|
يا اختي زوجك مدمن وهذي اعراض ادمان
كلمي اخصائي ادمان نفسي كلمتي اللي قلت لك عليه ام لا |
يااختي العزيزة أنا ماراح أتدخل بعد متابعة المتفائلة معك فكلام المتفائلة راااائع وبإذن الله تجدين الحل معها بفضل الله
ولكن اردت تنبيهك لملاحظة لما قلنا لك : قولي له اذهب وتزوج ولاتبيني زعلك ماقصدنا أنك توافقي بالتفصيل وتقولين له اشرايك بفلانة وعلانة بخطبها لك!!! لا ....لاتدخلين نفسك في الموضوع ولاتكبري الفكرة برأسه وتعشعشيها بس قولي له روح تزوج ماهمني... وبعدها بتندم وترجع لي وتعرف خيري ....وبس علشان تقلقيه وتخليه يتردد ويشك انه ماراح تقبل به وتصبر عليه غيرك *** وفيه نقطة ثانية: لازم تحاولي تدخلي غرفته بأي طريقة صدقيني زوجك جبااااان ولازم تحطين موقف لغرفته المغلقة هذه وتقتحميها بكل مكر وخديعة وبدون زعل ومثل ماعلمتك وتحاولي تسحبيه منها لان البلاء كله من غرفته شوفي الحمد لله الأن بدأ يتغير وبإذن الله بيتغير أكثر ويمل اجذبيه لغرفتكم ومع العيال بألعاب مسلية ومسابقات وضحك ووناسة وإغراء ونقطة أخيرة: لما قال لك بشرب الشراب وأخذ ثلج.... خوفيه ترى زوجك يخاف وقولي له باسلوب مخيف وكله وعيد (الحرام مو أنك تكبها........ الحرام انك تكبها في بطنك وتنكب معها في نار جهنم ) وتقدري تقولي بطريقة التورية ( إذا شربتها يارب ...(...)... تكون نار في بطنك تتعذب بها بها في الدنيا قبل الأخرة) وروحي وخليه وانت مبينة انك زعلانة منه وأنا اقصد بالتورية انك تقولي بصوت واطي في مكان وسط القوسين كلمة (ما) بدون مايسمعها ....يعني تكون دعوتك ظاهرها دعاء عليه علشان يخاف وهي في الأصل دعوة له بأنها ماتكون نار في بطنه يعني بتكون كذا ( إذا شربتها يارب ...(ما)... تكون نار في بطنك تتعذب بها بها في الدنيا قبل الأخرة) اسأل الله أن يهديه ويشفيه ويصلحه ويجعله من عباده الصالحين ويعوض صبرك خير |
اختي عليكي بتقرب من الله هو يعلم مافي صدرك وجوفك وصلي باليل وادعي الله يفرج همك لانو الشكوى لغي الله مذلهوعليكي بالصدقه تدفع البلا
|
اقتباس:
|
ام جمانة
صح انا غلطت لاني قمت اتكلم معه واعطيته مجال وان شاء الله اسمع نصيحتك طيب وش العمل الحين برجوعه للشراب يقول لي انا ابي انتقم من وحده وبعدها ابرجع فلان الاول واتوقع ان هالوحده اخته من خلال مكالماته حسيت كذا المشكلة الحين مدري كيف اتعامل معه تكفون علموني من ناحيه الشراب لاحد يقول روحي لاهلك انا ابي اساعده وروحتي بيت اهلي بتضيعه والله اني خايفة عليه مرررة تكفون علموني كيف ااتعامل معه ابي انسيه الشراب هو له الحين 3 اسابيع ماشرب وامس رجع يشرب واتوقع لانه كان مرررة متضابق وعنده مشكلة مع اهله عارفه ان هذا مو سبب يخليه يشرب وعارفه انه داخل نفسه في صراع تكفون علموني ودلوني |
اقتباس:
مشكورة عزيزتي على كلامك الطيب .. بالنسبة لكلامك لها انها تقوله كيفك تزوج >>عجبني بصراحة لانه المريض الفصامي يحب يعاند زي ماذكرت فالفكرة تكبر براسه اذا عانده الشخص المقابل .. وزي ماقلتي ماتدخل بالتفاصيل وزوج اختنا ثبات مبين عليه يحبها مررررررررررة ومتعلق فيها اكثر شي في الحياة ماشاءالله الله يشفيه لها ويرده لصوابه يااارب .. لذلك انا معك انها تخوفه وتهدده بزعلها ويااارب يأثر فيه وهو المشكلة الرئيسية عنده من المرض واغلب تصرفاته تنبع من الداخل وليس من عوامل خارجية .. ان شاءالله اذا بدا بالعلاج راح يبدأ يرجع طبيعي |
