|
رد : اهله .. و لكن ؟
اقتباس:
لقيوا فرصة علي .. بس دحين كلامهم كله ( موجه لولدهم .. بس يقصدوني ) لو عملت اللي تقوليه ، وقتها ممكن تقل أدبها حماتي و ما راح اسكت لها طبعا .. و الشي هذا مو لصالح الأولاد .. . . لما ما أروح مرة ، ما ينسوووا .. تاني أسبوع يسألوا ( ليش ما جيتي ؟ ) مو حب فيا .. ( كذا ، عندهم حب للفضول ) حماتي نفسها تعرف ( راتبي كم ؟ ) .. نفسها تعرف كل شي .. أخو زوجي يقول ( ما في مطعم ما روحتوا له ) .. و كل شوي يعلق عالمطاعم .. و زوجة اخوه .. تبغى تعرف ما نتخاصم أنا و زوجي ؟ |
رد : اهله .. و لكن ؟
أم بدر و سمية ..
التطنيش شكله هو الحل .. . . لينة العريكة .. اميييين .. |
رد : اهله .. و لكن ؟
عزيزتي أونااا
معليه ، أنا ما راح أجاملهم .. أهل أبوي ( الله يرحمه ) ما جاملتهم ،، و كنت أعارض أمي لما تخاف منهم و تخدمهم و تجاملهم .. أجي دحين و أجامل أهل زوجي ، على إيييييش ؟؟؟؟؟؟؟ على إيش أجاملهم ؟؟؟؟ بجد ( رضينا بالهم ، و الهم ما رضي بنا ) و لا ( أعور .. و يتنقور ) .. . . اللي يحترمني ، أحترمه .. لكن اللي ما يقدرني .. ماله حاجة عندي و ينحط في البلاك ليست .. و علشان أولادي ، بأروح لهم .. فقط . . كفاية عندي ، إني أقوم بحقوق زوجي ( عشان ربنا ) .. و حقوق أولادي و أهلي و أقاربي ووو إلخ .. أنا بحاجة للي يشيل همي ، مو أروح أزود على حالي و أجامل ناس ما تستاهل ؟ |
رد : اهله .. و لكن ؟
اقتباس:
كلامك اختصر كل شي .. الله يجزاك كل خيـــــــــــــــــــــــــــــــــــر .. |
رد : اهله .. و لكن ؟
اقتباس:
أول سنة و نص ، كان يشتغل و جاه إنذار بالفصل .. و انفصل .. ما اهتميت لإنه سافرنا برة على طول .. و خلى سفرنا حجة لإهماله .. و إنه بسبب غيابه عن العمل علشاني ووو إلخ ، فصلوه .. و هبلة صدقته وقتها .. جلسنا برة و أهمل في دراسته و ما نجح سنتين ، و زي كذا .. يسجل معهد و تجيه إنذارات من الملحقية و يكذب عليهم .. . . رجعنا هنا ، و أول ما رجعنا رجع لوظيفته القديمة .. المدير رجعه عشان كانت على زوجي ديون للشركة ، فكانوا يخصموا من راتبه .. قاموا فصلوه برضو .. بعد تقريبا 7 أو 9 أشهر .. وقتها تأكدت إنه ( العيب فيه هو ) .. و كان عاجبه الوضع وقتها .. . . جلس عاطل 9 أشهر ، و بعدين من شغلة لشغلة .. بس من شهر رمضان ، قلت له ( ما أجلس مع رجال عاطل ) .. و دحين فتحت له مشروع ، و هذه أخر فرصة بأعطيها له .. عشان لا ألوم نفسي و لا يلومني .. و أكون عملت كل اللي قدرت عليه .. |
رد : اهله .. و لكن ؟
حينما أقرأ حروفك وتصرفاتكِ
اخيتي روح الطير ارى بأنكِ لستِ بحاجه للنصيحه فقط تحتاجين للهدوء والفضفضه وترتيب الامور ..~ كان الله معكِ في كل خطواتك ..~ |
رد : اهله .. و لكن ؟
وعليكم السلام ورحمة الله وبركاته
روح حبيبتي زوجك يعرف اهله وتشرب منهم حتى فاض ، كيف لا وهم من ربوه هذه التربية التي يقاسي من اثارها للآن ، ماذا تنتظري من اهل يلقبون ابنهم وقد اصبح رجل وزوج وأب بالحم... وغيرها من الالفاظ القاسية خاصة لو لاحظوا احسانه لك وهو لله الحمد لم يتأثر بكلامهم ، وحتى لو كان مقصر وسيئ لا يبرر لهم وصفه ونعته بتلك الالقاب المؤذية امام زوجته فهو يبقى ولدهم كان الله في عونه منهم اشكري الله عز وجل ان منحك هذا الزوج الطيب ، فقد كان جندي مجهول في مسيرة نجاحك فلولاه ما استطعتي ان تسافري وتكملي تعليمك ، فكونه كان مرافق لك وفقط تعتبر لوحدها نقطة لا يمكن التغاضى عنها استمعي لزوجك وانصتي لما يقوله عن اهله وطبقيه ، فما نفع انك تريدين معاملتهم برقي وطيبة وبما يرضي الله وانتي تشتكين ، ابنهم اعلم بهم منك ، تصرفي كما يريد هو ان تتصرفي مع اهله ، يكفي انه لا يطالبك بشئ انتي غير مطالبة به بالنسبة لي حتى ذهابك لهم كل اسبوع غير ضروري ، خاصة وانك حساسة كما تقولي ولا تستطيعي ان تمرري ملاحظاتهم وتعليقاتهم ببرود ، ولكني افهم الحاح زوجك على مرافقته هو تفاخره بك امامهم فمن كانت له زوجة مثلك يحق له ان يفخر بك ويرى نفسه امام اهله وهذا لصالحك ويدل على نظرة زوجك لك فهو يعترف بفضلك وبتفوقك ونجاحك وتميزك امام اهله وهذا يعتبر نادر وهذا كفيل بنزول السكينة والراحة عليك امام اهله فما يهمك هو تعامل زوجك ونظرته له امام اهله كونهم يلمحوا امامك بتلك العبارات يعني اعترافهم بأنك صاحبة نعمة وهذه لصالحك وليست ضدك أسأل الله ان يحفظك ويرزقك بكل خير |
