|
ما شاء الله
و الله يهنيكم ببعض |
أخذنا فكرة سيئة عن الرجال وعن الحياة الزوجية
وكم أسعد عندما أجد أحد يذكر عكس ذلك فأدعي اللهم بارك لهم اللهم ووفقهم لما تحب وترضى |
هل أنت معدد ؟؟
هل هي زوجتك الثانية ؟؟ |
نعم الثانية ولست من هاوي التعداد ولكن قدري هيك جاي
|
ام الغالين لاتاخذين فكرة سيئة عن الرجال وأنا ليسا يشار لي بالبنان (امزح معاكي)
|
ماشاء الله ..حصنتك وزوجتك بلا اله الا الله
منتهى الرومانسية والحب. الله يرزقني ان شاء الله وكل بنات المنتدى وصدقني ان زوجتك تقدرك وتحبك ولن تتكبر عليك..ربي يسعدكم أختك حائزة |
الله يبارك فيكم -----بس الوسطيه في كل شئ حلو
|
ممكن سؤال ماهو الشئ الذي جعلك مجنون ليلى بها اهو الشكل ام الاخلاق ام ماذا
|
السلام عليكم
سحابة صيف ممكن سؤال ماهو الشئ الذي جعلك مجنون ليلى بها اهو الشكل ام الاخلاق ام ماذا؟؟؟؟؟؟؟؟؟ نفس السؤال الله يهنيكم دوووم |
seher algharamاكيد اني اهنيك بزواجك لكن عندي سؤال هل ممكن يحب الرجال الزوجه الاولى ؟ولو حصل انهم تزوجوا مره ثانيه هل ممكن تبقى الاولى حبيبه اقصد عموم الرجال وليس بالنسبة لك لكن لان عندك خلفيه بمشاعر الرجال
الله يهنيكم دوم |
اخي العزيز ادام الله حبكما ووفقكم الى ما فيه الخير
اخي الناس فيها خير وانت في نعمة فالله يوفقك ويحفظ لك هذه النعمه |
ماشاءالله تبارك الله..
الله يسعدكم ويخليكم لبعض.. |
أولأ .. ما شااء الله تباارك الله والله يزيدكم محبةً لبعض ويحميكم ربي من كل عين ومن كل شر .. ثانيااً .. هو سؤاال وبصرااحه نتمنى الجوااب عليه بعيدااً عن المثااليه والمجااملة ..!! سؤالي هو ..!! بما إنك معدد هل تعاامل الزوجة الأخرى مثل تعااملك مع زوجتك هذه الذي صرحت ببعض تصرفااتك معهاا طبعااً إذا كاانت الزوجة الأخرى على ذمتك ..!! ثاالثااً .. إيه هذي الموااضيع السنعه والمفرحه عن عالم المتزوجين واللي تجعل النفس تتفاائل وتتلهف للزوااج أكثر وأكثر .. راابعااً .. مللناا ثم سئمناا من كثرة الشكوى والشكااوى إلى درجة أخذت فكرة ويمكن يكون إنطبااع وقتي كل ما شفت إثنين متزوجين في مكاان عاام ومع بعض أقول هذولي نصاابين أكيد بينهم مشااكل لا يهمك يا مااكس إنهم مع بعض يخلصون مشااوير .. وأحمد ربي إني عزوبي .. خاامسااً وهو الأهم .. مراات أعيش في خياالي خيالات توصل للي تسويه وأكثر .. لكن وأنا أعيش خياالي أخااف وأقول في نفسي يمكن كثر الدلال يخربهاا علي وتتكبر ويمكن تتماادى إلى درجة تستحقرني .. ومراات أقول لا أكيد هالشئ يسعدهاا ويخليهاا تحبني أكثر وأكثر .. ومراات أقول خير الأمور الوسط لا تزيد ولا تنقص .. وصلت بالأخير لقنااعه قد تكون خااطئه أكثر من أن تكون صاائبه ألا وهي .. رااجعه لطبيعة المرأة بإختصاار هل هي تقدر الحب الذي يقدمهاا زوجهاا لهاا أم تنكره وتنكد عليه .. :25: كل كلامي هذاا مع العلم لستُ بخااطب ولا مملك ولا متزوج .. ولا في رااسي إنساانه معينه ومريح مخي من النااحيه هذي .. لكن خيالات وقتيه أسرح بهاا لبرهة من الزمن لجلب السعااده الوهميه التي أخااف أن تنقلب تعااسه على أرض االوااقع .. آسف على الإطااله .. تشكرااتي .. |
