منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   ساعدني (http://www.66n.com/forums/forumdisplay.php?f=139)
-   -   كيف أؤدب زوجي..... الى بيتا الغالية ونور الايمان (http://www.66n.com/forums/showthread.php?t=247451)

موهبة الكويت 29-11-2013 05:21 PM

رد : كيف أؤدب زوجي..... الى بيتا الغالية ونور الايمان
 
عدت لكم مجددا

يا خواتي زوجي جااااااااااااف معاي ادز له مسجات ما يرد ويصد

انا خلاص صبري نفد وخلص

الحين انا في بيت اهلي قلت له ابي ارتاح منك


امس كنت راجعة من الدوام تعبانة كان ودي بكلمة تطيب خاطري او تحسسني اني مرغوبة

دزيت له مسج طبعا كالعادة حقر ومارد وكنت رادة تعبانة وكانت بنتنا مستعسرة وايد

دزيت له مسج ان انت مافيك خير وانت جاف وناشف

وكان امس حافل بالمشاكل

طبعا غلط علي وعلى امي وبعدها اعتذر على غلطه على امي

والحين يقولي انا حذرتج من زمان ان هذا اللي عندي ولا اقدر اعطي اكثر وانا صبري خلص


ابي احس بالحب ابي احس اني مرغوبة

كل الكلام الزين لها وانا مالي الا الصد والجفا

لا تقولون لي عشان بناته يقدر اقل مافيها يقولي جم كلمة تطيب خاطري مثل ما يقولها


تعبت مع هالريال


الصبح حاول ان يلطف الجو بس غلطه على امي ما خلاني اسامحه


ما ابيه وبنفس الوقت مابي اعيد تجربة الطلاق خصوصا مع وجود بنتي

مابي انسان ما يبيني ومن حقي اعيش مع زوج يبيني وراغب فيني

خاله بيتا 29-11-2013 05:26 PM

رد : كيف أؤدب زوجي..... الى بيتا الغالية ونور الايمان
 
ممكن تكتبي لي المسج اللي دزيتيها له ؟؟ الثنتين لو سمحتي
وشنو كان رده على كل واحده فيهم بالضبط

موهبة الكويت 29-11-2013 05:31 PM

رد : كيف أؤدب زوجي..... الى بيتا الغالية ونور الايمان
 
اشرايكم اقوله اني ننفصل اجتماعيا
اكون على ذمته بس ماله اي حق علي
وما ايي بيتي

انا حابة بيتي وحابة مملكتي بس اهو جلف وناشف معاي


قالي متى تاخذين اغراضج من البيت قلت له هاليومين

وسالته متى اتييب الورقة قالي بعدما تاخذين اغراضج عشان اتاكد انج جادة

لا تقولين لي ما يحبها الا يحبها وميت عليها وانا مو ماخذني الا ارضاء لامه بس

خاله بيتا 29-11-2013 05:47 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2991377)
اشرايكم اقوله اني ننفصل اجتماعيا
اكون على ذمته بس ماله اي حق علي
وما ايي بيتي

انا حابة بيتي وحابة مملكتي بس اهو جلف وناشف معاي


قالي متى تاخذين اغراضج من البيت قلت له هاليومين

وسالته متى اتييب الورقة قالي بعدما تاخذين اغراضج عشان اتاكد انج جادة

لا تقولين لي ما يحبها الا يحبها وميت عليها وانا مو ماخذني الا ارضاء لامه بس

طلعيها من حساباتك كلها ... مالها علاقة بجفاف زوجك

علاقتك بزوجك طبيعتها بسبب حياتكم انتي واياه وبسبب تعاملكم انتي واياه ... هي مالها تأثير إلا بسبب غيرتك منها واستمرار مقارنة علاقته فيها بعلاقتك فيه

انتظر نص مسجتك له يالغالية ... بناءا عليها أقدر اـتأكد من اللي ببالي عن سبب جفافه

موهبة الكويت 29-11-2013 06:06 PM

رد : كيف أؤدب زوجي..... الى بيتا الغالية ونور الايمان
 
الى من نقشته مشيئة الله في قلبي وحفرت اسمه في عقلي







احبك واموت بهواك





هذا المسج اللي اول مارجعت من الدوام ومارد علي وقبلها دزيت له مسج ما اقدر اكتبه

وعقب دزيت له


تدري انك احقر وانذل انسان شفته
انا توني راجعة من الدوام وتعبانة وماسكة بنتك ومحتاجة كلمه فيها خير بس ما القى منك الا الجلافة
الله يصبرني على ما بلاني

رد علي بشكرا


وبعدها توالت المشاكل



خالتي بيتا شلون مالها تاثير وانا من ولدت وهي تحن عليه ان يطلقني حتى بفرحتي الاولى ما تهنيت


اهو بسرعة يتاثر وهي تحن وتزن عليه ان انا ابيك لي بروحي يعني يطلقني

حسبي الله عليها

خاله بيتا 29-11-2013 06:27 PM

رد : كيف أؤدب زوجي..... الى بيتا الغالية ونور الايمان
 
ظنيت أن مسجتك ممكن تكون جافة ... لكن طلعت غلطانه

يمكن ساعتها كان مشغول يا موهبة ... يمكن كان حوله ناس ما يقدر يرد .

حسيت هوشتكم هوشة عشاق .. مو عن جد :) وهو حاس بهذا ومقدر غيرتك ورغبتك عشان هيك يقول لك برسلها لما تاخذي أغراضك واتأكد أنك جاده .

