|
قال نعم وانا غلطتوانتي كذلك ابيك تسامحيني والله يعوضني وحده تسعدني ويعوضك واحد يسعدك
قلت له الله يوفقك وانا مسامحتك باطن الدنيا واخرها قال توصلك ورقتك من المحكمه لحظة فراق تعور القلب ماعليه ياقلبي كلنا حياتنا الزوجيه على كف عفريت ولاوحده فينا ضامنه استمرارها من عدمه لكن اللي يحز بالنفس اذا تم الفراق والقلوب مازالت تنبض بحب الله يعوضج خير سؤال وبصراحه منتي متحسفه يعني ما لمتي نفسك؟؟!! وسؤال ثاني لما قلتي هالجمله كنتي تبكين او متماسكه؟؟!! |
ألمتني نفسي وقلبي لكلماتك
ولكن ردت فعلك كانت اجمل فما احلى الدعاء من رب العباد والخيره فيما اختاره الله ... رب يعوضك بالي يهنيك ويسعدك ... |
لاحول ولاقوة الابالله
الله يعوضك بخير بأذن لله ويجبر قلبك ويصبرك يارب00 |
اقتباس:
لا ياعوني ماني متحسفه لاني ماجلست متكتفه بل بذلت جميع الاسباب وكان لازم اتصل عليه ابي يبرد بخاطري انو انهيناها صح لا مابكيت ولكن بان على صوتي التاثر. والحمد لله واهله والله احبهم كثير كثير وبخاطري ادري متاثرين ارسلتلهم رسايل امس ابوه امه واخواته قلتلهم الحمد لله منشي الايام والشهور ومفني الاعوام والدهور المتفرد بتقدير الاقدار وتصريف الامور يعلم خائنة الاعين وماتخفي الصدور..الحمد لله فله مااخذ وله مااعطا..لاتزعلون علي ولاتتكدر خواطركم..انا وياه وجدنا راحتناولو بالامكان قبلت راسه وشكرته.الله يوفقه ويعوضه خير ويرزقه اللي يتمناها..والله يعطيني على قد هالنيه الطاهره. ودعتكم الله ((ادري حز بخواطرهم فراقي)) وارسلوا لي اخواته انتي حبيبتنا واختنا,ووو,,وو وابوه اليوم الفجر ارسلي رساله عورت قلبي يقول بما مضمونها ابنتي الغاليه(...) والله اني حزين حزين لما الت اليه الاوضاع وتمنيت اخسر كل شي في سبيل ينصلح هالزواج لكن قدر الله وما شاء فعل. ورسالتك ان دلت على شي على ادبك الجم وحسن خلقك وحسن تربيتة الوالد والوالده لك الله يمدهم بالصحه والسعاده والله يعوضك خير من ابني(...) وانتي بنتنا والله اني اشوفك مثل اخواتك (يقصد بناته) وابدا" ماراح يتغير شعورنا تجاهك وكلام كثير عورني قلبي... ((اهلي واهله صداقة عمر تمتد الى اكثر من ثلاثين سنه في ارض الغربه,,واخواته والله ما اشوفهم الا اخواتي وتربية بالغربه بينهم..يعني علاقتنا تتعدى حدود النسب..ولكن عشاني وعشانهم لازم اختفي من حياتهم للافضل)) وبدت تتسرب باواسط عايلتنا موضوع الانفصال وسبحان الله الكل الكل يقول كنا متحسفين انك اخذتي هالرجال قلت لا هذا نصيبي والحمد لله وان قصر انا ياجماعة الخير لا ادعي المثاليه بس مااجمل انك تترك ذكرى حلوه عند ناس كانت تربطك بهم روابط صله قويه اخترت ان انهي الامور بود وحب واحترام وهذا المفروض بين اثنين قضوا ايام وليالي تحت صقف واحد والله يعوض علي ويعوض عليه. |
عزيزتي واختي والله اني قلبي بكي عليكي قبل عيني لكن ماباليد حيلة ليتك امامي كان حضنتك وهونت عليكي لكن ماامامي الا اني ادعيلك ان يارب فرج همها وعوضها خير يارب من جد قصتك مؤلمة ومؤثرة لكن الله تعالى وحده اعلم بخباياالامور ومافيها من خير ومن شر اصبري اختي واحتسبي الاجر لله لعل وعسى يعود لصوابه وترجعوا تاني لبعض سبحان الله لاتعلمي انتي مؤمنةبالله ووضعتي ووكلتي امرك لله فلاتياسي وثقي بان الله لن يضيم حقك او يقهرك الله يهونها عليكي
|
الحمد لله على كل حال .. ..