اقتباس:
حبيبتي ثبات هدي نفسك والله عاارفه مدى المعاناة اللي انتي فيها ... انا مع كوني طالبة طب وادرس الحالات هذي واشوفها بالاضافة لهذا عندي قريبة بنفس المرض ومن النوع الصعب مررة واعرف قد ايش المعاناة والالم اللي يسببه التعامل مع هالنوع من المرضى ربي يكون في عونك زوجك زي ماقلت لك مشكلته الاساسية المرض هو اللي يسيطر على التصرفات السيئة اللي تصدر منه وكون انه يقول لك ان عنده مشاكل مع اهله مو بالضرورة يصيرون هم من اخطأوا بحقه ربما العكس المهم زوجك بسبب المرض نفسيته مضطربة ويحب يثير اي مشكلة ينفس فيها عن روحة .. والشراب ممكن يلجأ له بسبب الحالة اللي يمر فيها ومرات المريض الفصامي يحب يكون شخصية متمردة يعني يحب يسوي شي سيء عشان يلفت انتباه من حوله ... بس مو معنى هذا انه مايخاف لا بالعكس خوفيه هو زي ماقلتي متعلق فيك فلو تخوفينه بزعلك وانه راح تتركينه يمكن باذن الله يأثر فيه .. هو غالبا البيئة اللي حوله ما تأثر فيه كثير قد العلاج لانه تصرفاته تنبع من الداخل نتيجة المرض انما المؤثر الخارجي يكون ضعيف لكن مايمنع انك تحتوينه عاطفيا وتحسسينه باهميته بالنسبة لك ولاولاده وانه لايمكن تعيشون معه بهالوضع ... وياليت تسرعين بمعالجته لانه مع الايام لاقدر الله لاقدر الله راح تشوفين منه تصرفات راح تزعجك اكثر بكثيييييير من الان ..>> اتمنى ماتزعلين من كلامي بس انا احب احطك بالصورة عشان ماتنصدمين راح تلاحظين انه كل شوي يطلع لك بمشكلة جديدة واكبر من اللي قبلها وانتي شفتي بنفسك اول طلع لك بمشكلة الزواج بعدين الحين مشكلة الشراب وربي يجعلها اخر مشاكله و يشفيه لك ويهديه يااارب |
اختي الاخوات ماقصروا بس حبيت الفت نظركم لنقطه لفتت نظري يوم قريت مواضيعك انتي ذكرتي ان ابو زوجك وامه متوفين من 4 سنوات وان مره قالك ان ما انسى وقفتك جنبي يوم وفات امي وابوي ولا كان انهبلت وذكرتي انه كان مدلل عند والديه وانه يطلب منكي تتحنين وتلبسين ملابس مثل القدام انا احس ان هذا السبب الرئسي زوجك اثر فيه موت والديه ويحس ان اخوانه استشروا عليه عقبهم ويحس انه فقد السند اللي كان يحميه اتوقع زوجك عجز يتجاوز صدمته في موتهم.والله اعلم
وبنسبه للخمر تخلصي منه كبيه اول بأول واحتسبي ردة فعله عليكي عند الله. |
اقتباس:
دكتورتنا المتفائلة الاتعتقدين أن الحل الأمثل لمشكلة الشراب أن تعصب عليه وترفع صوتها ولاتسمح له بتاتاً مع ضرورة ذكر أنها تمتعه لخوفها عليه من عذاب الله وحبها الشديد له وأن الحل وقت المشاكل ليس شرب الحرام وعصيان الله فهذا سيكون سبب لأن يزيد الله مشاكله وهمومه وأن حل المشاكل يكون بالقرب من الله ودعاءه لأني اتفق معك تماااااما أن زوجها يحبها بجنوووووون لأنها الوحيدة التي أعطته الامان والحب والثقة ولكن البيئة التي تربى عليها يجعله غصب عنه يشك حتى في صدق محبتها له واعتقد عندما تغضب على شربه للحرام لدرجة أنها تحاول أمامه فتح باب غرفته وكسره لتكسر الشراب لو أمكن سيكون سبب ليتأكد بأنها تحبه بصدق وتخاف عليه من نار جهنم أما إذا عصبت مرة ومرة تركته سيجعل عنده تذبذب من ناحيتها ولا يثق بها زوجها أعتقد محتاج لحنان أم وفي نفس الوقت محتاج لحزم أب يوقفه عند حده إذا غلط ويعمل له ألف حساب لذا الا توافقيني أن الحل هو أن تكون في قمة الحنان وتضعه على حضنها وتطبطب عليه يومياً وتلعب بشعر رأسه ووقت الغلط توقفه بشدة عند حده ولا تتهاون معه؟ بإنتظار رأيك فهو بإذن الله رأي مدروس بعلم أما رأيي فمجرد تخمينات أفيدنا أفادك الله |
