منتدى عالم الأسرة والمجتمع - هل تنسى الزوجة خيانة زوجها

اقتباس:

المشاركة الأصلية كتبت بواسطة بنت الحكمي (المشاركة 2571707)

حياالله دلوعتنا كيف حالك وفين الغيبه تصدقين قبل فتره بغيت أدور لموضوعك الأخير وبغيت أنزل إعلان وراك ماشفناك عاد أبطيتي علينا يارب المانع خير وإن شاء الله تكوني بخير وصحتك تمام يارب .

هلا وغلا بحبيبتي واختي الغاليه اللي ياما وقفت معي ومع الكل بقلبها الكبير وتوجيهاتها الرائعه احبك في الله يابنت الحكمي لي صديقه اسمها ... الحكمي حبيتها اكثر بعد مشاركاتك
انا كنت غايبه احاول اعدل الامور اللي مو راضيه تتعدل بس خلاص قررت اطنش وان شاءالله اقوى نفسي الايام الجايه واوقف على رجولي من جديد وتون هذي اخر مواضيعي لاني تعبتكم وطفشتكم واغير معرفي من دلوعة مودي الى مطنشة مودي ههههه والله احلى

بالنسبه لسؤالك أنا أشوف إن الزوجات يختلفن عن بعض في مسألة النسيان فيه هناك من لاتستطيع النسيان وتحس بنار تاكل في جوفها كل ماتذكرت خيانة زوجها وأكثر شئ تكون هالميزه بالنساء الغيورات جدا لدرجة كل ماتشوف زوجها قدامها تذكر خيانته وتكرهه وتنفر منه طبعا هاذي حاله ميؤس منها ومن علاجها وهناك صنف تنسى بس ماتزال في قلبها من الداخل وعند أي خلاف
بينها وبين زوجها تنفتح جروحها وتذكر خيانته وإحتمال تذكر زوجها بهاذي الخيانه وتعيد وتزيد تقدري تقولي إن مسألة الخيانه تكون في وضع خمول
وعند أي خلاف تنشط بسهوله فهاذي يعني صاحبها عايش بين نارين كل ماحاول يتناسى تحصل مشكله وتوقظ الذكريات الأليمه طبعا هاذي الحاله إذا كان هناك تفاهم وإبتعاد عن الخلافات والإعتماد على النقاش الهادف بكل صراحه وشفافيه أتوقع تقدر تتعايش مع هاذي المرأة .
وهناك صنف ثالث وهي الزوجه النسايه كثيرة النسيان ويرافق ذلك برود في مشاعرها وهدوء
وكأن أمر الخيانه عندها شئ بسيط عندها إستسلام في حياتها الزوجية وماتهتم في زوجها سوى خانها أو غازل إمرأة أخرى أهم شئ عندها عايشه حياتها وماناقصها شئ
ولسان حالهايقول بيتحاسب هو مو أنا وش دخلني فيه فهاذي المرأة أنا صراحه ماتعجبني أبد
لأنها سلبيه وما عندها إراده وزوجها يستغفلها وهي ماتصدر أي ردة فعل فهاذي بتنسى الخيانه من ساعة حدوثها وماتفكر فيهاو حتى ماتبحث عن اسباب خيانة زوجها لها.

وتتوقعي انا من اي نوع .. ياليت تصنفي نوعي لو تخمين

وأنا أقول لك يادلوعه إن إذا زوجك تاب توبة نصو ح وتغير
في حياته معاك وأنت سامحتيه من قلبك بصدق وإخلاص وعفيتي عنه فبإذن الله تعالى إنك راح تنسين خيانته بعدين يا أختي زوجك وزه الشيطان وأغرآه وخان مرة واحده وزوجك بعد إللي صار له تاب وندم أشد الندم لاكن يا أختي وش تقولين في الزوجات إللي أزواجهم يرتكبون الخيانات مرة تلوى الأخرى وفي منازلهم على أسرة زوجاتهم في غرف نومهم الواحد يستغل روحتها عند أهلها أو صديقاتها وجاب صديقته في بيته والله إن فيه زوجه زوجها يجيب صديقته عنده بمجلس الرجال ويقول لزوجته جهزي الشاي والقهوه والحلا زميلي عندي بالمجلس
ويشغل التلفزيون ويرفع له الصوت علشان زوجته ماتسمع أصواتهم لاكن سبحان الله
زوجته حصلت آثار الرو ج في فناجين القهوه وفي الفاين على المغسله وواجهته وعرفت إن إللي عنده كانت بنت من عشيقاته يا أختي أنت حالك أفضل من ذولي النسوان بالذات إن زوجك تاب وتغير فحاولي تتناسين هاذي السالفه قدر المستطاع حتى ماتأثر على مشوار حياتكم الزوجية أنتم عندكم عيال لازم تحطون يديكم في بعض لتربية ورعاية هاؤلاء الأطفال حتى يشقوا طريقهم للحياة بكل ثقه ونجاح أ سأل الله لك التوفيق في حياتك وأسأله عزوجل أن يعينك ويثبتك و يمدك بالقوة والصبر على ما أصابك من هم وكدر إنه سميع مجيب .

‏ ‏

آآآآمين يارب

مشكوره يالغاليه