعلم أي شيء سيء ممكن لاقدر الله يصير أي شي باختصار أشغلي وقته سواء نادي ركوب خيل سباحة كراتيه شوفي إيش موهبته ولإيشيميل وحاولي تنميها جيبي كتب للبيت وصيري إقرأي عشان يعتاد على شوفتك ويصير يحب القراءة لله يخليهم لك يارب ماشاء الله قد إيش الوقت يمشي بسرعة تقولين سبع سنين تبارك الله كنها أمس |
| الساعة الآن 04:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©