حبيبتي موهبة ... لو زنها بدو يأثر عليه كان أثر من زمان ... بالعكس أحس انه زنها وبالمقابل تحملك خلاه يتمسك فيكي مو مثل زمان كان كل شوي يعرض الطلاق .
وكونك مع الله ومتوكله عليه وتدعينه فتأكدي حبيبتي أنها ماراح تقدر تضرك بشي . وبينقلب السحر على الساحر .

هونيها موهبه ... ما صار شي يستاهل كل هذا الزعل ... ولا تجيبي سيرة الطلاق ولا الانفصال المعنوي أو الجسدي أو أي انفصال طالما ما في مشكلة تستاهل ... وطالما زوجك بتحسن مستمر وتعلقه فيك يزيد يوم عن يوم
نصيحة لأي زوجة لا تطلب الطلاق بأي نوع من أنواعه إلا إذا فعلا وصدقا كنتِ ناويه عليه .. لأنه التهديد بالانفصال يفقده هيبته وتأثيره

اليوم الجمعة يوم مبارك وفضيل وحلو تكوني مع زوجك بروقان ومودة . اطلعي خذي لفة واشتري حاجة حلوه وغيري جو وانسيه حاليا
لو أرسل يتحركش خليكي لطيفة معاه واطردي ابليس من بينكم :)

بالتوفيق والله يهدي سركم

موهبة الكويت 29-11-2013 06:40 PM

رد : كيف أؤدب زوجي..... الى بيتا الغالية ونور الايمان
 
مشكورة خالتي بيتا والله اني صايرة مايعة وحبوبة معاه

بس المشكلة احس اني انفخ في جربة مقظوظة


اي نعم ما انكر هو يتحسن ولله الحمد

حتى قبل يومين كان متهاوش مع مرته واتوقع انا السبب لان اعرف ويهه لما تكون الهوشة بسببي

عموما انا يوم الجمعة من الصبح الى الليل عند اهلي

وانا قلت له ابي ارتاح صبري نفد خلاص

مابي ارجع خالتي بيتا مالي خلقه كلش

مابي انسان ما يبيني ولا ابي بس انا اللي اضحي


يقولي انتي سويتي مشكلة من ولا شي قلت له لاني مليت وخلص صبري

ابيه هو اللي يردني مابي احس كل مرة اني اروح وارجع بروحي

ابي احس اني حبيبته مو بايعني

خاله بيتا 29-11-2013 06:55 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2991403)
مشكورة خالتي بيتا والله اني صايرة مايعة وحبوبة معاه

بس المشكلة احس اني انفخ في جربة مقظوظة


اي نعم ما انكر هو يتحسن ولله الحمد
لو تنفخي بقربة مقطوعة كان ما تحسن ولا كان باقي بينكم نصيب ما دام في زن فوق راسه ليش يتعب نفسه وكل شوي متهاوش بسبب أنه باقي عليج ؟
حتى قبل يومين كان متهاوش مع مرته واتوقع انا السبب لان اعرف ويهه لما تكون الهوشة بسببي

عموما انا يوم الجمعة من الصبح الى الليل عند اهلي

وانا قلت له ابي ارتاح صبري نفد خلاص

مابي ارجع خالتي بيتا مالي خلقه كلش

مابي انسان ما يبيني ولا ابي بس انا اللي اضحي


يقولي انتي سويتي مشكلة من ولا شي قلت
ومعاه حق حبيبتي .... انتي زوجك يتعامل معك كإنسانة واعية وزوجة حقيقية وهذا أبقى وأدوم من مراهقة مضطر أنه يظل يداري فيها مثل الطفلة
له لاني مليت وخلص صبري

ابيه هو اللي يردني مابي احس كل مرة اني اروح وارجع بروحي
ما قلت لج غير هذا ... لما يتصل لا تصديه ولا تساعديها عليه عشان يعافك ... لا تتصلي انتي لكن لما يتصل لا تعقديها بوجهه ولا تصيري مثلها حبيبتي

ابي احس اني حبيبته مو بايعني

أتخيل شعورها لما يردها مع كل دلعها والضغط اللي تضغطه عليه ببناتها وتشوفه متمسك فيج مو راد عليها .. تلف تلف وتدور ومو طالع بيدها شي ... ربي يرد مكرها في نحرها ويكفيج شرها .

موهبة الكويت 29-11-2013 07:05 PM

رد : كيف أؤدب زوجي..... الى بيتا الغالية ونور الايمان
 
امين يا خالتي بيتا

بس فعلا محتاجة ارتاح حاليا


تدرين اني كل يوم ارد من الدوام واتغدى بروحي واانام الظهر بروحي وهو ما ايي الا بالليل او بعد ما ينامون بناته

كأني مو متزوجة

اقوله انت عاجبك ان بيتنا متشتت؟؟ عصب وقالي بيتنا مو مشتت ولا تقولين هالكلام

انا كل اللي ابيه ريج حلو وبحسسني برغبته فيني مو مجبور علي


ابي كلام

ادري ان الواقع يقول ان يبيني ولو ما يبيني جان طلقني بس احتاج اسمع

احتاج كلام يوصل لي قلبي

وعلى فكرة كل ما ادز له مسجات خاصة وعميقة ما يرد كلش او يرد بتطنز انا اندقر واتحبط


والله تعبت

خاله بيتا 29-11-2013 07:14 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2991414)
امين يا خالتي بيتا

