|
اقتباس:
اهلا جولي انا بدأت من 3 ايام لليوم ما في نتيجة بس عم بشتغل على نصائح الأخوات شلتلو البامبرز مبارح مساءاً و اليوم طول اليوم للآن صار عملها على الأرض أعتقد حوالي 12 مرة و كل اللي حسيتو عرفو انه لازم يقعد عالبوتي بدون مناقشة . |
وان من الصبح وانا معاه والحمد الله زبطت معي وتمت المهمة بنجاح طول اليوم ما فيش بامبرز و بيعملها في pot bebe حتى كاكا عملها ولكن كل ساعة وانا معاه بس الحمد الله قضى طول اليوم من غير بامبرز سوف اوافيكي بكل جديد والله يعينا يارب وانا كمان عندي ولدين الثاني كمل سنة من اسبوع وبشوف المهبة مش سهلة بس نشجع بعض |
السلام عليكم
اليوم مر 24 ساعة و ما لاحظت انه ابني مستوعب المشكلة تماماً :29: لاحظت انه ما بحبس يعني عم بعمل الوي وي أول بأول :( و المشكلة انه مو كل ساعتين و لا كل ساعة عمبعمل الوي وي كل خمس دقائق أو ربع ساعة و بالكتير نصف ساعة .. صار عملها عالأرض أكتر من عشرين مرة مرتين جبرته يجلس على البوتي (القعادة) و كافأته و مرة عالتواليت عملها و كافأته و كلما عمل شي ببكي لأنه بلل نفسه .. بزعلني انه مو عارف ليش هيك عم بصير معه بس بحاول انهره و مرات عم بشد ادنه مشان يعرف انه غلط و أحيانا هو بصرخ و بعمل حركات كأنه هو لازمه حمام و لما باخده للتواليت ما بعمل شي بطلع من الحمام بعد دقيقتين بعملها عالأرض باقي شوي وبطقلي شي عرق:19: عادي هالوضع ؟ |
ماريا حبيبتي
اللي وصلتي له الى الان ممتاااااااز عملها مرة في الحمام وانتي في ثالث يوم هذا بحد ذاته انجاااز .. انا ولدي اول مرة عملها في الحمام بعد سته ايام .. لما ولدك يبدأ يعملها في الحمام اكثر من مرة ابدئي معاه اسلوب الحرمان يعني خذي لعبة هو يحبها وحطيها في الحمام وفهميه انه اذا سواها في الحمام راح ترجعيها له .. وفعلا اول ما يعملها اعطيه اياها .. هذا الاسلوب له مفعول اكبر بكثير من الضرب وقرص الاذن .. بالتوفيق حبيبتي . |
برافو ماريا هذا شي كتير حلو
بس نصيحة لو عاقبتيه بشد الاذن او الصراخ هو ما بيعرف ليش عم ينضرب وراح يربط الصراخ والعصبية منك بالحمام وممكن يتعقد ويضيع تعبك فنصيحة سايسيه بهداوة يعني 3 سنين وهو بعمل بالحفاظ وبدك يتعلم بيومين شوي شوي ومثل ما قالت شعاع عاقبيه بدون ضرب او صراخ ابداً ابداً وابنك ماشاء الله بستجيب بسرعة مقارنة بباقي الاطفال اللي بياخدوا اسبوعين وفي شهر |
اسلوب الحرمان
تتخذيه اذا عملها على نفسه .. فيكون عقابه اللي ذكرت سابقا .. حبيت اوضح اكثر .. الله يعينك . |
يوووووووووووووه من جد الله يعينك ويساعدك
والله ماعرفلها غيري مريحة راسي من هالحكاية بس طولي بالك انتي قلتي بحاول اسبوع او عشر ايام |
اقتباس:
اقتباس:
شكرا كتير شعاع من نور - شكرا كتير سعاد ، و الله فرحتوني :22: مشان موضوع العقوبةانا بقيت 3 ايام ما عم بعاقبه بعدين حسيت انه هو مو فهمان انه هالشي غلط و أمي و noora قالولي انه بعد الضرب عطى نتيجة أكتر :d فقلت لحالي لازم عقوبة ..:( قبل ما شد ادنه قلت لزوجي صرخ على ابنك مشان يفهم... زوجي صار يعاتبه عتب كأنه شغلة بسيطة :29: فكان لازم شد ادنه و انهره :( اقتباس:
