|
رد : طلبت من سالم الذهاب إليه للتخفيف عني ورفض
ادري الكلام مابيفيدني لانه الواقع كبير
والله والله مااحلف بغير اسمه اني مااخليها تتهنى في حياتها ابويه كبير وليش تزوجته وانا ماتخليت عن بو بطي عمري ماتخليت عنه وزواجي من سالم عمره مابيشغلني عنه .. بس هو متى دخل البيت عشان اعذره .. لا والله مااسامحه الليله بايت عندنا الليله بس حن وحس انه ارتكب غلطه لا ويدخل الحجره عليا يتحراني على لاب عشان يطمن سويت روحي راقده هييي سنين سنيين مادخل ولا طل الييوم رجعني لسنين ورى يوم كان يدخل ويطمن لاعياللك طليت عليهم ولااهتميت واخرتها تزوج خليها وبقول لسالم الدخله بعد اسبوع او يباها من باجرر ماعندي مشكله عرس مابا زفه ياخذني بعشى في البيت .. |
رد : طلبت من سالم الذهاب إليه للتخفيف عني ورفض
اقتباس:
الغضب عصا حمقاء تُظلل صاحبها الطريق ياروضة .. لاتُقرري شيء وأنتِ منفعلة .. اهدي فقط .. تذكري أجمل شيء فعله من أجل هذه الروضة الآن !! أكيد فيه أمور جميلة بينكما !! الله يرضى عليكِ لاتتسرعي ولا من أخلاقكِ ستفعلي ذلك !! هذا من غضبكِ أعلم قلبكِ الكبير سيسع !! لكن ليس الآن بعد أن يهدأ ويفكر بعقل ودون غضب ...! أسألي أخواتكِ واتصلي لما راضيات هكذا ؟! وستلقين نفس الإجابة بأنه يحتاج !! الله يمسح على قلبكِ ويطمئن نفسكِ اللهم آمييين .. |
رد : طلبت من سالم الذهاب إليه للتخفيف عني ورفض
لن يصبح اباك ملاكا بلا حاجه
بك يكون اب وبها يكون رجل ولن تكوني ملاكا به تكوني ابنة وبزوجك تكوني انثى ولو ام يتزوجها تزوج غيرها لانها يحتاج لرجولته بما ان الهواء يتحرك بحلقه ذهابا وايابا لاننا ناقصون ونحتاج الاتكاء على بعضنا بعضا روضه قد يؤذيك ما اقول ولكن تمعني جيدا الان الحياة لا تدور حول ما تحبين ابدا هناك رغبات بمن تحبين يجب ان تتحقق رغبة اباك المسن انثى مهما كانت رغبة تلك الانثى |
رد : طلبت من سالم الذهاب إليه للتخفيف عني ورفض
بالمناسبة حبيبتي روضه
انت لست بحاجة لان نسلط الضوء لك على واقعية الحياة بدليل ان عقلك مدرك له حين تحدث لخليفه و قلبك استغرب منطقية عقلك القلب لا يفكر سيهدا قلبك بعد ثورة تاخذ مجراها وفقك الله واقراي ماكتبته عن الله فبه خلاصك وسكينة قلبك حماه الله |
رد : طلبت من سالم الذهاب إليه للتخفيف عني ورفض
الزواج الثاني لايعتبر خيانة
وهو لاينسى امك رحمها الله ولم ينساكم ولاكن يريد زوجه تقوم ب أموره الخاصه ها انتي تزوجتي من سالم وهو له زوجه فهذا لايعتبر خيانة اهدائي وفكري بعقلك وكما تريدون انتم ي الأبناء السعادة هو كذالك يريد ان يكون سعيد في حياته |
رد : طلبت من سالم الذهاب إليه للتخفيف عني ورفض
عزيزتي أإأذأإأ بغيتي الصج
ابوج مٍْْـٍْْ♡̷̴̬̩̃̊ـٍْْنٍْْ حقه يتزوج مهما يكون ريال كبير ومحتاج ونس معاه بالبيت .. انتي باجر تروحين بيت زوجج والله يرزقج بالعيال وتتلهين فيهم وزين منج أإأذأإأ طليتي على ابوج بين فتره والثانيه!! ابوج ماقصر رباكم وتعب وياكم وماخلا عليكم قاصر مستكثره عليه يتزوج ويرتاح باجي عمره!! وبعدين انتي كبيره وعاقله منتي بيبيےّ مراهقه عشان تقولين هالسوالف عن مرت ابوج!!! بعدين ياقلبي الرياييل مالهم غناة عن الحرمه وهاذي سنة الله في خلقه !! ولاتظنين بَعَــ♡ـدْ عمرن طويل أإأذأإأ توفيتي انه سالم بيقعد كل يوم على قبرج ويذرف الدموووع لين تبل ترابج!! لاياحبيبتي .. خلي عنج العواطف والرومانسيات كلام الروايات مايطلع مٍْْـٍْْ♡̷̴̬̩̃̊ـٍْْنٍْْ اطار الكتب بس!!! صلي عالنبي يوخيتي واستهدي بالله ... وروحي بوسي راس ابوج وباركيله .. |
