|
نقل للمقبلين على الزواااج مكانة الااانسب
|
حبيبتى ايه اللى اجبرك انك تستحملى كل ده وتستمرى معاه
انا من رايئ انك تتركيه طالما هو مش عاوز يكمل وانتى حاولتى معاه وهو برضه مش عاوز يكمل ايه اللى يخليكو متمسكه بيه. بيتقولى وقت الخطوبه كان بيقعد معاكى بالساعات وبعدين يروح وتتكلموا عالنت او بالتليفون ؟؟ طيب فين كل ده ...فين الحب هوه أختار أولاده وحياته الاولى وانتى مش ممكن تلوميه على ذلك وده عقل منك لما قلتيله مممكن أتزوجك ومراتك على ذمتك عادى وهيه تكون فى بيتها لكن صدقينى الوضع لن يكون بهذه لسهوله مراته الاولى لن ترضى بزواجكم وستصبح حياتكم انتوا الثلاثه جحيم وحتى الاولاد معكم طب ليه كل ده ...!!!!! أبعدى وخلاص زى ما قالك الشيخ وبعدين حبيبتى أنتى عرفتى موضوع قلبه وان العلاقه الزوجيه ممنوعه عليه ....زوجته فاهمه كده وعندها عيال يعنى ممكن تعيش بدون علاقه لانها تحبه لكن انتى صغيره وبدك حياه زوجيه طبيعيه وبدك عيال ....وكل هذا ستشعرين به بعد فتره لو استمر الزواج وساعتها مش هتقدرى تتكلمى ولا كلمه ولا حتى تعترضى لانك انتى اللى أخترتى هذا الوضع رأيئ أتركيه فورا .....والله بسهله مع زوجته وأولاده وانتى باذن الله ربنا هيرزقك بنصيبك بأذن الله[/SIZE][/SIZE] |
السلام عليكم
الله يجزاكم الخير و يبعد عنكم كل هم و ضيقة كلامكم و نصائحكم فادتني كثير , و خلتني افكر بمستقبلي بشكل اوضح والحمدلله توصلت لقراري النهائي , بتطلق منه حتى لو في حب صحيح اني بتعب ,بس اتعب من البداية ارحم من اني اتعب بعدين و الحين جالسة انتظر اتصال منه عشان نروح المحكمة نتطلق ادعولي ان ربي يصبرني و يقويني لأني للحين احس لو عاملني باسلوب كويس او قال اي كلمة حلوة عندي لسا القدرة على اني اسامحه و اعطيه فرصة و الله بعقلي عارفة ان هالشي غلط , بس مو بأيدي اني احبه اللهم اقسملي الخير في حياتي و ارزقني الرضا به |
الله يكون بعونك ويسهل امررررك...
|
اسأل الله أن ييسر أمرك ويعوضك الخير باذن الله
|
آمين يا رب الله يسمع منكم و يعوضني بالخير
تخيلوا جالسة الحين بس ابيه يتصل عشان اروح و اتطلق حاسة ان هالامر هم و ابيه ينزاح عن ظهري لكن للحين ما كلمني , و ماني عارفة اتصل فيه ولا اخليه ؟؟ |
خليه فديت قلبك
اشغلي نفسك في شيء ثاني ولا كلمي اهلك يتواصلوا معه بيني له انك صامله وما رح تغيرين رايك |
اقتباس:
بخليه و لو ما اتصل اليوم برسله بالليل مسج اني ابيه يخلص موضوعنا قبل ما يسافر لأنه بيسافر برآ السعودية لمدة شهر تقريباً و ما ابي اهلي يتواصلون معاه لأنهم مو راضين على موضوع الطلاق هم ما يبوني اتطلق للمرة الثانية و يحاولون اني استمر معاه رغم انهم عارفين انه متقلب و الحين جالسة اشغل نفسي بهالمنتدى و سلمت امري لله وحده |
