|
ابش رايك تعطي زوجك رابط هالموضوع
الله يفك كربتك |
لالالا
هذا مو حنان فايض يا اختي مايصييير هذا كله وين انتفاضتك لشرفك وشرف اهلك وين ثورتك وعصبيتك على زوجك وعلى أهل زوجك ضعفك واستسلامك يثبت التهمة عليك اللي تعرف نفسها شريفة وعفيفة تزعل وتعصب وتثور لكرامتها وكرامة اهلها وعفتها وطهارتها وماترضى ينقال عليها كلمة حتى لو من اقرب الناس لها وصدقيني لو شافوك قوية ماتجرأ عليك أحد وعلى بالك ان ازواج اخوات زوجك مثل زوجك ؟؟؟ اذا تكلمت عن شرف زوجاتهم بيصدقوا وتخرب البيوت ؟؟ ولا على بالك ان اخوات زوجك بيسكتوا ؟؟ ابسط حاجة ينفوا التهمة ويقولوا هذه مثل ما تكلمنا فيها تتكلم فينا من حرتها ، تحسب ان الناس كلهم خربانين مثلها ولا عندك دليل يثبت كلامك ولا احد بيصدقك يا اختي مالك الا حلين اثنين : الحل الاول تكثري من حسبي الله ونعم الوكيل لان المظلوم مابينه وبين الله حجاب الحل الثاني تسحبي على زوجك وتكوني قوية وتفهميه ان شرف بنات الرجال مو لعبة ولا تخافي من الطلاق وبسبب خوفك من الطلاق تضعفي وتستسلمي ترى هذه ارزاااااق من رب العباد اذا لك لقمة مع هذا الرجال بيرجعك بس لازم ترجعي بكرامة وشرف واذا لقمتك معاه بتنقطع ، ترى ذلك وضعفك وانكسارك ماراح يخليها تستمر يا اختي حطي عقلك براسك وشوفي الموضوع من كل الزوايا ادري بك بهذا السن كنت مثلك وربي الحب يعميني لكن صدقيني مو اي رجال يستاهل الحب ولا لانه زوجك معناته يستاهل منك كل العطاء محد يستاهل الحب الا اللي خلقني وخلقك فتحي عينك وافهمي زوجك وش سوى ترى اللي سواه موو هين ويستاهل انه يتأدب عليه الله يفرج همك |
اختي الفاضله
المشكلة فيك مو بزوجك مشكلتك باختصار في شيئين اولا اللي بقلبك على لسانك وحياتك وقلبك مكشوف للجميع و حياتك الكل مطلع عليها دلال زوجك لك مشاكلك وكل شيء وهذا سيجلب لك مشاكل لاحصر لها ثاني مشكله فيك ...... ماعندك حكمة في التصرف ربما لصغر سنك الحلول خليك كتومة جدا جدا في حياتك الزوجيه اولا عشان مااحد يغار منك ولا احد يحسدك ولا احد يعرف انتي بخير او بشر والله عيون الناس ماترحم ثانيا فكري بالكلمة قبل ماتقولينها الف مرة امام خوات زوجك وامه ثالثا كوني حازمة مع زوجك وثقيله ورزينه ناقشي معه المشكلة بهدوء وضعي له حدود مايتخطاها رابعا حافظي على اذكارك والاستغفار |
اقتباس:
الغيرة اشعلت كيد النساء.. وفعلت مكرهن الحارق المشكلة: زوجك مجرد ذكر خرج خارج مجال مروءة الرجال واعطى من لا يستحق ان يتدخل بحياتكم للاسف وانتي تحبينه موت وعيونك مطموسة عن كل شي وبالتالي ركنتي للجانب الاضعف لعل وعسى..!! وعندك ابوك اسد ويرى مالا ترينه.. الحل اتركي ابوك يتصرف فانتي لاتعلمي شناعة ماصار انا لا اخذ بيدك نحو الطلاق ولكن تري اعراض الناس خطوط حمراء اما زوجك يثبت عليك والا يجلس للحق ويطهر عرضك عياناً بياناً انتي الله يربط على قلبك ويقومك بالسلامة .. خليك في وضع سايلنت اهتمي بنفسك وسلمي شريحتك لمن تثقين فيها من خواتكوغيري رقمك العاطفة هنا لا تنفع ابداً.. ثقي تماماً في الله والتجئي اليه فهو حسبنا ونعم المصير همسة اخيرة: زوجك خفيف ولاهو برزين ومتأثر فخليه يتربى لازم يعرف حدوده وتنقرص اذنه لصالحكم تري ومن واقع خبرة سيأتيك يوماً ما وهو يجر اذيال الندم هذه النوعيه من الذكور تشبه الارجوزات.. دمية يحركها الاخرون فاذا انكشف الاخرون تركوه .. حينها سيأتي لك فلا تبتأسي |
