|
الاخ فهد حفظه الله
اهنئك على غيرتك وثق ان الله لن يضيعك من كلامك تبين انك رجل وصاحب دين و اخلاق عاليه فهنيئا لمن انت زوجها خطيبتك اما انها متفتحه ( زيادة عن اللزوم ) أو انها غير ملتزمه دينيا فعليك بالتأكد من البنت وعلاقاتها ولكن لا تنسى ان الاصل هو انها طاهرة عفيفه و عليك باستشارة من تثق فيه من اهلك في سلوكها هذا وهل هو طارئ في حياتها ام ديدنها قبل ان تعرفها واسأل عن أمها فإن كانت محافظة فسوف يكون عونا لك وان كانت غير ذلك فقد يكون مرجع السبب الله يوفقك ويختار لك الخيرة المباركه .... امين |
أخوي لو زوجتك لها علاقات كان مادريت لو تموت اقلها تطلع لها بطاقة سوا ومحد بيدري وتسوي الي براسها بس ذا البنت شكلها بريئه وماعندها مشاكل انك تتصل وتلقاه إنتظار ولى فيه خدمه تعطيك مقفل وهي تكلم بعد,,
بس البنت توها صغيره وماتعرف طبايعك واسلوبك وواضحة ماتلف وتدور بس أنت تعوذ من أبليس ولاتعطي لنفسك مجال والأخوان الحين نادر مايدخلون السوق مهوب فاضين يدورون لين يخلصون والحمدلله دام أمها معها فالبنت ان شاء الله كويسه وبعدين أمك أخبر في طبايع أم البنت وعلى قولة المثل إذا جيتا تضمها أسأل عن أمها,, وصدقني لو البنت في راسها موال ولى شباب ماراح توافق عليك وش الي حادها تاخذ واحد محافظ وملتزم.. بس مبين عليها تحبك ومعجبه فيك وتوها صغيره لاتوقف على الوحدة كل شي يجي بالسياسة والتفاهم والحب..إذا هي تحبك بتسوي الي يرضي ربي ويرضيك.. وعليك بالأستخاره مره ومرتين وثلاث |
اقتباس:
|
اقتباس:
تحياتي |
اقتباس:
|
اقتباس:
|
اقتباس:
ماعرفتني زين وعرفت حبي لها حسيت انها بتموت فيني لكن من فترة تغيرت ... حتى نبرة صوتها متغيره .. منوووووله تكفين ادعيلي بالخير |
رواء الايمان
متزوج منى 14 saapna81 ألف شكر وما أقول إلا دعواتكم |
اقتباس:
|
اخوي اسمح لي على صراحتي...
شكل زوجتك بنت مدينة.. وعادي جدا بالمدن نطلع اسوق بالليل.. اجل نطلع بالنهار يصهرنا الحر... واكيد الاسواق تخلص وتغلق الساعة 11 او 12 على حسب كل مجمع ونظااااامة... هي ارسلت لك اكيد سمعت من صديقاتها بادرية بالرسائل وهذا يصير عند كثير من البنات... وبالنسبة للمن تتكلم عن انه احنا دين مو عادات وتقاليد.. اسمحي لي اقولك بنت ديرتكم واعرف تماما مجتمعنا.. عادات وتقاليد... فقط وهي الاهم.. والدين يجي وراه.. وانت بنفسك تناقض نفسك... تقول دين.. وبعدين تروح تشك في البنت وتحكم عليها.. وما تروح تسأل عنها... ووتشك فيها من غير وجه حق.. هي قالت لي تروح مع امها.. واخوها يوديها.. وهي بعض كلامها تتكلم لانها بعدها صغيرة... تتكلم معك بكل صدق مثل كلامها مع صديقاتها.. يعني لو بنت مو زينه مستحيل تقولك انا اطلع مع امي واخوي.. بالعكس تسكر فمها مره وحده.. وانت شلون تشك فيها ما تعرف هي بنت مين اللي انت ماخذها.. والا حيالله ناس اخذ منهم.. وهي من عسير.. وما ادري على بالك الام بتخلي بنتها عادي تتكلم مع شباب هايتين.. ومسأله الشرف ثانويه هذا اللي يدور براسك.. ومكالمة بالليل.. طيب ايش المشكلة.. في بعض الناس النهار نوم والليل قومه.. وهذا كثير اتصالاتهم وزياراتهم تبدأ من الساعة 9 بالليل... يعني تستمر الطالعات لين الساعة 2 و 3 الفجر والمكالمات كذلك.. واحنا عندنا