|
والله ما ادري وش اقول بصراحة!! كل ماتهاوش واحد مع زوجته قال لها انتي طااااااااااالق!!
يا سبحانك ياربي! وين الصبر؟ وين الفهم؟ وين العقل الي المفروض الرجال يكون عقله اكبر من الحرمه! وبعدين طالما من الاول ماتبيها وليش اخذتها؟؟ يا ابن الحلال عااااااااااادي !! كل البنات عنااااااااااديات :D وش انت متوقع يعني؟؟ خدامة مثلاً؟؟ لاء!! انت وين شطارتك؟؟ وين اسلوبك؟؟ والله أحسن رد هو رد ( أحساس مشاعر) ... يعني الشغله يبغى لها اسلوب موب جفاسة!! يبغى لها ذكاء وفهم... :) ولا بتتزوج ثانية وبتطلقها بعد لأنها عنادية؟ ولا لأنها ماتفهم؟ ولا ولا ولا ولا..............؟؟ ترا القائمة ماتنتهي!! |
أنا ما أشوف الموضوع يستاهل الطلاق أبدا
أمر هي تندم عليه دائما و تعترف بغلطها ..يعني كان مفروض تستخدم أسلوب ألين لأنها ليست مكابرة... أما أن تهددها بالطلاق ,,فمعها حق تزعل.. لا أعتقد الوقت مناسب للزواج من أخرى و كأن الزواج لعبة , حاول تعالج وضعك ثم تقرر.. |
أختي روعة المعاني
الطلاق ( دمار للمجتمع ) قبل لا يكون دمار للفرد .. أنا أشوف إنه الموضوع ما يستاهل الطلاق و لا التهديد ، يبغاله ( قرصة أذن قويةة ) إيوةة هي غلطانة ، بس ما سمعنا لها برضو ، و في حالة إنه صاحب الموضوع صح كلامه 100 بالمية بس يبغالهم يراجعوا حساباتهم من جديد ، يعني لو قبل الزواج قلنا ( خلاص ) بس بعد الزواج ، فهذا ( ميثاق غليظ ) مو بالسهولة يتنقض و حكاية إني وريتها ( عين حمراء ) ، فهذا مو أسلوب معليه فين التفاهم ؟ فين المصارحة ؟ فين و فين و فين ؟؟؟؟؟ |
اقتباس:
اكيد .. ما ازيد على كلامك شي روح .. انا اقترحت الطلاق اخر الحلول .. وعلى قولتك الموضوع يبي له حزم وقرصة اذن قوية .. لكن ان استمرت البنت بهالاسلوب والتعامل !! كيف ؟؟ يمكن انتي تشوفين انه يتاقلم مع الوضع ويتقبلها زي ماهي لكن انا اشوف العكس .. الي تستمر بقلة احترامها لزوجها يحق للرجل يطلقها .. لانها عشرة عمر .. ومو معقول الواحد يعيش مع شخص يسيء معاملته طول العمر !.. وان صبر على المدى القصير ما صبر على المدى الطويل .. وحتى البنات اتصورابدا ما يتقبلون الرجل الي يعاملهم بجفاء وقسوة .. وانا اولهم !! وسلامتك يا غلاي |
اقتباس:
وقلة أدبها معي لا لايمكن إني أتحمله بعدين زوجتي ماهي ضاربهـ لي أدنى حساب شلون بعيش معها؟؟؟ والي براسها تسويه يعني تسويه رضيت ولا مارضيت هل هذي حياة يرضاها رجل!!!! لا اذا بتمشي على كيفها خليها عند أمها تسوي الي تبيه براحتها |
الله يعينك ويفرج همك
المصيبه اهلها كمان واقفين معاها وهي بي تتصرف على كيفها استخير الله قبل لاتسوي شي والله يكتبلك مافيه الخير |
اقتباس:
الحمد لله انك شرفت الموضوع بوجودك .. بما انك موجود خلني اقول لك على شغلة .. بما اننا اتفقنا ان الطلاق اخر الحلول .. احيانا الشخصيات هذي تحتاج لمسايرة وحنان لفترة طويلة من الوقت عشان تلين لك .. ان شالله ما يكون صبرك نفذ عشان تتحمل الشي هذا فترة من الوقت .. اقول لك من واقع حياتي عندي قريبة لي عقليتها تميل للعناد وفرض الراي حتى على امي اغلى ما عندي الله يخليها .. استفزازية ببعض المواقف وتجبر الواحد يعاندها بالبداية كنت ارد لها الصاع صاعين .. وطبعا دخلنا بدوامة مشاكل .. بعدين صارت قطيعة من جهتي لاني ما قدرت اتحملها رغم انها قريبة لي وبمحل امي .. ولكن بعدين قررت اغير سياستي معها .. قررت اكون لينة اكثر معه وابين لها اني اغليها من غلا امي الله يحفظها من كل شر .. واحاول اجيب لها اغراضها وانتقي لها احسن الملابس وغيره .. اصلح لها الاكلات الي تحب بيدي .. اعاملها ببعض المواقف كانها صديقتي واخذ رايها .. طبعا كانت مستمرة ببعض الاستفزازات الكلامية وانا لما اسمعها يا اسكت واعتبر الموضوع تافه .. او ارد بس اقول ولا يهمك الي تبين يصير بس الله يخليك لو كذا كان يكون احسن ... بعد فترة من هالمعاملة .. صارت لينة اكثر اقصد صارت تسمع كلامي وتراعي رايي .. صارت تطلب مني اجيب لها الي تحب حسيت ان صبري حنيتي جابت نتيجة مشجعة اتمنى تكون تجربتي ملهمة لك اخوي .. حاول وباذن الله تعالى تلقى مايسرك .. بس زي ما قلت لك انتبه ما تحمل منها حاليا ودمت بود |
هلا اخوي روعة المعنى كلامك فعلا ممتاز والكلمة الحلوهـ والمعاملة الطيبة تلين جبل وهذا مافيه اختلاف
لاكن الي عندي الله غييييييييييير بعدين ياخي زوجتي فوق ماهي مقلله من احترمي حتى اهلي ماهي مقدرتهم على الأقل عشان القرابه والعيش والملح مع انهم والله ثم والله انهم ماعمرهم ضروها وهي كمان كانت تمدحهم تخيل لما قابلت الوالدهـ وأهلي والله حتى سلام ماسلمت هذي ترجي من وراها شي؟؟؟؟ ياخي انا وش الله حادني وسالفة الحمل الحمدلله مافيها حمل مشكور على تفاعلك معي ونصايحك |
اقتباس:
عاد هي صايرة بزيادة الله يهديها .. حتى اهلك ما سلمو !! الله يهديها ويهدي سركم يا رب يبي لها خطة هذي الله يهون مصابك وييسر لك امورك معها |
أخوي أو أختي روعة المعاني ( احترت معليه )
في حالة إنه الزوجة كما ووصفها الأخ هنا تمااااااااااااما ، فالحالة هذه و إذا استنفذت كل الطرق فأتفق معاك في آخر الحلول لإني مثلا صحيح عنيدة ، لكن أسعى للإصلاح و الحفاظ على زوجي و منزلي و أحاول بالتفاهم و شرح أي شئ اسأنا فهمه و هكذا |
اقتباس:
وانتي بسم الله عليك اتوقع منتي مثل زوجة صاحب الموضوع عناد عن عناد اتصور يفرق .. الله يتم عليكم وييسر اموركم يا رب دمتي بود اختك روعة :d |
| الساعة الآن 09:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©