|
دخلت لاقول لك الله يكون معاك ويعوضك الله باحسن منها في القريب العاجل
|
اخي انت اخطأت بقولك الحقيقة لامك هذا رأيي لان الموضوع الان سينتشر
خاصة كلام النساء مهما حاولت سينتشر والان للخاله ومن الخاله للام ليش؟؟؟؟؟؟؟؟؟؟؟؟؟ طالما في الاخير امها هتعرف روحوا لامها عالطول ليش الخالة واصلا كله غلط انا الان بس شفت الموضوع لو شفته قبل كنت قلت ان السر اللي استأمنتك عليه لا تفضحه لك الحق كل الحق ان تتركها غير آسف بالمرة عليها وتتفق معها ان تقول هي لاهلها وامام القاضي انها تركتك بسبب الاسباب اللي ذكرتها لك من البداية انعدام الراحة النفسية والارتياح النفسي اعتقد من اهم اسباب استمرار الزواج اكيد القاضي بيحاول يهديها وينصحها هترفض ولو رفضت تقول انها هي السبب . خليك انت ياسيدي اللي مو مرتاح وربنا يعوضك بالفلوس لوكانت بتروح عليك واخلص في نيتك ان افتضاح الامر ما يجي منك وانك عملته لله وانا عندي تطلع فجأة مو مرتاح اهون عندي من كشفها امام القاضي وفي اهلها خاصة لو انها تبي تعلم اهلها كان تكلمت امام ابوها وعلمت اهلها من زمان ولو كنت تحسب انك بتفضحها امام اهلها حتى ما يغشوا العريس اللي هيجي بعدك فاقولك انت غلطان لان اهلها الان ما يعرفوا شي وما خدعتك ولا غشتك كانت تقدر تتزوجك وتقولك وقعت او اي شي من هالخرابيط وساعتها تكون فعلا حطتك تحت الامر الواقع لكن من وجهة نظري لو اعترفت حتى قبل الزواج بساعة فأنا احترم صراحتها لان هناك بنات بكر وتنفصل والمعازيم في الصالة لمئة سبب مو شرط خداعها ولا تبي تحطك تحت الامر الواقع انا افهم انها وضعتك تحت الامر الواقع فعلا لو خلتك تتزوجها وبعدين يأما تكتشف بشطارتك يا تيجي تحط موضوع عن شكوكك في بكارة زوجتك وساعتها والله الذي لا اله الا هو سيقنعوك بالتعوذ من ابليس وبأكمال حياتك معها والمهم تصرفاتها معك بعد الزواج مين الاحسن ماذا لو اعترفت بعد زواجكم اكيد كنت ستتركها حتى لو دفعت في زواجك ملايين اما ناحية ان تتكلم هي وتفضح نفسها امام القاضي فاستبعدها بعد السماء عن الارض اذا امام اهلها ما تكلمت تبيها تفضح روحها في المحكمة وتاني يوم تلقى قصتها في الجرايد والمنتديات وياسيدي لو قالت نعم انت دخلت عليها والبستك شئ لم تفعله سجل لها على طريق الاحتياط لتضمن نجاتك وبرائتك وامك كان لازم تقوللها البنت كانوا اهلها غاصبينها علي ولا الف سبب وابوها قوله السبب من بنتك وانا صراحة مستحيل ارجعلها وانتهى كل شي . بنتك ما تحبني ووافقت علي بدون ما تفكر مثلك انت عقدت بدون تفكير . وهذا السبب لازم يخليك تفكر الف مرة قبل ما خبرت امك المفروض سترت امام امك وقلت انك لقيت انكم مافي اي تفاهم وكترت المشاكل اكتر بينكم في الفترة الاخيرة وكان في من البداية والان زادت جدا عن الحد بسبب اختيارك المتسرع الخاطئ بدون تفكير وبسببها هي اللي اخدتك غصب عنها واعتقد امك كانت هتصدقك لانك اخترتها من البداية بدون هدف ولا سؤال ولا تفكير يعني لا يوجد معرفة ولا حب ولا قرابة يخلي امك تشك في صدق كلامك بس ربنا يهديك تكلمت وانتهى بس ارجوك ما تخبروا خالتها ولا امها سجل لها مثل ماقالوا واظهروا بس في حالة اتهمتك فيها غير كده كان المفروض السر مات ساعة ما خبرتك بيه |