بس فعلا محتاجة ارتاح حاليا


تدرين اني كل يوم ارد من الدوام واتغدى بروحي واانام الظهر بروحي وهو ما ايي الا بالليل او بعد ما ينامون بناته

كأني مو متزوجة

اقوله انت عاجبك ان بيتنا متشتت؟؟ عصب وقالي بيتنا مو مشتت ولا تقولين هالكلام

انا كل اللي ابيه ريج حلو وبحسسني برغبته فيني مو مجبور علي


ابي كلام

ادري ان الواقع يقول ان يبيني ولو ما يبيني جان طلقني بس احتاج اسمع

احتاج كلام يوصل لي قلبي

وعلى فكرة كل ما ادز له مسجات خاصة وعميقة ما يرد كلش او يرد بتطنز انا اندقر واتحبط


والله تعبت

ما يخالف ارتاحي ... ادري أن وضعكم متعب لج وتحتاجي الراحه

يجي عندج بعد ما البنات يناموا علامة طيبة وحلوه ترى ... فكري بالموضوع على أنه يجي لواحته اللي يرتاح فيها .. بيتج هو سكنه وراحته ولا تفكري فيها أنه يجي تالي الليل بمعنى انه عندج هو الخار الأخير له .. كان بإمكانه ينام عند البنات بعد تعب النهار ..شنو يجبره يشيل نفسه ويجيج ؟ :)

بس انتي لا تملي ولا تيأسي ... واللي خلا الواقع يتغير وخلا زوجك يتمسك فيكي بيخليه عن قريب بإذن الله يقول كلام حلو ويروي قلبج

الله يصبرج ويهونها عليج :)

موهبة الكويت 29-11-2013 07:19 PM

رد : كيف أؤدب زوجي..... الى بيتا الغالية ونور الايمان
 
وعلى طاريها هي عبالها ان متعلق فيني وهيمان فيني

عشان جذي ما طلقني

ما تدري بالحقيقة

وتقوله اصلا جذب انك تقول انك ما تبيها وانك تبيني بس انا وتقوله اصلا انت ما تبيني الا حق حاجتك ولما تخلص حاجتك بتحذفني

خاله بيتا 29-11-2013 07:44 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2991421)
وعلى طاريها هي عبالها ان متعلق فيني وهيمان فيني

عشان جذي ما طلقني

ما تدري بالحقيقة
وش هي الحقيقة بنظرك ؟ ليش ما طلقج للحين؟

وتقوله اصلا جذب انك تقول انك ما تبيها وانك تبيني بس انا وتقوله اصلا انت ما تبيني الا حق حاجتك ولما تخلص حاجتك بتحذفني

وش هي حاجته لها ؟

يعني هي تلعب على وتر الأمان ... تفهمه انها مو حاسه بالأمان عشان هو يبذل جهده يحسسها بالأمان

موهبة الكويت 29-11-2013 08:01 PM

رد : كيف أؤدب زوجي..... الى بيتا الغالية ونور الايمان
 
حبيبتي بيتا 😣😣
توه اتصل علي وقالي هذا انا وهذا طبعي حتى البنات اللي كان يتعرف عليهم قبل كانوا يشتكون

يقول انا جذي بارد مع علاقتي بالحريم

انا قلت له اول ما اتصل ان كل اللي ابيه كلمة طيبة وكلمة حلوة


قلت له ان الله لا يغير ما بقوم حتى يغير ما بأنفسهم

قالي انتي غبية ما تفهمين

وسكر التلفون وعصب

وقالي هذي مو اول مرة تسويها وانا مو فاضي حق عقدج هههههه

الله يجبر بخاطري يارب

موهبة الكويت 29-11-2013 08:20 PM

رد : كيف أؤدب زوجي..... الى بيتا الغالية ونور الايمان
 
حاجته لها الفراش

خاله بيتا 29-11-2013 08:27 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2991446)
حبيبتي بيتا 😣😣
توه اتصل علي وقالي هذا انا وهذا طبعي حتى البنات اللي كان يتعرف عليهم قبل كانوا يشتكون

يقول انا جذي بارد مع علاقتي بالحريم

انا قلت له اول ما اتصل ان كل اللي ابيه كلمة طيبة وكلمة حلوة


قلت له ان الله لا يغير ما بقوم حتى يغير ما بأنفسهم

قالي انتي غبية ما تفهمين

وسكر التلفون وعصب

وقالي هذي مو اول مرة تسويها وانا مو فاضي حق عقدج هههههه

الله يجبر بخاطري يارب

امين :) الله يجبر بخاطرج

اللي فهمته انه أول ما اتصل قلتي له ودي بكلمة طيبة ..قالج
هذا طبعي مع الحريم ........

قلتي له ان الله لا يغير ما بقوم حتى يغير ما بأنفسهم << هو يقول لج هذا طبعي وانتي تقولين له تغير ... عنيده :) وطبعا العناد أثاره فقالج انتي غبية ما تفهمين

وهذي مو اول مرة تسويها وانا مو فاضي حق عقدج وسكر التلفون وعصب

مدري موهبه :) كأنه تصرفك بعيد شوي عن اللي اتفقنا عليه ؟؟ مو اتفقنا ما تصديه وتليني معاه ؟

كان ممكن لما قالج أن هذا طبعي مع الحريم تبلعي كل أفكارك ومقارناتك وتفهمي معنى كلامه بأنه أنا أبيج وما عايفج بالرغم من أنج طلبتي الطلاق وتبين أغراضج :) وتقولي له يعني تحبني بدلع وطفوله وتضحكي وتكمليها بمزح وتقولي مثلا وفلانه ( بنتكم ) كمان تحبك موت ههههههههههه ... ما أتوقع يقدر يتطنز هني


