|
حبيبتي والله مادري ايش اقول لك ولكن نظرية خالتك مايعتمد عليها لان في ناس اللي عندهم مشاكل تكون مأثره على شخصياتهم وبعضهم يتملكه الشعور بنقص ويغار على زوجته بشكل جنوني ويشك فيها لانه حاس في نقص فيه ويخاف تقارنه بغيره (تذكرين بنت غامد اللي كانت معنا في المنتدى كان زوجها مشلول ورغم انها كانت تحبه وراضيه فيه الا انه تعبها وكان يبي يطلقها لانه حاس انه ظلمها وماكان يبغاها تحمل منه)حتى لو يختلف المرض بين مشلول وثعلبه بس احس النفسيه اذا سائت تكون وحده واخاف هذا الخاطب يكون متأثر نفسيا بدرجه كبيره وصير لو تزوجك ما يحضر مناسبات عندكم ولا يحب يروح اماكن عامه ولا يختلط بناس عشان شكله ولا يطلع معك كثير أسألي وفكري مضبوط ولو وافقتي طولي فترة الملكه قبل الزواج عشان تعرفي شخصيته اكثر والله يختارلك اللي فيه الخير.
|
شوفي اخلاقه
لكن من البدايه اذا كنتي مومتقبله شكله وعلى قولتك تهتمي بالجمال يمكن قلبك ينفر منه استخيري وشوفي الصوره واسالي كويس عنه |
اقتباس:
هلا قلبـي ياأحلـى تفاحه .. صح معاك حق ! بسالفة نظريـة خالتي .. مهتمه فيها ماعرف اذا هي صح او خطا !!! وكلامـك سليم وماعليـه غبار !! وتفكير خالتي مو دايـم صحيح ومطابق للواقع !! يمكن يكون العكـس !! والله اني افكـر كيف اتقبله !! هل هالشي عادي وبعيش الوضع معاه ولا لا ؟! احلى صندوق تفـاح لقلبـك الأخضر ... مشكوووووووووووووووره على رئيـك كثير فادنـي ... اقتباس:
هلا عـابرة سبيل ... ايـه اذكر انه مرت علي قصتها ... بس هالشخص موظف بوظيفه تتطلب مقابله للجمهور ... ويكون يوميا يشوف ناس بعدد كبير !! بس لهاللحظه انا مادري وش شعوووري !! جدا بـرود ... مو طبيعي << مو كعـادتي اذا انخطبت ..؟!:( افكـر امشي الموضووع واستخير واشوف وش يصير معاي !! الله يكتب الي فيه خيـر .. شكـرا عابره ... ورد وفل لقلبـك ... اقتباس:
هـذا الي بيصير يالغلا ... صحيح يهمني الجمـال او عالأقل يكون الشخص مقبول الشكل ! بس براسي اني اكلم دكتـور جلديه واسأل عن الي زي حالته !! شكـرا من الأعمااااااااااااااااااااااق |
أختى العزيزه
اجابه على تساؤلك بخصوص مدى تطابق نظريه خالتك مع وضعى أنا وخطيبى أقول لكى فى رأيى أن هذا يعتمد على شخصيه الرجل نفسه . قد يكون واثق بنفسه رغم أى شىء ويحيا حياة طبيعيه جدا كأى رجل عادى ولا يرى بنفسه نقص - وهذا هو حال خطيبى. أما اذا كان غير واثق بنفسه فقد يتخذ سلوك من اثنين أما يطبق نظريه خالتك ويعامل زوجته جيدا جدا أكثر من المعتاد أو يشعر بنقص ويغير عليها بشده وبصورة مرضيه وقد يسىء معاملتها أحيانا...كل على حسب تفكيره وأسلوبه وشخصيته. أسأل الله لكى أن يهديكى للخير ويرزقك السعاده فى الدنيا والآخرة .اللهم آمين. |
مثل ماقلت لج قبل
