|
مدري وش اقول؟
اليوم كلمني اخوها قلي انت عندك الكبد الوبائي b بس لا تخاف بسيط لانه خامل مو نشط قال انا علمتك علشان اذا جيت تكون على علم امام المأذون وطمني قال كل شي سليم والله انا خفت قلي اليوم خطيبتي استلمت نتائج الفحص |
الله يعطيك الصحه والعافيه..اذا في علاج يقضي عليه لاتتردد وتستخدمه..أتمنى لك كل ماهو أجمل بالوجود..في رعايه الله
|
http://www.66n.com/forums/showthread...light=saapna81
هذا الرابط أتمنى أن يفيدك..بالسلامه.. |
شكرا اختي سابنا الله يسلمك
اخوها فهمني انه عادي جدا واغلب السعوديين مصابين فيه بس انا مستغرب كيف انتقلي؟ انا في المانيا لمن عملت عملياتي ماكنت مصاب فيه حسب ما قاله الطبيب اخوها قال احنا بلغناك لمجرد العلم فقط لا غير00علشان وقت عقد القران تكون عارف ماتتفاجئ |
مبروووووووووووك اخي مهزوك
لقد لامست ابتسامتك من خلا ل ردوك الله يوفقك الى ما يحب ويرضي |
رجعت اتصلت على اخوها لاني تلخبطت من اول ما علمني
قام قلي سكر وبعد نصف ساعه بتصل عليك وبعد ربع ساعه ارسلتلي هي من جوالها رساله (بعد السلام ابلغني فلان اخوها انك متضايق من نتيجة التحليل وانا كطبيبه احب ان اطمنك بأن لا تخاف ابدا موضوعك بسيط وانا شخصيا سأخضعك لبرنامج علاجي بسيط ليتخلص دمك من الفايروس لان من الممكن ان يتحول من خامل لنشط00 سامحني فأنت الان تعتبر اجنبي بالنسبه لي ولهذا السبب فضلت ان ارسل رساله وان شاء الله بعد الملكه راح افهمك على كل شي طبيبتك فلانه) تتوقعون اني فرحت؟ لا والله احس بخوف ومدهوش لا يكون طليقتي كانت تعرف وتحسبه ينتقل عبر العلاقه؟ بس كيف هي تعرف وانا لا؟ اهلي ابلغهم ولا لا؟ والله مخي قام يضرب اخماس باسداس |
لا لا ماأنصحك تنشر الخبر لأهلك مادام المرض ممكن القضاء عليه
أخاف تنتشر حولك الشائعات الأن الفيروس أنواع كثيره منها الخطير والبسيط والعامة مايفرقون بينها واضح إن حالتك بسيطه من كلام خطيبتك ولو الموضوع خطير ما كان وافقت عليك هي طبيبة وتفهم في هالأمور تعوذ بالله من الشيطان ولا تخلي الساوس تخرب فرحتك ياعريس بالتــــــــــــــوفيق |
يا اخي انا امي حاملة الفايروس(اي خامل)
و لم ينتقل المرض الى والدي و بعد زواجهم ب11 سنه اجرى والدي التطعيمات.. يعني ما ينتقل فقط يحتاج الى متابعة فارجوك لا تخاف و لا تكثر الاسئلة على خطيبتك و الله بتقول هذا جاهل و بعدين و ش جاب طاري طليقتك !!! صدق انك موسوس!.. |
يا ربي أستر روعتونا لهالدرجة ذي منتشر بكثرة بين السعوديين هل للفيروس لقاح |
الحمد لله على السلامه اخوي وطهور ما ترى بأس 00
ترى الامر عدي لا تحتار ولا تهتم 00 الكبد الوبائي فئات فمنه delta وهو اخطرها وله اصناف ومنه a وهو تقريباً على المرتبه الثانيه 00ومنه صنف ضعيف لا يضر 00 ومنه c وهو تقريباً على المرتبه الثالثه وله انواع 00 ومنه B وفيه خامل وخير خامل 00وهو فيروس يصيب الكبد قد يتسبب في تشمع الكبد وتليفها اذا كان نشط 00 اما اذا كان خامل فلا يضر ولا داعي للخوف 00 اما نسبة علاجه فتكون تقريباً 20 من كل مئة مصاب 00 على العموم مبروك هي اتصلت عليك ووفرت عليك مجهود البحث عن رقمها 00 ومن قدك طبيبتك 00دوى الحبيب مثل اكل الزبيب 00 احمد ربك لو لا الفحص ما اتصلت عليك 00 ههههههههههه الآ لام محاظن الآمال 00 وكم من بليه جلبت في طياتها نعمه 00 باديه تخاف على مشاعرك من الحين 00 ماودها تخاف ياحبة عيني ههههههه مبروك مقدماً تبارك الله قولو تبارك الله 00وبركوا على اخيكم 00 بارك الله لكما وعليكما وجمع بينكما في خير 00 ولا تعلم بكلش اخوى (( استعينو على قضاء حوائجكم بالكتمان فكل ذي نعمه محسود ))00 وعين الحسود فيها عود 00مهوب درن درن 00 لا لا حطبه 00ههههههه وفقك الله 00 |
الف مبرووووووووووووك
بتوقع عادي تاخد رقم جوالها معقول ما تحكو مع بعض وتتكلمو عن انفسكم وعن مستقبلكم...احلى شي المكالمات والمسجات تتهنو يارب |
ماتشوف شر اخوي .. ولو كان شي خطير كان فسخوا الخطبه .. بس اهم شي لااحد يدري حتى اهلك ..
