|
اقتباس:
|
اقتباس:
مستحيل يضغطو علي وقراري نهائي.. وانا ان شاء الله راح اكون متواصله معكم..مشكوره حبيبتي |
اقتباس:
ردودك السابقة كنت اتمنى انها مجرد توقع لكن هي اللحقيقة للأسف...وما اقول الا قدر الله ما شاء فعل..انا استخرت قبل هالزواج واكيد ربي ما اختاره لي الا لخيرة وحكمة هو يعلمها... مشكوره يعطيك العافيه..وحقي اكيد باخذه بالمحكمه... |
اقتباس:
بتكلم عن شخصية زوجي او اللي كان زوجي:d انا الى الآن ما ادري هو علي انا فقط ام هذي هي شخصيته... لكن اذكر دايمن يعصب على الهنود ويهاوشهم على اتفه شي مره قال هندي حنا مسوين تخفيظات وتهاوش معه على كذا... ابوي يقول الحمدلله والشكر لقيته مره يتهاوش مع الهنود بالبقاله!! مايتحمل احد يسأله كثير شفت هالشي لما راحت اخته معنا مره للمستشفى ومره شفته عند امه كذا.. مرة يهاوشني يقولي انتي ماتطلعي بالحوش قلت حنا بالصيف مو بالشتى نطلع الظهر نتدفى ..خذ طفلي وحطه بالشمس الساعة 3 الظهر والطفل احترق من النار!!!!!... النقاش والحوار ماينفع معاه وامه الآن تقول حنا عجزنا عنه مو قادرين عليه لأنهم يحاولون انه يرجعني ..وتقول ما جبت اعند واخبث منه...ابوه يقول نفس الكلام.. انا جربت الحيله معه بالأقناع تنفع معاه... زوجته الجديدة لا ادري هل حبيبته كما قال لي ام انه فقط يقهرني.. اليوم دقت علي وحده متصادقه معاها عندهم قالت لي -اللي سواه ما يصلح ابدا كل اللي عندنا انتقدوه يقولون بدل ما ترجع زوجتك واطفالك تروح تتزوج؟؟؟ -وماراح تلاقي زيها ((اللي هي انا))ابوه يدعي عليه يقول الله يسلط عليه...وقال لما راح يخطب انا ما راح ازوجك انت تختار.. - وان زوجته الجديده من اختياره عن طريق وحده من اخواته ....هي اخته الكبيرة.. اخته هذي لما راحت معانا للمستشفى كانت تقول له ماله داعي تنام عندها مايصلح جماع الحامل..؟؟شدخلها ما ادري...ولما اكون معاها عند زوجي دايمن تطلعني اني غلط...وبينه وبينها علاقة قويه... على فكرة:) اخته بنتها اصيبت بنفس المرض الروماتيزمي اللي عندي!!! اخته الثانيه كان يقولي هذي دايمن تجيب اشاعات عنك... |
لالا يا أختي لا تشمتي بابنتها أنتِ أكثر واحدة تعرفين قسوة هذا المرض فلا تتمنيه لغيرك يا حبيبتي ... باذن الله يعوضك الله فقط صفي النية وطالبي في حقوقك فقط ومن ظلمك ربك القوي العزيز لهم بالمرصاد في الدنيا أو في الآخرة وفقكِ الله |
الماض الدفين انا لم اتشمت بها بل اقول هي من تدخلت وتشمتت بي وهو قضاء وقدر لا حيلة لي فيه فأبتلاها الله
اذن مافي بنتها ابتلاء وحصاد لما زرعت والله يبلوهم في اموالهم واولادهم |
آآآآآآه يالقهر .. ماله دخل يتحكم فيك مافي طلاق .. ماله اي دخل بحياتك انتي من حقك تعيشي معززه مكرمه وببيت حلو وجديد ومن حقك ان زوجك يحبك ويدلعك ويصرف عليك .. ومن حقك تعيشين حياتك .. واياني واياك ترجعين حتى لو ابوك وافق
