|
يا حبيب الامس .. ان شاء الله تصير حبيب اليوم و الغد !!
عندي سؤال : من اللي قال لك على البنت اللي عمرها 24 سنه ؟ اذا الوالده .. تتوقع الوالدة ودها لك بالخير ولا ؟؟؟ جاوب على هالسؤال بنفسك. اذا غير الوالدة .. ليه ذكروا لك البنت ؟؟ فيه اشيااااء انا متاكد انك ما تدري عنها ((يشوفونها فيها و يقولون هذي تصلح زوجة لولدنا)).. كنت مثلك تماما قبل ما اتزوج .. بس تفكير ثاني : تدري وشو ؟ كنت اقول لاهلي انا ما ابي وحده من العائلة ابدااااااااا... و قعدت ادعي كل يوم تقريبا ان الله يرزقني الزوجة الصالحة .. والحمدلله الله رزقني بام عيالي و من العائلة بعد. هذي الامور عند رب العالمين .. والله يا طويل العمر عمر 24 سنة اشوفه مناسب ومش صغير و بالعكس اقرب لك من الناحية التفكير و النضج الذهني و و و الخ. شووووف يا اخوي الفاضل : بكون معك صررريح. ما فيه احد من شبابنا هالايام ما يفكر في ان تكون زوجته ملاااااك و قمررر و عسل و و و الخ. انا معكم .. بس عفوا هذا مو كل شي. انت ودك بالزوجة اللي تخاف الله فيك و تخاف الله في نفسها و تخاف الله في عيالكم في المستقبل. ترى هذا الامر مو سهل ، ولا تحصله عند كل البنات. البنت ام 19 او 18 ما يعيبها الا قل الخبرة في الحياه.. انا معك لو قبل 30 سنة ((حتى ام 12 سنة تحصلها ام عيال و راعية بيت و دين)).. بس الله يخلف على بناتنا هالايام .. ترررررف و دلال و كل شي باااارد مبرررد.. انا اقول استخير الله (( وادع في صلواتك )) .. انا ما اقول لك كذا عشان اسكر الموضوع .. بس من جدي اتكلم و الصراحة شبابنا الان بعيدين كل البعد عن امور دينهم في شغلات كثيرة.. يعني الزبدة ابيك تحس بلذة الاستخارة و اثرها على حياتك المستقبلية ((انت تستخير رب العالمين ، رب ام 24 و رب ام 18 سنه)).. والله يكتب لك الخير حيث كان .. ((اسال الوالدة ، ما يمنع تاخذ شورها)) .. و اذا سالتها روح للوالد او اخوك الكبير و اخذ رايه و بعدين اعقلها و توكل. الله يوفقك و يسهل لك امور زواجك و يرزقك الذرية الصالحه ((وانا صراحة نفسي انك تاخذ ام 24 سنه ههههه)) قول انت وش دخلك !! تحياتي |
اقتباس:
الحين مب ضروري الشاب يكون في الاربعينات بعز شبابه..كثير الحين في الاربعينات تلقاه مكرش ومترهل وطفشان من كثر الشغل ومشاكل ماديه وعائليه خلته يعجز بدري وفيه نساء والاكثريه منهم الحين من الاهتمام بالنفس تشوفها بالاربعين ما تصدق تحسبها بنت صغيره في اواخر العشرينات.. والله من المجتمع اللي حولي صرت اتخسر ببعض الحريم على ازواجهم تلقاها قمة الرشاقه والجمال والاهتمام وزوجها انواع الشيب والكرش ومافيه حيل يعطيها وجه.. وابشرك كلهم ازواجهم بالاربعينات والمدام تكون اصغر بسنتين ولا ثلاث.. هذا غير الطاقة الجنسيه اذا ودك نتعرض لها الشباب الحين وهو توه متزوج طاقته ماتجي نص طاقة رجل متزوج له عشر سنين بس في قديم الزمان.. يعني مرة ثانيه لا تسمع كلام امك وجدتك وتحسبه ينطبق على هالزمن.. اخوي صاحب الموضوع اذا انت مو مقتنع بالفكره لا تتزوجها وتظلمها معك بافكارك