وبالتوفيق ان شاء الله |
السلام عليكم ورحمة الله يا أخي الكريم بداية ألف مبروك والله يتمم لك على خير ثانيا لا تجعل للشيطان مدخل لك بل إنسى الموضوع وإفرح وأكثر من الإستغفار وطالما لا يوجد عائق أو مشكلة فلم الخوف!! وطالما طمأنتك فعلام القلق!! نصيحتي لك لا تفكر بالأمر وإجعل أيامك سعادة وضحك وتفاآآآؤل فقد تحوله أنت إلى نشط بتشاؤمك أو بكثرة تفكيرك إنسى القلق وإجعل حياتك سعيدة.. وعلى قولتنا ( لا تهوجس) كل أمورك بإذن الله خير أسأل الله ان يوفقك ويكرمك ويطمئن قلبك ويشفيك ويرزقك الذرية الصالحة يارب.. آآمين |
الله يوفقك ويسر امرك ويتمم لك على خير
|
أخى الكريم ارجوا ان تنسى موضوع طليقتك أخى انت الان تدخل الى حياة جديدة والى اخت ماشاء الله لا قوة الا بالله نسأل الله ان تكون صالحة ومخلصة لك وتريد ان تكون لها وحدها كما تريد انت ان تكون هى لك وحدك اذن لا ترجع الى الخلف وهذه مشيئة الله سبحانه ولو كان ظنك مثل ما قلت لكان طليقتك واهلها اخبروا بهذا ولم يشيعوا عنك ما اشاعوا كذبا وبهتنا لا تختلق وتبرر لطليقتك هى باعتك والله عز وجل عوضك ما شاء الله فى نفس الشهر وهذا نصر من الله أخى اشترى من اشتراك ولم يتردد مع عدم وجود صلة ولا عشرة بالتوفيق بأذن الله |
الحمدلله على كل حال
انا هاليومين مشغول بالتحضير اللي يشوفني يقول اول مره اتزوج تعب والله |
الله يوفقكم يارب
ويالله رب ضارة نافعه عرفت رقمها وبعدين هذا الشي ابد مافيه خطوره عليك يكفيك ان طبيبتك طمنتك الله يوفقكم ويسعدك يالله افرح وخلي المنتدى يتملى افراح |
وعليكم السلام ورحمة الله
ما شاء الله بارك الله أخوي مهزوم <<<< ليت تغير هالمعرف لمعرف اسمه احسن الله يتمم لك على خير ، ويجملكما في عيني بعض ويكفيكما شر كل ذي شر دمتم بحفظ الرحمن |
في خلال أسبوع أربع حوادث على الطريق السريع بالخبر..فكن حذرا وتمهل أثناء القياده ولاتنشغل بالجوال لتصل لمنزل خطيبتك صاغ سليم..بانتظار جديدك..أتمنى لك كل ماهو أجمل بالوجود..في رعايه الله
|
ابشركم عقدنا بعد صلاة الظهر اليومو تغدينا ببيت اهل زوجتي ونور عيني وتوني راجع والحفل بيكون بالليل ان شاء الله
دعواتكم لنا الله لا يحرمني منكم بيني وبينكم شفتها اليوم بس دقيقيتين لان خواتي ملاقيف جلسوا على قلبنا00الله يهديهم تشاااااااااااااااااااااااااااااو يعني اني ايطالي بغيت اروح وطي اليوم ضيعت بيتهم واختي معي بالسياره والباقين ورانا بسيارتين ثانيه اخر شي اتصلت على اخوها وجلس يوصف وانا مدري وش يقول؟ يقول تعرف المستشفى الفلاني قلت ايه قال منه تلف مدري وين قلت اعرفه بالتلفزيون وطبعا داخ من الضحك قال انتوا وين قلت مدري وجلست اقرأ المحلات والشوارع وبعد جهد جهيد عرفناه وطبعا الشايب ارتفع سكره وضغطه الله يعين زوجته اليوم هههههههههههههههه احلى شي اختي توها حامل ومسكينه داخت علينا والحاله حاله بس ربكم ستر المره الاولى ارسلوا واحد من اخوانها للفندق بس هالمره قلت انا حفظته00وتفشلت قلت لأخوها الخبر احسها تغيرت وهو يضحك قال من فرحتك تغيرت هاه؟؟ |
