|
وينك يااختي طمنينااا....الله يريح قلبك ويفرج همك ويسخرلك زوجك...
|
قرأت موضوعك هذا والردود والموضوع القديم مع ردوده
بصراحة شيء غريب مو معقولة أبدااااا كل هذه المعاملة والعصبية بدون أسباب وبدون تراكمات أتمنى يااختي تصارحينا بكل شيء وبأساس المشاكل من البداية وهل صارت بينكم مشكلة من قبل حس فيها بالإهانة؟ لأن بصراحة البعض الله يهديهم يكتب المشكلة من زاوية وحدة ومايكتب لنا أساس المشكلة وأغلاطه وبكذا صعب جدااااا نساعده فإذا أردت أن نساعدك وتحلي أمورك وترتاحي أخبرينا بأغلاطك من البداية وماهي أساس المشاكل بينكم وأتمنى أن تجاوبيني على هذه الاسئلة بكل صدق: كيف هي علاقتك بالله من حيث المحافظة على الصلاة وعدم نمص الحواجب وسماع الأغاني وغيرها؟ وكيف هي علاقة زوجك مع الله هل هو محافظ على الصلاة جماعة؟ وهل زوجك عصبي وسيء منذ أن تزوجك للأن أم تغير فجأة؟ ألم تعيشي معه أوقات سعيدة أبداااا؟ أليست له إيجابيات وحسنات معك؟ ومتى تشعرين بأنه يحبك ؟ وكيف هي علاقتك مع أهله ؟ هل حدثت بينكم في السابق مشكلة كبيرة ؟ هل سبق وطلقك من قبل ؟ كم عدد أطفالك واعمارهم وهل تشعرين انه سيسعد لو تركتيهم عنده وذهبتي لبيت أهلك مطلقة؟ واسأل الله أن يسخركم لبعض ويسعدكم |
انا مستعده اسوي لك ايميل
بس خلي وحده من المشرفات توصل لك كلامي والايميل بس شلووون؟؟؟ |
أختي العزيزة نمبر 1..
لا أريد التعليق على زوجك ما يهمني هو أنتِ فلو لم تكن المشكلة منكِ وفيكِ لما تجرأ زوجك على التطاول هكذا.. يبدو أن زوجك عصبي جدا ومغرور ومتكبر وجبروت ولكن صدقيني أختي ما من زوجة ذكية لا تعرف كيف تتعامل مع زوجها أيا كانت صفاته, نصحك الأعضاء جزاهم الله خيرا في موضوعك السابق بالسكوت وعدم الرد ونفذتِ نصائحهم وها أنتِ تعودين ومشكلتك لم تحل, طيب لنراجع كلامك قليلا.. اقتباس:
اقتباس:
في انتظارك أخبارك.. |
انا اايد انك تروحي لاهلك وتتركينه يتأدب
بس ترى اذا طلعتي الطلاق يقع لانه حتى لو قالها بدون حلف تعتبرين طالق حتى لو قال : اذا فعلتي كذا فانتي طالق ... يقع الطلاق لو فعلتي هالشيء اما لو قال قبل يتزوجك ويعقد عليك .. لو نامت زوجتي فهي طالق يقع في بعض المذاهب ... يعني انتي وراحتك اذا تشوفي راحتك ببعدك عنه اطلعي من عنده بس الطلاق رح يقع وينحسب عليك طلقه |
وينك اختي نمبر ون .. طمنينا وش اخبارك .. |
شوفي حبيبتي ام جمانه الحمدلله علاقتي مع الله كويسه000اغاني مااسمع حواجبي اشقرها صراحة