بالمدن خصوصا بالاجازات هيك الوضع طبيعي جدا.. ولكل مدينة طبيعتها... تختلف عن الثانية.. ولكل عائلة عوائدها.. ولكل الصديقات عوائدهم.. يعني نظام البنت ما تمسك التلفون بعد الساعة 8 بالليل مات مع جدي.. الحين البنت تكلم صديقاتها.. والحمدلله الثقة موجودة.. وهي ما كلمة غريبه ولا قالت حرام.. اذا بتبدأ حياتك شك وتحطم حياة البنت معك بعد الزواج.. وتبقى بتفكير واسلوب البدو بالتعامل.. قول للبنت.. وريح مخها قبل الزواج.. بكرتا تندم سنين عمرها الي تزوجتك.. وهي الله يرزقها باللي يقدرها... |
اقتباس:
أنا بنت وبكلمك عن طبعنا وطبايعنا اللي هي قريبة من طبايعك البنت في لبسها لطلعة السوق ما وضحت لي يمكن لابسة عباية على الكتف أو متنقبه وشوف دكتورة قالت لنا أن العباية على الكتف ماهي حرام وقالت لنا الشرع ماحدد صفة للحجاب اما التقيد بعباية معينه بدعة ماانزل الله بها من سلطان قالت لنا أهم شيء تكون ساترة وخالية من النقوش والعبايات نادرا خالية من النقوش لو كانت نقشة سوداء غير ملفته للنظر لو كانت العباية ضيقة والله مامعناتها بطالة وفاسدة وخصوصا زي اللي في سنها اكيد بتقلد غيرها وخصوصا سن 18 مراهقة وحب تقليد واذا ماكانت العباية جايبتها من المهر وأما الحديث مع صاحب المحل وتساله مادام تسال عن السعر مو معناها فاسدة اما مايخص الجوال قلت الساعة 3 في الليل يمكن هي تكلم صاحبتها أو أختها وترى احنا نسهر الى الصبح والبنات نايمين العصر والمغرب الان البنات يدقوا على بعض من وحده ورى يااخوي والله نصيحة لك من أخت شوف لو طلقت وتزوجت غيرها والله حتعيش في شك عالطول ولا حرمة بتقعد معاك لان الطلاق مايحصل الا من الرجال الشكاكين ولا تنسى أن بعض الظن اثم وانت عالبالك المرأة صالحة وملتزمة انها اذا تزوجت ياما حريم أعرفهم لبسهم قبل الزواج شيء وبعد الزواج شيء ثاني وغير حتى في الشارع عبايتهم مزركشة الانسان يتغير فاسدة تصير صالحة وممكن الفاسدة يصير صالحة وصدقني لازم تعرف حاجة وحده في الزواج أن الشك قاتل والتزم بالاحاديث النبوية والهدي الصالح وان أخطئت خلي الله يحاسب مو انت اللي تحاسب انت ماترضى على أختك يجي واحد مثلك ويطلقها بمجرد شكوك وأستر على الادمية من ستر مسلما ستره الله يوم القيامة والله مايضيع أجر ولا تخلي للشيطان طريق لانك بتتعب خلي تفكيرك في الشيء صالح |
الله يعينك
|
الحب يهدمه ويدمره الشك
اولا حرام عليك تشك فيها.. وشلون تقول تحبها وانت تشك فيها ... الحب يعني الثقة روحاتها للاسواق طبيعي لأنها تجهز وتستعد للزواج وترتيباته ... وابوها واخوانها مايحبون الاسواق .. فتروح مع امها كلامها بالتلفون الفجر عاادي وتكلم صديقاتها او خواتها مو احد غريب ... انا اكلم صديقاتي اي وقت عااادي خاصة ايام الامتحانات ... ولو هي تبي تلعب استخدمت رقم ثاني مو نفس الرقم بالنسبة للعباية كلمها وقول لها بس بهدوء عشان ماتعاند لان بنظرها هي ماسوت شي غلط وابعد عن الطلاق ولا تفكر فيه ... وشلون تفكر بالطلاق وانت تحبها ؟ وفي النهايه" لافرق بين اعجمي ولا عربي ألا بالتقوى" |
ما اتوقع ابدا ان لها علاقات مشبوهه او تكلم شباب او من هذا القبيل
