|
اقتباس:
|
اختي بحرينيه ولكن! اولاً اتأسف لسقوطك سهواً ولكن العتب على النظر وانتي من كبار الشخصيات في المنتدى فلهذا لك اولويه في الرد ومو نقوص في الآخرين ولكن لابد من وضع اعضاء المنتدى في اماكنهم بالمنتدى آمل تقبل اعتذاري.
اختي الحياة مع الزوجه لحظاتها كثيرة جداً سواء في المطبخ في السيارة في البيت في السوق واحياناً يبدر منها اشياء واشياء لاتسمح لي نفسي ذكرها. ولكن في بعض الأوقات تترك اهلها في اوقات صعبه لإرضائي وإرضاء نفسها ولاتفارقني على الدعسه بالجوال بل احياناً اقولها اهجدي انا مو فاضي لك عندي شغل ومافيهاش زعل تحول على الرسائل وماتقصر الله يعطيها العافيه تنفضلي جسمي عشرين مره ثالثاً البيت والحمدلله اربع وعشرين ساعة مرتب وفي احيان تستهبل تطلب مني فلوس وبعد خمس دقايق تقولي انا عازمتك برا على العشاء وفي اي مطعم تبغاه (ياحبي لإستهبالها) ماعمري حسيت والحمدلله انه ناقصني شي. وهاتك استقبال لما ارجع من العمل او من مشوار غبت فيه حق نص نهار والله ارجع البيت تعبان يدب فيني نشاط الحمدلله وما أحس بأننا في روتين مع بعض كل يوم استحداث شي جديد تقلب في البيت وفي المجلس وتغير اماكن الدواليب والتلفزيون وكل شي. كأني اربع ثلاث شهور بسكن جديد. طبعاً هي رسامة حاولت عشرين مره ترسم صورتي بقلم الرصاص وفي الأخير جابتها صح. لازم تعرفين اني ما ألميت بكل شي مجرد شغلات بسيطه. احس فيه كثير من الأشياء ماينبغى ان تذكر لأشياء في نفسي. اتمنى اني وفقت في الرد عليك. تحياتي لك وماتاخذيش في خاطرك مني. |
كيف يكون الحمد بالافعال؟
|
(أفعال) زي الصلاة والنوافل والصوم التطوع (والأقوال) زي التسبيح والإستغفار وعدم الضلم بالشهادة وو الخ.
|
توكلنا على الله توكل كل عائذ به من شر كل دابة آخذ بناصيتها ومن شر كل سوء
والله اني خايفة عليك وعليها ودي ماتقول كل شي بس على راي الاعضاء ملينا مشاكل وعقد نفسية من هالمشاكل بس الله يعين هالناس على بلاويها وربي يفرج عنهم وودنا نفرفش شوي ونعطي طابع مميز للحياة الزوجية بحلاوتها ولو انا من راي انه التراضي من بعد الزعل يجنن يعني الحياة الزوجية لازم تتخللها مشاكل وان شاء الله تكون بسيطة ومحلولة وهذي الحياة يوم مر ويوم حلو اما عن مواقفه المجنونه واقسم لك مواقف مجنونه بقول اشياء خفيفة جدا خوفا علي وعليه مرة علم على ثوبه روجي:o مع اني قلت له علشان يغير الثوب وكنا بنطلع قال لي والي رسم عيونج ماغيره ابطلع وخلي الناس تشوف كيفي انا وحبي المجنون بس صراحة فشيلة :o ومرة انا مزعلتني امي لدرجة خلتني ابجي ورحت لعنده وعيونه حمر سألني وش فيني و انا سالت دموعي ولفلف فيني الشوارع خلاني اطلع كل الي بقلبي ونزل محل قال لي انتظريني شوي وياب لي قلب كبببببببير لونه احمر كبير وااااايد اخذ نص مساحة الكرسي الخلفي للسيارة ومكتوب بوسطه باللون الذهبي When you're sad I'm sad "because, "I love you وهو حامله بوسط الشارع وموقف السيارة على الجهة الثانية من المحل ولازم يعبر الشارع وهو يمشي فيه والناس تطالع فيه وانا بعد مستغربة ويوم وصل السيارة فتح الباب ومادخل واقف يقول لي اقري الي على القلب قريته ويوم يات عند كلمة اي لوف يو رددها معاي بصوت عالي والناس