اقتباس:
البنت مره مو طبيعيه مره حركات قرعه مره زرع في الجوال بالساعتين مره انت مو رومانسي مره مو عارفه ايه ومره انه مو بكر ومره انه انت السبب ووووووووو فعلا البنت مالها اماااااااااااااان ابدا ابدا ابدا قبل لا امك تكلم خالتها ... سجل مكالمه لها ... وفيها اعترافها واضح انها مستعده تسوي اي شي وتبلشك بنفسها ... الله يستر عليييييييييييك |
انا مشكلتي ماقدر استخدم الا المسجل العادي او بسجلها لمدة دقيقتين وهي تتكلم والله المستعان ،،
انا مابي امي تعرف اني انا السبب ولازم اخبرها عن الموضوع لان زواجنا مابقى عنه الا كم يوم المفروض يكون نص الاسبوع الجاير بعد مانطبعو تاكر العرس وانحجزت اصاله اقولها اكتشفت انها ماتنفعني وانا كنت اكثر واحد يسعي حق الزواج امي مش من النوع اللي تتكلم في عرض الناس ومستحيل تتكلم في عرض البنت من باب العشره لانها كانت بيني وبين البنتعشره ولو تكلمت فيه ناس بتتكلم علي وبيقولون اكيد الولد فعل والولد سوى انا مفكر اتصل فيها واقولها عن لفها ودورنها واطلب منها انها تشرح لي كلشي وبالتفصيل الممل ، لكن غير التسجيل يوجد حل وهو الرسايل الموجوده في جوالي انا مامسحتهم مو لسبب اني ابي اوريهم اهلها او القاضي انا ماامسح اي رسايل من جوالي حتى الاعلانات موجودين انا استبعد فكرة التسجيل ويوم الميس الساعه 9 الصباح موعدنا فالمحكمه مع القاضي وكلمت والدها انهم يحضرون قالي استخير ياولدي اسخير ترى البنت سمعه والله ان ابوها احرجني وكسر بخاطري المسكين لو درى بفعلت البنت وشبيسوي وين بيوديي نفسه المشكلة فالمناسبات نتزاور انا استحي اروح لهم عقب اللي صار بيني وبينهم بتقولون انت ماغلطت انا صح ماغلطت بس انا احمل نفسي السبب ، واحنا عندنا عادات وتقاليد ان الخطوبه او الملكه ماتصير لا بحب او بمعرفه الاهل يخطبون البنت والوالده اخطبت الانسانة الغلط هذا مايعني ان اهلهامو عدلين بالعكس اهلها على راسي بس اكيد الشيطان اغوها وحسبي الله ونعم الوكيل وانا مستحيل افضح البنت لان بينا عشره والعشره ماتصعب علي عشان اروح واتكلم واقوله فلانه بنت فلان هاذ فعلتها وهاي تاركتها لان الستر زين ولاني احب لها الخير بافتح الموضوع من صوب خالتها مع امها ومستحيل خالتها تتكلم لانها مربيت البنت وتخاف عليها وكل انسان يخطاء لكن هي طئها كبير |
لا حول ولا قوة الا بالله العلي العظيم
اللهم استر علينا وعلى بناتنا وبنات المسلمين يارب الله معك اخي الاخوات وفوا وكفوا راجع الردود واعمل بها الله ينور دربك بالتوفيق |
اذا بتكلمها سججججججججججججججل