وحتى لو سوى لك بيت لحالك لاتروحين تكفييييين لاترجعين والله احس بقهر ماودي ترجعين لشخص مايستاهلك وابوه بكل برود يقول كلامه وكالعاده يتدخل ويرجعكم .. ماعليك منه قولي له انا ماحب ولدك ولا عيالي وزوجك مابي منه شي خله اهلي معيشيني احسن من عيشتي عندكم .. مصروف ودلع وتمشيات وكلام حلوو ونفسية عيالي احسن وانا بعيده عنه .. ورجاءً لاتتدخل بحياتي انا من حقي اتزوج شخص يحبني ويقدرني ويعيشني ملكه والعيال ماهم ضايعين ولو انك خايف على العيال مارضيت له يتزوج علي وكان خليته يصرف علي ويبني البيت ويدلعني .. وانا مو بنت من الشارع عشان تعاملوني كذا قلبي انغسل منه وماعاد ابغاه .. وقفلي جوالك لاتكلمينه وقولي لابوك انك ماتبين ترجعين صدقيني هذا مايستاهل تضيعين اكثر من ماضيعتي معه ..لاتضيعين عمرك وبالنسبه للحضانه للحين ماجربتها بس في ناس من اول ماتتطلق تطلب الحضانه لامها عشان لو صار وتزوجت يصيرون من حضانتها بس اساساً اذا ماتزوجتي الاطفال لك لحد 7 سنين وبعضهم يقولون 9 سنين .. والولد يخلونه يختار بينكم .. عموماً .. انتي قدمي ورقة خلع او فسخ نكاح حسب حالتك يعني اذا زوجك مانفذ شروط بالعقد حق الملكه قدمي طلب فسخ نكاح بدون دفع المهر يعني ماتدفعين له مهره .. مثلاً انت شرطتو مصروف شهري وهو ماعطاك غير شهرين او شرطتو بيت وهو ماسواه هذول كفايه في فسخ النكاح بدون مهر .. ويمكن يجبره يدفع اللي مادفعه وتسوي ورقه ثانيه في طلب نفقه وحضانه .. على فكره المحاكم مطوله ولو تقدمينها بعد ولادتك لازم تنتظرين 3 -4 شهور .. وماراح يعلمون زوجك انك رفعتي قضيه الا اذا قرب موعدها .. عشان كذا فكري متى تقدمينها .. ياخوفي ابوك يفكر يرجعك |
اقتباس:
مشكووووورة الله يفرجلي ويفرجلك ويعوضنا خيرا منه... |
الله يعوضك خير ويخليك لعيالك يارب
|
الحين ابوه قاعد يدافع عني عند اهل زوجة زوجي خخخخخخ ؛؛<<مدري وش يحس فيه كأن الضره على راسه مو على راسي...
يقول هي مافيها عيب ابدن وما سوت لولدي شي يخليه يتزوج عليها وما اخطأت بحقه ابدا وما قصرت معاه بشيء لكن انا غصبته عليها وهو مغصوب!! لأني كنت ابي قرب اهلها وولدي كنت اتوقع يغير رايه بعد زواجه منها ...والله ما اخليه يطلقها... ايه هنا عندي نقطه استفهام؟ عندي يقول ما غصبته<<اتوقع يجبر خاطري او هذي هي الحقيقه... وعندهم غصبته<<يعني هذا هو عذر او مدري الحقيقة... لكن اللي اقدر اقوله انا مع تقلبات هالشايب ان ولده مجبر علي ويريد غيري والله اعلم |
اقتباس:
|
الطلاق كلمة سهلة لكن عواقبها ربما ستكون وخيمة
عليك بالتفكير مليا قبل اتخاد اي قرارسيما انت بوضع نفسي متازم وسئ.. نصيحتي بان لا تتسرعي بل امنحي نفسك وقتا أطول انتي الأن غاضبة ووضعك غير مناسب لإتخاذ هذا القرار كما عليك التفكير بما بعد الطلاق الاولاد هل سيبقوا معك ام معه وهل انت قادرة على تأمين مسكن ومصروف لهم !؟ |
اقتباس:
والأطفال سيتشتتون الآن ام لاحقا لأن هذا الزواج فاشل |
الحمدلله انك ماراح تتراجعين .. وبالنسبه لحركة ابوك حلوووه ..