تطالع بيه فشله عدل :o لكن نسيت همي وحزني بحركته ذي وبعد يكتب اهو شاعر ويكتب فيني خواطر وشعر يلحس مخي فيها :23: تطير العقل وانا ارد عليه بخواطر بس هههههههه صفر على الشمال جنبه واحلى مفاجئة بمناسبة ذكرى مولدي فاجئني ببركة سباحة حجز لي مسبح ووداني مفاجأة انا وهو بس كانت احلى مفاجأة احس زوجي من نوعيتك مجنون في الحب لدرجة ماتوقع تصرفاته ولنا متزوجين 10 شهور بس كل من يقرى بحسب انه حياتنا وردية لا يااحبابي في الله عندكم انا كل هالحب والشوق -اللهم صلي على نبيبنا والله لا يغير عليكم ولا علينا- ونتصرف كانا عشاق حتى لما نتكلم بالتلفون كانه واحد على علاقة مع وحده لكن ناقصنتني معاه الجمعة والاستقرار ببيت واحد الله يفرجها وانتقل مع زوجي لبلده وتنحل الامور تتيسر وتفرج من عنده سبحانه السموحة اخوي سحر الغرام سويت هدرة زايدة :15: :o |
اقرى على نفسك أخوي
و أهم شئ لا تحكوا لأحد و لا تخلو أحد يتدخل بينكم |
أحب بعقلك قبل قلبك كي لاتزرع بصل...اتحفظ على التفسير..
|
مراحب انا زوجي شوي جامد او ما يعرف يبين مشاعرة بس مرة تخانقت مع اخواتي واهلي و قررت مااتصل فيهم لاسباب خاصة وكنت متضايقة وايد وشافني زوجي وكان مشغول بالعمل , ساألني شو فيك وقلت له ما فيني شي بس مزاعلة اهلي ومتضايقة من هالموضوع ما قال شي بس راح وعمل مسج لاختي بالتلفون وقالها لو سمحتي اتصلي بزوجتي وكلميها لانها شوي متضايقة وحاسة انه خلاص تزوجت ونسيتوها اتصلي وكلميها وبينيلها انكم مشغولين عشان كذا ما تتصلون ولا تسالون عنها
وهذا كله وانا ماعندي خبر انه رسل مسج... شوي وتتصل اختي فيني وتراظيني وتسال عني وتبين اسباب انهم ما يسالون ...انا ارتحت وراح الظيق من صدري في يوم من الايام تظايقت من زوجي وخانقتة ورجعت البيت بيت اهلي وكنت زعلانة طبعا ورحت خبرت اختي وقالتلي كلة ولا زوجك لانه يحبك ويموت عليك حتى رسلي مسج وخبرتني السالفة وقالتلي انه حلفها ما تخبرني شو سوا وبعدها رحت واتصلت عليه وطاح الحطب وصدقوني وايد فرحت واستانست على موقفة هذا وما راح انساه طول عمري وفيه مواقف وايد ما يتسع المقام لذكرها |
seher alghram الحين باسألك السؤال اللي قلت لك اني ابي اساله انت تقول اذا انتي مطلقه لافكرين فيه لو ما يبيك ما خلاك طيب هو يبي يرجع تعتقد انه كذاب لاني ما اعرف كيف بيفكروا الرجال ساعدني لاني لسه ما اتخذت قرار |
وراي ما اذكر شي
يمكن من كثر المواقف اصبح ينسي بعضها بعض يمكن!!!! |
غررررررررررررررررررررررررررررررررررررررررريبه من العالم الخشن
|
اقتباس:
أنا اشوف ان الواحد يجمع بين قلبه وعقله وخصوصاً مع اللي يستاهلون شي جميل ومخرجات هذا الحب تكون جميله جداً زي بعض الأخوان في حبهم من ردودهم. اما تحفظك على التفسير أنا بالنسبه لي مايهمني لأن لو بأفسره ماشوفه راح يكون جوهري في إني اغير من نظرتي لها ونهائياً ويمكن تفسيرك يتفسر على تجربة حصلت معاك لكن اتمنى لك ماتندم على شي تسويه وحاول تختار شريكه تستاهل تصرف عليها مشاعرك. تحياتي لك |
اقتباس:
|
اقتباس:
لي عوده ياريشة فنان مانسيتك. |
ريشة فنان
