المشاركة الأصلية كتبت بواسطة بنت اطيب انسان (المشاركة 2811136) لالالالالا مو كذا اول شي العطاء اقصد المادي او المعنوي وكل شي بالدنيا يندرج تحت مسمى عطاء بعدين انا اعرف بنفسي وباحساسي من اللي يستاهل ومن اللي مايستاهل انا ماجربت احب ولاقد عشت علاقة عاطفية بس اتكلم عن حياتي بشكل عام يعني مع اهلي واخواني صديقاتي مع زميلات العمل حتى مع رئيستي بالعمل ومع اقاربي ولاقد وصلت للحالة اني مااقدر اسيطر على عطائي ولو مثلاً حبيت وعطيت ولاشفت مقابل وودي استمر واعطي بسبب الحب اقدر ادقم نفسي <<<اتحداك تفهم وش معنى ادقم

المشاركة الأصلية كتبت بواسطة L0o0Ve (المشاركة 2811145) احس وماادري ممكن تفكرون معاي اشوي ان احسن حب اللي يكون بين مراهقين يعني صراحه احسه صافي ويكون على غباء وبشكل متوازي ممكن لانه اول حب

بس لو ماصارت مثلي يعني ماحبتني وش اسوي كذا واحد صارت معاه وليه انا ابدا الحب وليه نفيتي انه يكون بنفس الدرجه من الطرفين فيه كذا قصه مرت علي اتزوجها بعد فتره تعلقت فيه ومو داري فيها هو عرف بحبها بدى يستخدمه ضدها فيه ناس حبت على ذكر الشخص بدون الزيارات والمكالمات فيه واحد تزوج وحط كل مشاعره بكرتون واعطاهياه وهي لا حياة لمن تنادي متى يوقع الحب بنفس الدرجه بنفس اللحضه

احس وماادري ممكن تفكرون معاي اشوي ان احسن حب اللي يكون بين مراهقين يعني صراحه احسه صافي ويكون على غباء وبشكل متوازي ممكن لانه اول حب

المشاركة الأصلية كتبت بواسطة الفردوس غايتي (المشاركة 2811146) لوف أنا مطلقة :26: اما عن صديقتي بقولك ليه حبته قصة حبها عجيبة غريبة اخواته الله يسامحهم اوهموها انه يحبها و هي كانت صغيرة بالثنوي الى ما كبرت و صارت باخر سنة بالجامعة و هي تحبه و كل يوم يكبر حبها له و كانت تصير بعض المواقف الغامضة الي تهيئ لها انه يحبها يعني البنت انخدعت مسكينة كانت شفافة بس انخدشت للأسف هذا أنا ما اعتبره حب ..،، الحب اذا ما تووج باهتمام من الطرف الاخر ف يعتبر احساسيس وهمية حتزول مع الوقت

المشاركة الأصلية كتبت بواسطة سرب الخيال (المشاركة 2811150) سجلت دخول لاجل اسئل هل انت بالفعل متخصص بهالجانب ام مجرد قراءت متمعنه؟؟ امام قلم ناضج جدا وزوج ان كان يحمل هذا الفكر فهنيئا بزوجه المستقبل اذا عكسه ع حياته ليس مجرد تنظير وهنيئا لاابناء بأب بيغنيهم البحث عن جوانب اخرى!!!! قلم ان كانت ردوده نابعه من فكره ليست منسوخه فحافظ عليه من مهاتراتك التي سقطت عيني عليهم ف بعض الردود حتى يؤخذ برائيه متى ماشعر السائل انه بحاجه لااستشاره منك!!!! كل رد ذكرته كما لو انك عكست مابداخلي من تساؤلات كنت ارغب الحديث حولها !!! اخي لابد الاستفاده من التجربه السابقه بطريقه ايجابيه لا تلوم نفسك وتجلدها اكثر!!! ماشاء الله تبارك الله متابعه جدا وبشغف ولن ابدي راي بالموضوع لاني اشعر انك تناولت كما ارغب ان يكون واكمل مناقشته!!! موضوع اختير بعنايه وادير مناقشته بروعه وثقل قلم اتوق لااغوص باعماق فكره وعقلانتيه لله درك بكل كلمه قلتها!!!!

المشاركة الأصلية كتبت بواسطة هل ترانا نلتقي (المشاركة 2811152) الحب نار كاويه قد ذقت منه عذابي.الكل يشكي حاله. لكن الحمدلله تشافيت منه. و أخذت عهد على نفسي أني مااظهر شيء من حبي إلا بالحلال. واثقه من ربي إذا كنا لبعض راح يجمعنا رغم كل العوائق الاجتماعيه.