وابو زوجك ماعليك منه .. هو خايف يضيعون عيالك وشكله خاف لما شافك تبين الطلاق قال اجل بحاول اخرب زواجة ولدي من الزوجه الجديده عشان انتي ترجعين لزوجك .. بس حتى لو رجعتي وهو مايحبك ولا يقدرك ولايعاملك زين ومجبور عليك ماراح تستانين وتتهنين .. انا افضل انك تقفلين جوالك عنهم احسن او حطي خدمة مقفول .. او موجود لووول.. وحاولي تريحين اعصابك انا مثلك حامل بس انا بالشهر الثامن وموعد قضيتي بالخلع 30 - 10 شوال قدمتها وحطو موعدي بعد 3 شهور وشوي .. ياااارب يطلقني بدون محاكم وارتاح .. وبالنسبه لعيالك ونفقتهم تقدرين تطلبين نفقه + سكن + النفقه اللي مادفعها قبل ..كلها من زوجك غصبن عنه وعسى ربي يوفقك ويسعدك وطمنينا عنك بكل جديد |
فرج الله همنا وهمك وهموم المسلمين
واصلح الله لك حالك اختي الغاليه ,, |
اقتباس:
والله العظيم ان كلمة ارجعي تضيق صدري ... مو راجعه ابدا... وربي يفرجلك بسهوله مع زوجك ويعوضك خيرا منه... وحلو اطلب سكن ونفقه لهم مع حضانتهم بكذا مااااات زوجي قهر خخخخخخخخخخ:22: الحين عندي ناس قاعدين يتفلسفون اللي هم جداتي:11: كلهن يقولن بس يتزوج هالجديدة بيندم على اللي سواه فيك...وبيرجع يحب رجولك :( طيب زوجة عمي متحمسه بالمررررره واتقول خلوهم لا تطلبو الطلاق خلونا نشوف ش يسوي بعد الزواج والله ليرجع... وانا اقولهم:25: ما راح ارجع لو عطاني عيونه:25:... وعندي جيش :18:كااااااامل خخخخخخخ يدعي عليه:17:... بس امي كاسره خاطري يا حراااام تدعي عليه دايمن..م ابيها تنقهر كثير... ورجوع:29: مافي رجوع... زوجي امس دقيت عليه ومارد علي ابدا واخر شي ارسلت له رسالة انا برجعلك اليوم :d رد علي بنتفاهم ؛؛<<حيله علشان يرد:23: ..وبعدها لقيته اتصل ثلاث مرات قال زي مارحتي مع اخوك ترجعين ...قلت لا اولا راضيني بعشرة الاف قال اذا جيتي نتفاهم.. قلت طيب تبي مني شي باقي لك شي قال ابيك ترجعين ... قلت طلقني واطلع من حياتي حل عني..قال لا واطفالنا قلت طلقني وقال مع السلامه... انا شايفه انه سهل لو اضغط عليه طلق لكن ابوي منعني قال لا بالمحكمه حنا اللي نبدا ونفسخه من ورا خشمه .. |
السلام عليكم ورحمة الله وبركاته .. كان الله في عونك أختي ,, بالنسبة للحضانة كما اعرف تكون للأم حتى سن معين يخير فيه الطفل ,, وإذا تزوجتي خلال فترة حضانتك تنقل الحضانة لأمك ثم لأخواتك ثم لامه ثم لاخواته ,, وهكذا إذا انعدمت الأوله انتقلت الحضانة لمن تليها .. الخلع أو فسخ عقد النكاح تستطيعين طلبه بناء على عدة اسباب منها ,, عدم النفقة , الكراهية , الغياب لسنة لغير المنفق ولسنتين للمنفق , عدم المعاشرة .. الخ اهم شئ تختاري السبب الحقيقي لأن المحاكم تطلب شهود وبراهين ويمين .. لكن لي رجاء ,, وهو إلا تشمتي بأحد ابداً واستخيري الله قبل إن تقدمي على أي خطوة ... وخففي من إنفعالك الواضح فالأمور هذه تحتاج لصبر وهدوء رغم صعوبة ذلك .. وتيقني أن المتضررين الوحيدين هم الأطفال ,, فليس من السهل ان يعيشوا في بيئة ينقصها الشمل العائلي . واسألي نفسك هل انت مستعدة تماماً لتحمل الآثار المترتبة على قرارك أمام الكل . وخاصة اطفالك مستقبلاً , فقد لا يتفهموا سبب قرارك ويلموكي على ما اقترفتيه بحقهم . استخيري الله وادرسي الموضوع جدياً بدون تعصب أو غضب أو انتصار للنفس .. واقتنعي تماماً بما ستتخذينه من قرار .. كان الله في عونك .. فما تعيشنه مؤلم ,, وما قد تعشينه إذا قررتي الانقصال قد يكون مؤلم ايضاً . |
اقتباس:
|
اقتباس:
في اسباب كثيرة للفسخ ... وفعلا في ضرر للأطفال لكن هناك من عاش يتيم ثم اصبح ذو شخصية عظيمة.. انا مقتنعة جدا بقراري وحياتي مع زوجي مستحيله... انا في هذه الأيام لا اخفيك فأنامنفعله لأنني مررت بحياة قاسية مع زوجي ختها بزواجه..ووالله لو كان طيب التعامل معي قائم بحقوقي لأستمريت معه لأن التعدد شرع رب العالمين ولكن زوجي سيء حاقد كاره لي ذو عقل صغير... شكرا لك حبيبتي يعطيك العافيه |
اقتباس:
بارك الله فيك،،، |
زوجك مايبغى يطلقك الحين .. عشان العيال .. مشكله والله .. يعني مافي الا محاكم ..