الوحده موكل يوم يجيها خطاب عشان جذي استخيري دام انك محتاره يعني انتي مو رافضه وبنفس الوقت مومتقبله فـــــــ استخيري احسن لان فالنهاي هاذي حياتج وانتي اللي لازم تقرريـــــــــــــــــــــــن!!! |
اقتباس:
مشكـــووره فتــاه ,, الله يعطيك العــــافيه ياااااااقلبي .. كلامـك زي االبسلـم .. لبى قليبك والله يوووووووووفقك ~ اقتباس:
هلا نآآني .. صحيـح انا مو رافضـه ولا متقبله وبنفس الشي يهمني شخصيتـه كثير... محتـآره ... مشـكوره ناني ... لبى قلبك .. |
يهمني شخصيتـه كثير... محتـآره
دانتيل اشوف الحيره بعيونج لذلك خلاص ارفضيه والله يعوضك خير.....ترا كثرة التردد معناته انتي من داخلك رافضه!! |
والله يـانآني شكل هذا الي بيصيـر ! لأن بجـــد .. ماتحمست ابــدا ابـدا للموضووع !! طول هالأيـام .. انسى المووضوع ومااذكـر الا اذا دخلت المنتدى ... يعني مااحس اني انجذبت للوضـع .. الله يعـوووضه بالي احسـن مني .. ويرزقه لين يرضيـه .. ويشفيـه ويرفع البلا عنه .. وانـا ربي يرزقني عاجلا غير اجلا .. ويغنيني بحلاله عن حـرامه ~ :: نـــآني ... { لبــــــــــى قلبج ~ |
دانتيل
مادري انا اشوف العريس مافيه ميزه!! اتركي قصة المرض على جمب يعني شهادته ثانوي معليش بس الثانويه الان ما تاكل عيش اللي معاهم بكالوريوس ضايعين فما بالك بابو ثانويه عامه.. وظيفته تقولي (يعني) ممكن تكون جيده وراتبه جيد استغربها على واحد معاه شهادة ثانويه في الزمن هذا.. شخصيته ما تعرفيبها دينه ما تعرفيه وفوق هذا مش متقبله شكله ومشككه .. تقولي انه خطابك كثير يعني اكيد جاكي احسن منه استغرب انك وقفتي عنده واحترتي.. من كلامك افهم انه ما شاء الله خطابك كثير يعني مش مضطره توافقي عليه من مبدا ( مش كل يوم حيجيكي عريس).. ايش رايك بكلامي.؟؟ |
حبيبتى ...دانتيل ....
ليش ما تسألين الدكتور الخاص فيه .... وتعرفين كل شي عن حالتة ...ودرجة تأثرة بالمرض ... احتمال كبيير اذا نفسيته تحسنت ....يقل او يشفى منه .... واحتمال التفكير بالزواج ...وان مافي بنت راح تقبله ....هو سبب رئيسي للمرض .... زوج حماتي فيه ثعلبة في شنبة ....وبعد فتره تشافى الحمد الله... اما ولد جيرانا من كنت انا صغيرة وهو مريض بالثعلبة ...وزادت عنده بعد وفات امة بحادث سيارة ... الحمدالله على كل حال.. شوفي دكتورة الخاص ....ثم استخيري .... الله يكتب لك ولنا من الخير كله .... |
لو كنت في مكانك لم اكن لاوافق
احس المرض صعب الله يشفيه و كثير من المرضى ينضرب عندهم اعضاء و اجهزة كثيرة في جسمهم اعرف وحدة بسبب المرض هذا مضروب عندها القلب و الرئة و الكلية (شوفي صعوبة المرض يعني) و القرار لك اولا و اخيرا .. و الله يوفقك |
انــــــزين يا تلي على شو رسيتي ....!!!
