|
الله يفرج كربك
بس الملاعنة ما تكون الا بعد رؤية الزنا المؤكد بالعين.. |
كان الله بعونك اختي الكريمه
|
رحمة ذكريات
وجع قلب rahmatallah كرز وفراوله رجل الرجال نايف aqe احلامي بسيطه صرخة حب كساب وتر اشكركم جميعاً |
كنت أتمنى أن يكون زوجك في جدة , حتى أسلط عليه أخي يتابعه حتى يفترسه , على أقل جريمة من جرائم زوجك
ان ثبت ذلك والله أعلم , سياكلها 4 سنوات غير الجلد .. حقيقة أنت في الشرقية ولا علاقة لي بأحد من هيئة الشرقية لكن اليوم خميس وسأقابل أخي في منزل أمي وسأتناقش معه في مثل وضع زوجك .. عموما يا كثر اللي كانوا يقولون مثل زوجك مستحيل أسقط في يد الهيئة , واقسم بالله 3 أيام فقط وأخي يتابع ذئب مفترس كان يبتز امرأة متزوجة حتى سقط في يد أخي وسقط عند رجل أخي يبكي ويترجاه كالطفل .. ولا تصدقي من قال أن مستوى الهيئة تراجع , كل ذلك أعلاميا فقط , بل أن الناس علموا بقيمة الهيئة بعد الهجمة الليبيرالية القذرة من منابر صحفنا الساقطة , وكانت ردة فعل الهيئة بمضاعفة الجهود والمراقب القريب من الهيئة يعلم يقينا بذلك .. حتى المستوى الوظيفي لموظف الهيئة تحسن .. |
يا اختى طيب اسألى عن الحكم الشرعى يعنى هل يحق للزوجة الامتناع عن الزوج لمجرد انها تشك انه يزنى لان امتناعك عنه يجعله يتمسك بالحرام لانه الحل البديل الوحيد لتفريغ الشهوة اعانك الله ولكن لا مانع من ان تظرى الى نفسك ربما انت مقصرة فى جنب الله عز وجل وهذا قصاص من الله لك وتذكرى قول الله عز وجل {وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى}طه124 لانه اليوم كثير من النساء يقصر فى الزى الشرعى وفى غض البصر او تأخير الصلاة او ترك احد الصلوات اسأل الله لنا وله الهداية وان يرزقنا الله حسن الخاتمة اللهم آمين |
كان الله بالعون
طيب احكي لاهلو وخلوه هما يتابعوه ويمسكوه |
ابنتي الكريمة الملاك يونا
الشكر لله وقلتي في أحد ردودك (في الصفحه الثانية) كلمة لم أستوعبها أن زوجك له علاقة بأسرة كاملة ويعرفهم ويعرف بناتهم ويجيهم كلهم من ورى ومن قدام فأي أسرة تقبل بهذا الزنا وبشكل جماعي في أي بلدٍ أنتي. اتخذي لنفسك سكناً بعيداً عنه ,اتركيه وما يفعل, فلا تجعليه يقربك واتخذي قرارات حازمة من أجل ولدك وابنتك |
اقتباس:
مشكووور وماتقصر .. انت واخوك عسى ربي يعينكم على الحق ويساعدكم وانا اللي خلاني اسألك .. لاني للحين مافقدت الامل بالهيئه .. بس انا بالشرق وانت بالغرب ... بجد ماودي اتعبك انت واخوك .. انا اذا لقيت طريقه رح اقول لك عنها يمكن تفيدني بشيء .. لاني حطيت مشكلتي بعالم حواء وفيه وحده عرضت علي المساعده وتقول السالفه فيها رجال .. بس توني اشوف موضوعها واذا عرفت التفاصيل منها رح اعلمك باذن الله واشكرك مره ثانيه لوقفتك معي |
اقتباس:
اخوي ابو مريم .. اشكرك على نصيحتك.. انا زوجي مايهمه اذا رفضته ياخذ حقه بالغصب ... يزني مع صديقاته ويجي لي بالقوه .. ولما اقول له عالاقل استخدم واقي يرفض.. والله وانا حامل ياخذ حقه بالقوه ويفغص بطني .. ومافكر بالجنين ولا بصحته .. يعني هو ماعليه قاصر بس طمع في نفسه يبي يخربط برى وداخل ... الله يعين بس ويحميني من الامراض |
اقتباس:
