|
طب حاول ترسلها مسج على جوالها يعني كيفك كيف الاولاد
سويها والله خذهامني تجيب نتيجه اناعندأهلي وزوجي يرسلي ويتصل وانامطنشه ماأرد يحسب إني مو مهتمه بس والله فقلبي تأثر ولمن يرسل كلام عاطفي أكيدتأثر أكثر برغم تنطنيشي والله أخوي زوجي لو كان يسويلي زيك لأرجع لك بحلوك ومرك أولآ بينكم أولاد وأنت واضح حنون عليهم الله يكتب اللي فيه خير لك اخوي حياه أفضل الله يسهل أمورك ويرزقك بزوجه تنسيك كل همومك |
اقتباس:
|
سيدة الموقف ..
انا بالبدايه حسيت انك ماقريتي مشكلته الاوليه .. وسبحان الله لما شفتي الرد تبعه غيرتي نظرتك لزوجته .. صدقيني انا لو ماقريت موضوعه السابق ماكنت وقفت ضدها في اشياء كثييييييره ماقدرتها بزوجها وواضح انها طمعانه وتبي تطفشه.. انا انصحه ينساها لانها مستحيل تندم هالفتره... لازم تعرف انه سحب عليها ولا عادت تهمه .. ولازم تعرف ان الف بنت تتمناه وانها ضيعته من بين ايديها .. اخوي يبغالك تصبر سنه .. وان زوجتك ماعبرتك ماعليك منها روح وتزوج ..وعيش حياتك ساعتها رح تترجاك ترجعها بس لاترجعها يمكن نذاله تبي تخرب عليك |
اقتباس:
طيب يااخي .. من الواضح حبك لها ... وذكرت انها تحبك .. وكتبت لك عبارات جميله قبل خروجها من المنزل .. صح.؟ قد تكون حساسه جدا .. ولم تتحمل كلامك الجارح لها ... او لم تستطع ان تتحمل عصبيتك ( وقد تكون مفرطه في نظهرها ) قد تخطأ في مواقف وقد تصيب في مواقف اخرى ولكن لاتحسن معالجة الخطأ حين يصدر من غيرها .. قد تسئ التصرف في مواقف دون ان تقصد مضايقتك.. ( قد ينقصها النضج وحل المشاكل بطريقه صحيحه ) بمعنى اوضح ينقصكم التفاهم بينكم .. رغم الحب بينك وبينها .. يااخي مافائده البيت الكبير والمال الوفير والسفر الكثير .. ان لم يكن بيني وبين زوجي اي نوع من التفاهم .. ( انت ادرى مني بحياتك وبكيفية تفكير زوجتك .. ) هدفي يااخي ان تبحث عن الخلل في نفسك وفي مواقف حياتك فهل طلبت الطلاق ( لانها لم تتحمل بعض صفاتي او افعالي - قد يكون طيش وتهور منها - تأثير خارجي او داخلي عليها - هروب من تحمل الحياه الزوجيه ....) فكر جيدا .. استخر فيما تنويه .. ولا ترتبط باخرى الا بعد الاستعداد النفسي للارتباط من جديد ( اهلك يبحثون على مايعتقدون انه مريح لك فزوجه جديده تنسيه القديمه بالتالي لا يشعر بفقدان الاستقرار الزوجي ) .. اسال الله لك التوفيق والسعاده اينما كان .. بااضيف شغله اخيره ... لـ الاخت الملاك يونا .. لي خال اعتبره اخي وصديقي .. والكل يعرف مدى قوة العلاقه بيني وبينه ... وعندما عرفت زوجي به قلت هذا خالي فلان وهو اعز انسان علي قلبي .. هل يعني ان علاقتي به غير طبيعيه ..؟ |
الأخ الكريم/a7bha
