|
[align=center]عزيزتي بسمة..
زوجك.. زي ماقالو الأخوات والأخوان.. أكيد متأثر بقصص ومشاكل الآخرين.. ومتأثر بأصحابه رفقاء السوء.. حبيبتي .. خليكي قوية.. انتي ماينقصك شي .. وماشاء الله عليكي عاملة واجبك وزيااااادة.. حلى وأطباق أشكال وألوان.. ومحترمته وساكته على كل تعليقاته.. انتو زوجين مو أعداء .. إذا يبغى يقولك شي يقولها بطريقة مؤدبة.. لا تسأليه عن رأيه أبداً.. خليكي واثقة من نفسك وأمدحي نفسك قدامه.. لاتضعفي وأعرفي حقوقك.. وزي ما انتي قايمه بواجباته..هو كمان لازم يقوم بواجباتك.. العاطفية .. والمادية وغيرها.. واجب عليه يوديكي يعالجك إذا مرضتي.. وواجب عليه يشبعك عاطفياً.. لاتسمحيله أبداً يقلل من شأنك ويقولك احمدي ربك.. اني سويتلك..وغيره ماخدك من بيت أهلك .. عشان يصونك.. ولابد من المصارحة.. والإستعداد لها كتابياً ولا شفوياً.. هذا زوجك وانتو عايشين حياة مشتركة.. مو معقولة كل واحد عايش في عالم.. حاولي معاه بالطيب.. انتي ماشاء الله عليكي عاقلة وطيبة.. وشوفي ايش حتكون ردة فعله.. وإذا بعدها أتطاول عليكي.. قوليله أنا ماأسمحلك أبداً تكلمني بهذه الطريقة.. وإذا كبّر الموضوع خوفيه بأنك تقولي لأهلك.. وحكاية الثقة بالنفس.. دكتورة فوزية الدريع قالت طريقة رائعة.. تخيلي أنه لون جسمك أزرق.. ولون زوجك أحمر.. ولما يجي يقولك كلام سلبي.. يخرج منه سهام حمرا.. وانتي تصديها على طول بسهام زرقاء.. وترجعله كل الكلمات السلبية.. ولا كأنه قال شي.. الله يفرج همك ياقلبي ويهدي زوجك.. [/align] |
اقتباس:
هذا موجايب خبري سواء وثقت بنفسي أو لا ولاني قادره آخذ حقوقي منه مااايفهم وحقير ولئيم ولسانه طويل ووسخ اقتباس:
اقتباس:
حتى يده أحسها تحكه وده يضربني ويفرمني بس مايقدر يدري أن أخواني بيحطونه تحت الكفرات اقتباس:
اقتباس:
هذا مايعرف لااحترام ولاغيره لويعرف الإحترام كان حسن ألفاظه اقتباس:
اقتباس:
اقتباس:
اقتباس:
الله يعافيك ويسخرلك زوجك قولي آمييييييين |
اقتباس:
لوبناقشه مثلا ليش ماتوديني مستشفى يقول اسكتي وإلا بحرمك من زيارة أهلك وأخليها في الشهر مره طبعا أسكت لأني أعرررررفه إذا قال شئ ينفذه ومستحيل يغير كلمته وانا لوأجلس عنده شهر بدون ماأطلع لأهلي بنجن لأني مكتومه من تعامله الله يعطيك العافيه جزاك الله خير |
حبيبتي ..
