|
اليوم الصباح قالي انا تعبان
قلت له ماتشوف شر وصار يرمي كلمة من كلمة للثانية قلت له ابشر وش الي يرضيك؟ المهم صار شوي يحوس بالماضي قلت من الاحسن خلي الامور حاليا تهدى لا تقابلنا يصير خير ونتكلم حسيت انه يبي مني كلمة حلوة تراضيه ونهديه حطيت نفسي مكانه بيوم انا احتاج منه كلمة حلوة وراضيته ورضى لطفت الجو على قد ماقدر بس ماقلت له احبك وهو عارف اني احبه بس ابي لا سمع مني هالكلمة يعرف قيمتها ومعناه وتاثر فيه لانه بالايام الاخيرة ماصارت تاثر فيه وحس انها عادية الي قاعدة اسويه مو تغلي ولا انتقام بس ابي اعدل امور ماكنت اعرف اعدلها بوقت ضعفي وحفاظا على حياتنا ولاخر لحظة اقول انا متمسكة فيه ولازلت احبه واشتاق له بس مابي اصرح باي شى له الحين |
اقتباس:
يمكن يتضايق انه مشكلتكم منشورة وتتناقشي فيها .. مع انه ما فينا أحد يعرفكم شخصيا ما بعرف .. أنا جبانه شوي :) .. خايفه يصير المنتدى سبب مشاكل بينكم بدل ما يكون طريق للحل |
كيف حالك ياصابره عساك طيبه إن شاء الله والله إني أشتقت لك ودخلت لقيت موضوعك بس ماأدري هل أنا من المرحبين بي فيه ولا برى على برى كرت أحمر بس تراني بجاوب على سؤالك وبعدها إذلفيني من أقرب نافذه عندك إسمعي ياحبيبتي أول شئ يمكن ماقال لك لقلة الإتصالات بينكم ثاني شئ يمكن طراله ظرف مفاجئ وسافر ونسى يقول لك ثالث شئ يمكن ماوده يشغل بالك عليه لأنا حنا كزوجات نحب أزواجنا كل نصف ساعه ألو فلان طمني وين وصلت أنتبه لنفسك ونصف ساعه والجوال رن رن رن ألو فلان وينك الحين إن شاء الله قربت ولا لسى وجا بيسكر قال قفلي قدامي نقطة تفتيش قالت أوه نسيت تغديت ولا تعيشت ولاباقي طبعا على حسب وقت الإتصال وقال لها باقي
وقفلت طبعا حنا الحريم هاذا طبع فينا مستحيل يتغير دائما مشغولات عليهم لأن مالنا بعد الله غيرهم ورابعا يمكنه كان في مكان مافيه إرسال تغطية الشبكه المشغله وخامسا وسادسا ياقلبي أنتي لاتضيقين خلقك هاذ هو قال لك ولومابغى يقول لك كان ماقال لك بسفره من أساسه يا أختي أنا عارفه شعورك الحين يمكن تقولي في نفسك تجاهلني ماقال لي عن خبر سفره يعني أنا ما أعني له شئ في حياته لوكان يفكر فيه كان أتصل عليه وبلغني بسفرته ياصابره زوجك يحبك مثل ماتحبينه بدليل سؤاله عنك وعن أحوالك ولوكان مايحبك كان مافكر فيك رحتي وإلا جيتي أنتم تحبون بعض بس مشكلتكم ماتفاهمتوا مع بعض يعني يحتاج لكل واحد منكم أن يعرف الجانب الإيجابي من الآخر وأن ينسى ويتجاهل الجانب السلبي في شريكه أنت وزوجك تنظرون لسلبيات أكثر من الإيجابيات ليش ماتتفاهموا على أن كل واحد فيكم يفتح صفحه جديده مع الآخر وينسى الماضي بخيره وشره ليش ماتناظرون للأشياء الحلوه اللي في حياتكم وتخلوها لكم مناره لطريق المستقبل ووقود لكم حتى تشعلوا شمعة الحب في الطرق الوعره والمظلمه التي تواجهكم في حياتكم الزوجيه غاليتي صابره أنتي أخذت رجل لديه زوجه والمرأه التي تاخذ رجل متزوج لابد وأن تدفع ضرائب مقابل ذلك الزواج أنتي ضحيتي وتزوجتي بشخص متزوج وهاذا ليس عيبا ولاحراما من حقك وهذا شرع ربنا سبحانه وتعالى وأنتي تعرفي إن هاذا نصيبك في الحياة والحياة تحتاج صبر وتحتاج مجاهده وتحتاج إن يكون نفسنا طويل عليها أنت تزوجتي هاذا الإنسان لأجل دينه وأخلاقه وكنت تضنين بأن حياتك ستسير بنجاح مع زوجك الذي وافقتي عليه وفي الحقيقه قابلت طريق حياتكم مشاكل وعثرات وأنتي وزوجك لم تحلوها أو تناقشوها في وقتها وتدورولها حلول جعلتوها تتراكم حتى كانت القشه التي قصمت ظهر البعير ولم تسبب شرخا واحدا بل سببت عدة شروخ في حياتك أنت وزوجك أنت يا أختي وسعي صدرك ولا يجلس إبليس يوسوس لك ويلعب عليك ويصور لك كل تصرف من زوجك إنه فيه قصد لك وإنه بأي تصرف يستقصدك أنت فيه يعني نفسه ينرفزك ويعصب بك فيه أنت الحين بعيده عنه ليش ما تستغلين غيابك عنه في إصلاح مابينكم أنت وزوجك وتتعرفي على مواضع الخلل في حياتكم وتحاولي معاه إصلاحها بقول لك شئ أنت ياصابره قلبك طيب وطيبتك هي السبب في تنازلك عن حقوقك وحبك لزوجك وطيبتك هي إللي خلتك توصلي لهاذي الحاله أنت ظننتي إنك لو ضحيتي بشئ ستحصلي مقابله الحب والموده والرحمه ولاكن حصل العكس أختي الغاليه أن الزوج المعدد تجديه كثير المسؤليات وتجديه مشتت الذهن والتفكير وأحيانا يشتد عليه الضغط من كل النواحي من زوجاته وعمله ومحيطه الخارجي ويحتاج إلى من يشتكي له ويفضفض عن مابداخله من ضغوط وهموم فلماذا لاتكوني أنت من يشتكي له هموم الحياة وتتفهمي لوضعه وظروفه وتكوني له صديقه وزوجه وصدقيني إن زوجك يحبك ويقدر وقفاتك معاه ولاكنه لايستطيع أن يعبر لك بذلك وهو حاس فيك بس مشكلتكم ماوجدتوا صيغه لتفاهم عليها بينك وبينه وأتمنى ياأختي إنك تشيلي كلمة طلاق من قاموسك نهائيا وأعتبري نفسك عروسه جديده عند زوجها دللي نفسك ودلعيها وعيشي حياتك وإن شاء الله ربي يرزقك طفل يملأ عليك الفراغ الذي في حياتك ويونسك وتلاعبينه وتنسي هموم الحياة التي واجهتك الله يوفقك ويسعدك وأسأل الله أن يألف بين قلوبكم أنت وزوجك ويزرع فيها محبتكم لبعض أنت وياه . والحين لوبغيتي أحذفيني مع أقرب نافذه عندك بس أنتبهي أفصلي مقبس الكهرباء علشان مايصير التماس في اللاب توب عندك . أختك في الله أم سلطان |