أنا مقدره انه نفسيتك أصلا تعبانه .. مو مشكله ...... أعطي نفسك فرصة الليلة ترتاحي , ولما يتصل المره الجايه كوني لينه حبيبتي

موهبة الكويت 29-11-2013 08:31 PM

رد : كيف أؤدب زوجي..... الى بيتا الغالية ونور الايمان
 
قبل لا يتصل دزلي مسج انا ابيج ضروري

وقالي هذي مو اول مرة والا ناسية

وانا ما سويت شي عشان تسوين كل هالمشكلة

قلت له امبلا صديتني
قالي انا ما ادري شنو الكلام اللي تبينه وهذا انا ووووو

قلت له انت ما تدري ان كلامك يمسح التعب كله مني ويعطيني دافع ومو بس انا كل الحريم جذي

قالي هذا انا

قلت له ان الله لا يغير ما بقول

ومن بعدها عصب


الحين مالي خلق ادلل واداري

من اصبح افلح

خاله بيتا 29-11-2013 08:34 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2991457)
حاجته لها الفراش

هههههههه معقول تفكر جذي؟ ...

كيف يعني حاجته لها الفراش ؟؟ من بعد سنين وسنين عشرة عمر زواجهم ؟؟؟

والحين انتي موجودة ... لو هي تفكر صح وعرفت تحسبها صح كان تذكرت انه هو كان حاذفها أصلا لما كان يظن انه استغنى عن خدمتها للبنات ... لو حاجته لها الفراش ما حذفها السنين اللي فاتت ... ما رجع لها إلا لما حس أنه مافي أحد يسد مكانها للبنات . ولو يئس من رجعتها لخدمتهم فعلا بيحذفها

موهبة الكويت 29-11-2013 09:00 PM

رد : كيف أؤدب زوجي..... الى بيتا الغالية ونور الايمان
 
صج خالتي بيتا كلامها صحيح

لان هذا الشي الوحيد اللي تفيده فيها

وكل وحدة ولها طريقتها بالفراش والظاهر هو فعلا يحب فراشها


عموما كلامج وايد هون علي

بس ارجع واقول احتاج راحة


اذا اتصل مرة ثانية راح اقوله مثل ما قلتيلي

موهبة الكويت 29-11-2013 09:21 PM

رد : كيف أؤدب زوجي..... الى بيتا الغالية ونور الايمان
 
خالة بيتا كلمني توه

قالي مالي خلق مشاكلج

هذا انا جمود بالمشاعر

قلت له بس انت تحبني صح؟؟

قالي اي احبج

قلت له عيل عطني مهلة ارتاح في بيت ابوي

قالي انا جم مرة اقولج اذا طفح فيج الكيل قوليلي من غير مشاكل


الله يرحم حالنا



نفس الشي طلعت بروحي وبايي بروحي

واللي يقهر خالتي بيتا ان اهو مو جذي زوجي واعرفه

مع بناته وبنتنا غير

ومع العلة مرته غييييييييييير كل الكلام والحجي والرومانسية تطلع عندها

واللي يقهر اكثر ان ما يحترمني ويكلمها بالمسجات حدامي وفي بيتي

حتى مرة تهاوشت معاه على هالموضوع

وبالمقابل ما يكلمني جدامها


على ناس وناس


حسبي الله عليه

خاله بيتا 29-11-2013 10:04 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2991491)
خالة بيتا كلمني توه

قالي مالي خلق مشاكلج

هذا انا جمود بالمشاعر

قلت له بس انت تحبني صح؟؟

قالي اي احبج

قلت له عيل عطني مهلة ارتاح في بيت ابوي

قالي انا جم مرة اقولج اذا طفح فيج الكيل قوليلي من غير مشاكل
قوليله يا موهبه قوليله :)

الله يرحم حالنا

امين

نفس الشي طلعت بروحي وبايي بروحي

واللي يقهر خالتي بيتا ان اهو مو جذي زوجي واعرفه

مع بناته وبنتنا غير

ومع العلة مرته غييييييييييير كل الكلام والحجي والرومانسية تطلع عندها
معلش حبيبتي .. مع الوقت بيصير معاج مثلهم

واللي يقهر اكثر ان ما يحترمني ويكلمها بالمسجات حدامي وفي بيتي

حتى مرة تهاوشت معاه على هالموضوع
حقج وبكل مرة يراسلها قدامج ويكون غزل وكلام فاضي مو حاجة من أمور البنات أو البيت سوي له مشكله الى أن يمل ويلتزم معاج ومعاها .. لا يكلمها عندج ولا يكلمج عندها إلا بأمور تنظيمية ومسؤوليات

وبالمقابل ما يكلمني جدامها


على ناس وناس


حسبي الله عليه

تعوذي من ابليس حبيبتي .. وصلي ركعتين نافلة ( صلاة الحاجة ) ركعتين وادعي وراهم ربنا يهدي بالك ويوسع صدرك ويربط قلبه بقلبك ويفرجها عليك

كم صار عمر بنتك ؟؟ ما تفكري بطفل ثاني ؟؟ هالمرة روحي لطبيبتك وخلها ترتب لك بحيث يكون ولد .