إذا خلصتي كل المحاولات.. لاتسكتي .. كلمي أحد من أهلك حكيم و تثقي فيه.. وأطلبي منهم في البداية يلمحوله بالكلام .. مانفع لازم يكلموه بجدّية.. وحزم.. عشان يوقف عند حده .. |
أعرف شخص نفس طبيعة زوجك
تحليلي الشخصي الشخصيته انسان تافه مو عارف وش يبي في الدنيا اناني على باله انه شي مره مهم وهو في الاساس و لاشي عديم الاحساس عنده قاعدة الزوجة بدالها ميه يعني زوجته مافرقت عنده مدري اذا زوجك نفس هذا تصنيف هذا الشخص |
اقتباس:
يوم قالتله ياعمري هب في وجهها...اعوذ بلله وش هذي النفسيه..؟ الله يعينك يااختي والله ..شكله بيمرضك عساه بالمرض..بس انتي ماقلتي هل صارحتي احد من اهلك...امك او اختك او اي احد...هل يبان على وجهك انك مو مرتاحه مع زوجك...ولاحظوا عليك التعب.. |
الأخت الكريمة/ بسمة
لا بأس! دعينا ننتظر لمدة أسبوع كيف تكون ردة فعله خلال هذه الأيام. -كان الله في عونك. -حاولي الثبات حتى نرى، وبعدها لكل حادث حديث. ::: الأخت الكريمة/ ليه الغرور لماذا دعوتِ على الرجل بالمرض؟! |
اقتباس:
:: يا أختي وش مصبرك على الضيم والمهانة..؟! والله أقرأ وأحترق قلبي عليكِ وش هالمخلوق إلي مايخاف الله الدين المعاملة كاسر نفسك وهاينك حتى الكلمة الحلوة مو هاين عليه يقولها لاخيره ولاكفاية شره :: ياناس إلي مو قد الزواج ومعاملة بنات الناس بالحسنى فليكف شره عن بنات الناس ويجلس عند أمه تطبخ له وتغسل له وتنظف له لأنه مو كفو زوجة وحياة زوجية :: الأخ شكله عنده جوه الخاص إلي يفرغ فيه كلمات الحب والهوى : :: |
اقتباس:
اقتباس:
اقتباس:
اقتباس:
الحين سافهني أكثر أول كان يوم يدخل من الدوام يقول سلام الحين ولاشئ كأنه أطرم وأنا دائما" إذا بيبدل ملابسه أجهز له الملابس على السرير وأعطرهم وأمس ترك الملابس اللي انا مطلعتهم وخرب علي كل اللي في الدولاب أعرف حركاته يبي يتعبني وارجع أرتب حتى اليوم على الغدا صامت وأخيرا نطق بكل حزم يقول سلطتك موحلوه؟ ليش موحلوه؟ مافيها ليمون وأنا احب الليمون والله حاطه ليمون وطعمها حلو بس هوكذا سبب لي أزمه عطيته ليمون ولاحط لاعلى السلطه ولاشئ بعد الغدا أخذت الصحن ونزلت لأمه وذاقت السلطه قالت حلوه مافيها شئ ناقص واساسا لوأكلي موعاجبه كان ماسمح لي أطبخ وأجهز أكل ضيوفه اقتباس:
|
زوجك يبي له زوجة قوية ناجحة غير معتمدة عليه ابد ..
ازعلي وانشغلي عنه انشغال تام يبين له سعااادتك بدونه سمعيه انك ناجحة وكل الناس تثني عليك امدددحي نفسك كثير بطرقك .. لوماتبين تقولين مباشر سوي انك تكلمين احد تلفون وتحكي له قصة ناس مدحوا شخصيتك وشكلك وكلامك لا تبكين عنده لاتظهري له ضعفك ابد اذا هاوشك وماعندك القدرة تردين عليه قومي من المجلس و وجهك طبيعي وسوي اي شغل لك وانتي سعيدة |
يظهر لي انه ماحبك .. و الحب يجي ماهو مشكلة .. بس علقيه فيك بذكاءك
|
اقتباس:
.وكيف تعلقه فيها وهو حتى مايبي يسمع منها كلمه..؟؟ |
اقتباس:
ومثل مايحكمون على القاتل بالقصاص حتى يفكون الناس من شره.. |
[align=center]اقول لاتصارحينه ولا شيء.. هو شكله يبغى يطفشك منه وتطلبين الطلاااق..