علاقة زوجي مع الله كويسه يصلي جماعه لكن المغرب مايروح احيانا نايم 0000 زوجي اول ماخذته كان عصبي بس مو مره زي الان 000يعني من بعد مانقلنا احنا هنا المدينه الا فيها اهله واهلي متغير مره0000 عشت معاه اوقات سعيدة بس صدقني كلها قبل ماننقل هنا00 اايجابيته كان كريم وحنون وطيب0000 سلبياته عصبي استفزازي يحب اطلعني غلطانه0000صاير لئم يتعامل معاي ب لعانه0000 صراحه مااحسة بحبني يمكن اول بس ذحين متغير احسه يكرهني واسلوبة احسة يبغا يطفشني ويجي الغلط مني واطلع انا من حالي000 علاقتي مع اهله كويسه وكم مره اعزمهم واكلمهم قبل فتره اتصل عليهم مايردون رجعت اتصلت كذا مره0000 بعدين قلت اهلك طيبين قال ليش قلت اتصل مايردون000قال قلت لهم لاحد يرد عليك000 مشكلة كبيرة لمن ضربني وقلت لاهلي بعدها اعتذر واتغير بعدين رجع000يقولي طللعتي مشاكلنا للناس كرهتك 0000 ماعمره طلقني0000 اكيد بينبسط بعدين اولادي صار يحرضهم علية يعني تعرفين الام لمن يعملو حاجة غلط اخاصمهم والا لاتعملون كذا عيب000يقولهم امكم مجنونة ما تحبكم 000يوديهم البقالة الملاهي000 ولدي قبل يومين يقولي مااحبك احب بابا يوديني الملاهي ويشتري لي العاب انتي موحنونه000 صراحة بكيت لحد ماتعبت000وحاولت افهمه00 حبيبتي اميرات اخذت جواله وصحي قال جيبي الجوال000اليوم صحي الساعة 8 قال هذا الجوال خذيه في مين تبغين اتصل قلت اهلي قال شوفي بتتصلين ياخذونك مع السلامةورقتك اقسم بالله ثالت يوم توصلك 000اما يجون يتفهمون ماابغا اتفا هم مع احد0000 رميت الجوال وقلت اشبع بجوالك000اهلي اصلا مايشرفهم يتكلمون معاك 000انا معاي الا اقو منك رب العالمين000 ورقتي بتعطيني اياها وانا في بيتك0000روح المحكمة وطلق وانتهينا0000 ومعاك اسبوع اذا ماجبت ورقتي والله العظيم ماتلوم الا نفسك صلح ماابغا صلح وعيالك لاتهدديني خذهم ربيهم0000 ماتبغني جيب ورقتي واطلع0000انا مو لزقه ميتة على الحياة الحلوة معاك انا عشان العشرة وعشان الاولاد0000 والان ماابغاك لا تكلمني ولا اكلمك0000وخلك ادمي وجيب ورقتي00 وعلى الطلعه الحمدلله قبل لاتزوجك ماخليت على قلبي 000لا تحسب بنجن والا نفسيتي بتصير زفت ترا والله عادي000 قال اطلعي وتجبك ورقتك 000وصك الباب وخرج0 |
لاحول ولا قوة إلا بالله العلي العظيم
مو بكيفه مافي تفاهم ! يا أختي لازم تكلمين اهلك يشوفون صرفه معه الحياة ما تمشي كذا ابدااا بما انك بطيتي القربه خلاص .. انتظري عودته وقوليله بتصل باهلي خل يقول اللي يقوله ما عليك منه .. اتصلي فيهم وقولي لأخوانك يجون البيت وتكلمينهم قدامه احسن شي |