السلام عليكم ورحمه الله وبركاته
اختي العزيزة والله انا اعتقد انه يتمازح معاكي وانه يقول هاذا الكلام لكي يثير غيرتك وانا متاكده انه لن يفعل شي ولان يبدلك باي امرءة المهم انتي اغدقيه بالحنان وراعيه مرعاة الطفل واخعلي يومه كله على يديك ومن الجميل ان تروي له القصص الرومانيه اروي له دائما لكي يتعلق فيكي اكثر اجعلي حياتك قصه رومانسيه مماقصين عليه فاذا ذهب الى العمل ارسل له مسجات اسلي عنه دوما احسسيه بانك مهتمه فيه دوما وان شاء الله الحياة الهانئه والسعيده دوما |
الله يعييينك لاحول ولاقوة الا بالله
|
اقتباس:
مرررحبا عزيزتي ام جمانة نعم انا اوافقك الرأي فهو الان يعيش صراع نفسي ويعتقد بان الشراب راح يريحه من هذا الصراع ولكن اذا وجد ردة فعل زوجته بانها تعصب عليه وتزعل منه بشكل قوي هذا راح يدخله في صراع اقوى ..اكيد راح يكرهه خاصة ان الملجأ الوحيد له والمريح لنفسيته هو زوجته فاكيد راح يرتبط في مخيلته الشراب مع زعل زوجته وراح يكرهه لانه لايريد ان يخسر منبع الحنان له .. وزي ماقلتي في الاوقات الثانية تكون حنونة جدااااااااااااااااااااااااااا معه لان الاحتواء العاطفي له مفيد جدا .. يعني اذا غلط تصير بركان ثائر واذا صار زين تصير معه احلى من العسل عشان يحس بالفرق ... ويااااليت اختنا ثبات تقول لنا عن ردة فعله .. عشان نشوف الطريقة نفعت ام لا؟؟ الصراحة شكلي ماقريت كل مواضيع عزيزتنا ثبات انا قريت الموضوع هذا واللي قبله بس تفاجأت من بعض الردود تذكر شيئا لم اقرأه .. المهم برجع ابحث عن المواضيع اللي تتعلق فيه واقراها اللي حبيت أأكد عليه انه ممكن زوج اختنا ثبات يكون عنده فصام من النوع العاطفي نتيجة الصدمات العاطفية اللي تلقاها .. فالاحتضان العاطفي مهم جداااا حاولي تغرقينه بحنانك وحاولي تمتدحينه عندما يترك فعل سيء او يقوم بفعل جيد حسسيه انك طايرة من الفرحة وانه كل دنيتك وبيني له هالشيء بشكل فعلي يعني ارفعي يديك قدامه وسوي نفسك تاخذين نفس عميق من الفرحة وتدعين له وتمدحينه وهكذا احضنيه او اي شي يعبر عن فرحتك الشديدة هذا الشيء يمكن يريح نفسيته باذن الله .. ولاتحاولين تشجعينه على معاداة اهله كلميهم يخفون عليه شوي قولي لهم انه مريض ولايعي تصرفاته ولاتواخذونه اذا غلط عليكم .. وحاولو تحسنون معاملته لانه مهما كان ولدهم واكيد يبون مصلحته .. حاااولي فيهم قد ماتقدرين وايضا هو لاتذكرين اهله عنده الا بالخير ولاتشيشينه عليهم حاولي تختلقين له اكاذيب عن اخوانه انهم يمدحونه ويثنون عليه وانهم يحبونه وحريصين على مصلحته بس يخونهم التعبير ... ولايجي هذا الشي منك مرة وحدة عشان يصدق ... يعني مثلا مرة قولي اتصلت اختك فلانة تسأل عنك ( وياليت تكون اللي مختلف معها) وتقول انها غلطت معك بس ماكانت تقصد وانها ودها تتسامح منك بس خجلانة وانها تقول انك من اعز اخوانها على قلبها بس دايما تعبيرها يخونها معك وهكذا بعد فترة اذكري احد منهم بشي زين هذا الشي يفيده بتخفيف الضغوط النفسية عنه |