ههههههههههههههه
الله يهنيها فيك مبين انك طيب وصاحب ظل خفيف مبروك والله يرزقكم بالذريه الصالحه يارب |
اه صدناكم أنا 24 ساعه بالمستشفى اللي بالتلفزيون..بس أمس بدل ماندخل العلاج الطبيعي دخلنا الطوارئ .. الخبر ماتضيع بالعكس البلديه الله يجزاها خير رقمت الشوارع وسمتها.. فعلا الفرحه مثل الحزن تعمي البصر وتضعف التركيز..بالتوفيق ان شاء الله .. وعقبال كل العزوبيه والعزباوات.. أتمنى لك ولها كل ماهو أجمل بالوجود..وتوصى لمحمد بالكشفيه..في رعايه الله
|
افااااا
يا ام محمد خير وشصار عليكم؟ سلاماااااااااااات اسفه مهزوم طلعت عن النص |
اقتباس:
|
الله يرزقك بالذريه الصالحه اهم شي التفاهم بينك وبينها
|
هلا ام محمد وسلامات ولا يهمك بخصوص محمد ماطلبتي شي
وهلا بنت غامد تسلمين ولا يحرمنا من تواجدك قبل ساعه راجع من عندها والحمدلله كل شي تمام واليوم هي مسافره الفجر الرياض وسوتلي محاضره طويله عن الكبد وراسي صدععععععععععععع وسألتني عن سبب انفصالي؟ وعلمتها بالتفاصيل وتفهمت |
بالبركـــــــة
الله يوفقك ويسعدك |
الف الف مبروك الله يوفقك ويجمع بينكم علي خير
|
الحمدلله طالما أنت كنت صريح معها بالبدايه وكنت أشد وضوحا من الشمس فهذا يعتبر انجاز..وطالما هي تفهمت فهذا يعتبر أكثر من انجاز..اذن لاتخاف لأنك بدأت معها على أسس وقواعد صحيحه..
وبالنسبه للصداع من محاضره الكبد لازم تتعود لمصلحتك بالأخير..واحمد ربك تتعامل معك على أساس مريض من درجه vip مو مريض عادي بمعنى أنت لك امتيازاتك الخاصه عندها.. وعذرا على السؤال الغبي متى بتتزوجون لنفرح لكم.. أتمنى لك ولها كل ماهو أجمل بالوجود..في رعايه الله |
مشكورين كلكم والله يبارك فيكم
والله يا ام محمد اليوم تناقشت معها قالت وشرايك بالصيف؟ انا فتحت عيوني قلت افااااااااا ليش؟ قالت اجل متى اجهز نفسي انا دكتوره والله شغلي مايخلص قلت لا ابي تقربينه قالت ابشر عطني مهله وارد عليك لان عملي بنقل فيه اول محرم فكيف بجلس لوحدي ست اشهر؟!! انا واهلي معي بنفس مدينتي ويالله اموري ماشيه بس كانت مرنه وتفهمت قالت صح كلامك بس قلت شي حسيته ماعجبها قالت متى راجع جده قلت الجمعه بالليل قالت بتتمشى بالخبر؟ قلت لا بطلع البحرين والله حسيتها تضايقت بس انا سويت نفسي مو داري لمن علمت اختي قالت الله عالصراحه اللي مالها داعي |
لعن أبو ابليس يامال الصلاح ان شاء الله..البحرين عقده كل نساء العالم وأنت الله يهديك جيت بتكحلها رحت أعميتها زي مايقول المثل.. بس تبي رأيي اشتر لها شئ من هناك مو موجود بالخبر قول لها مفاجأه صرف عمرك .. الله المستعان اللي يسمعك يقول أخطاء أول بخت وهي المشكله ثاني وآخر بخت ان شاء الله..