حلوووووووو .. ما قمت به ممتاز .. واذا رجع خذي جواله و اتصلي على اهله قبل ما تتصلي على اهلك عشان يشوفون صرفه مع هذا الرجال اللي مو طبيعي ابدا .. قولي له هذا بيتي و باخذ عدة طلاقي فيه .. انت اللي اطلع من البيت .. البيت من حقي و من حق اولادي .. الوضع ما ينسكت عليه ابدا .. والضعف و الخوف مع زوجك كمان ما ينفع .. اذا يبغي يطلق خلاص يطلق لكن العيشه بهذا الذل الله ما يقبل فيها .. خليك على موقفك لكن بدون ما تستفزيه .. طالبي بحقوقك فقط و هو البقاء في البيت و هو من يخرج منه اذا اراد .. لكن اذا اراد البقاء في البيت لازم يعاملك بالمعروف او ينقلع من البيت .. قوي قلبك يا اختي .. و لا تقبلي بالذل لانه راح يدوس على رقبتك .. و طمنينا عن اخر الاخبار .. |
اقتباس:
هل مسويه شي من قبل وحقد عليك |
نصيحتي خذي اغراضك وروحي لهلك اسلوووبه مره مهييين نرفزني خلاص اختي روحي عند اهلك والله يعوضك خييير ولا تنهان كرامتك
الا والكرامه اختي لو بتضلين عنده راح يهينك اكثر واكثر وحتى لو صلح بينكم شي ضمنك انه ماراح يهينك مره ثاانيه انا ماابي اسيئ الظن بس شكله شايف شوفه له من كلامك عنه انه بس يبي يطفشك من البيت الله يعوضك خيير يارب ويصبرك |
لااااااااااا لا تخرجي اياك ثم اياك
غلط نعم غلط غلط لا تخرجي من البيت ابدا ابداااااااااااااااا ابقي في بيتك لازقة زي ما قال ولو عايز هو يخرج وهو يطلق لكن انت ابق في بيتك بصراحة انا من رايي دا عايز تنقلعي من البيت والورقة توصلك ثالث يوم ورابع يوم يروح يتزوج نعم دا اكيد بمعاملته هذه عايز يتزوج عليك لكان قوليلي كيف ان زوجك اتغير كدا فجاة فيقي يا عمري واصبري ولا تخرجي حتى المحكمة لو حكمت وعدلت بينكم مالكي اي حق لا في النفقة ولا في شئ لانك انت المخطاة انت من خرجي يعني ابقي بيتك وصلي وادعي ربنا اللي فيه الخير يجيبو ربنا وطمينا عليك يا عمري والله وقطعتي قلبي الله معك |
اتفق مع الأخت أميرات
|
بيتك ما تطلعين منه ابد
اذا هو بيطلق ولا ما عاجبه هو يطلع بس وحتى لو لا سامح الله طلق ما تطلعين خليك قويه واستمري و اثبتي على موقفك هذا |
ماشاء الله عليك
حركتك حلووووووووه والله بردتي قلبي فيه يبط الكبد تبطيط ..... والله حرق دمي وانا ماسكه اعصابي اخاف ارد رد ويعصبون الاعضاء .. ولا اتسبب فيك ببصراحه لو اني مكانك اسوي اكثر بس ردك حلووو وعقلاني خليه يتأدب ويعرف انك مو ميته عليه وان الطلاق عادي عندك هو كل شوي يهددك بالطلاق لانه عرف انه نقطة ضعفك صدقيني كلامك اللي قلتيه حلووو كثير ولما يكلمك وهو راجع عيديه عليه لو استلزم الامر حتى يعرف ان الطلاق مو نقطة ضعفك وحتى يخاف انه يخسرك .. لما يستفزك بعدين قولي له لاتكلمني وروح جيب ورقة طلاقي ... غير كذا ماعندي ومابي اتصالح معك ولا اجيب اهلي يتفاهمون معك انا غسلت ايديني منك وعيالك اشبع فيهم بس طمنينا وش صار معك |
