|
أنا قلت لك من أمس .. مدام انها ارسلت لك واعتذرت وابدت ندمها
استغل الموقف لصالحك عشان تعلمها غلطها ولا تكرره ثانية لأن هدفك من التطنيش والزعل جاب نتيجته وهو إحساسها بغلطها وفتح لك المجال تقولها أنها تهذب لسانها وتحترمك مرة ثانية بس انت ضيعت الفرصة و صار الحق عليك لا سألت لا عنها ولا عن ولدك .. قلت لك إذا قدمت خطوة قدم خطوة .. هذي زوجتك والغرض التأديب مو الانتقام أنا أقول أنك تتصل عليها بس تعمل مشغول .. وقولها انك سكرته عشانك مشغول مرة وبعدين اوعدها تتصل عليها بس تفضى وبعدها في الوقت الي ترتاح له وتشوفه مناسب دق عليها وجهز الكلام الي تبي تقوله لها أو اذا في مجال تلتقون .. تفاهموا وتحاسبوا .. وقل كل الي في نفسك وأنا متأكدة أنها راح تبكي وتنزل راسها في الارض من الحياء عشان الكلام الي قالته وبتشوف شلون بتكون مطيعه وتدور رضاك بعد هالموقف يا اخوي هذي حياتك وانت قائدها .. ومش من صفات القادة التهرب من المشاكل القائد يواجه المشكلة ويدور حل لها وبعدين يبت في الأمر |
اقتباس:
ولكن المواضيع هذي ما تتناقش با التليفون ابداً. رأيك اختنا على الراس والعين ، ولكن رأئي مادام ارسلت ها الرساله برضوا مازالت مصممه انها تتعالى وتشوف ان الي سوته حاجه عاديه. فكذا اقولك لا تتصل ، ولا تسأل مادام ارسلت ها الرساله . هي تبيك تتصل وتسأل. ولا عليك منها راح تتصل ثاني مره ان شاء الله ، واذا اتصلت رد عليها ومثثل ماقالت اختي اميرات اسال عن الولد واهلها والدوام ولا تطول معاها الكلام . اهم شي لا تقول انا مشغول الحين وراح اتصل عليك لما افضى ، صدقني ترى الكلمه هذي بتطلع عليك اكثر من بيع السوق ، اسألني. يعني لا تقول كلمه وتخلفها، قول لها انا مشغول الحين ويكون بيننا اتصل ان شاء الله عن قريب. مازلت عن رأيي انك تأخذ اجازه ولو يومين مع الويك ايند وتريح فيهم، وقول لها انا عندي يومين اجازه ولا تقول وش بتسوي فيهن، اذا سألتك وش بتسوي او وين بتروح، قول مدري ، بس احس اني تعبان وابي اريح. انا لو منك بقول مدري ، وبروح للديره الي هي فيها ولكن ماراح اجيها ولا اكلمها ولا اصلاً راح اعطيها خبر، ادري بتكون قويه مره وقاسيه ها الحركه، ولكن رأئي انها تتوب تتفوه بها الكلمه ثاني مره. واهم شي ، اهم شي اخوي انكم لما تحلون المشكله وتتصافون ، انك تنسى الموضوع بتاتاً ، ولا تقول نقطه سودا وما ادري ايش، الكلام با الماضي نقص با العقل ، ولا حتى تجيب طاري ها الكلمه بينكم. الله يوفقنا ويوفقكم ويهدي سرنا وسركم. |
اقتباس:
تسلم يدك على هالكلام اهي راح تجيني يوم الاثنين القادم ان شاء الله حسب الاتفاق انا وهي قبل حدوث المشكلة امس في رالتها تقول راح الغي الحجز طبعا ما راح تلغيه بس تبي شوف ردة فعلي طبعا اللي راح اسويه: راح اتصل عليها و اسلم واسال بسسسس ولا راح اجيب طاري الموضوع الا اذا هي تكلمت فيه بس راح اعطيها رؤؤس اقلام فقط واترك الباقي لحد ما تجي ونتفاهم احس هذا هو الحل وابي رايـــــــــــــــــــــــــــــــــكـــــــم |
طيب .. أنت أدرى بالي يصلحكم
نفذ الي قررته والله معاك ولما تلتقون شدد على موضوع الاحترام وأنك ما ترضى على أهلك لو بكلمة وحدة وانها لو اطلعت منها مثل هالكلمة الكبيرة ما تلوم إلا نفسها لأنك مش مستعد تخسر أهلك عشانها و أن لكل انسان له وجه في حال الرضى ووجه ثاني في حال الغضب فإذا كنتي ما شفتي مني إلا الوجه الحلو .. لا تتصرفين بطريقة تخليني اوريك الوجه الثاني ضروري تكون لك كلمة في بيتك .. وإلا الأمور كلها تخرب وتفلت من يدك وأنت مش حاس الله معاكم |
باالتوفيق يا بعدي
الله يوفقنا ويوفقك ويهدي سرنا وسرك |
اقتباس:
اللي ملاحظته ان زوجتك جريئه معك في الكلام و ما تهاااابك .. واسلوبها معك في الكلام فيه نوع من لوي الذراع والتهديد المبطن .. لا تتهاون اخي في هذه المسأله ..اذا ما توقفها عند حدها (طبعا لا اقصد انك تضربها او تهينها ) راح تزيد في هذه المعامله .. لازم تكلمها بشكل جدي .. |
اقتباس:
كلامك قدوه راح اقتدي فيه واحطه على راسي وراح انفذه بالحرف وان شاء الله يصير خير وراح اقولكم على كل شي يصيييير |
الله يوفقك يا الغالي .