هههههههه اهم شي تاجر تحبين الدراهم شكلك لا بس انا ماقصدت اتفاول عليه بس حبيت اقلل من مميزات اللي تحبينه واشوف ردك ههههههه افكاري سوداء حسيت اني من الفئه الضاله

الدقم = هو الظغط على النفس حتى ترضخ للواقع كيف مادي يعني انت موضفه تبين واحد يصرف عليك مثلا اتوقع راح تكونين مكتفيه ماديا وحاجتك للعاطفه اكثر من الماده وتعاملك مع المديره ومع صاحباتك غير التعامل مع شريك حياتك ولو حبيتي صدق وبجد وبدون مجاملات ولارضوخ للواقع ماراح تقدرين تدقمين الحب

المشاركة الأصلية كتبت بواسطة الفردوس غايتي (المشاركة 2811153) مو شرط ياما مراهقين لعبو على بنات كبار فوق الثلاثينات و ياما مراهقات جابو شياب ع وجيههم و لا حب ولا يحزنون صفاء المشاعر و صدق الاحاسيس مو محتاجة تكون اول تجربة حب أنا اشوف ان مالها علاقة بالعكس الواحد كل ما كان فاهم و محدد اختياراته و اختار حسب ما يرغب و وجد نفسه مكمل للطرف الاخر يحصل الحب بينهم لوجود التكافؤ

المشاركة الأصلية كتبت بواسطة بنت اطيب انسان (المشاركة 2811161) هههههه المال والبنون زينة الحياة الدنيا  ليه ركزت على العطاء المادي انا مااقصد نفسي اتكلم بشكل عام ههههه احس تقول وش ذا المادية وحتى لو موظفة الهدية تفرح الكل وكونة مستعد يدفع عشاني بعد هذا يفرح بالرغم ان راتبي قليل ولله الحمد الا انه ماهمني العطاء المادي اهم شي الحب والعاطفة فعلاً قلت لك انا ماجربت بس ليه تقول مااقدر امسك نفسي معقول مااشوف مقابل مع ذلك استمر والى متى ان شاء الله 

بس فيك فرت غباء اشوي وتغطيها عفويتك *

المشاركة الأصلية كتبت بواسطة L0o0Ve (المشاركة 2811095) تقول التقيا بالصدفه حلو كلامك بس كيف حبوا بعض بنفس الدرجه يعني يمكن واحد منهم احب شكل الثاني وهي احبت مركزه الاجتماعي بكره تكبر ويروح جمالها لاكن هو اترقى وصار في مكان اعلى من الاول هل خلاص يروح حبه لها وهي تضل تحبه تقول مشاعر تنتقل بين جسدين هل الجسد هو اللي يحب ولا الروح والا العقل وكيف مو شرط يلتقيا يعني حب عن بعد وايش فايدته يمكن لو التقوا ماتتناسق طاقتهم مع بعض يمكن مايكونون نفس الشكل اللي بناه كل واحد في مخيلته للثاني وقتها هل ينتهي الحب الخليط اللي ذكرته من المشاعر هل هو الحب وفيه ناس تقول مشاعرك مو مستقره كيف يعني ناقص واحد من اللي ذكرته مثلا واهم شي القلوب اللي تسيئ فهم الحب ايش ناقصها مثلا ايش فرقها عن باقي القلوب وليه اسأت فهم الحب هو شعور يفهمه كل واحد مر فيه وصراحه يختلف عن كل شعور جربه الانسان وهو صغير برضوا كيف ينقلب كره وكيف يقل ويكثر زياده عن الحد يعني فيه مقياس للحب اذا كذا فيني احب اكثر من وحده الاولى بحبها 70 في الميه والثانيه 20 بالميه والثالثه 10 ممكن اسوي كذا

المشاركة الأصلية كتبت بواسطة L0o0Ve (المشاركة 2811155) الله يرزقك بزوج يحبك وتحبينه انشالله وعن صاحبتك اقولك وهم كل اللي صار لها وهم وزينته بمخيلتها ودموعها وعشقها كله كذبه عاشتها مع نفسها وانهتها بنفسها مجرد حلم وانتهى بس انت من واقع تجربتك هل حبيتي طليقك يعني احسستي بشعور تجاهه بعد الزواج ويوم تطلقتي هل ندمتي على اخوه والحب اللي كان بينكم وايش كان سبب طلاقك وضحي يمكن نلقى عندك الاجابه