من اسمك الحنان فائض ولكن عليك بالحفاظ على شخصيتك ورفعها فوق
وليس وضعها تحت من اجل رضاء زوج طائش فوضي امرك لله ومن ثم لوالدك وتوكلي على الله الخالق |
مشكلتك هي مشكلة كل البنات اللي تزوجوا بعمر صغير قبل ماتتكون شخصياتهم وتكبر مداركهم ويستقلون فكريا، علشان كذا يصيرون مرتبطين ارتباط غير طبيعي بازواجهم ويحسون انهم رح يموتون لو فارقوهم. حتى الآن انتي لسى مو مدركة حجم المشكلة اللي انتي فيها، لو وحده أكبر منك سنا وشخصيتها قوية وعندها خبرة من لما تسمع كلام على شرفها وهي واثقة من حالها شريفة مارح ترضى تجلس مع زوجها دقيقة وحده ترا الشرف غالي واللي يتكلموا الناس على شرفها وتسكت كأنها تثبت التهمة عليها لأن الناس رح يقولوا لو هي ماسوت شيء ماكان سكتت على تهمة كبيرة زي كذا بس إكيد هي ساكته علشان ماتطلع بلاوي اكثر. أخيرا أسمعي نصائح الاعضاء وخلي ابوك يتصرف.
|
انتم تقولون بيندم كيف يندم وهو اللي قالي تبقين بنت خالي وام ولدي ولاراح نكمل مع بعض سالته بتطلقني مارد سالته ماراح اكون زوجتك قال ايه ماراح تكونين زوجتي يعني هو اللي بدا هو اللي بيطلق كيف ما اثبت نفسي وقريب بيطلقني وكيف بيندم علموني كيف انا ابي اوصله عشان اتفاهم معه ماراح اكلمه بضعف بس ابي اوصله مدري كيف هو بالشرقيه وانا بالرياض ولازم احد يوصلني من اخواني او ابوي بس هم رافضين ابي افهمه قبل يطلق ابي اعلمه اني مظلومه لان لافات الفوت ماينفع الصوت حسو فيني مو بكيفي لما اشول اختي تتجهز وتروح لبيتها ولما اشوف اختي الثانيه تخطط لزواجها وتجهيزاتها وافكار لشقتها ومعقوله انا انا بعد ماكانو يقولون الناس عني فلانه والله من غلاها ماياخذ عليها فلان صار مو بس ماياخذ علي صار ماعاد يبيني وايش لسبب قديم ماكنت عنده وببيته يوم يقولي مابيك زوجتي ،، انا رافضه اذا انخطبت مره ثانيه انو اخذ على مره واخرب حياتها وبعدين زوجي بنات عنه وحريم عمانه من اول يتمنونه ياخذ بناتهم حتى اول ماملك علي زعلو عمانه هو عليه كيف تتعدا بنات عمك وعماتك وتاخذ بنت خالك ومستحيل لاتزوج غيري ارجع له عشاني غيوره حيل واحبه وما احب احد ياخذه مني مدري بس اللي ودي فيه كيف اوصله واستخدم كيد النساء واقوله باي طريقه اني مظلومه ومرات فكر ارسل له رساله خل باب الغرفه مفتوح لاتقفله انا جايه اخذ اغراضي بس للاسف اليوم عرفت من جدتي ان عمله نقلوه نقل بس مدري ليه نقلوه ودوه لمنطقه بعيده عن الشرقيه مدري وين بالضبط المهم كيف ابعد عماتي عنه لانه صار حيل معهم ومازعلو عليه وهو اللي قايلي روحي اسالي عماتك ليه بس انا زعلو علي وقالو عني كذابه وقالو لعمي وصارحوه وقال احنا نعرف انها تدخل شات ولها عشيق بس ماعلمنا زوجها احنا زوجناها كيف نخرب الزواج هذا قال عمي ليه توكم تتذكرون انها ماتناسبكم قالو مالنا دخل ماقلنا لزوجها شي بالله يعني هو اخترع هالسالفه من نفسه وش يستفيد اكيد هم قالوله والشي الثاني عمي اخو ابوي قال لزوجي دامك كذا مسوي رجال وسامعها تقول لخواتك انها تكلم شباب ليه ماعطيتها كف وطلقتها ليه صبرررت ولا عشااانك دديووث اسمحولي على هالكلمه بس كنت بفضفض لكم كل شي صار قال لا لا انا ما اتهمتها انا بس سالتها قال عمي مو من حقك تسالها مو عاجبتك ولو انك رجال تعال نزلها عندنا وقل ياخالي الوجه من الوجه ابيض وهاذي ورقتها مو تشهر فيها قال لا انا مابيها