انا في الشرقيه لكن المكان اللي فيه هذي العائله بالاحساء .. وهذي المرأه المتزوجه اللي له علاقه فيها تجر قريباتها واهلها يساعدوها ويمسكون لها عيالها عندها ولد وبنت .. ماقول لك اني مانصدمت .. والله من كبر الصدمه عجزت ابكي ... حتى الدموع مانزلت مني .. رحت بيت اهلي وانا مصدومه .. ماتوقعت ابد في ناس مثل كذا وماتوقعت زوجي يسوي كل هالبلاوي والمشكله شكله زي الابله وعلى نياته ويتكلم في اصحابه قصص خيانات .. واكتشفت بالاخير انه كان يتكلم عن نفسه .. ويتغمص شخصية صديقه العفيف .. عنده صديق مايرضى بالحرام واذا ودوه معهم للمرقص مايتأثر بالحريم ولا يرضى يزني معهم .. وزوجي كان متغمص شخصيته .. والله اللي متعبني ان اهلي مايرضون بالطلاق .. لو اروح لهم بيجي زوجي ويهددهم بالطلاق ورح يرجعوني غصب .. عشان كذا مالقيت اي حل غير الهيئه .. لكن الله يعين .. ومشكووور كثير على ردك |
الغلط مهوب على زوجك لحاله الغلط على اهلك
كيف يعرفون ان بنتهم عند زاني وتتعرض لتحرشات وساكتين!! وين الغيرة؟ وين الحمية؟ كيف يقبلون ان يخلون بنتهم عند واحد منحرف وفاسق ؟؟ بجد ايعقل فيه عوائل كذا؟؟ لو يسبك ويضربك نقول ممكن يسكتون اما توصل لمرحلة التحرشات من اخوانه واهلك عارفين وساكتين اسمحي لي اقول لك ان عائلتك فيها خلل وماخلى زوجك يتمادى الا اهلك اهل زوجك شهالبرود الي فيهم؟؟ وين امه؟ وين ابوه اعوذ بالله ان اهل الشرقية يكونوا كذا والله انهم ناس طيبين ومحترمين وعندهم الشرف خطأ احمر يوصل للقتل وهذا كلام مهوب اعتباطي لاني اخصائية اجتماعية في الشرقية ولي اطلاع كبير ومعرفة بخفايا المجتمع وعارفة حجم الجرائم الي يرتكبها الاهل اذا عرفوا ان بنتهم تعرضت لتحرشات مع انها مالها ذنب حبيبتي لاتزعلين مني وضعك ووضع اهلك وزوجك غلط في غلط وتداركي الامر قبل ماتورطين عيالك وينقل لك المرض ولعيالك اهلك بيزعلون يوم يومين بعدها بيرضون اما عيالك اذا صار لهم شي تقدرين تسامحين نفسك؟؟ تقدرين تغفرين لنفسك اذا بنتك لاسمح الله نقل لها الايدز وماعاشت طفولتها مثل الاطفال؟ او ولدك تعرض لتحرش جنسي ويضل معقد طول حياته؟ مرت علي حالات لتحرشات لاطفال والله تبكي حتى الحجر والسبب اهمال الام والطفل صار اما معقد نفسي او شاذ جنسيا اختي الكريمة حبا لله اتخذي موقف علشان عيالك لاتقولين اهلي واقفين ضدي لاتقولين الهيئة بتوقف معي ماحد بساعدك الاانتي هذولا عيالك امانه في رقبتك ليوم الدين |
النجمة المسافره
انا تحركت ومازلت ومستحيل اعيش معه .. انا افكر في ولدي وفي بنتي اللي جايه بالطريق .. اخاف عليهم من الحرام واهلي لما درو قلبو الدنيا وخلوني عندهم شهرين ونص وكنت مصره عالطلاق .. بس بالاخير رجعوني بعد ماوعدهم زوجي وخدعهم .. وقالو انتي قفلي على نفسك وعيالك وماحد بيجيك .. والرجال كلهم يخربطون وهو احسن من غيره يوديك ويجيبك.. وياما حاولت مافي امل .. بس هالفتره انا برجع ومارح يقدرون يرجعوني لاني حامل بيخافون على صحتي بس اول ما اولد اكيد بيجبروني ارجع .. انا ماعندي غير امي واخوي من جهة امي الكبير معارضين طلاقي تقول امي تجلسي معلقه عندنا ولا انه يطلقك ويتكلمون ويتشمتون فيك |
المستجدات ..
