|
انتم الان كل الغلط علي انا ليش والي خلاني ارد رد قوي من الاول اقرأو الردود الاولى الي يقول انت مو قد المسؤليه والي يقول انت جاهل هذا منتدى لحل المشاكل مو للمهاترات والردود حكمتو علي اني الغلطان
|
اقتباس:
حتى ما قلت كلمة بنت خالتي قلت بنت اختها اي امك عسى ربي يحفظها لك ماراح اسألك عن خالتك لكن بسألك سؤال واحد اذكر لنا ابرز عشر عيوب في زوجتك ؟بس رجاءا علشان نحصر الموضوع لا تجيب طاري اهل البنت |
اذا زوجتك مافي شي يعيبها ليه تبي تطلقها حرام
وبنات الناس مو لعبه في ايدك |
هو غلط انه ماعتمد على نفسه في اتخاذ قراره وغلط غلطة قوووية مسكينة البنت ايش ذنبها
بس هو ماحبها بغض النظر عن مستواها ماحبها حاول يحبها وماقدر يعني مهما استمرت الحياة وهو من الاساس ماتقبلها خلاص ماراح يتقبلها ابدااا الله يكتب لك الخير وييوفقك ويوفقها |
معنى كلامك ، إنه ما عندكم النظرة الشرعية
و إنك ما حبيتها عيوب أهلها هي مالها ذنب فيه ترى ، لكن حكاية إنها ما دخلت قلبك ؟؟؟؟؟ طيب الطلاق بيشتت أطفالك ،، يمكن هي تشوف إنها تجلس معاك ، أفضل من الطلاق ؟ لا تاخد قرار الطلاق لوحدك ، تناقش معها و تكلم معها يمكن هي تبغى تعيش معاك و راضية بوضعها ؟ |
هلا وغلا هي راضيه اكيد لاكن يا اخوان انا تعبت احبها واصبر معاها انا والله ما اسبها الان ولا اتشمت فيها لا والله انا ابغى رايكم لان المشكله مو الان المشكله احس اني ظالمها لمن تعبت ارتاح معاها وبعدين يجوون اطفال وتصير مشكله كبيره واجلس اقول لو طلقت من قبل كان احسن علما انني في الطلقه الاولى تقدم لها اربع خطابين اعمارهم من الاربعين يبغونها .لاكن من بيئتها يعني في بلده زي بلدتها لاكن انا تعبت والله.
العيوب ما فيه ان شاء الله عيوب لاكن بقول 1/لبسها دايم واحد ما تغيره /ما فيه دلع منها وتكشيخ زي البنات 3/ما تحب تطور نفسها 4/مكالمات ما فيه وبصوت يسد النفس يا الله تكلم تخليني اكرهها بسبب كلامها 5/اهلها لمن تجيهم تكلمني تعال بسرعه نروح معاك للبيت ملينا كيف مليتي ونتي عند امك وابوك 6/احيان اقول نروح لاهلك نسلم ونتعشاء تقول لا مو الحين ارجو المساعده وعدم الغلط في الردود لان القرار الاول والاخير في يدي اللهم مساعداتكم ممكن اقتنع من شي منها |
أخوي
من الظلم إننا ناخذ قرار يحدد مصيرها ، لإنه مافي أي وحدة ترضى لنفسها الشئ هذا أخاف نقول لك ، لا تطلقها و تزوج بأخرى ، و نكون ظلمناها ،، لإنك أكييييييييييييييد ما راح تعدل ، و بكذا تكون ظلمت نفسك كمان و تجي يوم القيامة و شقك مايل أما إذا زوجتك لها فرصة بإنها ممكن تتزوج إذا إنت تركتها ، فطفل و لا 5 أطفال .. و لا بعد ما تكبر زوجتك و تقل فرصتها إنت مو مقتنع بها ، حاليا انتبه إنه زوجتك تحمل ،، حتى توصل إنت لقرار و ليتك من أول مرة تطلقتوا ،، ما رجعتوا و صار بينكم طفل استخييييييير و الله يعين |
انا اعيد واكرر انو الغلط منك مو لانك بتطلق لانك وافقت عليها من الاساس
