|
اختي صدقيني من يستغرب ومن لا يعجبه
يغار نعم يغار لانهم لا يستطيعون القيام بما تقوم به متفوقه و حافظه لكتاب الله و فصيحه و تستوعب الكلام احنا مغتربين و مدرسه الاولاد العربي بادارتها الجديده اعتمدت اللغه العربيه لغه ثانيه ويكلمو الطلبه ويشرحو لهم بالانجليزي باجتماع الاباء مسكهم الاب و كلمهم باي حق تقررون و كلام كثير المهم بعد ها المدرسين و الاداره كلها تكلم الطلبه عربي و الي ما فهم يعيدوه بالانجليزي مع انه الطلبه فاهمين و مستوعبين لكن عقد الكبار انا حريصه جدا على مخارج الحروف عند الاطفال و عدم وجود اللكنه في القراءه و الكلام في رمضان قدم الاطفال مسرحيه و كانت ابنتي عمرها 9 سنوات الراويه مع طالبه اخرى المدرسه تلومني لاني اشدد على ابنتي ان تنطق الحروف بالتشكيل قلت لها اعرف مستوى ابنتي و مقدرتها لماذا اساويها بالاخرين سكتت النتيجه اننا سنخرج الاطفال من هذه ا لمدرسه في ا لترم القادم لانها تجذب الاطفال للخلف يا اختي لا تجذبي اختك في الخلف دعيها في المقدمه دائما ابحثو لها عن مدرسه للمتفوقين و سجلوها فيها حتى تنمي قدراتها |
اقتباس:
هلا ومرحبا (سلام عليكم) تصدقين ولا عمرهم حسوا هالشي تفوق فيها ولا احد يشجعها يمكن انا شوي احفزها على القراءة وبعض الاشغال اليدوية لاني انا المتابعه لها الوحيدة بكل شي بس ماتعب حالي وايد ومهتمة في الموضوع وايد اهم شي الدراسة عندي الحين وياها الحمدلله الله يحفظ لج اختج والله شي مميز يوم الي الاقي اختي جذيه من جد حفزتيني اسعدني مرورج وشكرا لتعقيبج اختي لاهنتي |
اقتباس:
ياليت عادي الحمدلله الله يخليهم ويحفظهم لكم وينبتهم نبات حسن يارب اني الي خلاني ادقق سخرية الناس او اتسغرابهم كانه هالطفلة جاية من المريخ بابنسبة لهم احنا تقبلنا هالشي منها انا واهلي لكن اهي دايما تلعب مع الصغيرات اولاد بنات عمي او بنت عمتي او ولد عمي واهاليهم تقول صاروا يتكلمون مثل بنتنكم ليش؟! هم عاملينها مشكلة ومو عارفة شلون اقول لها انتي صح وهم غلط اسعدني مرورج وتواجدك اختي الله يخليج يارب لاهنتي |
اقتباس:
بس اختي تأُرت بسبب التلفاز + السديات الي اشريهم لها وكلها القصص تتكلم فصحى :d جبتها والله لو مرة ثانية تطقها او تزعل على اختي بقول لها جذيه لانكم انتم من ادخلتم التلفاز البيت بقولها بمزحة بس في قناعة نفسي يجب ان يكون التلفاز البيت لانه وجوده مفيد دام مستخدمينه بشكل ايجابي وتحت رقابتنا الطفلة ان شاء الله ترجع تتكلم عامية طول الوقت وفي الاوقات الي تتطلب فصحى تتكلم وطبعا هي تتكلم عامية من بينا بس بشكل بسيط يعني مثلا من بين 100 كلمة عشرين كلمة عامية والباقي فصحى او اقل بعد ان شاء الله اخذ بنصيحتك شكرا على المرور شرفتني بردك اهلا وسهلا لاهنت اخوي الرماني |
اقتباس:
اسعدني تواجدج لاهنتي حبيبتي |
أختك ماشاء الله لاقوة إلا بالله موهوبة ياليت عندي بنت مثلها الله يحفظها
