|
أولا زوجك ماهو مثل ازواجهم زوجك افضل بمراحل
ثانياً :ساكتين ويحترقون جو طبعهم ما يتكلمون |
اقتباس:
فيني طبع صعب :29: لو زوجي مو عندي ، ما أقدر أكل .. لو زوجي مو عندي ، ما أقدر أنام .. فأشوف أختي ماشاء الله تبارك الله .. زوجها غايب عنها يومين مثلا و تاكل بشهية ، و تضايق لو جلس في البيت طول اليوم :) و لا مثلا زوجة أخوي ، زوجها من العمل للبيت و العكس و هي تنقهر ، تبغاه يخرج و يسهر مع أصحابه و تبغى تخرج كل يوم .. و حتى هنا أقرا مرات رجال يشتكوا من حريمهم إنهم يسهروا و ما يناموا معهم أبغى أصير مثلهم ( باردة ) :( --------------------------------- مشكلتي تتلخص في نقطتين : 1 - بروده في المسؤوليات : يعني هو شايفني خلاص عند أهلي مرتاحة أنا و ولدي ، و يعرف إنه أهلي كرماء ماشاء الله ، و حتى يوم أطلب منه يشتري شئ لولدي ، أمي تخاصمني و تقول ليه مقصرين معاك ؟ و وقت ما يبغاني ، يجي يزورني عند أهلي في أي وقت ؟ يعني بيقول أكييييد .. مصيرنا بنكون في بيت واحد عاجلا أم اجلا .. و يعدي يوم وراه يوم و كل شوي يتحجج بحجج حفظتها من قبل ما يقولها .. 2 - جفاء المشاعر : في الخارج تعودنا نكون مع بعض ، حتى مع المنغصات اللي تصير .. ما ننام غير و نحن متصالحين ،، و ما تعودت على الفترة هذه من البعد و هو من جد زودها .. و إذا قلت له أحرجتني مع أهلي ، يقول لي خلاص ما أزورك عشان لا يتضايقوا أهلك مني ؟ يمكن لو بديت أهمله و أطنشه ، يبدأ يتحرك ؟ المشكلة يوم يدق ، ما أتحمل ما أرد عليه .. و أخاف أطنشه و أتعود و يتعود .. و ما صارت حياة من جدددد .. عشان كذا ، ودي ما أفكر و لا أهتم فيه .. و أعرفه ، بيبدأ يهتم وقتها .. |
اقتباس:
بالعكس ، لا إحراج و لاشئ .. اسفةة لإني ما وضحت ، و تفصلت أكثر بالـ (جنوبي و الشمالي) هذه تتعلق بـبوصلة الشخصيات ، و من كم يوم تحدثت عنه الأخت بيتا2 .. و هذا رابط عنه http://www.66n.com/forums/showthread.php?t=167809 بإختصار : الشخصية الجنوبية : اتكالي ، كسول ، عاطفي ، حنون ، غير قيادي الشخصية الشمالية : قيادي ، عملي ، طموح ، سريع .. إلخ و ألف شكر لمرورك أخوي فلسطيني |
اقتباس:
إذنك معك يالغالية .. :) معليه تويي شفت ردك ^^ |
كتبت رد طوييييييييل
و ولدي بالغلط فصل سلك الشاحن :( معليه يا نوووورة .. ردي بيكون طويل شوي لإنك وصفتي أحداث كلها مريت بها ، بس تختلف ردات الفعل :29: اقتباس:
