|
رد : خدامتي الشغيلة واحساسي
شكرا عالنصيحه ..
والله ييسر امري وامرك |
رد : خدامتي الشغيلة واحساسي
ياختي الله يعينيك والله ..
اعتقد الحل الوحيد انك تتعلمي السياقة وعلى حد علمي مسموج عندكم صح ؟؟ وكوني انتي ودي ابنتك و بعد ذلك ابنك باذن الله الصبح لاهلك و ارجعي روحي جامعتك اتعلمي على سواقة الاوتماتيك مبدايا لانها اسهل بكثيير و ممكن خلال اسبوعين تتعلمي واشتري سيارة على قد فلوسك .. واذا هذا الموضوع صعب حاليا .. خلاص الله بيعينك . هذه الفترة عديها بالطول والعرض .. الاجازات عند زوجك و عوضيه عن غيابك و ايام الدراسة عند والدتك .. ربي يكتب لك الخير و يقومك بالسلامة يارب |
رد : خدامتي الشغيلة واحساسي
نسيت اقولك وضعك هذا مريت فيه لثلاث سنوات وانا وابني ببلد وزوجي ببلد .. يعني ماكنت اشوفه بالشهور
يعني لسه وضعك اهون باذن الله والحمدلله عدت و خلصت دراستي و الحين مجتمعين تحت سقف واحد .. ايام بعدك عنه عوضيه بالتلفونات و الرسائل الغرامية :) واعزميه من وقت للثاني لبيتكم وان لزم الامر اشتري بلاي ستاشن و حطيه بغرفتك ببيت اهلك عشان وقت مايجيك يطول عندك .. والله اتكلم جد .. اشتري اللعبة ومعاها كم لعبة جديدة و بس يجي عندك يزورك فاجئيه بهم زوجك فيه كثير من اخي .. اخي الحين مدخل بال 26 و مجنون العاب من ناحية ثانية طيب القلب و حبوووب و شهم وبيتوتي و هادي وماله بالخرابيط تبعت الشباب واذا خاصمناه على اللعب.. قال ادمن لكم على البايستاشن احسن من ما ادمن على شي ثاني .. اخي جا زراني الصيف الي فات .. اسبوع كان بينجن لانه مافي العاب عندي :) المرة الثانية جا بعد ماترجيته و اشتريت لعبة الويي و البلايساشن .. وياسلام قعد عندي ومبسووط |
رد : خدامتي الشغيلة واحساسي
اقتباس:
لا والله ما دليناه على مكان المكتب ماحبينا نعطيه وجه وناخذ ونعطي معاه أمي تقول الرجال مسحور الله يكفينا واياك الشر اقتباس:
الله يجزاك الخير أنا هذا اللي أقوله بس سبحان الله في منهن نفسيات .. اقتباس:
والله الدعاء نجاني من بلاوي اقتباس:
اللهم آميـــــــــــــــن اقتباس:
اقتباس:
هههههه الله يخليه لكم ويفرحكم به |
رد : خدامتي الشغيلة واحساسي
مستجدات الموضوع
خواتي خذينا لفة أنا وأمي على مكاتب العمالة ولقيت في مكتب عاملة فلبينية مسيحية 47 سنة متزوجة وعندها 4 أولاد 18 - 16 - 14 - 10 سنوات جاهزة وموجودة (مسترجعة) سبب تركها للعمل عند كفيلها ان عنده 5 أطفال والبيت كبير وكل شي عليها .. فهي ما تبي بيت كبير وعدد أطفاال كبير .. في المكتب شفتها ولفتت انتباهي بذكاء من كثر ما لاعبت بنتي كانت مرحة ومبتسمة وبعدين بديت أخذ واعطي معاها كلمتها عن الحجاب ما عندها مشكلة قلت لها عن مساحة بيتي وعن طبيعة الشغل عندي وكانت متحمسة وما عندها مانع .. طبعا كان عندي تحفظ كونها مسيحية بس والله الشغالات المسلمات فئة كبيرة منهم ما شفنا اسلامهن الا بالاسم :(.. الشي اللي شجعني لها هو عمرها متوقعة انها تكون بطيئة وممكن تتذمر شوي بس ممكن تكون أهدأ وأعقل خواتي مجربين فلبينيات مسيحيات وكبار وكانت تجارب ممتازة أخلاق عالية وأدب وعمل باخلاص شرايكم غالياتي راح أروح آخذ أوراقها في الليل |
رد : خدامتي الشغيلة واحساسي
ماشاء الله تبارك الله
الله يعطيك خيرها ويكفيك شرها |
رد : خدامتي الشغيلة واحساسي
كويس فاكهة
لو مكانك الصراحة .. بأخدها بعد ما استخييييير .. |
رد : خدامتي الشغيلة واحساسي
بالعكس على المواصفات اللي ذكرتيها طيبة ..