انا كلمت هيئه من حفر الباطن اعتقد ..اعطتني اياه وحده من عالم حواء وشكله مره متعاون معي الحمدلله .. كل شوي يتصل ويسأل عن حركات زوجي وحياتنا وشكله بيوقف معي ويساعدني للأخير الحمدلله .. يمكن ربي راسلهم لي جالسه استغفر وادعي ربي .. ويارب تنفرج وحبيت اقولكم اني بتطلق بتطلق سواء الحين ولا بعد شهرين لكني ماني مطوله اكثر من كذا .. وسبب صبري للحين اني ادور حل ادور طريقه امسك على زوجي فيها دليل يسكت اهلي .. |
الله يعلم موضوعك شاغل بالي من حين قراءته
أسأل الله أن يكتب لك الخير ويفرج كربك ويصلح حالك ويحفظ لك أولادك من كل شر أختي لاتنسي الأستخاره قبل كل فعل والدعاء الله يريح بالك ويكتب لك الصالح لك ولأبنائك |
اعانك الله وحفظك ,
انتبهي على نفسك هذه الفترة كثيراً , وبلغينا بالتطورات , اسأل الله ان يحفظك انت وابنائك من كل سوء |
احب زوجي ..
اشكرك يالغاليه .. وباذن الله رح استخير واسوي اللي قلتي عليه .. الموضوع سوى ضجه وفيه بنات ناويين يساعدوني باذن الله .. وان صار شي رح اطمنك باذن الله.. الجانب الاخر .. من عيوووني رح اطمنكم اول ماتصير مستجدات ويارب تنحل بسرعه |
:: |
سيدة الموقف ..
اشكرك يالغاليه على نصيحتك لاتوصي حريصه ^_^ الحمدلله زوجي مايعرف للنت ولا للمنتدى اللي كتبت فيه مشكلتي وباذن الله اموري رح تنحل .. والهيئه قال بيتواصل معي ويبغى يعرف كل صغيره وكبيره ورح يبلغ عن زوجي في منطقتنا ويوصيهم عليه .. |
اتصدقين .. ماعرف ليش انصدمت .. الله يعووضج عووض خيـــر.. الله يفك حيرتج بخيرتج ,,,تعب هالدنيا والله تعب يااارب رحمتك ..
|
ابغى حل ..
اشكرك على دعواتك .. يالغاليه لو اقول لك كل تفاصيل حياتي تنصدمين اكثر واكثر بس الله يعين دامني صبرت 7 سنين .. باذن الله رح تنفرج بالاخير.. |
كل هذا وتبين الهيئه تراقبه.طيب انتي وش بتستفيدين..؟؟ابي افهم انا وش بتستفيدين...يعني في بالك هو بيخاف من الهيئه ولا شو؟؟ اذا ماخاف من رب العالمين تتوقعين يخاف من الهيئه,,,
الحل بايديك اذا ماقدرتي عليه..خلاص انهي الموضوع وريحي راسك ...وش تبين فيه جالسه عنده؟؟واحد يزني و مااستحى على وجهه ولا استحى من ربه وش تبين فيه؟؟ عشان بنتك؟؟؟تتوقعين هذا يصلح اب لبنتك وولدك؟؟او بيربي بنتك وولدك تربيه سليمه؟؟؟ اغسلي يدك منه...وروحي بيت اهلك..وبنتك معك مايقدر ياخدها منك...قولي للمحكمه كل عيوبه ويعطونك الحضانه..والحمدلله الكومه ماراح تقصر معك...الضمان موجود والبيت موفر لكل مطلقه...مابينقصك شي.. انا ماادري كيف انتوا تتحملوا رجال زي كذا وتنجبون اطفال منهم بعد ومطولين بالكم على الاخر..الله لايبليني يارب...استغفرالله العظيم |