المشاركة الأصلية كتبت بواسطة بنت اطيب انسان (المشاركة 2811175) غباء اجل خف علينا يا نيوتن يااينشتاين اجل انت افكارك سلبية ومتشائم ومشقي نفسك بأشياء مالها داعي 

المشاركة الأصلية كتبت بواسطة mshihne (المشاركة 2811179) لا فهمتنى غلط انا قصدى مش لازم ان ترتب لاجل ان تحب الحب بذاتة يأتى بدون سابق انذار اقصد المشاعر التى تنتقل بين الجسدين الجسد كلة من عقل وروح وقشعريرة تملاء البدن وتغزى عواطفة مش شرط الالتقاء فى بادىء الامر يعنى مش لازم علشان تحب انك تعاشر جنسياً الحب بادئة النظر هذا قصدى اما عن القلوب التى تسىء فهم الحب فهى بنظرى قلوب مريضة متعبة او قلوب لا تعقل او لا تدرك قلوب ميتة لان الحب امر فطرى كل البشر مجبولون علية ولا يستطيع اى احد ان يمنعة لانة ليس بيدة ولكن من الممكن ان يحولة لان المشاعر تتغير ينقلب كرة على حسب الشخص وعلى حسب الشخص المقابل لة اما عن نسب الحب ف نعم نسب الحب تتفاوت و ان تتفاوت نسب الحب مع زوجاتك فهذا ليس فية شىء ولا شرعاً ولا عرفاً رسول العالمين صلى الله علية وسلم كانت احب نساءة الية السيدة عائشة ومن الرجال ابوها فهل لو قلنا انة صلى الله علية وسلم احب عائشة اكثر من كل النساء فهل هذا تفاوت فى درجات الحب اقول نعم وحبة لابيها رضى الله عنة اكثر من بقية الصحابة هل هذا تفاوت فى الحب اقول نعم ......

المشاركة الأصلية كتبت بواسطة الفردوس غايتي (المشاركة 2811180) امين شكرًا ع الدعوات و لك بمثل من واقع تجربتي كان بيني و بينه مشاعر رحمة ارحمه و يرحمني اما الحب هذا اللي نسمع به ما زارنا ولا ليلة .. بعد ما تطلقت جا ببالي اخوه لكن عادي ما حسيت بشي لان مشاعري وياه اندفنت بسن المراهقة بداية ما انخطبت اما سبب طلاقي ماله علاقة أبدا بالحب مشاكل و عدم تفاهم لوف .. لا تتعب نفسك بالحب بيجيك بس انساه صدقني راح تذوقه ربي يعطيه كل الناس بالحلال الله يرزقك و يعوضك خير

المشاركة الأصلية كتبت بواسطة هبة الرحمان (المشاركة 2811188) اليوم لفتت انتباهي حكاية زوجين ببطانيتين ما رايك يا looove بكل صراحة (واعلم انك صريح) في حب هذين الزوجين ؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة L0o0Ve (المشاركة 2811184) اححح والله زعلت وقامت ترد 😉👊 ليه سلبيه ومتشاأم ووش اشقيت نفسي به ☺😁 انا قلت رأيي فيك ويمكن اخطأت بصراحتي 😪 و تركت انك طيبه وانك عفويه ورحت على الغباء مااشوفها غير سلبيه منك 😜 يله قولي ليه متشاأم وافكاري سلبيه 😰 وبأيش اشقيت عمري ابي صراحه ترا عادي ماانجرح قولي كل شي تشوفينه غلط يمكن اعدله واستفيد منك 👍 كل الاعضاء قولوا اللي على بالكم تشوفونه فيني يله مسموح لكم تجرحوني عادي اهم شي يكون بصدق وانا قابل منكم اي شي 👋

المشاركة الأصلية كتبت بواسطة L0o0Ve (المشاركة 2811196) الله يعوضك خير انشالله بس كلامك متناقض كيف راح اذوقه وربي يعطيه الناس بالحلال وانت تقولين انك كنت تسمعين بالحب ومازاركم ولاليله وكيف علاقتكم كانت رحمه لبعض ماادري بس من ذوي الاحتياجات الخاصه انتم وانا مابحثت عن الحب صراحه لاني قد جربته قبل وعارفه زييين بس محتار بطبوغرافيته واسبابه وطريقة اشتعاله وانطفاءه ووجه نظر الانثى للحب

المشاركة الأصلية كتبت بواسطة mshihne (المشاركة 2811195) انا عندى سؤال فى هذا الشأن محيرنى...... هل من الممكن ان يكون هناك حب بين الخطوبين ثم يموت بعد الزواج؟؟؟؟؟ وهل بالضرورى ان يكون الحب موجود فى فترة الخطوبة؟؟؟؟؟ ... وهل لو انة لا يوجد حب فى فترة الخطوبة هل سيكون بعد الزواج .....التجارب هى اللى تثبت وتعطى نسب فى هذا الامر ؟؟؟؟!!!!!!