بياعة الورد أملي بأنه اخلص من تغيير البامبرز أكتر شي بصبرني اتعذب هالعذاب كم يوم و لا اني غير بامبرز 10 مرات (اقل شي) كل يوم :( |
لا تعاقبيييييييييييييييييييييييه ابدا ابدا
العقاب و الحرمان ييجي بعد ما يفهم الموضوع كله و تطلعي فيه من غير حفاضة و يعملها على حاله .. هون بس العقاب لكن الان حراااااااااااااام .. اكيد بينسى انه الحفاضة مو موجودة . شي متعود عليه 3 سنين ممكن يتعود بدونه بيوم و ليلة يعني ؟؟؟ مستحيل لالطفال بينسوا كتييييير لازم تنتبهي لهالشي بعدين انا طلعت معي نتيجة بعد 10 ايام و ليه شلحتيه الحفاضة ؟؟؟؟؟ شوفي حبيبتي عادي يعملها كل 5 دقايق انا ابني كان هيك يعني لما ادخله كل ساعة تكون الحفاضة فيها دليل انه عاملها بالساعة كذا مرة ... لا تشلحيه الحفاضة الا لما تحسي انها جافة او على الاقل مش مليانة كتير بين الساعة و التانية لكن تشحليه الحفاضة من االن و هو مش عارف شو القصة ؟؟ صعبة عليه و ما رح يفهم و رح يتلخبط و بعقاب كماااان ؟؟ كتير هيك عليه هاي نصيحتي و تجربتي خبرينا شو بصير مستجدات |
اقتباس:
بس مشان البامبرز أكيد اذا حطيتا ما رح استفيد شي لأني رح يكون كونفيوزد (مو عرفان راسه من رجليه) هو لازم يعرف انه اذا عملها رح تنزل على رجليه و انه مو أمان يعملها إلا بالتواليت هدا الهدف يا باحثة عن الحق انتي قصدك تعليم عالمدى البعيد ... بس انا بدي عمله بكم يوم و اخلص :29: |
الله يعينك حبيبتي..
طيب استخدمي السراويل اللي قلت لك عنها .. انا القاها هنا في امريكا في قسم تجهيز المواليد .. سراويل بلاستك من الخارج مبطنة بقماش .. تمسك سبعين بالميه.. وفي نفس الوقت تتبلل ملابسه .. حاسه فيكي ومتابعه و معك قلبا وقالبا .. بالتوفيق . |
الله يعينك يا ماريا .. هو الموضوع متعب
بس بالنهاية راح يتعلم بس الموضوع محتاج صبر منك زي ماقالت والدتك العقاب مهم لانه اذا أأمن انه عادي لو عملها بالصالة راح يعملها اي وقت لكن لو حس انه غلط و خاف من العقاب راح يمسكها ... وحبة حبة بيتعلم كمان حطي ببالك اننا لسه بالشتا و مع البرد الموضوع راح يصعب عليك و عليه اصبري حبيبتي .... |
اقتباس:
انا ولا مرة شفت منها بس عرفت كيف قصدك بحاول ابحث عنها ان شاء الله شكرا كتير لمتابعتك شعاع من نور اقتباس:
الله يسلمك شكرا لرجوعك نورة تعبت عن جد كتير تعبت : ( ما عم بحبسا نهائياً يعني وقت اللي بتجي عالمثانة بطلعها لبرة زكرتيني لازم اتصل بأمي شوف شو رأيا ما بقي حدا ما عرف بتنظيف ابني :25: انفضحنا :d |
مع ولدي
جيت اعلمه ولا استوعب وكرهني عيشتي رجعت اخليه بالبامبرز بعدها بفتره هو كرهها سبحان الله ورفض يلبسها ومن حاله تعود |
بوصي يا ماريا انا مكنتش عاوزة اقولك تجربتي عشان بس اعصابك
كل طفل غير التاني.. انا ماشفتش الاطفال اللزيزة الي بتتعود في اسبوعين دي :d بس انا ابني ماتعودش بسرعة انا كنت فاكرة انه اسبوع لشهر بالميت اوي يعني :( قعد 3 شهور على ماتعود وكان زي ابنك يعملهالي بالصالون وعلى الكنب :( وكمان يعمل التقيلة في اي مكان .. بس انا ماهونتش وفضلت مصممة اعلمه وكان عمره سنتين ونص وقتها .. لما بجد كانت بتجيلي ايام بحس انه متعمد يستفزني وان الدنيا كانت بتضيق بيا بما رحبت .. قعدت لحد مكمل 3 سنين وهو لسة بيتعلم بس هو طفل يعني هو عارف انه الصح في البامبرز تيجي انتي فجأه تقوليلي ده غلط وعاوزاه يتعود بسرعة ! زائد انه بيكون مش مستوعب ان ده بول او كدا بيخرج منه .. او انه ممكن يتحكم فيه وقعد سنة يعمل في السرير بليل :29: :( |