اختي ليه الغرور ,,,؟
المرة تبغي دليل قوي عليه لانه اهلها وااقفين في وجه طلاااقها ... هيه ما ودها تفضحه او تضره هيه تبغي السسسسلامة ولقتها بهالطريقة بعد تخلي اهلها عنها الا بدليل قوووي عليه ,,, فهمتي شو بتستفيد ....! والسموحه منك يا ملاك |
اقتباس:
ومثل ماقلت اذا على السكن الله يعز الحكومه ماتقصر لاعلى المطلقات ولاعلى الارامل....احسن مليون مره من حياه مع رجل مثل هذا....لو بخيل او يضرب كان قلنا اصبري...لكن بهذي الاخلاق مره مايصلح تعيش معاه.. |
الله يعطيك العااافيه يا لييييه الغروور ...؟
العواائل تختلف والنفسيات تتمااايز ,, هيه لانها اظني بلغت 24 سنة وبدت توقف على رجولها قررت تاخذ هالخطوة القوية عشان تخبط فيها كل من اراد الوقوف في وجهها .. واذا ما نفعت تسلك طريقة ثانيه المهم مااظن انها رح تصبر اكثر على هالاشكااال ,, بس ادعيلها المرة حامل واهلها ضدها .. والزوج معثوور ,, درسي الموضوع من ناحية سكنها وناحية عيالها ومن يتحملهم معاها .. ومن ناحية المصرف وغيره .. هالحركه بتكون الورقة الرابحة في ايدها ,, |
اقتباس:
والله مالومك ..بس ياقلبي من قال لك اني بجلس معه؟ ومن قالك اني مأمنه عيالي معه؟ بس توني ادري يعطون بيت للمطلقه ...ودي اعرف من وين اطلب بيتي لاني افكر كثير بمستقبلهم انا قلت بصبر كم اسبوع لان في بنات بعالم حواء عرضو يساعدوني احاول اجمع كم دليل ضد زوجي عشان اضمن حضانة الاطفال وعشان اسكت اهلي فيه عشان مايرجعوني غصب لزوجي.. وان مالقيت دليل والهيئه مامسكت زوجي .. رح اطلب طلاقي بكل الحالات ومارح اطول معه اكثر من 3 شهور او شهرين ... بس يارب نتفارق قبلها... انا بوقف بوجه اهلي لو اعيش بالشارع لحد ماتنتهي اجراءات طلاقي ثم اعيش مع اهلي |
اشكرك ( ابغى حل ) بجد فهمتيني ..
انا حركة الهيئه رح تنفعني بحضانة عيالي وبوقفة اهلي معي لان اخر زعله زعلتها خلوني شهرين ثم سحبتني امي بعباتي للسياره قالت ماحللك ولا ابيحك ان مارحتي معه بس انا قاومت وهي تشد بعباتي.. تقول مانبي طلاق وفضايح ... عشت صامته ..ومصدومه ..مدري شلون تحملت للحين من رجعني خذت سنه تقريباً وانا خلالها اخطط للفراق منه واحاول اجيب عليه دليل ..لان اخوي قال جيبي دليل بعدين تعالي تكلمي بس ربي قدر وحملت .. وحتى وانا حامل افكر واخطط .. بس هالفتره بالذات احس الامور رح تمشي بصالحي باذن الله |
االله يفتحها عليييج ويووفقج ياا اختي ماالي لج الا الدعاء .. الله يريح قلبج وايسسر امرج ,,
طلبتج كرري دووم .." رضيت يااا ربي فارضى عني " |
ابغى حل ..