اقتباس:
والله انا قلت له ماعندي متنفس غير المنتدى وهو يعرف اني احبه وماقلت شى يستفزه يمكن لو يحس ان اعصابي بردت هذا بحد ذاته استفزاز له يبيني على طول نار هههههههه يعطيك العافية حبيبتي على تحليلك وهو فعلا صحيح بس ياختي مالي غيركم اشكيله بعد الله لي صديقة مقربة وهي اعتبرها جزئي الثاني بس تاخذها العواطف بالدفاع عني ودوم تايدني الراي فحبيت اني اتكلم مع ناس انا بعيدة عنهم على الاقل من ناحية العواطف احنا الحمد الله كلنا هنا نحب بعض ونبي سعادة بعض بس نصاحبكم حتى لو قستم علي فيها بتكون بصالحي عساني مانحرم منكم يارب |
اقتباس:
افااااااااااااااااااا يابنت الحكمي تراب رجولك بوجهي وقسم بالله وربي شاهد لو تكفخيني مارفع عيوني فيك احتراما لك لانك تستاهلينه بعد روحي انتي ماتدرين انك من الناس الي احبهم واموت فيهم واستبشر بدعائهم لا ياروحي لا تقولي كذا انتي عندي غالية ياحبيتي وقدرك غالي بعد روحي دوم كلامك يريحني ويسهل علي الفرحة ويسلك الخير على محياي والله ثم والله احب اقرا كتابتك وماحب اكملها بسرعة لاني استمتع بكلامك واتسفيد منه واسال الله ان يكون لك كل ماتقدمينه مع الاخوات في ميزان حسناتك انتي راااااااااااااائعة يابنت الحكمي ياحبي لك حبيبتي انا حبيتي مثل ماتفضلتي جالسة احاول اشجمع شتاتي لاني ماخفيك كثر طلاقه هد حيلي ومازلت مجروحة بالنسبة لسفره صح اني زعلت بس ماقلت له شى ومقدرة الظروف الي عايِشين فيها ام سلطان اسال الله ان يجعل سلطان قرة عين لك ويرزقه برك وتشوفينه مثل ماتشائين ويحفظك ويحفظ لك ذريتك من كل شر وسوء وعين ربي ترجاك انتي وذريتك وكل من يجي حولك يابنت الاجواد انا احبه صدقيني مشتاقه له بس في شروووخ على قولك ابيه هو يحس ويحاول يعالجها دايما المبدارة تجي مني ابيه هالمرة يحاول يصلح الشروخ الي بداخلي ابيه يحس فيني ابيه كل شى بيده يضمض جروحي تدرين ياحبيتي انا كنت القبه مداوري جروحي اثاريه قام جرح جرحي فيه بنت الحكيمي احبببببببببببببببببببببببببببببببببببببببببببببببب ببببببببببببببك |
صابرة بدنيتي
طريقتك في حل المشاكل اللي بينكم عن طريق المنتدى و متابعة زوجك لكلامك الموجه له بطريقة غير مباشرة تراها تضرك و ما تنفعك صح إنها ترضيك شوي و تريحك ، لكن الرجال يفهموها شئ ثاني و ما راح تأثر فيهم هم ينظروا لها بطريقة ثانية مو مثلنا |
وعليكم السلام ورحمة الله وبركاته أختي الفاضلة صابرة بدنيتي أعانك الله على بلواك وعلى المحن التي تمرين بها لمست من ردودك العواطف الجياشة وبركان متفجر من المشاعر العذبة الصادقة ، عندك نقاء في السريرة وضمير حي واظن ان زوجك سيقرأ ما اقوله لك وادعو الله سبحانه وتعالى أن يجعل ضميره يقظ مثلك ويرأف بحالك حتى يشبعك عاطفيا لانك بأمس الحاجة للانسان كزوجك تفرغي كل عاطفتك اتجاهك واقول له يا أخي العزيز الله الله في زوجتك الله الله في زوجتك المرأة مثل الوردة اذا لم تغذيها بالماء والروث تذبل ولا ترتقب منها رائحة زكية تسعدك ، واذا اعطيتها الماء والروث واعتنيت بها اصبحت الوردة جميلة متوردة تسر الناظرين . فتقي الله سبحانه وتعالى وراجع نفسك فزوجتك كائن ضعيف والله اعطاك القوة وانت رجل تتحمل اكثر من زوجتك فصبر عليها واعرف ماذا تريده منك وعلمها وتريده منها بالحوار والنقاش المفعهم بالحب والخلق واللين فزوجتك تحبك واذا وجدت منك التعاطف معها والكلمة الساحرة منك ستتجاوب معك وتعطيك ما تريد . واقول لك اختي الكريمة صابرة بدنيتي زوجك يرسل لك الايملات والقصص يريد ان يوصل لك رساله مفادها ان الطلاق في الطريق اذا لم تستجيبي له وتتركي بعض الامور المتعلقة بالصراخ والمشاجرات المستمرة معه .وليس الهدف من الايملات الاستفزاز ، لقد فهمتي الرسالة بشكل معاكس يا أختي صابرة ، وانا اعذرك على فهمك لرسائل زوجك بشكل معوكس لان الانسان الواقع في المشكلة لا يتلقى الرسائل الموجهه اليه ولا يصيب الهدف . زوجك لا يريد طلاقك وهو متمسك بك ولكنه يريد ان يلمس منك التغيير الجذري للعصبية المفرطة والاشياء الاخرى التي بينكما انت اعرف بها أختي الكريمة ، احرصي على الالتزام بها كما وعدتينا واطلبي من الله التوفيق والاعانة . جمع الله بين قلبيكما بالحب والسعادة وابعد الله عنكما التعاسة |
