|
رد : مطبخنا ، وطباخي ، ونوم زوجتي..!!
نورة
الله يعافيج ويخليج وبيت مكة يوديج ، مشكورة ع مرورج. ام محمد كان رايها بالاكل انه حلو بس الملح (كرهت الملح انا) ، اما المطبخ وهيئتة ف والله كان متلخبط ع الأخر ، وكانت جداً معصبة لأن هي اللي راح اتنظفة!! مدن السلام أهلين وسهلين ومية هلا ومرحبتين يامدن ماعرف اطبخ والمكان هدوء !! او ماحب اكون بمكان واحس اني الحالي !! كنت أبيها تقوم اتساعدني بالمطبخ ، وتونسني بسوالفها ، بس للأسف ماقامت!! ، وعلى طاري نومها والله دايماً اعكر عليها نومها عشان كذا من اول مافتحت النور صاحت بوجهي تعقدت مني المسكينة ههههههه .. اما الشطانة مالي عليها ايد غصباً عني ههههه شاكرلج ياوخيتي يامدووون ألم الأيام الله يسلمج يارب سما مرحباً ألف سما .. حاشي عاد !! حااااااشي ومضغوط بعد!! والله لو اقعد علية الليل والنهار ما اعرفلة الحاشي طبختة ثقيلة ولحمتة عسرة ومو اي واحد يضبطها ، وبيني وبينك ماحب لحمة !! فجر الأعياد الله يديم عليج السعادة يارب ، ولاتستغربين عادي !! بالكويت السفرة لازم يكون فيها رز ودجاج وبالسحور ناكل بعد رز ، بس من اللي يبقى من الفطور او نسوي جديد اذا مابقى ..!! عيشي الإستغراب اكثر الحين هههههه الأمير 737 أتشرف طال عمرك ، حياك الله وكورسات والنفس طيبة بعد. موهبة الكويت ميخالف اللين حلو ، وهي والله ماتقصر بالخفايف مثل عشا والا ريوق ، بس الوجبات الثقيلة ماتضبطهم عدل ، وهي قاعدة تتعلم وبكرا تصير مثلج إن شاء الله راعية مطبخ ، واوريج طباخها بعد .. تعاندني مرحباً بوجودك الطيب. الطائر الحنون هههههههه قعدت اتخيل شكل العجل المحشي خروف والله ضحكت كل مجتمع له عاداته وتقاليدة بالاكل بتلقى اللي ياكل ثقيل وبتلقى اللي ياكل خفيف. |
رد : مطبخنا ، وطباخي ، ونوم زوجتي..!!
خواطر
لا خلطة ولا شي كل مافي الموضوع ان الطبخة كانت بنفس !! ولو كل الحريم يطبخون بنفس اطلعت اكلاتهم خطيييرة ، وماشاءالله على اميمتج تبارك الرحمن هاذي الزوجة السنعة بصراحة ، الله يخليها لكم ، وتفرح فيح إن شاء الله. امورة 2009 تسلمين يالطيبة ، شاكرلج وجودج. اتعبني فراقك جزاج الله خير ، والله يفرح قليبج يارب متفائلة خير تسلمين يالطيبة ، وعارف والله ان هالموضوع هذا بالذات مايبيلة شد ، واعوذ بالله من الجهل وشدتة. ومضة أمل الله يديم عليج الفرح يارب ، وبالعكس لاتعوفين كبستج ، أكيد كبستج بعد حلوة ، بس كل شخص وطريقتة ونفسة بالاكل.. أما أمي ، فأكيد ان راحتها تهمنا ، ومستحيل أنخلي حريمنا نايمات وهي تطبخ ، لكن حرمتي وحريم اخواني مقسمين الايام بينهم بحيث كل ثنتين ينزلون مع أمي بيوم ويساعدونها ، واليوم اللي كانت زوجتي فيه نايمة ماكان يومها ، هذا غير ان عندنا طباخة وخدامتين ، وغير انها ماترتاح إلا اذا ادخلت المطبخ واشرفت علية وسوتلها كم طبخة (هي راعية البيت فديت قلبها). روز الله يعافيج ياااارب الدانة 26 وين هالغيبة يالغالية !! عسى خير وتسلمين على كلامج الطيب اللي معودتني علية ، جزاج الله خير. زُمُرد الله يعافيج يارب وعند مسجد نبية يوديج جزاج الله خير يارب. |
رد : مطبخنا ، وطباخي ، ونوم زوجتي..!!
