|
رد : المهر والشروط
ما في شي اسمه "شروط تحق لهم".... *
الزواج في البدايه هو عقد كأي العقود.... الفرق ان هالعقد مقدس... لهم الحق يشرطون اللي يبونهم في نطاق مجتمعهم و لك الحق في رفض اي من الشروط... لك انت الحق ان تشرط اللي تبيه في نطاق مجتمعك و لهم الحق في رفض اي من الشروط... المتعارف عليه يختلف بين عائله و عائله... قبيله و اخرى... مدينه و أخرى... فكر في شروطهم عدل.... و الشرط اللي ما يناسبك ناقشهم فيه... لا تقدم على العقد الا و انت وااااااااااثق تماما انك موافق على شروطهم علشان ما تصير مشاكل لك معاهم اذا تراجعت عن احد الشروط... لا تسمع لاي شخص عن الشروط.... لان مثل ما قلت لك.... المتعارف عليه يفرق بيت عائله و اخرى... الله يوفقك... |
رد : المهر والشروط
خلك وااااضح و اطلب الوضوح منهم
و لازم جلسه مب بالجوال... |
رد : المهر والشروط
الافضل اذا كنت تخجل او لا تحسن التصرف في مثل هذي الامور ان تجعل والدتك تتفاهم مع ام الفتاة .. فالنساء افضل في هذه الامور ... ومن ثم انت تقرر ...
ضع في بالك ان اهل البنت من حقهم اشتراط بعض الشروط و انت من حقك انك ترفضها ... وهناك اشياء شرعا يحق لها مثل السكن في بيت لوحدها هي من حقوقها ... لاتكن خجول في القبول بهذه الشروط ... ولكن كن صريح ، فاذا كان هناك شئ لاتستطيع ان تفعله فقل لهم بكل صراحة انك لاتستطيع علي هذا الشرط ... وهم سوف يتفهمون ويقيسون الامور بطريقتهم ... |
رد : المهر والشروط
اقتباس:
طبعا اختيار القاعة واجراءات يوم الفرح اناقشها معاهم ولا ماتكلم فيها لو ماجابو لها طاري ؟ |
رد : المهر والشروط
اقتباس:
بس المشكلة انهم في منطقة بعيدة شوي |
رد : المهر والشروط
اقتباس:
ان شاء الله والله يجزاك الخير |
رد : المهر والشروط
ياخي مافيه شي اسمه شروط ماديه
هي زي المفاوضات خلك صريح ولا تجامل ولا تكن ممسك ولا تكون مبذر خلك مع الوسط المهر تقريبا معروف ومحدد وهناك الشبكه ممكن تشتريها بسعر معقول حسب امكانياتك اما مصاريف الزوج فهي ترجع لرغبه الزوج ان رغب ان يكون زواجه ضخما فهو يتكفل به وان رغب الفتاه ذلك فهي تتكفل به |
رد : المهر والشروط
اقتباس:
بعيده مب حجه يا خوي... الوسائل الحين تقرب البعيد.. و بعدين هذا اختياركم.. فلازم تتحمل... باجر شو بتسوي في زياراتك لها... و بعد الزواج زياراتكم انت و زوجتك لأهلها و المناسبات و هذا كله.. بتقول بعيد بعد؟؟ هالكلام مب منطقي... الأشيا الجاده تناقش بجلسات أفضل... القاعات و هالأمور كلها... اتفقوا عليها من البدايه... يعني مثلا حفل العرس وين راح يكون؟ في أي مدينه؟ حتى لو ما جابوا طاري... هذي اكثر الأمور اللي تصير عليها المشاكل... ما فيها اي عيب انك تحدد قيمه معينه لجميع تكاليف حفل الزفاف و إذا تكلموا في مبلغ أكبر تقول لهم انك حاط هذا المبلغ بس... لازم ترتب امورك كلها.... لأنك انت عندك بعدها شهر عسل و ايجار بيت و أثاث لازم تشتريه... يعني لازم تحسب كل شي من الألف للياء.. و الله اقول لك هالكلام لأني ما ابيك تختبص بعدين... على فكره شفت رد اخوي شقيان.. هذا الل قصدته في الإختلاف من مكان لآخر... هو يقول إذا العريس يبي حفل ضخم يسويه و لكن إذا هو ما يبي و البنت تبيه فالبنت تتكفل به.... هالكلام مب صحيح في كل الأمكان... في بعض العوائل تكون حفلة عقد القران على العروس و في بعض