زوجي عنده ميزات ، إنه : - يعزني و يبغى رضاي ، بس بعد ما يستفززززززني و بسهولة يعرف كيف يستفزني - قلبه طيب و يوثق في الناس بسهولة و يسامح و ينسى بسرعة - يوم سافرت الشغالة ، ساعدني في البيت كم مرة .. لكن ، اتكالي و بطئ و بارد و مسرف جدا .. و بسببهم تنتج مشاكل نحن في غنى عنها يا مع الدوائر الحكومية ، يا ملحقية ، يا أي شئ .. معليه ، متضايقة اليوم حبتين و ما أكلت شئ نفسي مسدودة و لا نفسي أنام :( و ودي أقفل جوالي لمدة أسبوع ، بس للأسف ماقدر و ما تعودت .. و هو ناااااااااايم في بيت أهله و أبرد ما عنده .. قلت له اليوم ، ما أبغى بيت .. ارتاح .. قال لي ( أحسن ) يمكن لو قلت لأمي و أمي كلمته ، بيستحي و يتحرك .. لإنه كذا طبعه بس ما ودي تكبر الحكاية و أي أحد يتدخل |
اقتباس:
لإني تخرجت من جامعتها .. بس ما أحب أعيش فيها :21: :d ------------------------------------------------------------ على فكرة : زوجي من زمان ، كل ما أدلعه .. يبدأ يشوف حاله .. و يوم أطنشه ، يبدأ يتعدل .. بس تعبني ، أنا ماني ( الة ) من غير ( مشاعر ) ؟ و المرة هذه ، بيشوف الطنااااااااااااااااش اللي من جد .. :( و من جد وقتها أنا أخاف من نفسي ، لإني مستعدة أعيش و لا كأنه في حياتي مو كفاية كيف تعبني في الغربة ؟؟؟ :( . . و الحمد لله .. حسيت إنه صلاتي أحسن من قبل كم يوم .. و بديت استرد قوتي شوي ،. و بدأ قلبي من جد أقوى من قبل و أشيله من تفكيري بجزء بسيييييط .. |
روح الطير
استشفيت من ردودك بالمنتدى إنك قوووية وعندك التطنيش زي السلام عليكم للي ينرفزك ويضايقك لكن طلعت خطأ !! شوفي ياروح إنتِ تقولين زوجي مافيه أمل يتغير لأنه طبعه كذا ! وأنا أقولك ماراح تتغيري لأن طبعك كذا وتفكيرك كذا وشخصيتك كذا ! لذلك ياعزيزتي بما إنك فاهمة طبع زوجك وتفكيره واسلوبه في الإهتمام وحتى رغباته حاولي شوي شوي تسوين اللي يتمنى منك ليش تبغين تكرهينه ؟ وتقهرينه ؟ صدقيني بعديــــــــــن راح تكرهين نفسك لأنك سويتي شي مو طبعك وراح تنقهرين من نفسك بعد هذا زوجك مهما كان ما دامك مو جاي في بالك الإنفصال الأفضل إنك تضبطين حياتك ونفسك معه اللي عرفته منك إنه رجل صامت والرجل الصامت بنظري أصعب شي لأنه غامض وكتوم لكن تقدرين تعرفينه من التجارب اعجبه الشي الفلاني وانبسط منه وتكلم عنه عندك حاولي تسوينه له شاف تصرف وسكت ماقال شي هذا الشي مايعجبه ابتعدي عنه احلى صفة بزوجك إنه يحب الإهتمام يكون منه وأشوفك مو معطيته فرصــــة !! ياأختي وش أحلى من زوج يهتم فيك ويداريك وإنتِ تتغليـــن عليه اضغطـــــي على نفسك وخليكِ مثل مايتمنى صعبة المنال مثلي :D حتى المسؤوليات المفروضة عليه اتركيها بطيب نفس ولو سأل عن شي ناقص قولي له ليتك تسووويه لأني ماأقدر ! خليه يحس بأنه رجل مسؤول وإنتِ تلجأين له مسألة إنك تقولين هو امرأه بجسد رجل وأنا رجل بجسد امرأه .. اسألي نفسك لأني ماأدري كيف وصلتوا لهالمرحلة هل هو اللي تنازل وتغاضى عن كل مسؤولياته في وقت إنتِ اللي بادرتي فيها وإنتِ ساكتة ومبسوطة بعملها ؟ يعني تعود عليك كل شيء إنتِ وترك كل شي عليك وبنفس الوقت متضايق منك إنك أخذتي مسؤولياته أو فعلاً مثل مافهمت إنه من عند أهله وهو لا مبـــالي ومطنش الدنيا وعجّــــــاز !! نصيحتي ياروح لا تسوين شي يخليك تحسين نفسك مو إنتِ ، ابدأي حبة حبة بالتغير لـ تتلائمين مع زوجك وطبعه كما هو مو علشان تكرهينه أو تقهرينه لأنه الحياة أولاً وأخيراً حياتك والسعادة سعادتك اتمنى تكوني فهمتي قصدي وأكون فهمتك مثل ماتتمنين .. |