حلم الواقع
الله يسلمج يارب مو اول مرة اطبخ ، ياما طبخت وخصوصاً بالشتا ايام البر. معمارية دوم الضحك يارب ، والله يخليلج زوجج يارب ويسعدكم ويوفقكم ، والرجال الأصيل هو اللي يفرح زوجتة ويبسطها ويكسب اجرها ، والنبي علية الصلاة والسلام قال (خيركم خيركم لأهلة) ، ف اللي مافيه خير على فرحة وسرور وبهجة اهله مافيه خير لنفسة. حلم الواقع هههههههههه احيي فيج روح البر اللي بداخلج ، جوابي على الاخت ومضة امل يجيب مداخلتج وزوجتي راح تتعلم الطبخ وتصير احسن من احسن طباخة بالعالم اصبروا بس ههههههه يارب يجيني اعيال ادعيلي امانة. دانة سوريا لك اهليييييييييييين بالدانة ، ومية ألف وسهلييين بأهل سوريا خيتووو هله مرتي بتطبخ بغير رمضان لفطار والعشا ، بس مشكلتها بالوجيات الثقيلة !! مابتعرف تضبطها!! ف مو كتر خيرها لحد هوون؟؟ فيه نسوان مابيدخلوا المطبخ اصلاً ، بس هي بتتعلم وشوي شوي بتضبط معها صدقيني (ف احسن تتعلم وبشكل مضبوط وناكل وأحنا مبسوطين ، والا تطبخ ومابيضبط معها الاكل ونكبة بالزبالة؟؟) رجل أهبل اشوف بعتني بفلس ، ماصدقت على الله تلقى علي الزلة ، صاير مثل المدام عندي بالبيت ههههههههههههه عين خير ياخوي الحريم شقائقنا ، وشفيها لاسويت لها فيمتو وفرحت قلبها ؟؟ تدري بتعتبرلك صدقة!! النبي علية الصلاة والسلام كان يطبخ ويخيط ملابسة ويعجن لأهلة ويخدم نفسة واهله فهل هاذي تعتبر له منقصة في رجولتة؟؟ حشاة حبيبي. (انظر الرد على الأخت ومضة امل) متفائلة بالله 35 مرحباً بالطيبة ، شاكرلج مرورج الكريم. |
رد : مطبخنا ، وطباخي ، ونوم زوجتي..!!
ماشاء الله تبارك الله
سفرة دايمه اسأل الله ان يرزقني ويرزقك الذرية الصالحه |
رد : مطبخنا ، وطباخي ، ونوم زوجتي..!!
هلا اخوي المتفائل بالله
غبت عن المنتدئ لاني سافرت اعتمرت ورجعت لله الحمد وصحيح اني ببلادي قطر لكن مشتاقه لمكه اكثر واكثر |
رد : مطبخنا ، وطباخي ، ونوم زوجتي..!!
ماشاءالله تبارك الله عين عليك بارده
|
رد : مطبخنا ، وطباخي ، ونوم زوجتي..!!
.... أول ماقريت موضوعك ماحبيته حسيته دقه ع زوجتك وال ( زوجات عموما)
وبس ... وحتى ماحبيت ولا أطرح نظريتي عادة اذا ماعجبني الموضوع طلعت منه بدون رد ... لكن تتمة الموضوع كانت وااااو ... الله يعطيك العوافي وتسلم يداتك ومقبوله ملاحظتك اللطيفه ووصلت الفكره والله يجعلك تاكل من أثمار الجنه ولاتنسى لما تسوي المدام شي لذيذ تشيد فيه وتنزله هنا مو بس تنزل لماتكون نايمه ههههههه |
رد : مطبخنا ، وطباخي ، ونوم زوجتي..!!