عشانها ماتهتم فيني وتمد يدها علي وانا بس سالتها وهي كبرت الموضوع وشتفسرون يقول لامي بطلقها ويوم سالته قال وش بلاك انتي زوجتي وماني مطلقك وبعدها بفتره قالي ماراح نكمل مع بعض وش يقصد عجزت افهمه وشي ثاني جاي رجال لعمي وقايله وش فيه نسيبكم يبي برنت على رقم زوجته رقمي بدون اسم ولما الرجال قاله مايصير لازم يكون باسمك واطلعلك برنت لكن هالرقم من غير اسم قال لا هذا رقم زوجتي قال له الرجال اسف ما اقدر هاذي فيها قانون ما اقدر وهالرجال يشتغل بالاتصالات ومن جماعتنا وجا لعمي وقاله وش فيه نسيبكم ولد اختكم يبي برنت يعني فشله ويوم عمي قال لزوجي ليه سالت فلان عن البرنت بتنزل روسنا قال كذب ماسالت وبيني وبين هالرجال اللي كذب المحاكم صحيح شين وقوة عين يعني الرجال بعد بيكذب عليك وانت الصادق ؟ فسرولي ليه يسوي كذا وكان يقولي لاتنبشين احسلي واحسلك عشان دافعت عن نفسي بداية الايام ؟ لاتقولون طنشي هو بطنش بس مابي يطلقني لان لو طلقني متاكده بيتزوج على طول من بنات عمانه وانا ابي ادبه لكن من غير مايطلقني شوروا علي كيف اوصل له
|
غريبه تعامل وتصرف زوجك معك يتهمك في شرفك وينشر الموضوع وينتشر بين العائله , ولا كان فيه لا غيره ولا رجله ولا حكمه
حتى لو كنت فعلا خانيته وانتي معه يعني مو ماضي الرجال مايسوون الي سواه زوجك وانتي تقولي ماضي على حد تعبيرك !! عاده الرجال في هالمواقف عندما تثبت الخيانه ياخذها لاهلها ويصارحها قبل كذا ويطلقها ومن سأله حتى لو كان ابوها يرد عليه ويقول النصيب وهو يتجرع المر بس عشان لا يفضحها لكن انتي زوجته قريبته من ربعه !! ام عياله ! بنت خاله ! عارف مدا تعلقك في زوجك لكن صدقيني زوجك ماعليه حسوفه ماابي افرقكم لكن باقولك شيء لا تفكرين انه بطلاقك انتهت الحياه !! بالعكس ممكن الله يرزقك بزوج او بحياه تعوضك على الي كنتي فيها ! راح تحسين بالفراغ بالالم بالوجع بالتعب لكن صدقيني مع الوقت راح يندمل هذا الجرح وراح يقوى قلبك وبتنظرين للحياه باصوره مختلفه كليا بصوره مفعمه بالجديه والواقع لكن اكبر خطاء وراح تعرفينه بعدين سواء رجعتي او لا ....... انك تجرين خلف انسان بايعك |
[COLOR="Purple"]يا أمي يا حبيبتي افهميني
انتي ما عندك ثقة بحكمة والدك ؟؟؟ هل تعتقدي انه يكره طلاقك أقل منك ؟؟ هل تظني لأنه والدك كا يعرف انك سويتي شات راح تختلف الأمور ؟؟؟ الأمر مو موضوع أكبر من سويتي شات أو فلانة او أخته ... الموضوع طريقته بحل الموضوع .. اتهامه الصريح لك .. تصديقه لهم وهو شايفك وعارفك ما حفظ كرامتك وداس على وجه أبوك بالوحل ... ترضيها لأبوك !!!!!!!!!!! اذا عندك ثقة بوالدك وتعرفي انه يكره طلاق بنته أكثر منها فأتركي الموضوع بيده ولا تتدخلي . |
الله وحده مفرج الهموم
ادعيه والدعاء يرد القضاء |
نصيحه لك طنشيه وعزي نفسك ولاتلتفتين له الين يجي لك ناااااادم
كل شي فالبدايه صعب وبعدين يصير سهل انتي كل كلامك مابيه يتزوج ومابيه ياخذ غيري انتي الان فكري باللي صار لك طيب افرضي ذليتي نفسك زياده ورجعك لبيته وبعد كم يوم تزوج وحده من بنات عمه وش بيكون شعورك نصيحه لك حبي نفسك وعزيها وانسيه تمااااما الين يندم على كل شي سواه واطلبي من ابوك تحاكمينه على اتهامه لك اذا صار الطلاق لاقدر الله الدعاء يصنع المعجزات اسأل الله العلي القدير ان يرد لك زوجك ردا جميلا |
