|
اميرات .. اشكرك على ردك بس ماراح اقتنع من اي كلام :(
ابي اتزوج يعني ابي اتزوج :( وحتى لو تزوجت اقدر استانس مع زوجتي مو شرط اكون مبسوط وانا بس عزوبي :( اووف طفشت :( |
لاحظت من ردودك على الأعضاء في المواضيع الثانية إنك ماشاء الله واحد عاقل و حكيم
صح فيك رجة ، بس مو مشكلة :D ربي يوفقك ، ادعي كثييييير و كلم وحدة من أخواتك تقنع أمك |
روح الطير اشكرك على ردك هههههههههه بس والله مافيني رجه ولاشيء :)
|
< ماسجلت الا عشان ترد على موضوعك
الصراااحه اني حبيت اشاركك لاني فاهمه اللي تحس فيه وبقولك انه كثير اللي مثلك وانا وحده منهم يعني يمكن بعضهم يجي يقولك الزواج مشاكل وانت توك شباب لازم تعيش حياتك ومن الكلام هذا عاد انت ادرى ,, بس ولو انت باقي عندك شي كذا بقلبك بقولك ابي اتزوج < لاتدقق ماعرفت اشرح مدري شلون اقولك بس انا كنت مثلك يعني اذا شفت واحد هو وزوجته بالسوق ولا بالسياره ولا يتمشون في مكان اقول يارب متى اصير كذا وقسم ودي اجرب الاحساس هذا،، متى يجيني انسان احبه واهتم فيه ومعي 24 ساعه ما استغني عنه ولا يسغتني عني بس تقدر تقول الحاله هذي جتني يمكن سنه وحده والحين خفت خلاص ولا عشان اصير صريحه فقدت الامل لاني على كلام امي اذا جابوا طاري الزواج صغيره ولاحقه على الشقاااء عشان كذا قررت اني احلم بيني وبين نفسي واشغل نفسي بدراستي ومستقبلي واحط لي طمووح ثاني غير الزواج لاني اكثر من مره اتحطم اذا قلت ابي اتزووج آخرها قبل شهر يمكن في محاضره وسألت الدكتوره وش طموحك قلت بكمل دراستي واذا تبين الصدق ودي اتزوج ويصير عندي زوج وبيت بعدها عطتني محاضره وش طولها تقول لايصير همك الزواج عيب < ماحقدت عليها ابد خخخخخخخخخ ادري طولت عليكم بس بقولك ( احساس مشاعر ) نصيحه مني حاول انك تشغل نفسك بشي ثاني وتدعي ربك ليل نهار تخلص السنه هذي بسرعه وتكبر شوي بعين من يشوفك صغير وربي يقر عينك بالزوجه الحنونه اللي تسعدك وتعينك < ويآآآي يارب وشباب وبنات المسلمين العزابيه اعتذر على الاطاله .. :) |
شوف يا احساس قول لامك حرام عليك لا تستاثمين فيني ولا تخليني ادور على الحرام انا ابي استر على نفسي واعفها طالما اقدر افتح بيت واتحمل مسؤوليته ليش معارضين واذا ما حن قلبها عليك روح لاكبر خواتك لانها الام الثانية لك واجلس معها لحالكم واقنعها :p وقول لها نفس الكلام اللي قلته لامك وبتقتنع ان شاء الله واكيد بيكون لها تاثير على امك وان شاءالله بعد اسبوع تجي تبشرنا ان اهلك وافقوا يخطبون لك :17: :14: الله يوفقك وينولك مرادك |
ياقلب لاتحزن
والله بالعكس لاطولتي ولا شيء وكلامك كان نفس اللي ابيه انا مشغول والله بدوامي واشغالي بس الزواج بعد ببالي ولا راح منه وخاصه نفس اللي قلتيه يوم اشوف اثنين بالسوق يمشون مع بعض والله حتى انا انقهررررر بس شسوي :( مدري شقول بس ابي اتزوااااااااااااااااااج :( |