رد : طلبت من سالم الذهاب إليه للتخفيف عني ورفض
اقتباس:
|
رد : طلبت من سالم الذهاب إليه للتخفيف عني ورفض
اقتباس:
رمست الريم وهي بروحها موب مصدقه منصدمه وقالت طول الطريج مانطقت هي ولازوجها بكلمه قالت كيف يصير شي ماعمري تخيلته مجرد التفكير فيه واختنا الثالثه دقت عليها الريم قالت زين الله يوفقه بدق عليه وبباركله اصلن هي موب فارغه في السنه مرتين او ثلاث تقعد عندنا وجوفنا كل وقتها زوجها ورى اشغاله يركض .. عندها ولد عمره اربع سنين مكتفيه فيه .عمرها 32 وريلها ان نزل بوظبي طل علينا وخطف يسلم وهي حسب دراسه ولدها مرات اطل في الاجازات . |
رد : طلبت من سالم الذهاب إليه للتخفيف عني ورفض
اقتباس:
الموت مانقدر عليه المرض انحاول بعلاجه لكن وجود شخص غير مرغوب في حياتك اهني تتوقف الساعه وترجع بالاحداث ورى واجوف وين الغلط وتعالجه |
رد : طلبت من سالم الذهاب إليه للتخفيف عني ورفض
اقتباس:
انا وسالم تزوجنا عن حب ابوي تزوج بنت عمه وطلقها بعد ماخلف منها ومااتزوجها عن حب تزوج امي بعد ماعرفها وكانت توها ممرضه مبتداه وفضلت تترك ناسها عشان زوجها في حال حبيتي تطرحين مقارنه بين سالم وابويه اعرفي فارق السن واحسبيله حسااب |
رد : طلبت من سالم الذهاب إليه للتخفيف عني ورفض
اقتباس:
سالم بيعيش معاي وطفل واحد منه لاغير اتوقع تكلمت بحروف واضحه من قبل عن خططي مع سالم زواجي منه بثمره سواءن استمرينا او لا .. ميزانيه سالم ماتسمح لي اخلف منه الكثير وجسمي مايتقبل اكثر من طفل .. انا شليت وحطيت ومستعده اشل وااحط طول عمري |
رد : طلبت من سالم الذهاب إليه للتخفيف عني ورفض
لاول مرة اخالفك بنت بوظبي
من حقه ابوك يتزوج مهو جاهل و يحتاج اذن رجاااااء يا نساء كل وحده لا تدمر اختها ايش تحاربون بعض هذا انتى تزوجتى سالم و ماحد له حق يقول لا حتى زوجته و زوجة ابوك تزوجته و ماحد له حق يقول لا هذا شرع ربنا مثل مايحق لك تتزوجين يحق لابوك |
رد : طلبت من سالم الذهاب إليه للتخفيف عني ورفض
اقتباس:
الانسان حر باختياره بس طالما اختار وكون اسره اهني حدود مفروض عليه يحترمها اذا وفى حق رعيته يروح يتزوج بس واحد في شرق والثاني في غرب وهو يفكر في راحته غير مقبول ابدن لو راده على الاختار القلب يختار مره موب مرتين وثلاث وعشر |
رد : طلبت من سالم الذهاب إليه للتخفيف عني ورفض
مايتكلم بزواج ابوك ومابلومك مايوجس النار الا واطيها
الي بقوله لك سااالم زوجك لاتدخلينه بالموضوع لاتقولين له عن احساسك بزواج ابوك لايجلس يقارن بالاحساس ويقول هذا احساس البنت كيف الزوجه ويبدا يفكر بحساس زوجته وتعبها وتفتحين ع نفسك باب مسكر وبدال زواج ابوك يطلع لك سالم بسالفه |
رد : طلبت من سالم الذهاب إليه للتخفيف عني ورفض
روضة..