اقتباس:
هذا نفس الكلام اللي كان يقوله لي لما كان سكران بالضبط كأنه هو اللي يحكي |
ام جمانه والمتفائلة الله يجزاكم خير على وقفتكم معي والله ييسر امركم \
انا ودي مرة انه يراجع طبيب اليوم قبلل بكرة بس مو مقتنع مدري كيف اقنعه اما اخر التطورات امس كان يشرب كاس وينام وهكذا قمت الصبح وافتح جوالي اشوفه ارسل لي رساله دقي علي لما تقومين ياقلبي وبعدها لما سويت الفطور كان مررره حنون ويقول تعالي احضنينيني بقوة وكان مرة متغير وقلت له الى متى وانت تشرب قال لاخلاص ماراح اشرب تعبني كثير احس بغثيان واسهال فضييع خلاص كرهته مررة قلت طيب واللي عندك كبه قال لاابعطيه احد قلت لالا ارجوك لاتاخذ اثمه قال لا ماراح اخذ اثم احد فرحت مرة وقلت له هذا احلى خبر سمعته بحياتي وكان واضح انه راحمني كثير حتى انه قالي اليوم راح نطلع مطعم وكان طول اليوم يقول لي تعالي حطي راسك وسط صدري صراحه اليوم احسه كانه من زمان ماشافني والله غريب يمكن متحسف انه شرب وضيق صدري مدري والله وش تفسيره طيب الحين وش اسوي علشان يستمر يكرهه |
الله يعينك ياثبات وربي قطعتي قلبي لما قريت مواضيعك السابقة عنه تصدقين طلعت مو قاريه الا الموضوع هذا واللي قبله اللي هو رجوعك له
والله يالغالية ما ادري شقول لك زوجك راح يتعبك كثييييييييييييرر لانه هالتصرفات خارجه عن ارادته وراح يتخبط كثير وبتتخبطين معاه اكثر ربي لايقدر ويشفيه ان شاءالله انتي لازم تحزمين الامر وتخلين احد يتصرف يوديه لطبيب باسرع وقت وبالنسبة للخمر زي ماقلنا لك خليك حازمة اذا شربه .. وخليك حنونه لما يتركه وربي يهديه ويشفيه يااارب |
على فكرة عندي سؤال اذا مايضايقك الاجابة عليه
ايش دراستك انتي وايش وظيفتك؟؟ وهو ايش مستوى تعليمه وطبيعة وظيفته؟ |
اقتباس:
انا ادرس ماستر قسم القران وعلومه وماني متوظفة وهو عسكري لما تزوجته كان معه متوسط وكمل والحين هو يدرس شريعه انتساب لكن هالترم اجل الدراسة بسبب هالظروف طبيعه وظيفته تنسيق المحاضرات لكنه له ست شهور حاطينه بالهيئة |
اقتباس:
ماشاءالله عليك ربي يزيدك من فضله ياارب وهو ماشاءالله مبين تاثيرك عليه قوي جدا بدليل لما تزوجتيه كمل ووصل انه يدخل الجامعه شي طيب وهذا دليل ان مرض زوجك مو من النوع الصعب الحمدلله ربي يعجل في شفاؤه ويفرج همك وضيقتك |
غاليتي ثبات انا متااابعه موضوعك وربي يفرج همك و يريح قلبك و يهدي زوجك .. الاخت متفاااائله ما شاء الله ما قصرت بارك الله فيها .. |
يا اختى هذا فضل من الله ان هداه وكرهه فى هذا الشراب اللعين استمرى فى الدعاء والتضرع الى الله عز وجل لكى يهديه ويلينه لكم ويصرفه عن كل ما يغضب الله عز وجل واكثرى من الدعاء اللهم حبب اليه الايمان وزينه فى قلبه وكره اليه الكفر والفسوق والعصيان نسأل الله له ولنا الهداية وان يجعله نعم الزوج لك والى اولاده ويألف ما بين قلوبكم |
اقتباس:
برأيي والرأي طبعاً للمتفائلة أن تنتهزي فرصة تاثر نفسيته وندمه ولا تهوني عليه الموضوع بل اشعريه بفداحة مافعله بأسلوب حنون وحزين ومؤثر وأبكي في حضنه وقولي له أنت حبيبي ومستحيل اتركك تشرب الحرام وتلقي بنفسك للحرام مستحيل أشوف جسم حبيبي يدخل الحرام فيه وبعدها يحرق بنار جهنم وقولي بعدها بشدة بعد اليوم لن أسمح بتاتا بإدخال الحرام ولن أسمح لحبيبي أن يدخله جسمه الطاهر الذي يخاف الله حزنت جدا على زوجك واضح انه انسان بداخله ايمان كبير وفي نفس الوقت هواه يغلبه بعض الأحيان ثم يعود ويندم واكثري من الدعاء يااختي وشجعي زوجك على الصلاة بخري غرفة نومك ببخور العودة وعطري نفسك بعطر خفيف وضعي مكياج خفيف جدا فقط روج خفيف واحمر خدود خفيف ليعطي اشراقة لوجهك واجعلي الغرفة بااااردة وافرشي سجادة لك وله وخذي بيد زوجك للغرفة وبعد أن يراها ويشم الرائحة المنعشة قولي له : هيا ياحبيبي اشتقت لصوتك الرائع في قراءة القرآن صلي بي ركعتين جماعة ليسعدنا الله بها وبعد ان تنتهوا من الصلاة امدحي قراءة زوجك وبأن قراءته أبكتك وجعلتك تخشعين واجلسي بين يديه و ارفعي يديك بالدعاء واجعلي زوجك يرددك خلفك (آمين) واجعلي دعائك بنبرات حزن وتضرع لله وكرري اللهم اهدي حبيبي فإنه من عبادك اللهم قدرني أن اسعده اللهم اجعله من احبابك اللهم جنبه الحرام واملأ قلبه بالإيمان اللهم لا تجعل للشيطان عليه سبيلا اللهم انك تعرف أن زوجي طيب وحنون فأعنه يارب على الشيطان وانصره اللهم اجعله قرة عيني لي واجعلني حبيبته وعروسه في الدنيا والأخرة وهكذا ركزي في دعاءك عليه وبكلام حنون وابتهال وحاولي ان تبكي وانت تدعي ليتأثر ثم بعد الإنتهاء من الدعاء احضنيه مباشرة وابكي على صدره ثم شجعيه وقولي له أنت انسان صالح بإذن الله وهذا اختبار من الله لك لتثبت قوة إيمانك وأنا متأكدة أنك بفضل الله قوي وستتعدى هذه الأزمة وتصبح قوي الإيمان ويملأ الله قلبك سعادة وهناء أهم شيء دعنا نتعاون أنا وأنت وطبق ماأقوله لك وسترى كيف ستعود حياتك أجمل عندما تتقرب لله فكلما تقربت لله تقرب الله منك وأحبك وأسعدك وكلما عصيت الله غضب منك وجعل حياتك نكد وهم واذكري الآيات من القرآن مثل قوله تعالى (الا بذكر الله تطمئن القلوب) وقوله سبحانه (من عمل صالحا من ذكر أو أنثى وهو مؤمن فلنحيينه حياة طيبة ولنجزينهم أجرهم بأحسن ما كانوا يعملون ) وكما قالت المتفائلة لابد من استخدام طريقة الترغيب والترهيب إذا احسن في عمل طيري من الفرحة وبيني له ذلك من خلال حركاتك وكلامك وكل شوي ذكريه باللي عمله وامدحيه حتى لو تأتي له بهدية مثل الأن : عندما قال لك انه لن يشرب فاجئيه غدا بحفلة بسيطة سريعة تورتة وعصيبر وبالونات وشغلي أناشيد رائعة من النت وفاجئيه بها بعد ان تجهزيها وقولي له هذه حفلة بسبب وعدك بعدم الشرب مرة أخرى وإذا اخطأ انهريه ولاتتهاوني وشدي عليه ولا تتركيه يتخبط ونسأل الله العظيم رب العرش العظيم أن يهديه ويقر عينك بصلاحه ويعطيك أجر جهادك لهداية نفس بحول الله |
ام جمانه ابدعتي عزيزتي رأي سديد جداا وكلامك درر ,, اتمنى من ثبات تطبق .. وتقول لنا النتيجة ..لانه يمكن النتيجة او ردة الفعل تجي غير اللي ببالنا حسب سيطرة المرض عليه ودرجته عنده .. لكن نتأمل خير وباذن الله يجيب نتيجة .. واقول لثبات لاتنصدمين من ردة فعله اذا ماعجبتك انتي بس قولي لنا اللي يصير واحنا معك بعد الله
|
اقتباس:
|
ام جمانة والمتفائلة أشكركم على النصيحه وراح اسويها واقولكم النتايج