لاتؤذوها فتدفنوا قدراتها وتميزها بل افرحوا بها لأنها شيء يفتخر به حقيقة ولو كنت مكانكم لأخبرت من يضحك عليها بأسلوب لبق ألايفعل لأني احترمها وأشجعها وأريد أن أوفر لها الجو المناسب نفسيا لتتغرغ لتنمية مواهبها لاسيما الكتابة ... سيخرج من بيتكم كاتبة مميزة وصاحبة شأن بإذن الله فساعدوها على تنمية مواهبها وافرحوا بها فأنتم أهلها وبصراحة هي الصح عندماتتكلم بلغتنا الأصلية لغة القرآن ونحن الخطأ عندما نتكلم بالعامية :17: :17: :17: |
بسم الله ماشاء الله على اختك
ربنا يحفها ده شيئ مميز ولا يحتاج القلق والناس اللى بيضحكو عليها بيضحكو لان ليس فى بيوتهم شعرا وادباء مثل اختك اتمنالها مستقبل مشرق:22: |
والله انا اشجعها يكفي انها تتحدث بلهجه القرآن وبصراحه عجبني تعليقك على كلمة سمك فهيه تقول الكلمه الصحيحه ومافيها مشكله
مع احترامي لك ولجميع اللهجات العربيه |
اقتباس:
هلا وغلا اختي زهره مرحبا فيج مليون يالغالية والله رايج صحيح بس وين الي بالمجتمع الي يفهم تصدقين انا اختها كبيرة وعمري 23 لي الحين انادي امي وابوي الماما والبابا واهي نادرا ماتنادي ابوي بابا على طول امي وابي واخواني الاولاد يضحكون عليها ابوي يقول نبيا عليه الصلاة والسلام ماكان يقول ماما ولا بابا كان يقول امي وابي لا تسخرون عليها تسلمين على حضورج ورايج على راسي والله بحاول اجمع نصايحكم واجوف شنو اسوي معاها جزاكم الله خير ماقصرتوا والله |
المصرية
هلا ومرحبا اختي الغالية الله يحفظج ويخليج تسلمين ولاهنتي على الاطراء الحلو هذا مو مشكلة تكبر وتصير ادبية او شاعرة او كاتبه بس الحين الظاهر بنخلي مواهبها ماتخرج نطاق البيت تصدقين حتى انا انقهر من اسلوبهم كانه انسانة شاذة اليوم بالسيارة انا كنت اسوق بسرعة شوي وقاعدة معاي بالكرسي الامامي ضربت بريك قوي شوي تقول لي اختي تمهلي لا تسرعي اني خائفة وبنت عمتي وراها اكبر من اختي بسنه بس صديقات صارت تضحك عليها واختي تحسست وقامت تصيح يوم رجعنا البيت تقول لي لا اريد ايمان ولن اذهب معهم بالعيد يعني خايفة يأثر عليها سلبيا هالموضوع wael jamjoum اهلا ومرحبا فيك اخوي شرفني حضورك وتعقيبك شكرا لك والله احنا مافي احد يشجعها بالبيت الا ابوي واخوي الي اصغر مني واكبر منها دايما يتمسخر عليها ويعصبها على هالشي وانا ماقول لها تكلمي فصحى ولا تتكلمين مخليتها على راحتها بس تبون الجد ماعندها احد تسولف وايد معاه بكل الي بخاطرها في البيت الا انا مع انه فرق بيني وبينها 13 سنة وتهدر وااايد وتخيلوا عاد هدرة بفصحى احيانا اقول لها تبين تتكلمين تسولفين تكلمي عامي والله مابسمعج تقعد تخلط اللهجتين واحيانا احقرها اخليها تسولف كيفها اسعدني تواجدك الكريم لاهنت |
أختي رجعت مرة أخرى
فقط نصيحة لا تستعملوا كلمة شاذة بل أبدلوها بكلمة مميزة حتى تشجعيها و تعطيها قوة و ثقة بالنفس, و حتى أمام الناس استعملوا هذه الكلمة حتى لا يستهزؤوا بها و نصيحة أخرى حصنوها بالأذكار و خلوها تحفظهم و تقرأهم بنفسها. الله يحفظها و يكثر من أمثالها |
