|
انا من رأيي تشوف لك عروسه من خارج حدود المملكه بتكلفك 25 الف ريال شامله الضريبه والشحن ...
|
أنا تزوجت بعشرين الف
|
القويع مهرك ماشاء الله عشرون الف من اي منطقة بالسعودية ؟
|
انا اذا بدون ذهب 30 الف
واذا بدون ذهب بس الزواج على العروسه 40 الف ادعولي بالزوج الصالح |
شيء جديد اكتشفته اليوم في اهل السعودية و الخليج ـ طبقات عائلية و أثمان صراحة كل بلد وتقاليده ـ
الله يعين كل شبابكم و يزوج كل بناتكم |
اقتباس:
|
قبل عشر سنوات أختي كان مهرها 40 ألف وقبل أربع سنوات مهري كان30 ألف وقبل شهرين أختي الصغيره مهرها كان 20 ألف أهم شي الزوج الصالح لأن الفلوس ماتشتري سعادة النفوس وراحتها
|
هههههههههه ماشاءالله تبارك الرحمن مازادات
مهورنا 20 الف .. واختي مهرها 18 مو نقص فينا لا والله اللهم لك الحمد دين وجمال والله على مااقول شهــــــيد لكن اغلبهم عيال عمانا وخوالي وعارفين ظروفهم وغريبه الي يقولون 50 الف وكمان الذهب عليه وش هذا ماصار زواج الحمدالله والشكر بس اهم شي العافيه |
ما شاء الله ما شاء الله
ارقام وحواسيب 50 70 80 40 وبوفيهات وانا قبيله وهذا مو قبيلي ... الا تلاحذظون يا اخوتي الكرام كيف المهور تسبب العنوسه والعزوف عن الزواج من قبل الشباب... استغفر الله هذه كلها لئن شيء صار معتاد عليه من المهور والله المستعان يا اخوه يسرو يسرو الله ييسر اموركم ويستركم يارب اخي الكريم ان موضوعك هذا نوقش ولكن هل ترا من جدوى... والله ان الواحد يخجل لمن يقولون له ادفع الي تمده يدك وااذا حددو هم غالي ويشوفون وش عنده.. ولازم يكون غني سبحان الله يبون كل الشباب فلوسهم زايده ولا انكر ان هناك كتله من البنات الطاهرات العفيفات تريد الستر ورضى الله ولكن ترا الاهل مصرين على مهر والبنت مسكينه تبي الستر.. على كلن يا اخي الكريم الله يوفقك وانا عن نفسي اشوف المهر المناسب 40 يشمل التجهيز.. والله المستعان يعني اذا منت صاحب فلووس راح اقل شي تظرب لك سلفيه 150 الف.. وراتبك قول 5 الاف الى سته صراحه اذا منت تشتغل في شركه وراح يقصون من هالسلفيه الفين ريال يعني اول خمس سنوات زواج راح تتعب في هالمعيشه الا ان الله كتب وريحك.. وعلى كلن الله المستعان وربي ييسر اموركم يارب يا مسلمييين يسر ولا تعسر والله ييسر اموركم يارب بووركتم |
اقتباس:
بالعكس اذا تقارن عروس بسياره تكون ظلمت السياره السياره بتكشخ فيها وبتستفيد وبتخلص مشاوريك ويمكن تجلس معك 10 سنوات كاشخ لاكن العروس يمكن تطفش من اول شهر ومن بيعوض خسايرك ويمكن تنكد عليك عيشتك وتخلي حياتك وبال ملحوظه: ماهكذا تورد الابل ,, يجب ان نقارن بموضوعية والا فلا |
انا من الرياض وقبيليه وزاجي كان العام الماضي ومهري 40 الف بدون الذهب وتجهيزات الزواج(( ولا كفاني بعد)):d واللي متعارف عند عوائلنا من 40 الى 50 بدون ذهب يعني بس اغراض العروس!!!!!!!!