لو تفتح سبيكر وتسجل في اي شي ثاني هذي مو طبيعيه ابدااااااااااااااااااااا ومعليه كلمة ابوها صدق تقطع القلب .. بس انت طمنه قل له عادي مافيه قسمه ونصيب واللي بيتكلم الله يوريه في نفسه |
الله يعين
ابي انام ياناس النوم جفاني جني انا المخطي واهي المرتاحه وبكرة بتروح الكليه واكيد بتشوف اختي والوضع عادي عندها وانا مو قار اداوم صارلي يومين صرت احس انها تتعنمد ت\فنشي عشان تاخذ للي تحبه : (((((((((((((((( |
مو عارفة ليش مصر تكلم خالتها لو فعلا قريبة منها كان لجئت لها البنت من اول مرة تعرفت عالشاب
وحكت لها بالتفصيل او لما طلب منها تقابله و....... لو صح قريبة منها مثل ماتقول والا مربيتها وياحسافة هالتربية اقصد الكلام مع الخالة لا هايودي ولا يجيب اللهم الا اطالة الموضوع وتمطيطه بلا فائدة ترجى والموضوع انتهى خلاص وانت مو مطالب منك تزورهم بعد اللي صار خلاص كان في نصيب وانتهى ولازم تكلم البنت على انفراد وتصارحها بعد اللي سمعته ما اقدر استمر وفي نفس الوفت ماراح افضحك واحسن شي تتفق معاها على تفاصيل الانفصال وبالنسبة للمحكمة هذا شي مفروغ منه طالما في عقد ملكة لابد من الذهاب للمحكمة لانها مو خطوبة وانفصال هذا عقد زواج ارى ان تكلمها وتشوف هي ناوية على ايش يوم المحكمة معقولة المحكمة الخميس وللان ما تكلمتو ولا عرفت ايش بتقولو قدام القاضي ومنتظرين بس المفاجآت من بعض |
ماله داعي امك تقول لاحد لاخالتها ولاغيرها
خلاص استر على البنت دام انك راح تطلقها الموضوع اذا وصل لاكثر من حرمه خلاص انتششششششر انتبه الله يعافيك |
كان ممكن أقول إنه البنت عملت الحركة هذه بالقصد علشان تطفشك مثلا ؟
بس إنت تقول في الموضوع السابق إنه جوالها مشغول و كذا برأيي مثل ما قالوا الأخوات ، لو الموضوع انتقل وسط الحريم بينتشر دام البنت مستمرة على غلطها ،، كلم الأب و خلاص انهي الموضوع مافي غير الأب هو اللي يوقف الموضوع عند حده و ينتبه لبقية بناته |
يا اخوي استر على البنت حتى لو تخسر نصف مهرك
وادعي لها بالهداية واكيد في يوم بتعرف حجم خسارتها لما فرطت فيك وغرقت في ذنوبها |
خلاص انا اتفقت مع الوالده انها ماتبين حق اي احد عن سبب الانفصال ،، وامس كلمتها وسجلت مكالمتها لمدة 6 دقايق احتيطاً والبنت مصره على انها تسوي العمليه وذكرت انها بتسوي العمليه فالتسجيل واتفقنا على انها فالمحكمة تقول انها ماتتبيني مو قادرة تتقبلني كزوج لها على اني مافضحها ولا اتكلم مع احد من اهلها عن هالموضوع ابد وانا وعدتها اني ماقول حق احد من اهلها بس مهري يرجع لي كامل والهدايا براحتها لانها ماتهمني
بكرة الساعه 10 بتحضر المحكمه بس مادري شلون بتكون المحكمه فيها احد غير القاضي وانا سألت شخص معاي فالدوام قال تدخل عند القاضي وتقوله ان البنت ماتبيك وانا بدخل وبقوله انا ابيها لكن هي ماتبيني وخلاص ،، متضايق ياااخوان احس انها طفشتني بس علشان تاخذ اللي تحبه حسيت نفسي ثقيل عليها نفسيتي تعبانه مو قادر اكل وللا اداوم وبكره يوم الانفصال وامي تقول تبي تخطب لي من بكره !! انا بصراحه مو مفكر ابد فالزواج هاذي الايام ولا الايام الجايه لان اللي صارلي مو سهل ومنصدم : ((((((((((((((((((((((((((((( |
