المشاركة الأصلية كتبت بواسطة نواف السعيد (المشاركة 2819415)

اصيلة >>> اهلن وسهلن منوره ^_^
انا اقولك قد شفتها برا وقد ارسلت صور لها <<<لا تقولو مافيها خير بصراحه بعد لولا اصراري عليها كانت ما سوت هذا كلو ع فكره هي تقوللي والله اني خجلانه منك··· وانا ما ابي اكون لعاب مثل بعض الشباب اللي يقولون راح نخطبك ولمن ياخذ اللي يبيه يترك البنت ع اساس انها خربانه طيب انت ما شفت نفسك···السؤال الثاني اهلها هم اللي وافقو بدون رضاها واللي ملك لهم صاحب ابوها والبنت تكلمني وهي تبكي تقول انا ما ابيه··· وهي قالت له وانا اسمع كلامهم وهي تقول انا مجبوره عليك وخايف وما ابيك كان يقولها لاني خايف من الزواج كذا تقولي ···بس بعد اصررها وما صارت تكلمو وهو تركها ···عمرها 18 سنه<<<العمر كله ي الغاليه ^_^

المشاركة الأصلية كتبت بواسطة لكل شي حد (المشاركة 2819727)

اقرا ردك هذا زييييين البنت تقول انه ملك عليها يعني شررررعااااا هي زوجة شخص ما في الفترو اللي كنت تكلمها.... كيف سمحت لنفسك تخليها تخون زوجها معك و ترتكبوووون معصيه كبييييره و فوق هذا خببتها على زوووجها و خليتها تطلق منه و طايحين حب و غرام.... شااااااب يحدث متزوجه و يجعلها تترك زوجها من اجل.... بصراحه ودي اطييييح فيك بكلام بس بمسك نفسي عنك و دام غلطت روح غصبن عن ابكل صلح غلطتك.... لو تسوي اللي تسوييييه لاااااازم تخطبها

المشاركة الأصلية كتبت بواسطة مطرية (المشاركة 2819788)

أخى
ألم يسون الخطبة أو كما تسمونها ملكة للتعارف على طباع بعض ؟
لو مصارت تقارب وتفاهم الفراق أفضل حل؟
ألا ننصح الطرفين بفترة الملكة أنو الفراق احسن لاننا بعدنا على البر فى حاله عدم التفاهمـ؟
لو البنت كملت المشوار وصارت الدخلة وقلبها مع رجل ثانى
ألم يكون هذه منتهى الظلم للزوج ؟؟
ولو أخونا هذه أرتبطت بفتاة ثانية هى أيظا تكون ضحية ثالثه لان قلب زوجها ليس لها
البنت صلحت الغلط لوقعت فيها بدل ماتستمر بالغلط وتكمل الزواج
فيكفى تشجيع المجتمع على زيجات فاشلة ومريضة وحزينة

المشاركة الأصلية كتبت بواسطة UQU (المشاركة 2821488)

شوف ياصاحبي اسمع قصتي وانشالله تستفيد ... اقلك جيب كاست شاهي زاستكن معايا واقرا الكلام كويس