بصراحه يا أختي لها احتمالين احداهما سيء من وجهة نظري بس ماقدر اقولك وش يحس فيه لازم الم بموضوعك عشان اعرف اتكلم هل فيه موضوع انتي منزلته قبل كذا عن وضعك!!!!!!!!!! كان ودي ارسلك على الخاص بس ماقدرت مشاركاتي ماتسمح لي. تعرفين هذي مواضيع حساسه بصراحه ومو حلو الواحد يرمي فيها كلام جزاف كذا يمكن اغير فكره براسك انا أو غيري وماعندي خلفيه عن موضوعك نهائيا. |
من الردود خليتوني أحس إنه مافي حب بين أي زوجين ؟؟؟؟
و إنه الحب يختفي بعد سنة أو سنتين ؟؟؟؟؟؟؟ و إنه الرجل يبدأ يتغير مع زوجته بعد الزواج ؟؟؟؟؟؟؟ ليه كذة ؟ :( أخوي صاحب الموضوع ( و بما إنك نموذج ماشاء الله رائع من الأزواج ) أنا صار لي متزوجة و الحمد لله من سنتين إلا كم شهر كيف ممكن الوحدة تحافظ على حب زوجها و عشقه لها ؟ هل صحيح إنه مجرد ما يجوا الأطفال يختفي الحب و يقل ؟ هل صحيح إنه مجرد اختفاء أو تغير ( جمال الشكل ) لا سمح الله يختفي الحب ؟ حاسة بضيقة في قلبي من بعض الردود المتشائمة و هل صحيح إنه اللي يحب بدون عقل بيتغير بعدين ؟ هل صحيح إنه الحب بعد كذة بيبرد بين الزوجين ؟ من أمس و أنا متضايقة و متغير مزاجي مع زوجي شوي و قلت له أقرا الردود :( و كل شوي أقوله صح بتتغير ؟ صح بيصير كذة ؟ صح صح صح ؟ |
روح الطير
بعد اذن صاحب الموضوع بأتليقف وارد ولو اني امرأه مثلك وتحبين اجابات من رجل بس بأتليقف.. بما ان فيه رجل مثل صاحب الموضوع ....اجل الدنيا بخير الله يهنيهم في بعض ولا يعنيهم ولا تصيرين سوداويه مثل السوداويين بالعكس شوفي الجانب المشرق ...اللي فيه صاحب الموضوع وجميع من هنأه عليها وهنأها عليه شفتي موضوعه الاول؟ مسكت وربي بس للأسف قفل الموضوع لأن فيه ناس ما تفهم ان الحب يجي على اساس الشخصيات مو على اساس ترتيبك في كرت العايله اذا انتي الزوجه الاولى او الثانيه حبي زوجك يحبك مو تقولين تزوجنا خلاص انا ضمنته مافيه ضمان في هالدنيا ابد ومافيه شي يجي ببلاش الا حمى الفراش<<<مثل معروف معناته علشان تلقى النتيجه اللي تبغاها لازم تتعب وتجتهد وتعطي علشان تاخذ اذا جو الاطفال ما يختفي الحب ولكن بيشاركك فيه طفلك واكيد زي ما بتنشغلين بالطفل هو كمان بينشغل به تبدى نظرته الغراميه لك ( تخف ما تختفي) ويصير ينظر للطفل نظره ابويه وينشغل باله به كيف أأمن مستقبله واريحه في عيشته واخليه احسن طفل في هالدنيا..زي ما ينشغل بالك يا ام انتي بس اذا جا الطفل لا تتركين زوجك للذكريات وتقولين والله صرت ام مشغوله..يبقى الزوج رقم واحد والعالم من بعده انتي تخيلي انك مرتب شكلك وزوجك مبهذل بالله ما تتغير نظرتك له؟ بالله ما تقولين ياليتك تترتب؟ خلاص الاولى انتي اذا تغير شكل جسمك انك تحاولين فيه يتعدل بالرياضه والاهتمام زي ما تبين من زوجك انتي سوي اتمنى اكون خفيفه في الاجابه وما ثقلت دمي ارجع واقول لك مادام فيه رجل مثل صاحبنا هذا اجل الدنيا لساتها بألف خير |
ما شاء الله تبارك الله
بالنسبه لزوجي فهو يحبني وبجنون قد لا يصل جنونه لحد جنونك ولكن متاكده بان حبه يتجاوز حبك فالحب والجنون يجتمعان ولكن لا يتلازمان وان كنت ارى بان جنونك قد طغى على حبك :) وبالنسبه لزوجي الغالي فانا احب في حبه خصوصيته احب في حبه اتزانه احب في حبه ثقته احب في حبه تجدده احب في حبه انفراده احب في حبه مرونته قد تكون طلبت من زوجتك ان تنقش اسمك ,اما زوجي لم ولن يطلبها وهذا الفرق بين حبه وجنونك :) فانت طلبت منها ان تنقش اسمها على يدك !!! وهو قد نقش اسمي داخل قلبه !!! اتمنى اكون قدرت اوصل فكرتي :) والله يسعدكم ويديم عليكم وسلم لي على زوجتك :) تحياتي دلوعه زوجي |