اهلا بعودتك مجددا اخوي
اهلين وسهلين ان شاء الله اخوي شكرا على النصيحة والتذكير والاهتمام كثر الله من امثالك لاهنت موفق ان شاء الله دمتم في حفظ الرحمان |
حبيبتي دمعات الروح أنا بنت:d
أسعدني تواجدي هنا مرة أخرى سلمي على أختك الله يحفظها |
ههه مسامحة اختي
ماعرفت اميز نكنيمج اعذريني يالغالية وهلا مرحبا مليون فيج يالغالية تشرفيني بكل وقت ههههههه ان شاء الله يوصل |
ماشاء الله تبارك الله
|
هلا ومرحبا اختي منتظرة فرج ربها
يخليج ربي |
انا اتوقع تحطيمكم لها والضرب والتعليقات سبب لها ردة فعل خلتها تتمسك بهالعاده اكثر
او انها تستخدمها للفت الانتباه .. حتى لو كنت لفت سلبي يجيب الضحك والتعليقات بس الطفل يحب يكون محور الانتباه انتو اسكتوا عنها اذا تكلمت ولا تردوا عليها وهي مع الوقت بتطفش وتنسى تعاملوا مع الموضوع مثل اي مشكله للاطفال مثل مص الاصابع او قرض الاظافر وغيرها اقري عن هالمواضيع وحاولي تطبقيها على حالتها |
اهم شي انكم تفهمون عليها خلوها تتكلم زي ماتبي
|
اقتباس:
|
اقتباس:
المهم نفهم عليها لانه الظاهر سلفتها بتطول لين ترجع تتكلم عامي وماتربط الفصحى بحايتها العامة والمدرسة |
بصراحة أستغرب انزعاجك أو انزعاج أمك من حديث أختك باللغة العربية الفصحى لغة القرآن الكريم إذا المشكلة إنها تحرج من ضحك الآخرين فهي ستجد الحل إما متابعة الحديث بالفصحى أو مجارات العامية مراعاة لنفسيتها فعليكم إما الدعم بالمدح والتشجيع على تعلمها واستخدامها لغة القرآن لتستخدمها بثقة أو توضيح أسباب استغراب الآخرين للغتها لذلك عليها أن تتحدث بها في مكان وزمان محدد .. أما الردع فيؤذي نفسيتها أكثر فهي لم تخطئ .. ومن كل قلبي أهنئك على هذه الأخت رعاها الله .. |
انا فطست ضحك وانا اقرى شلون لا سولفت معها
شوفي القنوات لها تاثير مثلا اخوي فجئة اتطوع وشال الدش وجاب المجد وولده عمره سنه ونص وكله مجد ومجد صار الولد لا تكلم يقول انظرو انظرو انها قطه ما هاذا يا ابي ويقول باذن الله صح انها لغت القران بس احنا تعودنا على شي ثاني الله المستعان والله يعينك |
اقتباس:
الله يخليج ياااااااااارب تسملين يالغالية ماقصرتي جزاج الله خير |
اقتباس:
الحمدلله على كل حال الله بس يحفظها من كل مروه وسوء تسلمين على المرور شرفتيني يالغلا |
يا قلبي عليها
فديت روحها ....حبيتها من قلبي احسها كيوووت يالغاليه بدال ما تيألينا كيف اصقل موهبتها علشان تصير شاعره ولا كاتبه ولا ولا تقولين يضايقج!! اختج هذي كنز ولازم تستثمرونه!! |
ياليت تحطين لنا امثله من كتاباتها
وشوفي يا اختي هالقنوات اثرت في الاطفال وصايرين يتكلمون فصحى فلا تخربون هالموهبه واضح انها استفادت منها لا تصيرون انتم والاجنبي ضدها تفهمومها والله يكون افضل على فكره توقيعك مسككككت ( انا امرأه لا انحني لألتقط ما سقط من عيني ابدا) روعه |
ياقلبي عليها ..