رد : اهله .. و لكن ؟
نور الايمان
امي الله يرحمها قبل لا تموت كانت توصيني و تقول .. زوجك طيب و يحبك .. يكفيك انه يعززك قدام اهله .. طبعا الكل يعرف حركات اهله ترى دحين هاجدين هما ..شوي ؛ عشان صار لي موقف معاهم قبل سنتين ومن يومها عرفوا حدهم .. طبعا امي كانت تقول لي .. زوجك يواصل اهله و امه و ابوه .. و تنصحني دايما بس لانها تعرفهم ظالمين و خاصة حناتي *حماتي فكانت تقول لي يكفيك انه زوجك ما يوقف مع اهله ضدك و لايسمع كلامهم و يجبرك تخدميهم و اغلب الرجال يوقفوا مع اهاليهم ضد حريمهم .. . . فانت كلامك عن زوجي في ايرد او تعليق تعلقيه علي . * في اي رد اجلس اقراه مليون مرة و اتاثر و افكر فيه . . ليه تقولي زوجك يحبك ؟ و ايش تفسير الي عمله في رمضان ؟ و هل تصدقي وعوده لي و انه بالفعل تغيير ؟ . . حابة اسمع نصيحتك .. لانك تشوفي اشياء ما اشوفها .. و اقتنع بكلامك كثير .. على فكرة .. الدورتين الي سجلت فيهم ما اضافت لي شي .. لانه كل الي قريته .. اعرفه و اطلقه من زمان .. * اطبقه يعني ماني مقصرة بإذن الله معاه .. قريت كل شي .. و كله اعرفه .. |
رد : اهله .. و لكن ؟
اقتباس:
|
رد : اهله .. و لكن ؟
اقتباس:
حبيبتي احساس .. ترى سلفتي كذا تنهان من أهل زوجي و تنضرب و هي تخدمهم .. و ما ينفع معاهم التعامل هذا .. أنا جيت ، و عرفوا قيمة ( سلفتي ) .. :d و سلفتي قالت لي مرة ( أنا - أغبطك و أحسدك حسد محمود - ،، لإنك عرفتي تتعامل معاهم و توقفيهم عند حدهم .. مو مثلي ) و تعاملهم معاي ( أحسن من تعاملهم مع سلفتي ) .. و أنا و الله تعاملي أبدا مو كذا مع كل الناس و لا حريم أخواني و لا أقاربي .. بس مع أهل زوجي .. لازم تكوني كذا .. و لا بيعاملوك مثل ما يعاملوا سلفتي .. بس الحق .. أهل زوجي من خلفي ( يمدحوا بطريقة تعاملي مع زوجي و اهتمامي بالأطفال و بيتي و نظافة الأولاد و تربية الأولاد عالعادات و الأصول .. و مبسوطين إنه ولدهم مرة متحسن كثير بعد زواجه بيا .. ) بس مستحيل قدامي يقولوا الكلام هذا .. |
رد : اهله .. و لكن ؟
^
احساس عمري .، لما قريت كلامك .. نفس اليوم ،، الكبت كله انفجر ( و تخاصمت مع زوجي ) . . عشان كذا ،. ما أحب أتكلم بشي يفقدني ( السيطرة على حالي ) .. لإني ( عالحاااااااافة ) .. |
رد : اهله .. و لكن ؟
اقتباس:
. . كيف تجعليني أقرأ الألف ياء ؟ <--- سؤال غبي ، صح ؟؟؟؟ . . و تسلمي عالمديح .. الصراحة ، زوجي كرهني في حالي .. و رجعت استرد ثقتي بقدراتي من جديد .. . . إنت تاني وحدة تقول عني ، نابغة .. :) المشرف الإنجليزي اللي كان يشرف علي بالماجستير ، قالي ( إنت نابغة بتكوني ) .. بس حسيته بس يجاملني عشان يرفع من معنوياتي .. :27: . . أنا مؤمنة بكلامك .. و ممكن تلاقيني أنصح أي وحدة بنفس الشي .. لكن المشكلة يا قلبي .. ( فيا أنا ) .. ( حساسة بشكل فظيع ) .. يعني ممكن لو رحت و شفت تلميحات ، أو حركات بعيونهم ، أو يرموا كلام .. ( أطننننننننننش .. و سبحان الله يوصل لي .. معنى حركاتهم و أحاول أكذب حالي ) .. . . أروح تاني أسبوع ( يطلع احساسي صحيح .. و يبدأوا بالتصريح و الدق .. و أتأكد من احساسي وقتها و إني ما ظلمتهم بإحساسي السابق اللي وصلني ) . . و ليت يستحوا و يسكتوا ، لما يشوفوني مطنشة ( و هما شوية و باقي يقولوا لي - كل شهر أعطينا من راتبك - ) تلاقي بوقاحة ( يصرحوا ) و يحرجوك .. و إنت عشان ما تبغي مشاكل و لا تبغي تخليهم يمسكوا أي شي عليك .. تجامليهم عالأقل بإبتسامة .. . . برضو ، ما يخجلوا .. يرجعوا يفتحوا السيرة .. لحد ما اضطر أتنكد ، و أنكد