وبعدين وش الي مصبرك عليه !!!! اطلبي الطلاااق منه وافتكي قبل ماتنهبلين منه وتجيك حاله نفسيه منه حسبي الله عليه كانه مايعرف قدرك وانتي حاشمته.. الله لايوفق كل رجال حاقر حرمته وهي مو مقصره معاه<<<<<<محتررررررررررره[/align] |
[align=center]دام انك تسبينه ولانتي طايقته ولا يعجبك اسلوووبه وتدعين عليه
وش الي يجبرك انك تكملين معه خلعيه ولا طلبي الطلااااااق [/align] |
يمكن ماااتقبلك عدم القبوووول يحصل هذا الشي
لاكن انا انصحك اذا ماتقبلك لكووونك فامستحيل انكم تتعاايشون مع بعض يعني كل واحد يرووح في طريقه ابرك لك وابرك له لان الزوااج اول شي القبول والود ثم الحب اذا لم يحصل هذا فااانا اقولك الزواااج فااااشل وبتضلوون في دوامة الانتقااد والمشااكل يعني مهما تسوووين مارايح يبين في عينه وانا اااقوولك انتبهي تحملين الحين انتظري لين ماترسى بواخركم في شواطيها بالتوووفيق لك اختي |
اقتباس:
عارف أنا مين ومين البيت اللي طلعت منه هذا لئيم مايرضى بأي شئ وللآسف أنا اللي صرت من نصيبه هذا عدو النجاح حقود أول شئ سواه بعد زواجنا سألني ليش أدرس بالجامعه اللي بعيده عن البيت قلت له قدر الله وسجلت فيها والآن مرتاحه فيها وماشيه تمام ايش سوى؟ أجبرني على النقل كذا بمزاجه سوا ضجه وضغط علي سوى لي ضغط نفسي وقلب حياتي جحيم إلين نقلت مكرهه هذا يبي يضايقني وبس مايبي يشوف فيني نجاح أو غيره هذا من أول ليله يتلاشى النظر لي ولا مره ولامره كلمني أو رد علي أو أمرني بشئ وهوينظر لي كل مايتكلم يناظر للاب أو التلفزيون اللحظة اللي يناظرني فيها إذا كان معصب ويصارخ علي اقتباس:
اقتباس:
اقتباس:
زوجي فاجأني بلغني أنه بينقل بعد شهر لدولة الخليجيه اللي يسافر لها دايم طبعا مايبي يناقشني أصلا مالي كلمه أو نقاش معه بس كذا يعطيني خبر ويقولها وكأنه يقول بروح مشوار قريب وأجي يقول باخذك معي ونعيش هناك ووقت الإجازات نجي لسعوديه!! قلت له ليش؟ تترك أهلك وبيتك ووظيفتك ممتازة وماعندك ظروف تجبرك على هذا الشئ قال عادي هي وظيفتي نفسها وانا اللي طلبت نقل للفرع اللي هناك وبنزل أبلغ أهلي وكيفي ومزاجي انا الرجل وانتي تتبعيني وين مااروح>>>>>هذي كلمته يحب يختم فيها كلامه بعد ساعه رجع وجلس يصارخ علي ويقول تفتحين فمك بكلمه مع أبوي في موضوع نقلي ياويلك قولي أيه راضيه قلت بس انا موراضيه حرام عليك تبعدني عن أهلي ودراستي وانا من النوع اللي ماعرف أعيش برا المنطقه ورفضت غيرك بس عشانهم برا منطقتنا قال هذي مشكلتك ماهي مشكلتي وجلس يصارخ ويقول روحي أسألي أبوي ليش بنقل روحي