سيعوضك الله بمن يسعدك .. وستبشريننا .. هنا .. لا عفوا في قسم التبريكات ... ثقي بالله ... ثم أنت خير... |
حبايب قلبي انتو يسعدكم ربي |
لاحول ولاقوة الا بالله أسأل الله العلي القدير أن يعوضك خيرا ويرزقك من حيث لاتحتسبي .. |
والله خنقتني العبرة ..
أسأل الله أن يجعلك من أحب خلقه إليه، وةأن يجعلك راضية مرضية، وأن يعوضك زوجًا كريمًا يعرف قدرك ويخاف الله فيك ثقي بالله دائمًاو أبدًا =( .. |
كنت أدعي بأن يفرج الله عني وعنك
والآن أدعوا بأن كمافرج عنك أن يفرج عني دعواتكم |
حبيبتي كان الله في عونك..
لا تضعفي وخليكي قوية, خاصة قدام معارفك... ولا تخلي حد يدخل في حياتك الخاصة, واللي يسأل أجيبي ب قدر الله ما شاء فعل.. أسأل الله العلى القدير أنه يجبر بخاطرك ويعوضك بالإنسان اللى يستاهلك...آمين رب العالين |
والله بكيييت وأنا أقرا رسايلكم ! الحمدلله الله يكتب لك و له الخير وين ما كان .. *عندي كلام و نصيحة أخوية لمستقبلك بس بأجلّهم لين تهدا الأمور . |
لا حول ولا قوة الا بالله
|
الحمدلله على كل حال
الله يعوضك اخيتي بمن هو خير منه لن ننساك باذن الله من الدعاء |
الله يعوضك خير يارب..
بس عجبني فيك أمر أو بالأحرا امور من جد أقولك عجبني فيك أول الأصرار ومحاولة أيجاد الحلول في أصلاح زواجك بس يوم صار الأمر خارج عن أرادتك استقبلتيه بقوة ايمان وصبر ويقين بأن الله سيعوضك بأخير منه. لا يضيق صدرك ياعمري هذه أرزاق مقسمه من رب العباد ...وكرري دائما ((الحمدلله حمدا كثيرا يليق بجلال وجهك وعظيم سلطانك)). أتمنى لك التوفيق ومزيد من القوه.. أختك اميره الشوق... |
يالله كنت متابعه قصتك بجديه ....