|
مشكورين على تفاعلكم انا كنت بعطيهم سبعين الف مهر من غير الألماس ومتشاويها وحاط في بالي متين الف للألماس وهم مستواهم اقل من المتوسط بكثير بس كنت اقصد ان حنا مستوانا فوق المتوسط وكنت ابي اكون عند ظنهم فينا بس امس رحنا نخطب رسمي بعد ما شفتها الشوفه الشرعية وبعد ماسألو عني بس ماصار نصيب لأنهم ماهم متأكدين إني عندي عمل خاص وإني غني لأن عمري ثلاث وعشرين ومازلت اكمل دراستي بس وضعي المادي ممتاز والحمدلله ( طبعاً هذ اللي فهمته من كلامهم) وقالو راح نسأل ونردلكم اتصلنا عليهم بعد ما رجعت البيت وقلنا لهم لا تسألون الموضوع انتهاء
|
تكاليف الزواج
المهر والشبكة والهدايا 30- 50 الف ريال الشقة وتكاليفها 40-50 الف ريال العرس وتكاليفه 30-40 الف ريال السفرة وتكاليفها 10-25 الف ريال خدمة ما بعد الزواج ( شهر العسل ) ولها تكاليف ماهي بسيطة 3-5 الاف ريال يعني التكلفة التقريبية الاجمالية 140000 ريال سؤال للبنات والشباب هل يستطيع شاب براتب 5000 ريال ان يجمع نصف هذا المبلغ في ثلاث او حتى اربع سنوات ؟ اتقوا الله |
اقتباس:
والله من حقهم يسألو عنك .....:29: |
[move=down]اقتباس::::
سؤال للبنات والشباب هل يستطيع شاب براتب 5000 ريال ان يجمع نصف هذا المبلغ في ثلاث او حتى اربع سنوات ؟ اتقوا الله[/move] :21: :17: :11: |
(خبير الاعشاب) هم سألو عني واللي سألوهم عني قالو لهم لوعندنا بنت زوجناه وأنا الحمدلله أكثر من شخص قدم لي بنته وهم عارفين اني راعي صلاة وعارفين كل الأمور بس ماهم متأكدين من وضعي المادي فهمت هالكلام من منطق ابوها وهم مفروض لو كانوا يبون يسألون ليه يتصلون علينا ويطلبون نتقدم رسمي بأختصار هم مايعرفون الأصول وأنا عافت نفسي
|
ليـــــــــــــــــــــه أنا مهري 25ألف:(
يمكن لأني من الشرقيه:d |
يالرجال ابحث وبتلاقي البنات ماليين البيوت ويبون الستر بس انت دور وقبائل اصل وفصل
واللي يقولك ابي مهر كذا ويتشرط خله واتركه يصور جنب بناته لين يعنسون مع خالص التحيات |
احنا قبيلتنا المهر عندهم 40 الف وفيهاالذهب واغراض البنت وكل شي و اللي نشوفه ياخذ المبلغ هذا نعتبره مغلي المهر واكثر قبيلتنا ياخذون من 20_30 الف مايتجاوزونها.
|
مرة غريب قررت تكنسل الخطبة عشانهم بيسألون عنك؟؟! وشلون تزعل على واحد يبي يتطمن ان زوج بنته عنده دخل شهري ثابت؟!! حتى لو كان ربي منعم عليك قبل الزواج وش يضمن له وضعك بعد الزواج؟! وبعدين مصدر اافلوس اللي عندك شي جدا جدا مهم من حقهم يتأكدون من مصدرها ومحد يبيع بنته عشان القرشين اللي عندك بدون ما يعرف مصدرها الا رجال مايخاف الله في بناته..
|
اقتباس:
|
اقتباس:
|
اقتباس:
شكلك تبغاهم يركضون وراك ركض!!! اخوي ترا من حقهم يسألون عنك مره واثنين وثلاثة, هذا زواج مو لعبة, انت تعرف نفسك بس هم ما يعرفونك, وبعدين حط نفسك مكانهم.... و الله يرزقك ببنت الحلال اللي ترضيك |
والله صادقة اختي انا مهري كان 30 مع الذهب وكل شي وكفا وربنا طرح فيه البركة
اذا كان الرجل ذو دين وخلق نشتريه لبناتنا بدون مهر حتى لانه بصراااحة هذا هو الزمن اللي يندر وجود الرجل فيه (الرجل بمعنى الرجل) صاروا الرجال يامشغولين يامضيعين يا.....بنوتين !!! اما عن سؤال صاحب الموضوع فمالي خبرة فبنات الرياض ((( ذكرتني بالرواية اللي سووا فيها ربشة ))) واعذرني عالتدخل بس حزنوني الرجال بالتوفيق للجميع |
أنا مهري 80 ألف والشبكة عليه والزواج والعشاء عليه
|
اقتباس:
|
| الساعة الآن 07:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©