ليه ترضى فيها وانت عارف انها مو الزوجه الي تحلم فيها والمفروض انك لما طلقتها اول مره مارجعتها على العموم استخير وقرر قرار نهائي يا تطلق يا لا لا تنتظر اكثر من كذا وبعدين انا ضد الزوجه الي ماتهتم في نفسها وفي اناقتها وفي انوثتها اجل وش الفرق بينا وبين الرجال الرجل يبغى زوجه تهتم في نفسها تدلع تتغنج على زوجها تلبس تغير من شكلها بين فتره وفتره يعني الزوجه تتحمل جزء من المشكله هي تطلقت المره الاولى المفروض لما رجعت حاولت تغير من نفسها المفروض انها اهتمت في نفسها غيرت من شكلها تحاول انها توصل لمستوى تفكير زوجها تقراء في تخصص زوجها تقراء كتب منوعه تثقف نفسها ممكن تكون ملمه بكل جوانب الحياه ويكون عندها ثقافه حتى لو معها الابتدائي بس شكل الزوجه راضيه بحالها وعايشه في بيئه منغلقه غير متطوره الي قدرت افهمه انو هي من بيئه قرويه يعني عايشه على حياه اجدادنا حتى مو امهاتنا عاد انت ادرى بزوجتك الله يعينكم كلكم انا اخاف تطلقها وتصير مشاكل بين امك وخالتك وتصير هناك قطيعه بينهم حاول تطورها اذا تقدر ويمكن اذا تطورت واهتمت في نفسها وغيرت من اللوك راح تشوف زوجه ثانيه مع الايام راح تحبها قول لخواتك يساعدونك يعلمونها اللبس وكيف تهتم في نفسها حط لها نت خلها تتصفح مواقع نسائيه وتشوف كيف الحريم يهتمون في ازواجهم اشتر لها كتب وخلها تطور نفسها |
اقتباس:
هل جربة هالحل صديق لي يحب زوجته لحد الجنون ويقول انها ملاك نفس حال زوجتك تقريبا والمشكلة انها من الصالحات نحسبها كذلك والله حسيبها امه ما نعته يتزوج وحدة ثانية وهي عايشة ما ودي اقلك اتزوج عليها كحل لكن هل حاولت تثير غيرتها لتدفعها للإهتمام بنفسها هل حاورتها وهل ناقشتها في هالمسألة. بالنسبة لصديقي يقول يوم راح يناقش زوجته في هالمسألة اعني اهتمامها بنفسها وكذا قالت بالحرف الواحد اش تبغاني اسويلك ؟ هو زعل منها بالطبع وماشاء الله لكن عاد ما خلاها اللحين شبه اسبوعي له طلعه معاها وبدون الأطفال صبر عليها لسبب واحد لأن الاساس اللي تزوجها عليه لا تزال عليه اقصد حسن الخلق والدين مخلف منها حاليا 5 اطفال ماشاء الله ويقولوا الأحبة المصريين قال للجارية اطبخي قالت كلف يا سيدي هل انت جلست واتحاورت واتناقشت معاها بهالمسألة؟ هل انت تحب الكشخة والشياكة وانت في البيت؟ والا انت من النوع اللي يجلس بالعراقي"العراقي = ثوب نوم"؟ كرهك لها خلال الفترة الماضية وهجرانك لها لأيام هذا ايضا قد يدفعها لأهمال نفسها لأنك بصراحة وان لم تتكلم هي ايضا تعاني اخشى ان الا تكون قد سببت لها الما نفسيا عموما ممكن بعد ما تناقشها وتحاورها بهالمسألة ان تستخدم الجنس كمكافأة ع فكرة احس انك انسان نبيل لكن تطلقها علشان انت خايف لا تظلمها معاك طيب مافكرت في هالطفل اللي حتحرمه منك؟؟ انت سيد الموقف ويقولون حيثما -تنظر انت تتجه- او الطاقة حيث التركير where does focus goes energy flows - سمعتها من الدكتور صلاح الراشد انت ركزت ع عدم الظلم والعقل الباطن لا يعرف النفي ابد وكل ما تفعله اظنه اصلا ظلم لها هجران ابتعاد كراهية لأهلها اسأل الله ان يصلح الحال بينكم |
اقتباس:
لييييه مافي أي وحدة من أخواتك تعلمها ؟ الله يسهل لكم يارب |
غير نظرتك تجاها وابحث عن ايجابيتها...