من عيوووني ومشكوووره .. انا صايره ادعي وكل من قال لي ادعي هالدعاء دعيته .. ورح ادعي .. رضيت يااا ربي فارضى عني .. وعسى الله يجبر خاطري ويعجل فراقي من زوجي ويهدي اهلي يوقفون بصالحي |
اقتباس:
هذا هم اخوانك ثنين معك...من بقى ...اذا ابوك مو داري عنكم؟؟ امك مقدور عليها.. اما اذا بقية اخوانك المتزوجين ومرتاحين في بيوتهم رافضين يفكونك لا والف لا مالهم الحق يوقفون ضدك...هم مرتاحين وانتي تعيسه على حسابهم...وبعدين خلصي امورك ولاتنتظرين موافقتهم..ومحد يقدر يغصبك على شي ماتبينه محد يقدر...لاتسمحين لهم.. وانتي تقولين انه متغير عليك من بعد ماعرفها...لا ياعزيزتي هو زوجك من قبل لايتزوجك يعرف ولما تزوجك لانك جديده طار فيك وبعدين مل منك. ويبغى جديد....شفتي كيف الله يعينك ويصبرك |
اقتباس:
فليس من العقل نكون متاكدين من الشي وسامعين...ونضحك على انفسنا ونقول لا لازم نشوف بالعين.. |
ليه الغرور .. واحد هو اخوي من امي .. كانت جايبه ولد وبنت ومات زوجها
ثم تزوجت ابوي .. وجابتنا .. اخواني من ابوي وامي واقفين معي والباقي صامتين اخوي من امي متزوج واكبر من زوجي بسنتين بس مايبي الطلاق وامي بعد.. ..المستجدات .. البنت اللي كلمت زوجها يساعدني قال لها الهيئه مارح تفيدها بشيء .. رح تمسكه وتهدده وتستر عليه ويمكن يطلعون عليه ورقه ( سابقه) بس ماتنفعني .. تقول لازم ادبر محامي ثقه .. مدري من وين اجيبه .. والهيئه اللي قال بيوقف معي ويبغى يعرف كل صغيره وكبيره شكله ناوي يصلح بيننا وانا مابي الصلح انا ابي الطلاق .. بس بكره بكلمه وبقول له اني مستحيل اجلس مع زوجي واذا هو بيتواصل معي بغرض الاصلاح انا ماراح اضيع وقتي اتكلم عن زوجي ومشاكلي معه .. لاني ماكلمته الا لاني ابي حل يفكني منه بصراحه اقكر بحركة شريره بس مضطره اسويها عشان تنحسب دليل ضد زوجي ولقيت بنت تنفذها لي من المنتدى الثاني يارب تنفع بدون مايكشفنا زوجي.. بجد بجد فقدت الامل .. بس بدعي ربي واصبر لحد مالقى حل هالاسبوع ورح ادور على محامي .. ابي اضمن كل شي بصالحي ثم اتحرك |
الله معك وان شاءالله تتم كل خططك بنجاح..
بس حاولي تخلين امك توقف معك...طيحي عند رجلها او سوي نفسك مريضه ولا اي شي المهم تخليها تحزن عليك.... |
أختي الكريمة
أولاً : اسأل الله سبحانه وتعالى أن يبارك في عمرك ويوفقك ويسعدك ويربط على قلبك ( ماشاء الله عليك نشمية وبنت رجال ) لأنك لاترضين الُضر و المعصية على نفسك ولاعلى أخواتك المسلمات كثر الله من أمثالك . ثانياً : رأيي الشخصي أن لا تبلغي الهيئة وأنسي هذا الأمر لأن هذا الأمر سيضُر أبناءك في المستقبل لأن التاريخ لا يُمحى ولو إفترضنا أنه قد تم الضبط على زوجك وقد تم عقابه فسوف يكبرون أبناءك وسوف يسمعون يوماً ما بهذا الأمر وهذا الأمر سوف يشعرهم بالخجل من أن يدري أحد بسالفة والدهم وربما ينظرون إليه بنظرة سخرية وعدم إحترام علاوة على أنه ربما وأقول ربما يعلموا أنك أنتِ الُمبلغه فسوف يكرهونك أيضاً ولن يلتمسو لكِ العذر في ذلك وسيفهمون أنك أنتِ السبب في مضرة والدهم وأنه كان عليك أن تستري عليه وتصبري عليه . عموماً رأي أن تذهبي إلى أهلك وتخبريهم قصتك كاملة وأنك تحمليهم المسؤلية