كل ما في الامر انها متعوده على اسلوب معين بالحياه انت مو متعود عليه ورافضه وهذا الي خلاك تشك لان انت متعود ان ترى ما تفعله كبيره في حين هي متربيه في بيت هذي الامو ر عاديه استخير اخي وتوكل ولازم تبين لها انزعاجك من هالتصرفات علشان تكون هي عارفه انك غير قابل فيها وبين لها ان هالوضع بيتغير لما تيجي بيتك علشان لا تتفاجئ بعدين وتحسب حسابها من الان وتتحضر نفسيا للتغير وكون حازم بهالمساله بالتوفيق |
بصراحة أنا متفهمه تماماً لوجة نظرك فتقريباً نتشابه في العقليات مع انني من دولة غير بس كأن أحد أخواني الي جالس يتكلم!! المهم يا أخي غيرنا يشوف ان احنا رجعيين بس الزمن تغير وصارت بعض الأمور الي كنا نشوفها عيب ومنقود أصبحت عادية جداً فمكالمات الليل أصبحت عادية جداً والأخوات فسروا لك سر المكالمات الليلية، أما ذهابها إلى السوق فأيضا أصبحت عادي جداُ أن تكون أيضاَ بالليل وبكثرة فهي تحضر لعرسها وربما الوقت المناسب هو المساء فهي من ناحية الجو ألطف وبساعد على الخروج المتكرر
يا أخي الدنيا تغيرت ويجب أنا نساير هذا التغير، إلا في مسألة التبرج فكن حازما فيها من الآن وأطلب منها الحشمة حتى ابدأ بمناقشتها من الآن في مسألة غطاء الوجه لأن هذا الشيء لا يدخل في مسائل العرف والعادات والتقاليد بل الدين والسنة موفق أخي في الله وان شاءالله نسمع بخبر زواجك قريباً ان شاءالله |
قلب سلطان
زهوره الفداء أم ولدها شكرا على طرحكم بس انا جالس أقوووووووول البنت ماكانت كذا البنت متغيره .. دعواتكم مبروووكه الله يعينا وكلامك صح والدنيا كل مالها تخرب والفساد يزيد حتى في أرض الحرمين ومهبط الوحي ..!! |
ألف شكر لكل من رد ولكل من نصح ولكل من دعاء لي
ما يستفاد من كلامكم أخوتي وإلي راح أسويه ان شاء الله : 1- راح أتعوذ من الشيطان الرجيم .. 2- بأظن فيها ظن حسن وعمر التربية السليمة ما تروح خسارة .. 3- راح أستخير رب العزه والجلال لكي يدلني على ما فيه خير لي ولها .. 4- راح أتكلم معها في كل شي وأبين لها كل نقطة .. 5- بأحاول ابين لها إن تحذر وتبتعد عن أقاربها ( خالاتها ) مع العلم إني عارف إنها بتنقل كلامي لهم .. !! والله يكتب إلي فيه الخير .. ما باقي وقت على الفرح .. أروح أطلق .. أعوذ بالله من الشيطان الرجيم .. أسألكم بالله إن تدعولي .. احبكم في الله .. أشكر كل بدوي في هذا المنتدى الغالي:d |
انت مقبل على زواج وعلى خير كثير باذن الله لا تخلي مجرد ظنون تغيرك
دامك عارف اصل البنت وتربيتها باذن الله ماتلقى الا اللي يرضيك وترى البنت بعدها صغيره 18 يعني في هذا السن معروف العناد عند اكثرهم ولبسها للعبايه مايحكم عليها تقدر انت بعدين تخليها تستر بس شوي شوي عليها مو بالقوه علشان لاتاخذ الشغله عناد ويااخوي ترى مكالماتها اخر الليل مايخليك تظن او تشك فيها كل البنات يسهرون بالليل ويكلمون بعضهم انا اعرف بنات كثير وبهذا السن يكلمون صديقاتهم في هذي الاوقاتوهم والله من بيوت صالحه ولا ينشك فيهم بس بعد الزواج كل شي بيتغير اسأل الله ان يوفق بينكم ويبارك لكم |
أخي فهد قرأت الردود جميعها ولا أملك بعد أن اتخذت قرارك إلا أن أدعي لك بأن يبارك لك ربي زواجك وأن تكون زوجتك خير معينة لك على طاعة ربي ... وأن تظلكم نسائم الرحمة ويرزقك الحياة التي تتمنى ولاتنسى أن تذكر دعاء الدخول على زوجتك في ليلة فرحك ...
