|
هااااااااااااااي فعلا حبيبتي ان ابغض الحلال عند الله الطلاق..فيه اكثر من حل غير الطلاق لوجلستي شو مع نفسك وشفتي شنو الايجابيات والسلبيات اللي بينكم وعدلتي كل اللي تقدرين عليه ..وترى التفاهم مافي احسن منه بين الزوجين وانتي غلطتي انك دخلتى اهلك في المشكله ..لانه طبيعي يسير فيه مشاكل بين اي اثنين متزوجين وخصوصا بدايه الزواج ..صدقيني انا مااخفف عليك المشكله بالعكس انا شفت كثير والحمد لله تعلمت ..والله يهديك ويصلحك وترجعي لزوجك وتعيشون العمر كله مع بعض في تفاهم .. |
معك حق يؤم دخلتي اهلك
والله يحفظك هلحركه بتعقله اذا طلب انك ترجعين قؤلي له تعال ونتفاهم وخلي اخوانك يقؤموا بلؤاجب من النقاش الهادف معه ثم بعدين انتي وهو تناقشؤا لحالكم وذكريه بكل الي سؤاه وقؤلي تلومني ليه ماارجع والله لو خدامه لكانت اكرم مني ببيتك....! يعني انت صاير اب من قبل ماتتزوجني وانا ابي اصير ام ويوم صرت لقيت اهانات منك وكاني قد هجمت عليك ولا شتمتك وكلها جبت لك احلا ولد لكن للاسف حتئ الولد مالقئ ترحيب منك مثل الاباء لقئ امه توديه وتجيبه والاب مو سائل بحجة ماابيك!! لو انك اب عاقل كان رضيت بلمقسؤم وقمت بي !!! والان تلومني ليش ماارح ارجع!! والله لو انا مكانك ارسل مسج تبيني ارجع لك تعال نتفاهم علئ امور ونضع النقاط علئ الحروف! واذ ارسل لي اطنش لاجل يجيء للنقاش والتفاهم اما كذا والله ماارجع. |
اقتباس:
صدقتي الحلول كثيرة بس جهودي معاه فشلت ومادخلت اخواني إلا بعد ماتمادى ولازم احد يوقفه عند حده الله يجزاك خير حبيبتي |
الله يفرج همك ويريح قلبك
والله اني شلت همك وابكون متصفحه بموضوعك لاني اريد ان ارئ كلمة رضاني ورجعت له !! يارب متئ اشؤفها .... زوجك بداخله يحبك لكن فيه عنااااااااااااااد وقواة عين لكن انتي ماقصرتي معه ! لانك يئستي من جميع الحلول ومابقئ الا هلحل والله ييسر امورك عاجر غير اجل. |
همس
كلامك منطقي وراح اطبقه بإذن الله وقفتك معاي مارح انساها الله يجيب اللي فيه الخير |
حبيبتي رواء الأيمان طمنينا أيش الجديد ؟
رديتي على زوجك ؟ أخوانك أيش موقفهم ؟ باقي دق عليك ؟ أرسلك ؟ أيش ناويه عليه ربي يفرج همك ويشرح صدرك ويريح بالك |
اقتباس:
لي طلب لدي مشكله انا واختي بهلقسم لنعومة انثئ واتمنئ ابداء رئيك لي مهم ... واسفه طلبت طلب غير متوقع. |
اقتباس:
آمين الله يتقبل منك حبيبتي ناويه اعطيه فرصه بس مدري كيف وانا مو طايقه اشوفه ببلغه يعطيني فرصه افكر لأني بجد كارهته ونفسيتي مو متقبلته الله يعدل الحال |
اقتباس:
آمين ياقلبي وهمك مافي داعي للأسف حبيبتي غالية والطلب رخيص أنا رديت من قبل لاتقولي ومتابعه الموضوع اللي يبعد عنكم كل شر |
عزيزتي لاتكوني متشائمة ولاتلومي شاب عاش منذ نعومة اظافره واسمحولي على الكلمة يامعشر الرجال على ..الجلافه .. صدقيني اخلصي النيه والله لايغير بقوم حتى تغيرو مابأنفسكم تغيري انتي وانشاءالله بيتغير عزيزتي لاتفكرين بطلاق اعتبري الحل هذا مو موجود ابدا حاولي تلاقين حل صدقيني لابد بتلاقي مفتاح لزوجك ..