ed"]ومضة أمل
[/COLOR]الله يديم عليج الفرح يارب ، وبالعكس لاتعوفين كبستج ، أكيد كبستج بعد حلوة ، بس كل شخص وطريقتة ونفسة بالاكل.. أما أمي ، فأكيد ان راحتها تهمنا ، ومستحيل أنخلي حريمنا نايمات وهي تطبخ ، لكن حرمتي وحريم اخواني مقسمين الايام بينهم بحيث كل ثنتين ينزلون مع أمي بيوم ويساعدونها ، واليوم اللي كانت زوجتي فيه نايمة ماكان يومها ، هذا غير ان عندنا طباخة وخدامتين ، وغير انها ماترتاح إلا اذا ادخلت المطبخ واشرفت علية وسوتلها كم طبخة (هي راعية البيت فديت قلبها هذا العشم فيك أخونا المتفائل.. أنسان عهدنا منه الخلق الكريم وماترضاها على والدتك فعشان كذا استتغربت،، الله يخلي لكم والدتكم ويرزقكم رضاها. اما كبستي لا أبشرك المعنويات رجعت ترتفع لما قلت شكل كبستك بعد حلوه هههه على طاري الكبسه بروح أسويها السحور علي اممم ملحوظه صغيره ألاحظ بعض الرجال هنا طقتهم الغيره من أخونا المتفائل.. |
رد : مطبخنا ، وطباخي ، ونوم زوجتي..!!
ماشااااااااء الله تبارك الله
الفطووور يفتح النفس صراحه .. عليكم بالعااااافيه بس محد فيكم لاحظ شي وياي ؟؟؟ تلاحظون ان طبق الرز مو بس حاطه كذا .. الا "مزين" ومرتب بعد ماشاء الله عيني عليك بارده ههههه .. بصراحه شي حلوووو تسلم يدك يالمتفااائل والله يخليكم لبعض ويرزقكم الذريه الصالحه يارب بس جد انا استغربت للي يقولون مايتفطرون بالرز يعني لوقت السحور (توقعت كل الناس مثلنا :) ) احنا عندنا بالديره مثل المتفائل .. لازم ثريد (تشريبه) و رز ودجاج وشوربه ومن هالحركات والسحور بعد يعتمد نحاول نغير بس اغلب شيء يكون رز صار عندي فضول ودي اعرف كل منطقه وش فطورهم يكون بالعاده ووش سحورهم :) حلو تنوع العادات يعطيك العافيه اخوي .. بس نبي الطريقه :d |
رد : مطبخنا ، وطباخي ، ونوم زوجتي..!!
الف صحه وعافيه اخي المتفائل ..
بس لاحضت انك مااجتهدت بتنسيق السفره .. يعني حطيت السالفه كلها مواعين كبيره .. اما عن تنسيق الكبسه جميل .. ياحليلك سفرة شيبان ؟؟ شف الشباب بالنت وش يسوون .. تشيز كيك ..وباستا ..وحركات ..؟؟؟؟؟ ولاتنسى تكتب الطريقه ..؟؟ واسفه لو دقيت بالحكي شوي .. |
رد : مطبخنا ، وطباخي ، ونوم زوجتي..!!
ماشاء الله
ممكن تعطينا طريقه الحلى الاصفر والاحمر لو تكرمت |
رد : مطبخنا ، وطباخي ، ونوم زوجتي..!!
ماشالله عليك يا اخي المتفائل بالله
بصراحة شكل الاكل مغري.. دلني على مخيمكم عشان اذوق ابداعاتك هناك وناخذ بالمرة كورس..!! يمكن نحتاج خبراتك بس تمنيتك سويت شي من كيد الرجال ..!! تخيل لو انك سويت هالسفرة الحلوة وصحيت حبيبتك واخذتها لصالة الطعام وجلستوا واكلتها بيدك ودلعتها اخر دلع.. وبعد ما تخلصوا تقولها بالحرف الواحد: وش رايك بهالدلع اطبخ لك واكلك و و و اكيد بتمدحك.. قول لها اجل ابيك تسوين مثل ماسويت لك كل يوم ..!! تعلموا استغلال المواقف وفنون قلب المواضيع في اتجاه ماتريدون تحقيقه بس الصراحة الكبسة يمي يمي..!! اللهم اني صائم |
رد : مطبخنا ، وطباخي ، ونوم زوجتي..!!