ابوي خذ امي عن حب .. وخلت أهلها وبلادها ويت بلادنا وعاشت فيها. بعد ما توفت بكم سنة .. قال لنا بتزوج .. تبين الصراحة أنا واخواني كلنا زعلنا .. تعرفين ليش؟ .. لأن اللي اختارها كانت بنت 27 وهو كان طايف الخمسين ..... شو تبا به؟!!!!! ومع ذلك يوم ابوي سوى لها حفلة رحنا كلنا وما كسرنا بخاطره. وما شافت منا الا كل احترام يوم دخلت بيتنا .. ولا عمرها شافت منا حركة مب زينة ولا سمعت منا كلمة شينة. قدر الله أنها ما تقعد عنده الا كم شهر وعقب طلقها .. وبعد فترة تزوج وحدة ثانية عمرها فوق الأربعين .. ووقتها ما قلنا شي .. وبعد ما شافت منا الا كل احترام. أخبرج بكل هالقصة عشان ما تقولين اني أرمس من فراغ وان ما يحس بالنار الا اللي واطيها .. وأقول لج اني وطيت النار مرتين مب مرة وحدة. في النهاية الريال ما سوا شي غلط .. ولا راح للحرام .... مب انتي ترمسين عن الشرع؟ .. ترا ابوج بعد مشى على الشرع .. والا الشرع يمشي على ناس وناس لا؟!! عيل شو كنتي بتسوين لو انه تزوج عقب وفاة الوالدة على طول مثل ما بعض الرياييل يسوون؟ مب انتي اللي قلتي انه تم فترة نفسيته تعبانة عقب وفاته؟ .. هذا مب مهم ولا كافي؟ .. لازم يتم حزين ومسكر على حياته طول عمره عشان يكون وفي في نظرج؟!! الله يهديج بس. |
رد : طلبت من سالم الذهاب إليه للتخفيف عني ورفض
اقتباس:
بس تحسفت اني خبرته عن خليفه لانه قعد يهاوشني ويعطيني نصايح وجي قلبه على خليفه اكثر من انه يكون قلبه عليا .. سالم يوم ابوه طلق امه كان اصغر من خليفه وتربى عند خواله وفاهم معنى هالاحساس ابصراحه انا بس كنت اباه يكون حاضر بعد ريفان الزوج لازم يشارك زوجته بتفاصيلها .. يعني لو انتي مكاني وحسيت بضيج تبين ترمسين اوك رمستي في المنتدى وماقصروا الاخوان وقام بالواجب وزود بس الاكيد في النهايه تتمنين شخص اخ اخت زوج اب ام صديق اي حد اقرب لج صح والا لا ؟؟ ريفان سالم عاش مع ام مطلقه واكيد هو اكثر واحد يعرف لوعه الاحساس انا ماعندي صديقات غير صديقات المظاهر يعني نتسلى اذا بنسير السينما كوفي شوبينغ عرس يعني مااحب احفظهن سر بيتي .والا شو يستوي بحياتي .. صعبه تمشين بينهم باجر بين ابوي وامي عشره سنين بين ام سالم وابوه سالم نفسه وبين سالم وزوجته سنتين بدون عيال وغياب متكرر بس بيني وبين سالم سنين من المعرفه وزادت عقب ماحللها ربي ... مافي اي وجه للمقارنه عزيزتي بين الثلاث . |
رد : طلبت من سالم الذهاب إليه للتخفيف عني ورفض
وايش تقولي عن الي خطب الجديدة وهو بجنازة زوجته!!!