روحي ويفتح لي باب الشقه>>>>صدق متخلف انا كنت معصبه نزلت لأبوه وحصلته معصب قال حنا زوجناه عشان تمسكينه والحين بينقل حسبنا الله ونعم الوكيل فيهم قلت إذا أنت ياعمي ابوه ماسمع كلامك بيسمع لي ليش بينقل وش عنده هناك ويعطيني محاضره عن صبر الزوجه على الحياة!!!!!!!!!! وفي الليل طلعت مع زوجي نشري أغراض للبيت وأحتد النقاش بيننا بسبب النقل لأن نفسيتي تعبانه منه قلت مابي أنقل روح لحالك أصلا انا ماهميتك والله مااسمع منك لاكلمه طيبه ولااشوف معامله طيبه أنت ترضى كذا لأختك ماعنده غير الصراخ اسكتي ولاكلمه على..... وكلام قذر مثل أخلاقه ويوقف بعيد عن البيت وننزل ويعطيني الأغراض كلها ويركب سيارته قال روحي للبيت قلت ثقيله الأغراض كيف امشي كل المسافه والشارع فاضي قال أحسن ومشى تركني مشيت للبيت وانا أبكي ولارتبت الأغراض من القهر اللي فيني صليت وتحسبت عليه من قلب وهذا شئ يحزني لأني صرت أحقد عليه وماكنت أبي قلبي يعرف الحقد يوم رجع جلس يصارخ ليش أغراضك ماترتبت, لأنه ماصدق لقى شئ قلت مطبخي أرتبه بالوقت اللي أبي الأغراض شايلتهم الأرض موعلى راسك ويصارخ ويشتم ويسب ويقول انا بعلم أبوي أقول تعال شفها رفله مارتبت أغراضها قلت والله إذا على هذا الموقف بصير رفله عادي روح بشره وانا ببشره وأبشر أبوي والناس كلها أنك تركتني بآخر الشارع لحالي وفي الليل لوأنخطفت وإلا صار لي شئ قال عادي ياليتك تنخطفين والله اسوي حفله قلت انا أول مره أشوف رجال يبي يتصيد على زوجته أخطاء عشان ينشرها لأبوه إذا ماتبيني ودني لبيت أهلي ترى أبوك ماله دخل في حياتك الزوجيه ويزيد صراخه ويروح لصاله ويرمي صينية فيها كاسات يفضي غضبه ويجلس على اللاب إلين الفجر الحمدلله والشكر وبعده ناداني أكنس اللي كسره وانا ادخل من جهاز جارتي اللي بجانب شقتي لأن زوجي العزيز مره كنا جالسين كل واحد فاتح جهازه ويقالي بمزح معه طليت بالشاشه وأنا مبتسمه وأنجن قام مسك كاس ماء عنده وصبه على جهازي قال أحسن عشان تتوبين ماتلقفين:( والله وأنا أكنس أبكي على حالي ماكنت أتوقع أن فيه رجال كذا ولاتوقعت أن فيه مشاكل كذا كنت أتوقع تجي المشاكل إذا الزوجه قصرت أو أخطأت ماكنت أتوقع ان فيه ناس كذا همجيه ماتعرف النقاش أو الهدوء والأخذ والعطاء |
الله يعوضك يارب
والله يجمع بينكم في خير طيب اخاف فيه سحر اوحسد الله يفرج همك وغمك وكربك يارب وبشر الصابرين اكثري من الاستغفار وقول لاحول ولاقوة الابالله وسوف ترين اختلاف عظيم |
نسيت أقول لكم أنا بعد قرار نقله تأكدت أن فيه وحده بحياته