سلمت يمناك
الصورة مش واضحة , بس باين الطبق لذيييذ زوجي أيضا له نفس بالطبخ و لازم يتدخل في بعض الأطباق, لأن الطبخ هوايته .. و أنت من أين تعلمت الطبخ ,, كنت أظن ببادئ الأمر أن ديدن زوجتك النوم و ترك الطبخ لكن عندها عذر كان بأمكانك كتابته خلال الموضوع حتى لايلتبس علينا الأمر\ اقتباس:
|
رد : مطبخنا ، وطباخي ، ونوم زوجتي..!!
اقتباس:
موضوعك ما ينفع ينقرا من غير الردود اضهرت فيه جانب جيد ومفيد لكل الرجال ليعملوه مع زوجاتهم فتعود عليه بالنفع واحترام ومحبة الشريك الاخر (( دخول الرجل الى المطبخ لا يفقد من شخصيته شيء بشرط ان يكون باعتدال وفي الوقت المناسب )) تحضرني قصة من مصر ذكرت في احد الجرائد ان زوجة رفعت قضيه خلع على زوجها لانه دائما يطبخ الطعام لدرجة ان اولادهما اصبحو يحبون طبخ الاب ويكرهون طبخ الام ولك مني ما وصيتني به اللهم اني اسألك باحب الاسماء اليك واقربها زلفى لديك ، اسألك باسمك الاعظم الذي دعيت به اجبت واذا سؤلت به اعطيت ، اسالك بانك انت الله الفرد الاحد الذي لم يلد ولم يولد ولم يكن له كفوا احد ان ترزق المتفائل بالله الذرية الصالحة في هذه السنة يا كريم يا رزاق |
رد : مطبخنا ، وطباخي ، ونوم زوجتي..!!
ماشاءالله عليك تبارك الرحمن
باين من شكل الاكل ان الطبخة لذيذة عليكم بالعافية اسلوبك شيق ورائع |
رد : مطبخنا ، وطباخي ، ونوم زوجتي..!!
اقتباس:
ولا حتى قلتي ...ورجل اهبل يارب ..................ترى الدعاء ببلاش ... |
رد : مطبخنا ، وطباخي ، ونوم زوجتي..!!
ماشاء الله لاقوة الابالله وش هالزين جوعتني وانا صايمه حلوجدا استمر اخوي وعلى فكره الرجال اللي يطلعون بر وكشتات هذول احسن طباخين مثل اللي عندي ههههههه عليه طبخ ماشاء الله والرجال فعلا نفسهم في الطبخ رهيييييييييييب |
رد : مطبخنا ، وطباخي ، ونوم زوجتي..!!
اقتباس:
يا ودود يا ودود، ياذا العرش المجيد، يا مبدئ يا معيد، يا فعالاً لما يريد، أسألك بنور وجهك الذي ملأ أركان عرشك، وأسألك بقدرتك التي قدرت بها على جميع خلقك، وأسألك برحمتك التي وسعت كل شيء، لا إله إلا أنت، ان ترزق اخي المتفائل و رجل اهبل وكل من رغب بالذريه من ابناء المسلمين الذرية الصالحة في هذه السنه يا كريم يا رزاق اللهم هبلي وهب لهم من لدنك ذرية طيبه انك انت الوهاب |
رد : مطبخنا ، وطباخي ، ونوم زوجتي..!!
يا حركات .... يا شيييييف > :d
بصرااحه كبسة عليها الكلاااام , الحمدلله اني مفطرة ولا كان علوم .. متفائل , يا حليلك احس انك ودك تطبخ مو كله لله ف لله صح تدري ان الأجور مضاعفة برمضان حظك بالاجر والله تدري ليت فيه منك اثنين واحد عندكم والثاني فبيتنا :) اخوي امس تأخر الوقت وانا مشغولة بالمعجنات قلت له يااخي بدل الطقطقة ع الايباد خذ اللقيمات ساعدني فيها ... ولا كأني تكلمت يالله من فضلك :d شكلي بسوي زي حرمتك بسحبها نومة لقبل الاذان بساعه واشوف وش يصير معهم بكرة خخخخ يعطيك العافية متفائل ع هالسفرة ومن طبخه لطبخه يارب :30: |
رد : مطبخنا ، وطباخي ، ونوم زوجتي..!!