لم أتوقع ان تكون نهايتها كذلك .. الحمدلله على كل حال ... وأسأل الله ان يكتب لك الخير والسعاده في جميع امورك غاليتي ... |
|
الله يعوضج خير
السلام عليكم ورحمة الله
من امس وانا ادخل واطلع ماعرفت اش اقول تضايقت وتمنيت لو ماوصلت الامور لهاالدرجه بس المقدر والمكتوب للانسان مافي مفر منه الله يعطيج على قد نيتج ويرزقج باللي يعوضج عن كل اللي فات انا مابقول هو خسران لا الخساره للطرفين وانتي ماقصرتي حاولتي وصدقيني هو حاول بس ماحب يظلمج معاه وترى الحريم مايتعبون من الكلام وراح يطلعون اشاعات وكلام عن الطرفين فاصبري واحتسبي الاجر واستري عليه الله يستر عليج دنيا واخره اختج اوركيد قطر |
لا حول ولا قوة الا بالله
حسبي الله ونعم الوكيل،،قدر الله وما شاء فعل يا اختي.. ما دام انك كنت متوجهة الى الله فربك كتبلك للي فيه الخير لك>>اطمئني فالغد افضل ان شاء الله ان صبرت واحتسبت امرك لله،، الله يعوضك خير يا رب،،لا تندمي على شئ على طول كنت الصح وفعلت كل جهدك وربك ادرى بما هو خير لك فلا تقنطي،،لانك ربك رحييم وكريم الله يعوضك الله يعوضك الله يعوضك |
اقتباس:
الله المستعان ويكفي أنك خرجت مما أهمك وطعن قلبك و أنت عزيزة ومرتاحة الضمير بكل ما قدمتيه من أجل الإصلاح والرجل لما باعك راح يتندم أشد الندم ، والله يعوضك خيراً مما فات ، والعوض قريب لأنك صادقة مع الله أولاً ثم مع نفسك ومحاولة إصلاح وضعك ، ثم مع أهلك و أهله و ألمهم لما حصل ويعلم الله أن الرجل يألم أشد عند الفراق ، ولكن يكتمها وما ينسى الأيام الماضية اللي راح تكون جرح عميق ما يشفيه إلا الرجوع للحياة السابقة بحمدالله أنك وصلت لمرحلة كان الحظ معك لأنك ما خسرتي شئ ، بل إزددتي رفعة و شرفاً و أنت عند أهلك ، وما راح يتألم أشد الألم إلا من طلقك ، والأيام راح تكشف ذلك ، ويكفي أن الحزن والتعب باين عليه عموماً أنت مرتاحة الآن ، ورب العالمين راح يعوضك بخير مما فات خلال هذه الفترة حاولي و إستفيدي من قربك من الله بدعوة صادقة و أنت مرتاحة لكل ماحصل ، والعوض قريب وما زلت مصدوم مما حصل ، وما يهونها علي هو وقوفك شامخة متفائلة منتصرة وفقك الله و أسال الله لك كل خير |
اشكر كل من تواجد معاي.. من فكر فيني ومن دعاء لي والله انكم غالين غالين غالين علي ولو انها ماجمعتني فيكم الا هالصفحات ابشركم انا اليوم اقوى انتهت الدموع وبدا التخطيط للمستقبل الوظيفه جايه ولو انها مابعد جتني ورقتي ولا حتى اغراضي ولا اتصلوا اهله على اهلي((اعتبر نفسي منفصله)) انفصلت روحي عن روحه قبل ماتفصلنا ورقة محكمه دعيت الله مرارا" وتكرارا" بان يربط على قلبي والحمد لله حزني سهل والله سهل بدا ينتشر الخبر باواسط عايلتنا والحمد لله وقفوا معاي قريباتي صديقاتي واهلي قررت اني اقطع كل جسور الصله بيني وبينه ((امر طبيعي)) ولكن اضطريت اشغل شريحته اللي باسمه عشان كنت ابي رقم منها واكتشفت انها مازالت تشتغل اخذت الرقم جيت بقفلها لقيته مرسلي رساله يقول ((اوعدك طول العمر ساظل احترمك واحترم ماضينا)) ابتسمت التزمت الصمت وقلت بيني وبين نفسي مااحترمت وجودي بكنف بيتك بتحترمني الحين..الله يسامحك قفلت شريحته..انتهينا حابه اشكر الاداره شكر يليق بهم من اعماق قلبي راح اغير معرفي الى *ندى* رغبتا" مني لنسيان الماضي والبدء من جديد حبيت اذكرلكم هالشي عشان ماتنسوني وراح اضل معاكم واذا الاداره حابه تقفل هالموضوع فلها ذلك بعد الشكر |
أختي غايتي رضاه . الله يربط على قلبك و يعطيك من هو أحسن منه. هذه هي الحياة و يجب أن تستمر. لكن لو كان هناك مجال للرجوع أو طلبك زوجك لا تتسرعي بالرفض لعل الخير في ذلك. و إن لو يكن ذلك فالخير في ما يرضاه الله.
|
ندى ناطرينك باسمك الجديد
العبره خانقتني فرج الله همك |
اقتباس:
|
اقتباس:
اسعدتيني ياعيوني لا تخنقك عبره ولا شي انا متماسكه ووالله مرتاااااااااااااحه كثير |
اقتباس:
أنا رجل على فكرة |
اقتباس:
وتسلم والحمد لله على كل حال |
والله انك ملكه والله يرزقك بأحسن منه بالف مره
رسالتك لأهله بكتني الله يسامحك بس وربي انك عاقله اسم الله عليك والله يفرحنا فيك قريب يا ندى |
اقتباس:
يعني تعب أو راحة ؟ لأنها أحس أنها تعني الإثنين. على كل أعتذر لو كان معناها تعب |
قصة حقيقة مؤسفة ..