موهبة الكويت 29-11-2013 11:24 PM

رد : كيف أؤدب زوجي..... الى بيتا الغالية ونور الايمان
 
للاسف مو راضي اييب الى ان تكمل بنتنا سنتين لان عندها مشكلة بالقلب والجينات

خالتي بيتا اصدق ان هذا هو طبعه فعلا والا يتطبع فيه؟؟؟

اتصرف على هذا الاساس وانسى اني اسمع منه كلام حلو والا شلون؟؟

لان بكل مرة ارسله كلام حلو ما يرد واتحبط

موهبة الكويت 30-11-2013 08:10 PM

رد : كيف أؤدب زوجي..... الى بيتا الغالية ونور الايمان
 
حبيت اضيف نقطة يمكن ما اكون وضحتها

هو لما كنت في بيتهم كان يروح لها في بيت اهلها وياخذ حاجته منها ويرجع

يعني كأن عشيق وعشيقته

خاله بيتا 30-11-2013 08:19 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2992033)
حبيت اضيف نقطة يمكن ما اكون وضحتها

هو لما كنت في بيتهم كان يروح لها في بيت اهلها وياخذ حاجته منها ويرجع

يعني كأن عشيق وعشيقته

مو يمكن كانت زيارة عادية ؟؟؟

معقول يرجع ويقول لك رحت لها أخذت حاجتي منها ؟

بكل الأحوال من الأفضل كل عدم التفكير بهذي الناحية بالذات لأن لا يمكن تقدري تتأكدي منها مهما كان ... ممكن هو كان يقول جذي عشان يستفزك وتطلبي الطلاق مثلا ... ممكن الشيء اللي قرأتيه تكوني فسرتيه غلط

ما أفضل انك تحكمي على شي ما شفتيه بعينيك . وبحث هذه النقطة تضرك وما تفيدك .. ليه تبحثي وراها وتفكري فيها ؟؟ وما من رواها الا الغثا والنكد.

موهبة الكويت 30-11-2013 08:47 PM

رد : كيف أؤدب زوجي..... الى بيتا الغالية ونور الايمان
 
خالتي بيتا هو كاااااان لما كنت في بيتهم

وكنت اعرف ان يروح وياخذ حاجته لان لما يرجع نص الليل يغتسل

انا بس حبيت اوضحها ان هو من تزوجنا كان ياخذ حاجته منها


اللي اقصده ان ماخذ اللي يبيه منها مو محروم منها مت هالنقطة


بس حبيت اوضح هالنقطة فقط


خالتي بيتا هل اصدقه باللي يقوله ان هذا طبعه؟؟

ادري اذتيج معاي بس حابة ان ارجع بيتي واكون متأكدة من هالموضوع


لان لو مثل ما يقول هذا طبعه راح اتقبله

اما لو يكون مو طبعه راح يكون كلام ثاني

خاله بيتا 30-11-2013 09:51 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2992064)
خالتي بيتا هو كاااااان لما كنت في بيتهم

وكنت اعرف ان يروح وياخذ حاجته لان لما يرجع نص الليل يغتسل

انا بس حبيت اوضحها ان هو من تزوجنا كان ياخذ حاجته منها


اللي اقصده ان ماخذ اللي يبيه منها مو محروم منها مت هالنقطة


بس حبيت اوضح هالنقطة فقط


خالتي بيتا هل اصدقه باللي يقوله ان هذا طبعه؟؟

ادري اذتيج معاي بس حابة ان ارجع بيتي واكون متأكدة من هالموضوع


لان لو مثل ما يقول هذا طبعه راح اتقبله

اما لو يكون مو طبعه راح يكون كلام ثاني

والله يا موهبه صعب أحكم اذا هذا طبعه أو لأ ... انتي تقولي انه يتعامل مع بناته وبنتكم وحرمته الثانية بطريقة رومانسية .. بس معاج جاف ... أخاف يكون حكمك متحيز نتيجة لمشاعر الغيرة .

هو مصر أنه هذا طبعه وما في شي يجبره يجاملك ... خاصة أنه جاف معك وأحسه حتى جلف أحيانا فليش بهذي النقطة بالذات يراعي مشاعرك .

خلينا ناخذ حال الوسط ونقول بأنه حاليا وتحت ظروفكم الحالية فهذا هو طبعه ... وصدقيني يا موهبة حبيبتي صدقيني مع الوقت بتشوفي منه اللي يسرج . هو قاعد يتغير بس الصبر ..الصبر كمان حبتين ونص :)

موهبة الكويت 30-11-2013 10:01 PM

رد : كيف أؤدب زوجي..... الى بيتا الغالية ونور الايمان
 
سأصبر حتى يعلم الصبر اني صبرت

موهبة الكويت 30-11-2013 10:21 PM

رد : كيف أؤدب زوجي..... الى بيتا الغالية ونور الايمان
 
وااااااااي الله يصبرني على المخلوق


توه يا زارنا يبي يشوف بنته ودخلت معاها قلت خلاص يا بنت اكسري الشر

وقلت له يالله تعال خل اصالحك قالي لا ليش الدنيا على كيفج

الحين مااااااااااابي ارجع من كل صجي

حاولت بالصلح وما رضى

تعبت منه يكفي جفاه وصده هالمرة بعد يردني


حسبي الله ونعم الوكيل

خاله بيتا 30-11-2013 10:31 PM

رد : كيف أؤدب زوجي..... الى بيتا الغالية ونور الايمان
 
اقتباس:

المشاركة الأصلية كتبت بواسطة موهبة الكويت (المشاركة 2992137)
وااااااااي الله يصبرني على المخلوق