ونعم بالله.. الله ياخذ بحقي ويوريه الحق حقا والباطل باطلا وحوبتي انا وولدي ماتتعداهم كلهم والدنيا دواره بنات اليوم ابوي فتح لي حساب وسوالي استقطاع لي ولولدي من فلوسه هو تجار معروف بالرياض تاجر عقارات لكن بس بعد ماني مرتاحه ابيه عجزت انساه ادري بايعني بس ابيه يصدقني انا مايصدقهم ابيه يصحا قبل ينتهي كل شي وابوي يقولي ان بغيتي تتزوجين بعده بكيفك وولدك عندي وماراح ياخذه لو اوقف شوك لهم بالمحكمه وان مابغيتي يابنتي عيوني لك قبل بيتي ويقولي بوظفك ببنك يعرف صاحب البنك ويقدر يجيب واسطه بس انا رفضت عشان كذا سوالي استقطاع من فلوسه
|
موقفك صعب والله
وزوجك اهانك و اذلك بما فيه الكفاية عذبك والله ومع احترامي لك ماهو رجال و شخصيته ضعيفه جدا جدا و راح يخترع لك الف مشكلة و مشكلة بعدين و مشكلة زي هذي اشوف ان حلها الوحيد هو الانفصال صراحه و ماادري كيف تبغينه بعد الاهانة اللي جاتك و مااتوقع انه فيه بنت ترضى على نفسها تبقى مع زوجها و هو يتهمها بانها لديها عشيق !! الله يوفقك وييسر لك امرك |
اقتباس:
يا أختي أنتِ ما تفهمين الله يهديك كل الأعضاء نصحوك بأسلوب التطنيش لأن هاذا هو الي بيجيب راسه سؤال وش نفعتك مكالماتك وأرخاصك لنفسك وأيش نفعتك رسايلك وبكائياتك فيها انتي بهاذا الأسلوب قاعده تثبتي علي نفسك التهمه ! بأسلوبك هاذا بتخليه يطلقك لا محاله أنا رجال وأعرف أساليب الرجال مع أنه مع الاسف شبيه للرجال أختي أرجوك لاتضغفي موقف والدك مو هو يبني وأنتي تهدمي خليك سند له ولا أنسي موقف والدك الشهم الله يبيض وجهه عز الله ونعم الأب |
سوي مثل ما طلبوا منك الأعضاء والعضوات ولا ترخصي بنفسك وخلي ابوكي هو اللي يتصرف والحب اللي فيه مذلة والله ينعاف وزوجك هو اللي راح ينفر منك بسبب رخصك لنفسك خلي عندك عزة نفس وكرامة ولا تتصلين أو تسألي عنه فتصرفه يدل على صغر تفكيره فمن غير المعقول يحكم عليك بدون دليل مجرد كلام سمعه الله يظهر الحقيقة وترتاحين أكثري من الاستغفار وقول لا حول ولا قوة الا بالله *
|
اقتباس:
|
لاحول ولاقوة الا بالله ...
اسمعي يابنت الأنسان بدون كرامه يصبح بلا قيمه ! يعنى انتى مالك قيمه اذا ماعزيتي نفسك ورفعتيها عن هالأذلال الى معيشه نفسك فيه شهالحب لعنه على الحب الى بيوطي راسك وراس ابوك الشخص الوحيد الي انتفض لك ودافع عنك ولاشك فيك و لامد ايده عليك وجرحك جرحه قبلك واهانتك مسته وألمته أكثر من ألمك خلاص فهمي يابنت الناس مهما كان الحب ومهما كانت العشره في خطوط حمراااااااااااااااااااااا لازم مايتجاوزها وهو تجاوزها وداسها دوس وداسك معاها انتى وعياله الزوج أمان وذخر وسكن ورحمه وزوجك مافيه من هالمواصفات شعره ! اى امان بتعيشينه مع هالبني ادم ؟ اى كرامه بيحفظها لك وهو الى ساهم بتلطيخ سمعتك ونشر السالفه ؟ اذا بترجعين ارجعي بشرط واحد مواجهه ورد اعتباااااااااااااااااااااااااااااااااااااااااااار غيره الطلاق ارحم ولاتقوليلي اختى تتجهز لبيته والثانيه لفرحها الله يهنيهم بس ازواجهم رجال مو ذكور ماعندهم ذره خجل وادب واحترام مثل زوجك :@ اقتباس:
|
اعذريني على قسوه ردي بس مقهوره منك وعليك
|
اولن ماله حق في عتابك عن الماضي*