وابل الندى
الله يديم عليج الصحة يارب ، وجزاج الله خير على هالدعوة الطيبة. الدانة 26 تقبل الله طاعتج ، وعمرة مقبولة إن شاء الله ، وماتنلامين بيت الله شوفتة اتريح النفس. ام بدر وسمية مرحباً ملايين ، حياج الله الحب يكبر ليش تطلعين اذا ماعجبج الموضوع!! بالعكس عبري عن شعورج وشاركي عادي بالأخير ترى كلها حروف تنقال وبعدين تنسي ، اما عن انبساطك بالموضوع ف والله قلت اونسكم معاي باللي سويتة وجيت ادور المدح عندكم (احب المدح) هههههه ومنها بعد انشجع الرجال ، ونحفز النساء ، ونعلمهم بعض الاجواء الحلوة. شاكرلج وجودج وياليت اشوفج بكل مواضيعي حتى لو حبيتي اتخانقيني عاااادي هههه ومضة امل جزاج ربي من فضله ونعمية على الدعوة الطيبة ، ونبي بالمرات الجاية اتورينا كبستج. وجدت نفسي وربي هلا و غلا بالطيبة اشرايج بأخوج امانة؟؟ امدحيني تراني ادور المدح والحركات هاذي اصلاً من غير نفس بعد (بدأ يدخل الغرور) ولاتشوفيني بالحمسات وخصوصاً المعاليق(جبود وجلاوي) ، وتراني اعجن واخبز هههههههه هله هله بالمدح عاد. توفي وفيصل تنسيق عاد لا ادورين عندي ههههههه كافي اني طبخت لها وفطرتها !! هاذي تغطي على التنسيق الطريقة اخذت الدجاج ونظفتة عدل وحطيتة بالقدر ، وقصيت فوقة بصل وثوم وحطيت شوية كركم وشوية بزار وكزبرة ودارسين(قرفة) ، وحطيت زيت الطبخ فوقة ، وشغلت النار علية وخليتة يعرق شوية مع البهارات لين راحت ازفرتة ، وبعدين حطيت الموية والملح(اكرة الملح) وخليت الدجاج مع بهاراتة يطبخون عدل ، وبعدين شلت الدجاج وسكبت ماي الدجاج على الرز ، واخذت الدجاجة بعد مانشفت وقصصتها وحطيت لها صوص (جاهز) يعطية نكهة وطعم وقليتة. والمرق تحطون بالقدر بصل مقصوص وشوية ثوم وشوية زيت وتحمسونة وتحطون بعدين طماط معصور ومعجون طماط وتخلطونهم وتحوسونهم مع بعض وتحطون بزار(البهارات) وشوية كركم مع القرفة ، وتحطون الخضار اللي انتم تحبونها وتقلبون كل هذا على بعضة ، وبعدين تحطون المووية والملح واتركوها تغلي. وبالهنا والشفا. |
رد : مطبخنا ، وطباخي ، ونوم زوجتي..!!
مشكوررررر ع الطبخه
بس مشكله النفس بالطبخ له دور ماتسلفنا نفسك بالطبخ 😜 وشغلت النار علية وخليتة يعرق شوية مع البهارات لين راحت ازفرت ياااخي حرام عليك طبخ وتستخدم كلمه عرق 😡😡 ياخي قل اي كلمه ينحمس يتسبك ويطلع مويه قل اي شي الا يعرررق 😡😡😡 السؤال ليش تقصص الدجاج بعد مايستوي هل في ذلك حكمه 😊 ليه مايقطع قبل تحطه ع النار ☺ واخير جزاك الله خير ع الطريقه الله يسعدك ويوفقك ويسهل دربك ويرزقك بدرزن عيال ست بنات وست عيال وبالاخره الفردوس |
رد : مطبخنا ، وطباخي ، ونوم زوجتي..!!