الغريبه لكن اذا بتقتنع الحمدلله.. البنت دلعها وغنجها ماله دخل بعمرها فيه بنات جديات وثقيلات من عمره 16 وفيه بنات يوصلون الاربعين وهم دلوعات.. وبالنسبه للفرق بينكم انا مستغربه انك تعتبرها كبيرة!! شكل عندكم عادات وتقاليد غريبه عموما انا من نجد وعندنا الاغلبيه الحين تفضل الزواج ببنت متخرجه من الجامعه وتكون فوق ال 21 سنه عشان تكون ناضجة وفاهمه وقد المسؤوليه.. انت عارف بنات هاليومين اللي عمرها 18 تعتبر طفلة.. وبعدين انت اكبر منها مادري وين المشكله يعني لازم يكون الفرق كبير مرة وتحس انها بزر عشان تستمتع؟! ياخي ماودي اقول غريب الاطوار بس يعني ماني فاهمه ليش تبي بنت اصغر منك بكثير؟ وش المتعه يعني؟! هذي البنت انت شايفها مناسبه وهي اصغر منك بسنتين يعني اشوف ان عمرها جدا مناسب لعمرك ! حتى الافكار والحركات تكون متقاربه اذا كنتو من نفس الجيل وطبعا حنا في زمن السرعه يعني خمس سنوات تخليك من جيل غير جيلها.. فكر واستخير واذا بتقعد بعد الزواج تحس انها كبيرة عليك وتقعد تدقق على كل صغيره وكبيرة بلاش تاخذها ياخوي..والبنت اذا تهتم بنفسها وتعرف تتدلع صدقني عمرها ماتكبر وتقعد صغيره ودلوعه لين توصل الخمسين.. |
اقتباس:
في سن الطمث يقل هرمون الأستروجين فتصاب بالجفاف المهبلي !! مع ذلك اقول ان مالقيت غيرها مثل اخلاقها وتدينها وجمالها خذها محد ضامن بيعيش الى الاربعينات بصحة وعافية والا الصغيرة افضل احتياطا وحتى نفسيا |
الله يوفقك خذت صغيره أو كبيره أهم شي التوفيق..
|
تعرف احسك داخليا مو مقتنع في وحده بهذا العمر حتى لو كانت فيها كل الكماليات الى تبيها
بيضل هاجس عمرها الكابوس المنغص عليك بكل لحظه فرح او حزن بينكم اسمع وانا اختك خذ الصغيره دام اختارها عقلك والله يوفقك |
شكرا لكم جميعا
اخوي الغريب يالغالي الوالد والوالده الله يخلف علينا بخير يارب ويجمعنا وياهم بجنات النعيم الله يرحمهم ويغفر لهم يارب لكن انا ماخترت ولا استخرت لكن عسى الله يجيب الي فيه الخير البحله بالنفس شكرا على مرورك وبالنسبه لسؤالك انتي قلتي وش المتعه يعني ....؟؟ غريبه ماعرفتي !! انا اقولك انا افضل الصغيره جنسيا:o هذا اول شي يعني عمر الـ 18 ممتاز مع مرتبه الشرف !! لا احد يجيني نافخ وجهه :19: يقول انت ماهمك الا الجنس لا والف لا لكن اعتبره انا جزء لايتجزء من حياتنا الزوجيه ولابد ان نعيره اكبر اهتماماتنا:d ...وبعدين انا اقول صحيح ان الصغيره شوي مو مثل صاحبه العمر 24 او 25 يعني الكبيره تكون اعقل واثقل (والثقل مو ثقل الدم لالالا مثل ماقالت الاخت قبل) انا اقصد الرزانه وتعقل الأمور... شكرا للبقيه تحياتي |
اخي لا تظلم البنت
واعذرني الجنس لا ينجح فقط بالعمر،بس اهم شي هالبنت اللي عمرها 24 حرام تتزوجها وانت افكارك غير شكل لا تزعل من صراحتي بس اتكلم بشكل عام اللي مفكرين ان الصغيره افضل جنسيا ،ما ابغي اخوفهم لا تكون ناضجه منهن من يتكلمن عن اسرارهن الزوجيه مع صديقاتهن واشيا اخرى الله يسر اللي فيه الخير لك لكن اتمنى فعلا ان ما تندم على اختيارك واخاف ان تخسر البنت علشان العمر |