على زوجي ( و أقول له بصراحة .. أهلك قليلين أدب وووو إلخ ) عشان كذا أنا فتحت الموضوع .. و المشكلة لو ما عملت كذا مع زوجي ( بتلاقيه يتفرج و يسكت و يتهرب ) .. بس لما خلاص ( انفجر عليه ) .. يقوم هو يتصرف معاهم ( و يحل الموضوع بطريقته ، بحيث ما يزعلهم و لا يزعلني ) . . بس الحمد لله .. صرت دحين - أفضل من قبل - .. أكلمه بذوق و أدب ، و اشرح له .. و هو يصرّف الموضوع بطريقته .. . . يعني المختصر .. أتضايق من حالي ، بس هذه الطريقة الوحيدة عشان أقدر أتعايش معاهم .. لإني جربت كل الوسائل .. . . و معليه ، الظروف السابقة خلتني اتشتت .. و الحمد لله من شهرين و أحس حالي أفضل بكثيييييييير و الحمد لله .. و إني بديت أرجع لشخصيتي و ثباتي .. و حتى علاقاتي مع الآخريات ، بدأت ترجع مثل قبل و أفضل و الحمد لله بأضعاف .. . . بأبحث عن مكامن القوة في داخلي .. عشان أبني جدار لنفسي ضد الصدمات .. و بسبب حساسيتي المزعجة .. و المتعبة .. |
رد : اهله .. و لكن ؟
روح الطير اتعرفين اين تكمن المشكله؟
في انك تعملين و زوجك عاطل عن العمل. حاولي اخيتي بجميع الطرق ان يعمل و لو حتى براتب قليل. يا عزيزتي الرجل هو قائد الاسره و ان فقد قيادتها كثير من الامور تتغير، مثلا لو زوجك كان يعمل و طلبت امه منه ان يدعوها هل كنت تستشيطين غضبا؟ طبعا لا. لما حدث كل ما يحدث لك الان. دمت |
رد : اهله .. و لكن ؟
^
لينة العريكة تدري جاء ببالي كم مرة ، إني أعطي لحماتي كل شهر ألف ريال ؟ لكن اتردد و استخير و أتراجع .. يعني ما أكره لهم الخير .. . . و كلامك صحيح .. زوجي فتحت له مشروع حالياً ، و هو بيشتغل شغلات حاليا تجيب له ( قوت يومه فقط ) .. يعني مثل إنه يخلص شغلة معينة لصاحبه في لدوائر الحكومية و ياخد منه ( قيمة التعب ) .. و نفس الوقت يخلص أشغاله .. ترى زوجي ( دااااااااااااااااااهية ) .. لا يغرّك هدوءه و طيبته .. أهله ما فهموا له ، مثل ما فهمته .. . . و لو تركت الدنيا سايبة .. و الله بياكلوني هو و أهله .. . . تعرفي إني ناوية بإذن الله .. ( أكتب وصية و أوثقها بالمحكمة ، أضمن فيها مستقبل أولادي ؟ ) لو صار فيا شي لا سمح الله .. زوجي و أهله ، بياكلوا حقوق أولادي .. زوجي مو إنه ياكل فلوس أولاده .. بس ما يحب يفكر ، و يوثق في أي شخص .. و مستهتر ، فممكن بكل سهولة يبيع أي شي يكون من حق ولده .. بنية إنه بيردها له ، و انسيييييي .. . . هذه من الخطط المستقبلية اللي افكر بها .. و الله مرات ، أحس حالي عايشة وسط ( عصابة علي بابا ) |
رد : اهله .. و لكن ؟
^
كيف يكون داهية مثل ما تقولين وبنفس الوقت مستهتر وما يحب يفكر هذه المعادلة ما دخلت راسي الداهية انسان مفكر من الدرجة الاولى وبعدين لا وصية لوارث او استثناء احد الورثة من الوصية |
رد : اهله .. و لكن ؟
التائة قلبه .. ممكن سوال
هل ممكن الواحد يكتب بعض املاكه لعياله بيع و شراء مثلا ؟؟ وبقية الورث يتقسم حسب الشرع ؟؟ |
رد : اهله .. و لكن ؟
اقتباس:
روح اخرجي من قشور المجتمع قشور الزوج قشور روح الطير واصعدي الى اعلى ماتستطيعين كي تحددي كيف يجب ان تكوني ومالذي يستحق الألتفات ومالذي يستحق ان تصيب كامل اهتمامك عليه أبدا أبدا روح لا تسمحي لمجريات الحياة ان تشكل عجينتك توجه قدراتك تقلصها تشتت عقليتك الفذه وقيادتك للأمور وتشكلك درعا وتشكل غيرك سهاما روح حتى لو حصلتي على مأربك لن تشعري بنشوة النجاح أتعلمين لما؟ لان قدراتك عطشى لما هو أعمق لان العلاقات الاجتماعية كماليات نصعد بها او بدون لأنك روح حتى الان تبحثين عن نفسك وسط دوامتك تجدين هنا بعض صوتك ولكنك حتما تعلمين انه منخفض ليصل الى كل ابعادك وزواياك اكتب لك هذا لأني اعلم أني امام عقل ينتظر من يستفزه لتزمجر أسوده يوما ما روح ستجدين في نفسك أعمق مما تتصور ينه في نفسك اليوم .... ستفعلين أمورا ترفعك الى الله حيث جنان دنيا لا يراها الا من أعطاهم الله البابا عميقة |
رد : اهله .. و لكن ؟
أتضايق من حالي لما أتكلم كذا ..