عموماً لاتنسين تفهمينه برساله انك مستحيل ترجعين له بس خلال كلامك ورسايلك انتبهي تسبينه او تغلطين عليه لانه راح يمسكهم ادله ضدك وقت المحاكمه .. وانتبهي ينرفزك وتعلمينه انك راح تشتكين عليه .. والله متحمسه معك والحمدلله اهلك واقفين معك .. انا امي واخوي الكبير ضدي وباقي اهل امي واقاربهم والحريم يقولون اصبري عليه وكل الرجال يخونون ويخربطون ووو الخ ولازم تتحملين عشان ولدك واللي جايه ببطنك .. ويقنعوني اتنازل عن الخلع وانا قلت بفكر بعد الولاده .. لان الموعد بعيد وقلت لو تنازلت عنها عشان افتك من حنتهم واروح واجي براحتي مايعاملوني كاني مذنبه .. بجلس معلقه لحد مايزهق ويطلقني .. ونفس الوقت مابي اتسرع .. ويارب يجي ابووي ويطلقني منه انا غلطتي علمته اني اشتكيت عليه خلع وعلم اهلي وقلبو الدنيا فوقي .. لكن بصراحه احس براحه االحين وانا بعيده عنه احس بحريه ووناسه وكرامتي فووووووق .. وراح اتوظف واسوي كل شي ابيه وانا معلقه لحد مايطلقني او اطلق نفسي بنفسي .. لكن مايمنع اني استانس شوي قبل يعاملوني معاملة مطلقه .. الله يفرج همك وهمي ياااارب ويخلي لنا اولادنا وبناتنا .. يارب بنتي تكون بحضانتي علطول او تصير ولد.. |
ربنا يوفقك ويقويكى وتقومى بالسلامه ويرزقك سعادة الدارين ويعوض عليكى وعلى اولادك واهلك بكل خير
|
اقتباس:
اكيد زوجك واهله جالسين يسبون فيك امامهم من وراك..وحاطين عيوب الدنيا كلها فيك..لايغرك كلام امه وابوه قدامك..لان من وراك اكيد حاطين البلا فيك..ولا مستحيل بنت عمرها 17 اهلها يرموها على واحد مثل هذا..الا ادا هم ناس مايصدقون على الله بنتهم تنخطب و يصير عندهم مناسبه.. ومااعتقد انها حبيبته الي يقلك عليها لو كانت حبيبته ليش ماتزوجها من قبل خصوصا انه فيه علاقات بينهم اخوه ماخذ اختها ..يعني مافي شي يمنعه من الزواج منها..قبل لايتزوجك حتى لو كانت صغيره يقدر ينتظرها هو كمان صغير مره وغلط ابوه زوجه من بدري انا اشوف افضل سن لزواج الشاب في هذا الزمن هو 27 او 28 وفوق ولو انه عمر الطبع مايتغير حتى لو صار عمره 50 سنه..... والحمدلله ربي فكك منه ..والله يقومك بالسلامه ويعوضك الزوج الصالح الي يقدرك.. |
اليك هذي الخاطره وهي من اجمل ماقرأت لشخص له خبره في الحياه...