ربك فوق
اعتقد ان الحرمه لما تترك زوجها عشان واحد ثاني ماتدخل الجنه ياقوى قلبها والله يا قوته ابشر بالعوض من ربك ... ماتدري وعسى ان تكرهوا شيئا وهو خير لكم ولا تخطب ابدا الحين لحد ماتهدا نفسيتك وفهم امك الله يسعدها انه لابد من فتره للراحه عشان لا تظلم بنت زي ما ظلمتك هذي |
الحمد لله الذي عافانا
قوية عين ، تقول لك أبغى أعمل عملية ؟؟؟؟؟ طيب مو حرام تضحك على أي شخص بيتقدم لها بعدين ؟؟؟؟؟ نفسي أحد من أهلها يعرف علشان ينتبهوا لها مو علشانها ، علشانهم هم |
زين انك سجلت يااخوي موعشان شي بس عشان تظمن حقك
وهونها على نفسك بالعكس والله العظيم المفروض تحمد ربك وتشكره الف مره انه كل شي تبين من الحين قبل الزواج وان ربي انقذك من البنت الله يهديها ويصلحها لاتحمل نفسك فوق طاقتها وانتبه تتسرع وتخطب اصبر كم شهر ادعي فيهم ربك يكتب لك بنت الحلال ولاتخلي الي صارلك يغير فكرتك عن الزواج خلاص بمجرد ماتطلق بالمحكمه انسسسسى كل شي ولاتخلي للشيطان مجال انه يوسوس لك وربي يسهل امرك ويعوضك خير بالزوجه الى تسعدك وتهنيك وترضيك |
الله يعوضك خير يارب ويرزقك بي ببنت الحلال وخطوة الخطوبه انتظر زي ماقالوا لغاية ماتهدا وترتاح نفسيا وربنا يسهل امورك
|
الله يعوضك بـ أحسن منهآ
|
اليوم لي جلسه مع الوالده ولازم اقنعها ،، المشكلة ان عندي غرفه ومعدات جديده كلهم بيروحون علي للأسف او مفكر اقدمهم لاخوي هديه لان المسكين كان بيطلع عشان انا اسكن فوقبيت ابوي لكن احين بقدمهم له هدية والله بفرح في عرسه وكنه عرسي وباسافر سفره تغير جو وبرجع بهتم بس في نفسي وبحاول اشتغل اكثر من قبل علشان انسى هالموضوع لان دايم يتكررر في راسي ، ولين اقولها بعد ماطلقك تقدرين تسوين العمليه وتاخذين اي واحد او خلي اللي غلط هالغلطه هو اللي يصلحها لاني انا ماصلح غلط غيري ماتقدر تقول انه تركها بعد ماعمل عملته قالت انت هانت عليك العشره ومدري يش طببعاً هالكلام اللي صار بينا كله بالمسجات والله المستعان وانا خايف انها بعد الخطوبه ترجع تتصل فيني او تطرش مسجات وانا مابي اكلم انسانه غريبه عني لان بعد الخطوبه بتكون اجنبيه ومابيني وبينها اي شي : )))
|
اتفق مع طموحي غير على انه لابد لك ان تحمد الله و تشكر فضله لان ما حدث اكيد فيه خير لك