توه يا زارنا يبي يشوف بنته ودخلت معاها قلت خلاص يا بنت اكسري الشر

وقلت له يالله تعال خل اصالحك قالي لا ليش الدنيا على كيفج

الحين مااااااااااابي ارجع من كل صجي

حاولت بالصلح وما رضى

تعبت منه يكفي جفاه وصده هالمرة بعد يردني


حسبي الله ونعم الوكيل

الله يعينك ويصلحه

موهبة الكويت 01-12-2013 02:57 PM

رد : كيف أؤدب زوجي..... الى بيتا الغالية ونور الايمان
 
حبيبتي بيتا ما قصرتي


اختي نور الايمان بانتظار ردك

نور الإيمان 03-12-2013 05:05 PM

رد : كيف أؤدب زوجي..... الى بيتا الغالية ونور الايمان
 
حياك الله اختي موهبة

طلبتي ردي غاليتي وانا سأذكر ردي بكل وضوح وصراحة ولن اخاف في الله لومة لائم ولو كنتِ اختي او ابنتي ولن الزمك بردي ولن اجبرك على تطبيقه ولك ان تأخذيه ولك ان ترميه خلف ظهرك ، ولكني سأقوم بما يرضي الله عز وجل دون طبطبة او مجاملة وما اراه صواب ما يلفظ من قول الا لديه رقيب عتيد وطالما طلبتيني بالاسم فلا بد وان ارضي الله وليس البشر

اسلوبك خاطئ ومستفز واسلوب منفعي لا ينم عن حب ولا عاطفة لزوجك ، اسلوب العصا والجزرة ، ادز لزوجي مسجات حب لاخذ منه وان لم آخذ انقلب كمن تعاني من ازدواج الشخصية ليظهر الوجه الاخر الرجولي الخالي من اي انوثة او ذوق واعذريني لصراحتي

كيف منذ ساعات مسجات حب وبعدين انت ما فيك خير وانت وانت كلمات اخجل من قولها لانسان عاصي ليس من ديني ؟

ربما كان يستمتع بمسجاتك ويشكر الله ان وهبه زوجة تدلله وتسمعه احلى الكلام ومو على باله يرد او مو فاضي وفجأة يرى منك هذا الكلام

وانا امتنعت عن الرد في الموضوع وتوقفت كما لاحظتي لان الكلام هو ذاته اعيده في كل موضوع والمؤمن يا غاليتي لا يلدغ من جحر مرتين فالمفروض تستفيدي من اخطائك وتقومي سلبياتك

وربما صبر على رسائلك فترة ليختبر وجهك الاخر وفعلا حصل ما توقعه وهو ان ما تكتبينه لا يتعدى حروف الجوال وليس من قلبك وان داخلك يكرهه ولا يريده ولا يحبه على الاقل هذا ما اتضح لي

بعدين من قال الزوج هو من يدخل السعادة على قلبك ؟ يمكنك ان تكوني اسعد انسانة بألف شي تاني ولكن ربطك ان السعادة لا تأتي الا من كلام زوجك هي قناعة اقتنعتي بها ولن تتغير الا لو غيرتي ما بنفسك + نابع عن غيرة ، وواضح ان هناك اشياء مغلوطة كثيرة جدا اقنعتي نفسك بها وخزنتيها في عقلك الباطن لو ماحصلت في الوقت اللي انتي تحدديه ستكوني تعيسة وتكرهيه ؟

كل مرة اكتشف حلقة كانت ناقصة في موضوعك من جهتك انتِ وكل مرة تتضح لي من خلال ردودك واكيدة هناك حلقات ناقصة كثيرة اخرى لديك لم يتم ذكرها ما هي لا اعرف بالضبط ، وهذا ليس اتهام بل دعوة للبحث داخل نفسك لاخراج عيوبك لانه لن يخرجك منها احد الا انتِ

سأذكر لك قصة ذكرتها استشارية زوجية معروفة جدا رأيت حلقتها منذ يومين بالصدفة ، قالت مرأة تطلقت وبعد طلاقها قررت عندما تتزوج للمرة الثانية ان لا تتعامل مع زوجها الثاني بعاطفتها ، قررت ان تأخذ قبل ان تعطي ، وارتبطت برجل رائع مر بتجربة زواج سابقة ، كان قد ذاق المر من زوجته الاولى ، وبعد ان ارتبط بهذه المرأة ولمس منها ذلك قرر ان لا يتعامل معها بعاطفته ولا يعطيها حتى يأخذ لانه اكتشف ان جنس حواء لا يفيد معه العاطفة ، الخلاصة : كما تكونوا يولى عليكم ، هذا ليس حديث ولكنه حكمة حقيقية فالله عز وجل ينظر للقلوب ولا ينظر للصور حتى لو كنتِ ملكة جمال هذه الارض وتملكين من الشكل الرائع ما يفوق كل نساء الارض ، الله عز وجل سينظر لقلبك ونيتك وكما هي ستحصلي والله يستجيب للمرء مالم يستعجل ، وهذا ديدن العبد الصالح مع ربه فكيف بالبشر مع البشر اعطي وانتظر النتيجة وان لم اتحصل يلفظ لساني سيئ القول ، بصراحة انصدمت منك يا موهبة ما كنت اعتقد انك بهذا الاسلوب وانا آسفة ولكنها الحقيقة