اقتباس:
قلتلي وانا الهبلة العبيطة الي بحاول افك لغز هالسعادة :18: :18: :18: |
وااااااااو كشخه يعني لليوم في أحد يحب زوجته الله يرزقنا
|
اقتباس:
الله يسعدكم ويبعد عكم الحسد وتتهني بعروستك والف مبروك |
اقتباس:
لا يكون أنتي زوجته الأولى ؟!! وسلامتك من الهبل والعباطة . |
الله يهنيكم ولا يحرمكم من بعضكم واهم شي انكم تكونون سعيدين مع بعضكم
وماعليك من كلام الناس واولهم انا رغم انه اسمح لي وهو رأي الشخصي معليش يعني مشيها لي اعتبرها حركات هبال لاني كنت بفترة اسويها اخذ اجازة من عملي لاقابل زوجي اهرب من شغلي واتحجج واخذ اجازة اضطرارية اطالع فيه وانا مغرمة اصر يشرب الماء ويضعه بريقي من زود العشق والهيام ومواقف اخرى وعلى قولك مو كل شي ينقال بعد كم سنة اكتشفت اني هبلة وعبيطة وبريالة واش هالهبل الا حتى اقدامه اقبلهم لاحظ اني المراة والمجنمع عادة يحث على عبودية الرجل للمراة اسمح لي برضه ولا تحسيها لاجل غيرة وتحملني وان كنت غثيثة رغم انه مو من طبعي لكن لان كثيرات قالوا ياليت انا اقولها لا مو ياليت مو شرط زوجي يعمل لي كل هالاشياء لاعلم انه يموت بي وبصراحة لو يعملهم لي مابحبه العكس بيكسر خاطري وبجامله شفقة وبقول اش هالخبال يرسل لي لمذيع انه يحبني يعني مايعرف يقولها لي بيني وبينه وشوله الفضايح وبعدين انا مااحب زوجي يجي ويفخفخ باللي يعمله لي الامر خاص بين الزوجين حتى لو كان يحبني ويعشقني ومتيم بي لكن ايضا حب الرجل للمراة وعشقه لها يعبر عنه باسليب مختلفة مو شرط تصل للدجة اللي وصفتها الله يهنيك بزوجتك والحمدلله انها سعيدة بك وماشاء الله والله اكبر عيني عليك باردة لاجل لا تقول نظلتك او طقيتك عين تراني بس اعبر عن وجهة نظري اني كامراة ماتغرني هالحركات وفيه حركان من الرجل لزوجته معبرة عن الحب اكثر من مواقف اسمح لي فيها اعتبرها طائشة بزيادة ومافيها رزانة للرجل والرجل تكانة وحلاوته برزته وثقله وهذه وجهة نظري الخاصة بالرجل سواء زوجي او ولد الجيران اني احب بالرجل ثقله ورزانته وانه يقدرني كجوهرة ويخاف علي ولا يتكلم عني امام الاخرين بما يعمله معي وعساك مازعلت مني واختلاف الراي لا يفسد لشي قضية |
اقتباس:
يا خواطر هذا في نظرك مو رزين ولا ثقيل وطايش؟ الله يهديكي بس.. |
لا يااختي مشكلتي اصدق
العكس المواقف هذه بين الزوج وزوجته مافيها شي بينهم لبعضهم لكن ماتكون لتنقال بين الناس وانا عبرت عن وجهة نظري الشخصية وماالزم احد فيها اشوف مثلا بشريط الاهدائات بالتلفزيون الزوج فلان يهدي زوجته فلانة مشاعر الحب ويموت فيها ومن هالكلام مافيه داعي للاستعراض يحبها بينه وبينها مافيه داعي عبر شاشات التلفزيون خصوصا بحركة الوشم والوشم اولا حرام يجي يصير بالحنة معليش هالحركة بالذات ماعجبتني زوج يحب يد زوجته يحب اقدامها يحب اشياء اخرى هالشي شخصي للغاية والله يهنيكم ببعضكم ومافيها شي وهذه بالذات مااعيبها فيكم واقول لكم اهم شي سعادتكم