المشاركة الأصلية كتبت بواسطة L0o0Ve (المشاركة 2811189) اللهم صلي وسلم على محمد واله وصحبه اجمعين صحيح كلامك ان الحب ماتقدر تعد له او ماتقدر تجبر احد على حبك بس كيف اضمن حب زوجة المستقبل هل لو عرفت سر الحب يمكن اقدر اعرف الشخص اللي يقدر يحب واللي قلبه ضعيف تتوقع ممكن نحصل كلمة "تعويذه" لما تقولها يبدأ الحب ابي اعرف ليه ينتهي الحب وكيف كان حب الرسول لعائشه وطريقة تعامله معها من بد الزوجات الثانيات رضي الله عنهم جميعا واذكر موقفه لما حصلت المشكله وقبل ماتنزل تبرئتها في القرأن وكيف كانت مشاعر الرسول متضاربه بعد ماتأخر الوحي وموقف عائشه رضي الله عنها وقتها اتمنى تفيدنا بالقصه كلها راح تفيد كثير وفصلها بطريقتك لتوضيح الحب انتضر ردك

المشاركة الأصلية كتبت بواسطة بنت اطيب انسان (المشاركة 2811201) شكلك مالقيت صفة سلبية فيني وماهان عليك قلت لازم احط فيها شي عشان ماتاخذ بنفسها مقلب هههههه  ماابي اقول سلبياتك بعد اخاف ماتنام اسبوع من ضيقة الصدر 

المشاركة الأصلية كتبت بواسطة L0o0Ve (المشاركة 2811214) لا والله انا قلت اللي اشوفه من ردودك وتفاعلك وماادري بس انت ركزتي على السلبي وتركتي الايجابي واخذتي موقف دفاعي يبين مدى تقبلك للنقد ويمكن وضح مقدار النقد اللي يجيك وعادي قولي ارجوك ابي اشوف عيوبي كلها يله حللي شخصيتي بروح اصلي وارجع ماابي اجي الا انت فاشه خلقك فيني

المشاركة الأصلية كتبت بواسطة بنت اطيب انسان (المشاركة 2811220) فعلاً انا مااتقبل النقد بتاتاً البتة* بس نادراً يجيني ولااحب انتقد احد  والاودي افش خلقي فيك

المشاركة الأصلية كتبت بواسطة الفردوس غايتي (المشاركة 2811202) اقصد ان ربي يعطيه بالحلال من خلال الزواج والحب كل العالم تسمع به فيه منهم اللي جرب و فيه منهم اللي ما جربه رحمه يعني اذا مرضت يرحمني و يخفف مشاكل و اذا مرض هو احن عليه و كذا يعني .. في فهم ..!! و الحب اللي عشته مع خطيبتك لا يصنف من ضمن الحب الحقيقي لانها ما بادلتك المشاعر و الشوق بدليل انك كرهتها و تركتها و لو كنت تحبها صدق ما كان قدرت تفرط فيها هديك مشاعر وقتية ما لقت منها تلاحم ف اختفت من تجاهك .. و الحب يختلف بمفهومه من شخص لآخر من حيث حاجات كثير ع فكرة كم عمرك ..؟ معليش ع السؤال بس اتوقع اصغر مني

المشاركة الأصلية كتبت بواسطة L0o0Ve (المشاركة 2811225) يله بليز والله جالس انتضر ردك ولاراح ازعل اوعدك

