|
حل مشكلتك بسيط باذن الله ...
أولاً قم بحضر رقم جوالها لشركة الاتصالات التي تتعامل معها و قم بالتبليغ عن رقمها كرقم معاكس. ثانياً ابلغ زوجتك بالموضوع حتى تكون على اطلاع في حال حصول اي شيء في المستقبل لا قدر الله. ثالثاً ارسل رسالة الى زوجها من رقم مجهول كشريحة سوا او غيرها , و اجعل نص الرسالة بسيطاً دون ذكر التفاصيل مثل ((نصيحة من فاعل خير انتبه لأهلك)). رابعاً بعد ارسال الرسالة من المتوقع ان يبدأ زوجها بمراقبتها لذلك كن حذراً و حاول ان يكون خروجك و دخولك للشقة في الأوقات الغير معتادة بالنسبة لها حتى لا تحرجك او تضعك في موضع شبهة بفتحها باب الشقة كما فعلت معك سابقاً , و يفضل ان تجعل زوجتك تفتح لك باب الشقة حتى اذا ما تكرر الموقف تكون زوجتك موجودة و تبعدك من الشبهة. خامساً اذا استمرت على هالحالة حتى بعد تبليغك زوجها بمدة كشهر او شهرين فلن يبقى امامك الا تبليغ الهيئة عنها من دون حشر نفسك في الموضوع , يكفي ان تقول لهم انها تكلم و تواعد شباب , و من تقوم بفعلها عادة تكون تكلم شباب آخرين غيرك و سيقبضون عليها حتماً بالجرم المشهود في يوم من الأيام. |
ياخى انت احسن واحد
تصدق مانى مصدق معقوله فى هذا الزمن بنت تسوي كذا ؟؟ وما تخاف ورجال يقول لا ؟؟ ذكرتنى بالكريم ابن الكريم ابن الكريم |
ياخي انا واجهت بنات وبنات يسمون بنات شوارع على قولتهم بس ماصلحوا مثل ماتصلح الحرمه هذي
هل انت متاكد انك ماتعرفها من قبل جاوب وبكل صراحه ؟ |
الله يحميك ويحمي زوجتك بصراحه مشكله احس انو مالها حل الا انو انت تنقل تبيع الشقه لانو انسانه مثل هذي ماتخاف الله توقع منها اي شي حتى السحر لا تستبعده عنها.
بس ممكن تاخذ الاستشاره من مختصين اذا كنت داخل السعوديه تتصل بالرقم 8001245005 اعتقد دوامهم يبدأ في رمضان من الساعه تسعه مساء ما اعرف متى ينتهي لكن رقم مجاني وناس مختصه اكيد راح يكون عندهم خيارات اكثر من الي عندنا . الله يحفظك ويكفيك شرها بما شاء وكيفما شاء انه على كل شيء قدير |
إخواني وأخواتي الأعزاء على قلبي أشكر لكم تعاونكم على الخير
ووقوفكم إلى جانبي في هذه المشكله التي أمر بها حقيقه شعرت بمعني المحبه بين أعضاء المنتدى الله يحفظكم من كل مكروه وحبيت اقولكم بأنني أخبرت زوجتي بكل شي وأثبت لها ذلك برسالة وصلتني البارح من الجاره تعرضت زوجتي لصدمة نفسية وبكاء أسأل الله أن يكون بعونها ساعتين وانا أهدئ فيها مقهورة من الجاره ما ألومها بالأخير شكرتني لأني ما خبيت عليها وأتخذنا حلول سريعة إن شاء الله نرتاح منها : 1 ) - تغيير رقم جوالي ولو طلبه جاري بعتذر منه بأي عذر . 2 ) - تغيير رقم جوال زوجتي وهاتف المنزل . 3 ) - أي طريقة من الجاره للتواصل نحتفظ فيه كدليل يدينها . 4 ) - تغيير وقت خروجي المعتاد . لا تنسوني من دعواتكم يالغالين ,,, |
عساك على القوة ياخوي
كويس ان زوجتك على علم الان انت الان مرتاح الله يفرج كربتك وجميع المسلمين |
اقتباس:
احسن شي سويته علمت زووجتكـ وهذي هي ما جاهآ شي شويه صدمه وقامت تفكر معكـ بالحلول وقلبها عليك الفترهـ هذي لازم تشتغل على حاجتين : ـ جمع الأدلة من رسايل ومكالمات ولو أمدآكـ تحط كآميرا صغيرهـ مرهـ ع باب شقتكـ بحيث أنكـ تصيد تحرشاتها وفتحها للباب << ترا هالفكرهـ وربي قويه جدا لا تنسى أنكـ سآكن على طول ودليل قاطع لأي مواجهة مستقبلية . ـ حاول تقرب من زوجتكـ وتوصل لها حبكـ لان مثلك عارف انصدمت من هالموقف وتحتاج تهدئة عاطفية ونفسيه ،، ولا تنسى إنكـ في الفترهـ هذي تبحث عن حلول وتستشير أشخاص يشتغلون بالهيئة بمثل التصرف مع هذي الحالات أو تستشير أشخاص يشتغلون في أقسام شرطه ،، يعني هالفترهـ خليك مخبر اقعد جمع معلومات وأدله وبراهين عشان تواجه أي تصرف مستقبلي موفق خير وقلبي معاكـ ،، اخوكـ |
حلولك جدا مناسبة .. بس خل زوجتك تبين لها انها كاشفتها
وأهم شي الأدلة احتفظ فيها.. ولا تغير موعد طلعتك ماعليك منها طنشها والله يوفقك ويكثر من أمثالك ويستر على بنات المسلمين |
علم زوجتك بسرعه...ولاتقول بصير كارثه ليش تصير كارثه يعني اذا بتصير تصير بينها وبين الجاره وصدقني هذي الجاره ماراح يوقفها عند حدها الا زوجتك...