لكن طرق تعبير الزوج عن حبه لزوجته برئيي الشخصي اهمها احترامها واحترام رئيها لكن بنفس الوقت مايكون ضعيف شخصية وماله راي والشور شورها والامر امرها بسلبية يعني يكون وسطي لا تطرف بان يتجاهل رئيها ولا ان يكون تابع بلا هوية ان يحترم اسرتها ومني عز عليها ان يحترم رباط الزوجية ان يراعي الله فيها كمشاعر وحسن عشرة ومودة ان يلاطفها لكن ايضا بحدود يعني زوجي مثلا لو عمل لي موقف معين مثلا قبل اقدامي هل بكون سعيدة حاقول بوقتها نعم ويمكن ايضا بوقت خاص لما يتلحس العقل وبسكرة المتعة لكن بالاوقات العادية مااحبها لكل مقام مقال وفيه اشياء من الرجل جميلة بدون التعبير الزائد الذي اراه مخيف خصوصا لو زوجة عودتها على شي وبعدها تغيرت او زوجة عودت زوجها على شي وبعدها تغيرت الاعتدال بكل شي مطلوب والله يتمم عليكم وعساك مازعلت مني وكنت جاية احذف ردي لكن مشكلتي اصدق اقتبسته كامل والا قلت اذا بيضايقك ماله داعي ومثل ماقلت لك هذا رئيي الشخصي وانت غير ملزم به اهم شي زوجتك |
يا هلا ..
كلامك اختي خواطر عين العقل .. ترى الميانه الزايده بين الزوجين مو زينه .. لازم في حدود و ضوابط حتي يدوم الود والاحترام بين الطرفين .. اذا سقطت الميانه بين الزوجين تكثر الزلات .. أميرات .. |
اقتباس:
اولا ..مجنون ليلى ليس بالمثال اللي اقارن نفسي به لأني غلبته اصلا هو مسكين كان يناظرها من بعيد لكن انا لا ولله الحمد والمننننه الله رزقني بها ثانيا..انا اول ما شدني فيها صراحه تعاملها ومع الوقت جمالها..ما اقول الا الحمد لله كل مافيها يكمل بعضه ماشاء الله شاكر لك مرورك |
اقتباس:
سلمنك يمناك وان انت عسراوية سلمت يسراك هذا بالضبط مااعنيه وكلامي من تجارب ومن خبرات من حياتي ومن حياة الاخرين تطييح الميانة بين الزوجين هي اللي تقضي على الحب العشق جميل واسال مجرب لكن شالفايدةلما تروح السكرة وتجي الفكرة وتتحسر على ايام مضت العشق مايستمر لكن الاحترام هو اللي يبقى بين الزوجين مافيها شي التعبير عن الحب بلمسة بلفتة بكلمة طيبة بهدية بتذكر مايفرح الزوجة بحركات تفاجئها لكن ايضا بدون ماتشيل الميانة بين الزوجين بدون مايصير واحد منهم مندفع تجاه الاخر بسئلك اخي هل زوجتك تعمل لك او تبادلك نفس جنون العشق اذا نعم فعيشوا فيه حتى الثمالة مثل مايقولون لكن اذا من طرف واحد اقول لك اخوي قف لنفسك واعتدل وتوزان |
اقتباس:
الله يهديك ياخي يعني انا لو اعاملها زي ما اعامل هذي ...كنت بأطالع غيرها واتزوج عليها؟ انا لو بأتعامل معها كذا معناتها ما فيه خلل في علاقتي معها..اجل ليش ادور الثانيه؟ صح والا لا؟ الاولى لا تزال على ذمتي وماني مستغني عنها.. اجابتي جت على قد تساؤلك |
اقتباس:
الله يسامحك سامحيني لكن تفكيرك محدود هذا انتم يالحريم ما تنتبهون لأزواجكم لحد ما يطير من ايديكم..ويتزوج الثانيه ..وهي تتعلم من اخطاء الاولى وتتلافاها مع زوجها..وتنذر نفسها لسعادته...فلما يحبها ويتجنن عليها تقولون اصلا الرجل ما يحب الا الثانيه انا اقووووووووووول الرجل يحب اللي تحبه وتحسسه بقيمته وتهتم فيه وتخليه اولويه في حياتها..سوي كذا واحسن من كذا وانا اضمن لك انه ما يطالع غيرك |