المشاركة الأصلية كتبت بواسطة mshihne (المشاركة 2811206) علية افضل الصلاة والسلام الحب يا اخى الحبيب فى العادى لا يأتى الا بعد عدة مواقف تبذلها امام حبيبك اما الحب من النظرة الاولى فهذا امر نادر وان حدث ففى كل حالاتة يكون من طرف واحد اما الحب الفطرى الجبلى يجب ان تتعب من اجل ان تصنة وليس بقول تعويذة او سحر ولعياذ بالله انما يكون باظهار الحنان والعطف على الطرف الاخر ....والمرأة من المعروف انها تحب الاحتواء والعطف والحنان والتقدير والاحترام لذاتها وليس لجسدها فقط وتحب ان تجعلها ملكة .ولكن فى المقام الاول تحتاج الى الرعاية فى شتى النواحى ... الامر عند الرجل مختلف فالرجل يحتاج الى الثقة فى المقام الاول ومعها الاشياء الاخرى ( الرعاية – التفهم – الاحترام – الاخلاص – التصديق – التطمين ) ذلك يرفع درجاتة امامها ويرفع درجاتها امامة وبذلك لا يكون الحب من طرف واحد إن فهم أصناف الحب الأولية التي يحتاج إليها شريكك يعتبر سراً عظيماً لتحسين العلاقات معه . فإذا تذكرت أن النساء مختلفون عن الرجال فسيساعدك ذلك على أن تتذكر وتتقبل أن للنساء حاجات حب أولية تختلف عن الرجال ..... فالامر عائد للطرفين سواء ولا تجد الحب الا مع الزمن والمعايشة والمعاشرة ولن تجد ما تبحث عنة (( واحدة تطلع تقولك انا حبيبتك ....هذا كلام فى الاحلام ....اتعب تلاقى )) اعلم انك مررت بظروف صعبة جعلتك تحس ان كل حواء عدوة لادم وهذا الامر غير صحيح ان تحتاج اعادة بناء جسر الثقة بينك وبين النساء مرة اخرى وحاول عسى الله ان يرزقك حب لا مثيل لة ان شاء الله اما عن حادثة الافك فاتركها لاخوانى الذين يفقهون فى سيرة المصطفى صلى الله علية وسلم خيراً منى

المشاركة الأصلية كتبت بواسطة هبة الرحمان (المشاركة 2811217) موضوع في قسم المتزوجين زوجان لكل واحد منهما بطانيته الخاصة

المشاركة الأصلية كتبت بواسطة غصة فراق (المشاركة 2811221) أنا راح أتكلم عن قضية (أختفاء وهج الحب ) مع مرور الوقت.. أنا أشوف أن بما أن الحب (علاقه) بين شخصين فهو من من الطبيعي راح يتأثر بجوانب أخرى فشخصيات هالطرفين بمعني أخلاق كل منهما وسلوكه وتفكيره راح تلعب دور كبير لأن زي ماقلت هي (علاقه) الحب ليس عنصر وحيد فيها.. وهذي الأشياء متى تبدى تنجلي مع الوقت والمواقف..لأن فا البدايه زي مايقولون(الحب أعمى)تلقاه ينساق ورى مشاعره وتحكمه عاطفته وأحتياجه للحب فيتصور الشخص الي قدامه ملاك..وينعمي عن عيوبه .. لكن زي ماذكرت مع الوقت العقل والمنطق راح يفرض نفسه في المواقف وخاصه أذا كان الحب عشره.. أنا ماأتكلم عن العيوب البسيطه الي تكون موجوده بكل أنسان..لا أنا أتكلم عن العيوب الي يمكن تحدث شرخ قوي بالحب أو تأذي الشخص الثاني..وتكون متعلقه بأخلاقه وسلوكياته.. مع أني أشوف فيه حريم زوجها موريها العين الحمرا ومع ذلك تحبه لأخر رمق.. ياخوي والله مدري الحب هذا شي غريب غامض..يفرض نفسه بدون أسباب ويستمر بدون أسباب ويختفي بدون أسباب وحنا مالنا الا نستسلم له النذل خخخ .. لا من جد الحب اصعب أن يفسسسسسر أو يحلل .. وابسط تحليل عندي له أن شي خفي وقوه داخليه ماتلقى نفسك الا تستسلم لها مسلوب الأراده.. شكلي قمت أسولف مع نفسي خخخ والله من جد دخلتنا بمتاهات وألغأز.. ومتابعه معكم لين تفكون شفرته...