الله يعزك ياقلبي ويعز مقدارك يا لغاليه أنا أعرف بس أمزح معك أبي أونسك شوي وأبغاك تطلعي من الجو المكهرب اللي أنت عايشه فيه والله وأقسم بالله ياصابره إني أتمنى لك حياة سعيده ونفسي ينصلح حالك مع زوجك ونفسي ترجعي لنا بعد رجوعك لبيت زوجك وتبشرينا عن حياتك وإنصلاحها معاه وإن شاء الله ربي يرزقك وتحملي وتجيبي نونو وتقر عينك فيه وياخذ كل إهتمامك وحبك وعطفك وحنانك والله ياصابره إني أحس إن زوجك يحبك وأنت تحبينه وأنت ياما تنازلتي وأعتذرتي له وأظهرتي حبك له فحاولي إنك تسامحين لو لمره أخيره وخذي بيد زوجك وعيشي حياتك الحين وأنت بعيده عنه زوجك مايحادثك ويقول لك أحبك إلا وأنه مشتاق لك ومشتاق لكلامك الحلو والعذب يحس إنه فاقد شئ وناقصه شئ وإلا لوكان أحد غيره ماراح يفكر في زوجته بالذات إن عنده بديل الزوجه زوجه وأنت عارفه زوجتك أكثر ليش ما تسمعينه اللي بقلبك وتخلينه هو منتداك المفضل وهاذا زوجك ماتواصل معاك إلا وهو طالب رضاك بس يحس مالقى لقلبك منفذ من رواسب الماضي إللي بينكم أنت الحين لورجعتي لعنده قفلي آذانك من كلام إللي يجيك من كل صوب قصده إفساد حياتكم واليوم إللي يكون عندك عيشي أنت وياه عرسان واليوم إللي عند زوجته الأولى أعتبريه راح دوام أو طلع كشته مع أصحابه تناسي إن له زوجه أولى وعيشي حياتك بلا منغصات إعتبريه إن ماعنده غيرك وكمان هولازم يساعدك في مثل هلأشياء لأنه هو المسؤل الأول والأخير عن حياته معاك ومع زوجته الأولى والأفضل إنه علشان مايشغل نفسه ويقلقها بينكم إنه يعيش مع كل وحده منكم يومها بكل حذافيره وينسى الأخرى وكأن ماله إلا زوجه واحده في حياته ولايجيب طاري أي واحده منكم عند الأخرى لابخير ولاشر يعني مايتحدث بكل واحده عند الثانيه حتى لوحصل وفيه واحده منكم سألت عن الثانيه يردعليها الحين أنا عندك ومالي شغل بالثانيه وخلينا ننبسط مع بعض ويريح باله ويريحكم معاه من وجع الراس والمشاكل الله يوفقك في حياتك ياصابره ومشكوره على دعواتك الطيبه ولك بالمثل ياالغاليه وأحبك الله كما أحببتني فيه وأسأل الله لك راحة البال والسعاده والإستقرار في بيتك تحت ظل زوجك وحبيبك وأبو عيالك إن شاء الله يا غاليتنا .
|
السلام عليكم اخت صابرة في دنيتي ربما مشاركتي في موضوعك كانت قليلة لكنني اطلعت على قصتك و اكن لك معزة خاصة.. خاصة لانك و قفت جنبي و ساعدتيني في مشكلي.
بالنسبة لسؤالك اكيد بزعل و بانفجر بس ترى انت عند اهلك ولسا الامور بينكم ما اصتلحت على حد علمي ... و الله حبيبتي خايفة من فهمي للموضوع اخاف اقللك ترى زوجك قصر معاكي .. بس الواجب عليه يخبرك.. انا ما افدتك اسفة .. |
ادخلي بمعرف ثاني بعد فتره و غيري اسلوبك
حتى احنا ما نعرف و استمري بهذا المعرف صعبه،،،،،،،،،،، بس حاولي يمكن تنحل مشكلتك |
اقتباس:
كيف حالك يالغلا وكيفك مع الغربة ترجعين سالمة لاهلك وناسك حبيبتي والله ياحبيتي ما اوجه له الكلام بطريقة غير مباشرة بس المنتنفس الوحيد لي هو المنتدى وانتم الي اشكي لكم كل همومي بعد الله امي صعب اتكلم معها في امور حساسة زي كذا اختي عقلها اصغر من اني احكي لها صدقيتي والي هي جزء كبير في حياتي تاخذها العاطفة من اجلي لو تحس اني مظلومة واغلب حلولها اني افترق مع زوجي عشان كذا ادخل واتكلم معكم لانه مهما كان انتم راح تنصحوني وتوجوهوني بدون عواطف اخاف اسوي اي شى يعود علي بالضررر وعشانكم تعرفون كل قصتي اشاوركم بكل شى للاسف مافي خصوصية بالمنتدى والا كان اخذت قسم خاص وسوالف خاصة بس مقدر ولا لقيت طريقة اتواصل فيها معكم بسرية اكثر وبالتالي انا ماضنيت اني جرحت مشاعره وكل كلامي عن نفسي ومعاناتي |
اقتباس:
الله يخليك ويطولي بعمرك كلامك اسعدني وكل ماقلته عني فهو من طيب اصلك والله يمنكم تعلمت الطيب وانتم اهله والله دمعت عيوني من كلامك الله يجعله في ميزان حسناتك ويجمعني واياكم بالجنة |
اقتباس:
عسى ربي يبقيك احبك والله ياحبيتبتي هالايام ما اعصب ولا اقول شى مرة مبتعدة عنه عشان ما تصير اي مشكلة بس انه قفلت الكلام الحلو والمعسول معه حسيت يام سلطان ان كل الكلام الي قلته اول لدرجة والله كنت اكتب فيه شعر وربي كل كلامي له كان ينزل دمعتي قبل لا يوصله ابد ياام سلطان مايتجاوب معي او حتى يجاملني بحركة حلوة والله يام سلطان ماني مقصرة معه لا بتزين ولا كشخة ولا عطورات كل شى غالي واي شى اشتريه ابيه يشوفني دوم حلوة وانيقة وربي لو طلب عيوني اقوله فدوى لك اليوم من قالي تعبان حنيت عليه وفز قلبي بس مابينت له انا قلبي هو نقطة ضعفي وترى يام سلطان مع الكل على طول احن واسامح قلبي متعبني والحمد الله رغم اني احيانا اتنرفز ويطلع مني كلام مب زين لكن وربي قلبي يغلبني واحن بسرعة وحاجتي مب لي للناس معرروفة عند الاهل كلهم والله الكل يقول ام القلب الكبير الطيبة بس لا عصبت اتغير 180 درجة اللسان ماصرت اتحكم فيه وقت العصيبة لكن الحين قاعدة احاول اضبط نفسي واعصابي وابي ارود نفسي على الهدوء والصمت وبعدت عنه ياما قلت له يام سلطان وياما سويت كان يقولي ترى عادي واي وحدة تسوي كذا مع زوجها مع العلم انه كان يتمنى حبي وكان يقولي لو املك قلبك بكوون اسعد انسان وجا الوقت الي ملك فيه قلبي واحساسي وكل شى فيني بس ماعرفت قيمة هالشى انا قلت بس اخليه فترة لين تتصافى الخواطر وبعدين نجلس مع بعض ونتكلم طبعا اذا هو حاب نتكلم تسلمين يابعدهم وترى والله كل ماشفت ردودك احس بسعادة مابعدها سعادة فانتي من احبهم في الله ومن اقدرهم واحترمهم انتي بلسم الجروح لكل لرد من ردودك يدخل السعادة بقلب القارئ بطيبتك واسلوبك الرائع واخلاقك العالية الله يرحم من رباك ويجزاه الجنة |