جد وحقيقة وحصلت معانا ... تزوج وعياله صغار كمان يعني جاب لهم زوجة بعد اربعين يوم من وفاة امهم لسه مافاقو من صدمة يتمهم على الاقل انتو كبار ماشالله وخلاص عايشين حياتكم ث وهي وجوده من عدمه مابتاثر بحياتكم ولا لها دخل بكم مااقولك باركي له ولا خذيها بالاحضان بس خليك بحالك وهم بحالهم ووالدك له الاخترام والحشيمة وخلاص ان كانت طيبة على نفسها وان كانت شينة وطماعه هي الخسرانة ،، بتخسر حياتها معاه وابوك مش طفل ولا مراهق عشان تضحك عليه وحدة .... الرجال يحس بزوجته ويعرف هي ايش تبي كمان الفرق بينهم كبير بس مناسب الحمدلله ماراح ياخذ وحدة بنت عشرين وانما اخذ وحدة تعتبر مناسبه له وهذا شي يحسب له حبيبتي مهما كان الزوج لزوجته لكن بعد وفاته يحتاج امراة ثانية وهذا ماله دخل بوفاه لوالدتك ربي يسكنها جناته وفاه كان بحياتها بتعامله الطيب معها بحبها واحترامها وعدم زواجه عليها لكن بوفاتها رحمة الله عليها زواجه من عدمه مايفرق.. ووفاه معها مايكون بعدم زواجه وانما يكون بذكرها بينه وبين نفسه بالترحم عليها .، بعمل خير لها وصدقات عشانها هذا الي بيوصل لها وينفعها ربي يرحمها برحمته ويجعل مثواها الجنة ،.. مابقولك الان قومي بوسيه وباركي له بس اتعودي من ابليس ولا تخاضمينه كلميه عادي واتركيه بحاله هو زوجته ويحق لك فقط تشرطي انها ماتسكن ببيتكم حفاظا علا مشاعركم وياخذ لها بيت ثاني الله يبرد على قلبك |
رد : طلبت من سالم الذهاب إليه للتخفيف عني ورفض
يوم روضه تشتغل وترجع شرات الاول وواثقه انه هناك اهل في البيت يديرونه تطلع وتدخل وموب شايله هم حد من خوانها ساعتها مالها حق تتكلم
لكن يوم روضه لزمت وعاهدت نفسها بروحها تقوم بدور الاب والام وسكتت عن غياب الحي والميت وقتها الكل يسكت وماينطق بكلمه لو أبو بطي قام بدوره طبيعي في البيت كنت اول شخص يهنيه على الزواج والله ثم والله لافرش لحرمته الارض بعباتي عشان ماتوصخ ريولها لو تبا واحطها تاج على راسي لكن طول هالوقت غايب وانا اقوله ولدك ذياب ريحته فاحت تعال جوفلنا حل معاه لايضيع عسى الله يهديه يقولي باجر يكبر ويعقل & خليفه موب ولده ؟؟ خليفه موب ولده ؟؟ والا بس ولده بطي .. حرام اذا شلاه المسيد ورد معاه ؟؟ والا بس كان يروح مع بطي وذياب ويرد بالاول عمره ياب خليفه من المطار؟؟؟ والا جد فكر يسافر مع خليفه ويجوف وضعه هناك ؟؟ !!!!! الولد ابوه حي وميت في نفس الوقت.. اول كنت اقوله خليفه منوا تحب اكثر واحد يقولي طبعن اول شي مثل اماه مااحب حد اقوله وابوك يسكت يقولي اماه غير اقوله وروضه والا ريم والا شيخه والا والا يقولي تعرفين اني احبج اكثر وحده ليش تسالين ؟؟ في ولد يحب اخته اكثر من ابوه ؟؟ انتي لهيتي في حياتج وخواتج لاهيات والحياه مستمره وخواتي بعد وانا لا ماانسى العشره وماتهون عليا وخصوصا امي لو ماتت وتراب قبرها نشف بالنسبه لهم نشف أنا واعوذ من كلمه انا للحين مبلول عندي مانشف اقول باجر بينشف ومانشف تدرين ليش ؟؟ لاني وفيه بس مساله تقولين انج جربتي النار مرتين اقولج النار اللي ذقتيها برد جدام نار اللي ذقتها كفيتي ووفيتي يااخت مهرة |
رد : طلبت من سالم الذهاب إليه للتخفيف عني ورفض
اقتباس:
اشكرج على النصيحه |
رد : طلبت من سالم الذهاب إليه للتخفيف عني ورفض
انا بطلع الحين بقعد معاه وبقوله كل اللي بخاطري
وبسمع شو بيقول قبلها .. والله يكتب اللي فيه الخير |
رد : طلبت من سالم الذهاب إليه للتخفيف عني ورفض
روضة ياحبيبة ..