|
النقاط 5 و 6 تدل على انها ترتاح اكثر في بيتها وعندك وانها تشتاق لك
اما اللبس والتغيير اتذكر مرة كنت بالسوق ودخلت محل ملابس بيت الا واحد معه سلة نصها ملابس وجالس يختار لدرجة ماقدرت اختار وهو موجود ويتأمل>>الله يهنيهم فأنت إذا حاب تغير من وضعها خذها و ورها ذوقك |
شكل مابينكم حوارات أو مناقشات في حياتكم
كل واحد عايش في أتجاه أجلس معها وقولها على كل شي في قلبك بهدوووء وروقان وخلها بعد تتكلم معك وتقول كل شي عندها بنسبه لأهلها شكلها ماترتاح عندهم بعد ماتزوجت وأذا كملت تعليمها وين المشكله وّاذا صار عمرها 27 خلاص التعليم لصغار :) سجلها منازل أو تعليم كبيرات أو دورات تعليميه أو تحفيظ قران يمكن تختلط مع ناس وتتغير أخذ لها كتب ثقافيه عن الحياة الزوجيه وغيرها كلامها لك بالهاتف انت قولها باسلوب الغزل تغيره وتدلع فيه وتعامل معها برسائل :) انت بتقدر تغيرها بس ماحاولت معها لانك حاط الطلاق براسك وهاذا من الشيطان لان الاسباب الي ذكرت عاديه وبتتعدل الى اذا السبب في مضهرها الخارجي موب عاجبك00 |
/لبسها دايم واحد ما تغيره
/ما فيه دلع منها وتكشيخ زي البنات 3/ما تحب تطور نفسها 4/مكالمات ما فيه وبصوت يسد النفس يا الله تكلم تخليني اكرهها بسبب كلامها 5/اهلها لمن تجيهم تكلمني تعال بسرعه نروح معاك للبيت ملينا كيف مليتي ونتي عند امك وابوك 6/احيان اقول نروح لاهلك نسلم ونتعشاء تقول لا مو الحين .................................................. ........................ .................................................. ........................ اخ ابو ناشي اشعر انك لاتتحاور معها كثيرا او بالاحرى لاتصارحها باللذي يضايقك فيها اخبرها اذا تبيني استمر معك النقاط هذي لازم تعدلينها في حياتك لانها بالنسبه لي مهمه جدا جدا وتقدر تكتبها لها بورقه عشان تظل امام عيونها وماتنساها ومايكون لها عذر انها مثلا لاتذكرها **من ناحية اللبس انزل معها السوق واخترلها ملابس حقت البيت على ذوقك ولاتهمش ذوقها وقول كل يوم لازم اشوفك مغيره اللبس اخبرها انك تحب التجديد في اللباس والتكشخ وماتحب الروتين في اللبس دائما رددها في بالها ** قول انا احب الدلال في الحكي مااحب تكلمني كني اخوك انا زوجك ابي اسمع كلام حلو ** من ناحية تطوير الذات اخبرها انها تستطيع ان تثقف ذاتها عن طريق النت وقراءة الكتب وانت اجلب لها الكتب المناسبه واخبرها انو هالكتب مو للزينه بل لابد من قرائتها والاستفاده منها وتطبيق مافيها من خير ** وتقول تكلمك بصوت لايعجبك خلاص حطها حلقه باذنها انك لما تكلمها ترحب فيك وتسال عن حالك وترقق صوتها قول كذا اناا انبسط ** ومن ناحية اهلها فثق يااخي انها تشعر عندك بالامان والسعاده وتشتاق لك وللبيت وهذا كله اجعله بالحوار اللين والكلمه المناسبه والله الموفق |