تعلمت أنه... من الصعب ان اعطي فرصه لمن رفضني... ومن الصعب ان احب من لايحمل لي اية مشاعر... فعلمت انه... من رحل عني يوما..لايمكن ان يعود..ومن يحتاجني لايمكن ان يرحل عني دقائق.. |
ليه الغرور مشكوره حبيبتي ورجوعي له شي مستحيييييل
شوفي ما تزوجها ?نه ماكان موضف وما عنده فلوس بس اتوضف صار راتبه 8000 الاف خذ قرض بشهرين واتزوج بسرررررعه هذا دليل انه يبيها وشخصيته مايعرفها الا اللي يعاشره وسمعته بالمرررره كويسه يقول ابو البنت لو يبي يبي بنتي بلاش عطيتهياه معجب فيه واذا اهله يحشون فيني بيطلع كل شي ياخبر بفلوس بكره ببلاش شوفي انا حاسه ان فيه مرض نفسي او عدو لدود لي انا اخاف من الحشرات وكان في نمل كبير بالبيت ويروح يحط طفلي وعمره 8اشهر حطه عنده ويقوله اذبحه وياخذ يد طفلي ويضرب فيها النمل ولو عظة طفلي لأذته ؟ مدري شكل هالرجال مو صاحي |
إهتمي بصحتك بهالفتره واتركي التفكير بشي بما إنك اخذتي قرارك ومرتاحه له خلاص اعتبري موضوعك منتهي علشان ماتأثرين على حملك وإن شاء الله ربي بيكون معاك في كل امورك ويعوضك بأطفالك خير ويفرج همك وهم اختنا الملاك لونا وهم كل مسلم ومسلمه يارب الملاك لونا كيفك؟ انتِ بعد اتركي كل شي واهتمي بنفسك ونفسيتك مانبغى اطفال عصبين ومتوترين من كثرة التفكيرالله الله يكون بعونكم ولاتنسوا يابنات الدعاءبهالايام الفضيله ايام رمضان وكثرة الاستخاره والاستغفار |
اقتباس:
بسألك كم عمرك وعمر زوجك؟ |
اقتباس:
|
اقتباس:
الله يكون بعوننا |
في نقطه حبيت اوضحها انه ماشاف زوجته الجديده يوم الخطبة...لأنهم ناس متشددين وعالشي عندهم عيب وممنوع....حتى انا ماشافني هم مايتقبلون الرؤيهالشرعيه...
هي مادحتها له اخته مدح بكل شي جمال واخلاق رغم انها ليست جميله |
تدرين وش بقول لك!!!
مبرووووووووووووووووك الف مبرووووووووووووك الطلاق مقدماً صدقيني حبيبتي اللي مافيه خير فراقه خير وربي ماشرع الطلاق الا ل هذي وامثالها -الزواج له شروط واركان واذا اختلت اركانه ماله الا فض الشراكه واتمنى لك مستقبل مشرق بنور الشمس |
رحمة الذكريات ..
انا بخير والحمدلله رغم ان صارت مصيبه امس بس الله يعين احاول اني مافكر واتجاهل واتناسى اهم شي عيشتي عند اهلي الحين ... ولا اني اجلس عند واحد مايستاهلني .. اختي لحظه .. شكل اهلك يشبهون اهلي بس عالاقل انتي اهلك واقفين معك بس نقطة التشابه ان اهلي اقتنعو اجلس معلقه ولا اتطلق ووعدوني مايرجعوني له بس يلمحون انهم بيرجعون بشروط قويه وانا بصراحه مابي ارجع وخايفه يخلوني اتنازل عن القضيه وبعدين يرجعوني .. الله يستر .. وبالنسبه لخطيبته خخخخخخخخخخخ شكله بينصدم من شكلها الله يعينه وياخذ حقك منه ويندم عليك قد شعر راسه |
حسبي الله و نعم الوكيل على كل رجال ماتت في الانسانية و الرجولة
الله ينتقم منهم و يوقعهم في شؤ اعمالهم |
اخر ماصار ........ جاي هالعصر يقول ابيها...علشان لما اجيله ببيته يقول ما ابيك ليتني ما تزوجتك ....جاي يمثل يتوقع ان الاعيبه مو مكشوفه... لكن مين يفهم اللي عندي آآآآآآآآآآآآآآآآآآآآآآآآآآآآهـ ياقلبي...