بقول لك تجربتي مع الخادمات . أول وحدة عمرها تقريبا 45 وعندها بنت بالجامعة وبنت بالاعدادي .. كانت حنونة وعطوفة على بناتي بحكم انها ام وعندها مشاعر الأمومة ..راحت بعد السنتين اجازة ورجعت سنتين ثانيين .. ولما راحت المرة الثانية بناتها مسكوها وبكوا عليها عشان تبقى معاهم وماتتركهم .. قلت هالمرة بجيب وحدة ماعندها عيال عشان ماتحن لهم وترجع لهم .. وجبت وحدة في نهاية الثلاثينتات بدون عيال .. لكن كانت تفتقد لمشاعر الامومة وماتستحمل البنات ودايما متنرفزة ومعصبة .. مع انها في شغل البيت ولا اروع .. لكنها تصلح تشتغل في بيت ماعندهم عيال .. المهم اني انتظرت عليها سنتين ولما راحت قلت لها خلاص لا ترجعين .. ورديييينا مرة ثانية قدمنا على شغالة عنها عيال عمرها في نهاية الثلاثينيات .. :23: طبعا مع خوفي انها تسوي مثل الأولى وماتستحمل فراق عيالها .. لحد الآن صامدة الحمد لله .. ولكن بالفعل فرق كبييير بين اللي عندهم عيال واللي ماعندهم من ناحية الحنان واللطف مع الأطفال وتعرف كيف تتعامل معاهم وقت الغضب ووقت العناد .. على فكرة كلهم فلبينيات ومسيحيات .. إن شاء الله تتوفقين فيها استخيري وتوكلي على الله .. |
رد : خدامتي الشغيلة واحساسي
اقتباس:
اللهم امين جزاك الله خير يالغالية اقتباس:
هلا روح رحت شفتها مرة ثانية وعملنا لها التأشيرة كانت لطيفة جدا ومؤدبة أول مرة تشتغل وأنا بعد كنت لطيفة معاها جدا لاحظت عليها احمرار عيونها بحزن كأنها تبكي بين فترة وأخرى وهي جالسة في المكتب فحسيتها فعلا مشتاقة لأطفالها وأول مرة تتركهم .. كلمتها مرة ثانية عن طبيعة العمل في بيتي وأهم شي عندي هدوءها مع أطفالي فقالت لي لا تخافين .. أنا أم وأحب الأطفال وراح أعتبرهم مثل أولادي .. اقتباس:
هلا أختي أم الدانة طيب بسألج غاليتي كيف تتعاملين معاهم من ناحية الحجاب ؟ أنا طبعا مابي وحدة فري بالمرة وبنفس الوقت ما أبي أشدد عليها بحكم انها مسيحية .. أبيها تحترم ديانتي وأحترم ديانتها بنفس الوقت .. وعندي مبدأ أن مابعد الكفر من ذنب (بالنسبة لها) كيف تتعاملين معاهم كنتِ ؟ وشكرا على ذكر تجربتج لانها فادتني وايد وهي فعلا تشبه تجارب أخواتي تحياتي غاليتي |
رد : خدامتي الشغيلة واحساسي
انا الي كانت تشتغل عندي و عاشت معايا في بريطانيا
كانت ميزتها انها تحب ولدي مرررررررة و كانت كبيرة و فارقت ولدها .. فتعوض الحنان في ولدي .. الصراحة كانت تخاف عليه و تحبه مرررررة كانه ولدها و الى الان انا و هي نتواصل بالفيس بوك هههههه و لو فتحوا التقديم من اندونيسية بأجيبها بس عشان الاولاد .. |
رد : خدامتي الشغيلة واحساسي
اي بالنسبه اللي ذكرتيه تعتبر اسطوانه معروفه
اولا الفولس :: يسرقون نصف او ربعها الدراهم عشان ما تحسين انها قلت ممكن تتدخل الغرفه وانتي نايمه وتاخذ فولس صارت معي واللي كشفها الخدمات الاخريات في نفس البيت وكان مصروفي للجامعه . مره سرقت وحده خمسميه لما كان عندنا خدامة اختي عشان اهي تاخذ الفلوس وتتهمين الخدامه الثانيه وممكن يصير العكس وحده كنت قاعده جنبي بالسياره نشلت بمحفظتي بالكامل ورمتها بعد ما لقت شي فيه بما فيه بس لان شافتني اتصدق على الاطفال بالشارع والمواقف كثير الاطفال::: لما اختي اتخلي الخدامه عندنا واولدها ، مره كنت بالمطبخ ولد اختي برع المطبخ وهي كانت بالممر يعني ما اشوفها المهم شفت ولد اختي يطالع صوبها وهو مرعوب ولما تقربت منه لقيتها اتخوفه بعيونها وبسرعه بدلت الملاح انه تلاعبه وهو المسكين تم كا يعرف يضحك ولا يخاف حسبي الله ونعم الوكيل والمواقف كثيره مالهم امان الهروب ::: ما في وقت محدد للهروب ووقت الهروب عادة قبل الفجر واخر وحده تفوقت على كل الخدمات في الشر بعد ما سافرت