اقتباس:
اعزك الله وانا بعد اعزك وماقصرتي يابعدهم والله فيك الخير تسلمين ياقلبي واسال الله ان يفرج همي وهمك وهموم المسلمين |
اقتباس:
وبعدين اول ماحط مشكلتي بيعرفني هو وفي كثير من الاخوات يعرفون اسلوبي ماشاء الله المنتدى فيه عقول ذكية الله يحفظك يارب |
في النهاية اشكر كل من شارك بموضوعي
واقولكم احبكم من كل قلبي واسال الله كما جمعنا بهذا المكان بدون ميعاد ان يجمعنا بجنات النعيم وترى والله احبكم احبكم وانتم تعنولي الكثير كل ماجيت انام افكر انه في ناس احبهم ويحبوني لا تذكرت هالشعور احس اني سعيدة اسال الله لكم سعادة لا تفنى وقلب خاشع الله يحبب خلقه فيكم اكثر واكثر فو الله كلكم قلوبكم طاهرة ونظيفة عشان كذا ابيكم تدعون لي الله يجمعني فيكم يارب ماراح انساكم لو ايش مايكون حتى لو اغيب فانتم بقلبي وعقلي وكياني انتم من شاركتوني همومي ومهما اسوي بكون مدينة لكم بجميلكم وماراح اوفيكم حقكم اطلب من الادارة لو صار مني غلط يسامحوني من خواتي جداوية واحلاهم واقولهم هذاني قاعدة ارجع لقلوبكم صفائها لا تزعلون مني فو الله مافي شى يستاهل نخسر بعض ابي كل من زعل علي ولا تماديت عليه بالكلام يسامحني اعذروورني وسامحوني احبكم |
صابره لا تغلقي الموضوع
خلينا متواصلين هنا |
=) بصراحة الكلام في المنتدى بشكل مفصل عن مشاكلج أوكـي بحيث لو كان زوجج يشوف هذا الكلام
ومن منظوره كـ رجل ... شي طبيعي ما بيعجبه الشي !! الله يوفقج |
اقتباس:
اكتبي مواضيع وامدحي فيها زوجك وانه ما في احسن منه في الدنيا وامدحي تصرفاته وحكمته وكل شيء اكتبي ايجابيته... واكيد بعدها بيتغير.. الرجال ما يعجبهم غير المدح :) واذا انتٍ كنت حابه تبوحي بمشاكلك وتفضفضي دروي على منتدى اخر ما يكون فيه احد يعرفك ولا تخلي زوجك يعرف وما اكثرهم المنتديات في النت... وما اعتقد انه زوجك راح يساوي بحث على كل المنتديات ويشوف اذا انت كاتبه شي ولا لا.. وفقك الله وسدد خطاك.. |
واغيباه
وقسم طاح وجهي كناري البحرين أسفة يأخوي والله العظيم أفكرك بنت ومع الكتابة بالوردي دخت أسفة وربي شكرا للإدارة ع التعديل جزاكم الله خير |
صابره
كم باقي لك وترجعين لبيتك؟ |
حبيبتي ذكريات
تدرين ابغى أرد وماتكمل الصفحة امتحني الجوال يمكن شهر حبيبتي وأرجع أبشري ماراح إسكر الموضوع بس ع الله ماتصير حوسة الود ودي كل يوم افتح موضوع عشان تجين يالغالية |
طيب
كيف نفسيتك الآن؟ بيجي هو ياخذك والا بترجعين وحدك |
الحمد الله أمس تضايقت عشان سفره بس بعد كلامكم نزلت الرحمة بصدري
مدري حياتي للحين ماقالي شيء |
صابره
بعد ردك عن بداية زواجكم.. - يظهر لي انه كان يحبك وانتي لسى ما تعودتي عليه وهذا شيء طبيعي لكنه مازال متأثر من موقفك بعض الناس يتعامل مع مشاعره بألم ويسترجع الألم كل يوم نصيحتي لك خليك حنونه جدا جدا خلال الفتره القادمه لا عتاب ولا زعل فقط هدفك انه يكون سعيد وين مكان اعتبري نفسك امه اخته بحرصك على سعادته وانسي نفسك,,أو ايش يقدملك ... لين يترسخ في قرارة نفسه وفي عقله الباطن حبك الكبير له مو تحبينه...ترجمي هالحب ضحي من أجله .. كل ما ضاق صدرك اشتكي لخالقك .. لازم واحد فيكم يهدي.. وصدقيني اذا أعطيتي .. وبعدين هو باع .. أو صار انفصال لا سمح الله فما راح يندم غيره أما اذا رجعتوا للمشاكل وصار انفصال بترجعين تلومين نفسك... - لا تنسين عز نفسك تجدها الحب الجميل النبيل الكبير..هو الذي يأتي من هامه عاليه وكبرياء وعزة نفس أعطيه وحبيه ودلليه من كرم وجود نفس مو من تذلل.. |
أبشري حبيبتي
الحقيقة كنت بأخذ مشورتك كيف اتعامل معه والله ماني عارفة كيف ذكريات أبيه يحسسني اني غالية عليه بس اشلون ؟ ذكريات حبيبتي ترى اهاني بكثر طلاقه حسيت اني مبيوعة شفي بس اليوم يقولي ظلمتيني قلت لو ظلمتك سامحني وابشر بالي يرفع عنك الظلم قال وش تبين طلاق يعني شفتي هذا شيء يخوفني كثير يعني اشلون أحس معه بالأمان وهو الطلاق رفيق دربه وأول حلوله وحتى أيميلات مرسلها لي بخوض الطلاق طبعا قلت له لاعاد ترسلي اشياء كذا بخاطرك شيء قوله حلف انه مايقصد استفزازي طيب وش فكرته من الايميلات ليته أرسل شيء يشرح صدري وطيب خاطري مع هذا اليوم كنت ملطفة الجو معه والله ياذكريات لو ماغيرت له المود بسرعة يمكن اليوم اكتب. موضوع عن اخر طلقة لأنه ترى حتى سكوتي ماهو عاجبه وحسيته يدورني ويبي يطلع مني كلام طيب. ذكريات إلي متى بجلس خايفة من الطلاق من هالبغبع إلي حاسه انه بيطلع لي اشلون أسعده وأنا مو حاسة بالأمان وأقول بكرة مصيري انتي طالق لا وعاد الأخيرة يعني إعدام نهائي بالله قولي لي كيف أسعده وانجز بحبي له وادلله وأنا خايفة أوديه عند الكعبة يحلف لي ؟ والله حلف مايطلقني إلا إذا دنست عرضه ماكملنا الاسبوع إلا ونطقها |
صابره..