هلا ام لسانين
اختي الكبيره من النوع اللي يمن يعني عادي اقلها بس والله بكبر وبموت واهي تقول " تتذكر يوم زوجتك انا " وتحب المنه وماحب كذا .. وادري اني طفشتكم بس عاد تحملوني ههههههه وادعو لي بعد اتزوج :( |
هلا وغلا بأخي الكريم
أسجل اعجابي بطريقة طرحك لمشكلتك :22: وعلى فكره أنا أحس بنفس احساسك اللي أنت فيه لكن الفرق بيني وبينك إني طالب وأنت موظف وهذا اللي يخليني أتسائل ليه أهلك رافضين فكرة زواجك ؟ وأنا عارضين علي فكرة الزواج !!! لكني غير مقتنع بالزواج من غير دخل ثابت يضمن لي مستقبلي <<< جاي ترد ولا تقص علينا حياتك :(:23: لكن مو مشكله عندي لك حل ومثل ما قالو الحرب خدعه :23: وإن شاءالله هالحل بيخلي أمك تزن على راسك يا وليدي تزوج :14: جب ورقه وقلم اكتب الخطوات :23: الحل كالتالي :- :29: اتفق مع أقرب أصدقائك أن يتصل عليك وأنت عند أمك بحيث تتفق أنت وياه إذا أرسلت له رساله يدق عليك ويتقمص شخصية بنت تضايقك وتحاول التعرف عليك :d وأنت سو نفسك ثقل وخاصمها وقل يابنت الناس وش تبغين أنتي أزعجتيني تعرف ماني متعرف ورجاءا لاتزعجيني تحملت ازعاجاتك شهر :24: يعني قلو الشباب وماحصلتي غيري يالله هناك بس وقل لها ألاحظ إنك طولتي كلامك خلاص أنا بتزوج ومو أنا اللي يخون زوجته وزود وحده ما تستاهل من يرفع السماعه بوجهها وسكر الخط وقفل الجوال :) وأهم شي وأنت تكلم ارفع صوتك وعصب يعني اضبط التمثيل والعبها صح :29: وإذا سكرت وفقلت الجهاز تظاهر إنك زعلان ومعصب وشف أمك وش تبي تقول لك :23: وبـــــس :24: الله يزوجك ويزوجني عاجلا غير آجل :24: |
انزين اشرآآآيك تقول لها تختار لك وحدة هي وقوول لها انك تبي تكمل نص دينك وكلفها المهمه وانك واثق من ذووقها واختيارها واصبر شوووي لين يحن قلبها
اوو قــــوول لها انا تعبــأأأن نفسيا واحس روحي عنددي فراغ عاطفي ومال قيمة ومو قادر اركز ولا في شي والكل قال لي مالك الا الزواج لانه يخليك تتحمل المسؤؤلية وتحس نفسك رجال راعي بيت له قيمته ومكانته >> صف لها فوائد الزواج كامل |
هلا صديقي بالله تعال نتبادل انا وياك وخذ وظيفتي هديه لك بس ابي اتزوج :(
تصدق حلك حلو بس انا خربتها وكنت اطالع قناة موزيكا قدامها عشان اقهرها وقلت يالبيييه بس على اللي بالقناه وقالت بالله اقلب عشان ما اجي واقلب وجهك قلت بروح اطالع فيهم بغرفتي قبل لا يخلصون وضحكت وقالت بالله من يبيك انت :( ياخي احسها تنظر لي نظره واحد طفل للحين هههههههه وربي قهر :( |
أمك بإختصار تبغى تشبع منك و ماهي مستعجلة على زواجك عشان لا تخطفك وحدة منها
<- حريم و فاهمين بعض :D أمي كانت كذا و ماكان أحد فاهمها غيري ، غيرانة على أخوي و تشوفه بزر |
والله اسلووبك ماشاء الله رائع من جد غيرت جوى:22:
اتمنالك التوفيق بس من جد انت صغير 21 انتظر كم سنة عشان تلاقي عروسه سنها اصغر منك وتكون عاقله ماتجننك |
اهلين حلاتي ..
