|
كالعاده .. يوعد و ما يوفي
اااااااااااااهههههه ياربي .. الهمني الصبر على هالانسان
ادري ازعجتكم بموضوعي بس شو اسوي مالي غيركم اطلعله اللي في قلبي و اشكيله همي كالعاده زوجي ما جاني مع انه الصبح اكد علي انه بيقضي اليوم معانا .. كان وعده معاي الخميس بعدين الجمعه بعدين السبت و الحين صارت الساعه 8 و هو للحين لا حس و ا خبر ..حتى ما كلف نفسه يتصل يقول انه جاي و لا لاء .. الصبح اتصل و قال انه جاي عالغدا (مثل كل مره) و اترييته و لا جانا .. و من العصر رسلتله مسج اساله اذا كان بيجي اليوم و لا غير رايه و ما رد علي .. اتصلت فيه كم مره بعد ما رد .. و للحين انا مو عارفه شو اللي صار كل شوي اقوم اتعدل و اضبط مكياجي و اقول يمكن في الطريق.. و ساعه بعد ساعه و لا حس و لا خبر انا من العصر جالسه في حجرتي ما طلعت مالي وجه اشوف اهلي .. مادري اذا اليوم بعد ما جاني شو اقولهم .. كفايه نظرة ابوي الظهر يوم حطيناله الغدا بعد ما كنت مخبرته من الصبح ان زوجي بيتغدا عندنا و تميت طول النهار اطبخله و الله انا اكثر اللي مخوفني ان اهلي هم اللي ما يتحملون الوضع و يسوون مشكله مع زوجي .. خاصة ان ابوي من النوع العصبي وااااااااااااااااااااااااااابد و ما عنده تفاهم بس اللي مسكته طول هالسنين اني انا اللي اقوله ما عليه خليه على راحته نحن متفاهمين و انا راضيه .. مع ان اتقطع من داخلي بس بين نارين يا ليته عالاقل كان اتصل و قال ما بيجي اليوم عالاقل كنت عرفت و لا اني اتم طول اليوم اترياه و انا مو عارفه هو وين و لا شو ناوي |
يا بعد قلبي ...
كسرتي خاطري.. موقفج مع اهلج محرج وايد .. اسمعيني يالغلا طرشيله مسج قوليله .. في شي ضروري ابي اكلمك فيه .. يمكن يخاف ويتصل.. لان وضعج لا يطاق الله يعينج .. ومافي داعي كل مايقولج بيي اتقولين لاهلج خصوصا انج اتعرفين انه كلمته كل شوي تتغير.. بس عشان ماتحطين نفسج بهالموقف |
كان الله في عونك اختي الحبيبة و قلبي معاك و ربنا يوفقك لما يحب و يرضى و لا املك لك سوى الدعاء و اصبري فان الله مع الصابرين
|
خلص اليوم و اكيد دام انه للحين ما جانا يعني اليوم ما بيجي .. الساعه صارت 10 خلاص يعني
و ما كلف نفسه حتى يتصل او يرسل كلمه مع انه عارف اني اترياه و صارلي اسبوعين الحين ما شفته الا الساعتين اللي مر علي فيهم يوم العيد انا عارفه اني السبب و انا اللي استاهل كل اللي يصيرلي .. لو من الاول احترمت نفسي و مشاعري كان هو بعد احترمني انا صرت بلنسبه له اقل من عشيقه .. و الله لو معاشرني بالحرام كان خاف على مشاعري اكثر من الحين .. بس انا اللي رخصت نفسي من الاول فكيف اتريا انه يغليني انا بالنسبه له مو اكثر من وحده يسيرلها يرقد و ياها و يمتع نفسه يوم له مزاج في الجنس و زوجته ما تتجاوب معاه .. مو من حقي الومه انا اللي سويت جي بنفسي |
إللي حذرتك منه سابقاً قد حصل
ها أنت ترددين بعض المقولات التي وردت عليك من قبل ( انا بالنسبه له مو اكثر من وحده يسيرلها يرقد و ياها و يمتع نفسه يوم له مزاج في الجنس ) أنا أدري إنك زعلانه ومن غضبك بترتاحين وبتفضفضين هنا ولكن أحذري أن تقتنعي بهذا الكلام ويصبح له أساس في قلبك يسر الله أمورك وأصلح بالك ورزقك السعادة والمحبة مع زوجك |
توه ابوي طالع من عندي .. يسالني شو سالفته ريلج و مقتنع اننا زعلانين بس انا ما ابا اخبره
و انا كنت ابتسم و بالبغص ميوده دموعي و احلفله ما في شي بس مشغول .. حتى قلتله باكذب طبعا ان ريلي اتصل من المغرب و قال انه عنده شغل بيخلصه بعدين بيجي و انا اللي قلتله مافي داعي تسوق في الليل و تم هناك الليله طبعا ابوي مو مصدق كالعاده بس عارف ما بخبره بالصدق و انا مو عارفه حتى لو بغيت اشتكي شو اقول؟؟ و لو خبرت ابوي و هو كلمه و اتغير ساعتها في كل مره يجيني بحس انه جاني مغصوب او منحرج من ابوي مو لانه صج مشتاقلي و يبغي يكون عندي و الله كثر ما احبه بس مرات احس بكره لكي شي .. ما ابا افكر اني ندمانه على زواجي منه لاني لو بديت افكر جي في ااخر صج بكرهه او عالاقل بتتغير مشاعري من ناحيته بس لين متى بيتم هاوضع؟؟ و لو انا اتحملت بنتي شو ذنبها؟؟ و اللي جاي في الطريق هذا شو ذنبه؟؟ بتم اجيب في عيال واحد ورا الثاني وبعدين شو؟؟ في الاخر هم اللي بيتعذبون و هو ولا سائل عن حد .. لا فكر انه يفرحنا بوجوده في العيد و لافكر يكون معاي و انا بعدني في بداية حملي و تعبانه و محتاجه كلمه حلوه منه .. ما في فايده .. الوضع ما بيتغير انا عارفه .. يوم بيشتاقلي و يفضى بيجيني و انا باتظاهر اني خلاص رضيت و انتهت السالفه عشان هو ما يزعل و يمل .. و بتمر فتره باتحمل فيها الوضع و بعد كم شهر بتعب و برد لحالتي هذي .. نفس الوضع يتكرر صارله سنين و ما له الا حل من اثنين : يا اني اتقبل الوضع و اسكت و تتم حياتنا مثل ماهي او انه يطلقني و نرتاح نحن الاثنين ومثل ما يقولون تعب ساعه و لاتعب العمر كله |
اخوي مهندس طائرات .. بسألك و بامانه يمكن انت كريال تقدر تفهمني الوضع اللي مو قادره افهمه من زوجي
انت شايف ان الوضع اللي انا فيه انا و عيالي عادي؟؟ تظن هو ممكن يرضى ان اخته او بنته زوجها يسوي فيها اللي يسويه فيني؟؟ سؤال اهم و ارجوك جاوبني بصراحه .. تظن اني انا الغلطانه لاني من الاول رضيت بهالوضع؟؟ انزين شو اسوي كيف المفروض اتعامل معاه عشان يعاملني كزوجه او حتى كانسانه لها احتياجاتها؟؟ اللي اطلبه انا وايد؟؟ وايد اني اتمنى ان زوجي يكون معاي حتى لو مو نص وقته ربعه انا راضيه هل هذا وايد؟ |
الله يكون في عونك اختي
ويفرج همك |
بصراحة سألتيني أسأله ما أدري وش الجواب عليها بالشكل الصحيح
ولكن راح أقولك رأيي لو أنا متزوج بإثنتين بصراحة إذا كنت أحب الأولى أو على الأقل مقتنع فيها كزوجة صالحة ولي منها أولاد فلاشك أنها ستكون هي الأساس في حياتي وأقصد من ناحية التعاملات وتلبية الرغبات فلا أنسى أبداً أنها أول بختي وحياتي وقد عشت معها سنوات من العمر ولي منها أول أبنائي فليس من الساهل أن أتنازل عنها أو أتنازل عن بيتي حتى ولو حدث خلاف بيني وبينها بل وحتى لو حصل طلاق وعدنا بعده لبعض فأنا أرى وبلاشك أنها تفهمني وتشعر بي أكثر من غيرها أما بالنسبة للزواج من ثانية فهو يعتبر أمر طارئ وحادث كان سببه المرور بضروف معينة تقود الزوج للزواج مرة أخرى وهذا لا يعني أني لا أحب الزوجة الثانية وأتعلق بها ولكني أرى أن بيتي القديم والكبير هو يمثل موطني الأساسي الذي لابد للرجوع إليه والإطمئنان فيه بل وربما يكون الأبناء ومصلحة بقائي عندهم عامل مهم كذلك في بقائي في البيت الكبير أما من ناحية تعامل الزوج مع زوجتيه سواء الأولى أو الثانية فهذا راجع كعامل أساسي أول إلى دين الرجل ومدى حرصه وخوفه من الله في مسألة العدل ثم كعامل ثاني وعي الرجل الفكري والقدرات الموجودة لديه أما أنت فأمتنع أن أبدي رأيي فيك حول تصرفك تجاه زوجك وهل أنت محقه أم مخطئة أم غيره من التصرفات |
ماقول غير الله يعينك ويلهمك الصبر
حاولى تتعاملين معه بطريقه ثانيه وبسلواب جديد فيه شوى جفا على شده على دلع واكيد انتى راح تعرفين طبع زوجك وكيف تتعاملين معه ............. يوم سوى عشاء وسهره حلو ودقى عليه وسمعيه هالكلام الحلو ا الى يدوخ .....وشوفى ساعه وهو عندك من لا حيالة له فليحتال .......والله يصلح الجميع |
يعني في الاخر طلعت انا غلطه او نزوه في حياة زوجي .. وبيته الاول هو الاساسي
معاك حق و انا لو فيني ذرة عقل كنت فهمت هالشي من الاول ما اترييت 6 سنين شكرا على الرد |
يا ام خالد خليني اشوفه بس بغدين ادور وين الاسلوب اللي ينفع
بعدين شو بقى من اساليب انا ما جربتها؟؟ دلعته و دورت رضاه لو حساب مشاعري و كرامتة كانت النتيجه انه طنشني و استهان فيني و في مشاعري و حقوقي شديت و عصبت طلقني كاني ما اسوى شي في دنيته شو اسوي بعد؟؟؟انا والله اتمنى في يوم انه هو او غيره اللي يعرفون علاقتنا اي حد يقولي انا في شو مقصره معاه او شو الي لازم اسويه و ما اسويته بس انا مو عارفه .. و يوم اساله يقولي انا ما احب حد غيرج و ما ارتاح عند حد غيرج و طبعج هذا هو اللي محببني فيج انزين ياعالم شو اسوي بعد والله احترت و تعبت |
| الساعة الآن 03:20 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©