وتخيل معي لو كنت اكملت الزواج منها ثم حدث ان خانتك سواء مع نفس الشاب الي تدعي موتاه او غيره و سببت لك في مصائب اكبر اكبر ! نسال الله ان يستر على بنات المسلمين .. و استغرب صراحة من جراءتها في انها تؤكد انها ستجري العملية ! بجاحة متناهية صراحة ؟ عموما هى حة تجري العملية من عدمها هى المسؤولة امام الله على غشها و تدليسها على اي شاب اخر و يكفي انت ان تقول حسبي الله و نعم الوكيل وان شاء الله ربنا يعوضك خيراً منها فتاة صالحة متدينة وتذكر يا اخي " اظفر بذات الدين تربت يداك " اترك القرابة و المال و الجاه و العائلة و و فكلها امور فانية و اظفر بذات الدين الصالحة التقنية ذات السمعة النظيفة التي تعرف كيف تصون عرضك و تحفظك في وجودك و عدم وجودك التي ترعى الله و تقدس معنى الحياة الزوجية و ميثاقها الغليظ .. و خذ وقتك بالكامل و لا تفكر بسلبية او تصاب بعقده نفسية تجعلك تفقد الثقة في كل البنات فمازالت الدنيا بخير و يوجد بنات ناس صالحات كثيرات و ان شاء الله ربنا يرزقك بالزوجة الصالحة .. |
الله يوفقك ويعوضك خير ان شاءالله مو مشكلة غير رقمك انت طيب و الله بيرزقك من اوسع ابوابه ان شاءالله اهم شي رضا والدتك ومن بعدها كل شي يهون :) ولااااااااا تنسى هالدعاء(( اللهم أجرني في مصيبتي واخلف لي خيراً منها )) ((رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ)) الله يسخر لك :) |
اللهم أجرني في مصيبتي واخلف لي خيراً منها )
بعد انتهاء الموضوع بها حاول تنساها وتاخذ فترة قبل لا تفكر من جديد في البحث عن زوجة والاشياء التي اشتريتها لاتضيع اجعلها للزواج الثاني عوضك الله بالزوجة الصالحة المحبة المخلصة |
قال تعالي " وإذا بليتم فاستتروا "
اخي الفاضل / بالطبع انك لن تستطع إكمال حياتك معهـا فاطلب من الله الستر لكما جميعـاً انت مع من تستاهل ان تكون ملكه في منزلك ..وهي مع من يستاهل ان يكون اميراً في بيتها وفقتم |
الحمد لله على كل حال : )))))
اتظر بكره يجي ابي اخلص من هالموضوع بأسرع وقت واقطع علاقتي فيها للأبد وبصراحة الدنيا مو بخير وانا مو متطمن حق اي بنت وخاصه عقب اللي صار فيني ثقتي انزعت : (((( لكن كلامكم خفف علي الحمل واااااايد والحمد لله وانا خلاص بتم عزوبي فتره والله يصبرني على العزوبيه والاغراض ماتنفع اخليهم حق عس ثاني باخلي الوالده تبيع الشبكه والتلفون باسوي له فورمات وبابيعه والمهر بيرجع بقدم منه عينيه حق اخوي والباقي بسدد فيه ديوني الله يعيين وحسبي الله ونعم الوكيل مادري جافتني طيب زياده قالت هذا اللي بيرضى بالغلط وبيصلح غلطت غيره اخواني نصايحكم للحياة الجديده انا تعودت من يسأل عني وتعودت اكلمها كليوم حبيتها بكل صراحه لكن ماعاد معاها شي |
اقتباس:
|
اقتباس:
ووقحـــــــــه و ياليت من فشرها عند اهلها علشان تكون آخرتها |
اقتباس:
شوف اخوي ارى انك ترسل مسج لها الان سواء قريته هالحين ولا باكر اول ماتصحى من النوم مفاده انا مااااااااا ابيك لو انطبقت السما عاللارض ورجعة لك ماني راجع وهذه مستحيلة تصير ولا بالاحلام وما تحاولي تغيري كلامك قدام القاضي وتقولي انا اللي سبتك لانك بهذا الشكل ما راح تضري احد غيرك وراح تفضحي امرك امام الجميييييع عشان كده ننفصل بهدوء وكرامتك محفوظة قدام ابوك والمحكمة لازم تخليك مصرة على الرفض من جهتك حتى لو القاضي سوا المستحيل لاقناعك بالموافقة واعتقد ان الزوجة في هالحالة تجلس في غرفة منفصلة مع احد القضاة للتشاور النهائي اذا ما كنت غلطانة وممكن تقول بينها وبينه انك صاحب المشكلة لذا الاحتياط واقول الاحتياط ما تبدا انت ابد الاحتياط واجب لو لبستك الموضوع تكون جاهز بالمسجات والتسجيل وربي ينصرك ويحميك من كل شر |