العوائل على العريس... في بعض العوائل يكون حفل الزواج مشاركه بين البنت و الرجل و بعض العوائل كل شي على الرجل... الإختلاف في امور الزواج يصير من عائله للثانيه... بعطيك مثال من بيتنا.... ابوي الله يرحمه عنده المهر يكون شامل للزهبه... يعني يعتبر المهر هو الزهبه... و لكن خالي وقت تزويج بناته فصل المهر عن الزهبه... و العريس دفع مبلغ للمهر و آخر للزهبه... شفت شو اقصد يا اخوي... انت شوف العائله اللي بتاخذ منها شو النظام عندهم... و شوف عائلتك انت شو النظام عندهم في تزويج البنات و الشباب... و خذ الأمور الوسط بين العائلتين... |
رد : المهر والشروط
انت خطبت اخوي لسى يعني ماتملكت..؟؟
الشروط كلها تكون يوم الملكة وكتابة العقد.. اذا قالوا شرط من حقك تفاوضهم فيه ولهم الحق يغيرونه او لا.. مثل المهر اذا قالوا مبلغ انت تشوفه كبير قلهم كثير وممكن ينزلونه.. والبيت لو انت مقرر تسكن مع الوالده قل لهم ومن حقهم يرفضون اولا.. |
رد : المهر والشروط
انت اسأل عن مهور المتعارف عليها في عائلتهم او منطقتهم
لانه كل منطقه لهم عادات وتقاليد وانت لازم تعطي البنت زي ماهو متعارف عليه عندهم لاتهضم حقها مب انت تقول تعرفت عليها في موقع زواج اسألها افضل حتى لاتحرج نفسك مع اهلها |
رد : المهر والشروط
اقتباس:
شكرا لكل الي ردو انا سئلتها وماهمني مقدار المهر بس هي بعد غشيمة في هالامور بس كنت ابغى اعرف افضل طريقة لمناقشة مثل هالامور لان ماعرف لها البنت تستاهل وزنها ذهب والي يبي يتزوج مايرده المهر بس كمان في حدود المعقول تكون باقي الشروط انا كلمت ابوها وقال تعال المرة الجاية انت والاهل ويصير خير ماقلي شي |
رد : المهر والشروط
اخوي دكتور الحب ...
نصيحة لاتكثر في المهر لان الرسول عليه الصلاة والسلام قال ( بما معناه ) : ( اقلهن مهور اكثرهن بركة ) ، فانت عليك المهر المعقول المناسب لكن لاتكثر ... ونصيحة لوجه الله : اغلب النساء تنسي فحتي لو اعطيتها مليون سوف تنسي المعروف ( الا من رحم ربي ) ، فالافضل لك ان تعطي مهر معقول ثم احفظ الباقي لتدلعها في شهر العسل و في حياتها .. حتي بالنسبة لها سوف تراها شئ كثير و جميل منك ... نواف |
الزيارة الثانية
السلام عليكم
الاسبوع الجاي راح ازور اهل خطيبتي عشان نتفق على التفاصيل وشهي الاشياء الي المفروض نتكلم فيها لان ابو البنت من النوع الي مايتكلم كثير وانا ماعرف وش اقول ياليت تساعدوني |
رد : الزيارة الثانية
-
تعليم البنت و وظيفتها حدد موقفك من الان المهر بتدفعه مره وحده ولا دفعتين والذهب ضمن المهر ولالا موعد عقد القران وحيكون على الاب لحاله ولا تبغى تشارك فيه نفس الشي موعد الزوا ج مدري هاذي الاشياء اللي جت في بالي ان شاء الله غيري يفيدك اكثر ربي ييسر لك :) |
رد : الزيارة الثانية
الله يتمم لك علي خير ان اشاء الله
|
رد : الزيارة الثانية
اقتباس:
الله يجزاك الخير ساعدتيني كثير بس ماافهمت كيف يكون لحاله بعقد القران او اشارك معه ومكان الفرح واجراءاته يصير نتكلم فيها ولا مايحتاج |
رد : الزيارة الثانية
اقتباس:
|
رد : الزيارة الثانية
وفق الله لما يحبه ويرضاه
مــوفق بإذن الله |
رد : وقت التقدم للخطبه (المستجدات بالرد 18_28_35_40_53 )
تم دمج المواضيع لإرتباط المحتوى
؛؛ ؛؛ |
| الساعة الآن 10:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©