لأن مومعقوله رجل يترك مكانه وكل هذا التعلق وفي راسي أشياء بس مومرتبه أولها يجاوب على أسألتي ليش سوا فيني كذا هذا الإنسان أمرضني دمر أشياء كثيره بنفسي والله حرااااااااام اللي سواه فيني ليش تقدم وخطب وهومايبي الزواج ليش |
اقتباس:
صدقني أنا من قبل أعرف هذا الرجل وانا ماأترك الإستغفار ولاحول ولاقوة إلا بالله أرددها 100 مره مع أذكار الصباح والمساء والحمدلله مستمره بحفظ كتاب الله لاتوصيني على هذه لكن هذا الرجل سبحان الله كل ماأتمسك بحياتي معه وأصبر يجي شئ يقول أطلعي خلاص يمكن انفصالي عنه خيره ووالله لوفيه خير كان أنصلح حالي معه وصدقني مافيه لاحسد ولاسحر |
حسبي الله عليه ,,الله ياخذ حقك منه عاجل غير آجل,,
اختي بسمـــه,على ان موضووعك مؤلم لكن اخترتي معرفك بأسم(بسمـــة),, لأول مره ابكي على موضوع في هذا المنتدى,, مؤلم ما انتي فيه اسئل الله لك الثباات,,اختي كانت مثلك ,طليقها (اخصاائي اجرااام نفسي) مثل زووجك وااااااشنع..وكل يوم تقول بكرة يتعدل وربي يصلح حاله,لكنه همجي ولا منه امل ,,الى ان طفح الكيل ورفعت عليه قضية خلع لأنه كان راافض يطلقها والحمد لله افتكت منه ,,, ما ابي ادخل بتفااصيل مؤلمه وانتي الي فيك يكفيك,, لكن انفذي بجلدك عشان ما تندمي مثل ندم اختي على كل ثانية من عمرها ,,يوم صبرت على همجي مثل زوجك,, الله ييسر لك الي فيه خيره,,, واعتذر عن الاطاله يا غاليتي,, |
والله إني مااا أدري وش أقول فيه!!.. غير الله يعظم أجرررك ... وراجعي نفسك ... هل أنتِ ماتقدرين تتحملينه خلاص ؟! الحـل بيدك!.. وتنهين كل شيء مرة وحدة وتخلصين من هالكابوس للأبد ...
عندي إحساس إن وحده من الدول الخليجية اللي يروح لها ساحرته !!.. =/ |
تبين راي طاقيه ارتاحي منه وريحي نفسك الحين احسن ما يصير عندك اولاد
|
اقتباس:
اتطلقققققققققققققققققققققققققققققققققققققققققققققق قققققققققي منة http://www.66n.com/forums/images/icons/icon9.gif اول مرة اقولها لحد بس هذا مو بشر واللة نزلت دموعي ربي ياخذ حقققققققققك من عيونة يااااااااااااارب |
اقتباس:
سبحان الله |
الله يعوضك بكل دمعة وبكل دقيقة فيها الم مع هذا الزوج
ممكن زوجك يكون لا يحب و لاشي بس هو كذا دنيئ نفس استخيري بتركة واحمد رب العالمين مابينكم اطفال اكتبي سلبياته و ايجابياته في ورقة وشوفي الكفه الاثقل واكتبي سلبيات وايجابيات حياتك معه وبعد فراقكم وشوفي الكفه الاثقل حكمي عقلك في هذا الموضوع واتركي عواطفك شاوري اهلك وشوفي رايهم |
http://www.66n.com/forums/Style-66n/editor/menupop.gif
لا حول و لا قوة إلا بالله.