كاملة في بقاءك مع هذا الرجل في حالة لو حصل لكِ سوء لاقدر الله وأنك لن تسامحيهم طيلة عمرك كذلك .. عليكِ أن تخبريهم أنه في حالة مساعدتهم لكِ في طلب الطلاق أنك سوف تتحملين مسؤلية نفسك وأبناءك حتى لو أدى الأمر إلى أن تشقي على نفسك وأبناءك أما معاملتك مع زوجك فأنصحك أولاً أن تدعي له بالهداية مثله مثل أي مسلم وكذلك أن تذكريه بالله وتخوفيه أن عقاب الله شديد وأنه لن يضيع حق كل إمرأة قد لعب بها وسلبها شرفها وكذلك تخبريه أنك تكرهينه كره شديد وأنك لا ترغبي البقاء معه فإذا لازال لديه بقية من رجولة وإحترام فليلبي رغبتك أعانك الله |
أختي العزيزة الملاك يونا أسأل الله أن يعينك و يسهل أمرك ويكتب لك مافيه الخير بصراحة يا أختي بالرغم من قرقرتي الكثيرة في جميع مشاركاتي إللي بمواضيع المنتدى إلا إني وقفت صمتا وعجزا أمام صفحات موضوعك المحزن والمؤسف و ماقدرت أقول لك شئ من بدايته لأن موضوعك أحسه مأساة حقيقيه وأنتي جالسه تتجرعي فيه المر والقهر والضيم والعذاب وموقف أهلك هو إللي صدمني بزيادة ياربي معقوله فيه أهل يسون ببناتهم كذا يا الله من متى
بعض الناس ترمي ببناتها للهلاك وتجبر بناتها على الصبر على الذل والعار والفساد كيف تخشى على نفسها من نظرات الناس وشماتتهامن طلاق بنتها وماتخشى على نفسها من رب العباد بفعلها هاذا كيف ترضي الناس بسكوتها وماترضي ربها بخلع بنتها من هاذا المفسد في الأرض هاذا والله الذل والهوان بعينه فيه حريم تطلقوا مرة ومرتين وثلاث وحتى خمس وسته مرات ماماتوا ولا ضرهم شئ ولا نقص منهم شئ لاهما ولا أهاليهم هاذي سنة الحياة وهاذا شرع رب العالمين والله سبحانه وتعالى مايحمل النفس فوق طاقتها أقول لأهلك إذا قدر الله وفي زوجك مرض من هاذي العلاقات القذرة و ين أفضلها عند أهلك طلاقك منه قبل لايقع الفأس في الرأس وإلا كلام الناس عن إن زو ج بنتهم طلع عنده مرض الإيدز ذاك الوقت لا أنتي ولا عيالك ما فيه أي أحد من أهلك راح يقبل فيك تدخلي بيته حتى لو أنتي سليمه ومعافاة خوفا من الفضيحة وخوفا من مرض زوجك إذا كان أهلك طبعهم كذا وهمهم كلام الناس أختي الفاضله إنتبهي لنفسك ولعيالك ولاتسمعي كلام أهلك ترى رضى الناس غاية لاتدرك والساكت عن الحق شيطان أخرس إنتبهي لنفسك إللي مثل زوجك وبأخلاق زوجك حرام تجلسي معاه حتى ساعة أعوذ بالله من غضب الله ياقوة قلبك وياقوة صبرك عليه إللي أنتي فيه شيئ لايطاق كم تمنيت إني أعرف أمك وأهلك وأعطيهم دش مرتب علشانك حتى يعرفوا قدر الجوهرة الثمينه إللي سلموها لشخص لايستحق حتى ظفرها أختي الغالية لا أملك لك غير الدعاء في ظهر الغيب وأسأل الله بأن يفكك من هاذا الزو ج ويصرف كيده و بلاءه وقهره وخيانته عنك وأن يجعل كيده في نحره إذا كان ربنا عالم عنده في علم الغيب له بهداية وصلاح فنسأل الله أن يعجل بها وإن كان يعلم بأن حاله ماراح ينصلح فنسأل الله أن يفكك منه ويصرفه عنك وأن يسهل عليك حياتك و يسرها لك و يعوضك ربنا خير منه اللهم آمين . |
الله يحفظك ويحفظ اطفالك ويكون بعونكم يارب ..وان شاء الله بتنحل امورك وتتسهل ويصير اللي تبغي بس اكثري من الاستغفار والدعاء وربي ما راح يضيعك اللهم انا نستودعك اختنا ملاك واطفالها يارب كُن معها واحميها واحفظها يااارب |