ياعمري عليك والله العظيم دايم لما أقرى لك مواضيع أحس نفسيتي تتعب حسبي الله ونعم الوكيل على كل ظالم
يعني مو كافي أسلوبه المهين لك كمان يحرض أولادك عليك !!!!!!! حسبي الله ونعم الوكيل زوجك ياأنه مسحووووووووووور أو أنه شايف له شوفه ويبغى يطفشك عشان يخلاله الجو ويتزوج حبيبتي لاتنسين الأكثار من الأستغفار ورددي دايم (ربي أني مسني الضر وانت أرحم الراحمين ) وحسبي الله لاأله أله هو عليه توكلت وهو ر العرش الظيم واتبعي كلام حبيبتي أميرات الله يجزاها الجنه لأنها ماشاء الله عليها تفكر بعقلها مو بعواطفها مثلنا |
حبيبتي الي سويتيه صح ***
الله يبيض وجهك عجبتيني *** انتي الحين قوي قلبك ولا يأثر فيك خروجه واذا رجع خليك عند كلامك ولاتبينيله انك خايفه او متوتره بيني له انك خلص طفح عنك الكيل وطفشتي منه وان الطلاق مو نقطة ظعفك بس الله يخليك اسمعيني ونفذي انتي الحين بمشكله وابليس لكم بالمرصاد يمكن زوجك يسويها ويطلق انتي اتوضي وصلي واشكي همك لربك هو وحده بيعينك ويختارلك الي فيه الخير وادعي من قلب ان ربي يسخركم لبعض ويبعد عنكم نزغات الشيطان ويهدي زوجك وينور قلبه وعقله ويرده لك ردآ جميلا واكثري من الاستغفار500مره 1000مره خلك قريبه من ربك وصدقيني ربي مابيضيع تعبك ودعائك ونجواك*** الله يكتب لك الي فيه الخير ويوفقك** وانا برضو مع كلام الاخت اميرات يعني بينيله انك قويه وماترضي المذله ترا الرجل يحب المرأه الي ماترضى بكرامتها وكرامت اهلها بس لاتطلعي من بيتك عشان اذا طلعتي يقع الطلاق انتبهي *** |
هاه يا اختي الله يخليك طمنينا عنك اش صار معك***
|
شوفي يا اختي حتى لو خرجتي من بيتك قد لا يقع الطلاق لانه مجرد تهديد او قد ينكر زوجك انه هددك بالطلاق ان خرجتي .. او قد يقول انه هددك بالطلاق في ساعة غضب و الطلاق في الغضب قد يقول البعض انه لا يقع .. لكنك تعتبري ناشز بخروجك خاصه انه ما في شهود على عنف زوجك اللفظي لك .. اهم شي انك تبقي في بيتك و زوجك هو اللي يخرج اذا اراد ذلك .. |
ما هذا الزوج ؟؟ زوجك لئيم جدا . الله يصبرك . لكن هذا الموقف لا يلزمك السكوت عليه فبأس الزوج الذي يطرد زوجته و يهددها بالطلاق. "إمساك بمعروف أو تسريح بإحسان" هكذا قال تعالى. أيضا زوجك يلزمه صدمة حتى يرجع إلى رشده. العلاقة الزوجية علاقة إحترام و ليس علاقة إستضعاف . حتى طاعة الزوج هي من منطلق الواجب و طاعة الله و ليس من منطلق الإستضعاف أو الإستعباد. لا تعوديه على الخضوع بهذا الشكل لأن زوجك سيئ العشرة و لا يقدر نعمة الله حق قدرها. لا أقول لك تطلقي و لكن يلزمك وقفة حازمة جدا عله يرجع . و إن كان ميؤوسا منه فالأمر أمرك وحدك و لك إختيار مصيرك.