عوضك الله بخير منه ورزقك بالزوج الصالح التقي المحب واشغلي نفسك ودعي التفكير
|
يآحيـاتي ~ الله يصبـرك ياغلاي ~ والله اني حااااااااااسه فيـك ~ وعارفه وش كثر تعانين ؟~ وكيف تحسين ان كل الي حولك قاعدي نهاااار .. والله لو بوصف متأكده اني راح اوصف شعوورك ؟~ بس المهم الحين : انك تعرفين ان الله شااااااااااايفك وعارف ضعفك صدقيني بأذن الله مايخيب رجآاك بالكريم الحليم الحي القيـوم ~ الحمد لله اننا مسلمين ونعرف انه كل ماصابنا هو خير لنا واذا صبرنا لنا اجـر واذا شكرنا لنا اجر ياااااارب لك الحمد ~ حبيبتي .. خلاص خليك قـويه ؟ انتي عارفه انك تبغي تعيشي حياة كويسه تبين تكونين زوجـه مستقره وحياتك تكون سعيده ! وانتي عارفه وواثقه ان هالأنسـان ماراح تعيشي معاه بهالشكل .. بس الآن نبيـك تسجدين لله وتدعين من كل قلبك ان الله يعوضك خير ولاتنسين هالدعـاء ( اللهم آجرني في مصيبتي هذه واخلفي خيـراً منها ) وادعـي بهالدعاء انصحك فيه انتي وباقي الأعضـاء وانصح نفسي .. بعد { اللهم اني اعوذ بك من زوال نعمتك وفجاءة نقمتك وتحول عافيتك وجميع سخطك } ردديه كل شـوي وكل لحظه ~ الله يفـرج همك ~ وبلغينا بكل مستجداتك ~ |
بصراحه
1- مرواغ وكذاب 2- مريض بالقلب ( الله لا يبلانا ويشفيه ويعافيه) وأمور كثيره - أقول استخيري الله والله يكتب الي فيه خير |
سحابة الصحراء دانتيل سعدون الوافي كل الاخوة والاخوات اللي شاركوني بالموضوع مشكورين يا الغاليين على مشاركاتكم الله يجزاكم الخير و يبعد عنكم كل هم وضيقة وضعي للحين ما صار شي ,,, لا اتصل فيني ولا اتصلت فيه شكل الموضوع تأجل ليوم السبت اهلي يقولون يمكن لما شافك موافقة على الطلاق صار يفكر انه يستمر لأن ما في شي يمنعه ان يروح يطلق بس الحمدلله اقتنعت اني ما اقدر اكمل حياتي معاه ولو جازف و تزوجته بتعب بحياتي ربي يخلصني من هالموضوع على خير مع اقل الخسائر النفسية |
الله يكتب لك الخيرة ويرزقك بالزوج الصالح المحب وعوضك الله بخير منه
ولاتنسي الدعاء والاستغفار |
اختي قصتك قريبة من قصتي ارجعي للصفحة
http://www.66n.com/forums/showthread.php?t=193887 انتي نفس وضعي جاني وهو مطلق ثم رجع زوجته .. وماكنت اتوقع اني اقدر اعيش بدونه .. اختي الواحدة منا تبي تتزوج عشان ترتاح ولا عشان يزيد همها ومشاكلها ... نصيحة نصيحة نصيحة اتركيه .. مادام انه فيه لف ودوران والله حتى مثل خطيبي ... ولما تركته ارتحت .. ولا بيكون فاضي لك والله .. ربي يعوضك ويعوضني بالرجال الصالحين اللي يقدروا معنى الحب ومعنى الاخلاص ... |
سحابة الصحراء
آمين الله يسمع منك و يعوض كل مسلم بالخير |
اقتباس:
قصتي تتشابه مع قصتك مع اختلاف بعض التفاصيل البسيطة لكن من ناحية اختلاف التعامل و الفاجعة بالرجل مصابنا واحد قهرررررررررر لما تكون الوحدة كل شي يتمناه الرجل و فجأة تحس انها شيء موجود ع الهامش ماله لزوم و الأفضل يتخلص منه الله يعوضك و يعوضني خير الحمدلله قرار الإنفصال قد تم البت فيه بشكل نهائي لكن باقي تفاصيل انتهاء الموضوع اسأل الله أن يصبرني و يخفف عني مصيبتي و يبدلني خيرآ منها مشكورة غاليتي بجد حسيت انك في موضوعك قلتي كلام احس فيه بس ماني قادرة اقوله من التعب |
* جديد *
بعتبرها فضفضة مني لي و لكل انسان حاب يقرأ , كلامي طويل , بس حسيت اني سبحان الله هنا اتكلم براحتي يوم الخميس بعد المغرب ابوي اتصل فيه و قاله :وش جديدك في موضوعك مع بنتي ؟ قال: انا مسافر ان شاء الله برجع الجمعة , و اتفقوا يلتقون الجمعة بالليل و فجر يوم الجمعة فجأة اتصل فيني , بصراحة انصدمت قلت وش فيه متصل بهالوقت خصوصآ بعد انقطاع مفاجئ رديت عليه يسلم و يتطمن عن احوالي بعدها, قالي ابي اقولك عشان تكلمين اخوك او ابوك نروح يوم السبت للمحكمة , و ننهي الموضوع ما ابيه يبقى معلق أكثر ... قلت له أبوي يقول انك متواعد تقابله يوم الجمعة , قال ما فيه داعي اقابلهم خلاص يا بنت الناس خلينا ننتهي بالمحكمة انا كنت مرسلة له رسالة و طلبت منه نتقابل عشان نتصافى و نتسامح لأني ما احب اطلع من اي مشكلة بحياتي مع اي انسان بدون ما اتسامح الدنيا فيها حياة و موت , محد يدري متى يومه ... كان موافق , وقالي اقابلك ان شاء الله قبل المحكمة بيوم قلتله طيب ما تبي تشوف ابوي , وموعدنا انا وانت اللي اتفقنا عليه قال خلاص ما في داعي نتكلم و اللي بيسامح يسامح على التلفون او بينه وبين ربه قلت:مافي داعي تكلمني ؟؟؟!!!! حسيت بقهرررررررررررررررررر ما اتوقع تحس فيه الا اللي عاشت زي قصتي (الله لا يعيشها لمسلمة ) قال شوفي اهلك وعلميني من بيروح معي السبت (طبعاً بناءاً على كلام الشيخ بالاصلاح معاه هو يحسب انه ما يقدر يطلق بدون حضوري مع احد من اهلي ) سألت أبوي و عصب و اتصل عليه , قاله انت متفق معي تجي ونتكلم الجمعة بالليل ليش تقول لبنتي ما تبي تقابل احد .. قال لأ بشوفك ان شاء الله و بنتفاهم , و خفف من عصبية ابوي لأنه من النوع الخواف جدآ و عآرف و سآمع أن اهلي مستحيل يسكتون عن حقهم و خصوصآ مع اللي يخدعهم ابوي يبي ينهي الموضوع بالطيب , وينصحني اسلم أمري لله و هو المنتقم و منع اخواني الشباب و عيال عمي من انهم يتدخلون , لأنهم كانوا يبون يتفاهمون معاه عشان خداعه لنا و كذبه علينا انا اكتب خواطر ادبية و تقريباً يومياً ارسله رسالة او رسالتين كل رسائلي كانت عادية ما بين حب و عتب و لوم و