المشاركة الأصلية كتبت بواسطة L0o0Ve (المشاركة 2811230) واو شكلك كنت معانيه معاه كثير في فهم ماما خلاص كلوا معلوم وحبي كان حقيقي جلست فتره طويله احاول ارجعها ولاكن الشق كبر ولاعاد ينخاط بس اقولك حاجه وحده قهرتني كثير كثير كثير لما صار اللي صار وخلاص ختمت على علاقتنا بالفشل جلست افكر واسترجع القطن اللي براسي مواقف لها حسيت انها كانت تحبني بس ماصرحت بحبها وكانت طريقتها مختلفه وصغيره البنت ومامرت بعلاقه قبل وهذا اللي خلاني اندم كثير مع انها سوت حركات كثير تقهر وهي اللي خلتني اسوي اللي سويته رد عضوه من الاعضاء اللي هي لعيون نوف صراحه رد الا الان ماانساه كنت وقتها يومين احبها ويوم اكرهها قالت لي انت اذا فكرت بقلبك تحبها واذا فكرت بعقلك تكررهها صراحه الى الان وانا اذكر هالرد وكان حقيقي في محله عمري 26 وداخل على 27 شهر عشره ميلادي ليه كم انت ؟

المشاركة الأصلية كتبت بواسطة بنت اطيب انسان (المشاركة 2811236) طيب انا ابقول اللي حسيتة من ردودك ابقى مااعرفك ولامايعرفك مايثمنك متشائم ماعندك صبر احسك شايف نفسك وتحس نفسك الصح والباقي غلط عفوي صريح كريم على طاري الكرم متئ ترسل الجالكسي هههههههه

المشاركة الأصلية كتبت بواسطة هبة الرحمان (المشاركة 2811217) موضوع في قسم المتزوجين زوجان لكل واحد منهما بطانيته الخاصة

المشاركة الأصلية كتبت بواسطة mshihne (المشاركة 2811247) قبل ان اجيبك على سؤالك لى اريد اعرف بس بالله عليك تجربتك كاملة وهل لو انك كنت يوم تحبها ويوم تكرهها هل هذا غير صحى وما وقع التفكير بالقلب او بالعقل عليك فى تلك العلاقة اشرحللنا اخى يمكن نستفيد لانى امر بمرحلة شبيهة

الحب نقمه ونعمه تجده يتحرك بصدرك عند التفكير بحبيبك او عند اللقاء وينتهي بفرحه وابتسامه رضاء
يستمر الحب ويقتله الروتين في الحياة هذا ان لم يسبق الروتين مشاكل الحياة .
موضوعي اليوم كان استفسار لمعنى الحب وبعد الالم في اناملي من كثرة الضغط على لوح المفاتيح*
اكتشفت انه شعور اكثر الوصف له انه خفي مثله مثل الروح لانستطيع ان نمسكها ولاندري متى واين وقع*
ولاندري عن سببه فلم اجد احدا يقول وقعت بحبها لكذا وكذا واتعبتهم وقلت اخبروني متى وكانت ردودهم حزن واسى*
تمعنت بردود الاعضاء بعضهم وجده ولاكن لم يستطع امساكه والبعض عرفه واجتهد بانكاره*
والاخر سمع به ولاكن لم يذق عسله المر*
احسست بألااام البعض واحسست بفقدانه لدى البعض واحسست بحاجة احدهم له*
لم ندرك مدى حلاوته حتى ذقناه ولم ندرك مدى اهميته حتى فقدناه ولم نعرف قوته حتى ادمى جوارحنا*

لايمكن الاعداد له ولايمكن اصطياده ولايمكن نكرانه عند الوقوع فيه*
استرسلت كثيرا وناقشت اكثر ووتطور تفكيري بشكل اكبر ولم اجد مفتاحه*
الحب قانون الكون عليه تستر البيوت او تنكشف*

تأثيره قوي وحسرته حسره*
عند وجوده نضحي وعند فقده نهمل ولانبالي*

اسمى انواعه التكافئ كما الميزان وان رجحت كفه فقل عليه السلام*
استخداماته متعدده يستخدمه احدهم كحبل يوثق به شريك حياته*
والاخر يتغذى على نفحاته وبعضهم اخذه كالسلاح يطعن به من احب ذاته*


اخاف ان اموت ولااجد صديقي القديم او يكون حضي بوجوده سقيم او اقع في حب شخص له لايستقيم
اخاف الحب واهابه وتعجبني حدة انيابه ويرعبني سقمه وعذابه*

لاتبحث اين سيصيبك او كيف سينتشي بك او متى تجد حبيبك*
استقر واسعد ببقيه ايامك فان اصابك ذهبت معه احلامك *وحكمه كالموت ان توافقت امالكم سعدتم وان تعارضتم تعستم *وكل ايامكم كرهتم*

اللهم ياولي نعمتي وملاذي عند كربتي اجعل نقمته بردا وسلاما علي كما جعلت النار بردا وسلاما على ابراهيم

والسلام عليكم ورحمة الله وبركاته
قوموا نوموا وراكم صلاة جمعه