و ليس لي إلا أن أدعو الله أن يسخره لك. |
انا الحمدلله صابرة ومحتسبة 0000ومو طبعي الانهزمية او اضيع حقي0000
بس من دخل البيت وهو ساكت ماتكلم 000وانا مع الاولاد اضحك واتكلم0000 طبعا عصب عشان الاولاد ازعجوه 000قال ماتسكتينهم رديت علية قلت اش اعمل يعني وطنشته000 خرج المغرب وقلت لبنتي اعطيه يجيب لي الشامبو والكريم لحقته البنت وقالت بابا جيب لماما كريم وشامبو0000 شويه دق جرس البيت ردت الشغاله قالها انزلي اعطها الكريم والشامبو ومشي0000 |
اختي نمبر ون عذرا على السؤال ... واذا حبيتي تجاوبي عليه او اعتبري نفسك ما قرأتيه .. اين نمتي البارحه في غرفتك ام مع اولادك ؟؟؟ |
ايوووووه ***
شفتي معناها اسلوبك وكلامك جاب نتيجه*** الحين هو يفكر مو مصدق انك ماهمك الطلاق ومستغرب جديتك خلك على ما انتي عليه وحتى لو حاول يخوفك بصراخه لا تضعفي *** |
ماشاء الله على صبرك
واتوقع زوجك فيه حاله نفسيه مو طبيعي ابدا قريت موضوعك السابق وكل الردود وموضوعك الحالي ايضا انا كنت متابعه من قبل موضوع كان لك بس ما ادري وين راح ياليت اتعلم من صبرك ولو اني مكانك كان من زمان جايبه احد من اهلي يتفهمون معه ويحدد مصيري وما اعيش عشه مره معه ... |
اختي نمبر وين وينك ؟؟ |
هلا حبيبتي اميرات موجوده بس كنت تعبانة00000
عادي راح اجاوب عليك نمت عنده بس ماكلمني ولا كلمتة0000 |
حبيبتي ياليت تطمنينا عليك اول بأول
ولا تردين على كل اسئلته وصراخه يعني طنشيه كانه ماتسمعيه .. لما يهاوشك على شيء لاتردين عليه قومي من مكانه وروحي مكان ثاني .. وسوي اللي قال لك عليه على راحتك ولاتحطين عينك فعينه ... انا انتظر جديدك .. اول مايصير شي طمنينا تصدقين انك ادبتيه بس باقي فيه جرأه انا لما اتزاعل مع زوجي ماعطيه وجه والعب مع ولدي او اسوي اي شي بس ما كلمه الا للضروره اغلب وقتي ساكته ولما يتضايق من الازعاج يهاوش ولده .. وان هاوشني طنشته وقمت من مكاني بعدين يصير مايتجرأ يرفع صوته او يتأمر علي |
طيب حبيبتي الملاك يونا ماتنصحيني اروح لاهلي 0000
ارتاح منه وخلي العيال عنده0000 |
اختي احييك على طريقتك
فعلا هي الطريقه المناسبه مع الازواج من نوعيه زوجك و حتى الازواج الغاضبين ان المشكله لديهم انت استمري في حياتك بشكل طبيعي و امرحي و افرحي مع الاولاد هو من يتذمر ويشكو ويجد لنفسه العلاج يخرج من البيت يذهب لاهله يذهب لاستراحه وكلما هددك او اخبرك بان تخرجي و انك لا كرامه لديكي اخبريه ان البيت بيتك ولن تخرجي منه و اذا اراد فليخرج هو لانه هو المنزعج من وجودك بلبيت و اطلبي منه ان يخفض صوته لان الاطفال نائمين او لانها تؤثر على نفسيتهم سيزيد هذا من شعوره بمدى سخافته مع احترامي للرجال نامي في سريرك و اذا ازعجه فلينم هو في مكان اخر اعدي الطعام و استدعيه لياكل رفض لا تتركي شيئا على الطاوله او تخرجي من الغرفه لياكل هو و الاولاد اجلسي و كلي و اشربي الشاي و ارفعي الطعام عند الانتهاء منه يتصرف الرجال كلمراهقين كانهم في بيت ذوهم ،،،، لكن الفرق انك زوجته ولست امه للتتحملي مزاجه و عصبيته ياخذو وقت حتى يتعودو على هذا النمط الم يقولو ابنك على ما تربيه وهذه نتيجه تربيه امه الدلع الزائد و الجري وراءه لترضيه اذا ما انزعج و الان دورك زوجك على ما تعوديه ،، اولا و اخيرا لمصلحته وليس لكيد النساء ،،،، اليس كذلك:25: |