على فكرة هاليومين خلص من سالفة العرس وصار يترزز اذا رحنا مكان ولما يشوف بنات ينهبل ويلاحقهم والله قلبي يتقطع وين اللي الاول يلحقهم علشان ينصحهم الحين علشان يطالع ازين قبل امس شاف بنت طالعه من مشغل قال ياويل حالتي على السيقان واليوم يقول انا كنت كذا قبل ماالتزم كنت احب اناضر الحريم ويوم اني التزمت صرت اجاهد نفسي مرررة واغلبها الحين رجعت زي اول اتركيني ازين لك انا كل مالي واتردى وش اسوي غصب عني انهبل لما اشوف بنت بس والله ماافكر في اشياء مو زينه بس كذا حب استطلاع الله يعيني ويصبرني عجزت اقدر انام ساعة على بعض لاني اكتم واكتم غيظي وخايفة يجي اليوم اللي انفجر عليه عابرة سبيل ان شاء الله ابتطرق معه لهالموضوع والله يجزاك خير |
حبيبتي طمنينا عنك شصار عليه
|
اقتباس:
ياأختي العزيزة نامي وارتاحي ولاتشغلي بالك وطنشي زوجك على الأخر شفتي كيف صرف فكرة الزواج من رأسه بعد ما شافك مطنشته وبعد ماكنتي معصبة وماتنامي الليل خايفةمن زواجه ونفس الشيء استخدميه مع كل تصرف يتصرفه لانه عاجبه انه يشعللك ويحس بالإثارة وإذا لقي طناش منك بيمل ويوقف أهم شيء قولي له ترى انا ماهمني تشوف أو ماتشوف ومايزعلني ابدا بس ترى هذا النظر عقوبة من الله لك وأنا خايفة عليك من عاقبة الذنب لأن اللي يطالع لبنات الناس لازم ربي يخلي الناس يطالعون حرمته وبناته فاحفظ بصرك علشان ربي يحفظنا بكذا تكوني خوفتيه مثل مااتفقنا |
اختي ثبات تنقل زوجك من سالفه الي اخرى و كل منها اردى من الثانيه و من المحرمات هي بحد ذاته مرض يحتااااج الي علاج .. كل ما خلصتي من موضوع دخلتي في اخر لحد ما تصيرين انت ايضا مريضه بمرض عضوي او نفسي و تحتاجين لعلاج .. |
اقتباس:
ياحبيبتي انا قايلة لك انه في نفسية مضطربة ويحاول يسوي اي شي يثير اللي حوله عشان يحسون بالنفسية المضطربة والمتأججة اللي هو فيها وانتي قلتي يطف بالشي فترة ويتركه يعني كل شوي راح يدور على شي يلفت انتباه اللي حوله ولما يحس انه خلاص ماعاد يأثر يمل منه ويدور على غيره وهذا شي لايذكر عند تصرفات غيره من المرضى .. انا قلت لك الحل العلاج وربي انا من اول ماتوصلت ان عنده فصام وانا مو شايله هم احد بالسالفة كثرك لانه بيتعبك هو مريض وربي يشفيه بس انتي راح تتعبيييييييييييييييين معاه واخاف يجي يوم تنهار نفسيتك بسببه .. مشكلتك انك تتعاملين معاه على انه انسان طبيعي وتواخذينه على كل تصرف يتصرفه وكانه قاصده هو يتصرف هالتصرفات مو من عقله انا ما اقصد انك تشجعينه على المعصية بس بعد لاتشيلين هم وتستثقلين السالفة روقي حبيبتي وهو بمجرد مايتعالج باذن الله راح يرجع طبيعي انتي اهتمي بنفسك وبأولادك وطولي بالك ولاتشيلين في خاطرك واي شي يسويه حسسي نفسك انه فتره وبيعدي واحتسبي الاجر عند ربي وطمنينا عنك يالغالية والله قلبي معك |
أميرات والله تعت وانا اختك والل كل يوم انتظر سالفة جديده
والله اذا مر يوم وماطلع سالفة استغرب مرة المتفائلة كلامك هو نفس كلام صديقتي تقول انتي تتعاملين مع مريض لاتواخذينه وماحد قالك ترجعين له لازم تتحملين ولا خلاص فكري بنفسك |
المتفائلة انا تعبت كثييييييير وقاومت كثييييييير واحس اني وصلت لمرحله باقي نسمة وتفجرني