كلنا فتحنا نت وكلنا دخلنا شات وكلنا سولفنا مع بنات وشباب *يعني بعد الزواج بنتعاقب !!!!!!! ليش انتي ماعاقبتيه قبل لا تتزوجون شاف بنت او او لخ شنو هذا ابد ماله حق ومدام انتس واثقه من نفسك ليش تترجينه اتركيه واعرفي دعوة المظلوم مجابه ارفعي يداك وربك ينصرك* وانبهك ابد لا تحكين عن الماضي وتقولي ل *اهلك كنت ادخل شات لالالا هاذ شي عادي وطبيعي *ومو يعني منحرفه وساقطه ولخ ابد لا تتذكرين هالشي ووقفي بوجهه وقولي شفتني خنتك سمعتني حكيت مع غيرك وخليه يجاوبك وعل فكره الشرع راح يعاقبه ويقولوا هذا اتهام بلشرف وغصبن عنه يجيب شاهد عليك او يسجن سنين مثل واحد نعرفه وتاب وعرف ان ربه حق* زوجك يتابع محرمات ولخ وصار يشك فيك والعيب فيه* وبرضوا زوجك يحبك بس من تصرفاته وتقلبات مزاجه اقص يدي اذا ما وراه حرمه تعبيه عليك وعاد انتي وشطارتك راح تكتشفينها وترا كل هذا لان شافوه يدلعك والحريم مضهرات الموت غارن منك وبلشن يولعن النار. الله يساعدك ورجع اوصيك عليك بلجوء لربنا الجبار بياخذ حقك منهم* ربي لا يفرقكم* |
اقتباس:
أسأل الله العلي العظيم أن ينير بصيرتك ويرشدك لما فيه صلاح دينك ودنياك |
انآ لآ ازيد على مآقالوا الاعضآء بصرآحه كفو و وفوآ....
اهم شئ كرآمتك وكرآمت ابوك الله يخلي لك ابوك يآآرب.... اذا رآح الحب نقدر نكمل الحيآه ونعيش... بس اذا رآحت الكرآمه ............... اكثري من قول حسبي الله ونعم الوكيل فيهم.... والله يفرج همك يآآرب.... |
الله يعينك ,,مثل هالاشكال الي تنبش بالماضي وتسمع كلام الحريم
ماعليه حسوفه..أنتي بس قوي قلبك وفوضي أمرك لله ثم للوالد وهو يتصرف بعقل ماشاءالله عليه.. |
اظن ان زوجك حاط الطلاق في باله من زمان و كان يدورلك على زلة قدم و لما ما لقى قام يدور على شئ ماضي و سوالف ما تستاهل يخرب عليها بيت
استعيني بالله و انشاء الله يرجع زوجك لرشده و اصبري و لا تنهاري و الله ما ينسى احد |
انصحك اختي لاعاد تراسلينه
انساااااااان يحكم عليك من دون مايناقشك او يحكم عقله لكن سبحان الله كلن يرى الناس بعين طبعه انت كتبتي انه زوجك صاحب مكالمات وافلام جنسيه ؟؟؟؟؟؟؟؟ حسبي الله ونعم الوكيل فوق هذا كله يشكك في شرفك بسالك سؤال تحبين ابوك ولا زوحك؟؟؟؟؟ طبعا الاب غيـــــــــــــــــــــــــر يا اختي الحبيبة كيف لك ان تنزلين كلمة ابوك الزواج اختي الحبيبه ماهو دلع مسؤوليه لاتفكرين في خواتك انه وحده متزوجه ووحده بتتزوج الله يسعدهم مو اهم شئ الزواج اهم شئ صلااح الزوج مدري كيف ترسلين له هو كذا بيحس انك متعلقه فيه وانه ماسك عليك شئ مولازم توضحين له انك مظلومه لانه لو يبغاك عنده كان اعطاك فرصه لكن الظاهر انه ضعيف شخصيه ويبغى ماضيك حجه بعدين لو طلب انك ترجعين له لازم تكونين صارمه معه ولاتتنازين عن اي شئ ولو لاقدر الله حصل الطلاق خير يعني انتهت الدنيا عيشي تحت ظل ابوك وامك واكسبي برهم توك صغيره عزي نفسك اختي لاتظلين اسيره له انت لك متزوجه سنتين او3سنوات يعني اذا بعد العشره هذه رجع يقلب في ماضيك فهذا ينعاااااااااااف اسمحيلي اختي انقهرت مررررررة ارجوا ان ابوك يكون له خاطر عندك كفايه انه خسر اخواته عشانك وهو مجروح اكثر منك الاب نقطة ضعفه بناته وسمعتهم ....حسي في ابوك شويه ثقي في نفسك وحبي نفسك وطفلك وفكري في الضيف الجديد اللي في بطنك طنشيه فكري في عيالك اذا كبروا لو سمعوا هذا الكلام اللي يقولونه عنك كيف بتصير حياتهم واخيرا لولا قلة عقل زوجك وتفاهته .......مع احترامي لك ماكان هذا الشئ صار؟؟؟؟ ينبش في الماضي بدووووووووون اي وجه حق بعد مرور سنتين عالزواج والمشكله انك متحملته على عيوبه رددي دائما اللم اجرني في مصيبتي واخلفني خيرا منها ردديها كثييييييييييييير وقولي حسبنا الله سيءتينا الله من فضله انا الى الله راغبون وتوكلي على الله وثم ثقي في ابوك وعيشي حيااااااااااااتكا |