لا إله إلا الله تبارك الله .. هذي إختج ماشاء الله عليها بتطلع نابغة .. علميها تكتب قصص وأشعار باللغة الفصحى وتفرغ موهبتها في المفيد .. بالنسبة للناس إذا ضحكوا واسخروا منها .. فالعيب فيهم لأنهم كبار ويسخرون من طفلة .. لا تمنعينها من التلفاز .. وضرب لا تضربينها .. واثناء تدريسها إذا إنتي حارة وعصبية ( مثلي ) .. قللي شوي من تدريسها .. هي ماشاء الله عليها ذكية خليها تعتمد على نفسها أكثر في الدراسة وإنتي بس تابعيها من بعيد لي بعيد وراجعي لها دروسها .. وأنصحج بقناة الجزيرة للأطفال فيها برامج مفيدة جدا وكل كلامهم بالفصحى .. |
ماشاء الله هذي موهبة . وليه تعتبريها مشكلة بالعكس بارك الله بيها . وانتي حاولي تقولين لها ان لابد لها من ممارسة اللهجة البحرينية وتحثيها عن طريق المسابقة باعتبار ان تقولي لها ماتقدري تتكلمي معنا بنفس كلامنا وبهطريقة تنافسك .
|
السلام عليكم
بصراحة و لا اريد ان اطووووووووووول عليكي اتمنى وجود اخت ولا اخ ولا ابن مثل اختك .. صغيره يا اختي لسه صغيره الله يخليها لكم و يحفظها ياريت اعرف بنت زي كدا ما راح اسيبها ولا لحظة نادر جدا الحصول على هكذا جمال و لا باقة في الكلام . انا ما اشوف اي مشكلة في هذا ياريت تتكلمي انتي الفصحى و تعليمنا احنا هنا ... زي ما انتي شايفة حتى اللغة عندي ضاربة و النحو ههههههههههههههههههه الله يعين و حافظي على الجوهرة اللي عندك الله يحفظها و يخليها و ان شاء الله تكبر و تسير دكتورة في علم النحو والصرف مع السلامة |
السلام عليكم
اختي دمعات الروح ولله هذا الشي طبيعي مرررررررررره انا اختي الصغيره مرت نفس هالحاله وازعجتنا بكلامها وطبعا كل هذا من كثر ماتشووف سبيستووووون :d بس الحين كبررت وتغييرررت وصارت تتكلم مثلنا لا تخافيين :d |
السلام عليكم ورحمة الله تعالى وبركاته,
الاخت دمعات الروح هذي مش مشكلة بس فخر لكم والله واذا تنحرجوا من الناس لازم هم يشجعونها مش يضحكوا عليها ما اقول الا الله يعين ها الصغيره على اذية الناس. |
ههههههههههه مثل بنتي عمرها اربع سنوات وتجلس لي امام التلفاز ................
احيانا تقول لي اريد مثلجات ......... واسمعها دايما تقول( هذا جيد ) اضحك ولكن من فرحتي بهاا واحيانا اسمعهاا تقول سوف اغلبك عندي قوة خارقة ... واتمنى ان تتكلمي معاها بالفصحى واذا جاء احد ان تتكلمي معه بالعامية مثل ما قالت لك وحدة من الاخوات والله ان افرح اذا سمعت بنتي تتكلم اللغة الفصحى |
والله ضحكت من قلب
يحليلها الله يحفظها ليش تعصبون عليها خليها أنا وبهذا السن بتكلم سوري متاثره بباب الحاره حتى يناتي صارو مثلي يتكلموا سوري هههههههههه الله يستر يس |
اول شي لازم تقرون عليها من العين والحسد
ثاني شئ هذه موهبه وكنز ممكن تنمون موهبتها وممكن بدال ماتنمون الموهبه تومونها حالو تنمون الموهبه بالتشجيع ومساعدتها على الابداع اكثر واشركها في دورات اللى تناسب ميولها الادبيه |
سبحان الله...............اختلفت المقاييس والمبادئ ..وحده مثلك عاقله واكبر منها سن وتنتقدينها ليش تقول سمك وماتقول سمج؟؟؟؟؟؟؟؟؟؟؟؟؟
عجبي لتخلفنا وين وصلنا؟؟؟؟ بدال ماتفرحين وتشجعينها!!!! |
الله يخليها لكم
|
ماشاء الله موهوبه ولا تتفشلين منها ولا شئ هذي ترفع الراس بسم الله عليها.