بس لما أصير كويسة معاهم ، هما يبدأوا يعملوا حركات .. و يمكن لو زوجي كانت عنده وظيفة ، ما كنت اهتميت و طنشت .. . . خاصة إني أرمي بجزء كبير من مسئولية ( اتكاليته ) .. على أهله .. لإنهم يشجعوه إنه يعتمد علي .. بس لما يقصر بحقوقهم .. ماشاء الله ، يعرفوا كيف يتكلموا .. . . لما مرة وحدة تكلمت مع أم زوجي و قلت لها ( هو كذا و كذا ) ،. و ماتكلمت غير بعد ما ضغطت علي مرررررة و صارت تغلط علي .. و تطول لسانها .. ما استحت و سكتت ؟؟؟ قالت ( وراء كل رجل فاشل إمرأة ) .. و حتى لما كان يدرس ، أمه تربيه و تعلمه و تتفق مع ولدها التاني ( كيف يغششوا بعض ؟ ) هذه تربية بالله ؟؟؟ و يسموها الناس ( أم الشيخ ) ؟؟؟؟ . . مثل هذه ، إيش يبغالها ؟؟؟؟؟؟؟ |
رد : اهله .. و لكن ؟
لا حول ولا قوة الا بالله
والله انو حالتك مثل حالتى بس انا ما اشتغل بس بدى اشتغل البابا مات قريب وحماتى حاطه عينها على ميراث ابوى وعلى ممتلكات امى الله يعطيها العمر من الحين قبل ما يجرالها شى لا قدر الله .......تخيلى ومن الحين تلمح انو زوجى بدو يشترى شقة وانى لازم اساعدة بهيك وغيره كتير بس انا مشكلتى انو زوجى مانو هون هو مسافر ومااعرف متى راح يرجع او اذا كنت بسافرله (يارب اسافرله) من الحين انا حاطة لنفسى خطه ... بعد تفكير طويل .... لانى اشوفهم كيف يتصرفوا مع سلفتى وزوجها وانهم بدهم ياها تتصؤف بذهبها ميشان تساعد زوجها.. اقولك اختى اولا ماحدا فيهم راح ينفعك بشئ اذا صارلكم شئ لاقدر الله انتى او زوجك او عيالك ومن الواضح انهم مايعملونك كانك منهم اى مثل بنتهم بس هما طمعانين فيكى وبدهم ابنهم يرتاح وانتى اللى بتصرفى بس ماحدا فيهم حاول يساعد زوجك انو يشوفلوا وظيفة تخليه يقوم بواجباته كرب اسرة بدل مايقولولك اصبرى عليه ولازم تقدرى وهيك امور.. وباين انو زوجك ماشى معاه ها الوضع بدى اسالك هو ما يحاول يصلح من وضعه او من حياته؟؟؟ نصيحة مثل ماقالوا الاعضاء وماقصروا بشئ ابدا انك تقللى الروحة عند حماكى وحماتك لانو فيه مثل يقول اذا قدتى اصابيعك العشرة لشخص وفى يوم انطفت شمعة منهم ما راح يقولوا فيه اصابيع تانية منارة بس راح يذكروا اللى انطفت ... ومهما ان سويتى ماراح ينراضوا ابدا حاولى تاخدى جنب شوى منهم واذا كان على اولادك وديهم يشوفوا قرايبهم بس من فترة لفترة وزوجك اذا سالك عن شى ومثل ما اظن ماراح يسالك عن شى لانو بيعرفهم لاهلو وماكل شوى تجيبى شى معاكى الهم انتى عودتيهم على هيك بس شوى شوى راح يتعودوا ادرى انو الواحد ما يهادى الا قيمته بس دول ماينفع معم شى خذى مرة فاكهة مرة عصير مو لازم حلويات من الغالية لانو هادول الناس كل ماتجيبلهم من الغالى راح يتمادوا معك خليك رسمية معهم ما تعطى حدا فرصة انو يتجاوز حدوده معك وما تتكلمى اذا جالسة معهم الا فى الضرورة مرة واحدة قالتلى انها مع حماتها ما تقول الا ثلاث كلمات (ايه . لا . احيانا) وماتزود واذا فى سؤال ماتجاوب الا اذا كان السؤال متوجه الها وتجاوب على قد السؤال بالضبط ماتفتحى بيتك هيك على مصراعيه ليهم اذا فيكى تقاطعيهم تانى سوي هيك ميشان يعرفوا حدودهم وانو فيه خط احمر اذا اتجاوزوه ماراح يصير خير معليش اختى طولت عليكى بس مشكلتك مأرقانى مثل مشكلتى الله يصلحلك الحال ويهديهم يارب |
رد : اهله .. و لكن ؟
اقتباس:
التائه قلبه .. داهية زوجي ( لمصلحته فقط ) يعرف يخليك تصدقه ، و يقنعك بأساليبه .. بشرط تكون له ( مصلحة فيها ) .. . . مستهتر ، مستهتر بحقوق الناس .. مستهتر بالأوقات و الوعود .. . . نقطة ضعف زوجي ( قلبه ) .. عشان كذا يقول لي ( إنت الوحيدة اللي عارفة لي ) بس أشوف حالي أجهله .. لإنه يتعبني معاه ( يلفففففف و يدور ) و حركاته مكشوفة أمامي و مفضوح .. . . أنا أذكى منه ، لكن أقدم ( حسن الظن و الطيبة دائماً و التسامح ) و أقدم مصلحة الكل قبل مصلحتي .. فهو يستغل النقطة هذه .. و أذكى من أهله ،، لكن ماني خبيثة .. <--- هذا اللي عاجب زوجي فيا ،، و لا راح أفرق ولد عن أمه أو أهله .. |
رد : اهله .. و لكن ؟
بأوضح شي ، يمكن ما قدرت أوصله ..
. . أنا متضايقة ، مو لإني ماني قادرة أخد حقي منهم .. أنا عاقبتهم فترة ، و خليتهم يندموا .. هذا اللي مخليهم دحين ( ملتزمين حدودهم نوعا ما ) بس فيه فرد من العيلة ( هو اللي بيغلط ، و أمهم واقفة معاه ) . . متضايقة ، إني أقدر أعمل و أعمل و أعمل .. و الحمد لله ، عندي القدرة و الإمكانيات .. . . بس ( كافية خيري ، و شري ) .. . . ما أبغاهم يخلوني أوصل لمرحلة ، إني ( أكف فيها خيري فقط ) فكلامكم هنا ،، هو علاج لنفسي .. |
رد : اهله .. و لكن ؟
التائه قلبه ..