تحياتي لك .. وكم احزنني طلبك لطلاق وانتي دوبك متزوجة .. |
هناك شئ في داخلك يمنعك من محبته . انت لا تريدن ان تحبيه. و تلومين نفسك كل ما مالت اليه و تحججين بسلاطة لسانه. رغم اخطاء زوجك فاني اجزم بما قلته عنك.
|
اقتباس:
شي راجعلك اجزم زي ماتبغى اهم شي انا مقتنعة برأيي وواثقة من نفسي |
حبيبتي رواء ..
أحزنني ما قرأت وشلت همك !! وحقيقة مو عارفة وش أقولك .. لأن فيه نقاط مجهولة وأخرى غير واضحة .. حسب تجربتي اكتبي ما تعانينه مع زوجك في قسم الإستشارات الخاصة عند الغالية الصائمة .. وسيكون خيرا بعد ذلك بإذن الله .. أسأل الله بسعة رحمته وجميل عفوه أن يمن عليك براحة البال وأن يسخر لك زوجك تسخيرا ... |
جزاك الله خير ياشيهانه
فكرت أكتب بقسم الإستشارات الله يسهل الله يتقبل ما سألتي حبيبتي ولك بالمثل |
ههههههههههه
معليش ضحكت على بعض الردود متآمرين عليك صادقة يا بخت من زار و خفف الله يكتب لك اللي فيه الخير غاليتي ,, |
اقتباس:
توكلي على الله وأكتبي بقسم الإستشارات أنسب لك وتأخذي راحتك بدون إزعاج وفقك الله وكتب لك الخير عزوبي بس رجل |
حبيبتي رواء الايمان الله يسر لك امرك ما في جديد يعني لايوجد اي تحسن او شيئ من هذا القبيل.
|
اسأل الله العظيم ان يقدر لك الخير ولا تنقطعى عن استخارة الله عز وجل |
مجتمع ذكوري وجلف
بالله هذي ردود من رجل لإمرأة ما أقول الا الله ينور بصائركم أختي رواء الإيمان مشكلتك غير واضحه تماما لكن بما إنه من البداية رافض حملك ليش تحملين وإذا كان هدفك من الزواج الانجاب فمع هذا الشخص في تنافي بالأهداف إلا إن كان شلتي على عاتقك مسألة الانجاب والتربية وهو فقط ليكون الأب شرعاً طيب كيف وضعك عند أهلك؟ وولدك الكبير عند مين؟ استخيري الله في أمرك وعامليه بما يرضي الله لا يذكر منك إلا الطيب وأما هو فمالك غير الدعاء والصبر عليه هذا رأيي خاصة انه مو متواجد دايم عندك اعتبريه ضيف وجامليه إذا كان المشكله فقط سلاطة اللسان وانا لا أقلل من الضغط النفسي من هذه المشكله لكن هذا طبعه وحاولي تتأقلمين معاه شكلك حساسه ورومانسية وهو بطريقته يقتل الأشياء الجميله بداخلك لكن أحيانا ما لنا إلا الصبر والله يكون بعونك |
الله يكتب لك ماهو خير ياقلبي ..خليكي على الدعاء والإستخاره
والله يوفقك |
جداوية الله يسعدك ويجزاك خير
عزوبي بس رجل الله يرزقك باللي تنسيك عزوبيتك وتزيدك رجولة زوجة عبدو لا جديد يتصل ولا أرد عليه تسلمين على وقفتك حبيبتي ابو مريم الله يجزاك خير ويتقبل منك |
اقتباس:
أسأل الله الصبر وسداد الرأي جزاااااك الله خير |
اللهم آمين ياروعة ولك بالمثل حبيبتي
جزاك الله خير |
حبيبتي رواء اعطيه فرصه اخيره اكثري من الدعاء (مابين طرفة عين وانتباهتها يغير الله من حال الى حال)
|
و الله يا أختي لا أملك لك بأكثر من ما قيل و لكني أدعو الله أن يفرج همك و ييسر أمرك ويشرح صدرك اقتباس:
قال الرسول صلى الله عليه وسلم: ((استوصوا بالنساء خيرا))[1] يقول الشيخ بن باز رحمة الله في شرح الحديث:- هذا أمر للأزواج والآباء والإخوة وغيرهم أن يستوصوا بالنساء خيرا وأن يحسنوا إليهن وأن لا يظلموهن وأن يعطوهن حقوقهن، هذا واجب على الرجال من الآباء والإخوة والأزواج وغيرهم أن يتقوا الله في النساء ويعطوهن حقوقهن هذا هو الواجب و أقول لكل رجل غاية الظلم والإساءة و هضم الحق أن لاتأخذ حق زوجتك من نفسك و غاية الإحسان و العدل و الحق أن تأخذ حق زوجتك حتى من نفسك يا رجال أوصيكم و نفسي بتقوا الله و أن نستوصي بالنساء خيرا أعتذر أختي على خروجي عن مسار الموضوع و لكن و الله لم أستطع أن لا أكتب ما شعرت به |