الله يكون بعونك وعليك بالدعاء والمحافظه علي الصلاه
وبعدين احس انك لو تطنشينه لنه مو معقول يتكلم بشرفك ويسب ويهاوش وانتي تطاردينه بالمسجات خلاص انكري كل شي وانك مالك علاقات بالشات واذا لك فيه خير يرجعه ملاحظه : ان شاء الله البنات الي يقرون القصه يخذون العبره والعظه ان النت والشتاتات والمنتديات مافيها خير ابدا للبنات والفطن من اتعظ بغير قبل ان يتعض بنفسه |
شوفي حبيتي انا مطلقه وذايقه المر وعمري بعمرك تقريبا تطلقت من سنتين وعمري 19 سنه من ولد عمي خواته كانو كذا من الغيره والسحر وبلاي وقيل وقال بس انتي عندك اب جنه اسمعي كلامه وانا ادري انج تموتين بزوج وقلبج متقطع عليه وماراح توبين وبضلين ترسلين له بس قللي رسايلج مرررررره والله احسن لج انج ترسلين له هالرساله لهدرجه تعبى راسك علي سودت وجهي بين الناس وتطلب برنت على رقمي انا بغير رقمي هاذا والشريحه تعال وخذها عندك وخلها لك مابيها لكن رقمي الجديد ماراح تعرفه ابد طعنتي باللقلب رجاء لا تدق علي حسبي الله ونعم الوكيل ليس بين دعوة المظلوم والاستجابه حجاب جعل ربي يهدم بيت من وزك علي وجعل المرض يسري بجسمه مثل ماظلمني ويشوف بنته تشرب المر مثلي وتيتم اطفالها مثل ما يتمت اطفالي وابوهم حي وخلي هاذي اخرررررررررررررررر رساله لك واغيري الشريحه خلاص واصبري شهر كثفي الدعاااااااء فيه الدعاااااااااااء خصوصا وانتي ساجده قبل لا يصير شي وطمنينا عنك ننتظر اخبارك سوي الي قلته عليه وكمان تقربي من جدتك اصبري على عمرك روحي لجدتك وكلميها قوليلها عيالي انا ابوهم خلاص طاب خاطري منه دام صدق فيني الكلام الشين بس عيالي ياجدتي ضرررررررررررروري تحاولين تميلين جدتك لصوبك بيني انك منكسره ابكي شغلي كل اسلحتك عند جدتك مهم مهم مهم لان الجده لها تاثير على ام زوجك ويارب نسمع منك اخبار حلوه
|
حبيبتي فايض حناني
والله حاسة فيج تحبين زوجج وما تبين تتطلقين وتخترب حياتج بس بقولج شي انتي اللي خليتيه يلعب بمشاعرج ويعامل امج وابوج بهالمعاملة ويسيئ لهم لان كان يغلط عليج كل مرة ترجعين له بسهولة ومن يقول لج يلا رجعي ترجعين عالطول المفروض تثقلين ويكون عندج شخصية قوية ومدام وصل فيه انك يشك بشرفج ويقول ان عندج علاقات المفروض تكونين قوية وتردين عليه بكل ثقة ولا تبكين ولاتحسسينه انج ضعيفة المشكلة ان زوجج غلط عليج واتهمج بشرفج وانتي ترسلين له كلام حل وتبين تراضينة ليش حبيبتي المفروض زوجج اللي يركض وراج مو انتي جذي تحسسينه انج ما تبين تتطلقين وهو عارف هالشي من جذي يلعب بمشاعرج ولانج ضعيفة ياخذج باي وقت ويخليج ببيت اهلج اي وقت المفروض تسوين هذي : انج تكونين قوية اولا شخصيتج مثل ما هو ما يهتم فيج وما يرد عليج عامليه بالمثل لاتهتمين فيه انشغلي بولدج واللي في بطنج ضحكي استانسي والاهم ان اذا اتصل فيج لاتهتمين ولاتردين خليه يحس انج ما تبينة خليه يركض وراج صدقيني والله لو جربتي بتقولين كلامي صح بيحس انج قوية وبيحس انج ماتبينه لان انتي حسستيه انج ماتقدرين تعيشين بدونه وهذي اللي يخليه يغتر بنفسه ومايرد عليج خليه اهمليه عيشي حياتج لاتردين على مكالماته لاترضين على اهلج امج وابوج كوني قوية اوكي حبيبتي وربي يهديه لج ويررجعه مثل ماكان قبل واحسن |