انا اتعرفت على زوجتي لما كان عمري 17 ودحين عمري 21 يعني تقريبا 5 سنين المهم في البدايه كنت ماخد الموضوع مراهقه ولعب وفله كنت اشوف اصحاب يكلمو البنات ويطلعو معاهم وانا اقلها نطلع ماترضى طيب اشوفك ماترضى المهم كملت معاها اول سنه ما ادري ليش ؟؟؟ المهم كبرت شويه سرت افكر واستغرب ليش البنت دي مو زي باقي البنات << اكيد سلامت بنات الناس انا قصدي البنات الي يعرفوهم اصحابي ...
المهم كان معايا واحد الله يهدي يعرف بنات بكثر شعر راسي يقولي سيبك منها وعندي وحده احسن بمليون مره وانا حالف يمين الا ما اعرف ايش هرجتها يعني ليش ماتطلع معايا وكذ المهم عدت فتره تقريبا 6 شهور اكلمها لما اكون طفشان ومتضايق اما غير كذا ما اتصل يعني انا ماخذ الموضوع هبل ... كبرت شويه وتفكيري كبر معايا سرت افكر ليش البنت ذي مختلفه عن البنات واكتشفت حاجه ! البنت كل حياتها 1_تروح السوق مع امها 2_ تروح بيت صاحبتها تلعب معاها سوني 3_ يجي رمضان كل يوم تروح المسجد تصلي التراويح 4_ كل يوم جمعه تروح الحرم 5_ تعشق تروح بيت جدتها عشان تحش بنات عمها يا انها تعشق الحش<< وربي انحشيت الين ما طفشت خخخخخ الله يستر اولادي لا يطلع فيهم شي
يعني البنت ماعندها اشياء غلط اكبر غلطين في حياتها انا والمعسل << يعني لما تروحة عند صاحباتها تعسل مو على طول
المهم عدت سنتين وشويه بدأت اشوف اكثر البنات يخرجو مع شباب وكذا وبرضو اقول سلامت بنات الناس ف بدأت افكر اني اتزوجها لاني من جد حبيتها وربي كنت العب في الصلاة وما اصلي وقالبها خل خخخ سارت تدق عليا قبل الصلاة بخمس دقايق تقلي قوم الصلاه ياواد << ياواد ! معليش معتوهه البنت دي هههههه وربي كل ما افتكرها ابتسم
المهم من وقتها وانا بدأت ازبط ابويه عشان اتزوج لاني طالب في الجامعه وماعندي شي الهم شقه ومكافئة جامعه 850 ريال و10 ريال لصندوق الطالب الي مدري ايش هرجتو يعني المجموع 840 ريال ف ابوي يقلي خلاص عدي ثاني سنه في الجامعه وابشر المهم فاتحتها في الموضوع قالتي الله يوفقك وتسوي الي تباه << اموت انا في الحيا خخخخ
المهم خليني اخصتر لان 5 سنين كثر ومني فاكر كل شي بالزبط انا حاولت اجمع كل شي فاكرو
وقبل 3 شهور جا واحد بيخطبها مو اول واحد جو قبلو 3 واد الرابع الثلاثه اترفضو وذا ماقدرت ترفضو لان ابوها حس في شي
المهم قالتلي الموضوع قلت طيب علا طول حركت على الحرم ورحت صليت ركعتين ودعيت ربي وقلت يارب اذا كان ليا فيها خير ف اجعلها زوجتي واذا ما كان ليا فيها خير اجعلي فيها خير وخليها زوجتي <<< وربي تكروني ف لا تلعبو معايا يا اخذها يا اخذها خخخخخخخخ
المهم ورحت لا ابي العزيز قلتلو ابا اتزوج << على فكره هو قلي خلص سنه 2 جامعه وخلصتها بس الضروف الماديه تعبانه وكذا ف ماقدر المهم دحين جيت وحطيتو تحت الامر الواقع لازم اتزوج ف قالي ما عندك مهر قلت باخذ المهر من عمي قالي استنا اكلم اعمامك ونشوف المهم كلمهم وانا كلمت عمي عشان المهر<< عمي ابو الميز وربي صاحبي ذا مو عمي الله يوفقو يارب المهم ف تمت الامور كلها على خير واهلي اتقدمو والاتحاد اتراجعو خخخخخخ والله اني سخيف
المهم بعدين انا رحت وتمت كل الامور على خير وشوفني املكت عليها وكل شي وبكرا شبكتي وراح يستنو سنتين وبعدين الزواج وعلى فكره زوجتي قدي
ولحد يسألني كيف شفتها ولا كيف اتعرفت عليها << بلاشي احراج ولا اقلكم ليش لا
كيف اتعرفت عليها : كنت مع صاحبي واعطاني رقم جوال قالي لو انت ولد ابوك اتعرف عليها << ااااه وربي كم اني اتمرمط عشان اكلمها
كيف شوفتها: وربي الي يضحك ياويلو ياسواد ليلو المهم قالتلي انا اخرجه بروح مكتبت جرير اشتري كتاب قلت طيب ورحت انا كمان على المكتبه وصلت هناك زدقيت عليها قاعدت اكلمها المهم قالتلي دقيقه انا بحاسب بس وشوفتها عند الحساب وتقلي ايش الازعاج الي عندك دا قلتلها معليش العيله مجتمعه وانا قاعد معاهم ههههههههههههههههه وربي كنت الييييم

المهم ياصاحبي ابا اعطيك الموضوع على بلاطه << على قولتنا اهل مكه
1_ ترا الزوج مو لعبه ولا تفكر في اول 5 سنين ح تعيشها معاها دي كلها ح تكون فرح وسعاده انشالله فكر بعد كدا لان في بزوره ومسؤليات وقروشه
2_ عيش حياتك وفل مع اصحابك << في الحلال لا تفهم غلط وتديرها قلت ادب خخخ يعني اقصد روح وتعال اخرج لفلف حش اضحك استهبل فل وعلى قولت الاعلان ( مستوى فله عالي خليها جده ياغالي) عشان لا تعيش اول كم سنه مع زوجتك وتطفش منها وتسيبها لحالها في البيت وتطلع طول اليوم مع اصحابك << على الاقل تكون عشت ايام فله يعني ما يفرق معاك خرجت او لا
3_ هاذي اقوى نصيحه يعني لا تفكر تتزوجها او ايش شي قبل ما تتأكد ان البنت ما بتلعب من وراك << سلامتها ما اقصد في بنت الناس شي شي بس ياصاحبي ما تعرف اليومين دي في بلاوي زرقا ويا كتر البنات الي يلعبو وسلامت بنات الناس والله سنه قليل ف اتأكد بقلبك وقالبك بعدين روح والقلب داعيلك
4_ لما تروح وتقابل اهلها واخوانها حسسهم انك قد المسؤليه يعني حسسهم انك رجال جاي تتزوج منت جاي تلعب << خليهم يطمنو لك وخليك على طبيعتك لا تحاول تتصنع شي ولا تسوي انك مره فله لانو ح تكون متوتر ف توتر + فله = حتمسك كاست العصير وتكبها علا ابو البنت خخخخخخ
5_ هاذي النصيحه اقوى من رقم 3 في ذي الفتره اسحب على قلبك وفكر بعقلك بس لان القلب يورطك ورطات زي المداس الله يكرمك انت والقراء
6_ صفي نيتك وادعي ربك ولا تنسى ان ربي راح يحاسبك على البنت الي اخترتها تكون ام عيالك
عارف طولت عليك بس والله عيب عليا اسيبك و ما انصحك لاني عشت الي انت بتعيشو دحين .

وانا نازل الحرم اليوم وابشر بدعوه لك من القلب وان احتجت اي شي لا يردك الا الخاص وابشر عيوني لك
الله يوفك انشالله ونشوفك عريس
ياعررررريس لللللللللللللللوي خخخخ ماعرفش ازغرط <<< كاني زودتها صح يلا خلاص ح امسك الباب بس ل
ا تنسى طمنا ايش راح يسير معاك اوكليشن يلا
سلملم