من بيئتي
و من اختلاطي بالمجتمع بشكل عام ( قبيلي و الا غير قبيلي)

إذا جينا نتكلم عن اللون >> مو مسألة النسب و غيره
كلن ياخذ اللي يناسبه
اللي يغلب عليهم البياض ياخذون بيض
و اللي يغلب عليهم السمار بدرجاته يخاذون نفس لونهم

و ذوي البشرة الغامقه جداً ياخذون منهم و فيهم

يعني كلن يدور اللي يناسبه و فيه ناس بيض جداً يحبون السمار و الفارق باللون عندهم ميزه و ليس من العيوب

انت قول حق رفيجك يسأل اخته شرايها في هالشي .. اذا قالت عادي عندها تقدم لها .. وشوفها نظره شرعيه اهم شي ترتاح لها وهي ترتاح بغض النظر عن اللون .. وبعدين السمار حلو على الريال .. انا بيضه وفي ناس يقربون لي بيض اكثر مني اغلب بناتهم ماخذين سمر والله عيالهم حلوين ماشاءالله .. عادي يعني اهم شي ترتاحون حق بعض ..

ابدا ياخي اعقلها وتوكل ولاتفكر في العوائق اولا =استخير الله قبل كل شئ

ثانيا= مهمه النظرة الشرعيه اذا كنت محرج انها ترفضك ويصبح بينكم حساسيه في الامر فاتح صديقك في الموضوع انك

تريد الزواج من اخته ولكن تخشى من هذا الامر واعطي صديقك صورة تكون مرتبه ليريها اخته ويشوف ردة فعلها ان وافقت

كان بها اذهب للنظرة الشرعيه وان لم توافق يادار مادخلك شر قله رجعلي الصورة من دون احراج انا راح افهمها على طول

وبعدين انتوا صحبه يعني ان شاء الله بينكم صراحه واالامور تمام
واخيرا اخي الفاضل بما انك تقول بانك غير قبيلي وهي ايضا غير قبيليه

فلامر عادي جدا كثيييييييير تحصل ولن ترفضك

وصدقني لو ذكرت انها قبليه كنت سأقول لك لالالا تقرب لاختلاف العادات والتقاليد وستصادف مشاكل لاحقا لكن في وضعك توكل على الله وان حصل رفض لاتربطه بلونك فالزواج دائما قسمه ونصيب

بالتوفيق يااخي وونتظر الخبر الي يفرحنا عما قريب ان شاء الله

توكل علي الله
وخليك واثق بنفسك

نفس الحاله اول ماحلق القى نفسي ناصع البياض بس اول مايطلع لي شعر يصير لوني اسمر الله كريم ومشكور على ردك

يأخ خالد

انا ابتكلم بعيد عن بياض وسمار وقبيلي وغيره ....

خويك هذا قاعد يلمح لك .......
ليش يلمح ؟؟؟
اكيد لانه يبيك لاأخته وهو شاريك واكيد عايلتها
سمعتك عنك مع ولدهم الي هو خويك

الاهم
ترئ الرجال ماقال الا ؤهو شاريك هو واهله واكيد ماراح يقؤل لك الا ؤخويك شاف اهله راضين بك كشخص عاقل متفهم ...
اجل يتكلم كذا

توكل علئ الله
وبتتذكر كلامي اذا وفقت عليك .

اقول ردك يرفع المعنويات مشكوره على الرد

اذا اخوها لمح لك اكيد ماعندهم مانع


اما رائي البنت فيرجع للشوفة

والله اعلم

بصراحة عجيب وغريبة موضوع العنصرية عند العرب بشكل عام

ملاحط كره بشكل عجيب وغريب لما تسموه انتم ( الاسود اللامع )

انا صاحب بشرة سمراء بل شديدة السمرة سعودي من اصل افريقي (من قبيلة الهوسا العريقة ) وفتخر بذلك ولسنا زنوج كما ادعى البعض منكم

وهناك الكثير من جماعتنا متزوجين بفتيات من البشرة البيضاء واذكر منهم خالي المتزوج بفتاة قبلية منذ قرابة الخمس سنوات

لاحظت ايضا احتقاركم للفتيات السمر وشديدات السمرة

كما انتم تحبون البيضاوات نحن ايضا نحب السمروات وان كانت فحمة على حد قولكم


وردي لكتاب الموضوع

اذا كنت انت محتقر نفسك بسبب لونك او شكلك فنصيحتي لك لا تقدم على الخطوة حتى لا تتعقد مثل صاحبك اما اذا كنت واثق من نفسك توكل على الله ما يعيبك شي اللون ماهو اعاقة ولا عاهه مستديمة

واذا هي ما قبلتك تذكر ان الله من قبل لا يخلقك كتب لك اللي ترضى فيك مثل ما انت مهما كان شكلك ولونك

خذلك من جنسك ونفس لونك احسن لك واسلم لك

والله يوفقك ويتمم لك على خير

اخ عبودي حفظك الله الفروقات موجوده حتى عند الغرب اليست هناك عنصريه شديده جدا واكثر من عندنا بكثير من اجل السود والبيض