اقتباس:
الف شكر يالغاليه وماقصرتي واحترم رأيك |
اخي حبيب الامس
تاكد تماما اني فهمت وجهة نظرك لانه لي عم مثلك تماما عمره 27 منذ عام كنت انا وهو كالاصدقاء تماما ولم يكن احد منا مرتبط وكان يحدثني عن الفتاه التي يتمناها وانها بنت 18 او 19 ويقول باستحياء (تلاعبها وتلاعبك) فافهم قصده وانه يقصد بها الغنج والدلع والدلال وووووووو شاء الله العلي السميع انه انا وهو نرتبط بخلال شهرين ربنا ارسل لي زوج _بعده خطيب_ متزن ورجل بكل معنى الكلمة انا 22 وهو الله يسلمه 24 يعني الفرق بينا سنتين ...ووالله كل منا يمووت في التاني وقصه حب ولا في الخيال ربي يكرمك متل ما اكرمني اما عمي فقد بقي يبحث عن طلبه وخطب فتاه عمرها 18 وعقد قرانه في بدايه الخطبه كان قمة في السعاده بدلالها وغنجها ودلعها وجمااااالها الاخاذ اما الان قسما بالله اكثر من مره صارحني بانه يفكر في الانفصال لانها صغيره وما تقدر الامور صح وتحط نفسها وتحطه اوقات بمواقف سخييييفه وغبيه بقيت تنزلها من عينه شيئا وشيئا يعني الان يحس انها طفله انما مو طفله لذيذه وشهية جنسيا انما طفلة حمقاء بدها 10 لتنضج والله اقول الحقيقه وما يكف يقولي يا بخت خطيبك بعقلك وتفكيرك اتمنى يا اخي انك تستخير واقولك واتمنى تفهمني زيييييييين (دلع البنت مو بعمرها والبنت تكون ملتهبة المشاعر او فريييزر بناء على تعاملك انت معها) ومع وجود هذا الكم من (الفنانات ) الغنوجات فكل البنات يحبن يقلدن وياخذن دروس مجانا في الدلع والدلال والتميع فما تخاف حتكون دلووووووووعه اتمنى اكون فدتك من واقع تجربتي |
تسلم اخي
نصيحه شخصيه عشان القلق يوح عنك استخيرالله الشي الثاني اجلس مع البنت ولو بوجود اهلها بتعرف شخصيتها ان كانت ثقيله دم اولا ان كنت ترتاح لها اولا وربي يسر امرك |
8
8 8 اختي ضحكه ملاك...شكرا ولك مني جزيل الشكر والتقدير تحياتي |
وزنصيحة لك سيبك من راي الاخ No1
قسما بالله اليوم في وحده عمرها 61 والله ما احد فيها اكثر من 35 ويتقدم لها عرسان |
وعفوا آخر شي
ارتبط بمن ترتاح لها قلبا وعقلا لان نحن لن نتزوج بل انت من ستتزوج |
اقتباس:
وش جفاف وش هرمون الحين النساء تاخذ الهرمونات قبل سن اليأس وماتمر بمرحلة الجفاف اللي تقول عليها انصحك تتكلم مع احد فاهم ولا طبيب قبل لا تجي تكب خرافاتك.. اخوي الزمن تطور والمرأة الحين ماتشيخ الا يالله بالستينات والرجال مايحتاج اقولك تلفت حولك وشف الرجال اللي بالاربعينات كلهم مالين من الدنيا تقول الواحد عمره 75 سنة وجنسيا دمار بعد.. اشوا ان ثلاث ارباع الزوجات يشتكون من النقص في الجنس لان الزوج كبر وضعف جنسيا وماعاد فيه حيل.. شكل الرجال يحبون يسوون نفسهم عضلات بين بعض بس عند النسوان يبين الصدق.. |
اقتباس:
|
اقتباس:
|
اخي الفاضل اراك تتكلم عن الجنس في الحياة الزوجيه وان الاصغر غير تختلف من الممكن ان تعاني بعض النساء سواء كبار اوصغار ببرود جنسي ومايرتبط بالعمر تفكير غلط والله يوفق لك ويسهل لك امورك ان شاء الله
|
مساء الخير اخي حبيب..