ثم الرجل لن يعطي شئ هو مجبر على اعطائه ، وهناك من يطالبه به ، لماذا لا تقولي كلام حلو؟ ليش ما ترد على رسائلي ؟ انا محتاجة كلام حلو ؟ هل تعتقدي ان هذه طريقة ناجحة وصحيحة ؟ اذن انتي مخطئة واذا مصرة على هذه الطريقة اذن استمري بها وانتي حرة

بعدين الان تحول الامر من جفاف زوجك لغلطه في امك واعذريني انتي من جعله يخطئ في حقك وحق والدتك وحتى اهلك كلهم لان ما قمتي به لن يعطيك سوى هذه النتيجة ولو من زوجك لن اراضيك اصلا يعني بصراحة كتر خيره ويا طول صبره

بعدين مو ضروري بالمسجات قوليله الكلام الحلو وجها لوجه وخليه نابع من قلبك بحب صادق دون ان تنتظري نتيجة وقتية ، اعطي واستمتعي بحبك لزوجك فكل الاستشاريين النفسيين والزوجيين ينصحوا الزوجة الذكية بمدح الزوج يجب ان يكون لأجل شخصه هو وليس لاجل حاجة او غاية من وراء ذلك المدح تنتظرين الحصول عليها

بعدين تفكيرك خاطئ وآثم ان فكرتي ان تصلحي صورتك امام البشر بان يكون لك بيت وتحملي لقب مرأة متزوجة امام الناس وتعصي الله بأن تكوني زوجة لرجل ولا يكون بينكما علاقة شرعية تفرضي عليه رأيك بأن تمتنعي عنه وقد فرضها واوجبها الله على كل زوجة لها رجل على ذمتها متى ما طلبها لبته لانها تخاف الله عز وجل وتطيعه وترضيه ، حتى لو كان مجرد فكرة واقتراح استغرب كيف يخطر ببالك مثل هذا التفكير ؟؟ لانه غير قابل اساسا للنقاش ، عندما تحبي زوجك وتقتنعي به مثل حبك لمملكتك كما وصفتيها عندها سينصلح حالك

بعدين ايش حكاية كل زوجة تقول لزوجها اولادك اولادك ؟ خلاص طالما هما اولاده اتركيهم له واذهبي ليش انجبيتهم ؟ هل له ام لك ؟ ام لاخراج بذرة مسلمة ترضي الله في الارض وليس لك او له

ثانيا تقولين زوجته تلح عليه ان يطلقك هل لديك دليل ؟ لان بعض الظن اثم ، ان كان الزنا يحتاج لشهادة اربع شهود فكيف بهذه الامر ؟ ثم لو الحت عليه ولم يجد منك الا الخير لن يفكر ابدا فلم اسمع بزوجة تقول لزوجها انت انك احقر وانذل انسان شفته لانها تربي ابنتهم وتعبانة او رجعت من الدوام مرهقة ولم يرد على مسجاتها ؟؟ هل تعتقدي ان الله راضي عنك وانتي تقولي هذا الكلام لزوجك ؟ او سيبارك لك في حياتك او علاقتك معه ؟ اوسيجمل صورتك في عين زوجك ؟ انتي من بدأت المشاكل وما يمر في حياتنا مهما كان لا يتم التعامل معه بهذه الرعونة وهذه المزاجية وهذه التقلبات وهذا الجهل في التعامل ولذلك لم ارد لان ردودي السابقة ذهبت ادراج الرياح ولن استمر في سماعك فقط دون ان ارى بذرة جادة فيك لاصلاح نفسك وتغيير عاداتك السلبية الخاطئة ، ولو كان يريد طلاقك لطلقك بعد هذا المسج فورا او بعد خروجك المتكرر من البيت الزوجي وله كل الحق ولن يلومه احد عاقل وما قاله يدل على رجولته وشخصيته القوية في ان الامور ليست على هواك متى ما خرجتي ومتى ما عدتي ومتى ما سخطتي ومتى ما رضيتي وكانه فضل تتفضلين به وليس خطأ من زوجة لزوجها دون وجه حق

يجب ان تعقلي انك زوجة لرجل في بيت زوجي بينكما روح لاني اشعر انك غير مقدرة لاسس الحياة الزوجية تماما وتبحثي عن القشور وتتركي الاساس حتى يمكنك سب زوجك من اجل المدح في نفسك في حين الاهتمام بالاهم يجلب المهم

وعندما تحبي زوجك وابنتك مثل حبك لنفسك وما يوفر لك الراحة والمتعة عندها ستنصلح حياتك ، فلو كان حبك لهم صادقا لاتاك الله ما تريدينه دون ان تدوري وتبحثي وما كنتِ تقولين ابنتك وما كنتِ ترينها عبئ ثقيل عليك وحدك بعد يوم عمل شاق ، ولا يعني اني اششك في حبك لابنتك ولكني انتقد تصرفاتك وسلوكك الظاهر والذي له بذرة في قلبك ونفسك حتى لو حاولتي التهرب منها فانها ستظهر للجميع ، حبي الناس بصدق يحبك كل شئ حتى الجماد سترينه يحبك ويصبح مسخر لك

وطول ما الطلاق بمخك لن ترتاحي حتى يتحقق لك وطول ما فكرتي كيف تجعلي حياتك سعيدة مستقرة سترين كيف يتجه كل شئ نحو هذا الهدف بعون الله

