|
اللي تزوجوا وهم صغار ... ما هم أحسن منك ... ومن قدر على المسؤولية من المتزوجين ... فليس بصاحب معجزة وليس من كوكب آخر .. فما عنده عندك ... ولكن حدد اسباب زوجك ... حتى تكون على بينة ... الله يسهل أمرك ... ويرزقك فوق ما تتمنى ... دمت بحفظ الرحمن ... |
اشكركم جزيل الشكر اخواني ...
والله اني عارف بس ياخي فيه ناس تردني ....واخاف اتزوج ويفشل وتكون غلطت العمر انا ابي من الزواج اول شي اصووون فرجي في الحلال ثاني شي ابي افرح ابو وامي واهلي كلهم الله يخليهم لي ... ثالث شي وودي يجوني عيال وانا صغير ما اصير زي ابوي الله يطول في عمره ولكم كل الشكر والتقدير من اخوكم |
والشكر لله ثم لكل من ابداء رايئه ...وكل من قراء الموضوع ...
واشكر الاداره شكر خاص على هذا المنبر الماسي الذي نحن في امس الحاجه له وبارك الله فيكم |
اخي الحبيب يقول النبي صلى الله عليه وسلم في الصحيحين وغيرهما عن ابن مسعود رضي الله عنه قال قال رسول الله صلى الله عليه وسلم { يا معشر الشباب من استطاع منكم الباءة فليتزوج فإنه أغض للبصر وأحصن للفرج , ومن لم يستطع فعليه بالصوم فإنه له وجاء } قال في القاموس : والباءة والباء النكاح . وفي لفظ " عليكم بالباء " وذكر الحديث .
اخي انصحك بالزواج لتعف نفسك طالما انت مستعد توكل على الله وبشرنا بزواجك |
اشكرك اخوي مامون ....وربي يفرحك باغالي ...
والله ييسر ويكتب مافيه الخير |
توكل على الله
لا تقلق ناس خايبه عرست التوفيق من الله خاصه اذا غرضك العفه والأستقرار ياليتي اقدر اخطب انا بنت استغل الفرصه انت ولد |
والله ياخوي الامر يعتمد عليك انت شخصيا
انت شايف نفسك مؤهل للزواج بكافة مسؤلياته؟ مسؤليتك عن نفسك وعن زوجتك وعن بيتك؟ مستعد لتحمل المسؤلية ؟ بالك طويل ومستعد تتحمل زوجتك وتحاول تفهمها وتفهم شخصيتها وتتعامل معاها كما يرضي الله؟ مستعد تغير حياتك العزوبية؟ مستعد تتخلى عن السهر لساعات طويلة برا البيت؟ مستعد تتخلى عن السفريات من وقت للثاني مع الاصحاب؟ مستعد تلتزم ببيتك وزوجتك ويكونوا هم اول شي في حياتك ، وبعدهم تجي وسائل الترفيه الاخرى؟ مستعد تتحمل طلبات البيت جيب كذا وكذا ؟ مستعد تتحمل طلبات زوجتك ودني بيت اهلي ، ودني الزواج الفلاني ، ودني السوق محتاجة اشتري الشي الفلاني؟ اذا كنت واعي بالزواج ومسؤلياته وشايف انك مستعد تتحمل مسؤليته فليش تأجل زواجك بحجة صغر سنك؟ العبرة بالعقل مو بالسن العبرة بالنضج هل انت حاسس انك نضجت كفاية بحيث انك ماتظلم بنت الناس معاك؟ اعرف واحد معرفة قريبة ، تزوج وعمره 20 سنة وزوجته عمرها 18 سنة وجاب منها ولد لكن ... كان كل يوم سهر برا خلاها تسكن مع اهله ورمى المسؤلية عليهم وآخرتها يقول مو هي البنت اللي كنت اتمنى اتزوجها .. شكلها مو عاجبني !!!!!!!!!! فانت شوف نفسك بعدين قرر وربي يوفقك |
مافيها حاجة تزوج الله يوفقك...
|
night2005 --- اشكرك عزيزتي على ردك الرائع ...ولكي كل التقدير ....
تالينااا --- اذا على المسؤليه فاانا متحمل المسؤليه من الحين على اهلي وبقدر ان شاء الله على المسؤليه ... |
a_gleam -- اشكرك عزيزي ويسعدني ردك
|
يامعشر الشباب من استطاع منكم الباءة فليتزوج
توكل على الله ... بس لا تستعجل بالاختيار بالتوفيق=) |
اخي ان انت حاسس رغبتك بالزواج قوية وتريد اعفاف نفسك وهيك
تزوج وتوكل على الله وان كنت متردد نصيحتي اجل الموضوع اكم سنة لانك لسة صغييييييير عالزواج جدا |
مشكووور عزيزي خيركم لاهله ...وعسا عمرك طويل ....والله يكتب مافيه الخير
|
تسلم اخوي ملك شادي ...والله الين الحين محتار ...