|
اقتباس:
هلا وغلا اختي عذووووب يخليج ربي يالغلا ويسلمج قلبج صقل الموهبة صراحة زوجي مو مقصر كل مرة ينصحني بشي ولما يجينا لازم يجيب معاه قصص وكتابات جزاه الله خير ماحد منتبه لها وعارف موهبتها وذكائها الا هو حتى احسها صارت تحس انه مافي احد يفهم عليها الا زوجي حتى المكتبة يوديها يختار لها القصص ويكتب لها كلمات علشان تألف منهم قصة وعاد في التأليف اختي مايحتاج هههههه افلام خرافيه تسوي ان شاء الله التفت لها اكثر ويسعفني وقتي معاها مشكور حبيبتي ماقصرتي شرفتني ردودج واسعدني تواجدج |
اقتباس:
هلا ومرحبا خيوتو مشكلتي اصدق والله ماتخليهم بعد ماشافتني اكذبها تراويهم بس زوجي اشوفهم وقتهم لان تقريبا معظم كتاباتها تكتبهم على البوربينت وتدخل معاهم صور واصوات وتخزنهم على ديسك او سيدي وتخشهم لما يجي زوجي تراويه وتجلس تعمله على البور بينت والله صار يفهم الحين منها ههههه ههههههههه كان المفروض ماعلمها طريقة التخزين علشان اطيح على كتاباتها ولكن علشانج دورت بالجهاز ولقيت لها بوربينت كاتبه فيه عنوان بالبداية باول شريحة الشمس والقمر ونورهم ومدعمة بالصور الشريحة الثانية الشمس والشريحة فيها صور وكتابه فيها ياشمسي ياجميلة وياظلك الوارف ( كانت اول مرة تعرف الوارف ومعانها من قصيده في المدرسة وحبت تكتب هالكلام كله علشان هالكلمة هههههههه) اشتاق لاشعتك الجميلة التي تشتاق للماء واحب عصافير الحب في السماء المغردة لألوانك الزاهية على البحر في بلدي انتي رائعة وفي الكويت انتي رائعة وفي السعودية انتي رائعة وفي مصر انتي رائعة بكل مكان ولو كان صغير في العالم انتي رائعة (ليش هذي البلدان بصراحة مادري هههههههه يمكن لانه اهم الي سافرت لهم ) وشريحة القمر ياقمر ايها النور الجميل وياليل ايها صديق القمر لا تعاتب القمر لانه نوره ضعيف ليس كالشمس الكبير لانك ياليل كبييييير وكثيف السواد وانت تغطي الناس والبلدان وكل شئ على الارض وهو قمر جميل ونوره لا يحرق كنور شمسي الكبيرة احبك ياليل احبك ياقمر احبك يانجمة احبك ياشمسي احبك اختي واحبك هادي (ههههههه تقصد زوجي ) والشريحة بها صور واصوات غريبة عجيبة صوت مطرقة صوت جرس صوت سيار ة بكل نقرة هههههههه انا كتبته لج الحين بدون اغلاط املائية بس في الشرائح في اخطاء املائية بالهمزات او الكلمات شوي وسطر فوق وسطر بشريحة ثالثة ورابعه بس انا جمعته لج |
اقتباس:
ربي يخليج ويوفقج واسعدني مرورج وااااااااايد يابنت ديرتي |
| الساعة الآن 02:38 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©