الليله جاء زوجي ومسوي نفسه ماسوى شي انا ابي افهم وش اللي ماسواه ...؟؟؟؟؟؟؟؟؟؟؟؟؟؟؟ وش باقي له ما اجرم فيني ابي افهم معشر الصم اللي عندي متى يسمعون؟؟ ابي افهم ابوه متى يحل عني؟؟؟؟ قلت ما ابيه خلاص بايعته خلاص اطلع من حياتي ولا يفقهون...... اللي صار انوه جاء يقول برجعها ابيها...((بذكركم بشيء المرة الماضية لما كنت هاربة عند اهلي ورجعت له قالي انا ما ابيك وما رجعك الا ابوي وابوي هو اللي قالي روح وقول ابيها)) سأله ابوي الليله ايش اخطاء بنتي قال تقولي دائما انت ماتبيني وطلقني((هنا هل انا كاذبه وهو بنفسه يقولها وشكي كان صحيح حتى هو اعترف انه كان يجامل لما يقولي ابيك ويقول انه كان يتمتع فيني)) ولا يمكن ارخص نفسي لأنسان مايستحقني... قال ان من اخطائي اني ازعل ((واذا زعلت برااااااااحتي صابره على شخص خداع ومايصرفني ومقصر معاي اقل شي اسويه هو ازعل وانا والله العظيم ما ازعل الا من تجريحه واحتقاره لي وتقصيره معي..)) المهم قال ابوي هي تعصيك تقولك لا قال لا .. قاله مقصره في شي قال لا... قالي ابوي تعالي قلت لا ورفضت قالت امي خلينا نروح نواجه ..قلت اوكي وانا وربي مالي خلق... رحنا وبدأت امي معاه و عصبت عليه وقالت له سنتين صابره عليك سنتين ماجاك مني اذى ...وبنتي مو لعبه لك ومسخره للناس مره جايه من بيتك مره رايحه...واذا على اطفالك بس تولد استلمهم عند المستشفى كلهم حفظهم ورضعهم انت وعشيقتك...قالت له اما تعاملها معامله حسنة والا تطلقها واذا ماتبيها طلقها قال ابيها قلت انا كذااااب كذاب كذاب... قالت له امي اذا بترجعها تراضيها بعشرين الف وبيت جديد قال وايش فيه البيت اللي هناك قالت له ذاك دخل فيه عشيقتك .. برضو اسألته هي قبيحه قال قالت قذرة قال لا.. وكلام امي كثير واهلي لكن بالنسبه لي رفضت وبقوووووووووة اني ارجع وقلت نفسي خلاص عافته وما ابيه ... ابوي قال بعد رمضان تعال رجعها المهم قال خلاص هي تجي....!!!وراح انا ولعت ودقيت عليه وتهاوشت معه قلت طلقني ما ابيك ورفض.. ودقيت على ابوه وقلت لا تجرلي ولدك وهالغصيبه ما ابيها... وابي طلاقي هذي هي نهاية الزواج الفاشل... المهم قالي هدي نفسك انتي زعلانه زواج زوجك زعل عليك وزوجته ماراح تضرك لك ليله ولها ليله...وانا امس سألته قلت ليش كذا هي تعصيك قال لا قلت تخطيء عليك بشيء قال لاوالله مو مقصره معي... قالي ابوه ايش تبيي اسوي فيه وهو يقولي كذا انتم اشيطان بينكم... قالت له ما ابيه ولاعاد ابي ارجع ومو كل ماخطأ ولدك بتقبله وارجعله.... قعد يحاول فيني اني ارجع الليله او بكر مع اخوي((يانااااااااااااس لاحظو اتفاقهم على اني انا اللي ارجع من كيفي ومع اخوي))) قلت اوكي نتفاهم بعد رمضان ابوي يماطل فيه ولا يبيني ارجع الا في شروط وبعد زواجه او اذا مانفذهم يطلق وانا رافضه ارجع نهائيا.. برضو ابو يقول خليه يتزوج يمكن يندم ويرجعلك قلت ما اتقبله... امي وجدتي يقولون بنماطل فيه فترة طويله ونرجعك بشروط قويه وترفع الراس راح ترجعن بكرامتك..