ركزي في ما أكتب ..مو تقرأين وتتأثرين شوي وبكره تنسين.. - الطلاق أمر حصل بينكما بسبب اخطاء منك ومنه وليس منه فقط..وهي صفحة انتهت.. واخذتي انتي وهو الوقت الكافي لمراجعة النفس والعودة بحب ورضا.. - حلف لك انه مايقصد يستفزك صدقيه.نقطه وانتهى - دايم قدمي حسن النيه وليس سوء النيه..صابره اتمنى اشوف تغير بشخصيتك لكن اشوف انك هديتي لكن ما زلتي تنتظرين منه انه هو يقدم ويعطي .. ويحسسك بالأمان طيب خذي الموضوع بشكل عكسي زوجك مو حاس بالأمان منك .. مو مصدق إنك تحبينه... - يا صابره طيبة قلبك ليست المنجا الوحيد لك..زوجك محتاج وقت للتأقلم وأنتي بعد ولكل شيء صار بينكم انتم محتاجين تقربون لبعض بحب وهدوء وكل واحد يفكر بالثاني.. مو كل واحد مجهز للثاني الأخطاء الي صارت بالماضي |
فاهمة كلامك
بالعكس انتي بالذات كلامك يرسخ وكل لي نصحتيني فيه سويته بس أنا فعلا ماحس بالأمان يعني ذكريات افتح له قلبي وأقوله أدخل من أوسع ابوابه وبكرة مع أول مشكلة النهاية الطلاق !! ليته يهجرني يخليني انطق عند أهلي لين تهدى النفوس بشرط مايحتك فيني وأرجع يعني أبيه يمسح سألفة الطلاق من رأسه وماصير خايفة واتصرف بحريتي كأي زوجين يتهاوشون ويرجعون شوفي حبيبتي أنا ممكن أحسن فيه الضن بأمور كثيرة إلا الطلاق لأنه للحين ماحاول يثبت لي عكس توقعاتي وليتها توقعات ولا ضنون كل ماصار شيء نوصل لطريق مسدود والحل ياربي كيف أزيح الخوف هذا صح اني هديت وصرت اتحكم بنفسي بس مانشيت ياذكريات جرحه لي أنا وربي البيت أحبه وأبيه وشاريته بس تراني مجروحة ياذكريات |
فاهمة كلامك
بالعكس انتي بالذات كلامك يرسخ وكل لي نصحتيني فيه سويته بس أنا فعلا ماحس بالأمان يعني ذكريات افتح له قلبي وأقوله أدخل من أوسع ابوابه وبكرة مع أول مشكلة النهاية الطلاق !! ليته يهجرني يخليني انطق عند أهلي لين تهدى النفوس بشرط مايحتك فيني وأرجع يعني أبيه يمسح سألفة الطلاق من رأسه وماصير خايفة واتصرف بحريتي كأي زوجين يتهاوشون ويرجعون شوفي حبيبتي أنا ممكن أحسن فيه الضن بأمور كثيرة إلا الطلاق لأنه للحين ماحاول يثبت لي عكس توقعاتي وليتها توقعات ولا ضنون كل ماصار شيء نوصل لطريق مسدود والحل ياربي كيف أزيح الخوف هذا صح اني هديت وصرت اتحكم بنفسي بس مانشيت ياذكريات جرحه لي أنا وربي البيت أحبه وأبيه وشاريته بس تراني مجروحة ياذكريات |
مجروحه من الطلاق..تبغين اثبات انه متمسك فيك..!!