اقتباس:
شعاع انت هون ساكنة في امريكا:14::14:...حاسة في حدا عندي.. من وين بتشتري هذي السراويل?? |
ايوه حبيبتي في امريكا تحديدا في ميتشجن.. الله يعينا على هالغربة ..:29: نعود لمحور حديثنا :d اشتريتها من target تلقيها حبيبتي في قسم تجهيز المواليد تلاقيها ثلاثة مع بعض مثل الملابس الداخلية .. وبامكانك تسألي عنها العاملين في المحل .. وراح يدلوكي مباشرة عليها .:22: |
تلقين السراويل عند الهرم او اي محل زي طريقة الهرم
كمان فية كرسي على شكل سيارة يمكن يتشجع لانة زي العاب السيارات |
جزاك الله خير ياشعاع ..حدورعليها هناك ان شاءالله..لانه شكلو بعد ماريا حيجي الدور علي في تنظيف ابني..الله يعين.
|
اقتباس:
الآن مابديت :25: ونفس الحاله مايعرف يتكلم عشان كذا مستصعبتها:( اول ماقريت موضوعك تحمست وحاولت هذاك اليوم شويه تخيلي دخلته مع أخته اكبر منه 3سنوات ونص عملتها قدامه ولاحتى شافها:23: تخيلي ثلاثتنا بالحمام وصياحي عشان ينتبه لأخته ماانتبه لها ألا وهي خالصه:23: ووقتت الجوال كل نصف ساعه أوديه وكنت مشغوووله واسوي عشاء بالنهايه عملها برى على الفرش:( رحت أخذت البامبرز وأنا:19:ولبسته وقلت أيش الي حادني على التعب:25: اذا بدا يتكلم ابدا اعلمه وصرت كل ماأغيرله البامبرز أدخله مع أخته ومره واحده عملها بدون مايدري سوينا حفله أنا وأخته وهو مايدري ليش:23: أتذكر مره دخلته واخته قاعده تشجعه:)ولما فقدت الأمل قالت ياماما خلاص اكيد نايم :d:d الست على بالها انه ناايم واذا تبولت الله يكرمكم معناها شبع نوووم :d |
انا اليوم بلشت مع بنتي عمرها سنتين الحمد لله عملتا مرة بالنونية وبعدين صارت تجبللي البامبرز لحتى لبسا هيي من شان تعملها فيا بس ما خلتيا ورجعتا ع النونية
حطيت النونية قدام التلفزيون من شان كل شوي تقعد عليها بس وقت اللي بدا تنام و بالليل شو أعمل يعني لبسا البامبرز ولا لا |
اقتباس:
بس الموضوع بدو إرادة يعني إرادة الأم مو الولد :d ... انا عن جد مصرة يا أنا يا ابني :29: ..ما بدي انتظر حتى يكرهها بلكي ما كرهها قبل ما تفتح المدرسة :25: اقتباس:
ولي شو 3 شهور :29:.. رفيقتي قالتلي ابنا تعلم بـ 4 إيام تخيلي :25: بس ما شاء الله كان بيحكي كل شي و كان فوق الـ 3 سنين على ما أذكر و عنده أخ أكبر منه .. شكرا كتير حلواية فعلا الأطفال بختلفوا... الله يفرجها قولي آمين اقتباس:
بياعة الورد .. وين الهرم :11: انا سكان انكلترة :25: اقتباس:
كويس كويس .. :22: كلما كتروا العضوات اللي عم بنضفوا ولادن انا بتشجع اكتر :17: ....... اقتباس:
عن جد نهفة ابنك ... حفلات و ما حفلات و هو مالو علاااااااقة باللياقة :d رغم كل العذاب اكتر يوم ضحكت يوم اللي شلتلو البامبرز و عملها عالأرض 20 مرة كلما يعملها عالأرض يبكي مو عرفان ليش هيك عم بصير معه .. انا بدي صرخ عليه وما اقدر بعدين لقيتا شغلة طويلة :( لازم صرخ :29: صراحة مبارح لبستو البامبرز على نصيحة الباحثة عن الحق و صرت آخدو كل ساعة عالحمام قعدو عشر دقايق او حتى يعمل شي عالأقل يعني قولي 25% من النهار قضيناه بالحمام :29:و بالنهاية ما عمل إلا 3 مرات و الباقي بالبامبرز :(:( اقتباس:
منيح بلشتي بكير معها بلا ما تكبر و تغلبك ممكن اذا لاحظتي ما عم تتعلم تخليلا البامبرز و تاخديها عالتواليت كل شوي او عالنونية و لما تشوفيها عاملتا بالبامبرز صرخي عليها انه غلط بس برأيي لا تشيلي البامبرز بالليل مبدئياً لأنه 100% بدها تعملا عالسرير بالليل خليها تتعلم بالنهار تحبسها و بعدين بالليل انا لما شلت البامبرز لابني لاحظت انه ما بحبسها ابداً يعني كل خمس دقايق ممكن يعمل الوي وي :( .. لذلك اول مرحلة تعليمه بدو يتعلم يحبس شوي و يتركها مدة ساعتين او 3 أو 4 حتى تبدئي معها بالليل لأني اذا بدك تشيلي البامبرز بالليل معناها كل ساعة بدك تقومي تاخديها عالتواليت و هية نايمة !! او تخليها عم تعمل عالسرير للصبح :25: |
اقتباس:
الأزرق = لون الكرامي يعني الطير الازرق محسوبتك كرماوية للعضم بصراحة انا من بعد قريت معاناتك مع حمودي قلت لحالي ما بدا لازم شد العزم عليا انا بلشت مع شام من وقت ماكانت بالصيف بس حملت والحمل كتير تعبني فرجعتا ع البالمبرز اليوم الصبح شلتلا الحفوضة وجبتلا النونية ما شاء الله عملتا مرتين بالنونية ومرة جابتللي الباامبرز صارت تبكي بددا تلبسا بس ما خلتيا صرخت عليا ورجعتا ع النونية بس بعدين نعست وبصراحة خفت تعمللي هيي ع الفرشة قمت لبستا البالمبرز انا رح شيل كل الحفوضات خبيون من شان ما تتزكر وتجبللي هيي أنا رح تابع معك ومع الأخوات لشوف شو رح يطلع معنا والله يصبرنا بس بس انا شايلي هم وقت اللي بدي اطلع من البيت شو رح اعمل انت طولي بالك ع حمودي بتعرفي بنت أختي والله جننتا لاختي لحتى نضفت تخيلي وقت اللي بتشيل البامبرز بتضل كل الوقت من دون ما تعملا مرة بقيت أكتر من 12 ساعة ما عملت ولا نتفة بول لحد بالأخير صارت تضرب راسا بالحيط من الوجع وبالأخير لما صارت 3 سنين لحالا صارت تقللا لأما بدا تروح ع الحمام يعني نضفت لحالا بعدين ما بتعرفي بيجوز حمودي هيك |
:22:
طبيعي جدا يعملها بالبامبرز اكتر من جوا الحمام .. اولا لانه مش عارف شو اللي بصير و مرة وحدة صار ينزل منه مي و لا عمره شافها :21: يعني هاد انجاز 3 مرات بالحمام.. مهو مش من يوم و ليلة رح يتحول من بامبرز للحمام و اصلا انه من غير بامبرز بيزيد الامر سوء لانه بحس حاله فالت :30: و يمكن يبرد فبتزيد عدد المرات اللي بيعمل فيها , و ف حال كان لابس بنطلون و بلله هيك بيبرد منه و بيصير برضو يعملها اكتر و بفارق زمني قليل انتي ردي علي :29: عارفة ليش لان اول ما نضفت ابني رحت مشلحته الحفاشة من اول يوم .. تعقدتتتتتتتتتت :( كل عشر دقايق يعملها و ما ضل عندي غيارات و اعصابي صارت فوق فوق فوق :29: رجعت لبسته اياها و ادخله كل ساعة عالحمام و مريحة اعصابي و اعصابه :22: و هون بس انا طلعت بنتيجة و شوي شوي صار يفهم ليش احنا يندخل الحمام .. بعد هيك شلت الفوطة بعد ما صرت احس انها جافة نوعا ما و استمرييت كل ساعة في الحمام ووقت النوم ارجع البسه اياها و بسسسسسسسسس بعد هيك صار يحكيلي اغلب المرات و طبعا وارد النسيان لكن المهم فهم المبدا اسبوعين صرت اطلع بيه من غيرها :17: |