-أعتقد الآن أن الكرة في ملعبك؛ فقد وضح لك الجميع رأيه من الرجال والنساء. -أعجبني فيك الشعور المتنامي بكرامتك وكبريائك أمام والدها. -طبق نصائح الأعضاء والعضوات فوالله لقد صدقناك النصيحة بقلوبنا وعقولنا. ::: الأخ الكريم/ حياة أفضل "أحمد" الحمد لله على عودتك سالماً لنا. ماشاء الله لا قوة إلا بالله! ما هذه الروح الجميلة المتفائلة المتوثّبة للحياة الجميلة والمستقبل الرغد، وماهذه القوة والصلابة التي تشع من حروفك. سر على دربك والرحمن يهديك للخير. |
اخي a7bha اولا لابد ان تؤمن أن ما اصابك لم يكن ليخطئك وما اخطئك لم يكن سيصيبك .. هذا قدر الله عليك .. فأذا رضيت لك الرضا واذا سخطت فلك السخط وانت انشاء الله من الراضين .. لا تحزن على ما اصابك.. بل قل الحمد الله اللذي لا يحمد على مكروه سواه.. لعل في الأمر خيره قصتك تذكرني بقصه احد صديقاتي تمااماً .. زوجها دكتور جامعي ولديه فيلا وكريم عليها جدا وبنفس الوقت اذا انفعل لسانه قاتل ! .. ويندم على ماقاله .. وهي تطلب منه وتريد ان تعيش حياه رفاهيه ..حياة ملكيه .. وعندما تطلب منه لا يرفض .. ولا يضايقه الأمر فألمر بالنسبه لها عادي واحيانا تطلب منه شيء بسيط فيرفض تماما ويتصرف كالبخيل وهو ليس كذلك .. نقول لها اتقي الله ولا تظلميه هل نسيتي كذا وكذا وكذا .. فتندم على ما تلفظت به ولكنها كانت تحكم على موقف في لحظه معينه .. وبنفس الوقت هي انسانه فاضله يثق بها ومحترمه ... الخ مشكلتها انها تفقد الأمان معه من فتره لأخرى نتيجه لسانه ولحظه غضبه او يقول كلاما لا يقصده وهي لا تتحمل .. والله انهم يشابهون قصتك .. طلقها وتزوج بأخرى وطلق الأخرى جلسوا منفصلين عن بعضهم سنتين تقريباً .. او اقل .. الأن ماشاء الله عادوا لبعضهم البعض .. ولكن تدخل مستشار بينهم اصلح لهم امرهم وكان بقناعه منها بعد قصه طويله اخذ اولاده منها بالتدريج وايضا لا يجوز حرمانهم من امهم بل اصبحوا تاره لديه وتاره لديها وتفاصيل طويله ..الخ .. فحنت لهم ولم الشتات ..بينما كانت في السابق تراه رجلا سيئاً !! لا يطاق العيش معه !! وطلبت الطلاق !! .. هو شخصيه حديه شديدون الطيبه والكرم و ايضا بنفس الوقت غضبهم الييييم .. وهي لم تفهم كيف تتعامل مع هذا الرجل ذو القلب الطيب حينما تعتريه موجه الغضب .. جلسوا مع هذا المستشار عده جلسات .. افرغوا معه شحنات الماضي وعلمها كيف تتعامل معه .. والحمد الله استقرت حالتهم كثييرا واستقروا اولادهم .. اسأل الله ان يفرج لك همك..ولكن عليك بالصبر .. وكف من مطاردتها .. دع لها فرصه تشعر انك اصبحت لا تحبها و لا يهمك امرك ..خصوصا انك الأن طلقتها فهذا الوضع الطبيعي .. الطليق لا يلاحق طليقه ..