وأنتِ غاضبة وبهذا الوضع لاتكتبي عشان خاطري ..أقرأي سورة الكهف وصلي عالنبي محمد صلى الله عليه وسلم .. وعندما تُقابلي والداكِ قابليه بالحسنى ..الكبير في العمر لايتحمل الزعل انتبهي حبيبتي .. أنتِ قوية وستتجاوزي هذه الصدمة .. الله يمسح على قلبكِ ويهديكِ .. |
رد : طلبت من سالم الذهاب إليه للتخفيف عني ورفض
اقتباس:
احنا كلنا بشر يا روضة .. كلنا نحس .... مب بروحج يعني. ومب لازم اكتب لج تفاصيل حياتنا عشان تقدرين تقدرين لأي مدى كانت النار اللي عشتها. بالعكس .. حتى لو كتبت لج بعد بتجادلين وبتقولين روضة غير .. كأن روضة بروحها اللي تزعل وتتضايق وتحس!!!! كون بعضنا يقدر يتجاوز مشاكله أو أحزانه .. فهذه نعمة وفضل من رب العالمين المفروض نشكره ونحمده عليها .. وما نقول فرق الثرا عن الثريا .. لأنج بالفعل ما تدرين الفرق بينهم! وعلى فكرة راح اطوّف لج هالكلمة مثل ما طوفت لج قبل .. لاني ادري انج يوم تكونين متضايقة تعقين خيط وخيط وما تحسبين حساب كلامج. وكونج بعدج تبكين على امج الله يرحمها ويسكنها الجنة .. فهذه مسألة تخصج بروحج لكن مب من حقج تتوقعين إن الكل يحس مثلج .. ولا من حقج تعتبرين اللي ماله نفس احساسج انه قليل وفا. وبعدين لو انج وفية هالكثر ليش رحتي دورتي زوج وياهل؟ .. ليش كنتي تقولين انا باعيش حياتي وسعادتي وما علي من حد؟! .. تراج انتي بعد تبين يكون لج حياة خاصة فيج .. والا بس ابوج اللي لازم يكون وفي؟! |
رد : طلبت من سالم الذهاب إليه للتخفيف عني ورفض
وبالمناسبة .. حتى لو ابوج الله يبارك في عمره قصّر في شي تجاهج وتجاه اخوانج .. فله رب يحاسبه على تقصيره .. لكن تقصيره ما يعطيكم الحق تعارضون زواجه.
|
رد : طلبت من سالم الذهاب إليه للتخفيف عني ورفض
انا بقول لج شي واحد
انا اتمنى ابوي يرجع لنا مرة ثانية وانعيش معاه لحظات حلوة مرة ثانية قولي الحمدلله انه عايش بينكم في ناس مثلي تتمنى اتشوف ابوها فقدته من 11 سنوات ولازلت افتقده فيي كل لحظة حلوة في حياتنا عرس ما عرس خلاااااااص متى بنتعلم نحن انسامح! متى بنعيش بتسامح خلاص انتي بتروحين عند ريلج هو منوه عنده حبيبتي؟! خذ عربية ولا خذ اجنبية اكيد بنزعل لان هذا ف النهاية ابونا الله يطول في عمره ويحفظه لكم ويخليه ذخر لكم هذا نفسه اللي قلتي هاك اليوم عنه مقامه وقدره عندج اكبر حتى من زوجج! تحيدين يوم قلتي مقام وقدر الاب عندي اكبر من سالم انا ادري انه صعبة ادري انه الوضع مو سهل ادري انه ما بتقدرين تنسين وادري ما بتقدرين اتسامحين بسرعة لكن خلاص هذا قراره وهاي حياته وهاي احتياجاته. الله يهدينا ويهديج |
رد : طلبت من سالم الذهاب إليه للتخفيف عني ورفض
لا تزعلين مني بس يوم حد يتكلم عن ابوه بالطريقة انا يفور دمي
ما اتخيل انه ممكن حد عنده اب او ام ومب. مستانس او فرحان هذيل من اكبر النعم في حياتنا. احنا موجودين بفضل الله ثم بفضلهم وتربيتهم لنا الله يهدي بالج وييسر امرج يارب |
رد : طلبت من سالم الذهاب إليه للتخفيف عني ورفض
الله سبحانه وتعالى شرع لنا الدين