والله استحي اقول لامي انا احس بفراغ عاطفي هههههه ماقدرر حنا عائلتنا نظامنا نحب نضحك على بعض وحتى امي بعد مثلنا ههههه يعني لو حد سمعني والله يستلموني محشات ههههه بس اهي للحين تقول اني صغير مع ان شكلي عادي وسكسوكتي واصله لحلقي ههههه وقلت لها ابيك انتي اللي تختارين وابيها على ذوقك وقالت ليش يعني انت اللي تبي تختار << حسيت مالي داعي بالوجود هههههه بس ماراح ايأس ومتزوج يعني متزوج والله لايعوقنا بشر :) |
روح الطير ياهلا والله .. بس ودي اعرف متى بكبر يعني بنظرها :(
تخيلي عاد امي غارت من زوجتي وتهاوشو والله مشكله << وده يشجع ههههههه :) بنت مكه اهلين فيك .. لاتحاولين تقنعيني خلاص انا صحصحت اثاريني كنت عايش بغفله :( |
أشوفك قمت تتهرب من المسؤليات من الحين
وش اللي مافيه ورعاااااان من اولها الا جعلها ماتجيب الا توائم على شان تركد |
انا قصدي يعني نعيش حياتنا انا وياها وننبسط وبعدين نفكر بالعيال :)
|
اقتباس:
مابحاول اقنعك افهم كلامى :21: اتزوج من اليوم براحتك بس انت 21 سنة عروستك كم تكون 19 -18 وممكن اقل تخيل كيف ممكن يكون تفيكرها خصوصا دي الايام اتمنى تلاقي بنت يكون تفيكيرها ناضج عشان تقدر تتقالم معاك وتكون قد المسئوليه لانو الزواج مسئوليه وان شاء الله امك توافق وتخطبلك بس اهم شي النضج العقلي وتحمل المسئوليه والله يوفقك يارب |
هلا بنت مكه ..
طيب فيه بنات كثييير ناضجين بس بصراحه مابي وحده تكون مبرطمه وماتضحك وبس ساكته يعني عشانها كبيره وناضجه لالا مابي كذا والله وناسه لو احصل لي وحده فله وتحب الوناسه وتكون حنوووووووووونه اوووف قسم بالله ماعاد اخرج من بيتنا لو الاقيها حتى لو عمرها 30 عاااادي بس اهم شيء بالاول والاخير ارتاح لها وترتاح لي وبعدين انا باسلوبي اقدر اتصرف فيها يعني اقدر اخليها حنونه واقدر اخليها نكديه واقدر اخليها نونو واقدر اخليها عاقله وناضجه يعني كل انسان له مقدره على شيء وانا عندي القدره على هالاشياء واقولها بكل ثقه بنفسي بعد .. |
اقتباس:
طيب أنا بصراحة يوم قريت موضوعك تذكرت في وقت سالف سمعت ان شخص معجب بي وعمره قدّك تقريباً يعني فارق العمر بيننا تقريباً 6 سنوات .. خلني اقولك الحقيقة ولا تزعل مني بصراحة استحقرته في بداية الوقت مدري احسه بزر .. وبعدين طنشت افكر فيه .. بعدين صار يشغل بالي أحياناً .. مع انو زواجنا مستحيل تقريباً إلا بقدرة الله ! مع ان شكله بصراحة اللي يشوفه يقول عمره 30 ماشاء الله بس ياربي طالب وتوّه ماخلص دراسه .. وبعدين صح أنو مقارب لطبعي المعروف بس مدري أخاف بعدين يتزوج عليّ وإلا أخاف أصير سالفة عائلتهم يعني اذا عرفوا اني اكبر منه هو مو عيب والله .. ولنا بمحمد صلى الله عليه وسلم قدوة حسنة بينه وبين زوجته الأولى خديجة 15 سنة ولا ضرّها جابت له كل أولاده ماعدا إبراهيم وأدري إنه زمان الصحابة والتابعين ومن بعدهم وزمان أهلنا الأولين كانوا يتزوجون بـ 20 و 15 سنة يعني يجيك ولد أبو 15 متزوج وعنده ولد .. مب مثل عيالنا الحين الله يخلف !! يصير عمره 19 واكثر وحنا لسا نعتبره بزر الطول طول نخلة والعقل عقل ( ... ) :d كل هذا كنت افكر فيه ,, بس الوقت تغيّر .. والدنيا صارت أصعب .. ولكن يبقى إن التسهيل من رب