لن أستعجل بإدلاء رأي حاسم الآن. ::: ما هو القرار الذي يميل عقلك له؟ هل لديك أخ أو خال يتمتع بالحكمة والهدوء والعقل؟ هل لديك أخ حكيم لكنه جريء لا يستحي؟ كيف والدك وأسلوبه في الحياة؟ |
يالله والله اقرا وقلبي تقطع على حالك
بالمقارنه عاجبتني اخلاقك معاه وصبرك عليه عزيزتي احذرررررررررررررررررررررررررري السفر معاه هذا ماحفظ حقوقك وانت في بيت اهله بيحفظها وانت في الغربه لا اهلك ولا اهله هذا شخص نرجسي يحب نفسي ويعظمها ويغالي في كل شي يصدر منه ويحتم على الاخرين ان يروا خيراته في المقابل لا اساءات تذكر عند هذه النوعية فالسوء دائما يصدر من الاخرين وإن اساء فهي تنطلق من دائرة معالجة الخطأ يمكن هو الان يشوف انه هو اللي صابر عليك ولما تركك في الشارع على باله بتحسين بقيمة وقفتك عند باب الشقة حبيبتي انا مثل كثير من الاعضاء عمري مانصحت في الطلاق واذا كنت اشوف الطلاق حل ما ارد بس انت غير طلقيه بالمليون ولا تسألين فيه والله يعوضنا واياك بالازواج الصالحين اساسا انت تدعين عليه يعني طابت النفس منه |
غرريبة كل هالمدة ومافضفضتي لاهلك او اخواتك
كان الله في عوونك ليه شايلة الهم برووحك استشيييري احد |
كان الله في عونك
لكن سؤال لماذا لم تخبري اهلك بتصرفاته ومن أين لك كل هذا الصبر |
[align=center]الله يكون بعونك ويكتبلك الخير ويجعلك من ضيق مخرج يارب[/align]
|
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
ماأفكر أدخل أحد لأن ماعندي إلا أبوي وأخواني ,,الوالد مريض واللي فيه كافيه وانا عارفه لوبكلم أبوي بيتكلم مع زوجي بهدوء بس زوجي مايحترم أحد ولاعليه من أحد ولواللي بيني وبين زوجي مشكله أو فيه طبع مضايقني بدخل أبوي لكن زوجي كله على بعضه مشكله ماله حل,,أخواني أكبر واحد عمره 26 ومثل أبوي بيتكلم بهدوء وبالعقل وزوجي وقح ولايعرف لاأحترام ولانقاش وبقية أخواني أصغر مني عصبيين مستحيل يتحملون وقاحة زوجي ولوعرفوا عن معاملته لي وجلسوا معه صدقني بيسوون فيه جريمه وانا مابيهم يتضررون بسببي صدقني أخي البليغ زوجي وقح ولئيم ويغار من ظله ومايبي أحد أحسن منه أوأنه طبعه حقود أضرب لك مثال يطلع من مجلس أبوي مضيفينه وأحسن عشى وضحك وسوالف ويستقبلونه أحسن استقبال وإذا طلعنا لبيتنا في الطريق يستهزأ في اخواني عشانهم ملتزمين تخيل يضحك بسخريه ومره في الطريق يستهزأ يقول ليش أبوك ماتوسط لهم بوظائف حلوة مع ان وظائفهم ممتازة واحسن منه قلت له ليش تبيه يحطهم مثلا وزراء! وكذا اسلوبه وكلامه عنهم,,وأنا متأكده لوبدخل أهلي بيطلقني يعني ماراح أستفيد شئ بس بحرق أعصاب أبوي وأخواني على الفاضي وبقهرهم أتطلق منه بهدووووء أفضل لي وعشان أرتاح وماأسمح لأحد يسألني عنه وعن عيوبه أبي كل واحد في طريق بدون اقرب الناس تعرف السبب,,خلاص الجرح والألم هوالجرح والألم سواء مستحيل يخف جرحي بتدخل أهلي مستحيل,, اقتباس:
اقتباس:
اقتباس:
وأمي لوعرفت بتقول لأبوي وبلاش أمرضه معاي يكفي أنا مرضانه من هذا الرجال اقتباس:
اقتباس:
|
[align=center]من الواضح من قصتك وكلامك عن زوجك
إنه زوجك ماخذ دروس عن الزوجه من نااس همج لاتقدر حياة ولا كرامه ولاشي وهو مطبق عليك أسلوبه إلي أخذه من أصحابه هذا توقعي وهذا أسلوب تطفييش جربي تروحي بيت أهلك تمام ولو جا أخذك أو طلبك مع إني متوقع إنه مبسوط من بعدك عنه هذا أسلوب تطفييش.[/align] |
[align=center]يا حبيبتي يا بسمة..