السلام عليكم شوف اخ ابو نـآشي بصراحه انت مغروور..! هذي الحقيقه يعني وانت جالس توصف مشكلتكم توصفها بغرور هي ماعندها تعليم وشهادتها سادس..طيب وإذا شاهدتها سادس وش المانع..؟؟ لو إنها هي عندها تعليم وانت لا صح هنا الغلط لكن كذا عااادي جدا وبعدين معروف إن الرجال هو اللي يتعلم ويصرف على الزوجه والزوجه عليها التربيه والبيت والحمل...... ولا ضر جداتنا ماتعلموا وماشاء الله الحين اولاد احفادهم متزوجين طيب بما إنك ذكرت عيوبها وللأسف ماذكرتها إلا في الاخير....راح اجاوب عليك 1/لبسها دايم واحد ما تغيره روح انت ويآهآ للسوق وإذا شفت لبس حلو قل لها حبيبتي شوفي هذا اللبس احسه حلوو عليك 2/ما فيه دلع منها وتكشيخ زي البنات السؤال هذا عندي له سؤال..! تتكشخ وتتدلع بعض الاحيان..؟؟ ولا ماتتكشخ ولاتتدلع ابدا..؟!! وإذا تكشخت تمدحها..؟؟ وانت تدلعها وتكشخ نفسك قدامها..؟! ولا بس تبيها هي اللي تتلبس وتتكشخ وتتدلع وانت على الصـامت..؟! 3/ما تحب تطور نفسها مثل إيش ماتحب..؟؟! 4/مكالمات ما فيه وبصوت يسد النفس يا الله تكلم تخليني اكرهها بسبب كلامها طيب قل لها ياعمري لييه ماتكلميني..؟! تراني اشتـآآق لصوتك.....تعال معها باللين مو على طول تقول لها ليه ماتكلميني وبعدين انت الحين تكلمها..؟؟! 5/اهلها لمن تجيهم تكلمني تعال بسرعه نروح معاك للبيت ملينا كيف مليتي ونتي عند امك وابوك هي الحين مشتآقه لـــك لكن انت الله يهديك مافهمت قصدهـآآ تلمح لك من اليوم وانت فآهمهآ غلط 6/احيان اقول نروح لاهلك نسلم ونتعشاء تقول لا مو الحين طيييب كيفهآآ تروح ماتروح كل واحد وبراحته.....لاتدقق بالامور الصغيرهـ وانت مشكلتك كلهآ يبي لها تغافل عن الامور الصغيره لاتكبر الموضوع ترا والله الدنيا ماتستاهل استانس بحايتك وخل التفكير والتدقيق عنك.. والله يوفقك.. |
اخي ابو ناشي اسمح لي ارد على ما ورد في هذا الرد قبل ان اصل لردوك التي تلته باذن الله
اقتباس:
وكنت اتمنى ان لا تبتدي ردك على من اتى ليساعدك بهذا الكلام ونحن فهمنا قصدك الذي وضح تماما بهذه المقدمة فانت قد دخلت ونيتك مقدمة وجاهزة تجاهها وكنت تعتقد ان الكل سيستغرب كيف استطعت ان تعيش معها سنة وستة اشهر وتكيف نفسك مع انسانة بمستواها وانت على ما عليه من شهادة ومستوى اجتماعي وو ولكنك صدمت حينما وجدت الكل يضع الحق عليك فثرت واتهتنا بعدم الفهم ووضعت ارائنا وردودنا تحت قدميك فلو كان العكس وشجعناك لانهلت علينا بعبارات الشكر والثناء فأنت تريد ان تطلق وضميرك مرتاح لانك لم تجد بها عيبا تبيتح الطلاق فوضعت مشلتك ووضعت اهم الاسباب في نظرك وظننت اننا سنشجعك ونطلب منك نحن الانفصال ولكن خيبنا ظنك فأنت في صراع لانك تريد الخلاص ولكن ضميرك لم يسمح لك لانه لا يوجد سبب مقنع . وارجوا ان تقرأ قصة الصحابي ابو ايوب الانصاري مع زوجته ام ايوب وكيف منعه رسول الله صلى الله عليه وسلم من طلاقها حينما اتى اليه يطلب الاذن ليطلقها فأبى رسول الله بل واعتبر طلاقه لزوجته ام ايوب اثم عظيم لانها تعينه على اقامة دينه وانت ذكرت انها مطيعة وهذا من اهم اساسيات الحياة المستقرة . اقتباس:
اقتباس:
اقتباس:
اقتباس:
وهذا الرابط http://www.66n.com/forums/showthread.php?t=210547 اقتباس:
اقتباس:
اقتباس:
من يسمعك يقول له عدد من السنوات وهو يحاول وانت كلها ستة شهور وطلقت ؟؟؟ والان سنة ولا تأتيتها الا كل يومين والله اعلم ان كان في الاسبوع او الشهر . |