والدك محتاج لزوجه تشاركو الفراش وسالم محتاج لزوجه تشاركو نفس السبب واهو قال وحده تحبني وتموت فيني صدمتي فيك كبيره يا بنت بو ظبي دعي الخلق للخالق ان انتقمتي من زوجة والدك اول المتضررين والدك الله يحفظه لك ولاخوتك نحرم ما شرع الله تحت شعار الوفاء اعذب دهر ولا ارمل شهر الله سبحانه وتعالى خلق البشر والموت والحياة بيده هو فقط وهو كتب علينا ما نحن فيه ومن ثم نصيحه لوجه الله تزوجي واتركي بيت اهلك او انو سالم ما قادر يفتح بيت لك وحدك ولا عامله حساب لمشاعر البش ولا متطلباتهم نحن بشر وانتي لستي مسؤوله لتحكمي في اهلك بحجة الحب بحجة الوفاء لامك تريدي ان تنتقمي من زوجة ابوكي وبالحقيقه ليس من زوجته انما من ابوكي رح تنتقمي سنحاسب يوم القيامه على افعالنا |
رد : طلبت من سالم الذهاب إليه للتخفيف عني ورفض
اقتباس:
الله يصلح حالج يا روضة .. شو علاقة الإنجاب بالغريزة؟ دوم تحورين الأمور بطريقة غريبة بس عشان تقنعين نفسج انج صح! يعني على بالج لأن امج ما يابت من عقب خليفة يعني ما كان بينهم شي مثلاً؟! وبعدين بين الزوجين وايد أسرار يا روضة عمرج ما بتعرفينها .. فلا تفسرين وتحللين أمور تجهلينها. |
رد : طلبت من سالم الذهاب إليه للتخفيف عني ورفض
ما راح أناقشك ولا أقول لك رأيي بموضوع زواج ابوك ولهذا ارجو عدم الرد على مشاركتي ... فكري بكلامي عدل واذا استفدتي منه يكون غرضي حصل وإن ما عجبك وما استفدتي منه ارميه وخلصنا لأن بصراحه ما احب كثر المرادد
مشاركتي مجرد تفسير لمواقف لوالدك أنتي ما فهمتيها وهو ماراح يفسرها لك لأنه حريص على مشاعرك . يوم والدك بعد عن البيت وأشغل نفسه فهذا لأنه حس أنك محتاجة تشبعي عاطفة عندك ... تشبعي حاجة نقصت عندك بسبب وفاة والدتك واحتجتي تقومي بدور الأم ويكون عندك أحد يحتاجك مثل خليفة . ولهذا والدك ترك لك الساحة . حتى خليفة تقبل منك دور الأم لأنه حاس فيك ويراعي مشاعرك ... الى أن يوم سافر لندن وكنتي بتسافري معاه قال لأ وعبر لأول مرة عن مشاعره بأنه كبير وما يحتاج . ووالدك مقدر هذا عند خليفه ويدري أن الرجل لما يصير عمره من عمر خليفه يكون رجل ومعتمد على نفسه وما يحتاج أحد يتدخل بكل صغيره وكبيرة بحياته ويحب ان أبوه يعطيه الشعور بالثقة . على الأقل هذا تفكير أبوك حتى لو أنتي فاهمه الأمور غير . ويوم طلبتي من والدك يتدخل بموضوع ذياب لأن ريحته فاحت وما تدخل .. هذا لأنه عارف ليه ذياب يتصرف بهالطريقة وعارف أن السبب حرمانه من شمسه وما قالك شنو أسوي لذياب وانتي سبب نكسته ... يكفي أني ما كسرت كلمتك يا روضه وكسرت الولد عشانك . خليه يفرغ حزنه ويطلع اللي بداخله . يوم شمسة كسرتي ذياب وهو حي وعايش بالدنيا عشان خاطر ذكرى .. والحين بتكسرين أبوك عشان ذكرى . هو بيسوي اللي شايفه صح بالنهاية لأنه رجل كبير وعارفه ووازن الأمور بميزانه ما ينتظر بنته توزن له ... لكن موقفك وصدك عنه مؤلم لأنك بنته ويحبك . ناويه تمي تبرري لنفسك انتي حره لكن لا تناقشيني لأن مثل ما قلت لك ما أحب كثرة المجادلة. |
رد : طلبت من سالم الذهاب إليه للتخفيف عني ورفض
همسة مختصرة يا أختنا روضة: 1) طبيعة العلاقة بين والدك –حفظه الله- ووالدتك –رحمها الله- مختلفة عن العلاقة معكم –أنتم أبناؤهما- تماماً.. وطبيعة الأسرار بينهما لا تُقَالُ لأحد. 2) إن كنتِ تعتقدين أنك قائمة بأمور البيت كاملة، إذن نستطيع القول أنَّ والدك قائم بأمورك كاملة فلماذا تزوجتِ أنتِ إذن؟! ولماذا لم تقضِ كلَّ حياتك مع الوالد على هذا المنوال؟! 3) لا تُدخلي زوجكِ في مثل هذه الأمور فيزلُّ لسانكِ عن شيءٍ ما مما يدفع الرجل للتفكير في أمور أخرى وإعادة الحسابات في بعض الأشياء! |