|
حبيبتي دانتيل
باين من كلامك انك رافضه خلاص هونيها قولي بصوت مسموع لك خلاص انا ماابغاة ربي يعوضه الى احسن مني ويعوضني الى احسن منه انتهى. <<<<<<وحطي نقطه عند اخر الكلام الى تقوليه لخالتك |
اختي اولا : لابد يكون مقبول لك ولا ترضين به عاطفة بل قناعة ثانيا : اعرفي تعامله في بيته مع خواته وامه بأي طريقه فهكذا غالبا تكون معاملته لك في المنزل وانت الحريم هذا من تخصصكم ( سوووووورري ) :25: واهم شيء قبل كل شيء الدين والخلق شوفيه ودققي فيه هذا زواج مو لعب ولازم من الاستخارة و انت مشاركاتك تشهدلك بأنك انسانه فاهمة وما تحتاجين نصائح :30: الله يوفقك ويسعدك ....... |
اقتباس:
كلامـك تمام التمام ~ انتـي عارفه بغض النظر عن المرض !! بجد مافيه شي .. يعني وظيفته اقل من عـاديه .. انتي فسرتي الي افكـر فيه كله !! وبصـراحه انا ضد مسألة انه يمكن ماحد يخطبني بعد !! لأنه مؤمنه بالقضاء والقـدر ومؤمنه ان لو ربي كاتبلي اتـزوج بتزوج بلحظه وبسهاله .. بس لما نزلت الموضووع قلت يمكن اتشجع والاقي جوانب ثانيـه من خلال طرحكم وارائكم .. بس حسيت .. من داخلي اني قاعده ادور في حلقه مفرغـه ! يعني مو عارفـه وش ابي ! بس من امس وانا قررت ارد على خالتـي .. والله ييسرله الخير ان شاءالله ,, كرستــاله .. لبى ارائك الكرستـاليه .. :22: اقتباس:
هلا قلبـووو انا لما قرررت اسأل الدكتـور كان قصدي دكتـور جلديـه صعبه اكلم دكتوره .! واصلا ماعرفه شووفي سالفة ان الثعلبه تكون بسيطه !! هذا شي مافيه قلق ابـد .. زوج خالتي جاتله وراحت .. بس هالأنسـان الله يعااااااااااافيه يارب ويرفع عنه البـلاء .. كل شي بوجهه راح بسبب هالمرض اعوذ بالله منه .. الله يسمع منك يارب .. الله يسـعدك يالغلا على اهتمـامك .. ربي يوفقك .. |
اقتباس:
هلا تسبــدي .. يؤ اول مـره ادري ان المرض له ابـعاد ثانيـه في بالي بس تأثيره عالشعر !! الله يعافيهم يااااااااااااااارب ولايحرمهم اجر هالصبـر ... شكــــرا ياغلاتي ... باقة ورد لك ... اقتباس:
هلا ريـوم .. الله يكتبلي الخيـر { .. راح ارد بعدم الموافقه } مشكـووره على اهتماك يالبى قلبك .. اقتباس:
خلاص هونيا << والله يهالكلمه .. من جد من قلب محتــــــــــــاجتها ... يااااااااااااااااارب تعوضه بالي احسن منـي ... وتعوضني بالي احسن منه ..وتسهل امور المسلمين .. اهم شي النقـطه .. :d احلى ياسمين وجـوري لقلبـك .. اقتباس:
هلا اخـوي كنج ,. اولا :::<<< ارضى فيه قنـاعه ..!! هالكلمه اختصـرت كل شي بقوووله !! لو رضيت فيه يمكن ارض عاطفه لا اكثــــــــــر ولا اقل !! لكن قنـــــاعه لا .. انا الآن اقتنعت اكثر بقـراري .. .. ومسـؤله جدا عنه .. { راح ارد لهم بعدم المـوافقه } مشكـور اخـوووي كنج السيوف ... ربي مايحرمك الأجـر ... |
الله يوفقك لكل خير |
دانتيل والله ماحلو في الموضوع الا ردودك خفيفة ظل ورهييييييييييييييييييييييبه الله يسعد قلبك طيب جربي تزوجيه يمكن ماطاح شعره مسكين الا من كثر ما هوجس ان ما احد يقبل فيه يمكن اذا قبلتي ينبت كلللللللللللللللللله شعر امزح معاكي هو فعلا بسبب الحاله النفسيه واعملي حسابك يمكن يكون معقد من هالناحيه ويغربلك معاه وومو شرط اللي يتزوج وفيه ابتلاء انه يكون سعيد مع زوجته يمكن يجننها زوج خالتي جنن خالتي لانه يدري ان مستوى تعليمه اوطى منها يشوف انها تتمنن عليه بزواجها وهي مسكينه ماقد ولا حتى لمحت بكذا بل انه الحين عنده بنت الله يحفظها قاعد يطفشها مايبغاها تكمل جامعه وهي توها سنه اولى ياقلبي متعقد من نفسه مايبغا احد احسن منه الله لايبلانا ياشيخه هذا وبلاه مو في جسمه ومسوي كذا اجل لو في بدنه نفسه وش كان سوى؟؟؟؟؟؟؟؟؟؟؟؟؟ وطالما انتي من النوع اللي اصلا حاطه في بالك المزيون صدقيني رح تتعبين مع هذا الله يشفيه ويرفع عنه ضر ما انزل به ويعافيه ولا يبلانا انتي هديتي كم عضوه باتشي و ورد جوري وياسمين انا اقول روحي يادانتيل يا بنت ام دانتيل اهديك دانتيل فرنسي من افخم مايكون من هنا لحد عند ارجولك وتسوينه فستان زواجك يارب <<< مره ثقيل بيكون هههههه |