اقتباس:
والله اذا هي اللي حدته يطالع غيرها...ما بيكون فيه هذاك التعلق اللي انتي متخيلته اذا انتي مطلقه ...لا تقعدين تشغلين بالك باللي تركك...لو ييبك ما خلاك |
اخت اميرات
هذا رأيك الشخصي ..احترمه اخت خواطر امرأه سامحيني ولكن قرأت مشكلتك اول مره اللي فهمته يتناقض مع كلامك هنا هناك تبين زوجك دون جوان عصره وتبينه يرجع يتذكر ايام اول ومستغربه انتي كيف تغير وبشهادتك انتي وبكلامك انكم كنتم تسوون مثلي مع زوجتي..وكان بينكم عشق وهيام ماني مطول السالفه لكن انتي حره في رأيك لو نشيل من بالنا شغلة النظره الدونيه واني ما انزل مستواي واني اترفع بنفسي ومن هالكلام البايخ لو نحط في بالنا شغلة الذوباااااااااااااااان في النصف الاخر والله بتكون الدنيا بخير زوجتي نعم تبادلني نفس المشاعر ..وهي ما تتكلم بس وتهذر..هي تطبق اللي تقوله يعني قول وفعل..وهي سبق لها الزواج ..ومقدره ايش يعني زواج وعشره..مو مطفوقه مهبوله عايشه احلام ورديه وبس.. انا ريحتني الردود في اولها لكن نغصت علي في التالي الله يسامحكم ولكن هذا بسبب القسوه اللي نعيشها واحنا اخترناها لأنفسنا والله شاكر لكم مروركم وان كان فيه شيئ من الالم...والقسوه |
اتمنى اغلاق الموضوع الردود كانت في صفي ...الى ان عرفتم انها الثانيه و انا عرفت اني طبيعي ..وحبيبة قلبي تستاااااااااااااااهل..وماني مقصر معها ابد دعوه لكل النساء ان ينتبهون لأزواجهم قبل لا تلحس الثانيه مخه وتقولون اصلا ما يحب الا هي شوفي اخطائك وتلافيها وشوفي وش يبي وسوي له وملي عينه قبل لا تجي ثانيه وتمليها له انتي انثى وهي انثى..وش فيها زود عنك؟ هي بس شغلت عقلها وقلبها وشالت من بالها شغلة الدونيه ونذرت نفسها ان تسعد زوجها ودعوه لكل زوج... قد ما تعطي زوجتك هي تعطيك بس اذا مافاد معها ترى الشرع محلل اربع اهم شي انت لا تكون الغلطان وبس حاسس ان الموضوع بدأ يتخذ منحى اخر بعيد كل البعد عن ما طلبته اتمنى اغلاقه وبسرعه شاكر لكم تفاعلكم |
هلا فيك اخى بين اخواتك واخواتك فى منتدنا
اقول ما اجمل ان نسمع عن ازواج تغمرهم السعادة ويعشيون فى حب وتفاهم لسه الدنيا بخير والله سئمنا من كثرة المشاكل بين الازواج انه حقا عالم مجنون اخى ربى يديم عليكم سعادتكم ويحفظكم من كل شر وحسد تقبل مداخلتى اخوك حالة خاصة |
نسيت اشكر الكل
كلاً باسمه على ردودكم اللي تهبل وتجنن الغالبيه حسستني اني طبيعي وفعلا لازم انتبه من العين اسم الله علي وعليها اشكركم جميعا |
اقتباس:
معك حق بالنسبة لمشكلتي وكلامي لكن اقولها لك مارديت عليك الا من تجربتي لانك لما تنفع بالعشق والغرام والهيام وانا بيوم من الايام كنت مثلك وكنت بنفس نظرتك لزوجتك الله يحفظها ويحليها لك وعشت العشق واعرف اش طعمه وشكرة العشق لهذا ماقدرت اتوازن لما راحت كل هالمظاهر واراحت السكرة لدرجة اني صرت اطلب الطلاق ولهذا الكثير يستنكر طلبي لانه مايعرف يعني ايش تعيش بحال انك من الحب ريحة عرق حبيبك تمثل لك اغراء ولما تكره تصير حتى رائحة عطره مقززة ومااتمنى لك هذا الحال مااتمنى لك تصير مثل وضعي وتظل دايما في حمى البحث عن العشق اللي راح وهذا حال العشاق ان الحب تخف جذوته مع الايام والمهم هو الحب اللي يستمر الحب اللي فيه احترام وتقدير ومن نظرة تعرف مشاعر حبيبك بدون مايتكلم من انفاسه تعرف مشاعره اتمنى تكون استوعبت مقصدي وحتى بدنجوانية زوجي ماكان زوجي بعمره يصفصف لي كلام وكنت احبه لهذا احبه لحبه العفيف وللمساته الحنونة ولحبه لقربي ولانه كان يهديني وهو ماعنده باللي موجود عنده وكنت احبه واعشقه بدون هذه الحركات اللي تقول عنها ومااعتقد انه لو عملها بيزيد حبي له او بينقص لكن يمكن كنت بتعب اكثر من تعبي حاليا انه كان بحال وراح وتغير وهالشي يتعب المراة ويجرح انوثتها خصوصا لما قلت انه جزء منه لجمالها يعني احساس المراة بالخوف الدائم ان لو جمالها تاثر حتروح عليها |
لكن يااخي جملتك الاخيرة بانها لزوجة مجربة سابقا يعني ليست مندفعة بعواطفها لانك اي رجل والسلام لكن لانه انت ريحتني كثير وكنت بهذه اللحظات وانا اسمع الاذان ادعي لكما بان يتمم عليكما الله من نعمته وان يؤلف بين قلوبكما ويبعد عنكما عين الحاسدين
وعساه محبة ماتنتهي وعشق دائم واتمنى خوفا عليكما ان يغلق الموضوع حماية لكما من العين لان العين حق ولا تخاف مني او من عيني لاني حتى بالامور اللي ماتعجبني ومثل ماقلت لك هذا رئيي الشخصي وماالزم احد فيه كنت اقرا عليكم المعوذات واقول ماشاء الله والله اكبر وعسى فرحتهما دايمة الله لا ينغص عليهما ان كان لهما خير منه واتمنى ان تفهم من كلامي وجهة نظري اني لا انتقص ابدا منك ولا من زوجتك حبيبتك بقدر مااني اخاف عليكم من تجربة مريت فيها لما خف بريق الحب وظليت بحمى البحث عن بوادر العشق وكنت معجبة بها ومازلت اتذكرها وزين انها مو مثل الاندفاع اللي عندكم لان لو زوجي كان هكذا وكنت سعيدة بالوضع وخف كنت بموت من الاكتئاب وليس فقط باطلب الطلاق وان غيرت بالي عنه تمنياتي الخالصة لكما بالتوفيق وربي كنت ماابي اضايقك وكنت بحذف ردي وان هو ضايقك ياليت من الاشراف متفضلين يحذفوه ويحذفوا اقتباس اختي مشكلتي اصدق لان مو قصدي ابدا اضايقك لكن فقط وجهة نظر شخصية بحتة اني مااحب الاندفاع بالمشاعر لا من الزوجة ولا من الزوج خصوصا لو مضت السنوات وطبيعي بتخف جذوة العشق وهذه تجربتي وكل انسان بيتكلم من خلال تجربته وواقعه ماتشوف مشاكلنا كزوجات معظمها من جفاف عاطفي انا اقولك لك وبصراحة حياتي اهون من كثيرات لهذا قليل من يتعاطف معي بالانفصال لما طلبت لانه ماعرف يعني ايش تكون بحال وتعيش نقيضه وان الوضع غير محتمل ان انسان كانت ريحة عرقه تثيرك ويصير لو متعطر ومتزين تتقزز منه الشعور هذا شهور مزعج لمن جربه ولمن عاش التطرف بالمشاعر بين حب وعشق الى كره وبغض وان حياتي مع جفاف وان كان اقل من جفاف الكثير فعليا الا انه يعتبر جفاف كبير بالنسبة لزوجين كانا بيوم من الايام عاشقان والسموحة |
اختي الكريمه خواطر امرأه