سعاااااااااااااااد وربي انك تخرعييييييييين
خطيييييييييييييييييييييييييره صاحب الموضوع .. كل شي يبدا صغير ويكبر الا المصيبه تبدا كبيره وتصغر ... الله يعوض عليك بجد موضوعك مؤثر |
اقتباس:
اهم شي تفكر المرة الجاية صح وتسأل وتتحرى السؤال من اهل الخير لان هذه حياة بتم العمر كله مافيها استعجلت وما سالت وانت شفت بعينك نتيجة التهور غير رقمك وعلاقتك تنقطع بكل العيلة لانه الاولى لدرء المشاكل والمفاسد وانت مو ضامن ايش يجيك منها بلى لو رجعتلها وربنا يوفقك ويحميك وينور بصيرتك للطريق الصح |
شكراًلك اختي سعاد 2000 وارسلت لها المسج وردت علي ات ماتعرف انا شكثر احبك ومو قادرة انام الليل ابي اكلمك تكفى رد علي انت لحين حلال علي ولي واجبات عليك اذا كنت تعزني رد علي تكفى واذا ماتبي تكلمني ابي اقعد معاك في مجلسنا قبل لانروح المحكمه ابي اقولك كلام وعقبها انت حر تكفى تكفى رد علي لو تحبني رد علي ، بطلع اتمشى اغير جو ابي بكره الساعه 9 توصل بسرعه لاني ماراح انم والاكيد اني بروح موواصل وبعد ماخلص هالموضوع باابتدي حياة جديده وبداوم بعد مانتهي من الموضوع بس مادري شلون بتكون نضرة الناس وفيه ناس ثيره تسال عن السبب بقولهم البنت مابغتني وحسيت ان مانصلح هذا احسن جواب ,,
والاكيد مرة ثانيه اذا بخطب بسأل عن البنت وبطلب مهلة اكثر افكر في الموضوع وبسال عن الماضي والحاضر مع السللامة بكرة اليوم الموعود باقي 9 ساعات ,, اللهم أجرني في مصيبتي واخلف لي خيراً منها |
يا حليلها
لها حقوق عليك ياربي هالبنت !!!!!!!!!!!!!!!!!!!!!!!!!!!!!!!!!!!!!!!!!!!!!! استغفر الله شكلها بتغير كلامها بتقول لا مافيني شي بس .................. انا عاديه بس ....................... انا حسيت انك ...................... فقلت اني ................................ اوهام واكاذيب زياده لا ترد خلها بحرقة قلبها لو منك لأكسر الشريحه خلها |
اتوقع انها تبي تبرر لي وخايفه على نفسها من اهلها لكن حتى لو كانت تكذب علي في كل اللي قالته مستحيل ارجع او اعيش مع وحده عيشتني في وهم وكذبت علي
|
اما اذا كان كل هذا تطفيش لأنها شايفه واحد ثاني فوالله انها انسانه منزوعة الخير والبركه
هي في جميع الأحوال مو مزبوطه |
اقتباس:
تقنع فيها وتبي مبررات منها وتستناها تتغير وانت اتصالات وهدايا .......... الله يهديك المفروض من اول ماقالت هالكلام رميت الدبلة بوجهها وماعاد شفته مرة تانية لكن قدر الله وماشاء فعل . لعله خير |
الله يستر علينآ وع بنات المسلمين