طيب ..خلينا نركز هذا الأمر..له حلول مادية ومعنوية المادية: - إنك تشترطين مبلغ مالي للعودة .. كأنه مهر جديد. - تطلبين يغير غرفة النوم او البيت او يجهز لك بيت كامل يبين انه شاريك وشاري استمراركم - سفرة ترضية وتطييب خواطر رغم اني أأيد الثاني أكثر من أي شيء. ****************** لكن خلينا نتكلم بصراحه .. حياتكم كلها مشاكل وش الي يشجعه او يشجعك للاستمرار؟ سؤالي مؤلم.. انتي تحبينه وتبغين العيش براحه اذا أرضي هالمره بدون أي طلبات واسعديه وراحته هو ثم حطي نقااااااااااااط ثم راحتك لازم تضحين وتنسين علشان تستمرين... فقط اطلبي منه العدل ترى حتى الحب والحنان ما يجي بالطلب صابره اعرف وحده تزوجت واحد اصغر منها بسنه.. وما كان طايقها... ودايم محسسها انها اكبر منه .. ويرمي عليها كلام بايخ بإسلوب مراهق طريقة ندائه لها فيها إذلال ولعن حتى لأهلها..رغم انه قريبها وهي عروس ...يعني توقعت على الأقل المعامله الطيبه ماذا فعلت؟ أحبته..تبغاه يتحول لزوج محب..وشخص مستواه بالتعامل عالي كانت تسمع وما ترد.. وهي معلمه يعني مو بحاجته لكنها أحبته قدمت راحته على راحتها تطبخ له اصناف وترسلها معاه لأهله ...او اذا راح الاستراحه أو طلع مع اصحابه تقربت له رغم انه يسيء لها ومو طابقها... وكانت هذي طريقتها الآن بعد سنوات يفتح لها الباب قبل ما تنزل يحيطها بذراعه وهو يمشي معاها رغم انهم ساكنين وسط أهلهم وهذي من الحركات التي تنقص الرجل أمام اهله بعرفهم انسي كلمة طلاق ليش متمسكه فيها هو الآن مو زوجك وبين يدك.. لا تخسريه ولا تخليه يخسرك قدمي السبت تلاقي الأحد |
ذكريات صبحك ربي برصاه حبيبتي
تدرين ياقلبي بالنسبة للمادة والله أمس قلت له اشتريلي. وسو عشاني عمري ماثقلت عليه بشئ بس بودي يروح ان شاء الله يأخذ قرض ويشتريلي شيء ثمين لو يأخذه مني ثاني يوم أهم شيء أحس بالغالا لي فقدته هم العلم ان لي فقدته ماله ثمن ولا يقدر بالمال وأنا معك بخصوص السفر ودي أروح معه أي مكان أغير جو بالنسبة لسوالك ياحبيبتي أنا لي متمسكة فيه ولولا تنازلاتي كان زمان فرقناه أنا ع قولة الأخ أبو حكيم كان المفروض أجي مطلقة عند أهلي وأشوف هل فعلا بيسوي شيء بس ماقدرت وخفت يتغير شعوري ولا ارجه له .. صدقيني أعرف نفسي أنا بسوي لي قلتي عليه وان شاء الله مايخذلني بمشاعري مرة ثانية الله يهديه ياذكريات ويفهم ان الانسان له قدرة للتحمل والله ياحبيبتي قلت ماراح اطلب منه لا مشاعر ولا أدور ماكنت أدوره من عواطف تعدقني وبعظمة لسانه قال مابيك تحبيني مابي حب احترميني بس قلت أبشر بعزك ولايهمك وهذاه الحين قاعد يدور مني كلمة تطيب خاطره سالني قال تحبيني ؟ قلت الله عليك يابو الشباب كم سمعت مني كلمة أحبك ولا لقيت لها بال عموما حبيبتي بسوي لي قلتي عليه وأسأل ان يهديه ويهديني معه والله لايحرمني منك يالغلا ويجعل السعادة بطريقك ويحبب خلقه فيك أكثر الله يرزقك كل ماتتمنينه ويحقق لك مرادك أحبك حبيبتي |
عزيزتي صابرة
معليه على المداخلة ، بس حسيت فهمتي كلام الأخت ذكريات لا تغيب إنك تطلبي من زوجك شئ مادي أو سفر و كذا بس اللي فهمته من كلامها ، الجزء الثاني إنك تركزي عليه ---------------------------------------- عزيزتي صابرة بدنيتي أنا بأرد عليك و راح أعتبر إنه زوجك ما بيقرأ الرد حتى أخذ راحتي في الرد عليك - لا تجلسي تتكلمي عن الماضي ، مهما كان جرحك و ألمك و مهما كان اللي حصل لك نتيجة له لإنه الرجل ما راح يفهم الشئ هذا أبدا ، الرجل ينظر لها بمفهوم اخر إنت بكلامك هذا ، راح تزيدي الفجوة اللي بينك و بين زوجك و راح تخليه يبعد عنك أكثر لإنه الرجل بشكل عام ، يكره ( اللوم ، العتاب ، الإنتقاد ، النكد ... إلخ ) إنت صحيح تفضفضي ، بس زوجك يوم يقرا كلامك .. بيقول ، خليني أبعد عنها كمان ، دام إنها لسى بتتذمر و تتشكى و تتألم وووو إلخ هو ما راح يشووف الجزء الثاني من كلامك ، إنك تحبيه و تغليه ووووو إلخ لإنها ما راح تعني له شئ ، إن كان معها ( لوم و عتاب ) و لا تنسي إنه ( كثرة الدق ، تفك اللحام ) افتحي صفحة جديدة ، تعلمي إنك ( تنسي ، تسامحي ، تعالجي نفسك بنفسك ) إنت مازلتي مثل ما إنت ، ما تغيرتي .. الفرق : إنك صرتي خايفة من الإنفصال و بطريقتك هذه ، راح تخلي الفاس يوقع في الراس لا سمح الله الرجال يتزوج عشان يلقى ( الحب ، الحنان ، التسامح ، الراحة ... إلخ ) تبغي تعيشي معاه ، لا تستني منه شئ .. عيشي حياتك بثقة .. ---------------------------- دام إنه زوجك سافر و إنت كنت بعيدة عنه ، و العلاقة بينكم مشوشة نوعا ما .. و ما كلمتيه غير من أسبوع ، اخر مرة .. فإنت في مرحلة حاليا ، إنك تعتبري زوجك ( وجوده ، مثل غيابه ) مع احترامي لزوجك الفاضل .. بس كلامي ، لراحة الطرفين بإذن الله .. زوجك يكره القيود ، زوجك يكره اللوم ، زوجك يكره الإنتقاد ، زوجك يكره المرأة اللي تلاحقه .. هذا هو زوجك .. و كلها إنت بتعمليها ، و علشان تبتعدي عن الصفات هذه .. فلازم تنشغلي بشئ مع نفسك ، لا تخليه محور حياتك .. زوجك يحب المرأة الغامضة ، يبغى منك ( حنان و حب و تسامح ) من غير مقاااااااااااااااااااااااااااااااااااابل أنا برأيي ، إنك