أختك بنت طيبة من قائمة البدو في المنتدى :d:d |
أن من رايي أخي الكريم تقوم بإختبار بسيط لخطيبتك
أولاً منها تكبر في عينك أكثر وأكثر ثانياً تعرف إذا هيه لها علاقات أو لأ جيب شريحه جديده وكلمها منها وشوف وبعدها إلي في راسك سويه وبعدين لا تنسى إنها راح تصير أم لأولادك ولازم تكون ثقتك فيها كبيره لأنك لو جلست تشك في الأمر ما راح تأمن عليها تحيتي |
حياك الله اخوي
بصراحه ماعليك من هواجيسك بتقدر تربيها وتربي اهلها بعد بلا طلاق بلا هم انت رجااااااااال وقد انك تصلح حالها ان شاء الله توكل على الله وعلى البركه مقدما |
السلام عليكم
انا مقدر وضعك لاني مريت بنفس الظروف تقريبا جوزي اللي كنت شاكه به وطلع شكي بمحله بس بعد الزواج وبهد الشهر 7 من الحمل وعشان الطفل اللي في بطني ضحيت وياريتني ماضحيت لانه استمر على غلطه ومااكتشفت الا بحملي الثاني لكن عند الله حقي مايضيع بس انت لازم تفكر وتستخير وتصارح اذا وافقت على كلامك ورايك بالنسبه للعبايه والمكالمات ووووووووو الاشياء اللي تضايك اكمل معها المشوار اما اذا عاندت وهي مخطوبه ايش تساوي بعد الزواج وات قلت يحكمك كتاب الله شوف الصح وسويه لاتستعجل يمكن تظلمها اتاكد من كل حاجه قبل الزواج لان مشكله اذا اكتشفت حاجه بعد الزواج وحصوصا اذا حملت منك واعرض كلامك للشيخ مع التحيات هدوله |
الله يوفقك يارب ويتتم عليك ويسعدك سعادة الدارين انت وياها ويبعد عنكم شياطين الأنس والجن,,
اسمع نصيحتي أخوي كل خطواتم الي قلتاها مره حلوه الا نقطة أنك تحذرها من خالاتها لاتخلق عدواه مع أهل أمها من البدايه وهم أقرب لها حاليآ منك أصبر ومتى ماصارت عندك وعاشت معك بيكون تأثيرك عليها أكثر من أي أحد.. يمكن الحين لو تحذرها بتكرهك وتحس انك تبغى تسيطر عليها وتقفل عليها في بيتك خلك طبيعي وطمنها عن ليلة الدخل ووسع صدرك ياشيخ أنت عريس ومابقى على زواج الا كم اسبوع أنتبه تفتح معها مواضيع ممكن تتأجل لبعدين خلها تحلم بيوم زواجها وبشهر العسل والطلعات والجيات ولاحق على كل شي بعدين.. الله يسخركم لبعض ويحفظكم لعين ترجيكم:) |
استخير الله
صارحها بما يضايقك ويدعك تشك الحل بالمصارحه ومعرفه الأسباب منها شخصيا |
الله يوفقك ويستر عليك ويهديلك خطيبتك
معليش يا اخوي انت تقول انها متغيره ما في احد يضل على حاله الناس كلها بتتغير ما اقول انها اتغيرت للحضيض اتغيرت بمعنى انها اتجرأت في كلامها في تعاملها انا زي كدا املكت وانا عمري 18 سنه يعني قدها بعدها مدري ايش صار فيا حسيت نفسي اني اتغيرت اتجرأت بس الجرأة العاديه لاني كنت مرة استحي اخوي انت عشان تربيتك والنعم فيك وفي اهلك منت متعود على حاجات مع اهلك زي (مكالمات اخر الليل او خروج السوق من غير