العالمين واللي يبي الحلال ربي يسهل له أموره ( إن يكونوا فقراء يغنهم الله من فضله ) عشان كذا أنا سألتك في موضوعك .. واعذرنا ع المداخلة اللي برى الموضوع !! لكن انصحك تصبر شوي ع الاقل سنة يصير عمرك 22 كأنك توّك متخرج من الجامعة وزي ماقال أحد الاعضاء ابحث عن بيت خاص فيك وابدأ بتأثيثه وإن شاء الله أمك تتحمس وتبحث بجدّيه لك عن زوجه .. وطبعاً لا تنسى الدعاء وكثرة الاستغفار .. الله يوفقنا ويوفقك ,, ! |
السلام عليكم
كيف احساس مشاااعر بصراحه نكك مدري وش يبي عجزت افهمه . المهم ماعلينا بشر كيف خطتي عساها نجحت:22: ،والله شكل امك ما في امل تخطب لك حبيبي ربي يزوجني واياك عاجل غير اجل واول واحد اعزمه لزواجي انت .. |
هلا صديقي جنتل هههه ياخي لاتدقق على اسمي ترا باقي ما انتبهو له هههه بس ترا معناه ينفهم باللغه العربيه الفصحى << يبي يصرفه :)
والله تصدق فكرت ناخد انا وياك خوات عاد تخيل بالله تصير عديلي :) والله ياصاحبي خطتك ماضبطت بس عن جد اشكرك على اهتمامك وحرصك علي وهذا شي مو غريب عليك << مسوي يعرفك هههه ^.^ |
السلام عليكم اولا اسجل اعجابي باسلوبك المرح وذكرتني يوم كنت بعمرك كنت نفس الشئ
بس مشكلتي كانت في عدم حصولي على الزوجه المناسبه واهلي ماكانو يدورون زين كل حد يدور على مزاجه وتفكيره مش على مزاجي انا. بس بعدين سويت انقلاب في البيت يعني تغيرت شخصيتي معاهم 180 درجه جاد جدا ما امزح ماجلس معاهم كثير حسستهم انه هالموضوع مهم وحسو اني متغير كثير وقامو يبحثون بجديه اكثر انته سوي مثلي سوي انقلاب بسيط يعني مش تقاطعهم لا بس حسسهم انك متغير وتعالهم من ناحيه انه الزواج عباده وسنه وجيبلهم من هالاحاديث وانك مقتدر شوف كثر الدق يفك اللحام خلك لحوح وموضوعك بسيط ان شاءلله مصيرهم بيقتنعون يعني بس كثف جهودك يوميا طفشهم في هالموضوع ترى لو ماسويت انقلاب واذا ماصرت لحوح بتضل كذه كم سنه وبيطنشون الموضوع لا خلك وراهم انا الحين الحمدلله خطبت وملكت على البنت اللى اتمناها الله يجمعنا على خير وعقبالك ان شاءلله الله يزوجك ان شاءلله قريبا عاجلا غير آجلا وتعيش مشاعر الزواج السعيده وتسوي كل اللى في خاطرك فيه. |
الله يسعدك يااحساس ويوفقك ويرزقك الزوجة الصالحة
|
السلام عليكم ورحمة الله وبركاته الله يسرلك ويواافقون اهلك ويزوجونك000 اهلك رافضين فكرت زواجك مو انك عمرك صغير خايفين انك ماتصون البنت وبالعربي (خايفين انك ماتحافظ عليها ) وبعدين 21 سنه حلو ان الواحد يتزوجي في هاذا العمر وخاصه اذا خلف يكبرون عياله وهو بعمر صغير وخاويهم0000 اخوي قالنا ابي اتزوج وعمره 20 وفرحنا لانه طلب يتزوج وفي نفس الوقت خفنا(( لان فيه شبه من استهبالك)) قلنا باقي فيه طيش وبنات الناس مو لعبه سألناه انت قادر تفتح بيت وتحافظ على البنت مو بكره تجي تقول مابيها وطفشت 0000قال قادر وعارف كل شي وبحافظ عليها بس انتو اخطبو 000 0 والحين ماشاءالله عليه متزوج له سنه ونص وعنده بنوته مثل القمر000 الله يوفقك ويسعدك ----وتقبل مروري----ايوه بدال ماتفكر في الليل على العب والوناسه انت وزوجتك:) قوم صلي ركعتين لله ودع الله يسرلك امورك ويرزقك بالزوجه الصالحه الي تسعدك وتهنيك00وان شاء الله عن قريب تبشرنا بموافقة الاهل000 وسلامتك0000 |