اقتباس:
اشكرك اخوووي الرسمي ماقصرت .. بالنسبة للخطوات اللي ذكرتها انا سويتها كلها .. لكن امي تقول انا مالي شغل وزوجك رح ينتبه لنفسه وماراح تجي له امراض .. رغم اني قلت لها هو مايستخدم الواقي .. بس ماهمها الا كلام الناس وزوجي لما تزاعلت معه اخر مره سبيته اول مره بحياتي اسبه وقلت له اكرهك وماحبك وقلت كلام ماعمري بحياتي قلته له .. ونزلته بالحضيض .. لكنه مصر ومايبي يطلق .. ويقول لو تموتين ماطلقتك خبله انتي ؟ عشره عمر .. وانا احبك واموت فيك ولو تعطيني كنوز الدنيا ماطلقتك .. يقول وش فيك تكرهيني كني واحد قاتل ابوك ولا اخوك ؟ ... ماهو راضي يفهم لا بالسب ولا بالكلام الحلو ..قلت الله يستر عليك وانت ماقصرت جزاك الله خير بس انا وانت مانناسب بعض .. وانت ماتناسبني .. قال انا برجعك وابيك تتعدلين معي قلت ماني متعدله قال انا اعرف كيف اعدلك .. قلت ماتقدر .. وانا ماحبك ولا اقدر اعيش معك قال انا قابل فيك وانا احبك مو لازم تحبيني .. وانا اعرف كيف اخليك تحبيني .. ويقول راضي فيك بعيوووبك .. والله جنني .. بس من رجعتني امي له بالغصب وهو كل ماله يتغير شوي شوي .. واخر شي امس .. راجع من برى طفشان ومعصب ولما سألته من وين جاي قال مالك شغل..ويرفع صوته ويهاوش وانا متأكده انه راح يقابل .. اعرف اسلوبه .. انا اليوم بروح لبيت اهلي على اني برتاح كم يوم .. لكني بخطط هناك براحتي وبشوووف .. لو عالاقل امسك عليه دليل انه يغازل يعني مكالمه صوتيه عشان اهدده فيها واقول له اما تطلقني والا فضحتك .. وان مارضى يطلق برفع قضية خلع وبستخدم الدليل بصالحي .. |
اقتباس:
ياحياتي انتي .. اشكرك على كلامك ووقفتك معي وياريتك عندي تفهمي اهلي .. والله عجزت منهم .. حتى لما اخطط ما اعلم امي بشيء بس اقول لاختي الكبيره من امي ..صارت امي تتضايق وتقول وش فيك تخبي عنك اسرارك؟ قلت انا لانك مستحيل توقفي معي .. دايم توقفي مع زوجي ومستحيل تصدقين فيه .. انفجرت الاسبوع اللي راح وعلمتها ومافي امل منها .. خلاص قررت اسكت واشتغل من وراها .. لحد مالقى حل وانا ماني مطوله.. انا اتوقع فترة حملي افضل فتره اجلس عندهم فيها عشان مايجبروني ارجع خوفاً على اللي ببطني وعلى صحتي .. |
رحمة ذكريات ..
فعلاً كلامك عين الصواب مافادني غير استغفاري ودعواتي لربي .. احس انها بتنفرج قريب .. ياااارب عجل طلاقي يااارب واهدي اهلي واجعلهم يوقفون معي |
أنا اتفق مع راي اخي في الله
الرسمي التاريخ لايمحي اي شئ وهذا شئ راح يكون بصمه على سمعة عياللك وسمعة ابوهم للذلك اتركيه لربك وصدقيني بيجي يوم ويطيح بشر اعماله ونتي اهربي من حياتك الجحيم الى رب رحيم ينزل رحمته وسكينته عليك اعانك الله مما أنتي فيه |
ياليل حزني كبير..
انا فعلاً تركت الهيئه بس لاني قررت ادعي ربي ياخذ حقي منه ويمكن ينمسك من الله بدون ما اتعاون مع الهيئه لانهم يحتاجوني اعلمهم متى يروح ووين وكيف.. وهذي الاشياء مش باستطاعتي .. فقررت اني اشيل فكرة الهيئه من راسي وافكر بدليل ثاني يساعدني مثل ماذكرت فوق وعسى ربي يحلها باسرع مايمكن.. |
| الساعة الآن 11:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©