أختي
(روح الطير) شكراً على مرورك وخليك متفائلة على ماسطرت أنامل الأخت مشكلتي اصدق. وبعدين انتم يالنساء من تسحرون ازواجكم وليس العكس هذا في اعتقادي. |
اختي مشكلتي اصدق مو مشكله انك تصدقين بس المشكله انك ماتصدقين وصدقيني في الكلام اللي راح اقوله وإلا مو مشكله لأنك راح تصدقين (حلوه صح) هههههه
كلام جميل وإذا كان بالمنطقية هذي ردودك روحي ادخلي اي موضوع وتليقفي وردي ماحد راح يقولك شي بالعكس اضفتي شي جميل للموضوع. تحياتي لك |
دلوعة زوجي
اولاً الله يهنيكم في بعض ثانياً انا ماني مجنون بالعكس صاحي بس هذي الحركات لاتزيد ولاتنقص في الشخص ولكن تضفي شي من المتعه والحب والرومنسية بعكس الحياة الممله الروتينيه إلي فيها دفتر أخضر وخلصنا أو احبك وتحبيني وعايشين مع بعض وتذكرها بأنك تحبها كل اسبوع او اثنين او ثلاثة إن لم تكن اصلاً غير موجوة. بعدين سالفة النقش انا اسم زوجتي محفور بقلبي وإلا لما كانت هذي التصرفات موجودة. وشكلي اليوم بأعلم زوجتي تجي تدخل على الموضوع ليسا ماقلت لها اني مشترك في المنتدى اشتركت زمان وماكنت اشارك وتفاجأت انها مشتركة معاكم وماشاء الله على السمعه الحلوه. تحياتي لك ولزوجك وسلميلي كمان عليه. |
اقتباس:
و آسفة كثير لكن حابة أشكر الأخت مشكلتي أصدق و تراني ما أحب إجابات من رجل لكن هو صاحب الموضوع و لاحظت إنه يعارض نظرة الآخرين التشاؤمية و الحمد لله زوجي يحبني و أحبه و حب زوجي و الحمد لله فاااااااااااق و تعدى حب صاحب الموضوع لزوجته :d و هذا اللي خوفني يوم قرأت بعض الردود و مع كذة حابة أقول للي متزوجين و عندهم بعض الخلافات ترى حتى نحن نختلف و نرجع نتصالح لكن نحاول نتغير عشان الآخر |
اقتباس:
لالالا ما اتفقنا كذا اتفقنا اللي يقول انه غلبني انا وزوجتي في الحب يقول الحركه او الموقف اللي يشوف انه فاز به اما تقولون انكم غلبتونا من غير سرد للموقف ...لا معليش يا روح الطير هارد لك ..حاولي مره اخرى بس ماني مقتنع ان فيه احد غلبني يمكن الاخت اللي قال زوجها فيها شعر..قاهرتني شوي ..بس الشعر موهبه من الله ..لذلك انا ما تحطمت للحين عدا ذلك مافيه بوادر ان احد يغلبنا شاكر مرورك |
حب كحب مجنون ليلى قيس.. ومجنون لبنى قيس بن ذريح كان زمن وانطوى الان لم تعد الحياه كما كانت في ذلك العهد.. المشاعر أصبحت الماديات تحكمها أينما تذهب لاتستغني عن الماده في ظروف العصر الأقتصادي السئ ووجود البطاله تغيرت الناس وأصبح العقل سيد الموقف وألغيت المشاعر لأنها أصبحت سلعه مستهلكه لاقيمه لها في الألفيه الثالثه.. الحب لايؤكل رغيف في هذا العصر اذا لم تكن تملك الماده التي تجعلك تعيش مرتاح لايمكن أن نلغي عقولنا ونجعل قلوبنا تسيرنا الى المجهول.. المشاعر الآن مزيفه لن تنظر فتاه الى شاب بقلبها بل بعقلها تنظر الى جيبه وكم رصيده في البنك وماهو موديل سيارته فهي تريد جني العسل وليس حصاد البصل قله من النساء اللآتي يحببن للذات وليس للمال في هذا الوقت..