الله كريم يا بسمة
طاقتي استنفذت استغفر الله بحاول الله ينور بصيرتي ويجزاك خير حبيبتي |
الله يتقبل منك اخي الكريم معدن الرجولة
بالعكس اخي أنا معترفة بضعفي بس ابيه يعرف إن وراي سند بعد الله وأخواني هنا هم مصدر قوتي تجاه زوجي ما ادري فهمت قصدي أو لا وأنا ضد تدخل الأهل في مشاكل الزوجين وفي كل مشكلة كنت أداري عليه رغم إن اهلي احيان يشوفون بس أدافع عنه ورايته عند أهلي بيضاء بس الرجل تمادى واعتبر سكوتي انهزام بحكم طلاقي السابق حاولت بأكثر من طريقة أبين سبب سكوتي بس يكابر بدل مايعتز بتصرفي وحتى اخواني مقتنعين بعدم التدخل إلا إذا وصل الموضوع لشي كبير وانا دخلتهم لأني بالفعل تعبت ونفسيتي تدمرت وخفت على نفسي وبيتي الفتن كثرت وأخاف من شر نفسي في ظل تلك التحديات رسالتك رائعة وأتمنى يقرؤها الرجال الله يكتب أجرك |
الله يجزي المشرفات خير
|
هل من تطورات بموضوعك ؟؟؟
انتظر ردك اختي الله يفرج همك. |
هلا حبيبتي همس
كلمه أخوي وقاله مصره ع الطلاق قفل بوجهه يتصل علي بس ما ارد عليه ارسل رساله يستعطفني وكأنه يضحك على عقلي مو متجرأ يجي الله يعينه على نفسه |
الله يكتب لك اللي فيه الخير غاليتي
حاولي تضغطين ع نفسك و ترجعين يمكن يتغير عطينا أخبارك أول بأول |
انتي ردي عليه ........
وشوفي وش يقؤل ...اذااعتذر قؤلي ماابقبل اعتذارك اخاف يكون مثل الساااااااابق تبي الامور ترجع تعال ونتفاهم...... اما كذا مااعتبره اي شيء اسمحلي مع السلالالالالالامه ........... وانتهت القصه ووجهتي لومك وعتبك علئ اخطائه وعطيتيه رسال لعد يتصل ابدا اذا جاءكم تتفاهمون خليك قؤيه وردي بكل ثقه.. وصدقيني ايااااااااااااااااااام ويجيكم ... جربي وش تخسري. |
جداوية الله اعلم يمكن دعوتك اثرت
هموسه سويت اللي قلتي عليه 7 7 7 7 رديت عليه قال احبك قلت نفسي أصدق قال من حلف بالله فصدقوه وأنا أحلف بالله إني احبك وراحتي معك خنقتني العبرة وبكيت قلت بس أنا مارتحت وأنت متأكد إني تعبت قال أدري اني مقصر بس أعطيني فرصة مشاغلي كم شهر وتنتهي قلت غيرك يشتغل دوامين ومعوضين زوجاتهم بس أنت ساعة على بعضها ماتجلسها معاي قال بعوضك وبتملين مني قلت نفسي أثق بكلامك بس احسك ثعلب تاخذ اللي تبيه وترجع تمكر ضحك وقال حتى الثعلب يحتاج الرفق المهم ناحلني ساعة ونص ويبيني أروح معاه قلت أنا عند اخواني ولا أقدر أطلع بدون إذنهم ولا اقدر استأذنهم بعد ماوكلتهم بمشكلتنا قال تحبين فلان (يقصد ولدنا) قلت ايه قال ترضين يتشتت بيني وبينك قلت ليه هو يعرفك أصلا او انت اعترفت بحملي فيه واعطيته حقوقه المهم ناحلني ونشف ريقي قال خلاص بس تجهزي باخذك نهاية الاسبوع قلت خير ان شاء الله قال يالله ابي رساله حلوه ع الصبح تفتح نفسي فاقد رسايلك <<<< شين وقوي عين هذي المرة لو دق مابرد عليه احساسي من ناحيته برد من زمان بس مازلت احزن عليه بس والله تعبت واللي يسمع كلامه يقول ابدا هذا مستحيل يكون سليط لسان الله يعدل الحال |
عزيزتي رواء الايمان ..