راح استشير محامي .. و ممكن أخليه ( إهداء مني لأولادي ) .. و الهدية ما فيها شي .. و بعدين ، إيش يقرب لك زوجي ؟ تغطس شهور و ما تطلع غير لمواضيع زوجي ؟ |
رد : اهله .. و لكن ؟
unlimitied
بأسهر يومين ، ( أتفكر بكلامك ) .. أحسه لامس شي بداخل ( قلبي ) |
رد : اهله .. و لكن ؟
قبل لا أروح .. بأكتب هنا فرقين ، بيني و بين أهل زوجي ..
- أنا أعلم زوجي و أعطيه دروس بالحياة ( إنه يعمل الشي لله ، و يقدم الخير بدون مقابل ) أمه علمته ( إنه ما يعمل شي ، إلا بمقابل .. و بفلوس .. و يمص اللي أمامه و ما يبقي منه شي ) - زوجي اجتماعي ، و يحب الناس ، و يحب الخير .. فالشئ هذا يمكن ، اللي بيخله لا شعورياً ، يتوجه تجاهي .. . . مثال .. ما أعرف لو كتبته أو لأ ؟ : مرة عزمت زوجي على مطعم ، كان متضايق .. و قلتله تعال نتعشى برة .. طلع الحساب مية و شي .. و للأسف ، المطعم ما يقبلوا ( غير الكاش ) .. و أنا ما كانت معايا غير بطاقة الصراف .. ( ما صرت أخلي كاش في شنطتي غير بالنادر ) المهم ، قلت لزوجي .. اترك عند المحاسب ( جوالي ) أو ( جوالك ) ، و نروح نسحب من الصراف اللي جنب المطعم .. زوجي قال لي ( طيب ) بس بداخله .. بدون نفس .. زوجي قال للمحاسب ( خلي جوالي عندك ) ، أروح اسحب و أجي .. المحاسب أول شي ما فهم الموضوع و مسك الجوال .. بعدين حلف ما ياخد الجوال ( و وثق في زوجي ) .. . . خرجنا من المطعم و ركبنا السيارة و رايحين نسحب من الصراف ، و زوجي قال ( كنت راح أقول .. بجد ما يستحي ، لإنه ما صدق و أخد الجوال و لا استحى ) <--- هذه طريقة تفكيرهم هم .. قلت له ( بس مافيها شي حتى لو خلى الجوال عنده .. ما يقدر يوثق بكل الناس .. بعدين حراااااااام .. راح يدفع من راتبه و هو يتحمل المسئولية ) <--- هذه أثرت بزوجي من غير ما ادري قال لي زوجي ( إيوة و الله صادقة ، تخيلي لو مثلا 5 عملوا كذا ؟ بيطير راتبه كله و هو ماله ذنب ) . . مزحت معاه و طالعت له بنظرة و ابتسمت ، و قلت له ( ما عمرك عملتها ؟ ) قال لي ( لا و الله ما عمري .. شايفتني أكل مال حرام ) . . قلت له ( امزح .. ) و أنا و الله العظيم .. قلبي حاااااااااااااااااااااااسس و متأكدة ، إني لو ما كنت مع زوجي ، كان زوجي استغل ثقة المحاسب و لا رجع و دفع له .. بس أدري لو حسسته بكذا ، راح يزعل و يقلبها نكد .. و إنت تسيئ الظن فيا و إنت .. و يعمل حاله زعلان .. . . رحت معاه ، و سحبت الفلوس من الصراف .. وقف السيارة قدام المطعم ، و راح دفع للمحاسب ( و أنا متأكدة إنه ممكن يحط الفلوس بجيبه و يقول لي دفعتها له ) بس ماعرف بإيش انشغلت وقتها ، و ما دققت .. بس جاء الشي هذا ببالي .. . . راح اعطى للمحاسب الفلوس و رجع .. و أول مرة يعترف لي .. بنواياه السيئة .. . . قال لي ( تدري ؟ و الله الشيطان شاطر ) سألته ليه ؟ قال لي ( خرجت من السيارة و جلست أقول بنفسي .. خلاص خد الفلوس إنت و اصرفها ، و بعدين لما تتدبر معاك .. تعال رجعها و ادفعها للمحاسب .. و كنت بأحط الفلوس بجيبي و ارجعها له بأي يوم ) سألته ( و بعدين ؟ ) قال : ( ولاشي ،، قلت لنفسي .. و الله ما أخلي الشيطان يتغلب علي وو اتحديته و قهرته ) و رحت اعطيتها للمحاسب .. . . طبعا كلامه هذا ، في حياتي كله ما سمعتها منه .. كنت لما أكلمه زي كذا و بالطريقة هذه ، يستغرب مني ،، و يتهمني إني الوحيدة الي بالدنيا كذا عايشة .. . . أمه لو مكاني ، راح تقول له ( مافيها شي لو سويت كذا ) . . قلت له ( حلو ماشاء الله .. تخيل مثلا دحين بيدفع من جيبه ، و بعد كم يوم تجي و تدفع للمطعم ، و يكون المحاسب ترك المطعم و غير شغله ؟ تكسب ذنبه حرام ) . . بعدين غلطت و قلت له ( تصدق جاء في بالي إنك بتعمل كذا ، بس ما حبيت أضايقك ؟ ) بدأ وجهه يتغير .. و صلحت كلامي و قلت له .. ( بس عشان أبين لك ، إني أفهمك أكثر من نفسك :D ) . . و الله بجد ، الرجال كأنهم أطفال ؟؟؟؟؟؟ :( |
رد : اهله .. و لكن ؟
اقتباس:
لكن هناك شبهات شرعية ادرى بها اصحاب العلم الشرعي وهي القصدية في حرمان احد الورثة او تقليل نصيبة من الميراث بتعمد اعطاء هبة لاحد الورثة في حياتة . علما بان ميراث الزوج من الزوجة غالبا ما يكون اكبر من ميراثها منه فالزوج يرث الربع ان كان لها فرع وارث ويرث النصف ان لم يكن لها فرع وارث ( الابناء ) بينما الزوجه ترث الثمن ان كان له فرع وارث والربع ان لم يكن له فرع وارث |
رد : اهله .. و لكن ؟
التائه قلبه ..