ويعوووضك خييييير ان شاء الله ...نصيحتي لك لاتكثرر تفكير بالموضوع لانو هذاا ابتلاء وامتحان وتذكر دائمآانه لايبتلى الا المؤمن .... وبالتوفيق |
احداث اليوم
طبعاً نمت الساعه 2 وجلست من النوم الساعه 5 خذت شاور ورحت اصلي الفجر وبعد صلاة الفجر رحت افطر مع الوالده وشوي الا مسج منها تعال بيتنا قبل المحكمه بنص ساعه حق نتفاهم مارديت عليها وتجهزت وجهزت الاوراق وشوي الا ابوها يدق علي رديت عليه يقولي تقدر تمرنا البيت البنت تبي تكلمك قبل لاتنفصلون قلت له اسمحلي ياعمي ونلتقي فالمحكمه وطلعت من بيتنا ورحت للمحكمه وابتديت اخلص تمليت الاوراق المطلوبه ووصلو وكلمني ابوها قال ياولدي قبل لاتدخل للقاضي ترى البنت من امس تبكي وماتبي الانفصال قلت له ياعمي مابينا نصيب والله يستر عليها دخلنا على القاضي سلمت عليه وجلسنا قال الطلاق شي مو بهين وبيأثر عليكم وانا انصحكم انكم تجلسون مع بعض وتفتحون قلوبكم يمكن الله يصلحكم قالت ياشيخ انا مابيه وانا سكت وقالها يابنتي الوالد يعيبه شي فيه شيء قالت لا بس مانصلح لبعض وحاولت اتقبله كزوج ماقدرت قالها الله يصلحك قال ياولدي تبي تقول شي قلت له هي ماقصرت وانا ماقدر اتم مع وحدة ماتبيني وبدى يكتب في الاوراق وبدى يقولني يمين الطلاق وهي بدت تبكي وخلصت اليمين ختم على الاوراق ودخلو شهود وقعو مسكت اوراقي الثبوتيه ورحت اوثق الاوراق وطلعت من المحكمه وكلمت الوالده وجلست تبكي : ((((( وقالت لي ياولدي هذا نصيبك لكن حسبي الله ونعم الوكيل وكلمت المسئول طلبت منه رخصه اليوملاني مب قادر اداوم طلعت واتصلت على اختي الكبيره قلت لها اني طلقتها وسكرته دخلت البيت ورحت لامي قعدت معاها وحاولت اواسيها والله انها متاثره وتبكي بحرقه كسرت بخاطري المسكينه والحمد لله على كل حال تعلمت درس في حياتي اني اذا ابي اخطب بنت ماهتم هي بنت من او تقرب لمن المهم اخلاقها وتكون متربيه احسن تربيه ،، شكراً اخواني واخواتي ( ميــس + يس نو + rahmatallah + الاستشاره الطبيه + قود مان + مشكلتي اصدق + سعاد 2000 + عشقي الفردوس + كينغورد + صقر الجنوب + كل من رد ودخل هذا الموضوع ) الطلاق مو نهاية الدنيا والحمد لله مهري بعد بكره بيرجع لي وكل الاغراض عمي كلمني وتاهم معاي ،، حياة جديده مافيها طيبه ووثوق زياده عن اللزوم عشت سنه كامله في خدعه والمفروض زواجي يم الثلاثاء لكن مافيه نصيب والحمد لله على كل حال وحسبي الله ونعم الوكيل |
مكتوب ومقدر والله يعوضكم خير .......
|
الحمد لله اخوي واسال الله العلى العظيم ان يعوضك
انسى كل شي صار والتفت لحياتك وانظر للحياه بصوره ايجابيه وبتفاؤل والله بيعطيك على قد نيتك |
الله يعوضك ببنت الحلال الي تحبك وتصون نفسها في وجودك وغيابك
|
الحمدلله على كل حااال وعوضك الله بخيرمنها
وعليك بالدعاااء |
الله يعينك ويوفقك
|
| الساعة الآن 04:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©