وطول ما انتي تقارني نفسك وحياتك مع زوجته وام بناته الاولى وحاطها ببالك ومركزة عليها لن تنعمي بحياة هانئة لانك اصبحتي تعبدي زوجك وام بناته فمن تنهار وتتصرف بعشوائية لاجل زوجها لم يبادلها الكلام الحلو لديها خلل في ذاتها واعذريني

وختام مشاركتي في موضوعك اختي موهبة لان اعذريني لنان استمر في الموضوع بعد هذا الرد لاني قدمت كل ما لدي ، ولذلك سأسجب حروج من هنا وسأضع امام عينك سؤال اعتبريه واجب عملي وخذي وقتك في تدبره وتفسيره وفهم المعاني العميقة جدا بين كلماته فإن وصلتي لمعناه الصحيح عشتي بسعادة مع زوجك وابنته

سؤالي لك اختي موهبة

هل تعبدين زوجك ام تعبدين الله عز وجل ؟

عندما تصلي للمعنى الصحيح لهذا السؤال ستحصلي على سعادتك واستقرار حياتك الزوجية بإذن الله

وشكراً

موهبة الكويت 03-12-2013 08:16 PM

رد : كيف أؤدب زوجي..... الى بيتا الغالية ونور الايمان
 
جزاك الله كل خير اختي نور الايمان

اتعبني ردج ما كنت اعتقد اني بهذا السوء كزوجة ... بس الحمدلله اني طلبت استشارتج ووضحت لي امور كثيرة وكبيرة غايبة عن بالي

والله ان من ردج علي في بداية موضوعي وانا احاول اصلح من نفسي اقل شي الصوت العالي والهدوء قاعدة احاول اصير هادية كثر ما اقدر

سأكتب نقاط لعلها تفيد:
- معك حق اسلوبي كان طائش جدا في هذا المسج يمكن اعذر نفسي ويمكن الومها استغفر الله واتوب اليه


- الحمدلله في امور كثيرة تجعليني سعيدة وسعادتي مو مرتبطة بس بزوجي مو مكمل للسعادة... احس سعادتي ناقصة من غيره.

- اختي نور انا لما تزوجته ما حسيت بحب او عاطفة كثر ما كنت مقتنعة فيه عقلانيا 100٪ اقصد ان زوجي فيه صفات تخليني احبه لله وفي الله وجم مرة اقوله هالشي .. بس كعاطفة ما كنت احبه ويمكن هو حس بهالشي عشان جذي بادلني نفس الشعور.

-انت تعلمين ان نيتي سليمة والله العظيم ابي بيت مستقر وسعيد وما ابي اي رجل يكون هو ولي امري وامر عيالي وزوجي بنظري هو الانسب لي. وحتى مع زوجته الله يشهد علي اني ما ابيها تتطلق مثل ما هي تبي لي وهو بنفسه اقر ان هي تطلب منه هالشي ولكن بصورة غير مباشرة مثل ابيك لي بروحي ما ابي احد يشاركني فيك ومن هالكلام فالحمدلله اني ما اتهمتها بهالشي.

- غلطه على امي هو قالي ان بسببي وان اسلوبي نرفزه وغلط.

- عفوا اختي نور الايمان من قال انه ما بينا علاقة شرعية .. الله يشهد علي كم مرة ومرة ما كنت ابي العلاقة لسبب او لاخر واكثر سبب هو اسلوبه ومع هذا ادوس على نفسي والبي له طلبه لله ولمرضاة ربي فقط.

- انا احب زوجي في الله اي ان به الكثير من الصفات اللي يحبها الله ورسوله وانا متمسكة فيه لهذا الشي اما الحب العاطفي اعتقد موجود بس بصورة قليله شلون احب انسان ما همه مشاعري يكتب لزوجته مسجات جدامي وفي بيتي ولا يوجد اي ذرة احترام لي .. اشلون احب انسان ما يحبني ومجبور على الزواج فيني -وهو قالها بعظمة لسانه حتى في ايام زواجنا الاولى ان ما كان يبي يتزوج ولكن امه اصرت عليه.. اشلون احب انسان احس اني اضافة بحياته وهو مو رغبات فيني اساسا والله صعبة- الانسان اللي راغب في الشي يعطي باستمتاع والانسان المجبور على الشي يعطي من ورا خشمه.. وانا مالي ذنب غير اني وافقت على انسان احسبه من الصالحين.. هذا بحد ذاته جرح كبير لي واهانة
وددها علي متزوجج عشان امي متزوجج عشان امي.. اشلون باحب انسان ما يعدل ويراعي باشياء وايد على حسابي اعتقد لما كلمها جدامي هالموضوع ما كان يخص البنات ويقدر يؤجله ولكن تهمشيه لمشاعري ووجودي هو اللي خلاه يسوي هالشي
اشلون احب انسان وهو قالها لي بعظمة لسانها ما احبج واحبها وكنت وقتها في فترة النفاس والله وحده عالم بنفسيتي
وبعدها صحيح ان تغير شعوره ولكنه ما قالي كلمة تمحيها

انا ابيه في حياتي وابي اكمل معاه بس والله اللي شفته منه مو هين


ختاما

جزاك الله كل خير والله يفتح عليج دنيا واخرة والمعذرة اذا خذيتي عني فكرة سيئة واعتذر اني ضيعت وقتج

في امان الله


ارجو اغلاق الموضوع

داماس 03-12-2013 08:45 PM

رد : كيف أؤدب زوجي..... الى بيتا الغالية ونور الايمان
 

اسأل الله أن يسخر لك زوجك ويجعله لك كما تحبين ..


يغلق


الساعة الآن 10:16 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©