حنين لكن اليوم ارسلت له رسالة مؤلمة فيها تكلمت عن خداعه و كذبه على طول بدأت حرب المسجات بينا مابين هواش و رجاء و تهديد والله انواع الحالات مرينا فيها اليوم الصبح لكني الحمدلله ما استمريت بالانفعال هديت و ارسلتله اني بكلمه بهدوء و ما في داعي نستفز بعض بهالتعامل تكلمنا و ناقشته بهدوء و قلتله اسمعني من البداية موضوع الانفصال متفقين عليه و ما عادي في مجال ولا في امل للرجعة فيه انا لما قلت اشوفك القصد ابي اعاتبك و من حقي و بنفس الوقت ابي اطلع اللي بصدري و ارتاح و ننتهي بود مهما زعلت عليك ما اقدر اغلط عليك تكلمنا كثيييييييييير , و بهدوء الحمدلله قلتله انا لو كنت سيئة او عندي لعانة , كنت وافقت على طلاق زوجتك بشكل رسمي كشرط لزواجك مني قال والله عارف و اشهدلك في هالشي قدام الناس كلها و حتى زوجتي عارفة انك ما اسأتي لنا بالعكس انتي اللي فتحتي موضوع الانفصال عشان نرجع نربي عيالنا و قبلتي تخسرين في سبيل نرتاح احنا و اعتذر عن اللي صار و قالي الدنيا ما تدوم لأحد , و الله انا عاطفية بس بنفس الوقت عاقلة لما اتخذ قرار بموضوع , احط نفسي برآ و اشوف الوضع و اختار القرار الصح و مبسوطة لهم رغم ألمي لأنه رجع لبيته و زوجته و عيآله و خصوصآ انه مريض و محتاج يعيش مرتاح اهو اعترف ان مشاكل مع زوجته اغلبها بسببه وبسبب تسرعه و تصرفاته الثانية طبعآ هو يقصد اللف ة الدوران حلفلي بالله العظيم انه كان صادق معي في موضوع الزواج , وهالشي ما شككت فيه ابدآ لأن كل تصرفاته تدل على صدقه في الارتباط من تعجيله في الملكة و يدور بيت و اثاث و يلح عليي عشان اتجهز بسرعة و يحجز عشان حفل الزواج و شهر العسل و كان صادق في الحب , بس لما صار بيفقد اولاده ما قدر يكمل , لأنه عارف انه مستحيل يعيش بدونهم طبعاً اعترف بنيته اللي كان مخبيها , (كان يبي يحط ام عياله امام الامر الواقع بعد زواجنا و زي ما توقع انها بتعصب و بعدها بتتقبل الموضوع و ترجع , لأنه عارف اني ما اعترضت على هالشي ,عشان ما احرم عياله من ابوهم و امهم ) تفقنا نتقابل برآ و نتصافى و بعدها يكلم ابوي عشان موعد المحكمة مو راضي يجي البيت ( يقولي ما اقدر اشوف أمك , لأن امي في المرة الماضية كانت تبكي و قالتله والله انت ولدنا و هذي بنتنا مو عارفين مع مين نوقف, مو قادر يقابلها و يشوف دموعها) و المفروض انه يجي قبل ساعتين , بس شكله ما قدر يجي اليوم من سفره ان شاء الله بيجي بكرآ و نتقابل و ننتهي بهدوء و طيب و احترام اشكر الله و احمده على نعمة الصبر و السكينة التي لولاها لهلكت ان شاء الله لما يستجد معي شي بكتبه بالموضوع .. لو في احد كان مهتم بمعرفة كيف بتنتهي العلاقة ....:) |
تابعت مشكلتك من البداية ...