انا لااقصد تقليل في الشأن ولكن الفرق موجود في العالم اكمله وليس العرب فقط

ثانيا سبب الرفض كثير مايكون بسبب الاطفال والانجاب مستقبلا فتفضل احيانا بعض العوائل ان تحافظ على لونها وشكلها وليس احتقار ابدا

ثالثا الزواج قسمه ونصيب اولا وكما قلت لم يخلق الله شيئا عبثا فلقد اختار له الزوجه من قبل ان يخلق هو


رابع تمت كثير من الزيجات بين السمر والبيض وكانت ناجحه سواء عندنا في السعوديه او خارجها وتمت زوجات بين اصحاب البشرة الواحده وكانتن فاشله فالعبرة ليست بأاختلاف لون البشرة بل بلقبول والحب والتفاهم والتقارب في كل شئ



مايهم في الزواج التكافئ لانه عامود الزواج وان لم يكن هناك تكافئ ممكن ان يكون رضا بداية الزواج فقط ولكن بعدها تبدأ المقارنات سواء في الوضع الاجتماعي او التعليمي او المادي



ايضا كثير من القبائل لايتم الزواج الا من بعضهم البعض ابناء العم ابناء الخال وهكذا لايخرجون ابعد من قبيلتهم نهائي لااسود ولا ابيض حتى لو نفس لونهم

اذن هذي مفاهيم وقناعات وعادات يمشي عليها بعض من الناس و قد بدأت تتلاشى بتلاشي كبار السن في العوائل ممن يتمسكون بها

تحياتي لك

والشكر موصول لصاحب الموضوع الذي نتمنى اخبارة الساره قريبا ونقوله انت قاعد على الموضوع الحق يااخي قبل لاتطير البنت

شكرا للجميع على الردود

طيب يا أخوي خالد ..

موضوعك طول .. للحين وانت تقول مشكورين

شنو صار معاك .. للحين ما تقدمت للبنت ..

طمنا على أخبارك .. والا ما تبي تفرح اخوانك

الله يوفقك يا اخ خالد ..ورأى انا انك تلمح لاخوها اذا كنت واثق من احساسك ..والافضل اشوفه انك تبحث عن صديق ثالث لكما صاحب خلق ودين وتخليه يتدخل ويجس نبض صاحبك اخو البنت يعنى لا تفاتحه انته خل خويك يفاتحه وهنيه بتعرف الموضوع صراحا.:11:

من قال ان الخضيرين بس اشكال والوان حتى القبائل نفس الشئ وش هالنظرة القاصرة عند البعض

شوف يااخوي انت توكل على الله ودامه يلمح فهو شاريك وفيه بعض البنات تفضل الاسمر على الابيض

لا تتحطم ولا شي اكيد ماراح يقولك زوجتك عندي يمكن انك خطبت وخلصت ولا عندك عروسه كيف تبغاه يفشل نفسه لالا عادي جدا وبعدين اذا انت خطبت ولاسمح الله ماحصل نصيب عادي لكن لو عرض اخته وماقبلته هذي يمكن احراج له

يالله توكل على الله السبت وبشرنا احنا متفائلين خير وبأانتظارك

:23:

صراحة موضوعك لو طول شوي حتصير في مشاحنات مالنا فيها بين الاعضاء ياجماعة احنا كلنا عرب مسلمين لافرق بين قبائل ولاحضر من جد انا استغرب ليش في تفرقة بينا بالرغم من اننا كلنا اولاد بلد واحد خلونا عاد من هذي الافكار السيئة
وبالنسبة لك اخي خالد انا خوفي كل هذا وماتعجبك البنت يعني اذا وافقت عليك انت بتوافق لاتربط موافقتك بموافقتها يمكن البنت تكون اسمر منك تخيل بس .......توكل على الله واستخير وبشرنا والله يوفقك يارب

ننتظر الاخبار الله يسهل امرك.....

بصراحة انا اتمنى اسمر او اسود عااااااااادي

الحمد لله
ردي بشأن موضوعك سابقأ كان في محله وهو
بأأختصار

ان اهلها شارينك لان صديقك قاعد يلمح لك ....وهو قال نتشرف بك والبنت تبي تكمل دراستها ....


وبأذن الله ردي الي ابقؤله لك الان يتحقق مثل الاؤل ..

البنت بأذن الله موافقه عليك
اشك

لان اخوها واهلها يبؤنك لبنتهم ...شكيت لانه قال البنت تبي تكمل دراستها ؟؟؟؟وانت وافقت

فخلاص

هذا كان قلق البنت انك ماتوافق
وانت الان وافقت

انتظر فقط الاجابه ولي شك انها راح توافق ...لانها بتشؤف اخوها الي هو صديقك متحمس لك ويمدحك ويعرف اخلاقك وعادتك ,,,واهلها بعد بيتأثرؤن بكلام ولدهم ويعجبون بك....

وبأذن الله البنننتتتتتتتتتتتتتتتت بتوافق...


وبتتذكر كلامي بأذن الله .

تحياتي للجميع

بلتوفيق ان شاء الله.

عليك بلدعاء بتيسير زواجك.

اخ خالد الله يختارلك اللي فيه خير لك ادعي الله واستخير والله يسهل امورك يارب ولاتنسى البشرى