زوج صحبتي محامي شاطر و مستشار قانوني و يفهم بكل شي .. و يكتب بالنت و بالجرايد .. عادي ، وقت ما أحتاج استشارة .. ممكن اطلب منها ^_^ . . بعدين كأنها عجبتك مرة ؟؟؟ و مستعجل على موتي .؟ . . بعدين بأخلي أخوي هو الوصي على أولادي ، و ماحد يتصرف بشي غير لما يكبروا .. و خلي زوجي يتهنى باللي يورثه مني .. :25: أهم شي الأولاد يعيشوا معززين و مكرمين .. ^ عايشة الدور .. . . الله يطول بعمري ياخوي في طاعته .. :( |
رد : اهله .. و لكن ؟
اقتباس:
|
رد : اهله .. و لكن ؟
^
يعني تعرفه ؟ ما بغى أخرج عن الموضوع الأساسي ، لكن ليه تشارك و كأنك تعرفه بأي موضوع يخصه ؟ |
رد : اهله .. و لكن ؟
اقتباس:
كل سطر و كل كلمة ، بحاجة للتفكر فيه .. بأخد بريك يومين .. . . يمكن هذه أمور ( أعلمها عن نفسي - مع نفسي ) .. لكن ( لا يراها أي شخص اخر ) . . ممكن سؤال ؟ كيف قدرتي تستنتجي ؟ حتى فاكهة الشتاء ، مرة قالت لي كلمات .. مازلت افتكر كلامها إلى الآن .. . . تعرفي إني توقفت عن القراءة من فترة طويلة .. حتى أقدر أنزل لمستوى عقلية معينة .. و أنظر للصور من منظار اخر ، و أفهم الحياة بمفهوم و تفكير مختلف .. و وقتها بديت افهم الحياة و استشعر معنى ( الكلمات الي كنت أقرأها ) . . مثال بسيط ، لتقريب المعنى .. كنت أقرأ زمان ( فرّق تسد ) .. ( إن أكرمت اللئيم .. إلخ ) مجرد كلمات و حكم و أمثال و مخزنة بأدراج مكتب ( عقلي ) .. لما عشت الحياة مع زوجي و أهله ،، تخليت عن القراءة و توقفت تماماً .. و صرت أطبّق ما قرأته و أعيشه فعلياً .. و بدأت أشتغل بعملية ( أوصل الصورة مع العبارة المناسبة ) .. و ( أوصل الأحداث مع العبارة المناسبة ) . . فاهمتني و لا ضيعتك ,, معليه ؟ |
رد : اهله .. و لكن ؟
اقتباس:
لو كنت أخوه أو أبوه .. تساؤلي مجرد - فضول لا غير - .. |
رد : اهله .. و لكن ؟
اقتباس:
لأنه بيني وبينه أراضي وبحور وخلجان هو من دولة ( السعودية ) وانا من دولة ثانية ( الامارات ) بس صراحة متعاطف معاه شوي اشعر انه طيب وحنون وكفاية انه مخلص في حبه لك بغض النظر عن باقي عيوبه السـت انتي انفاسه واحساسة واغلى ناسه وحـديثـه بين جلاسـه واصحابة ؟! حرام ينحرم من الميراث ؟! :) الله يخليكم لبعض ويحفظ اولادكم ويكون لك قرة عين مثل ما كنتي دائما قـرة عينـه |
رد : اهله .. و لكن ؟
اقتباس:
على أي أساس حكمت ؟ لإنه كان الشي الوحيد الي مخليني أكمل معاه .. و دحين ما بقي غير الولدين .. . . و بقية كلامك عنه ( صحيح ) 100 % .. إنه طيب و حنون وووو إلخ .. لكن ما تشفع له ( غلطته ) إيش ما كان حجمها |
رد : اهله .. و لكن ؟
روح حبيبتي باختصااااار وبالفم المليان يتعمدوا استفزاااااازك فقط دام إنهم عارفين ولدهم مفلس24 ساعة
عارفين نقطة ضعفك ويضغطوا عليك لإنه ينبسطوا لما يشوفوك منسم بدنك ف عشان هيك ياحبيبتي عندك حلين إما تروحين بعد انتهاء وجبة الغدا وتشربين الشاي وصلى الله وبارك وإما تعودين نفسك عالتطنيش وأهم شي إنك تبتسمي ابتسامة صفرا يعرفوا فيها المقصود لإنه بصراحة ماعمري شفت ناس وقحة بهالشكل فلوسك الأحق فيها عيالك وأهلك بس وانتي واجبك عليهم بالمناسبات الشديدة بس بس زوجك ذكي وعارف كيف يتصرف وتصرفي زيه جد أتكلم لإنه هو ولدهم ومن طينتهم وفاهمهم ماأقول غير الله يصبرك فعلا |
رد : اهله .. و لكن ؟
اقتباس:
كوني واثقة من نفسك واتركي كل شخص يتعامل وفق شخصيته وضميره والله شايف وعارف ولن يفلت انسان من الحساب اريدك ان { تمثلي } حسن الظن بتلميحاتهم اذكرك عزيزتي بما قام به الرسول عليه الصلاة والسلام عندما كانوا يقولون مذمم ، كان يقول انا محمد وهذا الكلام ليس لي { بمعنى الموقف } اذن لما يقولوا اللي استحوا انتي مالك ومال هالكلام ؟ هل انتي لا تستحي ؟ طبعا لا اذن قولي لنفسك انا احسن الظن بهم وهذا الكلام ليس لي حتى لو حاولتي التمثيل على نفسك المشكلة فيك لانك كما قلتي لو كان زوجك يصرف ولم تكوني ذات فضل عليه لم تكوني لتنزعجي اذن عزيزتي المشكلة انك حاسة نفسك دائما تضحي ودائما انتي صاحبة الشأن والمسؤولية ، ولكن هذا كله يمكن تلافيه لو استمتعي بدورك واحببتيه صدقيني كل ما سيمر بك سيسعدك لانه سيزيد من اجرك وثوابك وسعادتك ما يهمك هو كلامهم في ظهرك وطالما هو بالخير فهذا شئ عظيم جداف ما ينفعك ان يضحكوا لك ويشهدوا الله على ما في قلوبهم من خير لك وفي ظهرك يطعنوا فيك ؟ طبعا جميل ان يمدحوا فيك ومن خلفك ولكن الاصل فيهم اعترافهم بخيرك عزيزتي هذا الخير وهبه الله لك فلا تجعليه نقمة على حياتك تريدين الكل ان يكون لك كما تريدين لانك صاحبة نعمة ، اشعر ان كلامي لن يصل لك كما قصدته اعرف انك طيبة ولا تمنني على احد ولكن مجمل كلامك هو حول المال وماذا اعطيتي دون ان تشعري لي عودة لان لي كلام كثير جدا في موضوعك ومازلت سأكتب لك رأيي في ما حدث بينك وبين زوجك الان اكتب على عجل ولكني احببت ان تتصرفي بطيبة قلب مع ذكاء وحذر دون ان تتلفي اعصابك ونفسيتك والا فتحاشيهم ولكن تذكري ان مخالطة الناس والصبر على اذاهم افضل عند الله |
رد : اهله .. و لكن ؟
نور الإيمان ..
أنا ما أكرههم ،، لكن بأتحسس من كلامهم .. لإني أعرف الأصول و أعرف التعامل به .. لكن وضعي أنا و زوجي مختلف تماماً .. . . يعني يكفي إنه رامي مسئوليتي و مسئولية الأولاد و البيت علي .. أتحمل كمان مسئولية أهله ؟ . . أعطيك مثال .. لما يتجمعوا كل أهله ، و أروح أزورهم .. ( ننبسط و الحمد لله ) .. ( لكن هم بالمقابل .. ينتظروا مننا ، إننا نعزمهم ) و هذا هو الأصول .. و هذا المفترض .. . . بس كلهم عارفين عيب ولدهم ( و ما أحد أستحى مني ، و لا هو استحى مني ) .. فأجلس أقول لنفسي ( طيب .. و أنا ليه استحي منهم ؟؟؟ ) . . و لو بأعزمهم ،، مو أهلي أولى منهم ؟؟؟ . . طيب هو ليه ما عمره استحى من أهلي ، و أهلي عزموه كم مرة و أكرموه .. و أنا بأعزمهم ، أرد عزايمهم ( بس بإسم زوجي ، كأنه هو اللي يردها لهم ) .. . . دحين ما صاروا يتكلموا .. (( العيب إذن من زوجي )) .. . . و كلامهم صحيح و ينطبق عليه .. لكن لما أكون أنا مع زوجي ، و يقولوا الكلام هذا .. فكأنه موجه لي .. ( لإنهم عارفين إنه ما معاه شي ، و لو بيعزمهم .. فأنا اللي راح أتكلف .. ) . . لمتى ؟ خليه يتفشل قدام أهله ، بس أنا مالي علاقة باللي بينه و بين أهله .. . . هو ما عنده احساس ؟ أنا بأتفشل بدل عنه .. و لو عزمتهم ، هو بيتعود و أهله كمان .. أنا مكلفة بأولادي و ببيتي و بنفسي .. |
رد : اهله .. و لكن ؟
صحيح مالك علاقة باللي بينه و بين أهله ، وابدا لم يصل لي انك تكرهيهم بالعكس
طيب الآن عزيزتي ما سبب الموضوع ؟ هل هي فضفضة ؟ والا ناوية تغيري طبعك معهم وحابة تاخدي رأينا ؟ والا حابة تستمري وتشوفي انتي صح والا خطأ ؟ والا ما المقصد من الطرح ؟ والمعذرة على السؤال بس حتى اساعدك لاني ما فهمت المغزى من الموضوع ؟ |
رد : اهله .. و لكن ؟
كان الله بعونك اختي الكريمة
|
رد : اهله .. و لكن ؟
نور الايمان
سبب الموضوع وقت ما طرحته .. اني ما كنت اعرف ايش اللي لي .. و ايش اللي علي .. مع اهله .. بطبيعتي .. اني احب اقوم بالواجب و الاصول مع الكل .. حتى اللي يضايقني .. تلاقيني، اعفو و اصفح .. و ارجع اكلمه عادي و قلبي صافي تجاهه .. حتى مرات لما اشوف نعمة ربي علي .. فاستحي و اقول يمكن بسبب الخصلة هذه ؟ و لا انا .. مقصرة بالعبادات .. . . لكن كلامي ينطبق مع ناس ممكن تستحي و تخجل .. او ناس ما راح اكون ملزمة اني اواصلهم باستمرار . . فما كنت عارفة كيف اتعامل مع تصرفات اهل زوجي .. و كتبت من خلال الردود .. الاشياء الي لقيتها منهم سابقا عشان اوضح اني جربت كل شي قبل .. و كانوا كيف ؟ و لولا ايقافي لهم عند حدودهم .. بعد ما ياست .. ما كنت الان مرتاحة و الحمد لله .. من التصرفات السابقة . . بقيت مشكلة وحدة .. و كتبتها .. تلميح و تصريح بطريقة مهينة .. و كنت محتارة ؟ ايش اعمل لو تكررت الحركة .. لانها تصدر من واحد فيهم .. له كلمته عند امه و هو الكل في الكل . . بس معاكم .. بديت اطنش فعليا و بدون ما اشعر باحراج و تانيب ضمير بداخلي .. انا تانيب الضمر يجيني حتى لو الشخص غلط علي .. فيني سذاجة بعض الاحيان معليه .. . . و اعطيك مثال .. لما ينزل عندهم احد من مدينة تانية .. انا اشتري حلويات من مخابز على عدد الافراد و ازيد .. و اخده معايا و احسب عدد الاطفال .. اقصد بحلويات مثل جاتوه و دونات ووو الخ ما يبان بعيونهم .. يستنوا كمان و يتعودوا و تبدا امه تاخد وجه علي و تشغلني و زوجي وقتها يصير لوحده .. هما يبغوا الشي هذا .. و زوجي يقولي مالك دخل تودي شي .. اقوله مايصير و عيب .. يقولي مالك دخل انا اتصرف .. . . و لو ماوديت شي .. اريح لي و لزوجي لاني بعد ما اودي شي معايا و اشوف برضو حركات منهم انقهر و احط حرتي بزوجي .. و اتنكد .. انقهر على نفسي .. . . بس اخر مرة من اسبوع .. حسيت انه تطنيشنا السابق انا و زوجي بدا يجيب نتيجة .. و الشخص الي كان يقل ادبه و يلمح على راتبي و يبغاني اصرف عليهم و يرمي كلام .. صاير محترم معايا و لا يكلمني .. و لا يمزح .. . . ما اعرف سبب تغيره و احترامه لنفسه امامي ؟ اكيييييد يا زوجي او زوجته قالوا له .. لانه زوجته قالتلي .. انا اسفة؛ امسحي كلامه بوجهي و انا شايفتك محترمة و تتجنبي الكلام معاه .. بس زوجي و اعرفه قلتلها معلييييه .. يعرف حدوده معايا .. خليه يعرف الشي هذا .. و اذا زوجي ساكت .. المرة الجاية ماراح اسكت .. و تكلمت مع زوجي و تزاعلت معاه .. قلتله .. اذا ماتعرف توقف فلان عند حده .. انا راح اتصرف . يتكلم كلمات وسخة امامي و يمزح و يضحك و ينكت .. خليه يعرف حدوده .. عشان لا احرجه بيوم قدام الكل .. يحترم اني زوجتك .. و يلزم حدوده زوجي ما رد علي .. و زوجة الرجال قالت .. ما اقدر اكلمه عشانه راح يضربني و يحسبني اتكلم من عندي .. و مافي حل غير انك انت تسكتبه بنفسك طبعا زوجته كمان ماهي هينة .. تحاول مرات توقع بيني و بين اهل زوجي . . بس الغريبة .. انه بالفعل الان .. صاير محترم امامي .. و بالنسبة لنظرات حماتي .. و اكيد وصلها الكلام ؛ لانها تشوف الشخص هذا الكل في الكل فخلاص راح امشي بنصيحة الكل .. و هو التطنيش .. و انه فيه امور اكبر و اهم .. يمكن عشان امي ربتني اني ما اقصر بحقوق الناس فلاشعوريا كنت ارمي اللوم على حالي و اجلس ادور و ما الاقي حالي مقصرة بس دحين ارتحت .. و لا عاد افكر |
رد : اهله .. و لكن ؟
التعامل مع أهل الزوج وأهل الزوجه دوما يجب أن يكون بنطاق محدود وفي إطار الإحترام المتبادل. ولذلك عليك أن لاتكثري بالجلوس مع أهل زوجك وأن تعامليهم بالحسنى حتى لو وجدتي إساءة. وإذا كان هناك تجريح فتصرفك سليم بالقيام من المكان أو الطاولة فمثل هذا التصرف يجعل الزوج يشعر بك وليس فيه أي تعدي على أهله.
أجعلي علاقتك بأهل زوجك محدودة وفي إطار الإحترام لاغير. ولاتكونوا مثل الأصدقاء. بل يكون التعامل شبه رسمي. |
رد : اهله .. و لكن ؟
رحت بس مرة بالأسبوع .. و جلست بإحترام و ذوق ..
هما ما يتكلموا .. و اللي يكلمني أكلمه .. و مع كذا ما عجبهم ، يسالوني بعد يومين .. ليش ما جيتي ؟؟؟ مو سؤال ( حب و اطمئنان ) ،، سؤال ( فضولي ، و استفزازي ) .. يتمنوا اطبخ لهم ، و أودي لهم .. أو اشتري شي و أوديه معايا .. و أنا عندي أشغال ، ماني فاضية لهم .. و لا أنا متزوجة ، عشان ما تصير لي شغلة ( غيرهم هم ) .. لما يعاملوني ( كأني بنتهم ) ،، وقتها أشيلهم داخل عيوني .. . . أنا أكره اللي يحاسبني على أفعالي .. ما قدرت اسكت .. و رديـــــــت .. . . أخاف المرة الجاية ، إني راح أكبرها أكثر .. راح أقول لهم ( عندكم ولدكم ، روحوا كلموه ) أو أطنننننننننش اتصالاتهم و رسايلهم عالواتس .. . . لا تقولوا ، خذي كلامهم بحسن نية .. لإني انقرصت مليون مرة ، و كل مرة كانت أمي زمان تقول لي تستاهلي .. تسوي فيها مرة طيبة ؟ و زوجي يقول لي تستاهلي .. ماحد طلب منك تقدمي لهم ، و أنا ما طلبت منك .. و سلفتي زوجة ولدهم .. تقول لي ، أنا أغبطك لإنك مو مثلي .. اندعس و تتأكل حقوقي و انضرب في الأخير .. و تقول لي .. المؤمن القوي خير من الضعيف .. . . سؤال : هما إيش يبغوا ؟؟؟ |
| الساعة الآن 09:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©