جزاك الله خير لرحابة صدرك وتقبلك لنقدي صدقيني ياخيتي ممكن الزوجين يحبون بهالطريقه ولا يفقد الاحترام ابدا انا مجرب قبلها الزواج وهي مجربه كمان والله صدفنا على بعض ولو بأكتب القصه اللي صارت بيني وبينها والله محد يصدقها بتفكروني ابالغ او افبرك قصص وهي عموما غير قابله للطرح ابدا لأن احتمالية حصولها اكاد اجزم انها لا تتعدى الواحد في الميه والحمد لله طلعت انا هذا الواحد وشوفي في اول صفحه انا سبق وكتبت انها منطقيه..انا اعرف وهي كمان انه مصيرنا يجي يوم وتخف فيه هالحركات لكن هل ينعدم الحب؟لا هل بيجي يوم واتذكر فيه هالأشياء واستحي او اتندم او اقول مهبول مطفوق اني سويتها؟ لا بالعكس كل فتره والثانيه رح نجدد ونكسر الروتين ..وهي بالتأكيد مبتقصر معاي اشكر لك توااصلك ومشاركتك في الموضوع نورتيه |
حقك وماجاك !!
محد قالك تقول إنها الثانية !!! |
seher algharamمن فضلك اصبر لا تروح ليلحين ابي استفيد عندي موضوع ودي اسألك فيه
|
اقتباس:
لا مشكله انا ماجيت افبرك قصص وبما ان السؤال انسأل انا جاوبت مع ان الحب ما يفرق بين الاولى او الثانيه الاولى لو اجتهدت كانت مكانها لكنها ما اجتهدت رحت دورت للثانيه انا موذنبي ان هالحب للثانيه انا لما جيت كتبت الموضوع ما جيت الا مستغرب من كيفية هالحب نفسه ومن الانسانه نفسها ما جيت اقول هل لأنها الثانيه انا احبها والا اذا اخذت الثالثه كيف بتكون والا الرابعه كيف بيكون حبها اتمنى تكون وصلت المعلومه ارجع واقول الحب ليس حصريا للثانيه دون الاولى الحب حصريا لمن تستحق |
آمري يا اختي ريشة فنان
انا في الخدمه |
اقتباس:
ما أقول ،، .. أنت نموذج جيد للثانية .. أنت لم تشتم الأولى خلافاً كان حله الثانية التي أكرمتها وبالمقابل لم تسيء هي للأولى ولاتزال على ذمتك ... وفقك الله وأسعدك وهذه السطور لن تلغي أنني أيضاً أرى أسعد صديقاتي هن ال2 ليس التعدد مقياساً للشقاء .. وبالعكس أنا أدعمك لتكون محباً للأثنتين صدقني هي تستحق ولربما عوضها الله فيك بخير عن جرح مضى . لكن ليس بالضرورة التعدد للإساءة للأولى . . نصيب الثانية معك بل أضن أنها لو كانت مع شاب لن يحبها كما أحبتها أنت .. وفقك الله ،، ولها هي زادها بك سعادة ،، |
ماشاء الله الله يبارك لكم ويزيدكم كمان وكمان ولا يغير عليكم ويبعد عنكم كل حاسد ويرزق كل بنت وشاب بزوجة وزوج مثلكم ويصلح شان اخواننا واخواتنا المتزوجين وعل موضوعك يعطيهم حافز للصلح والبعد عن النكد
والله يديمها عليكم نعمة |
ماقلت لك لاتجاوب ولافبرك القصة ..
لكن بما إنك جاوبت تحمل نتيجة جوابك ... طبيعي جدا يكون هذا موقف "الحريم" إلا مارحم ربي ... خاصة الزوجات الأولات واللي أزواجهم تعاملهم سيء ويفكرون بالتعدد .... أنصحك تراجع عن طلب اغلاق الموضوع .. خل الصورة مشرقة ... ولاتستغرب ردود الأفعال تجاه إنها الثانية ... لو تتغير معتقدات وأفكار العالم كلها ماتتغير هالفكرة عند الغالبية العظمى من نساءنا .. |
| الساعة الآن 03:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©