تستمري في البعد عنه .. لحد ما تنشغلي مع حالك ، و حاولي تعملي علاقات مع زميلات .. تواصلي مع أخوات ثانيين ، و سجلي في دورات .. و يوم ترجعي له ، ترجعي له بشكل اخر و بشخصية واثقة و متفائلة .. هو جرحك و ألمك ووو إلخ مافي رجال ، ما جرح زوجته .. إلا ما ندر .. يعني أنسي ، تعلمي النسيااااااااااااااااااااااااااااااااااااااااااااا اااااااااان .. و لا تزعلي من كلامي يا صابرة .. إنت كمان في فترة من الفترات ، جرحتيه و اعترفتي بغلطك و هو رجع لك فلا تخليه يندم لا سمح الله ، بإنه رجعك .. هو رجعك ، و إنت وعدتيه بالتغيير للأفضل و الأعضاء و العضوات ترجوه من أجلك خليك المرة هذه أقوى ،، و لا تكشفي كل أوراقك لزوجك خليك ( غامضة ، متجددة ، واثقة ... إلخ ) الرجال ، لو زوجته ملكة جمال .. و تنكد عليه حياته .. بيكرهها ما تشوفي هناك رجال متزوجين من حريم ( غير جميلات ) ، لكن يموت عليها ؟؟؟ لإنه روحها حلوة .. و لإنه لقي الحب و الدلع و الإهتمام أدري إنك مو مقصرة معاه في الحب و الإهتمام لكن بالمقابل ، بتمسحيها بعصبيتك و الإنتقاد ووو إلخ زوجك كذا و ما يتغير ، لازم تتقبليه بكل اللي فيه |
السلام عليكم شخبارج يالغاليه
صابره ياقلبي لاتتعبين نفسج بالتفاصيل اذا يبي يقولج حياه الله واذا مايبي على راحته طنشيه شووووي ريحي اعصابج ترا موزين تحاسبينه على كلشي بعدين يطفر منج وبعدين مايقولج وعسى ربج يسخره لج ويجمعكم على خيررررر اميييييييييييييييين |
حبيبتي روح الطير كلامك ع عيني وراسي
أدري انكم تبون مصلحتي وصدري والله وسيع للنضائح من مثلكم وشرواكم والله ياحبيبتي عمر المادة ما كانت هدفي هي مجرد سوالف أنا وذكريات ودي بس شيء يحسسني بغلاتي عنده والله ياروح ما عاتبته بشئ ولا اشتكيت من يوم سافرت لأهلي يمكن يشوف كلامي بالمنتدى بس ما أجرحه ولا أذيت مشاعره هي فضفضة لعلي ارتاح يمكن قلبي ماتغير ياروح حبيبتي بس أحس انه بداخلي شروخ خلتني اصير غريبة عن نفسي وأحس اني محتاجة لكم بحاول حبيبتي صدقيني راح أحاول أنا نفسي أسعده ويسعدني واذا في تقصير ان شاء الله أصلحه الله لايحرمني منكم يارب ترجعين بالسلامة يابعدهم |
هلا صابره
اعتقد اني كثرت عليك الكلام.. شوفي يا صابره... تطلبين وانتي بعيده ما ينفع .. تطلبين وانتم خلاص رجعتم .. ما عاد ينفع لو كان قبل كان فيها كلام الآن خلاص والحمدلله انكم مع بعض. روح الطير فهمتني... أنا بينت لك وش ممكن تطلبين لكن خلينا نقول الآن بينكم اتفاق جديد... - تنسين كل الي صار... - انتي عروس فتهيأي لعودتك لزوجك... وهدفك ما هو ؟...(أن تسعديه... مو تسعدي نفسك) - انتي ما زلت تدورين بنفس الحلقه..جنني بالطلاق..احس بالخوف ... هذا الكلام كله ما ينفع...الرجل ما يفكر بنفس طريقتك العاطفيه ... فرجاءاً ستوب لكل هالأفكار... حتى حواركم الآن واسمحيلي بس ما لقيت تعبير اهون (ما عاد له طعم) يدور حول (ظلمتني-الطلاق) حاولي تحولين الحوار لشيء إيجابي أكثر .. فكري كيف تشغلين وقتك إذا رجعتي..وكيف تهدين نفسيتك مع زوجك صابره ... الزواج ليس ماذا فعل بي وماذا أعطاني والكلام للرجل والمرأة الزواج عشرة وتحمل..وصبر وأخلاق وأفضل حسن الخلق الي تتصف فيه المرأة هو معاملتها مع زوجها تقمصي شخصية الانسانة المعطاءه الحنونه .. الي ما تنتظر شيء صحيح ان زوجك أخطأ معاك وهزك بالطلاق...لكن الحل ايش تندبين حظك طول عمرك ينتحر... تنتحرين.. وإلا تحاولين تهدين الأمور لين يندم من داخله انه زعلك بيوم.. صابره ارجعي اقرأي ردودي بهدوء وتمعن واستعيني بالله علشان يقويك لقادم الأيام.. ما راح أكثر عليك .. انتظرك |
هلا حبيبتي صابرة .. انا أوافق الغاليه ( روح الطير ) في كلامها .. يعني قالت اللي بغيت اقوله .. ونصيحه مني لك حبيبتي ... لا تحاسبين على كل شيء وأي شيء ترا محد بيتعب الا إنتِ ... لا تقولين عمل فيني كذا وقال لي كذا ... فكري انتِ شو تقدرين تعملين الحين ... خليها بداية جديده فهي فرصة من رب العالمين ... تعلمي من مواقفك وتجاربك السابقه ... لا العناد ينفع ولا اللوم ينفع ولا الزعل ينفع ... تفكيرك في الماضي بخرب ويضيع عليك الحاضر ادعي لك من كل قلبي ان الله يفرج همك ويقويك .. ويكتب لك حياة كلها راحة وسعادة وطاعه وخير ... ربي يحفظك يالغلا |
اقتباس:
اكثر من هلمعزه و الدلال مافي قولي اييييييييييييييييييييييي ما تقدري تبداي بمعرف جديد ابداي بكلام جديد و كل ما جيتي تفضفضي اكتبي واقريه كم مره و ابداي اختصري بلكلام و عيدي اقري كلامك و اختصري اخر شي ما حتلاقي كلام تكتبيه و اعرفي انه ما في بيت بهلدنيا كلها الا و فيه مشاكل و هموم في وحده اعرفها ام صاحبتي تقول زوجها اذا جا يعاتبها بلليل تقول له خلي ننام و الصباح رباح من اصبح افلح و يجي الصبح يوم جديد ناسين الموضوع انت دايما اقنعي نفسك انك فرحانه وسعيده وزوجك ما في منه و انه حياتكم حلوه وسعيده و افرحي باقل شي عندك و قولي يا الله نعمه احفظها من الزوال ،،،، كرريها كم مره وبصوت عالي و يسمعها هو كمان شوفي مقدار الفرحه الي تدخل قلبكم:23: تدريجي حتبرمجي نفسك علسعاده و بس انتهى الموضوع :d |
في البداية اعتذر اذا فيه كلام يضايقك...