اقتباس:
ربي يوفقك ويسعدك مع زوجتك صدقني الوضع بسيط لكن تحتاج لتتقرب منها وتحبها وتمدحها ولا تنتقدها وستجد نفسك قد وجدتها انسانة جديدة مختلفة كليا عن قبل . |
اخي الكريم ابو ناشي ،،
هل تعرف الرئيس التركي ؟؟ لا اعتقد انك تختلف معي انه من اقوى و اعظم الشخصيات في العالم و اغلب المسلمين يعتبرنه قدوة لهم ،،، هل تعلم ان زوجته للتو دخلت الجامعة رغم ان عمرها تجاوز الخمسين ؟ طبعا هو لم يقل زوجتي غير متعلمة سأطلقها ، بل وقف معها الى ان كملت تعليمها الجامعي ، و هاهو الآن اعظم و اقوى رجل في العالم الاسلامي ،، كان بامكانه ان يتبع اسهل الطرق و يتخلص من زوجته ليحصل على اخرى جاهزة من السوبرماركت ، لكنه ابى الا ان يقف مع زوجته حتى اصبح الرجل الاول في تركيا و اصبحت هي السيدة الاولى ! الخيار لك ، هل تريد الطريق السهل ام تريد ان تفعل شيء ايجابي في حياة زوجتك و حياتك ،، |
انت شكلك شايف نفسك الان عندك شهاده مااقول لا حرام هالبنت تقعد معك
|
انت بزواجك ما غلطت صح كنت مومقتنظ بالميه لكن رضخت وقلت يمكن ارتاح واكسب رضى امي وحتى طلاقك كان فيه شيئ من الحكمه
بس ليش رجعتها كنت خلاص شفت شككها ولبسها وتعرفت على طباعها الحين طلاقك لها ظلم لكن رأي اعترف لها انك منت حابه وشاورها وقولها انا ماقدرت احبك وابي اتزوج وحده ثانيه و اذا تقدرين تعيشين في بيتك وتربين ولدك وممكن تنجبين غيره وتكون لك عائله وانتي في بيت وضرتك في بيت وحطي في بالك ماراح يكون في عدل وعطها فرصه تفكر وتشاور اهلها ونفسها لوقبلت الوضع فهي حابه تربي ولدها معاك وترى في بنات اهم شي عندها يكون عندها بيت مستقل واطفال تربيهم ورجال يظلل عليها وعلى عيالها اكيد كثير بيتعارض مع رأي هذا لكن فعلا في بنات كذا حلمها تكون ام وصاحبة بيت واتوقعها من هالنوعيه ولاليش ترجعلك وهي تعرف انك منت مرتاح معاها وطلقتها وهي عروس اقل شي كانت اخذت مانع حمل حتى تأكد من حياتها معاك اوتطلب مؤخر اوتحط شروط واذا مارضت فأنت عطيتها الصحيح وماظلمتها بأنك تطلق من غير مصارحتها واذا رفضت هي حره يمكن الله يرزقها باحسن منك ويموت عليها وانت تزوج على كيفك بس حاول قد ماتقدر تعدل لو ام ابنك فضلت البقاء معك ويمكن الغيره تغيرها وتصير انت الكسبان ويكون عندك ثنتين يدورون رضاك والله في واحدنعرفه تزوج بنت خاله ارضاء لامه اخذها من قريه وماحبها بس ماطلقها تزوج عليها وحده متدينه خريجه وتعمل واحبها والثانيه تخاف الله صارت تلبس الاولى وتاخدها معاها صالونات واسواق وجمعات حريم وتعلمها سوالف الحريم وغيرتها للاحسن والاخ طاح بالنعمه وصاريحبهم كلهم ويعدل ان شاء الله ينصلح امرك |
المشكله منك
تقدم على امور وانت مو عارف وش تبي ومدامك مو عارف وش تبي لاتكرر الغلطات اذا احتويت زوجتك راح تعطيك الكثير ولا تكون اناني وتفكر بنفسك طفلك بحاجتكم لانستطيع نعيش مشاعرك لكن انت غلطت من البدايه ربي يفتحها بوجهك |
| الساعة الآن 07:48 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©