كن فيكون
ركن الحلويات من الوالدة والله ، وماعرف والله طريقتة ، ممنون لوجودج. بس شرايج فيني وانا اقول ركن ؟؟ حسستج اني مسوي بوفية هههه مشكلتي زوجتي هلا وغلا بالحبيب ، وين ياخوي هالقطعة ؟؟ عسى خير يارب ، والله فقدناك من غير شر ، اما المخيم خل يجي موسمة والله والنبي محيينك اتشرف المحل وراعية ، وحاضريين نعلمك بعد اللي اكثر من هالكبسة !! عزيز والله. مسز داني هلا ومرحبا ومية مسهلا ، والله ماني مصدق عيوني على بالي زعلانة علي وماتحاجين متصفحاتي ، الله يفرح قلبج مثل مافرحتي قلبي بزيارتج ، واسمحيلي على غشمرتي الثقيلة معاج ، يشهد الله مقامج اخت كبيرة وقدرج كبير ، امانة بشوفج بكل مواضيعي. اما الطباخ انا تعلمتة من امي بالبداية وبعدين تعلمتة من أبوي وعماني ، وما اخفيج ابوي من مُلاك الغنم وكنا نروح عندة بالأسابيع في العطل الربيعية ويطبخ لنا الله يطول بعمرة هو ويا عماني ، وانا تعلمت منهم مبدئيات الطبخ ، لين احترفت فيها ، أتذكر اول طبخة سويتها كانت امي معاي بالتلفون اتعلمني سو كذا وحط كذا والحمدلله زانت هذيك الطبخة ولو انها ماكانت 100%. حلم الواقع الله يجزاج الخير والفرح والسعادة والصحة وراحة البال ، يطولي بعمرج يالطيبة. التائبة لله الله يسلمج يارب ، وسعيد جداً لوجودج. مفكرة اهلين وسهلين بكامل الطيب والزين وجعلة صيام مقبول يارب العالمين. الفردوس غايتي مرحباً ومسهلاً ، والله تقدرين تقولين أنها مو لله ف لله ، كنت ابي احفزها للطباخ ، وبنفس الوقت بكسب اجرها وبستمتع معاها بجو من الحميمية والفرح ، اما عن اخوج فلا تلومينة اكثر الرجال مايدانون سيرة المطبخ ، وبعضهم لادخل يحوس المطبخ حوس ويعفسة ، اما عن اللقيمات فأنا من عشاقها خصوصاً لما تكون من أيد اكبر خواتي الله يخليها لي ويحفظها لبنتها وولدها. نبي نشوف القيماتج عاد (: |
رد : مطبخنا ، وطباخي ، ونوم زوجتي..!!
ريفان
هههههههههههه فشلتيني ، شسوي حنا نقول اتعرق ههههههههههههه للحيني متفشل اما عن التقطيع ف عادي تبينة قبل ولا بعد ، بس انا أفضل بعد ماتنشف الدجاجه اتقطع وبعدين تنحمس اما عن النفس ف اكيد انتي بعد نفسج حلو ، ويلة شدي حيلج وورينا طباخج نبي نشوف حركاتج. وبعدين وين موقفج مع زوجج !! للحين انطرة !! |
رد : مطبخنا ، وطباخي ، ونوم زوجتي..!!
شو هالابداااااااع يا الحبيب ,, طلعت شيف واحن ما ندري عنك الله يرزقك ويرزقنا بالذريه الصالحه وكل محروم |
رد : مطبخنا ، وطباخي ، ونوم زوجتي..!!
حبييييييييييييب يابو خلييييييفة
ع راسي يالطيب حاضرين ولازم اتشرفنا الكويت ونعزمك ع طباخنا ، وجيب المدام معاك عشان تصير طقم مع زوجتي اثنينهم مايعرفون الطبخ ههههههههه |
رد : مطبخنا ، وطباخي ، ونوم زوجتي..!!
ماشاء الله على الكبسة
تسلم يدك في العيد ان شاء الله بجيب لك خروف وش كبره عشان تطبخه لنا يعني الحين عرفنا انك طباخ ماهر ،،، رحت فيها |
رد : مطبخنا ، وطباخي ، ونوم زوجتي..!!
الله يعطيك الف عافيه على الطبخه
ما قصرت شكله مشهيييي |
رد : مطبخنا ، وطباخي ، ونوم زوجتي..!!
اقتباس:
والنبي حلف بغير الله عفا الله عنا وعنك وبارك الله فييك على خدمتك لاهل بيتك |
رد : مطبخنا ، وطباخي ، ونوم زوجتي..!!