كم آلمني قلمك عزيزتي زوجك مثل المنديل في الهوا كوني صآرمه أكثر إثقلي .. لآترسلين ولآ تتصلين إذآ بغيتي ترسلين إرسلي شي يقع بالصميم شي يمسك الوتر الحسآس ذكريه بربه ترآ أهله هم سبب تنكيد حيآتج غآيرين منكم والله .. هذا الحب كله دآيم خلوه خآص ترآ الحسآد مآمآتو والشيطآن مآمآت آخ من الحسآد .. إلى متى..؟ ذكرتيني بأمي جد حزنتيني حبيبتي ,, آمي تعآني من حسآسية تملأ جسمها بالكآمل لآتنآم الليل إلآ بمهدئآت بسبب ,, ((يوم ملكة جآت وحده وقآلت لهآ إن شآء الله ماتتهنين إن شآء الله جلدج يتنتف نتفه نتفه)) والله حبيبتي حصنو نفسكم يآجآتكم عين .. مع مدآخلآت شديده تجرفه |
عين وماصلت على النبي
عين دخلت بينكم وعين اهله بالذات والحق ينقال انتي لو ساكنه روحج معاااه جان ماصار اللي صار |
قصتج تعور القلب وايد تحملتي اهانات
الغاليه تلاحقي عمرج انا مستغرب وين كرامتج في الموضوع لو انا منج مااقعد بيت اهله وبطلب الطلاق اذا الموضوع فيها شرف بطلب الطلاق والعيال مابيضيعون ان شالله العيب منج انتي شجعتيه يذل اهلج معاااج باختصاااار طرشيله مسج اكتبيله انت ماتشرفني اكمل حياتي معاك .. اللي يشك بفراش زوجته وام عياله هذا انسان مريض واللي تكلم عني عندك خلهم ينفعونك اليوم والله لو توصل السما ماراح اردلك.. في النهايه قوليله الله يشفيك ولاتزيدين بجوفين يحرق تلفونج بيستفزج بيطلع كلام عليج احقريه ودوسي على قلبج . وارحمي ابوج ابوج موب صغير يتحمل اهانتهم وكلامهم بالشرف ... والله يعينج |
حسبي الله ع هالنوع من الرجال واهلهم.. وربي احس بحرقه في قلبي من القهرمنهم.. حبيبتي فيه 1000 رجال يتمناك لابوه لابوهم تموتين عمرك عشانهم.. والله يخليلك هاشايب الي واقف لك سند.. خلي رايك براي ابوووك.. |
طمنينا عنج
|
أختي سعمعي كلام أبوج كلامه هو المنطقي
وزوجج طنشيه لين ما ربي يفرجها كثري الاستغفار والدعاء بالسجود والله يفرجها عليج |
لاحول ولاقوة الا بالله ...أكثري من الاستغفار وقول لا حول ولا قوة الا بالله *
وعندك اب جوهره الله يحفظه ياأختي اذا انتى ماعندك كرامه عالأقل كرامه لوالدك المجروح الى أنطعن بعرضه لاتذلين نفسك وكافي اتصالات ورسايل ! |
غيري رقمك هالآيآم وحاولي انك ماتحفظين ارقام عماتك وخواته بالجوال عشان لايطلعون لك بالواتس اب
خليك مختفيه ومطنشه هالايآم .. وصدقيني بيستغرب الكل ونصيحه نصيحه نصييحه اتخذي وانهجي قرارات ابوك .. لان كلآمه عين العقل آخ مدري ليه حبيت ابوك وشخصيته .. اظن السبب لأني افتقدت ابوي الله يرحمه = ( ربي يكتب لك السعاده في الدنيآ والاخره |
الله يعينك
وش دخلك للشات مع اخوات زوجك !! مو عارفه ان االشات وساخه !! |
أكثر من الإستغفار فهو علاج لكل مشكله :
من ثمار الإستغفار : 1- إنشراح الصدر والراحة النفسيه . فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) . 2- أنه حل لك مشكلة ولكل هم . قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) . 3- الرزق ( المال والولد ) . قال تعالى : (فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) . |