ولك كل الشكر والتقدير |
أخي الكريم أعـرف شـباب كثير زمـلاء لي تزوجـوا وأعمـارهـم 20 سنة، فإجزم وتوكل على الله وأحسن نيتك من الزواج وعجل.... لأنها راحت علينا....:( دمتم بحفظ الرحمن |
هلا أخوي
أنصحك بالزواج والحمدلله إنك متوظف ومافيه داعي تنتظر أكثر يا أخي ومافيه مانع مادام أحوالك المادية زينه انا أخواني الثلاثه كلهم يتزوجون في نفس سنك والحمدلله عندهم عيال ومبسوطين اعزم ولاتتردد وتوكل على الله وإن شاء الله ربي يوفقك & |
مشكور عزوبي بس رجل ...
يعطيك العافيه وعسا عمرك طويل |
مشكور عزيزتي همس الاصيل ...
اسعدتيني بردك على الموضوع ...والله يكتب مافيه الخير واللهم اذا كان في الزواج خير لي فعجل فيه |
اذا مستطيع الله ييسر لك لاضغير ولا شي عادي اهم شي تستر نفسك بالحلال ماحد بينفعك الله ييسر لك زوجي تزوجني وعمره 20 والحمدالله حياتنا سعيده ولله الحمد
|
تسلمين عزيزتي الزهره النرجسيه
كلامك عين العقل بس وين الناس اللي متفهمه والله يوفقك وجعل حياتك كلها سعاده |
بصراحة توك صغير هذي من وجهة نظري
عندي ولد عمي قريب تزوج وعمره 20 هو لسه داخل الجامعة والحين عمره 25 .. سالته قلت انت ماستعجلت قالي بصراحة بعد زواجي بسنة حسيت اني استعجلت . بس لما جاني ولد وحسيت بالمسوليه والله العظيم ارتحت وسترت على نفسي من الحرام وكل شي . تبقى وجهة نظر . في الاول ولاخير صدقني هي ترجعلك انت صامل تعرس اتكل على الله انت متردد صل استخاره انت بتتزوج عشان بس شهوء الخ .. مانصحك تعرس اما تفكر عشان تستر على نفسك من الحرام وتستقر نفسياً وانت قد المسؤاليه اتكل على الله وتزوج |
الله يكتب مافيه الخير ...
مشكور على ياخوي وعسا عمرك طويل ... |
الاخ الفاضل ..
في رائي .... الافضل تنتظر خصوصا الان في العشرين تكون خبرتك قليلة في الحياة والزواج يحتاج الصبر ... |
اشكرك اختي السديم ... والله محتار الين الحين ...وافكر اخر موضوع الزواج ....واطلع براء
|
ياناس يعني وش اسوي ....ولاكيف ابي حل مقنع ....
تلخبط مخي .... واخاف اتقدم واخطب وترفضني البنت بسبب الصغر في العمر تكفون تحملوني بكثرة الاسئله ... لاني وربي تعبت تحياتي اخوكم الصغير |
خير البر عاجله
والله يااخوي زوج خالتي تزوج وعمره 20 سنة وخالي تزوج على 23 سنة وماصار شيء اعزمها وتوكل قال قال رسول الله صلى الله عليه وسلم { يا معشر الشباب من استطاع منكم الباءة فليتزوج فإنه أغض للبصر وأحصن للفرج |
يطولي عمرك ياخوي قلب سلطان .....
واخواني ... انا الحين ان شاء ببداء ادرس بكالوريس انتساب هل ينفع اتزوج وانا ادرس ابي تجاربكم الله لايحرمكم الاجر تحملوني شؤي ..مالكم الا الجر والدعوه في ظهر الغيب من اخوكم |
أخوي ينفع تدرس بكالوريس انتساب
وعمر الزواج كان عائق للدراسة |
يا أخي تزوج ولا تضيع الفرصة
|
اخوي "اتمنا الزواج" والله حلاتها تتزوج الحين ويرزقك ربي بعيال يشبوا بسرعة يعني توصل الاربعين ويكون تحتك رجال على سنك هذا.
احب أذكرك بقول الله تعالى في سورة النجم "وما ينطق عن الهوى","إن هو إلا وحي يوحى" والمقصود هو الرسول صلى الله عليه وسلم فيا اخي توكل على الله ما دام رسولك يحثك على ها الشي وبإذن الله ما تندم طرفت عين ما دام ظروفك ولله الحمد ميسرة. |
| الساعة الآن 12:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©