كنت حاسة ان النهاية بتكون في صالحك ....صدقيني في صالحك ...تعرفي ليش ...لان الله سبحانه وتعالي مايكتب شيء الا في صلاح العبد ....وانتي لو تزوجتي هذا الشخص ...راح تتعبي كثير صدقيني ...راح يجي اليوم اللي تتمني انه ماكمل هالزواج .... عزيزتي الله سبحانه وتعالي لايخلق صغير او كبير الا ومقدر له رزقه ونصيبه ...وانتي ياعزيزتي نصيبك انشاء الله مع انسان يستاهلك ويحبك ويموت فيك بعد ....ولايتخلي عنك مهما كانت الظروف .... عزيزتي اكثري من قول الحمد لله وربي يوفقك ويسعد ايامك |
اقتباس:
الحمدلله , استخرت و استخرت و دعيت و وكلت امري كله لله و راضية بقضاء ربي و قدره و بالعقل عارفة انه زواج فاااااااااااشل , عشان كذا ما تشجعت ولا حاولت اضغط عليه بل على العكس تمامآ انا اللي فتحت موضوع الطلاق , رغم انه صعب عليي كأنثى , بس ضغطت على قلبي في سبيل ما اعيش بتعاسة هو صحيح كرجل محد يقدر يغصبه على الزواج , بس حنا بعاداتنا وتقاليدنا يقدرون يجبرونه لأنه خدعنا و كذب على الرجال اللي احضروا في الخطوبة يعني بيتزوج عشان ما يتفشل و يفشل الرجال اللي جت معاه ابوي و اخواني سألوني تبينه ؟ بنجبره يتزوجك , قلت وبعد الزواج ؟بعيش مرتاحة اكيد لأ , صح يحبني و للأمانة عارفين انه كان وده نجبره او نطلب منه يتزوجني و ما نوافق على الطلاق عشان يكون امام زوجته مجبور بناءاً على عاداتنا و تقاليدنا لكن انا عندي كرامة و مستحيييييييييييييل اتزوج أي انسان الا لو يبيني ل/شخصي أنا و لحد الحين ابوي و اخواني يقولون لي , انهم عارفين و فاهمين ان زوجي وده احد بس يقوله بتتزوجه غصب عن زوجتك و ما نوافق تطلق بنتنا بس انا مو راضية , احبه على الرغم من كل شي صار وبنفس الوقت شايفة ان حياتي معاه صعععععععععععععبة جداً شخصيته المتقلبة و اختفاء مشاعره بشكل مفاجئ ,معاملتي بقسوة رغم اني ما سويت شي ابداً الخووووووووووووووف , بأمانة ما اتخيل نفسي متزوجة من رجال يخاف من أحد أبي انسان يخاف من ربه و بس الهنوف مشكورة يا غالية على تعليقك و تواصلك وتفاعلك مع موضوعي مدري قصتي والله لما اقرأ مصيبتي و مصايب غيري احس ان المسلسلات الدرامية ما هي إلا شي بسيط من واقع حياتنا |
يالغاليه
انا متابعه قصتك من اول والحمد لله ان ربك رحمك واتخذتي قرار من اول وانتي تقولين انك مو مرتاحه والحمدلله بعدين مع الايام صدقيييني راح تنسينه وتضحكين من افكار المتردده وتعرفين قد ايش انه مراوغلا وبياع حكي لقاءكم لأخير اختي انصحك لاتخلين العاطفه تطغى عليك وتعطينه لقاء أخير منك ومنه (أفهميها) انا مو قصدي شي بس انصحك لأنك بتندمين بعدين مع الأياااام |
اقتباس:
اشكرك على متابعتك و نصيحتك , الحمدلله ما صار لقاء عشاني خفت تنقلب الأمور الى مشاعر و حب و حسيت الموضوع بيتعبني اكثر من انه يريحني |
