|
أختي الفقيرة إلى الله أسأل الله أن يكتب لك الخير في أمرك أين ماكان وأنا ذخلت بستفسرعن شئ وأوضح نقطه مهمه
أول شئ الكلام والعيوب إللي في زوجته هل هو قالها لكم بعظمة إلسانه وإلا أخته جالسه تشك وترقع من عندها في زوجته إذا الكلام إللي وصلكم عن زوجته قاله لكم بلسانه فنصيحتي إن هاذا لايصلح كزوج لا لك ولا لغيرك لأنه أفشى أسراربيته وزوجته ويمكن يعذرب فيها علشان يوصل لأهدافه من الزواج الثاني أما إذاكان وصل الكلام هاذا عن طريق أخته في ذم زوجته والكلام فيها فأعرفوا بأن المسأله الزوج برئ منها ومعناته إن أخته جالسه تخبص من عندها في زوجته على بالها أختنا في الله الفقيرة إلى الله تشفق على أخوها وتوافق عليه ويمكن أخوها مايدري عن اللي قالته في زوجته وسبحان الله إحتمال أخوها قال لها إذا قدرتي تقنعين البنت بالموافقه فلك من عندي هديه والبنت تحمست وقالت هالكلام وذمت زوجته الأولى علشان توافقين عليه وإحتمال إن بين أخته وزوجته حساسيه وحبت تثرثر عنها شوية فعلشان مانظلم الرجل ودنا الأخت تشرح لنامن إللي ذم الزوجة الأولى هل هو الزوج نفسه أو أخته تنتظرمنك الإجابه بارك الله فيك . |
اقتباس:
الله يوفقك اختي ويسعدك |
اختى الفقيره الى الله
انا لى راى خاص فى التعدد ولقد طرحت موضوع لى بهذا المعنى للمناقشه وطلبت معرفة سبب الذى يدفع من تتزوج من معدد . انا لن اناقش مبرراته فهو حر فى قراره وهو من سيتحمل نتيجته .. المهم انت شوفى يابنتى واعذرينى فانا لست بالصغير . السكه دى محتاجه تروى جامد قوى . اولا لازم تطمنى على علاقته مع اولادك وان ماقدرت يكسبهم يبقى قلته احسن . دول اللى انت طلعتى بيهم من الدنيا فحافظى عليهم . ثانيا لاتتنازلى كثيرا وخذى ما يضمن حقوقك وهى ليست بالضروره تكون ماديه ولكن لتحمى نفسك حين تستحيل العشره لاى سبب . اعتقد ان العصمه لو اخذتيها بيدك تكون لك الخيار فى انهاء العلاقه حال فشلها ندا بند . لا احب من يذكر عيوب زوجته فهو ايضا ليس بخال من العيوب ويكفى انه عاشت معه على الحلوه والمره طوال هذه السنين وموافقتها على الزواج ينم عن قلة حيلتها . ثالثا ماذا تريدين من الرجل وهل ستحصلين عليه من نصف رجل يجئ اليك منهك ومحمل بالاعباء والمشاكل . فكرى جيدا واستخيرى الله فعيوب القرار بالارتبط اكثر من ايجابياته . اولادك اولا ..وثانيا .. واخيرا نور الله بصيرتك وهداك لما يحب ويرضى |
أولا يا أختي أسعدالله مسائك بكل خيرهاأنا رجعت لك وشكرا على تجاوبك معي على الأسئله وأنا أردت أن من خلال أسألتي لك أن أبين لإخواننا وأخواتنا الأعضاء بأن الزوج لم يذكر زوجته بسؤ عند أهل خطيبته
ولاكن أخته هي من تكلمت عن زوجته وإحتمال يكون هاذا رأيها بزوجة أخيها وليس رأي أخيها بزوجته وأنا أشوف إذا الرجل صاحب دين وكفؤ وإنسان يخاف الله وتعهد لك بالحفاظ عليك وعلى عيالك وإنه بيعطيك حقوقك كلها من سكن لوحدك ونفقه وتلبية جميع إحتياجاتك وأهم شئ توثقي شروطك بعقد الزواج وقبل كل شئ إستخيري وشوفي نفسك إذا حسيتها أرتاحت لهذا الإرتباط فتوكلي على الله وتزوجي الله ييسر لك مافيه الخير إن شاء الله . |