قولها صريح العباره
انا ياامي خايف على نفسي من الحرام علشان كذا حطيت موضوع الزواج ببالي علشان مااقع بالمحظور لانو بالحرام سهل بالأقي بالمره سهل , وانا خايف لأقع بهالشي واغضب ربي وكله علشان ماتبغو تزوجوني لاني صغير بنظركم , ولاتنسى تفكرها انو الرسول عليه الصلاة والسلام كان كثير يحث الشباب على الزواج وذكرها بقول الرسول عليه الصلاة والسلام ((يا معشر الشباب من استطاع منكم الباءة فليتزوج؛ فإنه أغض للبصر وأحصن للفرج، ومن لم يستطع فعليه بالصوم فإنه له وجاء )) وانت قلها يااومي انا موظف وناجح بوظيفتي ومااعتقد ينقصني شي , وإذا على المسؤوليه اهو انا موظف وعمري 21 سنة وملتزم بوظيفتي وأن دل دل على اني رجل اعرف ايش هي المسؤولية خليك وانت تتكلم مع امك تكون جدي معاها ولا تضحك ولا شي والله يسهل عليك لانو بجد انت ماشاء الله احسك رجل واعي هدفك من الزواج مو هدف جنسي وبس لكن قدام اومك خلي هدفك هشي علشان تخاف عليك :d |
احساس كيفك.
شوف اليووم ابيك تنفذ خطتي بس ابيك تكثف الوسط وتلعب على المرتده ، خذ امك الغاليه وقول لها فيه شي راح اشتريه وابغى اخذ رايك فيه واذا طلعت معك قوول انا عازمك اليوم في مطعم ورووح لمطعم الفخاار اللي بالتخصصي او النافوره او اي مطعم يعجبك واذا جلستو تستنو الطلب قولها الكلام اللي قلت لك عليه ، وبعد ماتخلص من اللي قلت لك عليه قول لها يالغاليه انا احس بفراغ عاطفي وبصراحه محتاج للجنس الاخر وبصراحه يمه ما اتخيل نفسي بدون شريك وبدون وليف . جررررررررررب وشوووف وبلغني بالنتيجه . |
هلا اخ ضاحي .. وانا اسجل شرف حضورك بصفحتي
تصدق والله اني للحين باقي مسوي انقلاب وما اكل معهم ولا اسولف معهم واهم مايكلموني بس اذا شافوني يضحكون علي واطالعهم بطرف عين اقول في شيء ؟؟ بس ياخي مايحسون ههههههه وخوي كل ماشافني قال اووووخص يالزعلان ويجلس يضحك وانا اكملها ضحك وعاد مشكلتي ماعرف اسوي نفسي زعلان ربي يسعدك يارب والله يتمم زواجكم على خير ولاتنسى تعزمني :) منية بلا امنية ,, يسعدك ربي على التواجد دنيا الوفا ... اشكرك على تواجدك بموضوعي بس المشكله مو عشان احفظ البنت عند امي . . امي من النوع اللي تبيني بس اجلس معها ولا اروح ولا اجي .. دعواااتك خايفه بالمره اهليين بس والله ماقدر اقول لامي هالكلام والله استحيييييي وماتعودنا نقول هالشيء جنتل صديقيييييي هلاا والله شخبارك ؟؟ ياخي والله فكرتك حلوه بس امي ماتحب تطلع معي مطاعم وهالاشياء تقول انها خرابيط :( وبعدين ترا امي كبيره مره بالسن يعني مو اي شيء يرضيها والله تعبت معها ياصاحبي :( احس اني عقدتكم بس والله انا بعد تعقدت من نفسي بس والله تعببببببت ومدري شسوي |
احساس أخوي والله عندي لك فكرهـ مانخرش الميه,,,,
أسمعني رح للوالده وقلها يمه انا والله وسوست بالزواج حتى من زود الوسوسه قمت أنزل مشكلتي معكم بالمنتديات ومافي منتدى الا وطرحت مشكلتي فيه وورها هالموضوع قلها حتى رحت لدكتور نفسي أستشيره بحالتي لاني خايف أن حالتي تتأزم,,, ولا ياخي رح لإمام المسجد ولا أحد فيه خير ويكون كبير سن وقله يكلم ابوك والله يوفقك وييسر أموووووورك ياااااارب... وش رايك؟؟؟ |
الأخ احساس مشاعر ...