ارجع اقرأ ردودك ... (يحسسني-يسوي لي-يشتري لي- يسفرني) طيب ليش دائماً أنتِ ردة فعل... ليش ما أقرأ... (بأحسسه بالحنان-بسوي له جو هادي-بأعطيه الأمان-بصبر عليه-بأحبه بدون مقابل-ما راح افتعل مشاكل) صابره اعرف إن التغيير صعب... واعرف إن الانسان ما يحس الا بألمه الشخصي.. لكن ألمك....يؤدي إلى عتب...خصام...مشاكل....قلق...طلاق عطائك.......يؤدي إلى رضا..هدوء...تقارب...تماسك...اتفاق ولا تسألين ليش أنا هذا قدرك... اعرف انك محتاجه للحنان ولكل المشاعر الي تحتاجها المرأة لكن مو هذا وقتها... أجمل الأشياء هي التي تأتي دائماً متأخرة... بعد صبر وتحمل ..مو تصبرين على موقف موقفين... لا اعتبري السنة الجديدة هذي كلها سنة تنسين فيها نفسك... إذا ما أثمرت هذي الطريقة...فأنتي تزرعين في ارض قاحلة... وقتها بتفكرين كيف ما يضيع تعبك هدر.. ************** |
هلا ذكريات حبيبتي
من الصباح ابغى أكلمك ماقدرت عندنا ضيوف وكلش ماقدر أخذ راحتي أعذروني عن التأخير ذكريات بقولك شيء وأنتي أكثر الناس فاهمتني ولايهون الجميع ذكريات لمن تحسي انك قاعدة تسوي مجهود أي كان سواء مظهرك كشختك أي شيء مو مسألة مقابل بس عالاقل يحسسك هالرجال انك أنجزتي يعتبر كل شيء عادي وان كل حرمة تسوي وتحب وتخضع كأنه شيء اجباري وواجب طيب في رجال يشتكون من حريمهم وأقلها يقول زوجتي ما تعطيني حقي الشرعي زوجي ما تلبس ماتسوي صدقيني أحس باحباط أبا منه بس الكلمة الطيبة تشجعني والله ياذكريات ماقولك اني ملكة جمال بس كانت عندي ثقة بنفسي جبارة وكنت واثقة من قدراتي أحس اني فقدتها وفقدت كل احساس حلو بداخلي يمكني حساسة يمكن اطلب حنان وحب زود عن باقي النساء _ بس غضب عني أحبه واباه هو يعطيني مثلا وقت النوم أقوله بس حاول تحضني لين يجيني النوم أبيه يحتويني ياذكريات أرجوك افهميني والله يمكن أروح بس المطبخ أجيب مويا أحصله دخل بسابع نومة مسافة متر بينا بالسرير في اشياء يمكن تافهة عنده أو عند غيري بس عندي تعنيلي الكثير ومع هذا قلت له ياحبيبي أباك تحس فيني ترى الأمور لي تعتبرها فروع جزئيات أنا اعتبرها جزء كبير من حياتي أروح كوافير بالأسبوع ? مرات تخيلي كل مرة وش أسوي له لدرجة هو يضايق من روحتي يقول انتي ماعندك سألفة غير ذا الشئ أقوله عشانك أبيك تشوفني حلوة والله ولا كلمة مجاملة منه ! والحمد الله ماني شينة بس أحيانا أطالع بوجهي أقول في شيء بزوجي ماهو عاجبه ! صرت أدق ع أمي أقولها يمه أنا حلوة ؟ تقولي تجننين »» القرد بعين أمه غزال مرة أمي قدام زوجي تقول طالعي وجهك بالمرأيا لأنه اشتكى لها اننا رحنا مكان مختلط ومعنته انه يطالع كان في بنات وماحبيت يرفع عيونه تقولي أمي ليش تخنقينه ؟ قلت والله مإودي زوجي تطالع عيونه بتبرج وقلة حيا أدق ع صديقتي أقوله يأم فلأن أنا حلوة ؟ تقول والله تجننين طيب. أنا كنت أعرف انه لي قبول بين الناس والحمد الله ع حسن الخلقة ليش زوجي مايمدحني ولا ع الأقل لا تانقت له ولبست يجتمل حتى أعطي وازيد بعطائي مع العلم اني امدحه واثني عليه والله أحسسه انه ملك زمانه بس من مالقى منه تجاوب ومع أول مشكلة انقلب شرسة أبي أهد كل شيء حولي كل هالعوامل وغير الطلاق هدوا حيلي وافقدوني الثقة بنفسي يوم مرض ياذكريات راح بيته الثاني وكان يومي قلت ليه ماتمرض في بيتي تشوف اني مقدر اتحمل مرضك ؟ قال: كنت تعبان حيل. وأنتي ماراح تتحملين. ! ! قلت هي تحملتك وأنا لا وش لي خلاك تحكم جربت ! قلت له والله لو تشوف اين مقدر اتحملك يوم تمرض فتاكد اني ماستحق أكون زوجتك والمصيبة ياذكريات يمكن لو بس صكه رأسه تنزل دمعتي واحن عليه معقولة هالرجال مو قادر يستوعب اني ممكن أخذمه يعيوني وقلت. له والله لاقدر الله مت وأنا ع دمتك ماراح اتزوج وأنا وربي صادقة عبرت له عن كل ما أملك حسيت ولأول مرة بحياتي أعطي بلا حدود من نتخاصم أجي أصالحه زي المجنونة مايهون علي أنام وهو مخاصمني أقول وش معنى هو يقدر وأنا لا؟ عشان. عنده زوجة غيري ؟ وعشان أنا ماعندي إلا هو ؟ والله ياذكريات رجعت له اخر مرة منهارة لظروف زواج والدتي أمي حبيبتي نبض قلبي طول عمرها كانت لي وفجأة ما أصبحت لي وهو كان عارف اني أمر بظروف تغير حياة أهلي وأخذت قرار وقلت أنا بروح عند زوجي مالي إلا هو بعيش عشانه رحت له وأنا كلي حطام وبقايا انسان كنت أبيه يضمني صمة عقبها الموت قام أول. ماتهاوشنا قال كلك مشاكل ! صارت ظروف أهلي مغاير الحين أمي رجعت لي وصرت أنام معها بعرفتها زي أول بس وينه زوجي كنت أبيه لي الأب لي انحرمت حنانه أبيه الأم لي ماشبعت ضمتها لأمر الظروف كنت أبيه الأخ لي فقدته أبيه العشيق إلي طول عمري تمنيته صح هو مو مجبر يلعب معي كل الأدوار بس بالاخير هو زووجي وأقرب لي من أي أحد سامحيني بس .. |
تسلمين حبيبتي لمنى الشوق
الله يسعدك يالغالية بحاول حبيبتي افتح صفحات جديدة واطوي الماضي الأليم بحاول ياقلبي بس لا تنسوني من دعواتكم النقية انتم قلوبكم طاهرة |
| الساعة الآن 02:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©