محرم او الكلام مع البايع عن الاسعار) عشان كدا انت تشوفها مرررررررررررررررة غلط وانت الله يهديك تفسرها انها صاحبة علاقات والعياذبالله ولا هادي الشغلات عند ناس كتير مرة عاااااااااااااااادي (على فكره الناس اللي اقصدهم مو الناس اللي فالتين بناتهم ولا يدروا عنهم لا تفهم قصدي غلط) وبالنسبه للجوال افرح ان اهلها من اول ما اعطوها جوال اعطوها بعد ما انخطبت واملكت يعني عندها رجال وكم عضو ردوا عليك نفس الكلام اللي كان ودي اكتبه لك اللي هو انها لو كانت صاحبة علاقات كان ماخلتك انتظار خمس مرات البنات اللي يبدأوا يعملوا علاقات يكونوا خايفين يحاولوا انهم ما يخلوا احد يشك فيهم واحس خطيبتك تصرفها عادي شوف الموضوع وما فيه قلة التدين فينا والله المستعان ما توصل لدرجة علاقات و العياذ بالله انت فيك غيره زايده حبتين اخوي لاتدخل الشك في حياتك لانك حتظلم نفسك اول وحتظلمها معاك و الاستخارة ثم الاستخاره ثم الاستخاره اذا كنت منت مرتاح والله يهدي الجميع ويبارك لك في زواجك يااااااااااارب |
الله يعينك اخوووي والله البنت ماتستاهلك احنا بنات وادرى ببعض
وانا والله اتعاطفت مع قصتك وحسيت بالقهرر اللي انت حاسس فيه والرسول قال " اظفر بذات الدين تربت يداك " الله يختارلك اللي فيه الطيب |
الله يكتب اللي فيه الخير و اتوقع ردود الاخوان والاخوات يكفي فقط اردت ان اطرح رأي لعله يوضح لك الصوره بعض النساء اذا وثقوا من حب زوج المستقبل (زي ما قلت انك تحبها كثير و حكيتلها) ... ممكن هذا يجعلها تتجرأ وتكون واثقة اكثر انك مستحيل بتكسر بخاطرها و تتخلى عنها .... يعني بصوره اخرى مثل حب الطفل لابويه وهذا اكبر دليل انه مفهوم الحب لديها غير ناضج بعكس ماهو معك لانك انت اللي بتحب هي كلها مسأله وقت .. وتيقن دامك على خير .. الله بيكتب لك الخير فالطيبون للطيبات |
السلام عليكم ...
تقول البنت متغيرة .... وانت وش دراك فيها قبل الملكة ؟؟ انا اقول نعم متغيرة ... متغيرة عن الصورة اللي في خيالك .. وتعرف المثل المصري ... تعرف فلان ؟ ايوه ....سافرت معاه ؟؟ لأ ....يبقى ما تعرفوش .. وين المعاشرة اللي بينكم علشان تحكم يتغيرها .. ولا تقول أخواتي وامي قالوا ... الانسان ما يعرف الانسان الى ان يعاشره .. الرجال وهو الرجال امه اللي ولدته وربته ما تعرفه كثر زوجته اللي ما اخذته الا من قبل كم سنة .. فتعوذ من ابليس واستخر |
يا اخي انت بتتزوج البنت مب اهلها .. فلازم تفكر .. اذا هي بدت اتعاندك فكل هذا بتزيد مشاكلك معاها بعد الزواج .. لازم تتفاهم معاها فكل شي .. لان فالنهايه السلطه عند الريال مب البنيه هي اللي اتعاند والله انا ريلي ان تكلم بكلمه ع طول انفذ كلامه وطبعا فشي فيه مصلحه لي ..