قريت الردود كلها ، و بأرجع أرد حبة حبة .. :)
بس بأوضح شئ عالسريع ، هو ( صح يحب إنه هو يهتم فيَا و شئ حلووو ) و أي وحدة تتمنى .. و أنا مقدرة له الشئ هذا .. في المقاااااااااااااااااااااااااااااااااااااابل ( يكره إنه يتحمل مسؤولية ولدنا ) .. في المقااااااااااااااااااااابل ( بيهمل الأمور المستقبلية و يركن الأمور الحالية و أنا اتحمل نتايجها ) و متطمن إنه عندي وظيفة و الحمد لله و راتبها كويس و عندي أهل مو مقصرين معاي و معاه .. إلخ ------------------------------------------------------------------- أحس عقدة حياته ( ولدنا ) .. مراااااااااااات ينقلب 180 درجة يوم يكون معانا ( ولدي ) ..؟؟؟؟ :( يمكن بتقولوا .. كيف يعني ؟؟؟؟ الجواب : 1 - أمي ربت ولدي سنة و نص ، لإنه زوجي كان رافض في البداية إني أخذ ولدي معنا بحجة إنه يبغى يدرس كمان ( كان يكذب علي ، و كل شوي يطلع بحجة .. و لا درس و لا فلح في دراسته ) يوم عرفت إنه زوجي بس يتحجج بحجج عشانه أصلا رافض فكرة تحمل مسؤولية ولده .. بس ما يعترف .. تحديت كل شئ وقف بوجهي .. و جبت ولدي أخيرا و الشغالة معاه و تحملت بنفسي كل المصاريف من تذاكر و فيز و كل شئ.. لإني كنت مستعدة وقتها أتحمل أي شئ ، في مقابل إنه ولدي يعيش معانا .. حتى زميلاتي قالولي ( من جد ... حاربتي عشان أمومتك ) .. لإنه أي أحد يسأله من الناس ليه ولدكم مو معاكم ؟ يخلص نفسه و يقول ( أمه ما تبغاه ، لإنها بتدرس ) :( و يكذب على أهله و على الكل إني أنا اللي ما أبغاه :( و هددني كم مرة ، يا أنا و لا ولدك .. قلت له ، ولدي ما أستغنى عنه ، أو ألغي بعثتي و نرجع كلنا سوا .. و قال لي ، تحملي طيب إنت مصاريفه و مصاريف الشغالة .. و ما سمعت كلامه و جبت ولدي .. لإني كنت قريبة للجنون خلاص ، كل يوم أبكي أبغى ولدي :( كفاية سنة و نص انحرمت منه غصب عني ، و كان كل 3 أشهر يوعدني إنه بس شهرين و بيحجز بنفسه و يجيب ولدي ، و أصدقه كنت .. و ولدي كان متعود على وجه الشغالة في بيت أهلي .. و كان ولدي يكرهني كره العماء و يبكي يوم يشوفني .. فكان ولدي متعلق في الشغالة .. لحد ما قدرت و الحمد لله إني أخلي ولدي يحبني و يحب أبوه و أتقرب منه بكل الطرق و دحين الحمد لله ، ولدي يموووووووووووووووووووت فيا مرة .. و كان دايما زوجي يطلب مني أرمي الولد للشغالة ، فكنت أعطي اهتمامي كله لزوجي .. عشان لا يغار زوجي من ولدي .. و الشغالة سافرت من بعد رمضان .. و تقصدت كمان أسفرها ، لإنه ولدي خلاص بدأ يكبر و دخلته للحضانة و الحمد لله إني تخرجت و فضيت له حتى دحين زوجي يمزح ، و يقول إذا بتجيبي نونو .. بنخليه يعيش مع أمك .. و نفسه إني ما أجيب أطفال ؟ ---------------------------------------------------------------------------------------------- يعني لو كان اهتمام زوجي فيا + تحمله لمسؤولية البيت .. بيكون كل شئ تمام .. لكن بيتصرف تصرفات طائشة - و بدون تفكير في العواقب - و في الأخير نتحمل نحن النتايج و هو أبرد ما عنده -------------------------------------------------------------------------------------------------- ملاحظة .. و أول مرة كذا أفتح قلبي .. سامحوني : أنا تربيت أعتمد على حالي من يوم ما مات أبوي الله يرحمه .. ما كنت أحب أثقل على أمي و هي عندها أيتام و أهل أبوي كلهم قاموا عليها ، يطالبوا بالورث وو ما قدروا - أرملة و عندها أيتام و صغار - .. فانتقلت من البنت المدللة عند أبوها و أهلها .. لإنه كان كل شئ يعمله لنا و ما عمرنا أحتجنا لشئ، لوحدة ثانية .. هدفها تسعد أمها و تنجح في الحياة .. و أرضي ربي ( عشان أكون بنت صالحة و أبوي يدخل الجنة عشان الحديث اللي بمعنى من عال جاريتين .. إلخ ) هذا كان كل هدفي فقط في الحياة .. و إني ما أحتاج لأحد .. لإنه كانت قاعدتي اللي أرددها ( اللي ما عنده أب .. رحمتك يارب ) .. و زوجي عاش وسط بنات ، و ممنوع يخرج .. ممنوع يصاحب .. ممنوع ممنوع ممنوع كل شئ .. و أول ما تزوجته كان ناعم مرة و حساس ، لحد ما خليته يتخوششن ، و كنت أجلس أشرح له بالهداوة و أعطيه أمثلة .. ما يسمع كلامي من أول مرة ، و لا ثاني مرة ، و لا ثالث مرة .. لحد ما ياخذ ضربة على راسه .. و يجي يعترف إنه كان معايا حق ، و إني أسامحه و أعطيه فرصة و نفتح صفحة جديدة .. و كان كمان ما يعرف يتكلم مع الرجال و يتلخبط و يعرق و يخجل، و دحين الحمد لله جدا تغير في النواحي هذه .. حتى هو بيقول ما أنسى فضلك علي .. و الكل لاحظ الفرق بين دحين و بين قبل .. و في بداية زواجنا كنت أقول له ، إنت بداخلك شخص و انسان ثاني .. لازم أخرجه و بداخلي كنت ماعرف ؟ هل راح أقدر و لا راح أفشل ؟؟؟؟ و طبعا ما صارت كلها ، إلا بعد ما انهلكت .. فعشان كذا أي وحدة تجي تسأل بأتزوج شخص و بأغيره فأنصحها إنه لا تحط امال كبيييييرة إنه بيتغير ، لإنه يبغاله مجهود على حساب أعصاب و نفسية الوحدة .. المهم .. اليوم وعدني خلاص بياخد الشقة و بيفرشها إن شاء الله و يجيب السيارة .. إلخ و حلو كمان إنه يخليني أسافر مع أهلي و أخرج و أجي .. بس مع زوجي ما ينفع كذا أبدا .. :( لإنه الشئ هذا بيخليه يتعود إنه يرمي كل شئ على أهلي .. و ما أبغى أكرر غلطي في بداية الزواج مرة ثانية دحين .. أبغاه يعتبرني من غير أهل - لا سمح الله - .. كيف راح يتصرف وقتها ؟ هو الصراحة بيقول لي ( تغيرت دحين و الدليل إنك شفتيني كيف تغيرت الفترة الأخيرة ) بس أحس حالي من كثر ما أخذت ضربات على راسي .. فصرت مثل حكااية ( الراعي الكذاب ) يوم كل الفلاحين يصدقوه ، مرة ، اثنين ، ثلاثة .. و اخر شئ يطنشوه لحد ما الذيب ياكل كل الخرفان و يندم الراعي بعد فوات الاوان .. أنا ما ودّي أكرهه - بشكل فعلي - .. بس أشيله من بالي ،. عشان أقدر أكل و أنام .. و زوجي لازم ما يكون رقم ( 1 ) في حياتي .. لإنها بتريحني و تريحه .. زوجي يحب الحرمة اللي ( تعذبه ) .. مو اللي تريحه .. بس أنا يوم تخرجت و فضيت أخيرا .. قلت بأعوضه عن أيام ما كنت مشغولة و أدلعه و أهتم فيه و قبل لا أرجع انشغل من جديد بس من جد .. ما ينفع كذا مع زوجي .. تكلمت كثير معلييييه .. :D بأروح أصلي الفجر و أفطر .. لإني جوعانة مرررررررررة .. أمس قهرني مرة .. غيرت اسمه في جوالي و خليته بهذا الإسم الطويل .. (طنشيه. بكيفه. لا تردي و لا تدقي عليه ) و الفلوس تبع الشقة اللي خلاها معاي عشان لا يصرفها، حولت له هيا .. و قلت له ( حولت فلوسك و خصمت فلوس الأغراض. و معليه ما أبغى أشوفك و لا أسمعك ) رد عليا .. ( يا حبي صباح الخير و الإحساس و الطيبة ... إلخ ) و إنه عند وعده ، الشقة بتكون اليوم جاهزة .. إلخخخخ خلاص ما بأرد عليه ،. و خلصت رصيدي بالقصد .. عشان لا أرسل شئ و لا اتصل عليه .. تكلمت كثير و جعت معليه و كلامي مو مرتب سامحوني مواصلة و قهرني أمس مررررررة .. |
أنا متابعة معك ياروح الطير لكن ماعندي اي رأي أحسه راح يأثر
غير دعواتي لك بأن الحال ينصلح و تكوني راضية عن حياتك يارب ياكريم |
يمكن كلامي ، بيشيل الرواسب اللي تعلقت .. ؟؟؟؟
لإنه برضو هناك أشياء كثير حلوة في حياتنا و الحمد لله .. بس تعلمت في الغربة إنه الوحدة ما تفضفض عن حياتها الزوجية حتى لأمها .. و لقيت نفسي لا شعوريا أتكلم و أكتب هنا .. و كل ما كتبت ، كل ما انزاح هم .. و أحس نور بيدخل في قلبي .. زي كأنه ( طوبة .. طوبة ) تنهدم .. من كابة الغربة و كل الذكريات المؤلمة .. و حتى عباداتي لربي تحسسسسسنت كثير دحين و الحمد لله .. و كنت أحس غصب عني ، زي الجبل يوم أجي أبغى أصلي ؟؟؟ :( بس هو كل ما يتغير من جانب ( تحمله للمسؤولية ) و يصير أفضل .. كل ما قلبه يقسى عن قبل، و يبدأ مرات يتكلم ( بجفاصة و همجية ) .. أعديها له كم مرة ، في الأخير اقول له .. ( ترى من كثر ما تعودت تخاصم ولدك و أنا اسكت عشان ما تنكسر كلمتك قدامه و يحترمك ، صرت ما تفرق بيني و بينه ؟ :( أنا حرمتك و ما أحب الأسلوب هذا و كم مرة قلت ؟ و المرة الجاية ما بأرد عليك إذا تكلمت كذا ) :( بأرجع أرد علىى باقي الردود .. نورتوا لي أشياء كثيرة الله يسعدكم .. :) |
اقتباس:
وش اقول انا بالله اذا انتي ماتقدرين |
اعتذر عن الغياب ..