ليست زوجته ولا تحل له .. دع هذا الوضع الطبيعي يسيل في مجراه .. وعليك بكثره الصلاه والدعاء و انسااها وسأتيتك الأمور كلها لصالحك .. فقط اصبر .. (وبشر الصابرين ) وربك كريم ما قدر لك هذا ..إلا ليعيدكم الى بعضكم بعد أن يصلح حالكم على احس حال ..و دون مشاكل عميقه كما في السابق بينك وبينها فتسعد بها وتسعد بك وكل شخص يعرف قيمه الأخر حق المعرفه .. والله ان ربك ارحم من قلوبنا بك وارحم بك من نفسك على نفسك وان قدرك هذا ربما رحمه بك وانت لا تعلم ... فقط ادعوا الرحيم الحكيم .. الله يقدر لنا كل ماهو فيه الخير ولكن قصور الأنسان لا يدرك ان كل الأمور تصيبه هي خير له ولو بعد حين .. قل صبرن جميل والله المستعان .. وكن من الحامدين الشاكرين على كل حال واللذي لا يحمد على مكروه سواه سبحانه..افرغ مافي صدرك لربك .. اشكوا له كما تتكلم وتشكو لأي صديق بل وبذله له و مناجاه بعطفه ورحمته .. وسيفرج الله امرك وسيريح نفسيتك .. وان اخذت عمره في بيته الكريم فهو افضل لك .. وعليك بالملتزم " مكان بين الحجر الأسود وباب الكعبه" فهو موضع اجابه دعوه عند كعبه ربك واسفل البيت المعمور في السماء .. لله 99 رحمه وفي الأرض رحمه واحده وزعين بين الثقلين والطير والبهائم و...الخ هل تخيلت رحمه ربك .. الجأ له فهو المغيث سبحانه تحيتي لك اخي العزيز |
اقتباس:
هي تكلمه اخر الليل ودايم تمسح رسايلها ومكالماتها مع خالها وماعندها مانع تتطلق بس اهم شي تكلم خالها براحتها .. يعني حركاتها تشكك ومعاملتها معه كأنه صرافة بنك .. |
اقتباس:
سمعنا عن حريم تتطلق علشان رجل ثاني اوهمها بالزواج لكن تتطلق علشان علاقة مثل هذه!!... مستحيل فيه وحده تسويها!!!... اكيد هناك اسباب ثانية!؟ |
اولا اشكر الجميع00
ثانيا احب اؤكد للأخوات الملاك يونا ولا تظلمونه وفضيله ان علاقة زوجتي بخالها غير مشبوهة لكن انا غير راضي عنها لأنها تستشيره في امور خاصة وهو شخص لا يستحق الثقة وانا اعرفه جيدا عمره 34 لكن مراهق وصاحب علاقات كما اخبرني بنفسه وسوالفه تعبانه وسبق طلق 3 مرات ودايم نصيحته الطلاق ولذلك ما كنت مرتاح له ولذلك كانت تخفي اتصالاتها لاني لا ارتاح له ويبدو انه نصحها بالانفصال والله اعلم |
•أقدم اعتراضي الشديد على من يغمز الزوجة في طبيعة علاقتها بخالها.
•كما أؤيد زوجها في منعها أو محاولة منعها من التواصل معه إن رأى ضرراً أو عرف ضرراً والشرع يقف في صفه. ::: أخي الكريم/a7bha ما رأيك أن تسافر إلى مكة المكرمة أو المدينة المنورة؟ ما رأيك أن تسافر خارج المملكة؟ •السفر له مفعول عيجب على نفسية من يمر بمثل حالتك..صدقني! |
اللي ابغى اوصله لك اختي ملاك ..
