مابيدي شئ الا الدعاء لك بان ربي يصبرك ويعينك وييسرلك امرك...

[QUOTE=ميثى;2620064]صدقتي والله وهذا الي احاول اقوله لها

لا حول ولا قوة الا بالله
بالنسبه لي الحقيقة المرة
ولا العيش في حالة التفكير والتشتت


لكن ما اعرف اش دخل هالمساله بزواجك؟
وشلون مضت السنين وما زاد تفكيرك بها الا الان بالذات؟

أول شي سامحوني أنا البارحه ما قدرت اكتب شي أو أرد لاني والله كنت مصدومه ما تخيلت ولا خطر على بالي هذا الشي لدرجه أني صرت أصيح وبس لدرجه مسكين ريلي يسالني شو فيج في أحد غلط عليج في أحد قالج شي تصدقون في هالحظه وهو يسال والله فكرت أن أخليه يقرأ اللي نكتب على الاقل يمكن يجس بتانيب الضمير ويتكلم أو يساعدني بس جالي شعور بالخوف وقلت لالا يمكن اذا درا يروح يخبر أبوي بسالفه ويسويلي قصه من لاشي وأنا مب ناقصه فسكت ورديت عليه وقتله بس مضايقه .
أختي الغالية ميثى أشكرج الا هذا الاحتمال ما حطيته تدرين حاطه في بالي يمكن تكون ماتت وشلون راح أتقبل هذا الشي لكن الموضوع ثاني لالالالالالالالا.


اتمنى ما يكون حقيقه لاني هذيج الساعه راح أفضل الموت أي صراحه تتكلم عنها صديقني الصراحة ساعات تموت بس مشكووووور.

لجين فينك خبرينا شو صار معاك اتمنى ما تتوقفين وتتقاعسين خلي ارادتك قوية انا أم وأعرف شو شعور الام.

ياريت من جميع الاعضاء يساعدونها ويعطونها الحافز لاننا في هذا المنتدى نعتبر بعض مثل الاخوات والاخوان]

شلون أكمل
 

أهلا و سهلا فيكي أختي بعد غيبة و عسى الله يسهل لك طريقك .... سؤال هل أنتي متأكدة من هذا الشخص اللي راح يجيب لك المعلومات اللي تبينها عن أمك أولا؟؟ ما ودي تدفعين له المبلغ الا بضمانات لاني ماني عارف أصلا هو ليش طلب مبلغ و كم طلب أصلا؟؟ عموما الله يوفقك

لهدرجه‏ ‏ مايبين‏ ‏ العائلة‏ ‏ تعرفين‏ ‏ شي‏ ‏ عن‏ ‏ امك‏ ‏ ولو‏ ‏ حتى‏ ‏ اسمها‏ ‏ انتي‏ ‏ من‏ ‏ حقك‏ ‏ تعرفي‏ ‏ امك‏ ‏ وتليها‏ ‏ لانها‏ ‏ تعتبر‏ ‏ قطيعة‏ ‏ رحم‏ ‏ ومهما‏ ‏ سوت‏ ‏ من‏ ‏ ذنب‏ ‏ تبقى‏ ‏ امك‏ ‏ مواصلتها‏ ‏ وتبنيها‏ ‏ الرسول‏ ‏ امر‏ ‏ المصلين‏ ‏ ان‏ ‏ يبروا‏ ‏ ادائهم‏ ‏ المشركين‏ ‏ ماذا‏ ‏ بعد‏ ‏ الشرك‏ ‏ ؟‏ ‏ حتى‏ ‏ لو‏ ‏ غلطت‏ ‏ امك‏ ‏ مالهم‏ ‏ حق‏ ‏ يمنعوا‏ ‏ ابحث‏ ‏ عنها‏ ‏ ولو‏ ‏ بدون‏ ‏ علم‏ ‏ ابوك‏ ‏ بس‏ ‏ تاكد‏ ‏ من‏ ‏ هذا‏ ‏ الرجل‏ ‏ اللي‏ ‏ قال‏ك‏ ‏ هو‏ ‏ بيبحث‏ ‏ لايجيب‏ ‏ لك‏ ‏ وحده‏ ‏ مو‏ ‏ امك‏ ‏ ويقول‏ ‏ انها‏ ‏ امك‏ ‏ عشان‏ ‏ ياخذ‏ ‏ فلوس‏ ‏ كون‏ ‏ واثقه‏ ‏ منه‏ ‏ جدا‏ ‏ وا‏الا‏ انتي‏ ‏ بنفسك‏ ‏ ابحثي اقنعي‏ زوجك‏ ‏ ترا‏ ‏ مايقدر‏ ‏ احد‏ ‏ يساعد‏ ‏ غير‏ ‏ زوجك‏ ‏ فلو‏ ‏ اقنعت‏ ‏ راح‏ ‏ تنحل‏ ‏ كل‏ ‏ الامور‏ ‏

من حقك مواصلتها وبرها الرسول امر المسلمين أن يبروا أبائهم المشركين

عفواً أختي الكريمه تم دمج الموضوعين لترابط المحتوى:)

أسأل الله العلي القدير ان يفرج همك ويجمعك بأمك عاجلاً غير آجل

لحين خايفه من شي اذا هي جابتلي المعلومات كامله شو أسوي أروح على طول لها من غير ماحد يدري وطيب شو أقولها وشلون أعلمها انا منو وأخاف هي ترفض تكلمني أو أهلها حتى وخااااااااااااايفه بعد اذا سالتها ليش تركتيني ولييش طلقج أبوي ما ترد مب عااااااااااااااارفه وخايفه والله من أبوي حاسه في شي يمنعني مادري شو هو الله يخليكم ساعدوني والله بدعيلكم .

أنا أبغي أحد يدلني شو أسوي اذا عرفت عنها بمعنى يجاوبني على اسئلتي اسئلتي اللي فوق لو سمحتوا مب مهم كم ادفع الله يخليكم مب متخيله اني رااااااااح أشوفها قريب .

ليه ماتحاولين تكسبين زوجك لصفك علشان تسهل مهمتك وخاصةً انك تقولين انه رجال طيب يعني بيتفهمك اكثر من غيرك واحسن من انه احد يستغلك بالمال

همسه:

اتمنى ماتزعلين من كلامي بس ياليت تحاولين تهتمين بزوجك اكثر لأنك محاسبه عن هالشي ...مره ثانيه اتمنى ماتتضايقين مني

الله يفرج همك يارب ويكون بعونك ويوفقك لمافيه خير لك

الله يعينك
وتلاقي امك وترتمي بحضنها
اللهم ياجامع الناس ليوم لاريب فيه رد للجين حاجتها

تصدقين خايفة الرجل هدا اللي كلفتيه يدور على أمك إنه يتفق مع أي حرمة وتمثل عليك إنها أمك ترى ماهو بعيد خصوصا المبلغ اللي طالبه ماهو قليل ... حاجة ثانية عندنا هنا في السعودية فيه مركز المعلومات فيه كل المعلومات اللي تخص مواطنين الدولة كلها ماأدري أنتوا عندكم في الإمارات زيه ولا لا .. لأنك إدا وصلتي له معناه مهمتك سهلة جدا

الله يسهل امورك

عندك بطاقة الهوية

المسألة مو بحاجة مبالغ ولا شيء من هالقبيل ,,
دائرة الأحوال المدنية ,, طلب بدل فاقد "للهوية" أو "شهادة الميلاد" ,,
وتحصلي كل شيء بتبحثي عنه ,,
أتوقع هالعملية مو صعبة لدرجة كبيرة !
بالتوفيق أخية ,,