كنت بأشِغل حالي بأي شئ .. و تعبت لإني تكلمت كثير و فتحت أشياء مضت .. . . المهم .. اقتباس:
زوجي مو باااارد في مشاعره ، لكن برووووده في تحمل المسؤوليات و تأجيله مثل استئجار شقة و غيره .. تجلب ( البرود ) بسبب البعد ..؟؟؟ و الأمرين .. اتعبوني .. فالحل اللي استنتجه ( هنا ) من خلال الحلول اترك المسؤولية ( كلها ) عليه .. و أبرد نفسسسي .. |
اقتباس:
لإني وصلت في الفترات الأخيرة لمرحلة فقدت الأمل بالفعل .. فكنت أقنع نفسي بالحل الأول تبعها ، و هو اللي أتعبني .. لكن كلامها خلاني أرجع مثل زمان .. المشكلة إنه الوحدة في الغربة .. ما تقدر تستمد أي قوة أو طاقة فهناك تبغي ( تخلصي من وجع الراس بأي طريقة ) و ما أظن عيلتي بتكبر .. لإنه زووجي ما يحب الأطفال ، و ما أبغى أظلمهم .. يعني 3 كويس ، و اللي ربي كاتبه ( كله خير إن شاء الله ) :) و بجد ،، الكراهية مو حل .. بس ( القسوة مرات لها دور ) .. ( أقصد .. أقسي على نفسي ) .. :) |
احلاهم و أتحداكم حبيبتي ..
بأجمع ردودك الثنتين .. قصتك فيها الكثير من الفوايد لي من جد و بأعلق عليها .. بس حكاية ايكيا من جد رهيبة :22: اقتباس:
بس أنا وصلت لمرحلة تعبت فيها ، و صرت أقول .. أبغىى أفكر في نفسي و بس لإنه ماحد خسران في الأخير ( غييييري ) و ضيفي عليه ، إنه ( أهله ) ما يساعدوا على تغييره .. لإنهم يحرضوه على الإعتماد علي و ما ودي أفتكر الشئ هذا ، و هو يدري و هم يدروا و عارفين نفسهم .. و يد وحدة ما تصفق يعني مرة في بداية الزواج ، أمه تحرضه على راتبي .. و قال لها ، أنا زوجتي ما تصرف علي .. قامت عملت له محاضرة و نكدت عليه ؟ بس ما ودي أتكلم عنهم .. لإنه من يوم ما تزوجنا و هي عينها عالراتب و كم مرة تمسكني على جنب و تقول لي أقولك شئ ، لا تقولي لأحد .. اعطي فلوسك لزوجك عشان تثبتي لي إنك تحبي زوجك ، ( أعطي و اصبري و ادعي ) ؟؟؟؟ :( و الرصاصة اللي ما تصيب .. تدوش ؟ ------------------------------------------------------------------- اقتباس:
الوحدة تبغى تسافر مع زوجها مرات ، و كمان مع أهلها مرات .. بداية الزواج كنت أنبسط .. بس طلع إنه شايف إنه ( أهلي مجبرين بخدمتي لإني بنتهم و لإنه ولدي حفيدهم ) ؟ ------------------------------------------------------------------- اقتباس:
و الشئ الثاني ، مو من صالحي إني أروح أتغرب دحين .. لإنه أمي مريضة و تتعالج و هي أولى من دراستي .. و ما أقدر ألغي البعثة لإنه من شروط العمل تبعي و غصب عني .. و أنا حابة أكمل كمان .. بس مو دحين :) ------------------------------------------------------------------------ اقتباس:
و كأننننننك تحكي حكايتي بالضبط .. و هذا اللي عملته في الغربة ، يوم وقفت وقفة حازمة .. بس رجعت رخيت ، يوم إنه رجع كويس و حبوب .. بس بدأ هنا كمان يتغير ؟؟؟؟ ألف شكر لك .. :) |
صابرة ياقلبي
اقتباس:
اقتباس:
في بريطانيا ، كنت مشغولة و هو كان يهتم فيا و تعودت على قربه .. جينا هنا و ( افتقدت الإهتمام ) بحجة إنه نحن مو في بيتنا .. و طول الوقت هو مشغول و هذه أطول مدة زي كذا نبعد ..؟؟؟ فقلت ( أنا برضو ما راح أهتم .. ليه أتعب حالي و أفكر فيه و هو أبرد ما عنده ؟ ) .. فعرفت إنه زوجي يمشي معه التطنيش .. لإنه هناك أنواع من الرجال ، يمشي معهم الثقل .. يعني زمان كنت أنشغل غصب عني ، بس دحين راح أنشغل ( بمزاجي ) عنه .. ضيفي لها نقطة ثانية .. أشغالنا لازم لها ( متابعة ) .. و ما أقدر ( أطنششش ) .. لإني أنا أول وحدة بأتضرر .. لإني في منتصف الطريق ، بين التأجيل أو الإستمرار .. لازم متابعة من هنا و هنا أول بأول .. و زوجي كل شئ بكرة بكرة .. أو لازم ( أفكره ) .. فلو فكرت أشغل حالي عنه و عن التفكير فيه .. فغصب عني راح أنشغل بالتفكير فيه لإنه هناك أشغال ادارية لازم تخلص بسرعة و التأجيل مو من صالحي .. و ضيفي عليه ، استأجار شقة و شراء سيارة ووو إلخ .. . . و النصايح اللي قلت لك عنها ، ترى طبقتها زمان في فترة الغربة :) و وقتها زوجي بدأ يثبت لي ( تغيره للأفضل ) .. لإني كنت مثلك ( مرررررررررررررررة متعلقة في زوجي ) لإنه بدأ يشوف حاله علي و يتيغير .. ثم رجع للأفضل يوم إني تغيرت و بديت أكون غامضة أكثر و أقسي قلبي .. بس تعبانة دحين ، يمكن لإني حاسة نفسي ضايعة .. مهما كانوا أهلي يعزوني و يكرموني و يحبوني .. بس الوحدة متعودة لها بيت و لها نظام و لولدي خصوصياته .. هنا ولدي إذا فتح ( درج ) أخوي .. أخوي يزعل و يقول ليه يلعب في أغراضي ؟ و أرد عليه ( صغير .. خذه على قد عقله .. و تعود في بيتنا يكون له دولاب و خصوصيات ) زي كذا ،. و لو بأستقبل زوجي فلازم أراعي إنه مافيش ضيوف أو أزواج أخواتي و لا أخواني و لو بيجي ينام عندنا في بيت أهلي ، مهما كان مانت في بيتك .. إلخ يمكن هذا سبب ضيقي .. و زوجي أبرد ما عنده :( يقول لي ( لا تقولي كذا .. و أنا بأتحرك بس مانت شايفتني .. إلخ ) و بألقي جزء كبير من اللوم على زوجي ، لإني من سنتين و نحن هناك قلت له و حذرته إننا ممكن نرجع و ممكن أأجل دراستي .. فنحسب حساب كل شئ من دحين .. لإني ما راح أكون مستعدة لأي عذر بحجة ( الظروف ) |
اقتباس:
قريت ردودهم كلها ، و فااااااااااااااااادتني و الله .. الحمد لله ، إني أتعلم بسرعة و أحب النصايح .. خاصة من الناس الحلوة :) أهم شئ إذا تزوجتي إن شاء الله .. طبقي مع زوجك الشئ اللي ( ينطبق على شخصيته ) .. مو اللي تنطببق على ( زوجي ) أو ( زوج أي وحدة ) :) ربي يرزقك ولد الحلال يارب .. زوجي ولد حلال و الله .. بس لازم هناك أمور مرات ( توقف مع الوحدة ) و ما تعرف كيف تتعامل معها .. عشان كذا و بعد ما جربت كل الطرق ،. قلت أجي استفيد من الأخوات هنا .. و الحمد لله إني ما ندمت أبدا :) مرة تعلمت و استفدت أشياء كثيرة .. |
كتبت رد و طار :29:
اقتباس:
عندي .. بس قبل لا نسافر ، لازم أرتب الأمور من بدري و لا من سابع المستحييييييل أكرر اللي حصل .. |
اقتباس:
بالنسبة للنقطة الأولى .. فأكيييييد زوج كل وحدةة يختلف عن الثانية و كذلك بالنسبة للزوجات لكن ما يمنع إنه الشخص يحاول يفيد و يستفيد .. وو لا نقفل المنتدى و ما عاد له فايدة .. و النقطة الثانية ، للأسف ما فهمته ؟؟؟؟ و حياك الله .. |
مكرر
|
اقتباس:
سعادتي في إني ( أكون أنا ) .. :22: و الدنيا ما راح توقف عليه .. :25: |
اقتباس:
و بأكتب اخر المستجدات و أقفل الموضوع لإني بجد استفدت من النصايح مرررررررررررررررررررررة |
اقتباس:
اشغلي نفسك عن الجوال و عن أي شئ يربطك بزوجك و يفكرك به هذا اللي عملته و كل ما جاء في بالي ادق عليه ، أروح انشغل بشئ ثاني الفرق بيني و بينك.. إنه انشغال زوجي الحالي بسبب الظروف و قاهرني كسله و تأجيله و مخليني جالسة في قلق.. لكن مجرد ما نسكن من جديد مع بعض .. بأخرجه كله من عيونه http://www.66n.com/forums/images/icons/icon52.gif :) |
السلام عليكم
كيف اعرف انا شمالي ولا جنوبي ولا شرقي ولا غربي وهل هذه التصنيفات لها أساس علمي ؟ |
ألف شكر للجميع
1 - الحمد لله أمس استأجرنا شقة .. و زوجي قال لي : ( احسبي حسابك من يوم الأحد .. ما راح تنامي عند أهلك .. هاه ) 2 - ما صرت أشغل بالي فيه مثل الفترة الأخيرة .. و أحس إني رجعت لطبيعتي اللي من قبل ، اللامبالاة .. ( لإني من كثر ما كنت أسامح و أمشييي ، بدأ يستهين في زعلي ) :( 3 - ما راح أخليه رقم 1 من اهتماماتي .. 4 - تعلمت كيف أبرررررررررررد أعصابي ( قدر المستطاع ) و أتعامل بحكمة أكثر .. 5 - ما راح أشيل أي مسؤولية عنه .. بس هناك موضوع بأنزله ، بحاجة لرأيكم ..؟؟؟؟ 6 - نقفل الموضوع .. رجاءً ؟ و الله يجزاكم كل خير .. من جد مررررة استفدت من النصايح :) ------------------------------------- 7 - أخوي مشروع نجاح شوف الرابط هذا .. و بيفيدك مرررررة كثير http://www.66n.com/forums/showthread.php?t=167809 و ممكن تكتب في جوجل ( بوصلة الشخصية ) و بأنسخ لك هنا أفضل ( اختبار للتحديد ) وجدته في النت :) اقتباس:
|
اقتباس:
صدقيني ودي اشوفك سعيدة مثل ماتمنى لنفسي احبك حبيبتي |
صابرة بدنيتي
دحين الحمد لله سعيدة و مرتاحة .. لا تخافي علي ;) أقدر أضبط نفسي بسهولة .. بس كنت محتاجة لنصايح و توجيه ، حسيت بفترة بلخبطة و ضيق بس دحين كل شئ تمام ، و ضبطت حالي ^^ الخوف عليك إنت يا قلبي : ( ربي يسعدك يا الغالية |
دوبي فهمت معنى شمالى وجنوبي:d كنت فاهمة انو قصدكم انو جنوبي من جنوب المملكة وهكذا :24:
الله يسعدكم ويسير اموركم خبرتكم وتجاربكم تفيد فيما بعد:25: |
بنت مكة
الله يسعدك يارب ،. كلنا من الحجاز .. :) و إنت محظوظة لإنك عرفتي الموقع هذا قبل زواجك ^^ ربي يرزقك بالزوج الصالح :) |
| الساعة الآن 06:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©