السلام عليكم و رحمة الله و بركاته محتاجة منكم النصح لأني مو عارفة وش اسوي ...؟؟ ارجو من أي عضو يدخل يعطيني رأيه لأنه بجد بيفيدني ... اليوم ما قدر يجي بسبب مواعيد عمل انشغل فيها , و طبعآ الأمور عندي بالبيت تطورت إلى مشاكل بيني و بين والدي عشان مؤخر طلاقي هو من حقي شرعآ و قانونآ , كلمته وقلت له بعطيه اكثر من نصفه و بخلي الباقي لي لأني اكيد بحتاجه في حياتي , خصوصآ بعد تجربتين زواج و اني بدون عمل وما ابي اطلب منهم مصروف بس النتيجة يبيه كله , كلمت زوجي و فهمته الموضوع و هو عارف طبع ابوي و فاهم قصده بالموافقة على الطلاق قالي انا حاليآ المبلغ غير متوفر عندي , بعد شهر تقريبآ بيكون معي ان شاء الله و بروح بكرآ المحكمة عشان اسأل كيف اطلقك بحيث اني اسجل مؤخرك كدين عليي و اعطيك فلوسك في موعد يتم تحديده و تسجيله في المحكمة قالي لو تحبين تروحين معآي تعآلي , كلمت اخوي وقالي خلينا نروح و نسأل و نفهم كيف تتم الإجراءات ابي منكم قبل ما تجاوبوني تعرفون اني افكر بمسألة المؤخر , كحق لي , بسبب زوجي تضررت , لأننا ما عندنا في العايلة بنات تتملك و تتطلق بدون زواج , خصوصآ انهم يسمحون في فترة خطوبة و طويلة... يعني البنت اللي تتملك و تتطلق بدون زواج , الاغلبية بيتوقعون انها سوت شي خلى زوجها يطلقها ... و انا هنا اتكلم عن مجتمعي و عائلتي و اقاربي .... بسأل اللي عندهم معلومات عن اجراءات الطلاق في السعودية ... هل يقدر الزوج يطلق زوجته بدون ما يدفع المؤخر مباشرة و يطلع صك الطلاق ؟؟ لو وافقت على تأجيل موعد استلام المبلغ , كيف اضمن حقي منه ؟ وش الطريقة القانونية اللي ممكن اسويها عشان لو فكر يتهرب من الدفع ؟؟ ارجو منكم تجاوبوني باللي تعرفونه عن هالأمور , لأني ان شاء الله بروح مع اخوي و زوجي الصباح للمحكمة .... صليت و استخرت ربي , و ان شاء الله يوفقني الله للخير و يصرف عني الشر محتارة و مترددة و خايفة من زيادة المشاكل مع والدي , يارب خفف همي و افرجها من عندك |
شكرا على رجاحة عقلك
وعلى اسألتك ما أدري يمكن يردون عليك الأعضاء؟ |
مهرة فارس>>>طمنينا شو جديدك؟؟؟وشو صار ؟؟؟ أتمنى لك كل التوفيق قلبووو دفااا |
سهل الله امرك ووفقك الى مافيه سعادة لك طمئنينا عليك
|
ربنا يسهل امرك ويفرج همك
|
مهرة الفارس
نظام الطلاق عندنا بالسعوديه . الذهاب الي مكمة النكاح بالرياض بالقرب من شارع التحليه بالعليا وطلب موعد طلاق واحضار شاهدين مع الرجل بدون وجود المرأه يقوم الرجل بطلاق زوجته ويكتب بالصك متى كانت الطلقه الاولى ومتى كانت الثانيه ومتى اكنت الثالثه (الاخيره) لايوجد بالسعوديه نظام المؤخر , ولكن يجب عليك تقديم شهاده الزواج التي يوجد بها شرط المؤخر كـ اثبات لكي وللعلم ان صك الطلاق(ورقة الطلاق) تستلم من قبل والد الزوجه او احد إخوانها عند استلامك ورقة الطلاق يجب عليك المطالبه بشرط المؤخر بمحكمه النكاح اقتباس:
هذا مالدي واسأل الله ان يكتب لكِ الخيره في الأمـــر |
اقتباس:
ان شاء الله بطمنكم عن اخر اخباري |
اقتباس:
آمين يارب , الله يسهل أمرنا جميعاً مشكورة يا الغلا على مرورك |
اقتباس:
مشكورة لمرورك |
اقتباس:
كلامك صحيح و قد استفسرت بالمحكمة و قالوا لي نفس الشي |
* جديد *