ماشا الله لاحول ولا قوة الا بالله
الله يعطيك العافيه اخوي على هالسنع وعقبال زوجي مايفاجإني يوم اصحى وأشوفه طابخ سواها مره وحده من تزوجنا والحين صار لنا سبع سنوات ماشفت شي |
رد : مطبخنا ، وطباخي ، ونوم زوجتي..!!
ابو عساف
يامرحبا فيك ، جب الخروف ومالك الا اللي يسمح خاطرك احتاجك دوماً الله يعافيج يارب ، وجعلج تاكلين من الجنة يارب. الدعوة حلمي انا ماحلفت بالنبي !! انا رحبت فيه بالطريقة التقليدية عندنا في الكويت وقلت ان الله سبحانه ونبية الكريم يُحيونك ، شاكرلك حرصك. شوشوتي الله يعافيج يارب ومن رزقة يعطيج حاولي ادخلين مطبخ معاه واتشاركون بالطبخ ، والله بيصير بينكم جو جداً ودي وشعور بالحب والألفة. ويارب يطبخلج هههه |
رد : مطبخنا ، وطباخي ، ونوم زوجتي..!!
هههههههه
الله كريم |
رد : مطبخنا ، وطباخي ، ونوم زوجتي..!!
الموقف الله يسلمك
برمضان الماضي لك ان تتخيل صيام وبيت ثلاث ادوار وشغل مطبخ ورافض الشغاله 😔 قمت اتحلطم العصر ع شغل ماحب المواعين تجتمع بالمغسله اقصد غسل المواعين والا الطبخ مهنتي احبه قال وش يبي تغسيل المواعين اسهل شي ولا يبي شي خليهن علي قلت اوك < وبقلبي قلت اعرفك عجاااااز بس بجرب اللهم اني صائمه الرجال غافل اذن افطرنا جاء بعد الصلاة قلت يالله ع المطبخ تنتظرك المواعين قال اصبري برتاح بعد الفطور شوي قلت يالله قال بروح لصلاة الترويح ( طبعا انا مغسلتهن مانتظرته بس بشوف النهايه معه بغسل او لا ) رحنا نصلي بينزلني بالبيت قلت وين يابابا المواعين تحتريك قال بخلص كم شغله واجي للبيت رجع يمكن ساعه واحده طبعا زوجي يحب يجلس بالملحق مايمر ع المطبخ قلت يلااا قال جوعان خل نتسحر قبل قلت اوك تسحر الرجال يالله مواعين تراهن ع قلبي قال انتي وش احرق رزك خلاص مالك الا من يغسلهن قلت متي يعني قال عادي لو باكر بتصيح مواعين مثلا والا تدرين خليهن لباكر وغسليهن مع مواعين بكرا 😳😳😳 قلت نعم تجلس مواعين لبكرا قال عادي قلت مستحيل قدامي بس ع المطبخ قال والله ماقوم استحي تبيني اغسل مواعين لايسمعك احد قلت وليش تواعدني قال ماتوقعتك بصدقيني قلت والحل مافيني حيل الحين من العصر اجمعهن لك قال عادي اذا قمتي من النوم بكرا غسليهن 😊 |
رد : مطبخنا ، وطباخي ، ونوم زوجتي..!!
ما شالله
شو هالحركااااات الحلوه شكل السفره رااائع تبارك الله عجبتني حركتك لتحفيز زوجتك ع الطبخ *_^ الله يخليلكم الوالده ويهنيكم ويسعدكم يااارب والله يرزقني بزوج متفهم ودبلوماسي متلك هههههههههه تحياتي |
رد : مطبخنا ، وطباخي ، ونوم زوجتي..!!
مشالله تبارك الرحمنعليكم بالعافيه
ترا دايما راعي المقناص وطلعات البر يحب الطبخ ويتفنن فيه انا زوجي جذي عزبته كامله معاه وفوقهم جدر الضغط على فكره يبيلك جدر ضغط عشان تنتقل لمرحله اصعب وهي لحم الحاشي!! بنص ساعه يستوي ويطلع لك مل لحم الخروف!! يعطيك العافيه وتتهنى يارب |
رد : مطبخنا ، وطباخي ، ونوم زوجتي..!!
ماشاءالله تبارك الله. الله يصلح لك النيه والذريه.