أختي فقيرة إلى الله ـ
بداية ـ أعتذر مسبقاً عن قسوة ردي وعارفه أن ردي ماراح يعجبك وماراح يعجب الجميع وكل واحد له وجهة نظر . إنتي لو عندك قلب ما تتزوجين وتتركين أولادك !! أكبر عيالك عمره سنتين والثاني سنه و ما شاء الله تبارك الله ـ جايه تستشيرين في موضوع زواجك ؟؟؟ وش تبين في الزواج وفي الوقت هذا بالذات ؟؟ تبين تقهرين طليقك لأنك بتتزوج أنا بتزوج ؟؟ مافكرتي في أولادك ؟ حتى لو مع أهلك بتتركينهم وين قلبك ؟ وين أمومتك ؟ خلي لهم فرصه أول يشبعون من حنانك وعطفك ، موكفاية على طفولتهم فاقدين حنان أبوهم تبين تفقدينهم حنانك أنتي بعد ؟؟ إتقي الله وخافي ربك ، الزواج مو حرام ولا عيب كونك مطلقة ـ لكن الحرام والعيب أنك تتركين أولادك وهم في هذا السن اللي محتاجينك فيه ، انتي ما انتظرتي حتى توصل سنهم لسن التمييز على الأقل ـ حتى لو لنفرض انك بتاخذينهم معك بتقدرين تهتمين فيهم مع رجل غريب عنهم ؟؟ الأبناء أبوهم إذا أحتاج زوجته ما يتحملهم ـ بيتحملهم زوج أمهم ؟؟ كبري عقلك ـ وفكري أولادك لا تتركينهم ، حتى لو كانوا معك بعد زواجك في كل االحالات بتتركينهم سواء أخذهم أبوهم أو قعدوا عند أهلك أو أخذتيهم معك لا تحرمينهم حبك ـ كفاية اللي هم فيه اتقي الله فيهم ـ بعدين أفيقي أولاً من صدمتك في أبوهم واستعيدي توازنك وبعدها بكم سنه فكري بنفسك لا تكوني أنانية الله يهديك . |
اقتباس:
|
أختي قبل اعلق على اي شي احب اقول الله يوفقك ويسعدك دنيا واخره رجوعك لي من جد فرح قلبي وهو شرف لي
اقتباس:
صح الي قال عن زوجته اهي اخته لكن انا خايفه على مشاعرها خايفه يكون زواجه لي نزوه خايفه يكون فيه عيوب مانعرفها بالاصح خايفه من التجربه الثانيه انا صح اذا وافقت راح نسئل عنه وراح نسئل عن اساسيات ومن اهمها الصلاة واشياء ثانيه ما ادري اتوافقوني فيها او لا الدخان السفر برا الله يوفقك ويسعدك ويحقق كل الي في بالك يارب ماقصرتي اختي |
استخيري والله يقدم لك الخيره فيما يشاء
،، سبحان الله وبحمد ،، سبحان الله العظيم |
اقتباس:
اختي انا ما اكذب عليك ادمعت عيوني من كلامك وقسوته في بعض الكلمات لكن والله مازعلت منك هاذي وجهت نظرك على عيني وعلى راسي والي اقدر اقوله لك في الاخير الله يوفقك ويسعدك وين ماتكونين وردك على موضوعي شرف لي |
اقتباس:
مشكور اخوي فعلا الاستخاره هي اهم شي الله يوفقك ويسعدك ماقصرت |
اختي انا ما اكذب عليك ادمعت عيوني من كلامك وقسوته في بعض الكلمات لكن والله مازعلت منك هاذي وجهت نظرك على عيني وعلى راسي