رأي.. مافي شخص يفتح موضوع ويدخل نقاش على شي مو مقتنع فيه اصلا .. احس شعورك يبيها بس عقلك هو الى رافض!! وهذا الشي حيكون منغص عليكم بااقل موقف حتقول لو انى اخذت الصغيره كان احسلى عشان كذا لا تخذها ودورلك بنت الحلال الى على مزاجك |
انا زوجي اكبر مني ب27 يوم الحمدلله مبسوطين السن مش مقياس
|
24 كبيرررررة ؟؟؟؟
ياقلبي هذي لسى صغيرة على الزواج اصلا قمة الشباب والاثارة في 30 من العمر سبحان الله انقلبت الموازين ,, على فكرة 24 احسن تكون قريبة منك في التفكير والصغيرة عادة تكون افكارها طفولية بحتتتتتتتتة بينما 24 سن مناسب للزواج وتقدر تكون طفلة وكبيرة في المواقف الي تحتاج حزم بينما ام 18 و19 و20 لسى صغار وانت استخير وماينفع على الرايحة والجاية تقول لها هالكلام اذا بتاخذها وتقدرها كان بها ولا خلها ببيت اهلها يجي الي يقدرها ولا تزعل من كلامنا بس احنا ننصح ولا تنسى الاستخارة ,, |
وعليكم السلام ورحمة الله وبركاته
الفائدة في الدين و رجحان عقلها تحيه طيبه مني لك أخوك / |
السلام عليكم ورحمة الله وبركااااته
.احسن شي سويته ,بشبابك انك اتجهت للحلال والله يوفق الجميع اخوي..... ذكرتني موقف حيل قريب علي ..مره خطبتني وحده انا عمري 22.وولدها عمره 24...ويوم خطبتني تقول احنا راضين انه البنت كبيره وولدي صغييييييييييرررر ...صراحه استغرب لفكير هالناس.,انا بيني وبينه سنتين وهم اللي راضين . ترا الفرق بينك وبين البنت حلو .وانا ماراح احدد عمر انا اشوف البنت هيا تناسب اولا ياما بنات اتزوجو صغار مو شبعانين ,,وهذا شي واقعي شايفه انا في بنت اعرفها متزوجه حول 18 واحد عمره 24,,والان لها علاقات بشباب مكالمات ..., طبعا مو الكل ,,,,زي بعض بس انتا لاتحدد العمر في الفهم والدلع عرفت تختلف حسب طبيعة البنيه..وانتا كيف تكون معاها وان شاء الله يعجبك كلامي |
الله يعطيكم العافية للجميع .. انا اشوف الموضوع اكبر من حجمه .. و ما اشوف اي تفاعل من صاحب الموضوع اللي اسأل من الله انه يوفقه في عرسه و يكتب اللي فيه كل خير و صالح !!
اعذرني يا حبيب الأمس (( بس ما اشوف تفاعلك مع ردود المشاركين )) .. و كأن الموضوع يخصهم ولا يخصك !! هذي وجهة نظري في هذا الموضوع .. و الادارة ابخص ... |
اقتباس:
تحياتي لك راجيه رضا الله- رهوفه- رقاء الف شكر ورأيكم على راسي |
نشكر جميع المشاركين في الموضوع
يكتفى بهذه الردود يغلق بوركتم |
| الساعة الآن 09:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©