خلاص تعبت والله اليوم طلع من الدوام وجا البيت قال شفتي جيتكم وتركت العمل جلس وقال انا انا احس اني خلاص ابنهبل قلت ليه قال لازم اعرس لازم قلت وش طاري قال اليوم كنت بجمس الهيئة عند مدرسة بنات والله انهبلت مررة استغفر الله قاعد اهاوش الناس لاتناظرون وانا اناضر شفت بنات خيااااااااااااااااال عجزت اقاوم والله تو شفت وحده بغيت اضمها غصب عني والله انا احب الجمال والله انت مافيك قصور بس انا اعشق شي اسمه جمال قال رجال جاي ياخذ بنته ورا ماتاخذ هالبنت وتفكني منها قلت الله يجزاك خير يقول قلت بنفسي وش ابي ببدوية لكن يوم طلعت تحسفت مرررةياالله الاول يوم كنت ملتزم كنت اقاوم نفسي مرررة اما الحين ماعاد صرت اقاوم نفسي قلت بكرة لاتزوجت يومين وتمل وترجع تناظر بنات خلق الله قال لالالا انا اعرف نفسي انت تفكيرك غبي انا ماهمني الجنس ابدا انا احب الجمال مرة قلت مو انت شفتني مو كنت تعتبرني اجمل وحده قال وانت كذا الى الحين اف ياليتتني اموت وارتاح بس انا صراحه تضايقت وقمت لحقني وقال انتي متضايقة قلت لا قال شكلك تصيحين قلت لا وش يصحيني قال الا ياليتني ماقلت شي وطلع رجع العمل تروشت وتزينت ولبست وانا مجروحه مجروحه جرح بحياتي ماانجرحته فكرت بالطلاق فكرت اضف ملابسي ولايرجع ويشوفني لكن تعوذت من ابليس واستخرت وربي بط على قلبي اااااخ يارب اليوم انا ان شاء الله ابدق على اخوي واخليه يوديني لطبيبه بس ياخوفي يكون هذا مو مرض وتتحطم اخر امالي تكفون علميني ياالمتفائلة يمكن هو صادق كان ذيك الفترة يقاوم نفسه من ناحيه حبه للحريم على قولته وجمالهم رغم اني كل الخمس السنوات الللي راحت كنت اشوفه اشرف انسان وأكثر واحد يغض بصره ولا يحب الحرام هل كان يمثل علي يعني انا تعبت احاول ارضيه ولا يرضى نسى كل شي حلو فيني يارب افرج همي والله تعبت تعبت تعبت |
ما شاء الله عليك يا ثبات فعلا إسم على مسمى
أسأل الله لك الإعانة و التوفيق و إن يهدي زوجك و يشفيه و يسعدكم إنه ولي ذلك و القادر عليه متابعة معك من البداية و مالقيت أحسن من الدعوات لكما .......... |
لالالا لا زظ ظ ظ ظ ظ ظ ظ ظو وو
اقتباس:
|
اقتباس:
صدقيني كل الكلام اللي قاعد يقوله لك مو صحيح يعني هو ماكان يجاهد نفسه ولاشي بالعكس كان هالشي نابع من داخله لان وقتها ماكان المرض وصل معاه للدرجة هذي الحين هو يتخيل انه كان يجاهد نفسه المريض الفصامي يتخيل اشياء ماتطري على بالك اقول لك مثال فيه وحدة تقرب لي مريضة بنفس المرض بس بدرجة قويه لدرجة انه تركت الدراسة ولاتختلط باحد ووو الخ ربي يشفيها المهم انه تخيلي من شدة التخيلات اللي عندها تحب راشد الماجد وتقول هو يحبني وتقول انا اكلمه كل ليلة طبعا هي مامعها جوال بس تكلمه تقصد مباشرة وتشوفه بعد وكل يوم تتكشخ وتقول تجهزو راشد بيجي يخطب هو قايل لي انه بيجي العصر ولما ينتهي العصر وهو ماجا تقعد تصيح وتلجلج عليه وهي بغرفتها اللي حولها يسمعونها وهم برا غرفتها وهكذا مرات يدخلون عليها وهي تتبسم وكانها تشوفه انا قلت لك هذا الشي بس هي تقريبا اقوى درجات المرض وبالبداية ماكانت وصلت لهالمرحلة الشديدة بس شوي شوي وصلت مع انها صغيرة ولازالت صغيرة بس المرض بدا فيها بدري انا اقول لك زوجك ان شاءالله مايوصل لهذي المرحلة بس لما قال لك ان الرجال قال لي خذ بنتي ترى اكيد كان يتهيأ له زي ما قلت لك هالنوع عقلهم الباطني يخليهم يشوفون ويسمعون اشياء مو موجودة صدقيني لا تتعبين مخك وزين انه للان الحمدلله يحبك ويقدرك ويهتم لزعلك مرات من كلامك احسه يحاول يتغلب على المرض عشانك مثل سالفة انه مايوسوس بالكل عشان مايزعلك ترى الوسواس شي مو بيده ولايقدر عليه ومع ذلك يحاول في نفسه عشانك |