انا ماني عارفه ليه متمسكة فيه اللي أشوفه أنك نزلتي نفسك كثير له وضيعتي هيبتك عنده وش ذا الرجال اللي كل يوم بحال توك صغيره وبما ان قرارك بيد أبوك التزمي فيه زوجك من الرجال اللي مايحبون الألتزام بالحياة الزوجية متي مابغاك دورك ومتي ماخلص حاجته لاعت كبدة منك وش ذا التوتر أطلبي بيت لحالك يمكن يتسنع غير كذا العيشه مع أهله بتكبر المشاكل بما أن الحريم يلعبون فيه كل يوم والثاني مطلع لك سالفه وش ذا الرجال اللي يتكلم علي زوجتة بشرفها وهو مقتنع ويرجع يرجعهاا متحجج زوجك وجالس يفتعل المشاكل
|
والله ياوخيتي اني حاس بك ومنقهر ومنغبن ، الشكوي لله يابنت الحلال
استغفري ربك واذكريه وطنشيهم وخليك واثقه من نفسك والحقران يقطع المصران هم يدورون عله عشان يسببون هالمشكلة والا ليه ماتكلمو من الاول قبل لاتزوجين ؟ ولا ابي اضيق صدرك حتى لو ترجعون لبعض ياخوفي ماتكون حياتكم مثل اول الله يفرج همك - الله يفرج همك - الله يفرج همك " إنا لله وإنا إليه راجعـون " الله يطول بعمار والدينك ويخليهم ذخراً لك ويهون عليك ولادتك ويقومك بالسلامه يارب |
ماتقصرون اخواني وخواتي ابشركم ولدت ولله الحمد بس دعواتكم للطفل بالحضانه وزنه قليل بسبة النفسيه اللي كنت فيها ،، جتني ام زوجي عمتي بالمستشفى صادف يوم ولادتي هي كانت بنفس الديره جت مع ولدها الثاني مو زوجي دخلت علي وانا كنت والد صارلي خمس ساعات بالجناح وهي واقفه وتتكلم بنفسيه وقالت هذا حساب المستشفى سددته على فكره ماسددت الا حساب الولاده لكن اللي قبل الولاده ماسددته عشاني جلست خمس ايام تعبانه وفيني طلق وماولدت الابعد الخمس ايام والباقي سدده ابوي ولكن حساب الطفل ماسددته لانه الى الان بالحضانه ماطلع لكن تصرفها كان غريب معي قالت هذا ظرف سددت حساب المستشفى وهذا ظرف صغير من عمك للمولود تقصد من ابو زوجي وقالت مبروك بنفسيه وراحت عيت تجلس وهي واقفه وعمي جزاه الله خير ماتوقعت تصرفه كذا لكن الحمدالله بين فيه الطيب اتصل فيني وبارك لي ومره فرح اني رديت عليه وجلس يتحمدلي بالسلامه وقالي ياجعلك ماتشوفين الشر طول عمرك وانتي بنتي واذا محتاجه شي دقي علي وانا ابوك قلت ما احتاج الاسلامتك وقالي سلميلي على امك وابوك كثير السلام وسكره مع العلم ان ابوي مايكلمه ولايرد عليه ويوم دق علي قالي ابوي ردي عليه ولاتسالين عن احد منهم بس قولي انا بخير والحمدالله لاتجيبين طاري عمتك ولابناتها ولازوجك ولاتقولين وشلونهم ابد وسويت مثل ماقال ابوي لكن زوجي مادق ولاسال عن ولده ولا بارك لي ولاتحمد بالسلامه ما اتصل فيني ولا ارسل ،،والحين احس باكتئاب اصحا بالليل ابكي مخنوقه وهو يدخل الواتس اب ومايكلمني ولا اي شي وطفله صغير مره وبالحضانه ولاجا يشوفه ولا ارسل مصروف لولده الكبير ولا لولده المولود ماني بحاجته بس شي يحز بالخاطر وش جاه مني ليه كل هذا طيب يبي يطلق ليه مايطلق ليه للحين يماطل على فكره جاني ولد عمي للمستشفى وباركلي وقالي انه واجه زوجي بالشرقيه وانه كلمه ونصحه انه لايخرب بيته وان اللي يسويه بيرجع عليه وكل شخص له حوبه وقاله تراها اختي اللي ماجابتها امي ومانرضا باللي يصير لها وش جاك منها مارد عليه قال وقسم لو انك شايفه معها بالفراش ماسويت كذا ليه من اول تأسس اسره مارد مدري وش فيه لاكلموه عني سكت والتزم الصمت وش تتوقعون ناوي عليه مع اني قبل اسوا عيونه ومايحلف الا بغلاتي وبس اسمي بالسانه انا مستغربه معقوله قدر يكرهني ولاقدر على فراقي وش تتوقعون من تصرفاته؟؟
|
| الساعة الآن 05:30 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©