هل انتي تحبين تسوين اي تصرف ممكن يغضب امك او ابوك عليك ..؟؟؟ ايش بتحسين لو انك سويت التصرف الي هم مايحبونه هم مايعارضونك بس يبغضون تصرفك .؟؟؟؟ أنتظر اجابتك للاهمية ؟؟؟ |
الحمد لله
حبيبتي خلاص أعطيه فرصه وبأذن الله يكون صادق بكلامه أكيد أنك تحبين ولدك وأكيد أن ولدك يستاهل تدعسين شوي على قلبك وتصبرين عشانه ماتدرين حبيبتي وعسى أن تكرهوا شيئاً وهو خيراً لكم دعواتي لك حبيبتي ربي يفرج همك ويشرح صدرك |
بلكلام الي رديتي عليه فيه وهو كلامه معك
كان معترف بخطئه اتجاهك طيب اذا باقي دق ارسلي مسج تعال ونتناقش بلموضوع وباذن الله ابرجع ..... بكره انا بأنتظارك العصر واخواني بيتناقشؤن معك وانا بعد وتنتهي القضيه ...... اما كذا والله مافكت ارجع لاني خائفه جدا منك ان ترجع للسابق وانا انهااااااااااااااااااار تماما والله تعبت منك لكن مكالمتي معك حسستني انك شخص اخر مو زوجي الي دائما يهينني ويشتمني !!!! ليه انا وش قد جرحتك به ........ الاهم انتظرك عصر بكره ... وشوفي وش يرد |
خطوة جيدة جدا و أتوقع في تقدم ملحوظ
أنتِ مو خسرانة شيئ بالعكس أعطيه فرصة أخيرة يثبت لك فيها كلامه عشان إذا تصلح حلو و إذا رجع ترجعين بكرامتك و لا تروحي له بعدها أبد الله يكتب اللي فيه الخير حيث ما كنتِ ,,, |
رولادا
مافهمتك عيوني أحب زوجي أكيد أحبه ولا أبيه ينظلم لا هو لا أبوه الله يكتب أجرك دعواتك تشرح القلب همس أفكر أنتظر لآخر الأسبوع وإذا مافكر يجي قبلها برد عليه برسالة وأقوله تعال ولا رح أتكلم معه بخليه مع أخواني أخاف أضعف اعرف أسلوبه جداوية أعطيه فرص مو فرصة بس يتعدل أحس بخوف مو طبيعي وعدم تقبل للوضع كله الله يجيب اللي فيه الخير |
همس
أفكر أنتظر لآخر الأسبوع وإذا مافكر يجي قبلها برد عليه برسالة وأقوله تعال ولا رح أتكلم معه بخليه مع أخواني أخاف أضعف اعرف أسلوبه تعجبيني كذا انا ابيك.......... يعلم الله سبحانه اني ابيك ترجعين له وتعيشين مثل اي زوجين براااااااااحه ..... الله يفرج همك ويرجعكم لبعض حبيبتي اكثري الاستغفاااااااااااار والله اني ادعي لك بصلالالالاتي والله الشااااااهد علئ مااقؤل .... نصيحه اخيره انتبهي من كثر مايتصل عليك زوجك ترئ بيمل ويقؤل ابتركها الين هي تدق وساعتها تندمين الان كم له مده يدق عليك !!؟؟؟ اذا هي مده طويله ...!!فلافضل ترسلي له لاجل يكون له امل برجعتك وساعتها اخوانك يقؤمون بلواجب ويوقفونه عند حده....... الله يسعدك معه . |
الله يتقبل منك ياهمس
من أمس وأنا أبكي ما أدري ايش صابني حتى لو وافق على طلباتي كيف أتقبله أحس بانكسار مو طبيعي مو متهيأه نفسياً للرجعة أحس جرحي ينزف والله إذا فيه وحده مرت بموقفي تساعدني وتقولي كيف تقبلت الرجعة لا إله إلا الله محمداً رسول الله |
| الساعة الآن 06:42 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©