ان مالك حق تشككين فيها .. وهي تمسح الاتصالات والرسائل لانها تعلم ان زوجها رافض استمرارها مع خالها وبهالصوره ... اخي البليغ .. لم يكن هدفي من سؤالي لاخت ملاك الغمز واللمز بل الذب عنها .. |
اقتباس:
انا واثق مليون بالمية بأخلاقيات زوجتي(االي كانت زوجتي) وهي مستقيمة ومالها في اللف والدوران بتقولون اجل وش زعلك باقول انا ارفض الغموض بين الزوجين وانا ما منعتها تتواصل مع خالها لكن في النور وبدون ارتباك ومسح رسائل يعني تخيلوا اني سويت لها ايميل لانها طلبتني وتعاونت معها على نياتي واتفاجأ انه كان للتمويه وطلع عندها ايميل ثاني خاص بخالها واخوانها فقط وهذا شي ضايقني لاني اكره ان الزوجة تسوي شي من وراي لكن متأكد انها انسانة مستقيمة لكن للأسف لا تعرف معنى الحياة الزوجية يعني تخيلوا كانت علاقتي بأختي قوية ولما تضايقت زوجتي صرت رسمي جدا مع اختي علشان ما تتضايق ولما صار الموقف لها ما قدرت ابدا عموما تخلي خالها ينفعها الآن0 |
اقتباس:
نعم أخي الكريم أحبها لا أحد يستطيع أن يرمي زوجتك بشيء فأنت أعرف الناس بها ومن الجميل أن ينتهي ما بين الزوجين ويعرف كل منهما حسنات الآخر وسلبياته دون مبالغات واتهامات ليس لها داعي, ولكن الموضوع كما تفضلت أنه من غير المقبول تلك التصرفات منها ( مسح سجل الهاتف - استخدام اساليب اللف والدوران لتمويه الزوج ) عموما أخي أنصحك مرة أخرى بالسفر وأفضل مكة والمدينة بحيث تقضي وقتا للعبادة ثم تخرج للتمشي في الأماكن المعروفة للسياح ... وما شاء الله عليك واضح جدا عليك رباطة جأشك وتغلبك على عواطفك ... أعانك الله وفرج همك ويسر أمرك |
لا تتزوج بآخرى إلا عندما تنتهي من الأولى
دام الموضوع فيه أطفال تحمل وحاول والله ولي التوفيق |
رجعها نصيحه
اذا مو عشانها عشان اطفالك |
اقتباس:
عموما أنت في بيتك وهي الان في بيت أهلها ... خذ لك اجازه وسافر للمدينه او مكه ... ريح نفسيتك ... ادعي ربك ... والله ييسر امرك ويكتب لك الخيره ... |
اخي الفاضل... صحيح ان الطلاق ابغض الحلال...لكن اعتقد ان في حالتك هذا الافضل المفروض ان نكون محضر خير وننصحك ترجعها وتصبر عليها...لكن للآسف قريت قصتك وارتفع ضغطي... اذا انتو في عز الشباب والايام الحلوة تستغلك ماديا ومهملتك وكل شوي تقول وديني بيت اهلي ومن الكلام هذا...اجل بعدين ويش بيصير بينكم...الاولاد يكبرون والمشاكل تكبر معهم...اذا الحين ماتحملتك بعدين ويش بتسوي؟؟؟ انا زوجي جابلي ايفون ٤ وحاستها شي كبير وكل شوي اقوله شكرا ومنت حارمني من شي...بس زوجتك للاسف مايملى عينها شي واذا كان في احد بيضحي ويتنازل عشان الاولاد ومصلحتهم ف هي زوجتك..انت اللي عليك سويته وبعدين تخيل اخي الفاضل انها رجعتلك هل تتوقع ان المشاكل بتختفي؟؟ او انك بتقدر تفصلها عن اهلها لانهم هم سبب المشاكل؟؟ وايش افضل انك تطلقها وعندك طفلين منها ولا تطلقها وعندك اربع اطفاااال واحد قريبي كذا مرته كل شوي تقوله طلقني وتصطنع المشاكل وتزعل عشان يراضيها بفلوس او سفره او ذهب وفي النهاية طفش وتعب معها ماتعدلت وطلقها وعنده ٤ اطفال ...وتزوج مرة ثانية من وحدة سبحان من خلقها مرتاااح معها وندم على كل لحظة ضيعها مع زوجته الاولى... الله يعلم اني ما احب احرض عالطلاق ولا ابيه يصير بس والله قصتك تقهر وانا اعرف الحريم وغيرها عندهم مشاكل اكثر ويصبروا ويتحملوا ازواجهم و لو انها تبغى تطنشك عشان تعرف قيمتها المفروض الا ماتلين وتوافق تتناقش معاك....بس للآسف زوجتك عندها عقدة الكرامة بينها وبين زوجها وكآنه لو اتنازلت لزوجها حتضيع كرامتها اخي كان الله في عونك...واعتقد الحل وااااضح وهي بنفسها الي اختارته |