يا عمري أنا أعتذرت مسبقاً قبل ما أكتب لك ردي ، وأكرر إعتذاري منك وأسفي إذا جرحتك بكلامي وصدقيني قسوتي عليك كانت متعمده .. بالمناسبه أنا بمثل وضعك عندي ولدين الكبير خمس سنوات والصغير سنة ونصف ، ووالله ما قسيت إلا لسبب الأطفال ولا شيء غير الأطفال ، ويعلم الله أني قاسييييت كثييير أكثر مما تتصورين ولن أفصل أو أكتب المصائب التي مرت علي لأني أرتجي الأجر فقط من الله سبحانه وتعالى على ما قاسيت وعلى ما رأيت ( الله لا يحرمني ولا يحرمك الأجر ) ، ما أبغى أي تعويض على عدم التقدير اللي لاقيت ولا على أي شي قدمت عوضي على الله سبحانه وتعالى .. ولدي الكبير تخيلي يسألني بين فترة والثانية بتتركينا مثل ما تركنا بابا ؟؟ وأحياناً يشتاق أنه يقول بابا ويناديني هو وأخوه الصغير بها ، ويعلم الله ان تعلقه فيني زاد بدرجة ما تتصورينها مكان ما أروح يروح ولا يصبر أتركه ربع ساعه الا يجي ويطل في المكان اللي أنا فيه ، وسألته لييييش ؟؟ يقول أخاف تروحين وتخليني ما عاد ترجعين مثل ما سوى بابا وخلانا .. ما أفكر أبداً أتركهم إلا بحكم من الله سبحانه وتعالى وما يفرقنا ان شاء الله الا الموت .. ولا أتخيل بيوم من الأيام أني أتخلى عنهم عشان نفسي بزواج أو بغيره .. الله يحفظهم ويخليهم ويحفظ لك عيالك ويخليهم لك .. ما تدرين وش يخبي المستقبل ، وما تضمنين حياتك الجايه ـ أنتي أصلاً متأكده أن أبوهم بياخذهم إذا تزوجتي صح ولا لا ؟؟ تضمنين بعد ما ياخذهم يخليك تشوفينهم مره ثانيه ؟؟ تضمنين يلاقون حنان وحب وعطف من زوجة أبوهم أو حتى من اللي بيعيشون معهم بدالك مثل عطفك وحنانك ؟؟ الأم حتى لو تقسى تظل أم قسوتها ما توصل لقسوة غيرها لأنها أم وقلبها يعورها على أولادها وقسوتها لمصلحتهم .. ياعمري على اولادك صغار صغار صغار ـ ( ويعلم الله أنا انحرق قلبي عليهم ) . 900 كيلو!!! فاهمه اش يعني 900 كيلو ؟؟ مسيرة يوم ، تخيلي يوم يمر بدون ما يكونون بحضنك ؟ يا عند أهلك وأنا عارفه ( عند أهلك بأيدي أمينه ) أو عند أبوهم وما تدرين وش مصيرهم ؟؟ إذا أنتي مقتنعه بقرار زواجك انا ماكان هدفي أبداً أبداً يعلم الله اني أخرب عليك الله يوفقك ويسخر لك اللي يخاف الله فيهم وفيك لكن المستقبل ما تدرين وش مخبي لك ، وقلت اللي قلت عشان تفكرين مليوووون مره وتحسبين لقرارك مليون حساب ،، أعتذر مره أخرى ووفقك الله في أي قرار تتخذين .. |
أختي غربة الروح لاتعتذرين انتي اخت وغاليه والله ما ازعل منك
ومشكوره اختي على الدعوه الله يخليلنا ضنانا وكل مسلم يارب الله يوفقك ويسعدك دنيا واخره ماقصرتي يالغاليه |
يا اختي بما انو قال بدو يسعدك في حياتك ويحط ولادك في عنية
ويحفضهم وافقي عادي يا اختي ما فيها شي الله يفرجها عليكي ويكون بعونك |
اختي الفقيرة الى الله التردد في أمر الزواج معناته لازواج من خطيبك الحالي أفضل والعيش في بيت أهلك معززة مكرمة
لأنه سبق لي أن تقدمت لواحدة وكانت مترددة فانتهت بعدم الاتفاق لأني أنا وضعتها بالصورة فتراجعت قد تختلف الحالات عن الأخرى والصدق هو أساس الزواج الناجح وماتملكونه من معلومات دقيقة عن المتقدم لخطبتك ومامدى تقبله لأولادك وفي النهاية ضعي شروطك يكتبها المأذون لأنها تجربة جديدة لك ومن حقك المحافظة على حقوقك والله يوفقك ويرزقك الزوج الصالح |