بما إنك قررتي تنفصلي عنه وهذا أفضل حل .. لأنه إنسان مو طبيعي وحسبي الله على أفعاله.. لازم يكون موقفك قوي.. لاتكوني ضعيفة يا قلبي.. بالعكس طلعي كل أسبابك بقوة.. خايفة من ايش؟؟ انتي ماقصرتي في ولا شي.. حتى لما أساء لك.. سكتي !! المفروض لما سابك في الشارع دقيتي على أخوانك وسبتيه.. بس انتي خلوقة .. وطيبة ..وماتبغي مشاكل ومدام امه في صفك .. قولي لأهله على عمايله معاكي.. ماتدري ايش يطلع عنك كلام لو طلبتي الإنفصال وانتي ساكته..!! لو ماتبغى تتعبي والدك .. فكري مزبوط وشوفي أي احد في عائلتك حكيم ممكن تتكلي عليه.. (خالك .. عمك.. زوج اختك.؟؟؟!!) أطلب منك طلب.. خليكي قوية .. وأتخذي قرارك بعد استخارة واستغفار.. أدعي الله انه يقويكي ولا تردي علينا بسلبية ونفس مكسورة.. كلنا ندعيلك و مقهورين عليكي.. الله يفرج همك وينصرك على من يعاديكي [/align] |
آمل منك ما يلي:
1) حساب إيجابيات الطلاق. 2) حساب سلبيات الطلاق. 3) المقارنة بينهما، والنظر إلى أيهما تميل الكفّة. 4) الاستخارة. 5) لزوم الدعاء (اللهم اكفنيه بما شئت). 6) التفكير في طريقة ما لطلب الطلاق. بإمكاننا مساعدتك هنا إن شاء الله ببعض الأفكار. 7) بعد الطلاق لا بد لك من إنشاء خطة لحياتك الجديدة. ::: ننتظر ردك يا أخية. |
سلام اختي بسمه انا زوجي كان ينتقدي بس صرت اعامله بنفس الاسلوب الي هو يعاملني فيه يعني انا انتقده قبل ما هو ينتقدني وعلى نفس الاسباب الي كان ينتقدني عليها والله الذي لا اله الا هو ان زوجي استحي وصار محترم معي شوفي بينيله انك انتي فاهمه اكثرمنه وفشليه في امور هو يعتقد انها صح وطلعت غلط ولا تسمحيله انه يسبك يعني اذا بداء بالصراخ ارفعي صوتك وقوليله انا ماخلصت كلامي اعطيني فرصه اكمل كلامه هذي النوعيه من الرجال عندهم نقص بشخصيتهم تلقيه عامل اسد عند زوجته وهو برا البيت بسيسه يعني هره ناعمه ولطيفه وماعنده شخصيه
خلي املك بالله قوي وحاربي عشان تفرضي احترامك عليه وعلى الي خلفوه حسبي الله ونعم الوكيل بهلنوعيه من الذكور |
السلام عليكم
لا يظيق صدرك ولا تقنطي من روح الله ازرعي قيه الشيء الذي يفقده و اجعلي حسن معاملتك له اخلاق سيقتدي بها غدا لا تعطي لملاحظاته اهتمام فانت ادرى بنفسك تحلي بالصبرو الدعاء واصلحي الخلل بالعطاء و الذكاء ولا تستعجلي الدعاء بالشر بل قولي[mark=#33FF66] ربي اهديه ر صخره لي و كفيني شره[/mark]الان ازرعي فيه وغدا ستجنين هذه كلها كانت نصائح الوالدة اطال الله عمرعا ولقد صدقت بعد ان كدت افقد الامل الهم انزل السكينة على قلبها ووغير من طبع زوجها و اجعله يودها و يكرمها و يرحمها |
اختي بسمه
قلبي معاك وش صار عليك..؟ |
حسبي الله ونعم الوكيل ضيقتي صدري الله يمحق الرجال اللي هذي صفاتهم الله يعينك ويصبرك ويعوضك خير بس لو اني منك اقلب الطاوله فوق راسه قولي انا ابي عيال وانت ماتخلف وابي اتزوج واعيش حياتي جيبيله الجلطه
|
| الساعة الآن 11:08 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©