فكر واتفاهم معاها .. |
السلااام عليكم..
أخوي..انا عندي جوال واكلم صديقاتي الفجر..واحيانا اظل للصباح..وامي وابوي بعرفون بهالشي.. وماعندهم مشكلة..لانهم يعرفون صديقاتي.. انا متملكة..وراح اتكلم لك عن نفسي.. انا لو خيرني خطيبي بينه وبين اهلي..راح اختار اهلي.. طيب وش الحل؟؟..:11: انا اعرف بنات..قبل الزواج كانواشي..وبعد الزواج شي..وانا اقصد هنا من ناحية العباية.. والسبب رجالهم.. انت في هالفترة..اذا بتظل معها..وانت مو متاكد من حبها لك..خلك لين معها..يعني اذا حصل وزعلك شي حاول انك ماتجيها بالاوامر..او بالصراخ.. الين تكسب قلبها..حاول تغيرها وبلين.. الله يوفق لك ويكتب لكم كل مافيه خييير.. |
أرى والله أعلم أن تصارحها بأنك ترفض التبرج من قبل الدخول بها كشرط أسأسي لإستمرار حياتكم مع بعض
وأنصحك بعدم الإستمرار في هذه الزيجة إلا بعد أن تقوم بتسوية جميع الأمور معها والوصول إلى نقطة إتفاق أخي الحبيب لم تذكر لنا(وأرجو أن لايغضبك سؤالي) ولكن هلا كانت لك علاقات مع فتيات قبل أن تخطب؟ |
الحمد لله إنك اتعوذت من الشيطان
لكن لو ناوي تظل على هذه الحالة فأنصحك تروح طبيب نفسي لأنك مريض بالشك و الوسواس كل اللي ذكرته أشياء أكثر من عادية سواء على بنات مجتمعك أو غيره راجع حساباتك لأنك الغلطان الوحيد في الموضوع برأيي ربنا يوفقك |
أشكر جميع من رد على موضوعي .. لكن لفت نظري هذا الرد
اقتباس:
وأقسم بالله إني لما أشوف بنت تمشي وهي ماهي متسترة وإلا حسيت ان لها أفكار سيئة .. إنها تدمع عيني ..رحمة بها ..لأنه معروفه نهايه كل من تمشي في هذا الطريق ؟؟ |
اخوي تغيرها المفاجيء
عادي نتيجة اول ماعندها فلوس بيدها تشتري عبايات اللي بنفسها فيه وغير كدا صار عندها جوال حاسه تغير عادي يحدث لكل وحده قربت تتزوج |
اسال الله العلي القدير ان يجمع بينكم في خير
اخوي نصيحه مني حاول تعرف كل الاسباب وتضع النقاط على الحروف بصراحه توقعي ان خطيبتك تصرفاتها بريئه لانها لسه ضغير وكمان اغلب البنات بعمرها نفس التصرفات واكثر كمان اانا عندي اخت نفس الشي بالثانوي واتصالات صديقاتها على الفجر او بعدها وكلمتها ان هالشي صعب وخصوصي مع الاهل واخواني لانهم نفس الطباع الي عندك بس تشوفني انا وتقول ليش انتي يمكن لان اغلب صديقاتي يفضو بعد مايناموا ازواجهم واولادهم والوقت بالصيف مقلوب ليلنا نهار ونهارنا ليل وذا حسيت ان البنت اخلاقها صحيحه وسليمه وتربتها عاليه فهذا اهم شي وبعد الزواج حاول يبعدها عن كل من يساعدها في التغير عليك بس لاتكون بطريقه مباشره لانك بتفرها منك لمى تحرمها من اقاربها وتسبهم بطريقه ذكيه حاول تبعدها عنهم ومن بدايه حياتكم حاول انها تكون حياتكم واسراركم لكم فهمها هالشي وطبقه بحياتكم وعودها من هالحين على طباعك الطيبه اسال الله ان يسخر لك الخير ياحي ياقيوم |