رد : طلبت من سالم الذهاب إليه للتخفيف عني ورفض
ياروضة من العقوق الوقوف بوجه أحد الوالدين في حال رغبته بالزواج،،
ومن البر إعانته على حاجاته.. والزواج حاجة*فطرية ماتشبعها غير الزوجة،، يعني مهما مﻷتوا حياة الوالد وأشغلتم فراغه،، ولا أحد فيكم يقدر يحل مكان الزوجة ويسد فراغها. ياروضة أي انسان في الدنيا كبير أو صغير يحتاج ونيس،، يحتاج أحد يشاركه حياته،،واللي سواه أبوك عين العقل،،وهذا هو الصح ألق نظرة على قصص الصحابة والصحابيات،،وهم أفضل مني ومنك،،كثيرين منهم توفوا أزواجهم وزوجاتهم ،،تزوجوا من بعدهم،،هذا مايعني عدم الوفاء للشريك السابق أبدا،،لكن الحياة لازم تمشي ياروضة،،وضروري نمشيها وفق مايرضي الله.. صعب تلغين مشاعر والدك وحاجته للزوجة صعب ياروضة،،وأكيد مايرضيك والدك يتوجه للحرام،،فلا تعارضين الحلال. |
رد : طلبت من سالم الذهاب إليه للتخفيف عني ورفض
اقتباس:
لو هو عايش معاج في الدنيا ومتهرب منج ومن اخوانج ومن مسؤوليتهم شو بتقولين بشرى قراره خلاص يروح يعيش معاها ليش متى كانت اللغه بينا غير لغه الفلوس وخلها اللغه موجوده والاحساس غايب هذا اللي يباه فاله طيب يبشر نستمر كل واحد في حاله .. بس والله يابشرى ماظلمت من ثلاث سنين وانا قلت في نفسي حرام خليه يرتاح من حمل اخواني ويكفيه اللي خسره . مايتصل االا راس شهر واالا اذا يباني اقوم بشي معين ها خليفه شو مسوي في دراستك شي ناقصتك .. ها روضه شي ناقصنج خبريني بس يقولي خليفه روضه باجر اجتماع اولياء الامور ويطرشون مسج اطرش لابويه اقوله ابويه اجتماع اولياء الامور بتسير للخليفه يقولي روضه والله موب فاضي سير يابابا عني او خبري ذياب طبيه برايه الاجتماع خليفه يقولي روضه عادي ترى حتى امهاتهم ييون يعني اذا ابويه مايروم لازم امي اول مرة صار هالموقف من بعد وفاه امي في اول سنه يداوم فيها وتكرر 8 مرات خلال ثلاث سنين في السنه الاجتماع يصير اكثر من 3 مرات هي صحيح امي كانت تحضر اجتماع اولياء الامور عند كل اخواني وكانت تشجع ابويه يسير معاها انا ماغفلت عن الحسبه البنت يهووون بنقول عادي بس الولد لاه يابشرى لا مايهون حتى ذياب نفسه يوم طلع من من مجال خاص في مابقول الاسم قالي وين اسير قلتله وين تبا قالي اسافر وادرس قمت عطيته لسته باالأماكن في الدوله بعد ماسألت عن تخصاصتها واخرتها قالي خلاص باخذ كورس ست شهور برى وعقب ببتدي في الجامعه الامريكيه في الشارجه قلتلها بس زين مااخترت والحين يدرس في الجامعه الامريكيه الله يوفقه ومنها خذ شقه في دبي ابويا على بالي بيمسكه وبينصحه ليش فشل في مجال االأول او بيتشاور معاه تعرفين شو قال جوف اللي يسرك وانا حاضر ان شالله بشرى قدر ابويه فوق راسي بس مساله زواجه هاي مابتقبلها .. ليش يخبرنا ؟؟ قال بدال لاتسمعون باجر من البعيد اباكم تسمعونها مني منوه قالج انا بروح عند ريلي ؟؟ او افكر مجرد التكير اطلع عنده انا واضحه يابشرى ريلي بيسكن معاي في بيتنا اصلن ماعندي استعداد اطلع من هالمكان ذياب بعده ماعرس وخليفه ماكون مستقبله والبيت منوه بيقوم به يا بشرى ؟؟ المرحومه فصلت في زوايا وحطت كل لمسآآتتها فيها كل الحجر على حالها ماغيرتها لانها اختارتها بذوقها وذوق ابويه كل شي على حاله يابشرى الغر كلها باثاثها على حالها معقوله اترك كل شي في ايد غريبه تفصل فيه لا سامحيني انا واخواني لنا الحق بس نفصل فيه |