الله يرزقني بزوج يطبخ ويغسل ويكوي ، ونتعاون نقسم الشغل بيننا مو يقولون الحياه تعاون! والله من يخدم أهل بيته هو الكسبان أهم شيء الواحد يستحضر النيه. عجبتني طريقة طبخك نفس طبخنا بس بالمناسبات رمضان لا مانطبخ وأيام عاديه أبيض. ٌ(الوالدة تحافظ علينا تسوي لنا دايت تخاف .والمشكله أخواني نحاف ! شفت القيمات تحمست بسويها إن شاءالله من وراها. تسلم أيدك والله يكثر من أمثالك الطيبين إلي يعرفون كيف يتعاملون مع زوجاتهم مو مثل الشيف إلي ماتعرف إلا تآكل. عقبال ماتبشرنا بالولد الصالح. |
رد : مطبخنا ، وطباخي ، ونوم زوجتي..!!
رمضان كريم اخي المتفائل بالله
طلعت ماشالله طباخ بصراحه شكل الاكل بيشهي الله يجازيك الخير بس نصيحه لاتعمل كل مرة انت الاكل بلاش توقع عليك مسؤوليه الطبخ ^_^ من وجهه نظري بيرتكن عليك بوقت الزنقات صح ولا انا غلطانه زوجي على فكرة لو بدي اعطيه مجال يقلي بيضه بالمطبخ راح يستعكل اواني وطناجر مالها داعي فانا بختصر هالمشاوير كلها احسن ومستعد اتقبل اي نوع مفاجاة الا انه زوجي يطبخ لاجل حال المطبخ .. بيصير كانه معركه |
رد : مطبخنا ، وطباخي ، ونوم زوجتي..!!
ههههههههههههههههههه متتت ضحك على كلامك الله يسعدك على دا الصباح ضحكتني الله يخليكم لبعض
|
رد : مطبخنا ، وطباخي ، ونوم زوجتي..!!
اقتباس:
بعد دا كلوو ما غسلها وتكومت على قلبك ههههههههههه |
رد : مطبخنا ، وطباخي ، ونوم زوجتي..!!
اقتباس:
خبزه وعجنه زوجي وعرف عجزه ماجمعتهن مغسلتهن المغرب بس اعطيه جوووه بشوف اخرتها معه يمكن جينات عنده تحركة تحب الشغل 😜 |
رد : مطبخنا ، وطباخي ، ونوم زوجتي..!!
ريفان
اضحك الله سنج مثل ماضحكتيني ، بقولج شي وحطية ابالج عدل!! الرجال ممكن يطبخ لزوجتة وعيالة بس من سابع المستحيلات أنه يغسل المواعين!! بس أعتقد انها مرواغة عشان تنسين موضوع الشغالة!! عبق الزهور جزاج ربي ألف خير يااارب على هالدعوة الجميلة وعسى ربي يرزقج باللي احسن مني ونشوفج عروسة وسعيدة. ناني الله يعافيج يارب ، وعسى ربي يهديلج زوجج ويجعلة لج قرة عين اما الحاشي ماحب لحمة ، وانا وياه على خصومة وجدر المضغوط موجود جبتة من السعودية بحدا روحاتي. هل ترانا نلتقي جزاج الله خير على روحج الطيبة بس زوج يطبخ ويغسل ويكوي وبمجتمعنا الشرقي اعتقد ان يبيلها معجزة عشان تتحقق صحيح ان التعاون جداً جميل بين الزوجين ، بس وين اللي يفهم ثقافة التعاون !! اما سياسة امج الله يارب يحفظها لج ويطول بعمرها والله اشوف انها سياسة جميلة وذكية "ماشاءالله عليها" لاتنسين تصورين لنا القيماتج نبي نشوفها ، تراني اموت ع شي اسمة القيمات ، مدمنهن!! مس سندريلا ضحكت لما تكلمتي عن زوجك وهو داخل المطبخ ، تخيلت الوضع لقيتة مضحك ولاتخافين علي!! كل اللي سويتة من باب تشجيع زوجتي على الطبخ ، ومن باب التسلية والتمتع ببعض الاجواء الجميلة. ممتن لوجودك نوني عسى الضحك دوم يارب ، الله يسعدك. |
| الساعة الآن 09:57 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©