الله سبحانه وتعالى اراني رؤيه بعدها اكتشفت قدر قديم فوق المكيف المخزن وبه شي سائل اسود معفن اعوذ بالله شكله كانه ماء البالوعه وكانت اتحط لنا منه في الاكل عشان نمرض زكانت ارتش الحمام بالبول والارض طبعا عشان تثير المشاكل في البيت نحنا كنا شاكين فيها بس ما اعرف كيف محد قدر عليها من كثر المشاكل اللي كانت تثيرها من اعمالها السحريه صح لقيت ثيابي من الخلف مقصوصه بالموس على شكل زاويه قائمه لا يرى الا بالتدقيق وكنت لما البس الكندوره اتضارب مع اي احد بالبيت لدرجه اني مسكت اختي وبغيت اكسر راسها بالطاوله ولما سافرت الخدامه الثانيه اعترفت عنها بعد فوات الاون كانت اتقول هي كانت تضحك عليكم بالغرفه لما انتو كنت تتضاربون حسبي الله ونعم الوكيل ضحكت عليها واهي في الجحيم وما خفي اعظم من السحر اكثر شي قاهرني انها كانت اتقول لي انها اكثر وحده تحبني في البيت ولقيت افضل حل للخدم كميرات المراقبه في كل زوايا البيت تشغيل سورة البقره باستمرار وقراءة القرآن احسن قرات الاذكار والمعوذات والتحصين وعدم اخذ الامان لهم مهما قالوا من جمل الحب والولاء عامليهم بالطيب والاحترام واعطاء حقوقهم لكن لا تأمنين لهم |
رد : خدامتي الشغيلة واحساسي
شكرا لكم بنات على الاستجابة
وجزاكم الله خير على النصائح القيمة .. مستجداتي : جبت الخادمة الفلبينية ، طبعا ميــــــــح تقريبا بشغل البيت والطبخ وكل شي .. وما تشتغل في الغالب الا بالأوامر وهذا الطبع ليس فيّ أبداً .. لاحظت عليها أشياء بديهية ماتعرفها .. المهم البارحة وصلت حدي وقلت لها بلهجة جدية .. أنكِ يجب أن تساعديني حتى نبقى سويا .. بمعنى مو معقول أستحمل أن كل شي ما تعرفينه ! فلازم مجهود منك علشان نبقى مع بعض .. نظرت لي نظرة حزن مع بكاء - فطّرت قلبي - وسكتت وحسيت شي كبير في داخلها انكسر هي تبي ترضيني وتركض ركض من آمرها بشيء ولكن أنا لا أحب أسلوب الأوامر .. بعد شوي ناديتها وراضيتها والله ما قدرت قلت لها لا تزعلين من كلامي (مع أن هذا ليس طبعي مع العاملات ) أنا أريدك أن تضعي هدفك الأول أن تصبحي ممتازة في التنظيف وتساعدني بتأكيل بنتي لانها تتعبني أحيانا بعنادها .. وبقية الأمور ستأتي مع الوقت بعد شوي جاتها أمي وحضنتها لما حضنتها أمي بكت .. وقالت انها أمها ميتة مع انها من عمر أمي .. هي متدفقة بالمشاعر وحساسة وتنجرح بسرعة .. شرايكم أخواتي أمي تقولي اكسبي فيها أجر واصبري عليها واعتمدي معاها أسلوب الجدول بحيث تكتب كل شي كيف أبغيه وهي تنفذ وأنا قلت بخاطري لو طلعت ممتازة مع الولد -فترة غيابي- راح أبقيها عندي .. حطيت هالموضوع الشعرة الوحيدة لبقائها عندي .. لاني لاحظت هي وبنتي مو كثير متوالفين بحكم ان هي مالها خلق على الاطفال بعمر بنتي وبنتي ما شاء الله قوية ، شافتها مسكينة صارت تمد ايدها عليها .. طبعا منعتها ونهرتها بيتا وينج ! |
رد : خدامتي الشغيلة واحساسي
اقتباس:
مع ذلك ارى الكثيرات يلزمن خادماتهن بالحجاب حتى الغير مسلمات ولكني لم أشأ ان اضغط عليها فتنفر .. |
رد : خدامتي الشغيلة واحساسي
اقتباس:
خادمتي الحالية ماكانت تعرف حتى الفرن تشغله تقول ماعندها فرن ببيتها وحسيتها بالفعل اقل مستوى معيشي من خادماتي السابقات وتحملتها قلت معليه بتعب شوي بتحملها وبعلمها على كل شي أهم شي تكون لطيفة وحنونة مع البنات .. والحمد لله ألحين كملت 6شهور وصارت كل شي بالبيت تسويه لوحدها من دون اشراف مني .. مع بعض الملاحظات ولكن افضل من السابق .. بس لاتعصبين عليها اختي انتي بس لما تتخيلين البيت اللي كانت عايشة فيه والبيئة اللي عايشه فيها بيعورك قلبك وبتعذريها .. |
| الساعة الآن 04:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©