اقتباس:
الله يوفقك ويسعدك دنيا وآخره مرورك صفحتي شرفني |
اقتباس:
مرورك صفحتي اكبر شرف لي أخوي ونصيحتك تاج على الراس لكن من جد انا محتاره |
اقتباس:
بالنسبة للرجل لايجب ان يتردد لأنه لايعيبه شي وهو المقدم على خطوة الزواج ويبحث عن زوجة بالنسبة للمرأة هي التي تفكر وتتردد فمن حقها ان تضع الف حساب لخطوتها اقتباس:
فلا اقول لهم اني سألتزم بالمبيت والزيارة يوميا وانا لا أفعل ذلك ومن ثم يفشل الزواج لاقدر الله لأني ظهرت لهم بصورة أخرى... وبالنسبة لحالتي لاأقيس على حالة خطيبك لأنه تختلف من رجل الى آخر ولكن المهم ان يكون كل شي واضح بالنسبة له والله يوفقك اختي |
اقتباس:
مرورك صفحتي للمره الثانيه شرف لي وماقصرت على النصائح والدعوات من جد انا محتاجه نصائح اخواني واخواتي |
أخواني خواتي تكفون انصحوني قولو تجاربكم
الي تزوج من زوجه ثانيه كيف شعور الاولى وكيف تعاملك مع الثانيه هل انت عادل بينهم هل الزوجتين يشوفون بعض خواتي تكفون الي جربت من زواج عنده زوجه كيف تعامل الزوج معاها هل هو مسعدها او ظالمها هل تشوفين زوجته الثانيه او انتي رافضه وربي خايفه لأن الاجازه قربت والخطبه ان شاء الله بتكون رسمي وانا متردده كل يوم استخير ومدري طالبتكم بالله شورو علي مثل اختكم وما راح ازعل لو كان اسلوب حاد لأني عارفه من معزتكم لي كأخت تنصحوني الله يوفقكم ويسعدكم دنيا وآخره والله لدعيلكم شورو علي والي مجربين ومجربات ابغى تجاربكم انا اختكم وعارفه ماراح اتقصرون |
يا أختي قبل كل هذه الاسئله..
ما هو وضع الأطفال؟ وكيف ستعتنين بزوج جديد وطفلين بعمر السنه والسنتين؟ |
اقتباس:
أذكر منذ بضعة شهور أن أختاً لنا وضعت هنا موضوعاً وجهته للمعددين وسألتهم عن كيفية تطبيقهم للعدل .. ولم يجب أحد ;) أختي.. لا أقترح عليك النظر إلى تجارب الآخرين .. ولن يفيدك أن يأتي معدد هنا ويحكي لك تجربته .. فالرجال يختلفون .. والأمر يعتمد في المقام الأول على الالتزام والأخلاق والشخصية والطبائع .. وإن كنتِ ستعتمدين على التجارب والقصص فالأفضل ألا تقبلي لأن المنتدى هنا يحمل أكثر من قصة لأخوات تزوجن بمعددين ولم يصلن للسعادة المنشودة. فكري جيداً في وضع صغيريكِ .. ثم استخيري وقرري. |
أنتِ وافقتي عليه ؟ طيب أخبرينا ما هي حقوقك اللي بيعطيك اياها ؟ مهر شقة اعلان (زوجته واهله وحضور اهله ) قسمة بالعدل وووو........الخ وعن ماذا تنازلتي ؟ أرجو أن تعطينا التفاصيل أنا حقيقة ما نصحتك فيه بسبب انه بعيد بينما لو هو من مدينتك كان أولادك بين ايديك ومهوب لازم تخبرين طليقك انك تاخذينهم بيت زوجك الجديد لانه مابيسأل أصلا في الغالب ويحسبهم في بيت أمك ... |
أول شي اشكر كل اخ واخت مهتم في موضوعي الله يوفقكم ويسعدكم ويحقق كل مافي مرادكم يارحمن