رد : طلبت من سالم الذهاب إليه للتخفيف عني ورفض
اقتباس:
............. ليش كل هالتحامل هالفرق وضعج يختلف عن وضعي وضعج ي شرق وضعي في غرب وين الغلط في التعبير تماما كالعاده اخت مهرة تفهمين الموضوع بطريقه ماادري اذا اقدر اوصفا بالسلبيه او شو ؟؟ وبالنسبه لانج بتطوفينها انا اقولج لااطوفينها وخذيها نصيحه مني طالما تفكيرج منحصر بزاويه معينه تصرفي على اساسه .. بالنسبه اني ادور ياهل هي ادور ياهل اتبناه ها شي منتهيه منه وابا ياهل من دمي ومن سالم وهاشي مخططه له مستقبلن سواءن استمريت مع سالم او مااستمريت وليش ادور على زوج ؟؟ خاطري البي مناداه الغريزة في طبيعتي كوني من بني ادم ابا اكشخ فيه ادلع عليه ابا اذا طلعت وسط الناس بدل لااطلع وراي خداماتي او بروحي اطلع ومعاي حبيبي ريلي وانتي عارفه باقي التفاصيل احبه وين الغلط اني اعيش معاه صح ماحبيت غيره وليش احب غيره اصلن طالما بيرحني من ناحيه معينه موب محتاجه اكثر فهمتي اخت مهرة ليش رحت وراه ؟؟ |
رد : طلبت من سالم الذهاب إليه للتخفيف عني ورفض
والدي يبقى والدي .. !! تزوج على أمي .. وإن طلقها وحتى إن خرج من ملة الإسلام يجب أن أن لا يرى مني إلا الحسنى .. يكفي فخرا أنه أوصلني إلى ما أريد .. لم يقسو عليّ بكلمة أو بإهانة .. لم يشبعني ضربا مثل باقي الرجال .. أعطاني من ماله وصحته وعمره .. تأملي بذلك يا روضة ..!! |
رد : طلبت من سالم الذهاب إليه للتخفيف عني ورفض
اقتباس:
توفت وهي كانت قايمه بدورها كأم حابه تجهز حفله نجاح ولدها طلعت مع هالولد اللي مانكتبله عمره ولا مستقبل تموت يطلع يهتم في عياله الباقيين موب قادر يهتم فيهم خلاص تزوج يروح يعيش معاها بعيد عنا وانتهينا |
رد : طلبت من سالم الذهاب إليه للتخفيف عني ورفض
اقتباس:
ولقيت فراغات وايده تنتظر اني اكملها |
رد : طلبت من سالم الذهاب إليه للتخفيف عني ورفض
اقتباس:
غلط غلط اللي تقولينه غلط غلللللللط |
رد : طلبت من سالم الذهاب إليه للتخفيف عني ورفض
اقتباس:
اشكرك اخويه على النصيحه واذا ريلي يبا يعيد الحسبه خليه يعيدها ماعندي اي مشكله في الموضوع |
رد : طلبت من سالم الذهاب إليه للتخفيف عني ورفض
انا الكبيرة وباعاملج باللي ربتني عليه امي.. وانتي خلج بخيوطج الله يصلح حالج. المهم.. اقتباس:
وابوج مب بني ادم؟!!!!!! مشكلتج يا روضة.. تعطين لنفسح كل الحقوق وتحرمين غيرج منها! |
رد : طلبت من سالم الذهاب إليه للتخفيف عني ورفض
اقتباس:
موب شاب مراهق عشان ينحصر التفكير في شي معين |
رد : طلبت من سالم الذهاب إليه للتخفيف عني ورفض
عموماً..
بعدج تعطين نفسج الحق تقيمين الأمور على كيفج .. المهم تكون حسب مصلحتج انتي! أبوج مب مراهق عشان يفكر في هالأمور؟ وانتي مراهقة؟ انتي من حقج تلبين نداء الغريزة .. وابوج المفروض يسلم الراية لأنه حسب رايج خذ نصيبه واكتفى؟!! مب من حقج يا روضة .. مب من حقج تحددين حاجة أبوج أو تحاسبينه عليها. |
| الساعة الآن 11:45 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©