لو ماخبرت زوجتك بتصرفات الجاره هي راح تعرف بالصدفه عاجلا ام اجلا صدقني راح تعرف الله يمهل ولايهمل..مهما كنت حريص وتمسح الرسايل اول باول لابد يجي يوم وتطيح في يدها رساله وقتها مستحيل تق فيك وبتقول لو انك برئ كن خبرتني عى طول مو تخبي علي .. خبر زوجتك قبل لاتنتبه ..ترى لو ماخبرتها وعرفت بالصدفه والله ماراح تصدقك وقتها ولو تجمع الجن والانس عشان يفهموها الموضوع ماراح تصدق..لانها كشفت الموضوع بنفسها وبالصدفه.. عكس لما انت تخبرها اول باول بتكون ردة فعلها غير وراح تزيد ثقتها فيك ... والجاره هذي اعوذ بلله منها...تقول بتموت من الخوسبحان الله تخاف من الناس وماتخاف من ربها..لو تخاف من ربها ماتسوي كدا حتى لو كانت عايشه وحيده مالها احد..مصيرها بتنكشف لو بعد سنه.. |
سبحان الله
سمعنا قديماً من يقول ( الجار قبل الدار ) .. اي ان اختيار الجار اولى بالاهتمام من اختيار الدار وفي ديننا الحنيف كثيرا من النصوص الشريعة التي تحدثت عن الجار والجوار لكن بعض من المسلمين يغفل عن هذه النصوص ويهمل اهمية الجوار وما يترتب عليه ..! الاسلم لك ولزوجتك و لعرضك وسمعتك ان تترك جوار هذه المرأة نسال الله لها الهداية ولكم التوفيق .. |
كويس إنك قلت لزوجتك ..
تفاديت مشاكل كبيرة كان ممكن تتبلاها عليك جارتكم .. و قفلت باب إبليس عليك و على بيتك |
احسنت يا اخي
لا تنصوا تحصنوا انفسكم هذي الشريرة ممكن تعمل لكم سحر كما تعلم السحر يفرق بين الزوجين الله يبعدها عليكم الرقية الشرعية يا اخي سهلة ما فيها شيء خاااااصة سورة البقرة |
الله يستر عليك ويحفظك من بنات الحرام |
الله يوفقك ويكثر من امثالك
|
فين الرجال يسمعون منك
ويتعلمون منك الوفاء الله يسعدك فعلا صاير عملة نادرة فى زمن الملوث |
من كلامك:
المهم أنا وزوجتي ما نخبي عن بعض ولا كلمه وحده صريحين لأبعد درجة من تزوجنا وهذا حالنا إللي في قلبي لازم اقوله لها . طيب خليك على المبدأ نفسه.. وقول لزوجتك وحلوا المشكلة سوا.. |
من قهري من جارة السوء .. رديت قبل أقرأ إنك قلت لزوجتك..
عموما.. خير ماسويت.. الله يساعدكم وتتجاوزوا شرها والله يوفقكم. |
الحل بكل بساطه تخبر زوجها
وهو يتصرف معها لاحول ولاقوة الا بالله |
انا رايي اذا انك متاكد انها هي -تقوم وترسل رساله من جوال غير جوالك لجوال زوجها وتقوله روح الحين فتش جوال زوجتك تراها تلعب بذيلها لانه الشخص الوحيد اللي بيده حل المشكله-صدقني اذا انت ماردعتها بتتمادا اكثر واكثر لو مو معك مع غيرك -اتمنى تاخذ تصرفاتها بجديه وتبعد عن العواطف
|
حسبي الله عليها وعلى كل من يدعوا للرذيلة وخراب البيوت
الله يشغلها في نفسها ... |
جزاء الله كل من ساعدني بالحسنات احسانا
واطلب من الاداره الكريمه حذف مشكلتي لانتهاء المشكله |
اقتباس:
يمنع المنتدى طلبات الحذف لذلك يغلق الموضوع |
| الساعة الآن 06:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©