اقتباس:
الحين الرجال معاه حق الشك ذبحه وانا لو من محله كان شكيت تصرفاتها شبهه ... ان السلم كيس فطن .... والرجال شاف تصرفات غير طبيعية ومن حقه يشوف اسبابها ومبرراتها . |
كل شي من ناحيتها طبيعي ما عدا العبايه
وبإذن الله هي ماتكلم شباب بحكم قولك عن اهلها ممكن بس تحب لفت الأنظار ولأنها توها على وشك دخول قفص الزوجيه لما تتزوجها حاول تعيد معها مسألة الحجاب بلطف وكلام حلو لا تقول انا قلت لها وما قصرت معها مع الكلام الحلو انا اقول استمر معها بالأسلوب ولو تحط إبهارات حلوه من عندك يكون احسن ولأنها لازالت صغيره اعتقد ترويضها يكون أسهل لك وشي آخر الي بسنها يكونون حساسات لأنهم بسن المراهقه ممكن هي مو مقتنعه بشكلها فتتجمل علق على شكلها دائما واجعلها واثقه من نفسها إن كانت هذي هي المشكله بها وقل لها بكلمات حلوه انك تغار وتكره ان احد يناظرها غيرك عاد انت واسلوبك المشكله بسيطه وانت مكبرها لا تخلي الشيطان يشوف شغله بينكم والله يوفقكم يارب وتعيشون حياة حلــووه ^^ |
طبعا طلقها لان الشك مرض ماحد يتحمل يعيش مع انسان مبتلى فيه
انت قذفت كل بنت مايعجبك لبسها وتحمل اثم قذفك يوم القيامة |
وعليكم السلام ورحمة الله وبركاته,
أخوي "فهد المحتار" الله يعينك على أمرك ويزيح ها الهم منك...بالنسبة للحجاب انا خليت زوجتي تلبس العباية الي تغطي الراس لين نص الجسم وتجي واسعة بعد أسبوع من زواجنا وهذا بعد ما شرحت لها إنها أفضل وأستر عليك وما يخلي الي ما يخاف الله يتفرج فيك...صدقني خلها تسمع منك حلاوة اللبس الإسلامي الصحيح وكيف إن الله سبحانه وتعالى ضمن للمسلمات الخير لما يلتزموا باللباس الشرعي. بالنسبة لخروجها مع امها...الشيخ محمد بن عبدالوهاب اليماني وهو من علماء الحديث في اليمن أفتى بجواز خروج البنت مع أمها من غير محرم للضرورة إذا كانت المدينةأمان وما عليهم خوف واحنا الحمد لله ما عندنا مشاكل لخروج البنت مع أمها في مدينتنا وافيدك إني كنت مشغول بها الأمر كثير لأني أبعد عن زوجتي 60 يوم لظروف العمل وأخوانها مش فاضيين لها ولا لمشاويرها الضرورية مثل شراء مصروف او الذهاب للمستشفى. حقيقة أقولها لك إذا زوجتك تحبك من صدق,بتسمع كلامك وبتكون حريصة إنها ما تزعلك وانت أحرص على كيف تخليها تحبك بالكلام الطيب والمعاملة الحسنة وتذكرها بالله وما أمر بوجوب طاعة الزوجة لزوجها وإن شاء الله تجد النتائج المثمرة بعد ذلك. بالتوفيق |
اخوي بارك الله فيك وفى اخلاقك الطيبه
البنت فى سن مراهقه لسه تبغى تتدلع ولابد تكون جريئه بهذا السن مو الكل قلت البعض انت اتمم الزواج ومايصير ان شاء الله الا الخيرر والله يوفقك دنيا واخره .. |
| الساعة الآن 11:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©