ثاني شي اعتذر لتأخري عن الرد بسبب جو الاختبارات الله يوفق الجميع وينجحهم يارب |
اقتباس:
وضع اطفالي بيكونون معاي ان شاء الله اما مسئلة كيف بعتني بزوج واطفال هاذا اختي يرجع ال شطارة الوحده في تقسيم وقتها بين زوجها واطفالها مرات نشوف زوجات ماعندهم الا طفل واحد وعايشه مع ابو الاطفال ونحصل الزوج يشتكي من اهمال زوجته والسبب اهتمامها الكبير بطفالها وعدم الالتفات لزوج انا حاطه في بالي انه في اساسيات لازم امشي عليها سواء مع الزوج هذا او غيره اولهااهتم بزوجي اهتمام كبير البي كل طلباته بيتي يكون في كل لحظه نظيف ومعطر او مبخر ابين له اني كل يوم يكون هو عندي انااكون متزينه له وعشانه ما ادلع اطفالي تدليع مبالغ فيه امام زوجي عشان مايغار او يحس انهم اهم منه لانه سبحان الله مرات الزوج لو كانو اطفاله وحس ان زوجته مدلعتهم اكثر منه يغار او يزعل ويكون دايم يقولهاانتي تحبين طفلك اكثر مني وبلحظه هاذي تبدا المقارنه واشياء كثيره لازم الوحده تكون ملتزمه فيها عشان تعيش مرتاحه وبعيد عن المشاكل والمقارنه بين الزوج والاطفال مشكوره اخت ذكريات لاتغيب الله يوفقك ويسعدك ورجعوك صفحتي اكبر شرف لي الله يوفقك اختي ويسعدك دنيا واخره يارب ويحقق لك كل ماتتمنين |
اقتباس:
عشان كذا محتاره الف مره وخايفه من تجربتي الاولى ماني مقتنعه ان فيه رجال يحترم زوجته او يقدرالحياة الزوجيه ولا يزعلزن علي اخواني كل هاذا الخوف من الرجال بسبب تجربتي الاولى خفت قسم بالله كل يوم استخير الله يختار لي الي فيه خيره يارب الله يوفقك اخت مهره ويسعدك وينولك كل الي في بالك يارب |
اقتباس:
لكن ردت عليهم الوالده الله يطول بعمرهايارب اني في الفتره هاذي مخطوبه لكن مابعد تمت الموافقه وقالت لهم ان خطبه على خطبه ماتجوزلكن اذا ماصار نصيب مع هاذا يجون بكيفهم الله يكتب الي فيه خير يارب انا مفكره اني اخذ اطفالي بدون علم ابوهم وهاذا الي بسويه ان شاء الله لورفض انهم يعيشون معاي وانا عارفه في البدايه اذا تزوجت بيطلب ياخذهم لكن مستحيل اتنازل عنهم لو تاصل للمحاكم اهم شي عيالي انا اذا ما ارسل مصرف لهم مايهمني لكن ياخذهم مستحيل اخليه ما اتخيل حياتي بدون عيالي الله لايجيب اليوم هذا يارب مشكوره اختي الماضي الدفين الله يوفقك ويسعدك ويحقق لك كل ماتتمنين ان شاء الله اكبر شرف لي مرورك صفحتي وان شاء الله بخبركم كل شي يصير معاي |
بكل صراحه ماانصحك تاخذينه وان كان صالح الزواج ليس مجرد زواج او خلاص اطمن عشان متدين واللللللللللخ فكري الف مره من جميع الجوانب مصير طلقيك راح يعرف ايا كان ومصيره راح ياخذ وش شعورك وخصوصا اذا تزوجت هذا انا حاسه فيكي متردده وكمان منتي مقتنعه فاانصحك تركه افضل وعليكي بالدعاء واستغفاربكثره وصديقيني بالدعاء ان تطلبي الله ان يرزقك الزوج بنفس المنطقه سيعطيك الله ويرزقك اللي تبينه واكثر ان شاء الله |
| الساعة الآن 12:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©