احنا عندنا اهم شئ يكون قبيلي و حضري و من نجد
و مو مهم من اي قبيلة, انا مثلا من قبيلة و زوجي من قبيلة ثانية....

الله يكون بعونكم ويسخر للجميع بالازواج الصالحين


اختي مازالت هناك عوائل ترجح القبيله على كل شي


ولكن الحمد لله انها قله

والله يسر الخير للجميع


شرفني مرورك وردك

اختي بقولك شئ الدنيا من ثلاثين سنة سابقا كانت غير اليوم قبل ثلاثين سنة البنت معروفه لولد عمها.. وقليل يزوج خارج القبيلة اليوم صرنا عادي نتزوج من خارج القبيلة.. ووصار من خارج الدولة نتزوج صرنا من باقي دول الخليج.. بعد عشرين سنة راح يفرق تماما واكيد بيتغير الوضع وتخف القبلية..(( وهذا راح يكون جيل عيالنا))


لا ما اوافقك الرأي.. لانه اليوم صرنا نشوف شباب باعمرنا وبنات امهاتهم غير سعوديات وبعضهم غير عربيات بالمره.. وهذا انا اعترض عليه.. نظرا لتغير الشكل خصوصا اذا كان الزواج من شرق اسيا.. يجون الاطفال بملامح اسيويه..


بينا كقبائل مافيه قبيلة افضل من قبيلة.. كل قبيلة لها مجد تفتخر فيه.. وبالنسبة قلت لك احنا نزوج من خارج القبيلة.. بالعكس كثير يفتخرون انهم منا وخوالهم الفلانيين.. والعكس صحيح انهم من خارج قبيلتنا وخواله احنا.. ويكون النسب على نطاق اوسع وتكثر المعارف وتقل المشاكل.. تقل بدرجة كبيرة المشاكل.. لانه كل ناس من قبيلة.. ومتعايشين مع بعض..

اظلم نفسي لو اكون انا مو قبيلية واتزوج ولد قبيلة.. واظلم اهلي لو اكون بنت قبيلة واتزوج غير قبيلي.. من اللي نسميهم خضريين او صناع.. هذولي ما نتزوج منهم ابدا..



واعتقد انه مفاخره بالانساب ولى على عهد الاجداد.. والحين بدت تطلعه بعض القنوات لابارك الله فيها..

واليوم انتي شوفيها على نفسك صاحباتك مستحيل يكونون من نفس قبيلتك كلهم.. وكل فيه الطيبة والاصل..واذا عاجبتك بنت واخلها عسل ودينها رائع وجميلة راح تفكرين تزوجيها اخوك..حتى لو كانت من غير قبيلتك.. لانك تكسبين فيها الاخلاق..

في هالنقطه الاخيره لا صديقتي حتى لو كانت مقربه جدا لي

ما تتزوج اخوي ابدا

وتصدقين هذا الموضوع قد حصل وقلت وش رايكم بفلانه وطبعا رفض على طول

مابقولك اهلي متحجرين لابلعكس

ولكن اخوي ما حدد ولكن اكيد يبغى من نفس القبيله لانه ذكر لنا هالشي

ونفس الشي الوالد والوالده اخذو الموضوععلى انه مزح

وشوفي لهم فتره يدورا

وانا بالرغم من اني مطلقه الا اني رفضت انسان بسبب قبيلته والله يعوضه خير مني ويعوضني خير منه

ما ادري ممكن بيوم تتغير وجه نظري لاكن احس هالشي من قناعتي الذاتيه

وبلعكس اهلي كانوا مرحبين

حياالله الغاليه ام عاليه

وحيا الله اهل نجد كلهم

وجه نظر سليمه واؤيدها

يعني حلو يكون من نفس قبيلتك واذا ماكان من نفسها يكون على الاقل من نفس المنطقه


جزاك الله خير

وشرفني مرورك

كل القبائل خير وبركة

بسسسس فيه قبيله معينه عندنا ما نأخذ منهم

تقريبا الكل ما يرضى يزوجهم

قولي امين..


الله يوفقج ياقلبي ويرد لك عيالك..

واذا كتب لك زواج يقر عينك بزوجك ويهب لك اولاد تقر فيهم عينك..


ونصيحه ياقلبي خلي رضى الله هو هدفك..



امّا انا عن نفسي قلت لك مايهمني قبيلته عدى احدى القبائل.. ودعائي الدائم اللهم هب لنا من ازواجنا وابناءنا قرة اعين واجعلنا للمتقين اماما.. للهم اجعلني مقيم الصلاة ومن ذريتي..


هدفي بالحياة اجيب عيال يفخر بهم الاسلام واكون تحت التراب ويبقى حسنات تجيني من وره عيالي وتربيتي لهم..
وهذا مو بس علي حتى على اخواني ابي عيال اخواني من علماء الامه.. وننتقي لهم امهات من بيوت صالحه..

ويكفيك مثال ابن باز وابن عثيمين والشيخ محمد بن عبدالوهاب والسديس والمسند.... وغيره وغيره من علماءنا الافاضل اليوم ما احد يهتم يسال عن قبيلتهم.. ولو ايش ما كانوا ومن اي االقبائل مو مهم.. اهم شئ علمهم اللي قدموه.. وامهاتهم ايش رجال جابوا للامه.. هم مو بس تفتخر فيهم عوائلهم بالعكس يفتخر فيهم الاسلام.. وكذلك الدكتور عبدالله الربيعة رفع راس السعودية ومثال مشرف للطبيب العربي المسلم..


ما ابي اجيب ولد يفخر بكرا بقبيلته ويموت ما فاد الامه بشئ وضيع تعبي فيه هدر..

الله يسعدك دوم يارب

ويرزقك كل ماتتمني وكل خير يارب


ياغاليتي كلامك سليم

والانسان ماراح يبقى له الاكما قال الرسولا عليه الصلاه والسلام منها ولد صالح يدعوا له

وهذا ما اادعوه دوما ان يجعلهم الله من خيره عباده الصالحين ومن ائمه بيت الله الحرام

ولكن ياغاليتي

بصراحه النفس وماتهوى في قبائل ممكن تتناسبك

والبعض لا؟؟؟

عموما الموضوع طويل ولكل انسان وجه نظره وممكن مع الايام تتغير وجهات النظر

ويبقى المقياس الاهم هو الدين والاخلاق

الله يسعدك يارب ويرد اولادي لحضني بحوله وقوته يارب العالمين

مشكوره غاليتي على المرور

الله يوفقك ومازال اهم شي الدين والاخلاق والنفس وماتهوى

والله يوفق الجميع لمى يحب ويرضى