اقتباس:
اللهم آميـــن .. شكـرا لتواجدك مره آخــــرى << حسيت اني شركة الأتصالات :d اقتباس:
مشكلتك ... عســــل .,. :d وقسما سـووووكرهـ ... والله انـي احب الـزين وانا اختك .. مير الشكـوى لله ~ :29: انا قررت ياغلاي .. والحمد لله على كل حال ... بس تدرين الدانتيــــل اخق شي .. لا وبعد فرنســي .. :22: بسـويه فستان وطرحه والي بيقى بشيله لبناتي ههههههههههههههه منـووووره ياقلبي,, معرض سيــارات لكـزس من بيتنا لين بيتكم << عسا ماتكونون جيرانا وييصير المعرض صغير لووووووووول :d :d |
{ قـــــــــــــــراري ~ بعـد التوكل على الله ...~ تــوي ارسلت مسج لخالتـي .. وخبرتها اني قررت بعد استخـاره وتوكل على الله ودراسـه للموضوع .. ان هالأنسـان مو مقتنعه فيه من داخلـي .. من جميع الجوانب .. والله يرزقـه بالي احسن مني .. ويعوضني بالي احسـن منه .. :: مشكـــــــــــــــــــــورين جميعا .. بـدون استثناء { asali - سافر معي -سلطانة نفسها - الـوان - متفائله - cry - ملفوف - haya_85 - حزن الكون colors - بكر الشايب - اماني طفله - تركي العالمي - مشكله والله دلوعـة حسين - انـــــــــــ بنوتة زوجي ــــــــــــــا - جداويه وافتخر - ريم الأـوطان - اطياف الرياض - المهمومه - فتاة حالمه - apple-green - عابرة سبيل - الجنه غايتي - نآني - Crestalla - الوفيـه لوالديها - غموض السنين - كنج السيـوف - مشكلتي اصدق } جـزاكم الله خيــر - ويسر اموركم ورزقـكم من حيث لاتحتسبووووووون } وقفتكم معاي وارائكم فادتنـي وفرحتني .. الله يفرحكم بالجنه ونعيمها يااااااااااااااااااارب بـاقة ورد .. وكيلـو باتشـي .. وسياره لكـزس .. لكم << بس لاحـد يطالبني .. نامو وتحلمو فيها هههههههههههههه :: |
الله يــكـتــب لك الخـيـر عـاجلاً غــيـر آجـل عزوبي:21: بس:d رجل:30: |
اقتباس:
اللهـــــــــــم آمين .. ومن يقـــول يارب .. منـور اخـوي عــــزوبي .. لاتنسى تآخذ السيـاره والباتشي والورد .. بما انك رديت علي .. :d :: |
ما في غير لكزس؟...... ما في رنج ؟ طيب بنتلي ؟؟!!!
اللهم أرزقها مع كل خفقة قلب وطرفة عين فرجاً..ومخرجاً..وعفواً..وأمناً..وإيماناً يا رب العالمين |
شوفي بالنسبة للمرض انا اعتقد مرضة عادي مافيه شي بالعكس يمكن يكون خاتم بصبعك ويحبك بجنون
لان اللي فيهم اذا حبو احد يحبونة بشكل غير طبيعي واعرف ناس كثيرين زي كذا بس انا اللي ماعجبني بالرجال هذا انه مامعة الا ثانوي مدري بس اشوفها مو حلوة انا لو اني مكانك ماوافقت مو عشان العيب عشان مكانته الاجتماعية الله يوفقك ويوفقني ويزوجني |
الخيرة فيما اختاره الله ..
الله يكتب لك الخير وين ما كان يا قلبي ~ |
الحمدالله الخيرة فيما اختارة الله
كنت حاابة اعلق من قبل واقوولك ارفضي بس خفت :24: لأنة ماشاء الله انتي وااعية وتستااهلي كل خير وهو ربي يشفية ويرزقة بزوجة صااالحة ربي يعووضك ويرزقك بفاارس الاحلاام الي تحلمي فية ياااارب |
اقتباس:
أسأل الله العلي العظيم أن يعوضك خيرا ويرزقك الزوج الصالح التقي عاجلاً غير آجل .. يــغــلــق .. |
| الساعة الآن 07:28 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©