((هنا انا كلمة ارجعي تتعبني )) ومن هنا انا عصبت وقلت لهم ماراح ارجع ابدا لو ندم ولو طلقها ولو راضاني ولو يعطيني عيونه ماراح ارجع ولو اخسر اطفالي مستحيل بل محال ارجع ..... برضو دقيت عليه بشوف ردة فعله قلت اذا جاد ارجع اختار فيني وفي اطفالك او فيها ..قال فيكم كلكم قلت لا مايصير تعذبني وتتعبني من اول ليلة انت تتزوج وتنبسط انا من حقي اجدد زيك واعيش حياتي قال طلاق لك ما فيه ولها مافيه قلت ماتهمني هي اما انا فأبي طلاقي ولا ابيك ...ورفض يطلق ... انا جدا مقتنعه بقراري ولا اجد في نفسي القدرة على تقبله او حتى العيش معه بل اجد الكره الشدييييييييييد له والمسألة الآن اصبحت مسئلة انتقام شخصي ولو رجعتله راح اتعبه واتعب نفسي وانا بأختصرها من الآن واطلق فطلاقي وبعدي عنه ارحم من رجوعي وممكن ارتكب خطأ فااااادح وحتى موته مايبري قهري ولا يطفي النار اللي بداخلي |
هدي نفسك عزيزتي وروووقي والله مايستاهل تحرقي دمك عشانه إنتبهي على نفسك الله يهديك فبطنك بيبي وش ذنبه بس يتعب وياك خلاص دامك مصرة عالطلاق إنسي الموضوع حاليا لين تولدين بالسلامة خلي هالفترة لك راحة ونقاهة لاتفكري ولاتتعبي نفسك إنسسسسسسسسي كل شي اهتمي بطفلك وبنفسك |
أختي الفاضلة لدي احساس أن زوجك يحبك ،وأنك مازلتي تحبينه. لذلك أرى أن تعيدي التفكير في الموضوع، محاولة قدر الإمكان تناسي كلامه الجارح وتصرفاته الطائشة. وأقنعي نفسك أن هناك غيرك الكثير من بيوتهم تئن من المشاكل التي لا مجال لمقارنتها مع مشكلتك البسيطة وأخر ما يفكرون فيه حجم حب الشريك وماذا قال وماذا سيقول وهل سيتزوج ولماذا تزوج وو. ولا تنسي أن غالبية الرجال بعد التعدد يتغيرون 180 درجة ولصالح الزوجة الأولى ، فيكون لديهم استعداد لتقديم تنازلات غير معهودة. لذلك المرأة الذكية هي من تستفيد من هذا الظرف لتحقق وفي أيام معدودة ما عجزت عن تحقيقه في سنوات. همسة: بعد الأنفصال كثير ما ألمس بين سطورهم -المنفصلين- أنه كان عليهم أن يفكروا بأمور أهم من مصالحهم الشخصية على رأسها الأطفال و حجم انكسارهم بعد انفصال والديهم. الله ييسر أمركم،،، |
والله كنت حاسه ان اهلك يفكرون يرجعونك .. سبحان الله ..
خلك مصره على قرارك لان اللي يقهر اكثر انه يبغاك ترجعين مع اخوك وبدون شروط .. ومايبي يهون عن الزواج غير كلامه عنك قبل .. والله قمة القهر يعني في حالتك هذي لو انصحك ترجعين بشروط معينه : سكن لحالك واثاث جديد وينفق عليكم مصروف شهري محدد ومايتزوج عليك ويعاملك بالحسنى ويكون فعلاً باين عليه ندمان وشاريك وماترجعين الا لما يبني لك ويأثث وويوقع عالشروط بشهود انتي خلي اهلك يسكتون عنك بهالشروط اللي هو مستحيل ينفذها واجلسي عند اهلك معلقه على هالشروط لحد ماتولدين ويصير خير لو تجلسين طول عمرك معلقه لاترجعين مذلوله نصيييييحه بعدين تندمين .. |
اقتباس:
الله يبارك فيك...يارب اطلق وافتك .........تسلمين قلبي |
اقتباس:
خطيبته مدري عنه يمكن عادي عنده شكلها لو هي قرد اهم شي يقهرني ويحقق انتقامه... |
اقتباس:
الله يعطيك العافيه حياتي |
| الساعة الآن 04:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©