الله يجزاك خير ياالمتفائلة
اليوم رجع من العمل وماعطيته وجه وحس بالذنب يبني ينام الظهر ولا قدر ناداني وقال حطي الغدا وبعدها بدا يقول كلام كانه يعتذر لكن بطريقة الرجل يعني طلب الفراش واخذ حقه والمغرب قالي احسك تضايقتي من كلامي اليوم قلت لا والله عادي قال امحق عادي وانت دخلتي الغرفة تصيحين قلت مافي شي يتساهل اصيح قال تراي اخربط عليك ولا هموني البنات مره استغفر الله بس انا كنت ابي اوصلك للمرحله هذه ليه انتي تمثلين عليه انك ماتغارين شفتي كيف اليوم قلت اجل انت تبي تستفزني قال لا والله بس اعلمك انك ماتمثلين بعدها قال ثبات انا احس بضيقة زايده علي هاليومين مرة قلت انا كلمت صديقتي وهي طالبة بالطب وقالت انك وقلت كل كلامك اللي قلتيه قال لا انا مافيني شي مافيني الا الذنوب وقل الطاعه قال بعدها وش رايك تخلينها تكلمني قلت وانت كل الحريم تبي تكلمهم قال تكفين شكلها حبتني قلت والله انك فاضي قال لا صدق يمكن عندها حل لي قلت هي تقول ان الريض الفصامي مايعترف انه مريض قام يفكر بعدين قال وش قلتي لها بعد عني قلت انك يوم كذا ويوم تبي كذا حسبي الله ونعم الوكيل خليتني عند الناس خبل وزعل وراح المجلس |
اختي ثبات و الله اني متابعه مواضيعك كلها بس انا ما ارد بمثل هذه المواضيع المصيريه اخلي المجال لأهل الخبره و الحكمه حبيت ادعيلك و الله يصبرك على محنتك و تؤجرين ان شاء الله على صبرك و ثباتك,, فعلا اسم على مسمى و والله زوجك مسكين و مريض و يكسر الخاطر و ارجوكي كملي الطريق و اصبري لين النهايه و نعم الزوجه انتي و زوجك محظوظ بك و هو يحبببببببببك جدا و كل شي بجسمه يشهد و باين |
الله يارب يقويك ويزيد من ثباتك وصبرك
انا ماادري بس لما قرات اخر رد والي قبله حسيت انه ممكن زوجك يبي يشعل الغيره عندك عشان كده يالف انامااعتقد ابدا انه لو هو كداراح يعترف ويقولك هو عند ه مشكله نفسيا اكيد انها عابره وخفيفه بس القصص الي يحكيها احسها بس عشان يحس بغيرتك وبحبك طيب رحتي الطبيبه وايش قالت |
جداوية وافتخر
تصدقين انا صديقة قديمة جدا بالمنتدى لكن لما صارت احداث زوجي ماحبيت اني اكتب بمعرفي القديم فسجلت باسم ثبات حتى اذا شفت الاسم يعطيني ايحاء بالثبات اموت في اولادي ماقدر ت اروح الطبيب اليوم واجلت لبكرة والله خايفة انه يكتشف اني رحت للطبيب |
جداوية وافتخر
لوف اف لايف تصدقون انا صديقة قديمة جدا بالمنتدى لكن لما صارت احداث زوجي ماحبيت اني اكتب بمعرفي القديم فسجلت باسم ثبات حتى اذا شفت الاسم يعطيني ايحاء بالثبات اموت في اولادي ماقدر ت اروح الطبيب اليوم واجلت لبكرة والله خايفة انه يكتشف اني رحت للطبيب |
ثبات الله يقويك يارب معليش روحي وماتخافي باذن الله ماراح يعرف قولي انك تعبانه او احد من اولادك تعبانين طلعي اي حجه وانت عند الطبيب اساليه انه ايش تقولي لزوجك راح يساعدك طبعا باذن الله بس لازم تروحي الله يوقفك يارب والله حاسه فيك واضل ادعيلك
|
ردة فعله طبيعية ومتوقعة .. وماراح يطول زعله لاتخافين .. والله مشكلة روحته للدكتور.. ربي يسهلها ويفرجها من عنده ..
|
| الساعة الآن 09:26 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©