ويكون بعونك. |
اقتباس:
اقتباس:
تسلم اناملك اللي كتبت فيها وربي ما قصرت ربي يعطيك الف عافيه |
اتصل عليها واسأل عن الولد ومايحتاج واترك سؤاله عن اي شئ واجعل مكالمتك قصيرة وكل 5 ايام كرر ذالك وسوف تلاحقق
|
اخي الكريم حسنيين
فية كلمة بسيطة تهمس بأذنها تقول أنا أفكر اتزوج وحدة ماتقفل الخط بوجهي وبعدين اذا تصرفت كذا قدام مشكلة بسيطة وش بتسوي بالمشاكل الصعبة هذه ماقدرت النعمة بكرة تدورها ما تلقاها . الله يوفقك ويصلحها |
الله يفرج هذا الكرب و يحررك منه يا رب
العاطفة طغيت عليها و حست بالندم بس ما تقدر تعترف لك !!!!ممكن !!! |
اقول لك طلقها طلقه واحده او طنشها والله ان يرجع عقلها و تجيك وهي ماتشوف الطريق قسم بالله ان تتحسف مدام انها الغلطانه ولا تكون حساس خللك رجال وحكم الامور صح وترى في غيرها الف وحده مدام انك شخص مؤدب ومحترم واسال مجرب .
|
لا حول ولا قوة الا بالله الحين الرجل وزوجته امورهم بدت تنحل ان شاء الله وانتم تقولون طلاق
ياتقولون خير او تسكتون انا من رااي اخوي انك تتصل عليها وتسال عنها بس بين انك زعلان منها شوي ربي يسعدكم ويجمعكم |
السلام عليكم
اليوم بعد الظهر جاتي رساله من اخوها اهو عرف الموضوع وعااااااتبها وقالها إنها غلطانه غلطانه قالت انها كانت لحظة غضب واعترفت بغلطتها وإنها الحين ندماااااااااانه بالمررررره وطلب مني اخوها اني اسامحها ولو برساله طبعا انا اتصلت عليه و وضحت كل الامور وإنها غلطت غلطه كبيره في حقي وفي حق ابوي قال انا ادري إنها غلطت بس المره هذي امسحها بوجهي وانا باخذلك الحق منها [[انا اعز اخوها كثييييييييييير]] وعدته إن الامور إن شاء الله بتصير زينه علشان خاطره انا بنتظر اتصالها وبشوف اش راح تقول |
جميل جدا ان تشعر زوجتك بغلطها .. ولكن هذا لا يعني انك ما تكلمها بشكل جدي في موضوع احترامك .. و مو معقوله تعلق زوجتك اغلاطها عليك على شماعة (ساعة غضب) .. يجب ان تتحكم في غضبها و تسيطر على انفعالاتها حتى لا تسبب لها المشاكل معك.. وربي يسعدكم .. |
قلت لك يا اخوي من البداية انها قالت هذا الكلام في لحظة غضب غلبتها فيها العاطفة وقلت لك انها اكيد ندمانة .
وطالبتك بالاتصال بها فورا ومعاتبتها وتوضيح حجم الخطأ الي ارتكبته مع الوعد بعدم تكرار ذلك مستقبلا ، بدلا من ايام التطنيش وحرق الاعصاب الي معيش نفسك ومعيشها معاك فيه . مع احترامي لأخ زوجتك وحكمته كان من المفترض ان تحل بنفسك مشكلتك بشكل اسرع بدلا من التدخلات الخارجية والاحراج لك ولها . |
اقتباس:
الله يسعدك قولي آمين اشكرك على اهتمامك والنصائح اللي تقدميها انتي وبقيت الاعضاء انا مثل ما قلت بنتظر اتصالها وبشوف وش راح تقول وغير كذا بترك التفاهم في الموضوع لحد ما تيجي عندي راح انسيها حياتها الاولى و الخير اللي عيشتها فيه والدلع والدلال و............و....... حتى تعرف وتتووووووووووووب تتكلم او تتلفظ بكلمه شكراً مره آخرى |
[align=center] اقتباس:
مهما كانت لحضات الغضب........ اللي عنده عقل يفكر فيه ويفكر في كل كلمه تطلع منه ما اقدر اتصل فيها بنتظر اتصلها اكيييد اليوم راح تدق لك وافر الاحترام |
| الساعة الآن 08:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©