حبيبتي
انتي في قرارة نفسك في شي وااااااااااااااااحد هو اللي راح يريحك .. بس قبل لا تسويه استخيييييييييييييييييييييييييييييييري ثم ابدئي بتطبيقه .. .. الصبر مع الايام ينفذ فهل انتي شايفه ان رصيدك من الصبر راح يكفيكي العمر كلللللللللللللللللللله ؟!!!!!!!!!!! الله يقويكي ويلهمك الرشااااااااااااااااد .. ت ح ي ا ت ي .. |
حبيبتي
انا من بداية مشكلتك كنت ابغاك تروحي لاهلك لانه يرفع الضغط بس انا اتوقع لو طلعتي الحين مايصلح لانه ماهاوشك مره ثانيه وذلك وقال لك روحي لاهلك ... انتي الحين خلك بالبيت وشوفي وش يقول لك ... وتصرفي حسب مايقوله زوجك ... اذا نفذ صبرك ..قولي له اليوم .. جيب لي جوال وان رفض قولي له : تقول تبي تطلقني .. متى تطلقني؟؟ ابي اخلص العده واطلع من البيت وان قال لك : اطلعي انتي اول ثم اطلقك قولي : لا انا مابي اكون ناشز ... بتطلق ببيتي وبخلص عدتي وبعدها بطلع بكل فخر وفرح وبعيش حياتي وبعوض نفسي عن عمري اللي دفنته معك ... اذا سألك وش اللي بتعوضينه ؟؟ يعني بتتزوجين غيري؟؟ لاتجاوبين عليه خليه يحرق راسه من التفكير ... خليه يتجنن وهو يفكر .. ياترى وش اللي بتعوضه؟؟ ويحتار .. يعني لهالدرجه الطلاق مو هامها؟؟ |
اختي شعاع من بعد اذنك حابه استفسر
اقتباس:
كيف ينفذ الصبر ؟؟؟!!! الانسان له مقدره كبيره على الصبر مع الابن في مراحل عمره المختلفه مع الاهل الاب و الام و الاخوه في البيت مع الخادمه و السائق و اذا عطل غرض مع صاحب العمل ومتطلبات العمل و الوظيفه في مدارس الاولاد في امور كثير كل هذه امور يصبر فيها الانسان ويتحمل ولا يتخلى عن مسؤليته فيها فكيف تفقد الزوجه صبرها كيف تتخلى عن بيتها و استقرارها وسعادتها وتشتت وتشرد الاولاد لمجرد عرض وقتي ومشكله مؤقته لم تكن موجوده سابقا امور كثيره يجب ان نفكر فيها قبل ان نتخلى عن مسؤلياتنا و الامانه الملقاه علينا ما في اسهل من التخلي عن المسؤليه لكن هل نتحمل تبعاتها ،،، تبعاتها اكبر و اصعب مما نتخيل ونحن لا نعلم الغيب احتمال الامور تنقلب 180 درجه بشويه تعب و صبر الله يجازينا ويكون كاتب لنا الخير الكثير لحل اي مشكله لا بد ان ننظر للبعيد |
انا اتوقع اخت شعاع قصدها
انها تروح لاهلها مو تنهي حياتها مع زوجها ..لا تروح تأدب زوجها .. ويكون الغلط عليه لانه هو طلب منها تطلع وطردها مرات كثيره واهانها وقال لها انتي ماعندك كرامه للحين جالسه بالبيت؟؟ فهي قصدها : انها تأدبه وتتركه ليما يجي ويتعدل ويتصلح وان ماتصلح الله يوفقها مع غيره |
الغربه مره كلامك ريحني000 الله يسعدك
وراح انفذة 0000انتي صادقة وصلتي للي بنفسي انا كان رحت ايش اجلسني بالذل بس دائما افكر براحه اولادي ومصلحتهم000وش راح يكون الوضع بعدين 0000 شعاع من نور والله ياعمري مافهمتك0000 اما صبري تدرين والله استمدة لمن اشم وابوس عيالي000واصبر0000 الملاك يونا الله يجزاك خير0000 |