المرأه مجنونه بحب المال فهو الوساده الآمنه لها تنام وتصحو وهي مطمئنه على حياتها.. لست ماديه ولكن العقل والمنطق يقول نحن نعيش 2007م وليس ماقبل الميلاد .. أنا مرتاحه نفسيا وماديا قنوعه بما يكتبه الله لنا ولكن هذه النظريه لم تأتي من فراغ بل من خلال دراستي لشرائح كثيره اكتشفت حب المال أولا والغاء الحب لأجل الحب مرفوض المال أولا وان لم يكن الشريك يحبنا او نحبه لايهم فدفه الحياه يسيرها المال وليست العواطف.. أتمنى أن تكون الصوره اتضحت لك من بين الأسطر هناك أسطر أبعد لايفهمها الا المتمعن جيدا في المكتوب.. لدي مالم يكن لدى غيري زوج صالح ومحب ومخلص لأن الأخلاص هو الأهم لأستمراريه العلاقه وابنان أحلى من أطفال العالم من وجه نظري..قمه العطاء في عدم محدوديته... لاتنتظر الطرف الآخر وتقول لاأعطي حتى يعطي اذا ألغيتها من قاموس حياتك فتأكد أن هذا هو الحب بعينه... تهانينا لكما أنت وزوجتك والله يتمم راحه البال والحب عليكما.. |
اقتباس:
|
يوه والله كلامك يخررررررررررع
وش هالسواد في نظرتك بس كويس ما عممتي انا قلتها من الاول لو اقول لكم قصتنا و الله محد يصدق قصه نااااااااااااااااادر انها تحدث وتنجح والحمد لله انها صارت لنا ونجحت لسا الى الان مافيه احد قدم لي امثله ممكن يغلبني فيها بمقدار الحب انا لا زلت انتظر |
اقتباس:
ليش !!! خلونا ناخذ وندي في الكلام تراي ما فهمت وضحي |
ماعندنا هنا في المنتدى ناخذ ونعطي في الكلام !
يسكرون الموضوع على طول لأنه صار محادثة !!! اللي أبي أوصله لك: لازم تعرف إنك مغرور بزيادة !!!! صح تحب زوجتك وتعشقها بجنون لكن مو معناة هذا إنك أكثر واحد يحب زوجته فينا !!! كل اللي في الموضوع إنك تبالغ في اظهار هذا الحب "وهذا شي طبيعي" كونك توك عريس ... ومعدن الحب الأصلي مايبان في الرخا يبان في الشدة ! ماتسمع الدعوة اللي تقول "الله لايبين غلاك" .. فيه ناس يموتون بتراب زوجاتهم لكن مايقدرون يبينون ومايطلع حبهم إلا في لحظات الشدة .. يعني اللي يدخل الموضوع ويقول أحب زوجتي لكن ماني متذكر مواقف مو معناته إنك تحب زوجتك أكثر مما يحب هو زوجته !! المواقف هذي مهي مقياس أساسي لمعرفة قدر الحب ... |
فيه مثل مصري وتحيه لأخواتنا واخواننا المصريين يقول داري على شمعتك تقيد.. ومثل ثاني مايحسد المال الا أصحابه لاتكتب تفاصيل عن حبك كي تضمن استمراريته على خير المنتدى به من المشاكل أشكال ألوان وليس الكل يعيش كما تعيش... ماشاء الله تبارك الرحمن اللهم انا نعوذ بك من كل عين لامه وشيطان وهامه...