لا تستعجل هي بس الوالدة ما بدها تحسسك انك تزوجت بسهولة عشان تقدر معنى الزواج وتحافظ على زوجة المستقبل. وان شاءالله ربنا ييسرلك بنت حلال تكون احسن منك كمان وبدعيلك متل ما بدعي لأبني يحبب فيك خلقه ويكون بختك احسن منك . ربنا يفرجها عليك ويضحك سنك متل ما اضحكتنا وفرفشتنا.. الله يوفقك ويبارك فيك . |
ستتزوج بإذن الله ولكن عندما يحين أمر الله
فتوكل عليه حق التوكل |
الصراحه بقولك شي احسك مو ماخذ موقف جدي كله يحسبونك تمزح مدري شلون حاول تكون جاد اكثر بس والله مالك الا انك تحن وتزن على راسها لين تقول والله بزوجك والله بس فكني احسن حل |
صبري نفذ .. اهلن اهلن بهالطله بس طبقت كل افكاركم وماااش ماطلعت حلوه بس عاد تخيل اروح لامام مسجدنا واقول ابي اتزوج
بس سويت حركه جناااااااان من حركاتي ونجحت بس خلني اشكر اللي ردو وبعلمكم :) maimai.. شرفتي موضوعي وجودك افرحني انتي وباقي الاعضاء وعندي لكم بشاره بعد طول المعاناه ماعدت انا .. اشكرك على ردك وياجعل ربي ينور دربك بالسعاده والرضى ملامح قمر ! .. بس والله اذا عالمزح وهالاشياء انا طبعي كذا ماقدر اتغير عاد بس وقت الجد جد المهم مانطول عليكم وبعلمكم وش صاار امس رجعت اقرى كل ردودكم واللي يقول سو اضراب واللي يقول قاطع اهلك < رفيق سوء هذا هههههه بس والله عن جد اشكركم المهم امس كنت زعلاااااااان وجتني فكره خوراااااااافيه وعلى طوووووول رحت سويتها :) رحت شريت دبلة وعطر نسائي وكنت طالع مرره توووب كشخه ورجعت لبيتنا وتعطرت من هالعطر النسائي والبس دبلتي هههههه وادخل على بيتنا واردد اكثر من اول احبك بسس مابغى اقوووول اخاف لو قلت تتغلى علي مررره انا بصرااحه احبك حب مو معقوووول << تراك اشغلتنا هههه المهم وأمر من جنب امي عشان ابيها تشم ريحتي ههههه واسوي نفسي أأشر بايدي على اي حاجه عشان ابيها تشوف دبلتي ههههه وامي لمحتها وكبرت عيونها وقالت وين كنت واهي معصبه وسويت نفسي خايف وقلت كنت خويي ومسكت اصبعي بغت تقطعه عشان تطالع الدبله وقالت والله لو انك مسويها من وراي والله تندم قلت لها انا ماخطبت ولا شيء بس يايمه نبي نتكلم بصراحه وبدون زعل قالت هاااااااااااا وش تبي << كانت قافله معها :d واليوم كل وقتي اسولف معهم وأأشر بأصبعي اللي فيه الدبله وكلهم عينهم عليه ههههه :17: وأن شاء الله بالليل اكمل لك الاحداث الجديده عشان ببالي حركات بسويها بعد ويااااااااااااااااارب تزوجني :14: |
ههههههههههههههههههههههههههه ياخي ضكتني صراحه اسمحلي انته مش وجه زواج