اقتباس:
كتير كويس اللي وصلتيلو مع بنتك اذا هلأ ما عندك روحات و جيات و زيارات ركزي معها اسبوعين زمان لحتى تنضف و اذا طلعتي حاولي تجيبي شي ينحط عالتواليت تاخديه معك وين ما رحتي انا اشتريت قطعة بتتحول لنونية عادية و بنفس الوقت بتصير تنحط عالتواليت هية أحلى شي للسفر و الطلعة برا البيت ع كل حال خلينا نحل مشكلة جوا البيت و بعدين منحل مشكلة اذا طلعنا لبرا :25: أهلين ام شام الكرماويي:22: |
اقتباس:
بس يمشي الحاااااااال عم بحسو بلش يفهم شو القصة اليوم قعدتو عالنونية عمل الوي وي و لما زقفتلو أخدني من ايدي ع مكان الشيبسات مشان أعطيه شيبس :22: << أظنه فهم شو القصة .. بس المشكلة انه انا بجبره يقعد كل مرة ، و لما بعمل ما بقلي انه عمل او خلص بضلو قاعد لو خلص ،، و اذا ما قعدتو انا ، بعملها بالبامبرز طبعا ببقى مفضلها أكتر. |
سوري هههههه بس اكيد راح تلاقي عندكم
بس الكلوت حق بامرز افضل احس هذي السراويل تكتم المنطقة |
وينك:30:
|
شو صار معك ماريا
شو صار بالوي وي |
يا ريما ولا تتعبي حالك وتعقدي الولد من تجربه
الاولاد بس يصير عمرهم ٣سنوات بلدقيقه والثانيه ينضفوويتكلمو البنات من سنتتين و٣ شهور |
اقتباس:
اقتباس:
اقتباس:
اقتباس:
وينك خيتو من زمان ما شفناكي :11: عم بتحكي أرقام محددة و كأنه ما شاء الله عندك خبرة 10 أطفال :22: بالنسبة لحمودة باقي 3 شهور بصير 3 سنين يعني مو كتير فرق ما بقدر انتظر لجولاي حتى يصير 3 سنين لأني مسافرة عند أهلي بشهر 6 و مو معقولة نضفه عند أمي أو حماتي :25: ما باخد راحتي متل بيتي شكرا كتير لمرورك نورتي :22: |
مستجدااااااااااااتنا
بعد أسبوع طبعاً من بداية مشروع التنظيف ....:25: لازم آخد ابني و قعدته عالنونية حتى يعمل وي وي ، و الحمد لله معظم المرات عم بعمل لما قعده ... بس اذا ما قعدته ، هو ما بقول انه لازمه وي وي :( أما الكاكا (العفو) كلما حسيت انه بدو يعملها بقعده عالنونية و ما بعمل شي لو تركته نص ساعة قاعدعليها ما بيعمل شي :( بضل حابسها و عم براقبه وبطارده من مكان لمكان حتى اغفل عنه بروح عاملها بالبامبرز :16: و كره التواليت ما بيعمل فيه شي النونية مريحة إله أكتر .. رأيكم |
الله يعينك يا ماريا .. الموضوع متعب
المهم انه في تطور في الموضوع يالله الصبر الصبر .. ماباليد حيلة |
مساء الخير
أحاول أستفيد من الموضوع ........ لأني في حرب مع ابني ..... لنا الآن شهر ؟؟؟؟؟ لكن الحمدلله بدأ يتحسن ..... لكن الولد متعب جدا تعليمه .... البنت سهل تفهم وتتعلم بسرعه؟؟؟؟؟؟؟؟؟ في البداية كنت أعلمه مع لبس البامبرز ..... لكن ماشفت نتيجة يسويها على البامبرز ........ فقالت أمي شيلي الحفاظ وبإذن الله تشوفي نتيجة ...... وبدأ يتحسن تحسن بطيئ ..... مع الجهد المبذول في المكافآت من الحلويات والعلكة والآيس كريم والذهاب للسوبر ماركت ..... فكرت وفكرت.............. فكنت عند أهلي يوم من أيام الحرب معاه فجاءت أختي ومعها بنتها عمرها خمسة شهور فقلت لها أمام ابني( بنتك تلبس حفاظ قالت نعم قلت لها أشوفها فشافها فقالت لي ابنك يلبس حفاظ قلت لها لا ابني كبير و نظيف راح يروح مع أبوه للمسجد ) طبعا بالإتفاق مع أختي..... فصار الولد يتحسن كثير ........ مع متابعتي الشديدة له .... وفي الليل لما ينام ألبسه البامبرز ........ أخاف يسويها على مفرشه ....... الله يعين ........ مع العلم عمر ابني سنتين وثمانية شهور مع صعوبة في الكلام أن المترجمة له .. الله يصلحهم |
قرأت تجربه لوحده بمنتدى ثاني وعجبتني كتير
اقتباس:
|
الباقي
اقتباس:
|
اقتباس:
شكراااااااااا نورة ، صابرة الحمد لله كنت عم بقول بدي ينضف باسبوع هلأ أهم شي عندي ينضف قبل جون ما عدت احرق اعصابي :25: اقتباس:
صحيح انا كتير بحكي معه و بتعامل معه على انه فهمان علي الكلام بس صراحة بلاحظ انه مو مستوعب اقتباس:
تجربة مفيدة جزاك الله خير على افادتي بها .. المرحلة الاولى كلها ماشية فيها متل أم نور الهدى المرحلة التانية لسا بكير عليها الظاهر |
جبتها على الجرح
الموضوع عور قلبي وانا خلقي ضيق والمحروس ابني عمرة سنتين وشهرين ومن يوم اخلع البامبرز وادخلة الحمام بيعملها بالغرفه ومشكلتة يخاف يجلس على كرسي الحمام وما ابغى اعودة على النونية وبعد مايتعود عليه اعلمة على كرسي الحمام |
اهلين ماريا..شوفي انا ببنتي الكبيره كان عمرها سنتين و 3 شهور بلشت معها و كان بيتي كله موكيت ..جبت هي يلي بتنحط على التواليت الله يكرمكم انا برأي احسن من النونيه لأن على طول بيتعود على التواليت اما اذا تعود على النونيه وين مارحتي ما رح يقعد الا عليها و بدك تاخديها وين ما رحتي على سوق على ضيوف بحسها صعبه شوي لأن بيصيروا بخافو من التواليت..على العموم بلشت معها حطيتها من الصبح اول ما فاقت و صرت حط شوي ماء على رجلها (هيك ماما قالتلي) و قعدنا شي ساعه و طابعا غير الإغراءات و التصفيق و انتقلت المعيشه على الحمام..وقت عملت صفرنا و صفقنا و حفله كانت :) و صرت كل نص ساعه حطها و اعقد شي ساعه انا و اختها يلي اصغر منها..يعني فضيت حالي 3 ايام على نفس الموال لحد ما صارت تقول و على فكره بنتي متل ابنك كانت و لا كلمه ابدا كله بالتأشير بس كلمه نونو طلعت معها..و ضليت انا اعرض عليها لمده اسبوع هي ما تقول لحد ما مشي الحال بس نهارا كانت بليل لسا تعمل بس بعد حوالي 3 شهور لحالها بطلت تعمل يليل..اما بنتي الثانيه لسنين و نص كمان بس ما عذبتني ابدا لأن كانت تشوف اختها ..و الحمدلله هلء التنتين مافي اي شو ليلا نهارا..آسفه طولت عليكي بس حبيت قلك تجربتي مشان التشجيع...هي الشغله صعبه شوي بس بدها تفرغ يعني حبسه شوي بالبيت...
|
هو الواحد مثل العشره
خلاص شبلي الحفاض بس وقت اانوم وانونيه بطليها كله بلتواليت استعملي القعاده الي تنحط علتوبلت سيت الداخلي من الكارتونات اوالبرامج الي يحبها من يوسخها يحزن علبها واعملي له فلم هندي انه ما لهحل يتنظف اسبوع بلكثيرنظفان بس ما تطلعي من البيت الا للحاجه حتى لا يخرب النظام |
| الساعة الآن 09:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©