اسأل لك ولزوجك دوام راحه البال والسعاده وليكن حبكما محصورا بينكما.. |
الله
طيب مغرور؟ليش لا توني عريس؟ ياختي كلها شهرين ثلاثه واكمل سنه وين توني عريس عموما شاكر للجميع المرور والرد (شكلي غلطت يوم كتبت...الكل تعود على الهم والغم مو متعودين ننبسط شوي) مشششششششششششكووووووورييييييييييييييييين |
الله لا يغير عليك
ويوفقك الجميع |
اذا انت متود كل صباح تاكل اكل معين فيه صحتك وقالت لك خلاص ماابيك تاكله تطيعها
|
مشاركه في التحدي
الله يوفقك يا اخي
لكن اتصور راح اغلبك:d انا متزوجه من 8 شهور تقريبا والحمد لله كانت حب في حب (ما شاء الله ولاحول ولاقوه الابالله) اول يوم الخطوبه قالي حبيبتي واخذ مني الموبايل وغير اسمه من (....) الى حبيبي ..اول يوم شعر كتب في قصايد الى الان ذائبه بكلامها:23: مره عزمني وكل عائلتي (ابي وامي واخواتي واخي) في اغلى مطعم(مع انه حالته الماديه بسيطه جدا جدا) وحضني امام الكل وقعد ياكلني بيده:o استحيت جدا خاصه امام الوالد اما قصه التقبيل لازم يقبلني من اعلى راس حتى اخمص القدم دون ان تفوته نقطه واحده:o مستحيل انام بدون احضانه حتى لو عنده شغل يحضني انام بعددددين يروح يخلص شغله بين فتره وفتره اقوم اشوف الفطور جاهز او العشاء طبعا الكارتات والمسجات والاحضان تجوازناها من زمااااان:15: هذه المواقف التي اذكرها الان ولكن ذلك لايمنع انه بين فتره وفتره نواجه مشاكل مع انها تنحل بنفس اليوم عندي سؤال لك انا اؤمن انه الحياة لاتكتمل يعني السعاده المطلقه غير موجوده على الاطلاق ولكن توجد القناعه التي تولد السعاده هل تتفق معي ام لا؟ |
اختي white_moon77
اولاً أهنيك على زوجك ثانياً الله لايغير عليكم يارب اما بالنسبه لسؤالك أنا ما إعتقد انه يختلف معك اي شخص لأنه شي منطقي تكون القناعة موجود اللي تولد السعادة بينما لو السعادة موجود ولكن القناعة غير موجود لما حصلت السعادة بكاملها. ولكن قليل من السعادة بقناعة ولا سعادة مطلقه بدون قناعة. تحياتي لك. |
اقتباس:
ماحتقوله لأن زوجتي صاحيه وتحب تأكلني الأكل اللي فيه صحتي عجيب فيه ناس تطلب كذا. |
اقتباس:
العفو ... ياأخي الفاضل .. أنت تكتب موضوع ليؤدك الجميع ولاتقبل أي معارضة ؟؟!! في موضوعك السابق وبعد أن "انقلبوا" عليك بعض الحريم زعلت وعصبت وطالبت باغلاق الموضوع !! وأُغلق الموضوع بالرغم من روعته ... والآن بعد أن أبديت وجهة نظر لاتعجبك تندمت إنك كتبت الموضوع !!! ليه ؟؟!! الموضوع وصل 8صفحات .. شف عدد المؤيدين واللي معجبهم الموضوع مقابل اللي أبدو اعتراضهم أو عبرو عن وجهة نظر مخالفة لتفكيرك !! من أكثر ؟؟ لازم يتعود الانسان على تقبل وجهات النظر المعارضة ويرد عليها رد منطقي وليس عاطفي !! أنا قلت إنك توك عريس لأنها زوجتك الثانية والمدة اللي قعدتها معها تقريبا 5شهور بس !! و بـ "العرف" يقالكم عرسان .. عموما أعتذر إن كنت غلطت عليك بشي ... والله يهنيك مع زوجاتك ويوفقك ... |