اشكر كل اللي متابعين موضوعي و يسألون عني و يتطمنون... و سامحوني على التأخير , بس انشغلت شوي وما قدرت ادخل النت ... يوم الأحد رحنا المحكمة و بدأ بمعاملة الطلاق و جهز الأوراق سألته كيف بتسوي عشان المؤخر , قال ما عندي المبلغ بسجله لك بعد شهرين جلست انتظر مع اخوي برآ و تأخرت الأوراق و اضطريت امشي عشان مدرسة أختي بعد ما مشيت كلمني زوجي قالي القاضي يبيك تجين , بس دقايق , قلتله انا ما اقدر ارجع اختي طلعت من المدرسة و تأخرنا عليها قال طيب بكرآ بنجي المحكمة و نكمل الطلاق , وافقت لما رجعت البيت تكلمنا وقلتله اكتبلي شيك فيه عشان ما تصير محاكم و قلق و وجع راس قال شيكآت ما عندي , بسجل في الصك اني بسدد بعد شهرين استشرت محامي و قالي نفس كلام الأخ انسان ولهان و اني بعد ما استلم الصك اروح المحكمة و اطالبه وما يهم المدة اللي هو مسجلها على نفسه و قالي المحامي : خلال شهر بالكثير بيخلص الموضوع ان شاء الله لأن المسائل المالية بين الزوجين المحكمة ما تأخرها بكرآ الأربعاء موعد الطلاق و ان شاء الله بشوف وش رأي المحامي مو حابة اطالب عن طريق المحكمة , بقول لزوجي يسجلها بشيك بأي وقت يبيه و افتك من المشاكل الله يخلصني من الموضوع بخير و الله والله تعبت ومحتاجة ارتاح اللي متعبني اكثر , ان الناس للحين محد يدري عن الوضع يحسبون اننا نكمل تحضيرات الزواج و نجهز للحفلة |
من حكمة الله سبحانه وتعالى ان جعل الطلاق نهايه الامر وفراق بين الزوجين ليرى كل الطرفين طريقه الجديد
اسأل الله ان يختار لكِ الزوج الصالح , وان يجعل ما اصابك آخر احزانكـ وبدايه انفراج الكربه وبدايه حياة سعيدة بحد علمي ان القاضي لاطلب الزوجه ابداً في موضوع الطلاق لان الرجل طلق وانتهى . ننتظر اخرالمستجدات منكِ اختنا الفاضله |
السلام عليكم و رحمة الله وبركاته اسفة على الانقطاع المفاجئ و الطويل نوعآ ما .... تطلقت الاسبوع الماضي و الحمدلله على كل حال , اشكر الله و احمده اني ما تعبت و حاسة بارتياح و هدوء و راضية بقضاء الله و قدره ... اسأل الله أن يعوضني بالخير , ويعوض كل مطلقة بالرجل التقي اللي يخاف الله فيها .... |
اقتباس:
الله يعـوضـك بالزوج الصالـح الكـريــم عاجلاً غير آجـل عزوبي:21: بس:d رجل:30: |
اقتباس:
. . ان شاء الله ربي يعوض عليك .. وتتزوجي وتكون زواجة الدنيا والأخره .... لكن اذا ملكت على خيرررررر لا تخرجين معاه قابليه ببيت اهلك ... صدقيني أفضل لكي ... . . الله يوفقك ويرزقك باللي يعرف قيمتك .......... |
مهـــــــــــــره ~ الله يعــوضك خير ياغلاي .. وبأذن الله يجيك من الي يعوووض صبرك ورضـاك خير .. :: |
اقتباس:
وعليكم السلام ورحمة الله وبركاته أسأل الله العلي القدير أن يعوضك خيرا ويرزقك الزوج الصالح التقى .. وفقك الله لمايحبه ويرضاه |
اقتباس:
عوضك الله بخير منه بالزوج الصالح التقي الذي يكون اب اولادك ان شاء الله ووفقك الله لما يحبه ويرضاه |
الله يعوضك الخير حبيبة قلبي
الخيره فيما اختاره الله |
| الساعة الآن 10:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©