انته مهرج والله مفروض تمثل في مسرحية شاهد ماشفش حاجه وبس خل عنك الزواج وهالمواضيع يعني الحين لابس دبله سبحان الله بيقولون مسرع ماخطب وفي حد يخطب ويلبس دبله كذاه من يوم وليله بس ماعليك جرب كل التجارب النوويه وان شاءلله وحده منهم تنفعك |
هلا ضاحي جعلها دوووم هالضحكه يالغالي بس ياخي وش عرفك انت بهالسواليف الجونان هههههههه
وبعدين ياخي يمكن مثلا اني احب من زمان وخطبت اللي احبها وجيت لابس دبله بالله وش بيدريهم انت ماااااش ماتعرف تدقق هههه بس حلوه حلوه مشاركتك بس لاعاد تعيدها ولا ترا مابعزمك بزواجي << بيذلهم بزواجه ههههههه |
أسأل الله الكريم رب العرش العظيم أن يرزقك الزوجه الصالحة
ويقر عينكما بالذرية الطيبة....اللهم آمييييييييييييييين بانتظار الأخبار الطيبة قريبا بإذن الله... وفقك ربي و أسعدك في الدارين |
اسأل الله أن يوفقك ويرزقك الزوجة الصالحة
مانويت غير الخير حبيبي :22: بس شاركت معك لأني حبيت أشكرك لأني تسلفت منك مقطع من ردودك أعجبني وأرسلته مسج طيران لزوجتي :30: ( أكثر من اول احبك بسس مابغى اقوووول ... اخاف لو قلت تتغلى علي مررره ... انا بصرااحه احبك حب مو معقوووول ... ) شكراً لك |
بس انت عاد لازم تكون شخصيتك اقوى من كذا
<<<<<تخاف بكره تنضرب من امك قدام زوجتك ربي يزوجك وخلك ماشي عالخطه تمااااام |
الله يسعدك
|
احساس مشاعر :14:بلاش فرجه على افلام رومانسى .........................هتتجنن:23: ربنا يوفقك ويرزقك بواحده ظريفه |
أخوي الله يصلح حالك ان شاء الله ويوفقك ببنت الحلال
انا قريت الصفحه 1 .3.2 وما ادري اذا سالفتك خلصت او لا لاني اشوفك جاد بالموضوع واهم شئ انك ناوي تحمل المسؤوليه وتكمل نص دينك وأنت بغيت الحلال فإن شاءالله رب العالمين بيوفقك وخلك الحين من ابوك وامك ودور بنت الحلال بس من بعيد لبعيد وكلم احد من العايله تثق فيه أو امام المسجد بمنطقتكم وقله انك انت خايف من الحرام وتبغي الحلال بس الوالد والوالده مو راضين يقتنعون الا اذا صار عمرك اكبر من السن الحالي وأقنع الشخص هذا انه خلاص انت وهو حصلتوا البنت المناسبه وهو راح يكون واقف معاك وبالفتره هذي يجي الشخص لبيتكم واذا كان الشخص الموثوق فيه من الاهل يجتمع بالوالد والوالده ويكلمهم بالموضوع واذا كان امام المسجد يكلم ابوك ويقنعه بالمسجد وبطريقه هذي راح تثبت للوالد جديتك بالموضوع والوالده راح تقتنع بأمر الوالد وراح يفكرون وينظرون للموضوع من ناحيه دينيه ورغبه ملحه منك |
| الساعة الآن 05:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©