[بصراحه انا ماكنت اقصد انها تقولك بصراحه ما ابيك تاكل هالاكل لكن اقصد اذا صار مشاكل بسبب ها لاكل مثلماصار مع حبيبنا رسولنا الكريم محمد صلى الله عليه وسلم لما حرم العسل على نفسه فانزل الله سبحانه وتعالى يا أيها النبي لم تحرم ما احل الله لك تبتغي مرضاة ازواجك شفت ؟ هذا الشي سواه الرسول وانت استغربت مني لما سألته علشان كذا اقول لك لا تسأل احد لكن اقرا اشلون كان يعامل الرسول زوجاته واذا سويت مثله بتكون انت تعامل زوجتك احسن من جميع الرومانسيين
|
لو سمحت عندي سؤال انت قلت في موضوعك السابق ان على المرأه ان تشيل من بالها شغلة الدونيه ممكن اعرف اشتقصد بشغلة الدونيه |
اختي جنة الدنيا
في موضوعك السابق وبعد أن "انقلبوا" عليك بعض الحريم زعلت وعصبت وطالبت باغلاق الموضوع !! اولاً انا مازعلت والله ولاعصبت على احد وثانياً اتقبل أي رأي آخر بس انا حر في انتقادة هذا ما أسمه معارضه بعدين موضوعي السابق وأنا مازعلت على أحد ولا على الحريم الله لايجيب الزعل بيني وبين احد نهائياً وانا كتبت فيه ارجو عدم التطرق للزوجه الثانية ومافيه احد سمع الكلام واخذ الموضوع محور آخر غير لب الموضوع فلهذا طلبت بإغلاق الموضوع فقط من الإدارة مشكورين. والآن بعد أن أبديت وجهة نظر لاتعجبك تندمت إنك كتبت الموضوع !!! انا ماتندمت قد ما أنا مبسوط من ان حياة الأعضاء في المنتدى فيها حياة رومنسية مع ازواجهم ولاتقتصر الحياة الزوجيه على المشاكل والحلول فقط فيها سكرات غريبه لايستطيع الشخص ان يصفها مهما كان معبر. بعدين لاتنسين ان الصيام يقفل المخ شوي فيتكلم الواحد بنرفزة مقيده في بعض الأحيان ولكن بعد الفطور زي هذا الوقت اقولك مشكوره على كل طرح ونقد بروزتيه في الموضوع. أنا قلت إنك توك عريس لأنها زوجتك الثانية والمدة اللي قعدتها معها تقريبا 5شهور بس !! حتى لو بعد عشر سنين انا توني عريس ليه احط اليأس في نفسي واصاب بالملل منها لا بالعكس انا توني عريس وإلى الأبد طالما الزوجه فيها حياة تجعل الزوج يحس كل يوم بأنه عريس. و بـ "العرف" يقالكم عرسان .. الله يديم هذا العرف عليك وعلى الناس كلها وخلوكم معاي كذا حتى بعد عشرين سنة قولوا لي عريس ترا انبسسسسسسسسسسسط منها. وأُغلق الموضوع بالرغم من روعته ... احب اقولك يا أختي ان هذا المنتدى للجميع وإذا لكم رغبة افتح الموضوع السابق من الإدارة طلبت منهم ينزلونه من جديد مشكورين. بعدين يا أختي الكريمه مايحتاج اعتذار ولكن من طيب اخلاقك تعتذرين انا رجعت اقلب في ردودك كلها مالقيت شي يزعل منك. تحياتي للجميع |
اقتباس:
أما انها تنظر إلى نفسها بدونية تفقد فيها احترامها إلى نفسها زي الكرامه وعزة النفس والإهانه من الزوج ماتوصل إلى هذي الدرجه نهائياً. فيه حريم يقولون هذا قدرنا وهذا مصيرنا سواءً الرجال صاحي مريض عطبان مدمن مايصلي تقول امري لله خلاص هذا نصيبي وكأن مواجهة الرجل شي صعب بالعكس بعض الرجال يخجل من انتقاد زوجته له لاحظي انتقاد بس فمابالك لما يكون الخطاء راكبه 100% وهو عارف .لا والأدهى والأمر يصبرون على المر والحياة الرديئة على كلام الناس والله عجيب يقولون وش راح تقول عني الناس (((مطلقه))) في اعتقادي ان المرأة تعرف متى تكون نظرت إلى نفسها نظرة دونيه فلا تدمر حياتها وشخصيتها بالنظرة الدونيه لنفسها. سلام |
| الساعة الآن 05:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©