وبالنسبة لخالها لا يمكن يكون في شي بينهم غلط واهلها عارفين بس فعلا ليش الحركات هاذي ماله داعي
|
حبايبي اللي يقولو رجعها...وماذا بعد رجعها؟؟؟
بتختفي المشاكل؟؟ بتتغير زوجته ٣٦٠ درجة؟؟ الطلاق وكل واحد بعيد عن الثاني بكرامته افضل من انهم يكونوا في بيت واحد وكل شوي مشاكل بينهم... انا افتكر مشاكل كثير كانت تصير بين والدي ووالدتي...للآسف اثرت علي كثير ولو والدي يبغي يتزوج وحدة ثانية انا بخطبها له...بس والدي صابر والشي هاذا لا اراديا يخليني اتضايق من امي واسلوبها مع والدي واحاول ما اصير مثلها مع زوجي والحين والدي بغرفة لحاله وامي بغرفة لحالها حتى والدي يعرف ان امي خرجت مننا ولا هي تخرج ولا تكلمه... وانت قرر تبغى اولادك يشوفو هالتصرفات بينكم ويش تتخيل نفسيتهم بتصير؟؟ |
اخوي العزيز
انت من الرجال القليلين الرجل لماذا يتزوج ؟ يتزوج لكي يستقر نفسيا وعاطفيا وجنسيا صح ؟ انت فقدة كل هذي الاشياء لماذا هذا الانتظار ومع ذالك هي من طلبت الطلاق والشي الي يقهر انها استدعتك بالمحمكه اين الكرامه ياارجل والله ثم والله لو الرجال تفعل ماتفعله مع زوجتك كان كل الزوجات تعشق تراب ازواجهم لاكن لا اعلم زوجتك من اي نوع الزوجه تقدر تحصل على ثلاث غيرها لاكن الحيااه لا راحت سدا لايمكن ان تقدر تعوض ايامك التي عشتها هدر انا لو مكانك اطلقها بدون تفكيرك وبدون اي استشاره وفي النهايه انت تعرف ماذا تحتاج وماذا تريد وفي النهاايه انت الي تعطي القرار النهائي الله يوفقك ويستر عليكم انتم الاثنين ويهدي سركم |
اقتباس:
اي والله كلامك صحيح مليون بالميه .. والله لو زوجي كذا كان اعشق تراب رجوله .. لو فيه ربع من اللي يسويه الاخ .. |
ياجماعة اتقوا الله قولوا خيرا او اصمتوا!
ليتكم تعلموا مابعد الطلاق؟ الطلاق لا يعلم مره الا من ذاقه سمعت محاضره لشيخ يقول تاثم المراه لو طلبت الطلاق بدون سبب فكيف بالرجل وهو من يطلق! دعوه يفكر كلنا نخطا ولسنا معصومين اسال الله للك التوفيق |
الحل هو " فرفورة "مكانها تنسيك ايام الهم والتعب معاها
|
انتظر لا تتزوج ذي الفتره يمكن ربي يهديها وهي ترجع تدق تبيك راح تندم ندم عمرها ماشافته وراح تبكي دم عليك انها ماحافظتك عليك لان بجد هذا الزمن نادر تلقى رجال معنى رجال اخلاق لكن ماراح ينفعها اللي سمعت كلامهم مصيرها الندم
الله يسخرها لك يارب ويهديها وتتراجع قبل فوات الاوان يارب يطلع خطيبي معاملته معي زيك ادعولي |
نصيحتي لك يا اخي ان تتقرب من الله وتدعي ان الله يهديها,اتمنى انكم ترجعون لبعظ عشان العيال
والله يوفقكم لما فيه خير |
تريث حتى تعيد لنفسك توازنها , حتى لا تظلم أحد بما تحمله من رواسب زواجك السابق,,
|
| الساعة الآن 11:14 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©