أعرف قصة شاب أحب جارة له جدا و هي ايضا احبته جدا جدا و تقدم للزواج منها و فسخت الخطبة من ايامها الاولي ، لا لشيء الا لان الفتاة لا تريد الزواج بشاب تحبه بهذا الشكل بل تريد زوجها هو من يحبها فقط لكي تتحكم فيه و لا يتحكم فيها ، لكي تؤلمه و لا يؤلمها ، و نتيجة العناد و التسلط انها رفضت قلبا يحبها و تحبه لاجل فقط .. السيطرة و العناد . |
زوجي طلب يكلمني الليله والله اني في حيره من امري؟؟؟ وش تنصحوني في علما" اني بدات اتاقلم وارتاح للوضع الجديد لخبط اوراقي |
والله ما ادري ....
من الفرحة ..انربط اللساني .... ان شاء الله خير... |
خليه يكلمك . إسمعيه و بعدين إلي فيه الخير ربنا يسهل فيه.
|
اللهم أرزقها من عندك مع كل خفقة قلب وطرفة عين فرجاً..ومخرجاً..وعفواً..وأمناً..وإيماناً يا رب العالمين
|
ارسلي ايميل الصباح توي اشوفه وكان فيه انو ابي نحافظ على الاحترام والتقدير بيننا عشان عائلاتنا وانا مصدوم لوضعنا الجديد ولكن((( ماذكر لي موضوع عوده)))) المهم تنصحوني ارد عليه ولا لا؟ |
ردي على قدر طلبه. قولي له الإحترام من جهتي مظمون.
|
اقتباس:
يعني لا تفظحينه ... ردي وشوفي وش يبي ... ان شاء الله يكون ندمان .... |
لا حول ولا قوة الا بالله ان لله وان اليه راجعون والله مش عارف اقول ايه ولكن قدر الله وما شاء فعل والله يا اختى سبحان الله هذا شئم المعاصى لعنة الله على الدش والنت والموبيل والله ما جاء منهم الا كل سوء اعانك الله اختى الكريمة ووفقك لما يحب ويرضى اما بخصوص طلبه ان يحادثك اعتقد لا مانع حتى تعلمى ما يريد اعتقد خلاص يا اختى لا يوجد شىء اسوأ من كده ولكن حتى يكون ضميرك مرتاح حتى النهاية وانا واثق بأذن الله ان اخت مثلك ولا نزكى على الله احد لن يضيعها الله وستفوز فى النهاية وتجد كل السعادة وراحة البال |
توكلي على الله وكلميه وشوفي شو عنده أحساسي يقول زوجك يحبك بس جالس يكابر مدري ليه
براسه شي 00 الله يفرج همك وكربك 00 |
ايه ياسافر بايميله ذكرلي الاتي ]عزيزتي السلام عليكم ورحمة الله وبركاته هاليومين جالس افكر باخر مكالمتنا انا ااكتدلك انا كمان ابي نحافظ على الاحترام والتقدير بيننا اذا مو عشانا عشان عائلاتنا شكرا" لكلماتك اللي ذكرتيها ولو اني حزين جدا" ومتفاجئ لوضعنا. ماراح اخليه ياثر على الذكريات الحلوه اللي كانت بيننا دائما" راح احترمك واحترم ماضينا وانا متاكد كذلك انتي. ؟؟؟؟ [COLOR="Blue"]مااظن حرد عليها فهمت رسالته الان[/COLOR |
| الساعة الآن 03:22 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©