|
وبخصوص الصراحه والله حبيتها تسمع مني احسن مايجيها حكي من هنا ولا هناك
وتكلمت معها بالتفصيل وهي استغربت فسألتني انت بالحادث تعور ظهرك؟ قلت لا ولا شي بس رجلي قالت ولا حوضك قلت لا بس ساقي وقدمي قلت هي تتحجج وتبي الطلاق قالت حتى لو ترى الطب تقدم000انا تضايقت من ردها بس مالومها لانها ماتدري وش الحقيقه؟؟ |
لاتزعل منها هي خايفه عليك وحاسه أنها صارت مسؤوله عنك مو كزوجه كطبيبه بعد وتتمنى راحتك من الألم هذا قصدها صدقني لو هي مو مقتنعه بأن مافيك الا العافيه ماتم الأرتباط بينكم .. وأنت بخير ان شاء الله وسلامه رأسك أهم واحمد الله انها جت على قد كذا.. وخل أملك بالله دائما كبير وثقتك به قويه وتذكر يحيي العظام وهي رميم..
|
تصدقين جالس افكر ابطل من روحة البحرين احسن
ادورلي على بيت واتونس واتمشى بدل ما اجيب المشاكل بدون داعي وانا والله قصدي اغير جو بس ولو في بالي شي غلط ماكان علمتها اختي تقول والله عيب عليك الحين بتقول من اولها؟؟ تعرفين يا ام محمد طليقتي كانت العكس يعني مايهمها اسافر ولا لا؟؟ ولا تتضايق ولا تغار فأنا تعودت ان السالفه عاديه |
طيب أخوي تقبل رأيي من دون تحسس والله البحرين كبر عيني ومافيها ذاك الزود يمكن الشباب يروحون عشان السينما لكن طالما هي تحسست ممكن تقول لها غيرت رأيي وقلت اكسب وقت هاليومين معك ولو أهلك راضين تطلعين معي بكون مبسوط والخبر مسؤليتك تعرفيني عليها لاأنت طبيبه ولاأنا موظف البنك راح نغير المسميات تبعا للظروف أنا سائح وأنت مرشده سياحيه.. والخبر مدينه جميله وكل الوناسه فيها من مطاعم الى كورنيش الى مجمعات وصدقني ماتندم ان شاء الله..
|
انا معك بس هي مسافره اليوم للرياض فهمتي؟
بس انا بتمشى لحالي لان حتى اهلي راجعين اليوم الظهر بس انا حجزي عالجمعه لاني كنت حاط البحرين براسي وانا في جده بس هونت بحاول ادور على بيت افضل |
بالنسبه للسكن بالخبر الأجارات جدا نار اذا بتستأجر دور حط في بالك لايقل عن 30 ألف وأنت طالع..أما الشقق من 26 وطالع.. لاتنصدم هذه الشرقيه وأسعارها..والله يعينك ويقويك..وهالمعلومه طازه لأن أخوي الله يسعده دوبه مغير سكنه..
|
زي جده مافي فرق الرياض يقولون ناااااار
انا عامل حسابي اهم شي يكون بيت جديد مابي احد قبلي ساكن فيه |
اخي الكريم اقترح عليك ايضا بأخذ مصحف ووشفع بصندوق جميل مع مسك صغير
ولا تسنيى الأذكار والمعوذات وصدقه تدفع البلا |
قبل لاأنسى قبل لاتسافر لو عندك ميزانيه اشتر لها هديه بسيطه ان شاء الله حتى زجاجه عطر وغلفها واكتب معها رساله واتركها لها ببيت أهلها الى ماترجع هي بالسلامه وتقرأها راح تنبسط كثير وترا المرأه مو مثل الرجل يعني عاطفيه بطبيعتها وتنبسط على أبسط الأشياء وكل ماكان الشئ بسيط كل ماكنت السعاده أكبر.. ولو تبي اسألك عن أفضل الأحياء السكنيه بالخبر مو مشكله اسألك وأرد لك بس أنت تبغى بيت ولا شقه ..
|
| الساعة الآن 11:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©