الملاك يونا بس هو رافض يوديني لاهلي يقول السوق حق اهلك 0000
يمر ياخذك0000 لاني قلت له ماتبغني وصلني قال لا000خلي السوق حق اهلك يوديك000 |
هو توه قال لك .. ؟؟
اذا توه قال لك تروحين .. قولي له خلاص انا رايحه .. وبروح مشي لا اذل نفسي لك ولا اركب مع سواق اهلي اطلعي لحالك واخذي بعض الاغراض كانك رايحه فعلا وامشي قدامه ... شوفي وش يسوي اذا رفض تروحين اجلسي وتفاهمي معه بنفس اسلوبك انك تجلسين وهو يطلقك ثم تروحين واذا رضى تروحين وحسيتي بقهر داخلك .. ومقتنعه بالروحه روحي وانت تمشين لانه بيموت قهر اكيد يغار عليك من الشارع والناس اللي فيه ويحاتيك ولي رجعه .. تجربه سويتها مع زوجي ... |
اختي ما في شي اسمه كرامه المراه وكرامه الرجل
منفصله كرامتنا واحده زوجين كرمته من كرامتي والعكس الزواج فيه ميثاق غليظ اطلع الطرفين على اسرار و عورات و امور لم يطلع عليها الوالدين وهمه اقرب لنا بمجرد زواج الولد ولا البنت انتقلت حق الوصايه و حقوق كثيره من الاب للزوج وكذلك الام انتقلت للزوجه اذا مرض الزوج ،، زوجته هي من ترعاه و كذلك الزوجه اذا مرضت زوجها يرعاها اين كرامتها ،، اذا سبها سب نفسه اذا اهانها اهان نفسه وزوج الاخت نمبر ون عارف هذا الشي وما فيه الان مجرد عناد و شيطان مقويه مرده يرجع لعقله و لدينه مادامه مصلي وصايم وما يقرب للمنكرات الذي حدث بينهم امر عادي جدا ويتكرر بنسب متفاوته في كل بيت الاخت نمبر ون لو ركزت قليلا ستجد ما ضايق زوجها و ادى الي تغيره احتمال تغير في العمل ضغوط في العمل الانتقال الجديد اربكه ديووووووون قرب الزوجه من بيت اهلها اشعره ان زوجته لم تعد تفكر فيه كلسابق اختي نمبر ون كما تقول اختنا الغاليه جرين حمليها خفيف ولا تدعي الشيطان يوسوس لك بكبر حجم ماساتك ،، تراها عاديه:d |
لا حبيبتي الملاك يونا قالي لمن اول ماكتبت المشكلة0000
وانا من يومها افكر مادام مايبغني ليش مايوديني ليش يقول السواق حق اهلك يجي ياخذك000 الغربه مره الله يجزاك خير كلامك خفف علي الاهانة والمذله0000 |
اختي نمبر ون كيف هي الاوضاع بينك و بين زوجك ؟؟ وين اهلك ؟؟ ليش ما في احد يجي يسأل عنك ؟؟ |
أختي نمبر ون ,,,
من ناحية المبدأ فإن تصرفات زوجك غير مقبوله شكلاً ,,, لكن فكرت في مشكلتك ورأيت ولمحت أنك عملت "شيء كبير" أغضبه وجعل تعامله يتغير من ناحيتك ,,, وهذا الشيء ربما أن تخفيه عننا بقصد أو بدون قصد لكي لاننتقدك ولكي تجدين فقط كلمات الدعم والنصح بدون تأنيبك على مافعلتيه ,,, زوجك من الواضح أن هناك شيء معين أخذه عليك ومسكه عليك ,,, وأنت بسبب هذا الذنب الذي عملتيه صبرتي وجلستي في البيت وتحملتي تعامله معك لأنك تعرفين بقرارة نفسك بخطئك الذي أرتكبتيه بحقه ,,, أتمنى أن تعترفي بكل الحقائق لنا كما أريدك أن تجاوبي على هذه الأسئله : 1 - هل أنت كنت مخلصه لزوجك 100% ,, ألم تحدثي أي حد من خلفه وهو أكتشف هذا الأمر؟ أو خنتيه في فتره من الفترات؟ 2 - هل أرتكبتي خطأ في حق أهله؟ |
| الساعة الآن 10:10 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©